Saturday 21 November 2009

استعنا ع الشقا بالله: هو مين علاء مبارك ده؟

تحديث:
اهو، سبحان الله، اهي مواطنة لا اعرفها ولا تعرفني، بتقول ان الاعلام شحنها، ومكالمة علاء مبارك بكيتها، وبعدين ابتدت تفوق وبتراجع نفسها، ومش لازم تتفق او تختلف معايا، ومش لازم تقرر دلوقت هي ح تستقر على ايه، هي واحدة شجاعة بما يكفي انها تعترف انه تم اللعب بمشاعرها والضغط على اعصابها ووضعها، عن عمد، في حالة ماهياش حالتها الطبيعية
عشان تعرفوا بس اننا مساكين وما احناش ناس شريرة بالطبيعة والسليقة والمشكلة بينا وبين اي حد، خصوصا الجزائر، خصوصا الجزائر، خصوصا الجزائر، مش بالعمق اللي الاعلام بيحاول يصوره والكلام من قبيل "لااااا ده فيه حاجة دفينة، حاجة عميقة، حاجة ابعد من الماتش، حاجة ابعد من الاعلام، حاجة ابعد من هنا لفيصل" ده غسيل مخ، بينيمونا تنويم تغطاطيسي وبيحشروا في دماغنا تحليلات ماهياش تحليلات، ده كلام بيقنعونا بيه زي زوزو نبيل لما كانت بتقول لشادية: نافع هو اللي بيحبك، نافع هو خطيبك، كل الناس عدوينك، كل الناس بيكرهوكي، مالكيش الا نافع، نافع، ناااااااافع...نامي، ناااااااااااااامييييييييي.
لو هي انسانة شريرة او عنصرية او حتى جبانة ما كانتش قالت الكلام ده، وكذلك يا ناس، الولد ده برضه راجع نفسه
بعد ما عمل الفيديو ده، رجع تاني وعمل الفيديو ده وشوفوا التاريخ بتاع الفيديو الاولاني والفيديو التاني، ايه مصلحة ابراهيم حجازي انه ينزل الفيديو الاولاني اللي كان تحت الضغط العصبي ولما الولد هدي وفاق وعمل فيديو تاني يقول يا ناس العنوا الشيطان ما ينزلوش
مش بس ما نزلوش، اهو الواد بعد ما كان هدي، رجع اتجنن تاني لما سمع بودنه ان النقابات الفنية المصرية قاطعت بلده
طب حطوا نفسكوا مكانه، تخيل السعودية، تقاطعنا من غير اي سبب عشان ماتش وتشن علينا حملة اعلامية.
زي ما
hannoda
اتشحنت وراجعت نفسها هو كمان اتشحن وراجع نفسه ورجع اتشحن تاني بعد ما لقى نفسه طالع على التليفزيونات المصرية بيتقال عليه شمام وبلطجي وهمجي...إلخ، حط نفسك مكانه، حط نفسك مكانه. نعذر نفسنا ونعذر الناس، عشان ربنا يعذرنا كلنا ويرحمنا. الشخص اللي عنده رحمة، يرحم نفسه ويرحم الناس، لكن اللي يجيب كل الحق لنفسه وكل الغلط على الطرف التاني يبقى مريض بالشفقة على النفس، دي مش رحمة دي، ده عيا.
الانسان انسان، لما بيتحط تحت ضغط معين بيعمل ردود افعال متوقعة
يا عالم فوقوا... فووووووووقووووووووووووووااااااااااااااااااااااااااااا... احنا مش ماريونيت عشان يجيبونا يمين ويجيبونا شمال ويطلعونا الهوءا وينزلونا النوءا
العقلاء عمالين يقولوا لكوا دعوها انها منتنة دعوها انها منتنة، وفيه بعض الناس عاجبها النتانة وعمالة تشم فيها
انا باحيي هنودة على شجاعتها، وناس تانية كانت برضه منفعلة من الجانبين المصري والجزائري وراجعوا نفسهم... بينما رجالة كتير وبشنبات وما جاتلهمش الشجاعة والرجولة انهم يقولوا انضحك علينا وانفعلنا وبنراجع نفسنا مع ان احساسهم انهم غلطوا باين عليهم جدا، وباين انهم بيكابروا
الله يهدي الجميع ويكفيهم شر الكبر والمكابرة، وينتقم من اللي عمل في الناس كده واللي وراه اجندة، واللي مصمم يفضل سادر في غيه رغم تبين كل حاجة قدام عينه.
البني ادم اللي بيراجع نفسه احسن من كل الناس، احسن من الفراعنة والامازيغ والفرنجة والاسكندنافيين... وكسة
-------------


استغفر الله العظيم يارب، انا كنت قايلة ح احط جزمة في بقي واسكت والشعب والحكومة سمنة على عسل (ودي حقيقة والله فعلا) وكل شله يشبهله وقال يا داخل بين البصلة وقشرتها ما ينوبك الا التعليقات النيلة في مدونتها، بس مش قادرة، مش قادرة، هو ايه صفة علاء مبارك؟ بيشتغل ايه؟ اقصد بياكل عيشه منين يعني؟ بيقبض مرتبه من مين؟ وبياكل مراته وابنه وفاتح بيته منين؟
هو مين علاء مبارك عشان يطلع بكلام اهوج شعبوي ارعن يفاقم لنا ازمة مع بلد من قبل ما هو يتولد بقرون طويلة واحنا وهم واحد وح نفضل واحد من بعد ما هو يموت ولحد يوم القيامة؟ هو مين عشان يطلع يتكلم على شعب ويقول ح اديله على دماغه؟ هو مين عشان ينفي العروبة عن الشعب الجزائري ويقول بس يكلمونا عربي الاول؟ هو مين عشان يقول العروبة انتهت؟ صفته ايه عشان يقول الجزائريين ما يجوش مصر والمصريين ما يروحوش الجزائر؟ مين هو عشان يدي فرمان زي ده؟ وبيشتغل ايه عشان يهيج الناس ويحرضهم على التظاهر ولا وكمان بيديهم تعليمات يعملوا ايه في المظاهرة؟ هو مين عشان يعمل لنا مشكلة مع دولة حيوية، طول عمرها حيوية بالنسبة لنا وح تفضل حيوية، واحنا حيويين بالنسبة لها وما يستغنوش عننا

ولو مش حيوية، انشالله يارب يكون بيتكلم عن اسرائيل حتى.... هو مين عشان يدخل براسه ويتسبب في تفاقم ازمة دبلوماسية بينا وبين اي دولة؟ المظاهرات اللي حصلت حوالين السفارة ما انفجرتش غير بعد مكالمة علاء مبارك وبتحريض منه شخصيا على الهوا

هو مين؟ شغلته ايه؟ صفته ايه؟ كل ده عشان بينتقم لنجيب ساويرس؟ وطالع يشتم الجنرالات بقى عشان اللي عايز يخطف منه ومن ساويرس السبوبة جنرال في الجيش الجزائري، وقال ايه بيشتم الجنرالات القمعيين... صحيح اللي اختشوا ماتوا
هو مين؟
واحد بيتكلم زي سواقين التاكسي وبيهيج المشاعر وبيعمل ازمة تاريخية، هو ح يموت وح تفضل اثار الازمة دي اللي اتعملت من تحت راس البزنس موجودة.
يدي مين على دماغه؟ هو ده يدي مين على دماغه؟ يدي الجزائريين على دماغهم؟ بصفته ايه؟ ازاي يتجرأ يتكلم على الشعب الجزائري كده؟ كل ده عشان ايه؟ عشان شحنوا الناس في الماتش بزيادة وورطوهم في شتايم وقلة ادب وضرب من تحت الحزام عشان الخلافات الاقتصادية اللي بينهم؟ ولما اتغلبنا ما بقوش عارفين يعملوا في الحالة دي ايه؟ راحوا جايبين لنا كام ممثل وممثلة يعيطوا؟
قال ايه؟ عشرتلاف بلطجي بالسنج والمطاوي والجنازير جايين على حساب الجيش الجزائري، عملوا ايه العشرتلاف دول، اللي معاهم عشرتلاف سكينة، وعشرتلاف سنجة، وعشرتلاف سيف؟
اصابوا 20 اصابات خفيفة ومتوسطة، ودخلوا الازاز في قميص محمد فؤاد وواحد فيهم قلع البنطلون قدام فردوس عبد الحميد، وخضوهم، جايين يعيطوا، عشان اتخضوا. ايه البلطجية السيس دول؟ صرفوا كل الفلوس دي على السنج والمطاوي عشان يدخلوا الازاز في قميص محمد فؤاد ويقلعوا البنطلون؟ وكل واحد فيهم بيتكلم زي القرد ويعيط، فين التعويرة؟
حد حضر خناقة سنج ومطاوي من بعيد؟ لو اتنين بيتخانقوا بالسنج والمطاوي لازم تبعد على الاقل ستة متر والجتت بتقع من حواليهم زي ابراهيم الابيض كده، يا سلام بقى لو تشوفها على الحقيقة، كان زمانك بالل بنطلونك يا محمد يا فؤاد

والشحن الاعلامي لاغي عقول الناس تماما، ماحدش بيحاول يحسبها بالمنطق ابدا، وعيشوا الناس ليلة طويلة من المتصلين اللي بيصرخوا، والناس مغلوبة، ومشحونة، ومحرجة انها اتغلبت بعد ما اتورطت في الشتايم، ودول عمالين يصرخوا لهم في التليفون. بالظبط زي اللي حصل مع الجزائريين في الماتش الاولاني، برضه شحن شحن شحن، وجابوا لهم ناس تصوت، بس كانوا اهبل شوية، جابوا صور مضروبة لناس ماتت، وده خلاهم بقى مش عارفين يسيطروا دلوقت، الاعلام المصري تعمد انه ما ينشرش اشاعة ان فيه واحد مات عشان عارف ان خبر واحد مات ح يخلي الناس "المغلوبة" يصعب السيطرة عليها
بس ربنا موجود، وقادر ربنا يسلط العفريت على اللي حضره



حسبي الله ونعم الوكيل
شوفوا بقى، بحق الايام المفترجة دي، بحق الايام المفترجة دي يارب، بحق الشهر الحرام اللي اشعلوا فيه الفتنة من غير اي اعتبار لحرمة الشهر ولا الناس الغلابة اللي ح يدخل عليهم العيد متنكدين

الله ينتقم من كل انسان كللللللللللللللل انسان، خطط ودبر للفتنة دي، او اشار بيها، او ساعد عليها، او شارك فيها، او حرض عليها، او كان له اي مشاركة فيها بالكلمة او الفعل او التخطيط سواء مصريين وجزائريين او جنسيات اخرى
كل واحد قطع الارحام بين المصريين والجزائريين وقسى قلوبهم على بعض، ونطقهم بكلام عنصري ووقود للفتنة، كل انسان له منبر، ايا كان المنبر ده ولو كان مكالمة تليفون على تلفزيون وللا راديو وللا تويتاية، وساهم في القطيعة بين الاخوات، وجرح في شعب بحاله ومؤامرة الفتنة واضحة قدام عينيه ما تغيبش غير عن اللي عايزها تغيب

حسبي الله ونعم الوكيل فيهم واحد واحد
حسبي الله ونعم الوكيل في كل من ساهم في التراشق بالالفاظ العنصرية واللي تثير النعرات وتألب الناس على بعض، كل من قال كلمة فيها اهانة لاي من الشعبين، او لشعب تالت مالوش ذنب، او للعرب، اهل الرسول، او اللي اتمسكنوا بالتمثيل عشان يجننوا الناس، او اللي بيقولوا يهود علينا وللا اللي بيقولوا همج وبربر ومجرمين عليهم، كل من اثار الشوفونية والعصبية وخلطها بالوطنية وبدعوى الكرامة الزائفة، كل من ساهم في تشويه الولاء الوطني وتوصيفه على انه ضد العروبة وللا عشان تبقى وطني لازم تشتم شعب تاني عشان ماتش كورة، وعشان انت مغلوب في الماتش مش عشان حاجة تانية، لا في الماتش الاول الجزائر غاظهم حاجة غير انهم اتغلبوا ولا في الماتش التاني المصريين غاظهم حاجة غير انهم اتغلبوا

(مافيش انسان عنده كرامة يهين كرامة شعب بحاله)

حسبي الله ونعم الوكيل في كل من لعب على مشاعر الناس والامهم واهاج جواهم مشاعر ثأرية
سواء بقى سياسي، او رجل اعمال، او واحد مش عارفين له شغلانة (والله عايزة اعرف بيشتغل ايه علاء ده) او اعلامي، او صحفي، وللا فنان، وللا مخرج، وللا مطرب، او مدون، او حتى متوت، او رياضي، كل اللي هول وكل اللي كدب، كل اللي شعلل وكل اللي اثار، كل اللي ابتز مشاعر الناس عشان يجرهم للفتنة وكل اللي زايد على اي انسان واتهمه في وطنيته عشان يدفعه دفعا انه يشترك في الفتنة دي وانا شفت ناس بتنجر لاهانة شعب وشتيمته لان تم ابتزازها من اخرين باسم الوطنية، وغالبا مدودين وعلى التويتر، حسبي الله ونعم الوكيل في كل اللي عمل او بيحاول يعمل كده في الناس، وكل اللي بيساند كل الافعال السابق ذكرها، باي طريقة، وكل اللي راضي عنها، وكل اللي ساكت عليها.
الناس كانت بتبعت رسائل للبيت بيتك (مصريين مقيمين في الجزائر) بتقول لهم كل كلمة بتقولوها بتتقلب علينا احنا هنا
حسبي الله ونعم الوكيل فيهم
الله ينتقم منهم واحد واحد، الله يجعلهم عبرة خلقه، الله ينكل بيهم ويشعل عليهم الارض زي ما اشعلوا الفتنة بين الناس، الله يلعنهم، الله يلعنهم، الله يلعنهم في الدنيا وفي الآخرة، حسبي الله ونعم الوكيل فيهم، ربنا يفرجنا عليهم عن قريب ان شاء الله
اللهم يارب لا ينولهم اهدافهم المعلنة ولا الخفية، اللهم يقلب عليهم افعالهم واقوالهم واي مشاركة ليهم في الفتنة ويجعلها ضدهم وعلى دماغهم ويبقوا اول من يحترقوا بالنار اللي ولعوها، هم واي حد يشارك معاهم. اللهم آمين، يارب ما يعدي عليهم العيد بخير، بحق الايام المفترجة دي يورينا فيهم عقابه وانتقامه ويبرد نارنا ويذلهم واحد واحد ويجعلهم آية وحكاية تتحاكى بيها الناس
عمري في حياتي ما دعيت على حد بالحرقة دي والغل ده، وعمري ما قلت الله يلعن حد، بس اذا الواحد مش ح يلعن اصحاب الفتن والسائرين في ركابها زي ما الرسول لعنهم امال يلعن مين؟ من قلبي والله العظيم، ياقادر يا كريم يا عظيم يا واحد بحق صيام الناس وبحق حج الحجاج وبحق دعاء الصالحين تبرد ناري وترد نار الفتنة في نحر اللي اشعلها واللي بيزكيها واللي بيساهم فيها، واحد واحد يارب وتفرجنا عليهم.

حسبي الله ونعم الوكيل فيهم كلهم
والله غالب على أمره
الله اكبر.. الله اكبر عليكوا واحد واحد، انتوا ايه؟ ناسيين ربنا؟ الواحد يكلم فيكوا، بالراحة مرة وبالتهزيء مرة، بالجد مرة وبالضحك مرة عشان ترتجعوا مافيش فايدة، شايفين عملتوا ايه؟ شايفين عملتوا ايه؟ ده ح يتصلح ازاي ده؟ الخراب ده ح يتصلح ازاي؟ مش مديين للناس فرصة تهدا، وقال بيقاطعوا الجزائر، بيقاطعوا الجزائر؟ الجزائر؟ انا باكتب الجزائر قلبي بيتخلع، دي الجزائر

الله يورينا انتقامه منكوا ولا يعدي عليكوا العيد بخير ابدا قادر ربنا يجعلكوا أحاديث

قادر الكريم


83 comments:

Unknown said...

let me just enlight you with a fact if you don't know it already,you are the most irritating person i have ever known in my entire life..don't waste our time and go look for something to fill up the void in your life and my advice start with serching for a father figure maybe it would correct your complicated life...and by th way do you have any relatives in algeria since your father was a great womanizer...post if you dare or don't your are so pittiful

هتشوفوا said...

ياريت تبقي تنامي بدري علطول, بتصحي فايقة وأفكارك مرتبة, البوست عجبني جدا, بعكس بعد الماتش لما كنتي مستغربة من فرحة الناس, الصورة وضحت وعرفنا نوجه نقدنا لمين, وبالطبع عجبني أسلوب الدعاء بالرغم من قوة الجهة الأخرى التي لا ينفع معها غير الرصاص, طول الأزمة واحنا برنغي وعايزين نفهم والحمد لله

ألِف said...

بيقول لك فيه 35 إصابة عند سفارة الجزائر في مظاهرات الاحتجاج على العشرين إصابة بتوع السودان :(

V.Hayat said...

انتى اكيد مش مصرية مش شرط انك بنت نجم انتى انسانة مريضة ولو عندك شجاعة
انشرى تعليقى

عبده البرماوي said...

استعنا ع الشقا بالله

اولا علاء كمشجع: راح وسط الفين وستميه من المشجعين بحسب احصاءات مطار الخرطوم اللى استقبلهم... صرح احمد عز انه قاد الفين من شباب الحزب فى رحلة مجانيه لتشجيع الفريق مولها رجال اعمال (ماقالش ساويرس والله عشان بس مخك ما يروحش بعيد) المهم باقى من الالفين وستميه كام.. ايوه ستميه.. اخصمى منهم اللى طلعوا على طيارتين بتوع ولاد الريس.. كانت واحده صغننه تشيلها بتاع ميه وخمسين راكب والتانيه بوينج حمولة حوالى ميتين وخمسين راكب اقصد فنان ومطرب واعلامى زميل... يبقى المهم فضل كام فى الحسبه... اه بتاع ميه.. اموت واعرفهم ولاد الكلب دول.. عشان دول اللى كانوا بيمثلوا مصر الحقيقية.. مش جمهور الحزب الوطنى اللى جرى هناك وكان بيترعش وعمال يتصل ويقول الحقونا هايـنـ... ونا.. كأنه فى تمرين الجرى نص الجدعنه ساعة الجد

ثانيا: علاء كمواطن شاب.. اه دى فارسانى.. وزادت من معدل التهييس اللى باعانى منه... مواطن بامارة ايه.. طب مانا مواطن ومحدش قابلنى فى التليفزيون ولا قاللى احرض على مظاهرة.. نفسى اما انى ابقى مواطن من صنف علاء مبارك او هو يبقى مواطن من صنفى.. ما هو ينزلى يا اطلعله... اما شاب دى فهو معذور.. لو قال انه كهل فى الخمسين من عمره.. بابا هيعجز.. وباب لسه كهل ما باقاش شيخ.. فاهمه حاجه يا طفله ياللى ماخطتيش الاربعين انتى

ثالثا: علاء باعتباره تامر امين.. قصدى علاء باعتباره مش عارف مين الاستاذ حمدى.. مين حمدى اللى كان بيتكلم معاهم ده.ز مره معرفهوش ومره قاله ياحمدى.. اوعى يكون خيرى... وبياخد ويدى مع تامر وبيأيده فى آاراءه الجوهرية من عينة ان الجزائريين عاوزين يلتحقوا بفرنسا تانى.. وانه مش هايقبل اعتذار الرئيس بوتفليقه.. وان المره الجايه هنظبطهم بقى.. وان وان... المهم متفق معاه ويشد على يديه فى حين مخنوق من اسئلة حمدى.. اقصد خيرى...

تاسعا: علاء بصفته ابن الريس.. لازم يعرف ان وضعه الفمروض عليه بيحتم عليه الا يورط الرئيس فى وجهات نظر ستعتبر حتما جزء من رؤية الدولة.. بيان الخارجيه وبيان الرئاسة المتوازنين نسبيا ماحدش اتكلم عنهم... اترموا فى الزباله لصالح مكالمتين تليفون مع الندور وتامر.. وحظوا بنقل اعلامى ادى لتحركات جماهيرية مرتبة.. وتهييج... اتعور فيهم ناس مصريين جوه مصر..

علاء باعتباره الدولة شئ مهم.. الراجل من كتر حبه فى الدوله تماهى معاها.. طبعا هو بيكره السياسة وبيحب الكرة.. .. فالدولة لانه مسيطر فيها وماسك حته كبيره هاتتكلم كورة.. وهو عمال بيقول احنا وبيتكلم بصيغة الجموع بيعمل حاجه بيعملها الزعما اسمها القفز فوق المؤسسات.. هو زعيم شعبوى شبه واحد من ولاد القذافي مش فاكر اسمه.. بيزنس مان وصاحب نوادى وكده... كل شويه يعمل فضيحه.. مبارك

علاء باعتباره باعتباره صاحب احمد عز.. مش جمال على فكره... حرك قطاع من الجماهير ضد مصالح الدولة ورؤاها للعاقاتها العربية.. ده خروج واضح حتى عن خط الرئيس مبارك.. مبارك صح مش مهتم بالعروبة والكلام ده.. بس عمره ما خرج علنا وقال الكلام ده.. المشكله فى التعبير مش فى التنفيذ.. مبارك بيدى العروبة بالجزمة.. بس اهو محافظ على شعرة معاوية.. بيكسب بيها ساعات.. لا ده اعمى وجرئ وقالك فكنا منها.. المصلحه واقفه.. الاخ علاء بيعلب بالنار.. يقول جمله تبدو رصينه ثم يتبعها بجمله ديماجوحية تذكرنا بافكار المرحوم اياه..

علاء بقى كرجل اعمال بيخاتل ويضلل الجماهير وبيمارس سياسات الهاء لصالح اخوه فى الداخل يمكن تيجى بفايده.. وان كان البعض لقى سبب لرفض جمال اضافى هو ان اخوه اوضح منه واجرأ وافكه... انظرى العلائيون... وطبعا ناحية الجزاير وغيرها بيمارس الضغط من اجل مصالحه.. انا قلت مصاحله.. لا مقولتش.. بيزنسه والحاجات الى بيديرها كبار رجال الاعمال لحسابه.. مجرد "شائعه" ليه شائعه.. لان ده محدش عنده دليل عليه... ولا هيبقى فيه دليل عليه.. دون ذلك جز الرقاب..

علاء باعتباره جنرال.. اولا فى حواره مع خالد الغندور عرف نوع الطياره وعرف من السلوك الظاهرى للجماهير المتجهه لهم ان لهم خلفية عسكرية.. ولقح على جنرالات الجزاير وعلاقتهم بالصحافه.. وكده.. وهو كجنرال بلا يونيفروم يعرف صراع الجنرالات فى بلادنا .. لعبه قديمة.. المهم فكرينى لما جنرالات ام درمان يتصالحوا ويقعدهم حد تالت من جنرالات العرب عشان سبوبة جديدة..




ى

Rateb said...

يعنى هى جت على علاء ما البلد كلها اتهبلت اشمعنه علاء اللى عاوزينه يبقى ناصح اذا كان ابوه اللى بيحكمنا من 30 سنه اهبل هو اللى هيطلع بنى ادم يعنى وبيفهم ده يبقى ابن حرام ساعتها
بس بجد يعنى العرب مابيعملوش وزن لبعض الجزائر عارفة اننا بنغلى لو فى اخوة ولا اشقاء كان الناس هناك اتكلمت مش اعتذروا بس يقولوا حاجة يكلمونا احنا من وسائل اعلامنا يتصلوا يتشتموا ويشتموا بس كده منظرها ضربناكم وولعوا فى نفسكوا بقى دول حتى مش فارق معاهم ان بيحصل تحريض بالكذب ضدهم واحنا كنا كده بردو بعد يوم الحد
الا بالمناسبه هى جامعة الدول مسمعنلهاش حس يعنى ههههههههههه جامعة الدول العربيه اهيف من ماتش كوره فعلا الجامعة بتعبر عن قيمة الدول المشاركة فيها

Unknown said...

أهدى يانواره
بالنسبه "للسيد" علاء مبارك
فبيشتغل أبن رئيس جمهوريه
مش عاجب حضرتك ؟!
بالنسبه لسؤالك اللى حصل هايتصلح أزاى ؟
ومين قالك أنه هايتصلح
للأسف
أتفرجى الأيام اللى جايه أيه اللى هايحصل فى السر قبل العلن
أحنا لسه فى البدايه

أمنيتى ودعائى دلوقتى
شوبير - مصطفى عبده - تامر - خيرى - خالد وباقى الشله
ربنا يبتيلهم بمرض محدش يعرفله علاج ويهتك ستره عليهم
وزيهم من الجزائريين بتوع الشروق والفجر وغيرهم

الواحد مابقاش لاقى حاجه يقولها
خلص الكلام
دلوقتى وقت الفرجه
وهانتفرج غصب عنا

walaaz said...

نوارة

انتى عندك اى دور انفلونزا اليومين دول ؟

اصل انا خلاص بدأت اشك ان فى حد زارع حشيش فى ليبيا والزرعة اتحرقت والدخان طار على مصر والجزائر وسبب كل الدماغ العالية اللى الناس هنا وهناك فيها
وانا مش عارفة اتسلطن معاهم عشان دور البرد اللى عندى دا معطل حاسة الشم

الواحد لازم يتعالج بقى عشان يعرف يهوى دماغه مع الفانتازيا اللى بتحصل دى

Unknown said...

يا ريت متزعليش من الكلام اللي هقوله
و يا ريت تنشريه

مش عارف ليه لو كانت الحكومة المصرية و الأعلام المصري تبنوا التهدأه و قالوا إن الجزائر شعب شقيق
كان هيبقى كلامك عكس الكلام ده تماما
كان كلامك هيبقى من نوعية حرام عليكم ولادنا في الجزائر و السودان , أين الخارجية ؟؟؟ من ينقذ أولادنا في السودان , و.... الخ

أنا كنت متخيل أن أنت ملكيش مبدأ معين تمشي عليه
و أعترف أنه كان تصور خاطيء مني

الحقيقة أنت لك مبدأ واحد و هو مبدأ خالف تعرف

أحــوال الهـوي said...

اقولك و ما تزعليش


علاء مبارك الرئيس القادم لمصر
لان جمال اتحرق و الشعب كارهه

علاء دلوقت بقي زي سواق التاكسي و بتكلم بلغة الراجل الغلبان علاء اتكلم زي اللي علي القهوة الناس صدقته و حبته

و لو سالتي نفسك سؤال

ليه الحكومة بعتت كل السيس بتوع مصر و هي عارفه ان فيه لبش هيحصل

يا حبيبتي الحركة باينه و الناس اللي هترشح علاء و تتحايل عليه يترشح رئيس جمهوريه مش هيتفرض علي حد

اسالي 10 من مختلف اللي حوليكي شوفت كلام علاء مبارك هتلاقيه فرحان


لانه قال كلام بيتقال في الشارع و مش محسوب ع الحكومه لكنه من مصدر قوة

بكرة تعرفي ان كلامي صح

تحياتي

Anonymous said...

ربنا يستر

الموضوع كل مدى بيولع .... بجد انا موش كنت متصوره اننا كرامتنا غاليه كده .... اصلي من ساعه ما اتولدت وشايفاها بتنداس بره وجوه

الا هون الطبيب المصري في السعوديه لسه بيتجلد

والمصريين في الجزاير لسه محبوسين ؟

سؤال بريء والله

تحياتي

Kontiki said...

صباح الخير
ازيك يا نوارة
الحقيقة عندك حق
حسبى الله و نعم الوكيل شعبنا شعب له لسان ممكن يتكلم و يزود على الحدث ويفترى و يظلم وله ودان يسمع ويتشحن من غير ما يشغل عقلة ولو لحظة ومن غير ما يفكر فى اولويات
الفتنة سهلة قوى فى الوطن العربى عشان الشعوب عقلها فى ودانها
بمناسبة ان مصر هى الاخت الكبرى دة تصرف اخت كبرى برضة ؟؟ الاخت الكبرى لازم يكون من اولوياتها الحفاظ على قيمة وعلى امتصاص اى فتنة مش شعللتها زيادة ! وكلة كوم تامر *** فى البيت بيتك اللى عاوز الرد العنيف على الجزائر عشان الكرامة المصرية ! كت عاوزة اكلمة ساعتها وهى فين الكرامة المصرية لما كل يوم والتانى فى عساكر وظباط بيموتوا على الحدود فى سينا
فين الكرامة المصرية لما بيتهان المواطن من موظف عرة فى مصلحة حكومية
فين الكرامة المصرية لما ملوك المال فى الخليج بيطلعوا *** المصريين اللى مشغالينهم
خلصت كل القضايا ومبقاش فاضل الا الجزائر
وبعدين بمناسبة ان اللى عمل كل دة ماتش كورة
البارجواى و الارجوارى مثلا فى ماتشاتهم بيحصل اكتر من كدة ولا بيبقى فيه تدمير لمنشأت ولا سفارات ولا تدخل سياسى يا دوب الشرطة بتتعامل مع الحدث من غير مزايدة و خلاص !
مش فاهمة انا حيفضلو ا يتعاملوا معانا على اننا شعوب غبية سهلة الانقياد لحد امتى
بس عارفة اى محرك لفتنة او مؤامرة لاى اهداف عندة حق الشعب مصرى بقت محركاتة الدين و الكورة
مفيش اسهل من كدة لا فقر ولا بطالة ولا اسعار ولا ركود سياسى يحركة
الدين والكورة بس تخيلى !!

Tota said...

ولما بتكتبى مصر يا استاذة نوارة بيحصلك ايه؟

شلاطة said...

http://www.youtube.com/watch?v=RwvZhr8Ll0w&feature=player_embedded#at=325

خدي الفيديو دا
ياضنايا
ننوس عين سته كان عارف ان في (لبش)
ومع ذلك راح
شفتي الراجل فشدائي قد ايه
بس للاسف عقله الصغنتوت مصورلوش انه هتحصل المشاكل الياياي اللي حصلت
وقال لدادي اننا رايحين المتش قاله خلي بالك من نفسك
وكان بابا (قصدي سيادة الرئيس) بيتصل بيهم اول باول)
ههههههههههههههههههه
وتلاقيه اول ما اتصل بيهم قالهم مش قلتلكوا ياولاد الكلب متروحوش المتش وانتوا ماسمعتوش الكلام

مين علاء مبارك دا
تبع مين
حاجه تعل وتشل وتقرف
كاتهم القرف مطرح ماهم قاعدين

ahmed said...

نتشتم ونسكت يعني؟ ما تنحرق الجزائر على اهلها في ساعه واحده .. شعب متخلف وحكومة زباله .. وقبل كلام العروبه ومين ابتدى الخ الجانبين غلطانين .. سواء اعلامهم السافل اللي شغال من 3 اشهر شتيمه وكركاتيرات او اعلامنا السلبي اللي فضل نايم في العسل 3 اشهر بحالهم لغاية الهزيمة ووقتها بس افتكر ياخد موقف .. العربجيه الزباله بتوع الجزائر اتعودو يشتمو بدون رد .. هوبا لما ابتدت وصلة الردح المصريه استغربو ... ولأنهم همج حرقوا وكسرو .. السؤال هنا كان ايه المفروض يحصل بالظبط ؟ نتشتم ونسكت لغاية الاخر ؟

Dr Nemo said...

كلامك جاب اللى فى دماغى كله " باستثناء الشتايم الوسخه " ودى انا سايبها لوقت عوزه بجد

لكن الناس قاعده تدور على ثابت على اساسه تفضل على حبها للجزائر
وزى ما انتى قلتى
حبه نطردهم من العرب وحبه احنا نفسنا نخلع من العرب وحبه نشتم العرب كلهم وحبه نقول لا دول الامازيغ الاوساخ مش عرب
كوووووووووووول ده قرف ولغط وربنا يسامحه جمال عبد الناصر التعبوى الشعبوى اللى دخل ام الفكره الخرا دى فى دماغ الناس

خير ولد ادم قالها ببساطه """ دعوهااااااااا فانها منتنننننننه"
يقصد العصبيه القبيله
او بمصطلح عصرى العنصرية بجميع اشكالها
يبقى انا لما اتكلم عن جزائرى واشوف ايه اللى بيجمعنى بيه مقولش بادىء ذى بدىء الزفت العروبه اللى ودتنا فى داهيه
ثم ان منك له له له لها له
انتا ليك يد فى انك عربى؟
ليك يد فى انك فارسى او ايرانى او حتى عربى ايرانى" اهوازى" .... مفتكرش
اللى ليك يد فيه انك مسلم
اها انتا اتولدت مسلم
بس مفتكرش انك لما توصل لسن السببيه وفضلت مسلم انك ماشى كده ومعرضتش الامر على قلبك وعقلك تانى عشان يبقى باقتناع
اللى اقصدوا باختصار ان اللى يجمعنا هوه الاسلام وبسسسسسسسسس
عروبه بطيخ قسما بربى ما تفرق معايا
وانا قلبى اتقطع على اخوانا فى الصين لما اتقتل منهم 200 زى ما اتقطع على ال60 اللى تحت القطر فى مصر زى ال 14 اللى ماتوا فى الاحتفالات بالنصر فى الجزائر
طبعا مواطن مصرى هيجى يتهمنى انى سلفى وهابى تكفيرى
والله دى نقره ودى نقره والرد عليها مش مجاله مدونة نواره

صوت الحق said...

يا صناع الفتن حلوا عن هالوطن
حسبنا الله و نعم الوكيل

Unique said...

لا يا نوارة متسكتيش :)
و اتكلمي ... اتكلمي قوي كمان
و الله انا حاسة كلامك ده اوووي دلوقتي و بقالي يومين متابعة مدونتك من ساعة ما موضوع الجزائر و الفتنة اللى حصلت دي

فعلا الناس دلوقتي بقا عندها اللي يجيب سيرة الجزاير و لا يقول اننا اخوات و لا حتى يشاور من بعيد انهم عرب بيقوم عليه الناس كلها و خلاص شوية شوية حيقيموا عليه الحد !!

مش لاقية كلام اقوله غير فعلا حسبنا الله و نعم الوكيل
يا رب طفي نار الفتنة ديه

و يا ريتنا في يوم نسمع ان المصريين فعلا قاموا القومة ديه على اسرائيل و لا عشان اي حق من حقوقهم

حسبنا الله و نعم الوكيييل !!

Rateb said...

هو فيه حاجة كمان الناس اللى بتتكلم فى التليفزيون دى مش بتكذب اى حد يقدر يميز اللى بيكذب لكن دول بيتكلموا بصدق اتهانوا بجد واهانتهم دى للاسف لا يحاسب عليها اى قانون واحد ضربك على قفاك وجرى وانت ماردتش بالظبط ده اللى حصلهم هما عاوزين تعويض كرامتهم فى التراب ويعينى مش هيلاقوا حد برا مصر ينصفهم الفيفا مش هتعاقب الجزاير لان جمهورها ضرب فنانى ومثقفى وولاد رئيس مصر على قفاهم الناس اللى محاصرة سفارة الجزائر عاوزه تاخد لهم بتارهم عشان يبطلوا عياط ويرحمونا

المشكله الحقيقية مش فى قطع العلاقات التاريخية بين مصر والجزائر والفتنه والكلام ده المصيبه ان صفوة المجتمع عندنا شخصيات ضعيفة وغير ناضجة فى المجمل ده اللى المفروض نتنيل نتكلم فيه دلوقتى لكن هنعد نحاول نصلح علاقتنا مع الجزاير على المجتمع ده يبقى احنا هبل نصلح نفسنا الاول وبعد كده نشف علاقاتنا

عبقرينو said...

معاكى فى كل كلمة قولتيها وربنا ينتقم فى من اشعل الفتنة
دى 3 لينكات ل 3 تدوينات كتبتهم عن المباراة كنت اتمنى الناس تستوعبهم صح قبل المباراه لكن هانقول قدر الله وماشاء فعل ولسة الامر يايدينا نحن عقلاء البلد لا يجب ان نسير وراء قطيع الغنم من الجانبين
http://www.facebook.com/mfathyabdalla?v=app_2347471856&ref=mf#/notes/mohamed-fathy/-/198064831340

http://www.facebook.com/note.php?note_id=200520216340

http://www.facebook.com/notes.php?id=581912262#/note.php?note_id=204189741340

Fahd said...

فرع الشركة بتاعتي في الجزائر نزلوا مصر كلهم
وترانزيت في ايطاليا وكمان لابسين زي المنتخب وعلم الجزائر علي العربية
دي كانت خطة امنية علشان يصلوا للمطار

شيء يحزن بجد

هنا في الخرطوم انا لم اذهب الي الماتش علشان كنت متوقع حاجه زي كده

انا فاهم انتي بتتكلمي عن الاسباب اللي خلت الجزائر تبعت ناس همج وتشتري مطواي ونسج علشان ترهب الناس
دي حقيقة

لكن مش صح نركز عليها بس ولا نري الصورة الكلية

الناس دي جاية وفاهمه ان المصريين قتلوا 9 من عندهم واننا مع اليهود

فهما جايين بالفهم ده


انا ارفض اسلوب الشردحة اللي متبع في البرامج ده

والفنانين اللي الناس نسيتهم فراحوا الماتش علشان يتم القاء الضوء عليهم

وعلشان يستضيفوهم في البرامج ويلمعوهم


الموضوع فيه حاجات غلط حصلت لكن يجب ن يتم التعامل معاها بحكمة مش باسلوب الشوارع
وان واحده ابنها انضرب فتقعد تولول

دي علاقات دولة

ودولة عربية مسلمة

وفيه مصالح

يا مراكبي said...

الله عليكي .. ما فيش كلام يتقال أكتر من اللي قلتيه

بجد حسبي الله في كل واحد مشي وراء الموجة من غير تحقق من الحقائق ولا تفكير في العواقب وكأنه فرح إبن العمدة وكل واحد عايز يضرب عيارين في الهواء عشان الناس تشوفه ويعمل منظر وخلاص

كمان ما كنتش متخيل إن الإعلام المصري وصل للمرحلة دي .. أنا كنت شاكك في الأول من كذا موقف حصلوا قبل كده كده لكن دلوقت أنا إتأكدت من إن إعلامنا بجد مهولاتي لأقصى درجة وممكن يدمر البلد بسبب الطريقة اللي بيهيج بيها الجماهير

يساري نوبي said...

علي فكره انا تقريبا فاتح خط سلخن بين مدونتك و البروفيل بتاعي ع الفيس بوك من يوم الماتش
انتي من الناس القليله اللي بيتكلموا بعقلانيه و اللي من غيرهم كان زماني انتحرت
الناس كلها جالها هبل من يومهاو كلهم بقوا بيحبوا مصر فجأه و كلهم افتكروا انهم ساكنين ف بلد....نفس الناس اللي بيقفوا بعربياتهم ف الاشاره و يقولوا الشعب المصري دا همجي و ياي و او نو هم نفسهم اللي بيقولوا ع الجزائر بربر
انا كنت بشجع الجزائر يوم الماتش لاني شايفه ماتش و انا من حقي اشجع اي فرقه فيهم طالما الاتنين وحشين و الاتنين اخوات لن من يومها بتعامل ف بيتنا و الشارع علي اني جاسوس و تقريبا حاسين اني انا اللي اديت معلومات للجزائرين عن مشجعين مصر ف السودان
ربنا يهديكي يامصر
شكرا
تحياتي

mohamed hassan said...

الشعب كله بقي متخلف عقليا
رايك ممتاز في الازمة دي

الزنارى said...

علاء مبارك هو
مواطن مصرى يعبر عن مشاعرة
علاء هذا بشهادة الجميع لا يبحث عن الحكم و ان كان الكلام لجمال لكان فى الموضوع كلام
حقا لة حرية التعبير لكن ما يغيظنى هو انة لا يقوم اى اعلامى فى برنامجة بتقديم البرنامج الا بدأ فى الثناء علية و على اخوة و على أبوهم .
مع خالص الاحترام و التقدير
أحمد الزنارى

سجدة said...

والله يا نوارة انا متفقة معاكى فى كل وجهات النظر لكنى لما بنقلها للناس الناس مش عاجبها الله يخرب بيت الإعلام اللى شحن الناس للدرجة دى

Unique said...

نوارة ونا معدية اتكعبلت في القصيدة دي قلت لازم اجيبهالك !!!

دي أولها و الباقي على اللينك ده
http://boswtol.com/culture/culture-followup/09/november/20/3590
بتاعة فاروق جويدة بجد حلوة أوييي

شهيد على صدر سيناء يبكي
ويدعو شهيدا بقلب الجزائـــر
تعالّ إليّ ففي القلب شكـــوى
وبين الجــــوانح حزن يكــــابر
لماذا تهون دماء الرجــــــال
ويخبو مع القهر عزم الضمائر

دماء توارت كنبض القلوب
ليعلو عليها ضجيج الصغائــــر
إذا الفجر أصبح طيفـا بعيــدا

تـباع الدماء بسوق الحناجـــــــر
على أرض سيناء يعلو نــداء
يكبر للصبـــح فوق المنابـــــــر

وفي ظلمة الليل يغفو ضيـاء
يجيء ويغدو.. كألعـاب ساحــر
لماذا نسيتــم دماء الرجــــــــال
على وجه سينا.. وعين الجزائر؟!

على أرض سينــاء يبدو شهيـد
يطوف حزينـا.. مع الراحليـــن
ويصرخ في النــاس: هذا حرام
دمانا تضيــــــع مع العابثيــــــن
فهذي الملاعب عزف جميــــل
وليســــت حروبا على المعتدين

نحب من الخيل بعض الصهيل
ونعشـــــق فيها الجمال الضنين
ونطرب حين يغني الصغــــار
علي ضوء فجر شجي الحنيـــن
فبعض الملاعب عشق الكبــــار
وفيها نداعب حلــــم البنيــــــــن

لماذا نراها سيوفــــــا وحربـــــا
تعالــــوا نراها كنـاي حزيــــــن
فلا النصر يعني اقتتال الرفــــاق
ولا في الخســارة عار مشـــــين

على أرض سيناء دم ونـــــــــار
وفوق الجزائر تبكــي الهــــــمم
هنا كان بالأمس صوت الرجال
يهز الشـعــوب.. ويحيـي الأمم
شهيدان طافا بأرض العروبـة
غنى العـــراق بأغلى نغــــــــــم

المهدى said...

اللهم آمين والله حاسس إن الدعوة دى تحديدا ستكون مستجابة بإذن الله ... الواحد بات أمبارح فى حالة نكد وإحباط وقرف وهوان مشفتهمش من يوم 17يناير 1991
إيه ده إيه كم القزارة والحقارة دى كم الخسة وسؤ الخلق والجنون الجماعى دى مين كل دول ؟ وأزاى نظام بلد يعيش ويستمر بكل هذا العفن
جمال فهمى يتوقف عن الكتابة اليوم محتجا على كم الحقارة فى الإعلام المصرى
فى النهاية هل كل هذا العفن هو دليل قرب الأنهيار أعتقد أنهم لم يعد لديهم إلا هذا الوجه القبيح وجوههم الحقيقية التى كنا نحاول رؤيتها خلف أقنعة شتى مهترئة ظهرت فى النهاية وللجميع
تابعى كيف يراهم العالم أصدقائهم وسادتهم
البلطجى قلع هدومه ويستعد للمعركة الأخيرة
شكلنا حنشوف فيهم يوم عن قريب
محمد المهدى

اقصوصه said...

فعلا

حسبنا الله ونعم الوكيل :(

yousef said...

تسلم ايدك وقلمك يا نوارة

لا يوجد ما اقوله هنا فقد عبرتي عما يجول بخاطرنا وبأسلوب اكثر من رائع

كل عام وانتي بخير
كل عام والشعب في مصر والجزائر بخير

Unknown said...

اشكر جميع المعلقين والمعلقات الاحياء منهم والاموات

حد يشرح لي بقى

ازاي الجماهير المصرية المتحضرة نزلت تتظاهر بمنتهى التحضر والالتزام واضابت خمسة وتلاتين بني ادم منهم حداشر ظابط واربعة وعشرين عسكري واتلاف ممتلكات


بينما عشرتلاف بلطجي امازيغي بالسنج والجنازير يصيبوا عشرين واحد بس


ازاي ده حصل يعني؟

راء said...

ايه الكلام اللي مكتوب ده؟؟ بجد انا مش عارفة

انتي اصلا كده بتشعلي فتنة بس فتنة داخلية ازاي تتهمي حد حتى لو كان وحش كل اللي عمله انه دافع عن المصريين وقال اننا لازم حقنا ييجي؟؟
ايه وجه اللاعتراض مش فاهماكي بس فعلا انتي شخصية غريبة..

وبعدين طبيعي حضرتك ف اي مظاهرة لازم تكون فيه اصابات ويمكن كمان اللي اصابوا الشرطة دول ميكونوش مصريين اصلا ويكون حد باعتهم عشان يبان اننا احنا الغلطانين كمان مش بس الجزائر

وهوا انتي متضايقة عشان معرفش كام بلطجي معرلافش يصيب غير 20 بس؟؟
انتي كنتي عاوزة اكتر عشان تعترفي ان اللي حصل ده مش صح ولا ايه بالظبط

بجد مش فاهماكي والبوست كله مع احترامي ليكي مش مقنع خالص ومش مصدقة الهجوم الغريب ده ..

واصلا ايه كلمة الوحدة العربية انتي مصدقة ان فيه اصلا وحدة كله كلام جرايد..

حسبي الله ونعم الوكيل على كل ظالم ف الموضوع ده وكل واحد اثار فتنة وشعلل الموضوع

Unknown said...

يا حلوة شغلي مخك

ازاي بلطجية متأجرين بالمطاوي ما عرفوش يصيبوا غير عشرين واحد؟

ازاي يعني؟

الجزائر والسودان الاتنين بيقولوا ان السلطات المصرية بتبالغ

والاصابات اللي في الجانب المصري بتقول ان السلطات المصرية بتبالغ

ده احنا جبنا ارتجاج في المخ لمدرب حراس المرمى بتاع الجزائر في الماتش الاول

ودول كانوا جمهور عادي، جمهور كورة عادي مش بلطجية

ازاي يعني بلطجية متأجرين بالسلاح ما يعرفوش يصيبوا غير عشرين واحد اصابات خفيفة ومتوسطة؟

ازاي يعني؟

واذا كان كل اللي عمله الجمهور الجزائري هو التهويش

فده جمهور الكورة عادي

الجمهور المصري اللي راح هو اللي مش جمهور كورة

ازاي الجزائريين بيحتفلوا بالنصر مات لهم 14 واحد وهم بيهجموا علينا ما موتوش حد واصابوا اصابات خفيفة ومتوسطة عشرين واحد بس

ما تشغلي مخك يا حلوة

وللا ربنا مدينا المخ ده نلعب بيه فولي؟

كل المناحة والحملة اللي معمولة دي عشان ايه بالظبط

هو ايه اللي حصل اصلا؟

وازاي طبيعي يبقى فيه اصابات من التزاحم لما تبقى الاصابات دي من مظاهرات مصرية ولما تبقى في السودان تبقى بلطجة

ما يمكن هي كمان اصابات من التزاحم

ايه يعني حدفوهم بالطوب

ماهو لو كان اللي راحوا جمهور كورة عادي من عندنا كانوا هم كمان حدفوهم بالطوب

ربنا يجعل دعايا من حد ونصيب كل واحد مشارك في الفتنة دي

اللهم آمين

minesweeper76 said...

اليومين دول الواحد حاسس إننا فجأة عايشين أحداث
Canadian Bacon
أو
Wag the Dog

Unknown said...

m5m

والله انا ما رضيتش انزل تعليقك عشان انت بتشارك في الفتنة

وبعدين قلت اما انا غبية صحيح

ما اسيبه ينزل التعليق

وربنا يجعل كل الدعا اللي في البوست ده من حده ونصيبه قادر يا كريم

فلو تحب اكتب التعليق تاني

وقادر الكريم يجعل كل الدعا اللي دعيته من حدك ونصيبك
انت وكل اللي مصممين ينفخوا في النار

جايب لي مقال عن واحدة جزائرية قليلة الادب

افتح فضائياتك واسمع على البيت بيتك واحد بيقول الجزائر دي نعرفها من حريمها

قطع لسانه
قطع لسانه

لو تقبل الكلام ده الستات المصريات، انا ما اقبلوش، انشالله هو واللي زيه يتكبوا بلسانهم على وشهم في النار

هم وكل اللي بينفخ في النار

قادر الكريم


كل اللي بينفخ في النار قادر ربنا ينكد عليكوا ولا يدخل عليكوا العيد بخير ابدا

قادر ربنا ينقتم ويجعل كل المشاركين عبرة تخلي الناس تضرب كف على كف

قادر يارب
قادر يارب

اللهم آمين

Unknown said...

يعنى أنا كل اللى عملته انى حطيت لك لنك بتاع صحفية جزائرية بتشتم فى مصر ورجالة مصر وستات مصر (المومسات) على حد تعبيرها...وطلبت أعرف ردك..لا نفخت فى النار ولا غيره

يبقى ردك انك تدعى عليا كل الدعا ده؟

ده دعاء ينفع تدعيه مصرية مسلمة على غيرها؟

ع العموم حسبى الله ونعم الوكيل

belal said...

استغرقت في ضحك متواصل على غير عادتي وأنا أستمع لعلاء مبارك ،الرجل كان ممتعا ومضحكا لأقصى درجة وزاد المشهد عبثية الغندور وهو يبكي ،حاولت أن أبعث عن بقايا وطنية مثل وطنيتهم في جسمي هنا أو هناك،بحثت عن آثارها في ملابسي ..لكن من الواضح أن أمي تجيد الغسيل جيدا ..ليحفظها الله :)

سميربس said...

بدون مناسبة ------!!!!
موقع مصلحة الضرائب العقارية




لماذا مصر تقوم بفرض الضرائب فى حين السعودية ليس بها ضرائب والضرائب كانت تفرض على ايام محمد على والخديو اسماعيل وكانت فرض الجزيه للصرف على الجيش لتقويته اما الآن فلماذا؟؟

أن الدولة تقوم بأعمال كثيرة وينبغى توفير الموارد اللازمة للإنفاق عليها كالطرق والكبارى والمدن الجديدة وأشكال الدعم المختلفة ومشارع مترو الانفاق والمواصلات .....الخ



http://www.rta.gov.eg/ar/FAQ.aspx

Unknown said...

m5m

لا معلش ارجع للتعليق بتاعي

انا بادعي على اللي بينفخوا في الفتنة

كل اللي بينفخوا في الفتنة

انت ادرى بنفسك وبتصرفاتك

اعتبرتها دعا عليك ليه؟

ما نزلتش اللنك عشان ده من وجهة نظري نفخ في الفتنة

الناس لما تبقى شايطة وبتتلكك عشان تطلع نفسها بريئة وملاك وغيرها مجرم

يبقى اللي عايز يهدي الفتنة من الناحيتين

الجزائرية او المصرية

ما يقعدش يعمل زي الندابة ويحط ملح على الجرح

ومعلش انا عارفة اني رغاية وممكن ما تكونش قريت البوست كله

بس انا اتكلمت عن اللي اشعلوا الفتنة من الجانبين

واللي بينفخ فيها من الجانبين في البوست

قوم انت جاي جايب لي لنك جزائري

وانت عارف ان دي مدونة مصرية معظم اللي بيدخلوها مصريين

عشان ايه؟ عشان تعمم على الجزائريين كلام واحدة سفيهة كاتباه

ان شاء الله يتقلب عليها الكلام ده

ويتقلب على اللي بيقوله كلام شبهه عندنا

وتجيلهم من عند ربنا

وربنا يهدي الجميع

اهدا على نفسك شوية
اقرا قرآن وللا قوم اتوضى وصلي كده وافتكر ان الناس اللي انت بتعمم عليهم دول ناس زي اي ناس

واللي ما ترضاهوش يتقال عليك ما ترضاهوش يتقال على نفسك

هم برضه عندهم ناس بتحط لهم لنكات وبتبعت لهم تقول لهم افتحوا تامر امين اتفرجوا على عمرو اديب وشوفوا المصريين بيقولوا ايه علينا

ترضاها ان حد يعتبر ان كل المصريين زي تامر امين؟

حسن على said...

تعليق هامشى : "كل شلو يشبةلو" اعنقد انها من اصل فصيح ,فكلمة "شلو"ننطقها كما لو كانت الالة الموسبقية المعروفة ,فى حبن ان نطقها الصحبح هو"شلو"مفرد اشلاء او اجزاء هو "كل شلو يشبة لة "اى ان: "كل جزء يشبة الشىء الاصلى نفسة -اى ان الفرع يشبة الاصل ,هذا وباللة التوفيق

SERVANT OF JC said...

علاء مبارك كان بيتكلم وبيعبر عن رأيه الشخصي كمواطن مصري عادي .. وهو اكد اكثر من مرة انه بعيد عن السياسة وانما هو فقط يتكلم بصفته شاب مصري مثله مثل 80 مليون مصري اخرين!!

كفاية هجوم لمجرد الهجوم .. انا لما سمعت علاء مبارك وهو بيتكلم بهذة التلقائية شعرت انه واحد من هذا الشعب وانه قريب جدا مما نشعر به.. ولهذا زاد احترامى له..

اما من لازالوا يتمحكون في الجزائريين والعروبة اقولهم هاد لاك !!

سميربس said...

بدون مناسبة

موقع مصلحة الضرائب العقارية

http://www.rta.gov.eg/ar/GetQuestion.aspx?QuestionId=2668

س}ال : -
لماذا مصر تقوم بفرض الضرائب فى حين السعودية ليس بها ضرائب والضرائب كانت تفرض على ايام محمد على والخديو اسماعيل وكانت فرض الجزيه للصرف على الجيش لتقويته اما الآن فلماذا؟؟

الاجابة

أن الدولة تقوم بأعمال كثيرة وينبغى توفير الموارد اللازمة للإنفاق عليها كالطرق والكبارى والمدن الجديدة وأشكال الدعم المختلفة ومشارع مترو الانفاق والمواصلات .....الخ

lastcrazyboys said...

مش حقــولك زي التــانيين ايه الحــلاوة دي يا ست

والله كــلامــك دُرر..-ولا حتى استرليني-لأنه الحكاية دي من الحاجات اللي تفــلق في البلــد دي

ماهو ماينفعــش الشـاب "عــلاء" يقول كلمة من يومين ..نفضل نهلل واييييه الجمدنة دي ..
والله اكبر
!!سمع الله لمن حمده
وبعــدين تيجي تقولي النقيض منه ..والاقي نفس رد الفعل
وبدل ماحنا بنتوجه لليمين در بسرعة كده زي عسكري رجب
ده حتى رقبته عصلجت ومرضيتش ترجع تاني
وكان ليها موقف اكتر من رقابينا

أنـا هسمح لنفسي أحط ايدي على بعض النقــاط اللي لفتت نظري في الموضوع
الكــلام عن حرب البيزنس الدائرة جبهة " السعــودية - مصــر " من جهــة ..و" قطــر -الجــزائر " من جهـة أخــرى
وكل جبهة بتسخــر اسلحتها "المشروعة
وغير المشروعة"لتلك الحرب
كلام منطقي ..وممكن يتعقل
كما ان كرامة البلد مش من كرامة ابن الريس
"ممكن الريس عشان هو رمز البلد رغم اختلافك معاه..لكن ابنه ..مظنش البروتكول بيقول كده

وأنا فعــلا مش هأمن على كــلام الشـاب علاء - لكــن متقدريش تنكري ان عندنا ازمــة في عــلاقة العرب بينا ..ونظرتهم الى المصري
انا مشكلتي مع الجــزائر مشكلة كروية محضة ..زي مشكلتي مع الاسماعيلي
بروح الاستاد واشتم والعن
واطلع بعد اسبوع اتفسح ..واحضر فرح بسمسمية ..وافطــر مع الاسماعلاوية في رمضان
بس الجزائريين خلاص .وصلهم اننا عملا..ويهود ويجب الخلاص مننا
وشايفين نفسنا عالفاضي

فاحنا عايزين النظرة الاستعلائية المصرية تختفي..وشغل "المن " على مخاليق ربنا
كما ان نظرة العرب لينا اننا مالناش سعر ..وان اخرنا غسالة كوري..لازم تختفي


**
يعني باختــصار مشكلتنا مش مع العرب ..مشكلتنا مع الحكومة المصرية اللي مش عارفة تعمل وزن وقيمة لنا ..ولا احنا اللي خدنا عالهــوان داخليا وخارجيا ..مابقتش عارف
ونبطل نعامل الامور بالقطاعي ..لازم المبادئ تبطل تتــجزأ زي كل حاجة عندنا
مينفعش يعني عشان عندنا مشكلة مع الجزائر نتلكك ..ولو اضربنا في السعودية ..يبقى عادي عشان دي دولة "شكيكة"..وجــلد الحبيب زي اكل الزبيب..لكن بيزنس الشاب علاء لايمكن الاقتراب منه لانه كرامة شعب

وماينفعش نفضل طول عمرنا كده توجهاتنا من النقيض للنقيض
علاقتنا بالجزائر لازم تفضل قائمة على الاحترام والمصالح المشتركة ..ونفس الحال مع كل الدول الخليجية والعربية
بس وحياة ابوكي من غير شعارات وعروبة وقومية
عشان احنا كرعنا شعارات خلاص
ورجعناها كمان

الخوجة said...

نحن نكشف الاسباب الحقيقية وراء الفتنة بين مصر والجزائر: نجل مبارك وشقيق بوتفليقه اختلفا علي عمولة تقدر بمائة مليون دولار منذ ثلاثة شهور .. علاء وجد المباراة فرصة للانتقام من الحكم في الجزائري وفضحه والكيد له

http://www.saveegyptfront.org/news/?c=170&a=255


المصدر جبهة انقاذ مصر

Maha said...

الله ينور عليك يا نوارة .. الله لا يسكت لك حس أبدا .. عين العقل وزين ما قلتي

Hannoda said...

انا اتشحنت امبارح وأول جدا
بكيت مع مكالمة علاء مبارك
كرهت الجزائر و شعبها من كل قلبي

بس انهاردة بدأت أستشعر اللي بتقوليه
وعلى استعداد تام انيي ابدأ اقتنع بيه

لما يبقى مافيش اي موقف حازم من الدولة لحد دلوقتي

ومافيش اي موقف حاج يبقى الدولة عارفة ان ماعندناش حق

لما كل القنوات الاخبارية العالمية و العربية ما بتقولش ولا اي خبر من اللي احنا بنقول عنه
يبقى أكيد احنا ماعندناش حق تماما

لما الجزائر تتطالب باعتذار من مصر لما صدر عن جمهورها بكل بجاحة كده و علنا يبقى فيه حاجة غلط

أنا مش متأكدة من كلامك و ماقدرش اجزم بصحته
لكن مابقتش قادرة أجزم باننا فعلا تم اهانتنا و الحاق الضرر بكرامتنا
مابقتش قادرة اجزم فعلا اننا المصريين و قفنا مكتوفين الايدي و ان كل افعال الجزائريين صدرت عنهم كرد فعل لأخبار كاذبة
فيه كذبة بتتكذب علينا احنا و احنا شكلنا حانطلع هبل في الآخر

اللي اجزم عليه بالعشرة ان احنا شعب عاطفي جدا لدرجة السذاجة اللي تضحك

أنا متفقة معاكي ومتوقعة مفاجآت مخجلة و محبطة جدددا

Unknown said...

"مشكلتنا مع العرب مش كروية"

؟؟؟؟؟؟؟

طب ماهو انا لما باقول الاسباب، اللي هي على فكرة واضحة قوي قوي قوي قوي قوي لاي انسان معدي في الشارع

واللي فوق كده العرب اكتر من مرة صرحوا بيها يعني الناس ما غشوناش ولا خبوا عننا

واللي كمان اتكتبت في تقارير امريكية واسرائيلية كمان بلفظ: العنجهية المصرية تجاه العرب

مين يحب ان حد يتآلط عليه ويحسسه انه وصيف الملكة وده شرف ليه كمان؟

مين يحب كده؟

احنا متضايقين من امريكا عشان غطرستها وعنجهيتيها

طب هم عندهم ناس بتقول لهم الكلام ده وماحدش بيتهمهم بجلد الذات زي ما بيتهموني هنا

ماهي دي حقيقة

احنا متكبرين فيما يخص العرب والافارقة

صحيح ان العرب متكبرين على الافارقة كمان

بس هل مثلا احنا بنقتص للافارقة مثلا؟ ما احنا بنتكبر عليهم هم الاتنين

من حيث انهم بيحبوا مصر بسبب تاريخها واغانيها وافلامها وزحمتها إلخ

اه بيحبوها
كلهم

كلهم كلهم كلهم

متغاظين من المصريين؟

اه متغاظين

مش عشان غيرانين مننا زي ما المرضى بتوع الاعلام بيقول

بس عشان هم انسان كمان، ولهم كرامة، وعندهم اعتزاز بنفسهم وبيحبوا بلدهم زي ما احنا عندنا اعتزاز بنفسنا وبنحب بلدنا

فرق كبير انك تعتز ببلدك وانك تستهون بغيرك وتحقر من شأنه

ده واحد جزائري قال كده باللفظ تعليقا على اصابة اللاعبين بتوعهم عندنا واستهزاءنا باصابتهم، قال: كل ما يصيبهم يهولوه وكل ما يصيب غيرهم يهونوه

والحقيقة صح

اهي واقعة اهي قدام عمى عينا، لعيبة، وانت راجل كروي وعارف ان اللعيب مقدس والمساس به، خصوصا قبل الماتش، كارثة كبيرة، ولما اتصابوا دافعنا عن اللي عمل كده وحميناه واحنا ما كناش ملزمين نعمل كده غير بس الغطرسة هي اللي دفعتنا لكده

في المقابل، قلعوا البنطلون للجمهور في الجزائر عاملين مناحة وعزا عندنا

مش كل المصريين كده، فيه مصريين كتير، لما نزلت الشارع واتكلمت معاهم قالوا: احنا غلطانين واحنا اللي استفزيناهم

والله، ناس عادية يعني مش مثقفين ولا مدونين ولا نيلة، بياعين وسواقين تاكسي وفراشين

بس الاعلام المصري اعلام استفزازي فعلا، واحنا كشعب مش ملزمين ندافع عن الاعلام ده لانه بيحرق دمنا احنا شخصيا في حاجات كتير

في المقابل احنا برضه لينا طبيعة، وان حد يكسبنا ويهدينا دي حاجة سهلة قوي

اللبنانيين وسوريين بيعرفوا يتعاملوا معانا ويسكتوا السفاح باغنية ماما زمانها جاية عشان لسانهم حلو وعارفين طبيعتنا واننا بنيجي بالكلمة الحلوة والمجاملة
وبسهولة مهما السلطة المصرية تحرشت بيهم بيعرفوا ازاي يحطوا الشعب في جيبهم بالكلام الحلو

المشكلة مع الجزائر ان طباعنا متشابهة

هم كمان عصبيين زينا، هم كمان معتزين بنفسهم قوي زينا، هم كمان ثأريين وميتهم ما يدفنش زينا
ومش عارفين يسايسونا، واحنا مش متعودين نسايس حد اصلا

المشكلة مع الجزائر مش زي ما الاعلام المصري الحقير بيقول: شعب همجي جبلي بربر

خالص
المشكلة انهم شبهنا بزيادة، فطقشنا في بعض

انا مش باتكلم على السلطة ورجال الاعمال

انا باتكلم على الاعلام والناس كمان

كل طرف عيبة في حقه انه يطلع نفسه غلطان، او انه يسمع كلام ويسكت، او انه يتجاوز

واتنين توأم كل واحد فيهم بيعايب على وش اخوه

بس الشهادة لله، انا شفت قلة ادب وحقارة كتير وقليل في الصحف الجزائرية

بس ما شفتش كلام عنصري
حتى لما قالوا علينا آل فرعون، عملوا لها ارتباط ديني مش عرقي، ان احنا فرعون وهم موسى هههههههههههه

والله العظيم حالة جنون خرافية

بس اعلامنا قال كلام عنصري

ولا المشكلة مش بالعمق اللي فيه ناس بتحاول تصوره

المشكلة بس في التشابه الشديد بين الشعبين والمنافسة، اول اقتصاد في القارة مصر وبعديها بفرق بسيط الجزائر
احسن جيش في القارة مصر وبعديها الجزائر بفرق بسيط
ده غير بقى التشابه في القمع والفساد والفقر...إلخ

فيه عرب كتير غير الجزائريين زعلانين مننا؟ اه فيه

عشان غيرانين مننا؟

لا طبعا ده كلام اهبل

عشان اعلامنا بيتكلم بجليطة وقلة ذوق وغلظة حس مع الناس ومش بيراعي مشاعرهم وبيثير الشوفونية المضادة عندهم بشوفونيته الشديدة والالحاح على موضوع الفراعنة الفراعنة الفراعنة ده بيستفزهم ولهم حق

احنا شايلين في قلبنا ومعبيين لحد دلوقت من اللبنانيين اللي كانوا بيقولوا احنا فينيقيين

شايلين في قلبنا ومعبيين من الانفصاليين اللي بيقولوا احنا امازيغ او بوليساريو

شايلين في قلبنا ومعبيين من الاكراد اللي عايزين ينفصلوا عن سوريا والعراق

احنا
احنا المصريين، اللي طول الوقت نقول فراعنة لما حد من العرب بيتكلم عن جذوره بنزعل

طب ليه بنعمل في الناس اللي لما بيتعمل فينا بيغيظنا؟

Unknown said...

hannoda

سبحان الله
ده كأن ربنا باعتك ليا

اسمحي لي اخد لنك من تعليقك واحطه في تحديث للبوست

شلاطة said...

ياريت تعلقي عاللينك دا
http://www.saveegyptfront.org/news/?c=170&a=25519
انا مش عارف مدى صحته
بس لقيته قدامي
وقلت اكيد هيفيد

Unknown said...

لأياست الناس انتى كده بتغالطى

أنا ماخدتش الدعا على نفسى من الهوا..انتى قلتى فى أول كلامك انك رفضتى تنزلى تعليقى عشان أنا باشارك فى الفتنة.. وجيتى فى الأخر كشفتى راسك واديتيها دعا ع اللى بيشارك فى الفتنة...تتفهم ازاى بقى؟

وأنا هادى الحمدلله ولسه مصلى المغرب وباقرا قرأن ولله الحمد..وما افتكرش انك انضميتى لحزب اللى بيكفروا الناس وبيحكموا عليهم بالميول الدينية لأنك أعقل من كده

انتى اللى محتاجة تهدى يابنت عم نجم..انتى ليه فاتحة الرشاش ع المصريين حتى لو ليك قرايب جزائريين كما يقال؟

المصريين عندهم نسبة غلط لكن مافعلوه الجزائريين فى السودان والخرطوم مصيب سودا..مش غلط بس

علاء مبارك مايصحش يقول كده أنا معاكى..بس اقرى جرايدهم بيشتمونا من كبيرهم لصغيرهم من بو تفليقة لأصغر صحفى عندهم

زعلانة انى حاطط لنك جزائرى فى مدونة مصرية؟ مش فاهم المنطق ده خاصة انك حاطة لنكات جزائرية فى البوستات اللى فاتت ومعلقين كتير حاطين لنكات..عايزة تبقى الأراء موجهة لتخدم وجهة نظرك فقط قولى ممنوع التعليقات المعارضة
ليه مانزلتيش التعليق عشان الناس تقرا احدى صحفياتهم الشهيرات تقول عن نساء مصر مومسات - يا احدى نساء مصر- وعن رجالها انهم نسوان وأرجل مافيهم نوال السعداوى....ده مكتوب فى كل صحفهم بأكثر من لهجة وأكثر من صيغة

أنا باختلف مع الجزائريين لكن أقصى شتيمة عندى ليهم هى الهمج.. وأى مصرى يشتم أكتر من كده مسئول عن نفسه ومش مقبول بالنسبة لى

اهدى انتى يانوارة ومش كل واحد يقول رأى مايعجبكيش تغلطى فيه وتهريه دعا..انتى ماكنتيش كده وكانت روحك أحلى من ده كتير

ايه اللى حصل لك يابنت بلدى؟

حزيــــــــــــــــــن said...

نوارة
اتفضلى
الجروب الرسمى للمطالبة بترشيح علاء مبارك للرئاسة

http://www.facebook.com/group.php?gid=167248669936&ref=nf


وابقى بصى على النوت اللى عملتك تاج فيها او عل ىالمدونة
وصباح الفل

احمد مهنى

http://mazaag.blogspot.com

Unknown said...

خاص: موقع إنقاذ مصر:----
علم مراسلنا في القاهرة من مصادر رئاسية ان الخلافات ما بين الاسرتين الحاكمتين بمصر والجزائر تفجرت بسبب صفقة طائرات تقدر قيمتها بمليار دولار كان من المفترض ابرامها قبيل ثلاثة شهور ما بين وكيل شركة "لوكهيد مارتن " الامريكية بالقاهرة "علاء مبارك "نجل الرئيس المصري الاكبر وبين الدوائر الجزائرية مقابل حصول " علاء " علي عمولة تقدر بمائة مليون دولار، ومع اقتراب اتمام الصفقة بين علاء كممثل للشركة بالمنطقة وبين الجزائريين تدخل "سعيد بو تفليقة " شقيق الرئيس الجزائري والحالم يوراثته هو الآخر وتعاقد مع وكيل فرنسي لتوريد تلك الصفقة الضخمة لبلاده وأخذ العمولة لنفسه والتي كان من المفترض ان يحصل عليها علاء مبارك لو كان قد ورد الصفقة . وقد ترتب علي تلك الفعلة تدهور كبير في علاقات البلدين حيث تدخل القذافي لتنقية الاجواء ورتب لقاء في طرايلس الغرب بين الرئيس المصري "حسني مبارك " ونظيره الجزائري " عبد العزيز بوتفليقة " الا ان نيران الحقد داخل مبارك واسرته استمرت مستعرة الا ان جاءت مباراة الجزائر حيث وجدها الطرفان فرصة لتصفية خلافاتهما وتوظيف الشعبين فيها ومن هنا حرص علاء وجمال معا ان يشعلا نيران الفتنة ووجدنا علاء مبارك يخرج لاول مرة ويتصل بالفضائيات والاعلام ويحرض علي ضرب الجزائريين بالجزمة متسترا وراء كرة القدم كما وجدنا ابوه حسني مبارك يجمع اركان حربه ويدق طبول الحرب وقطع العلاقات مع الجزائر، ويركب الموجة باعتباره مدافعا عن كرامة المصريين رغم أن الأحداث هي أحداث شغب وفتنة ساهم فيها الطرفان ولا علاقة لكرامة مصر والمصريين بها لأننا لا نتحدث عن أعداء، وبناء عليه قام بهذه الحملات الإعلامية الجبارة لتحريض شبابنا وأبنائنا في مصر والجزائر ضد بعضهما البعض وتضخيم الفتنة بين الشعبين الشقيقين أصحاب التاريخ والمصير المشترك رغم أنف آل مبارك وآل بوتفليقة.

Shady Shrif an Egyptian Software engineer said...

استاذه نوارة

معلش انا بتابع مدونتك دائما

مش معني ان الشعب وقف مع الحكومة ان دي حاجة غلط اكيد لأ

انتي بكلامك ده بتثبيتي ان دم المصري رخيص

هتقولي لي الحكومة عملت و سوت

ماشي ما كلنا عارفين ان الحكومة بتاعت مصلحهتها بس الفكرة في الاتي

لو بلد همجية و حكومة همجية زي الجزائر دي ضربتا علي قفانا اية الي المفروض يحصل

المفروض نقول معلش غلطوا

الكلام ده يتقال لما يبقي شوية شعب غلطوا

شوية من الحكومة غلطوا

لكن دول الله اكبر عليهم شعب و حكومة و كلهم علينا

و الاخر تقولي دوله استراتيجية

تولع الدولة الاستراتيجية بالي فيها

دول اراقوا دماء مسلمين بدون وجهة حق

و ياريت بس تفكري شوية قبل ما تهاجمي الحكومة

لأن كل وقت و ليه اذان زي ما بيقولوا

و علي فكرة انا مش عاجبني موقف الحكومة لأنه موقف ضعيف

الحكومة مجبتش حق حد

يعني لو كان الماتش ده بين امريكا و الجزائر و الامريكان هما الي حصل لهم كده كان اية الي حصل يا نوارة؟

قولي لي هو كرامة الامريكاني احسن مننا؟
و متقوليش اخوة و بطيخ لأنهم هما الي حرقوا الكلام ده

و شوفي ده كلامي علي منتدي بتاعهم

ايام ما كنت مؤمن اننا مكبرين الموضوع
http://armpoli.montadarabi.com/montada-f2/topic-t4308.htm

شوفي انا كلمتهم ازاي و هما كلموني ازاي

قولي لي ده شعب عاقل ده شعب علاقتنا بيه مش عارف اية

دول عالم حسبي الله و نعم الوكيل فيهم


و بعد ما اتصلوا بينا في بيتنا و شتمونا و احنا قاعدين لابينا ولا علينا

http://last-femtosecond.blogspot.com/2009/11/blog-post_20.html

المطلوب مني ايه

اقولي لي!

ارجوا الرد بعد اذنك

Os Ansary said...

نوارة انت غلطانة ..

مش كل العرب زعلانة مننا .

وانا باتصفح اخر اخبار الموضوع

لقيت تصريح لـ المغنية هيفاء وهبي

بتتضامن مع مصر وتقاطع الجزائر

لا وايه

كمان بتهدد هههههههههه


اهي هيفاء تضامنت معانا

حسني مبارك يقودنا

وجمال مبارك من امامنا

وعلاء مبارك من ورائنا

وغطيني وسوطي ياما

Os Ansary said...

واقري هالخبر كمان يانوارة ..

نجل مبارك وشقيق بوتفليقه اختلفا علي عمولة تقدر بمائة مليون دولار منذ ثلاثة شهور .. علاء وجد المباراة فرصة للانتقام من الحكم في الجزائري وفضحه والكيد له

علم من مصادر رئاسية ان الخلافات ما بين الاسرتين الحاكمتين بمصر والجزائر تفجرت بسبب صفقة طائرات تقدر قيمتها بمليار دولار كان من المفترض ابرامها قبيل ثلاثة شهور ما بين وكيل شركة "لوكهيد مارتن " الامريكية بالقاهرة "علاء مبارك "نجل الرئيس المصري الاكبر وبين الدوائر الجزائرية مقابل حصول " علاء " علي عمولة تقدر بمائة مليون دولار، ومع اقتراب اتمام الصفقة بين علاء كممثل للشركة بالمنطقة وبين الجزائريين تدخل "سعيد بو تفليقة " شقيق الرئيس الجزائري والحالم يوراثته هو الآخر وتعاقد مع وكيل فرنسي لتوريد تلك الصفقة الضخمة لبلاده وأخذ العمولة لنفسه والتي كان من المفترض ان يحصل عليها علاء مبارك لو كان قد ورد الصفقة . وقد ترتب علي تلك الفعلة تدهور كبير في علاقات البلدين حيث تدخل القذافي لتنقية الاجواء ورتب لقاء في طرايلس الغرب بين الرئيس المصري "حسني مبارك " ونظيره الجزائري " عبد العزيز بوتفليقة " الا ان نيران الحقد داخل مبارك واسرته استمرت مستعرة الا ان جاءت مباراة الجزائر حيث وجدها الطرفان فرصة لتصفية خلافاتهما وتوظيف الشعبين فيها ومن هنا حرص علاء وجمال معا ان يشعلا نيران الفتنة ووجدنا علاء مبارك يخرج لاول مرة ويتصل بالفضائيات والاعلام ويحرض علي ضرب الجزائريين بالجزمة متسترا وراء كرة القدم كما وجدنا ابوه حسني مبارك يجمع اركان حربه ويدق طبول الحرب وقطع العلاقات مع الجزائر، ويركب الموجة باعتباره مدافعا عن كرامة المصريين رغم أن الأحداث هي أحداث شغب وفتنة ساهم فيها الطرفان ولا علاقة لكرامة مصر والمصريين بها لأننا لا نتحدث عن أعداء،

lastcrazyboys said...

عنــدك كل الحــق في حتة الغطــرسة والعنجهيــة ..بس انتي لو لاحظتي ان دي ثقــافة ابن البنــدر ..عنــدنا
مش عشــان حكاية مصر الدولة
لكنها حكاية ابن القــاهرة المستبــد الذي يفتخر على ابن قريته الذي لم يكن له جد بنفس نباهة و"ذكاوة" جده ليهبــط الى القاهرة ناهلا من الحداثة والتحضر..تاركا الآخر في أرضه وفأسه . فقــره ..وهوانه

--
النقــطة الأخرى ان العصــابة الجزائرية كانت أقوى وأنصح من اللي هنا ..لييييه!!؟
لأنهم عرفوا يلعبوا حرب العصابات بشكل اكثر احترافية

هقولك على حاجة في كم واحد من اللي بيكتبوا في المنتديات الرياضية والللي بيعملوا كليبات تريقة هبلة ..يقدر يتفوق على الجزائريين ..بس الفرق ان العصابة اللي هناك خدت العيال دول وحطيتهم على " المنبــر" ..وبقى الصوت "الديماجوجي " هو الغالب على الموقف..انما عنــدنا مينفعش تجيب واحد شغلته اعــلام وتوقله "اردح"..حتى لما بيردح بيطلع الشكــل وحش ومبتذل قوي

stop في حاجة بتخليه يعمل
وهو مش عارف ايه هي الحاجة دي
==
يعني فكرك ايه اللي غايظ واحد زي حالاتي ...!؟
اننا عاملين زي الولية التي تولول على جوزها لما يموت
ما ينفعش نطلع في التلفزيونات ..ويبان ان عندنا واحد زي الشحط اسمه محمد فؤاد يقعد يعيط ويصوت في وش العالم كله
ده يفصل مني تلاتة

ماينفعش اروح اقول "ضربني بوشه على ايدي يا سعادة البيه
وبعد يومين اقول ده جراني في ادغال السودان
===
العصابة اللي هناك قالوا احنا هنعرف نرد

واحنا لسسسسة بنستجدي العالم

فخســرنا المبــاراة ...وخسرنــا كرامتنا
" مش بالهجوم ..بس اننا طلعنا ان البلد كلها حريم وممكن عصايا تجريها فعلا"
وأخييييرا
وخســــرنا احترام العالم

Unknown said...

ههههههههههههههه
شفتوا الخزوقه من تحت لتحت كده وسط الهوجه

http://www.saveegyptfront.org/news/?c=170&a=25520
هايرفعوا الدعم عن العيش مقابل مبلغ مالى
الكلام ده حاولوا يعملوه من سنه ومجرد بس مافكروا جاتلهم تقارير أن الدنيا هاتولع
فررررررررررررررررصه قرب قرب قرب
وسط الزحمه أعمل اللى نفسك فيه
أرفع الدعم - لمع ولاد الريس - العرض محدود حتى أنتهاء النفخ فى موضوع الجزائر

Unknown said...

الله يجازيك يا عم عبد الناصر
الليل مليّل
والألم عاصر
لسه اللى بيبيع أمته كسبان
وكل يوم
أطلع أنا الخاسر
******

أما أنت خميت مصر دى خمة
يوم ما ناديت بالعشق للأمة
ورطتنا نعشق خريطة عبيطة
وبشر ما نعرفهاش
وبلاد.. ما بنزورهاش
إلا.. فواعلية وبنايين وسواقين
وخدامين.. وطباخين.. وكناسين
بلاد أسافرها سعيد
أرجع حزين
حبيتها زى ما قلت لي.. وأكتر
ع الأجنبى ما استكترتش.. عليا تستكتر
ع الأجنبى ما اتنقورتْش عليا تتنقور.
تطمع فى دمعي
وف تعاسة راتبي.
مُلهم أنا.. وأعمل غبى
وأدى الألم يا عم عبد الناصر
زاحف وبيحاصر
وآدى الجميع خاسر
وآدى فجر أمتنا الجميل مغلوب
وآدى انتحار الأمة بالمقلوب
وأنا... غريب الدار..
لابسنى توب العار
ساكن فى وطنى بالإيجار
***

قاعد أنا ع الجسر فى القيَّالة
من قلب اللهيب مِنشالة
وقلبى.. ساقية حزن سَيالة
باغنى..
ما أعرف مغنى وألاّ عديد
زى افتكار الميتين.. فى العيد.
باعانى وحدانى
شياطينى لابسانى
والأمة قدامى.. مفارقانى
يا رب...
ما تحببنى فى الناس الملاح تانى
يا رب
ما ترجعنى أعشق
ضحكة إخوانى
يا رب
كرهنى فى أوطانى
***

ما أخيبك أمَّة
ما أتعسك أمة
لا عقل... ولا همة...
لا مصدقه فعلك
ولا تحفظى كلمة.
أمة.. تدور وتلف..
تقيلة.. مش حتخف
حماسية... وحماسها
بكتيرُه ساعة.. يجف.
أمة بتتخابِط
أمة بتتعابط
أمة ومالهاش
لا زابط ولا رابط
ولا كبير عيلة
ولا قرابةْ دم
وفكرة وهمية
ما تورث إلاّ الهمّ...
ما تحل عنى يا عم..
إحنا ورثنا كلام
إحنا تاريخنا كلام
علشان كده لما تقول..
على طول أقول:
وبكام؟؟
ما هو حب؟؟ دبرنى
وتاريخ؟.. فكرنى
وطريق؟.. نورنى
ومصير؟.. بصرنى
ده انا بقيت عربى
من قبل ما ألقى
اللى يمصرني.
أنا انتمائى لأمتى...
ممسخرنى.
محسوبة فى الأحزان على
فى الفرح تنكرنى
ياللى إنتى لا أمة
ولا أنتى أم..
فيه أم
ما تعرفش ساعة الألم..
تضم؟..
****

قد ما ننورها
هيه مضلمة
قد ما نعلمها..
مش متعلمة.
كل ليلة بايتة مظلومة
وهيه الظالمة!!
آخرة السكك الوعار
مجد.. متلطخ.. بعار.
قد ما نحجمها...
تفلت م الإطار!!
السلاح من صنع بره
والكلام من صنع بره
المآكل
الملابس
والهوا البارد فى بيتى..
صنع بره.
لا نسجْت الهدمة..
لا زرعْت.. ولا اكتفيت
شفتها.. جريت اشتريت.
جلاّبيتى.. عمامتى.. سجادتى
وحواديت الصغار
والحلاوة: حلوة.. مرة
شغل بره.
إيه يهم
إن مت من أجل البشر
ولا سبت الديب يصرَّخ
واتغابيت؟...
أو نسيتها؟ أو اتناسيت؟؟..
الشهادة مجانية...
والبطولات...
نفحات استعراضية
والليل مليّل
والألم... عاصر
لسه اللى بيبيع أمته
كسبان..
وكل يوم..
أطلع أنا الخاسر...
الله يجازيك
يا عم عبد الناصر

.........

الأبنودى

أبو أمك said...

ضحكوا علينا وقسمونا فرق
كل حزب بما لديهم فرحون
وقاعدين يتفرجوا علينا زي مصارعة الديوك
آه يا أمة ضحكت من جهلها المزز

مواطن مصري said...

انتي على فكرة يا نوارة غريبة

نتشتم و نسكت نتهان و نسكت

بس لما حاجة تحصل لبنان ولا لفلسطين تقولي

فين و كيت و اية

و لما تحصل حاجة لمواطن المصري تقعدي تنتقدي الرد الشعبي

يا نوارة اقفي مع الحق مش معنا اني مختلف مع الحكومة اروح اشجع الجزائر علينا

دول حرقو و داسو و اهانو مصر و علم مصر

عاوزة اية تاني

يا نوارة دافعي عن كرامتك كمواطنة مصرية

و لو لمرة واحدة

Os Ansary said...

هو احنا عاوزين الناس بتكرهنا
اكثر ؟؟

او من الاخر عاوزين الناس بتحرقنا بكاز وسخ ؟؟

بيطالبون دلوقت باغلاق السويس امام السفن الجزائرية ومنعها من المرور .

وهو مالم يفعلوه لامع الغواصات النووية الاسرائيلية ولامع البوارج الحربية الامريكية الي بتقصف العراق وافغانستان وبتهدد امن المنطقة .

وبيطلعي علاء الواطي بيحكيني عن همجية الجزائرين وعروبة مصر !!!

http://www.saveegyptfront.org/news/?c=200&a=25525

doudou said...

شكلها مؤامرة

العدو اسرائيل واعتقد انها مقصودة افشاء العداوة بينا و بين الجزائر وصرف انتبهنا عن الفقر والجوع وبيع البلد حته حته و عن الأقصى و ضحايا فلسطين وأفغانستان والعراق وضرب قرى اليمن وطحن المسلمين في شرق آسيا والمهازل ضد المسلمين في كل حته
وبعدين ولا مؤاخذه لو كانوا خدوا جمهور اسطبل عنتر وعزبةخيرالله وزينهم وشبرا الخيمة والله الجزائريين كانوا عملوا لهم حساب و كانوا شجعوا بضمير وبعدين عن خبرة في الفرجة خناقات على الجبل لما بيبقى الخصم جامد ولامؤاخذه مبيزودهاش كده زي ما عمل الجزائريين في السودان طيب ولو قلنا الجزائر شعب عنيف وعصبي فعلا بس السبب انهم لسنين طويلة لاقوا عذاب من الإستعمار الفرنسي محدش شافه بالضبط زي زنوج أمريكا فيهم عنف بسبب سنوات القهر

في عام 1842 كتب العقيد الفرنسي "لوسيان فرانسوا دي موتاناك" رسالة من قلب الجزائر قال فيها ما نصه:

إننا نقوم بالقتل والخنق، حتى إن صرخات اليائسين والموتى باتت تختلط بثغاء الحيوانات. وربما تسألونني عما نفعله بالنساء، إننا نحتفظ ببعضهن كرهائن، ونقايض أخريات بالخيول، وأما الباقيات فيبعن كحيوانات في المزاد. ومن أجل أن أبعد نفسي عن التردد أو الرحمة، كنت أحتفظ ببضعة رؤوس مقطوعة، إنها ليست رؤوس نبتة الخرشوف، وإنما هي رؤوس بشر"

ووصف الكاتب الفرنسي المقيم في الجزائر "لوي دي بوديكور" إحدى هذه المجازر الكثيرة بقوله:

" قطع أحد الجنود ذات مرة، بدافع التسلية، ثدي إحدى النساء، وفي مرة أخرى حمل جندي آخر طفلاً من قدميه وأخذ يحطم رأسه بالجدار تحطيماً"

وقد تحدث فيكتور هوجو عن الجنود الفرنسيين الذين كانوا يتقاذفون الأطفال فيما بينهم، بحيث يتلقى فريق منهم هؤلاء الجنود برؤوس حرابهم. وكانت مكافأة من يأتي بأذنين محفوظتين في ماء مالح مائة قطعة نقدية، أما مكافأة من يأتي برؤوس مقطوعة فأكبر من ذلك بكثير، كما كانت عظام العربي تستخدم كفحم حيواني.

وقد دمرت القوات الجوية الفرنسية وحدها في حرب الاستقلال في الفترة ما بين عامي 1954 و 1962م ثمانية آلاف قرية جزائرية بقنابل النابالم.

وقد قتلت قوات الإحتلال أثناء فترة التبشير الحضاري تلك التي امتدت قرابة مائة وثلاثين عاماً، وفقاً للتقارير الجزائرية، أكثر من مليوني جزائري، بينما تتحدث التقديرات الفرنسية عن أكثر من مليون قتيل جزائري.

Os Ansary said...

نوارة سمحيلي مداخلة مالها ارتباط بالموضوع بس وانا اقرا الاخبار انتبهت لقصة اسماء الحكومة ..

من مفارقات الاسماء في مصر : رئيس وزرائنا اسمو ( احمد نظيف ) بالذمة في حاجة في واقع مصر دلوقت نظيفـة ؟؟ رئيس مجلس الشعب ( فتحي سرور ) لافي حاجة تسر ولاتفرح من يوم ماعرفناكم! رئيس دولتنا ( مبارك ) اهو طارت البركة من يوم ماشفناك ياشيخ !! أمين تنظيم الحزب الوطنى ا ( احمد عـز ) ايه العز الي احنا فيه . الوحيد الي بحس ان اسمو مناسب معو هو وزير الخارجية ( ابو الغيط ) ...

الخوجة said...

جماعة الخير

معظمنا اللى مافهمش كلام نوارة ومنهم انا لما كتبت البوست


للاسف كلنا حريم ورجال وزوار

كلام نوارة صح من اولة الى اخرة

والاخ اللى كتب بالانجليزى

فى اول البوست لو انته مش خايف

ماكنتش تكتب كدة

انما لعلمك لن نشغل انفسنا بالرد عليك لو عاوز رد بجميع لغات العالم ليس دفاعا عن نوارة

اخت المدونين كلها وتاج على رأسنا ونزله لك حالا بكل لغات العالم

الدليل على ان كلام نوارة صح


بالراحة كده

----------------
نطالب بمحاكمة رئيس جريدة الشروق الموجود بالقاهرة

اصحاب الاخبار الكاذبة
انباء عن تواجد رئيس الشروق الجزائرية

في القاهرة


I AM EGYPTIAN...WHO ARE you?

انتو بتتشطروا علينا بس


ان غدا لناظرة لقريب بكرة نفكركم

بما فعلتوة ايتها الحكومة من الكبير للصغير


قرار منع سفر رئيس

تحرير الشروق الجزائريه
شائعة

لاتعولوا كثيرا على الحكومة

اظاهر دى حكومة

دولة تانية

افرحوا كل الساسة

واولادكم

والاعلاميين

كانوا هناك

وسبب المصيبة هنا


يبقى الكلام

اللى بيتقال صح

استعنا ع الشقا بالله: هو مين علاء مبارك ده؟
---------------------

الخوجة said...

TO wbasiely : YOU MUST KNOW SOMETHING FIRST OF ALL THAT NAWARA IS THE DIAMOND CROWN OVER OUR HEADS .SHE HONEST , FROM ONE OF THE GREAT HOUSES IN EGYPT.YOU ARE A CRIMINAL TO TALK TO HER LIKE THIS.YOU ARE UNPOLITE PERSON TO TALK AND TO WRITE SUCH A COMMENT TO THIS GREAT PERSON IN THE LIFE OF EGYPTIONS.YOU ARE SILLY ENOUGH TO PERMIT YOURSELF TO DESCRIBE HERE AS A COMPLICATED PERSON AND IRRITATING;THE ONE WHO IS COMPLICATED THE ONE THAT DOESN'T KNOW IF HE IS FRENCH OR ARABIC,YOU DESERVE A ROCKET BETWEEN YOUR EYES,IF YOU RALLY A MAN OF HONOR WHICH I SUSPECT MEET ME IN THE WESTERN DESERT.BUT I THINK YOU DON'T DESERVE THE PRICE OF SUCH A ROCKET . REALLY IF SOMEONE HERE TALKED TO HER LIKE THIS;HE IS DOOMED TO DEATH,BUT YOU ARE AFTER A KEYBOARD.HOW YOU COULD KNOW SUCH ARABIC CUSTOMES AND TRADITIONS THAT A REAL MAN AS WE WERE TAUGHT SHOULD NOT BE UNDER ANY CIRCUMSTANCES TO TALK TO A GREAT LADY LIKE HERE.MAY BE HER BROTHER IS ELDER ENOUGH TO FACE YOU BUT HERE WE ARE ALL HERE BROTHERS AND SHE IS OUR SISTER THAT MAKE US PROUD.YOU SHOULD KNOW SOMETHING IF YOU ARE A MUSLIM THAT YOUR DAUGHTER WILL BE FACED WITH THE SAME RESPONSE,SHE HAS PUBLISHED WHAT YOU DARED TO SAY ,IF YOU HAVE A MOTHER AND A SISTER TELL THEM THAT YOU TALKED TO A MUSLIM WOMAN LIKE THIS,THIS WILL BE TRANSLATED TO THE LANGUAGE OF YOUR MASTERS

الخوجة said...

À wbasiely: QUELQUE CHOSE VOUS DEVEZ SAVOIR EN PREMIER LIEU QUE NAWARA EST LA COURONNE DE DIAMANT SUR NOS TÊTES. ELLE honnête, UNE DES GRANDES MAISONS EN EGYPT.YOU êtes un criminel de lui parler LIKE THIS.YOU PERSONNE SONT impoli de parler et Pour écrire un tel COMMENTAIRE DE CETTE GRANDE PERSONNE DANS LA VIE DE EGYPTIONS.YOU sont stupides suffisant pour permettre de décrire ici VOUS COMME UNE PERSONNE ET COMPLEXE IRRITANTS, celui qui est compliqué CELUI QUI NE SAIT PAS S'IL EST FRANÇAIS OU ARABE , vous méritez un ROCKET ENTRE VOS YEUX, SI VOUS LE RALLYE un homme d'honneur dont je soupçonne MEET ME IN THE WESTERN DESERT.BUT JE CROIS QUE VOUS NE MERITENT LE PRIX D'UN TEL Rocket. Vraiment si quelqu'un ici parlé à elle comme; il est condamné à mort, mais vous recherchiez une KEYBOARD.HOW tu savais TEL ARABE moeurs et les traditions que A Real Man comme nous l'enseigne NE DEVRAIT PAS ETRE EN AUCUN CAS de parler à un GRANDE DAME DE TYPE HERE.MAY être son frère est plus âgé ENOUGH TO FACE MAIS VOUS ICI NOUS SOMMES TOUS ICI FRÈRES ET ELLE EST NOTRE SOEUR QUI FONT US PROUD.YOU YA QUELQUE CHOSE DE SAVOIR SI VOUS ÊTES UN MUSULMAN QUE VOTRE FILLE SERA confrontés aux mêmes réponse, elle a publié QU'EST-CE QUE vous avez osé dire que si vous avez une mère et une sœur, leur dire que vous parlé à un LIKE THIS femme musulmane, cela sera traduit dans la langue MASTERS DE VOTRE

الخوجة said...

Wbasiely TO: Sie müssen wissen ETWAS ZUNÄCHST AUS, Nawara ist der Diamant CROWN über unseren Köpfen. SHE ehrlich, von einem der großen Häuser IN EGYPT.YOU sind ein Verbrecher mit ihr zu sprechen LIKE THIS.YOU SIND unhöflich Gesprächspartner UND ZU SCHREIBEN ein solcher Kommentar zu diesem großen PERSON IM LEBEN DER EGYPTIONS.YOU SIND töricht genug, Gönnen Sie sich hier als ein komplizierter Mensch und irritierend zu beschreiben; es, der die eine, die nicht wissen, ob er Französisch oder ARABIC IST kompliziert ist , soll auch so ROCKET zwischen deinen Augen, WENN SIE RALLY ein Mann von Ehre, DIE Ich vermute, MEET ME IN THE WESTERN DESERT.BUT I THINK YOU DON'T verdienen den Preis eines solchen eine Rakete. Wirklich, wenn hier jemand mit ihr gesprochen LIKE THIS, er ist zum Tode verurteilt, aber du bist NACH EINER KEYBOARD.HOW Sie wissen könnten DIESE ARABIC Bräuche und Traditionen, die A REAL MAN AS Wir lernten, sollte nicht unter keinen Umständen TALK TO BE A GREAT LADY LIKE HERE.MAY BE Ihr Bruder ist ÄLTESTE genug, um sich SIE HIER ABER WIR SIND ALLE BRÜDER UND HIER Sie ist unsere Schwester, die US MAKE PROUD.YOU SOLLTEN SIE WISSEN SOLLTEN SIE ETWAS sind eine muslimische, dass Ihre Tochter mit dem gleichen FACED BE Reaktion hat veröffentlichte sie was Sie zu sagen wagte, wenn Sie eine Mutter und eine Schwester erzählen Sie, dass Sie sprach mit einer muslimischen Frau LIKE THIS haben, werden diese auf die Sprache der IHR MASTERS ÜBERSETZENDES

الخوجة said...

A wbasiely: DEVI SAPERE QUALCOSA IN PRIMO LUOGO CHE Nawara è la corona sopra la testa DIAMANTE NOSTRA. SHE HONEST, da uno dei grandi case EGYPT.YOU SONO IN UN PROCEDIMENTO PENALE a parlare con lei COME SONO THIS.YOU Unpolite persona a parlare E per scrivere un commento a questo GRANDE PERSONA NELLA VITA DELLA EGYPTIONS.YOU è sciocco abbastanza per permettere YOURSELF di descrivere qui COME UNA PERSONA complicato e irritante; COLUI CHE è complicato QUELLO CHE NON so se sia francese o in arabo , ve lo meritate A Rocket TRA GLI OCCHI, SE RALLY un uomo d'onore che sospetto Meet me in the DESERT.BUT WESTERN penso che non meritano IL PREZZO DI TALE un razzo. Davvero se qualcuno qui ha parlato con lei questa LIKE, egli è destinato a morire, ma siete DOPO UN KEYBOARD.HOW potreste conoscere GENERE ARABO E TRADIZIONI Costumi che un vero uomo come noi è stato insegnato NON DEVONO ESSERE IN QUALSIASI CIRCOSTANZA di parlare con un Grande Signora LIKE HERE.MAY essere suo fratello IS ELDER sufficiente per far fronte VOI MA QUI SIAMO QUI TUTTI FRATELLI E lei è SORELLA CHE I NOSTRI MAKE US PROUD.YOU DEVE SAPERE QUALCOSA SE SEI UN musulmano che vostra figlia si troverà ad affrontare LO STESSO risposta, ha pubblicato quello che hai osato dire, se hai una madre e una sorella dire loro che lei ha parlato a un musulmano donna come questo, questo verrà tradotto al linguaggio di gestire i vostri

Unknown said...

الصارم الحاسم

ليه يا امور؟
سبق مثلا ومشيت اعس وادور عليك وافتش في عيلتك واهلك واصلك واعايرك بيهم؟
بامشي ادور على اكاونتاتك على النت مثلا واسهر عليك الليل اشتمك؟
بامشي اجند ناس ضدك والم بلطجية كلاميين او فعليين عليك؟
بادور في كل حتة القح عليك بالكلام؟

انا قاعدة في مدونتي اللي مش عاجبه بيلقح جتته عليا ليه؟

هو انا عمري جيت لك مدونتك؟
عمري سبت لك تعليق؟
عمري اهتميت اعرف انت مين اصلا؟

تجيلي تلقح جتتك وتطول لسانك ولما ارد عليك تقول لي اذا خاصم فجر

ده كلم الـ... تدهيك فعلا

Ahmed Fawzi said...

http://dostor.org/ar/index.php?option=com_content&task=view&id=38428&Itemid=1

قرأت مقال إبراهيم عيسى و حاسس إنى ممكن أكون غبى و محتاج حد يشرحه لى !!!!!!

Rateb said...

على فكره يا نواره انا بقيت مقتنع ان السكوت كان احسن واللى قال كلمة كويسة زى اللى قال كلمة وحشة كلنا غلطانين وشايف ان اللى بيفكر صح يتعامل مع الموضوع كانه مش موجود كانه فيلم هندى جه فى العيد الناس كلها بتتكلم عنه بس انا بكره الافلام الهندى فمش هتكلم معاهم فى حديث يارب الاقيه بيتكلم فى الفكره دى لقيته الحمد لله

1 - إنها ستكون فتن . ألا ثم تكون فتنة القاعد فيها خير من الماشي فيها . والماشي فيها خير من الساعي إليها . ألا ، فإذا نزلت أو وقعت ، فمن كان له إبل فليلحق بإبله . ومن كانت له غنم فليلحق بغنمه . ومن كانت له أرض فليلحق بأرضه . قال فقال رجل : يا رسول الله ! أرأيت من لم يكن له إبل ولا غنم ولا أرض ؟ قال : يعمد إلى سيفه فيدق على حده بحجر . ثم لينج إن استطاع النجاء . اللهم ! هل بلغت ؟ اللهم ! هل بلغت ؟ اللهم ! هل بلغت ؟ قال فقال رجل : يا رسول الله ! أرأيت إن أكرهت حتى ينطلق بي إلى أحد الصفين ، أو إحدى الفئتين ، فضربني رجل بسيفه ، أو يجئ سهم فيقتلني ؟ قال : يبوء بإثمه وإثمك . ويكون من أصحاب النار
الراوي: أبو بكرة نفيع بن الحارث المحدث: مسلم - المصدر: صحيح مسلم - الصفحة أو الرقم: 2887
خلاصة الدرجة: صحيح

حسن على said...

علاء مبارك دة هو ابن رئيس الجمهورية ,يعنى المفروض انة فى وضع زى "تشيلسى كلنتون" يعنى مالوش ايتها صفة رسمية لاهوة ولا اخوة.اما من اين باكل عيشة ف "من بقة" ولكن يقال ان قضمتة كبيرة حبتين أقول :أمين لدعائك بأن يقتص اللة من الظالمين قصاصا عادلا عقابا لهم بما فعلوا وماسوف يفعلون

شلاطة said...

انتي عارفه
انا كنت متغاظ من الجزائريين برضه
بس قعدت قريت شوية اخبار واتفرجت على كام برنامج
وحسيت ان الغلط الاول والاخير على مصر
اعلاما وشعبا وحكومة
اولا الاعلام من قبل المتش وهو شادد حيله على الجزائريين
وطبعا دا ظهر من خلال الاخ الجزائري اللي انتي حطيته الفيديو بتاعه
تاني حاجه في موضوع الاعلام
الاعلام الجزائري بالرغم من اخباره المغلوطة الا انه كسب المعركة الاعلامية قصادنا عالميا
كل القنوات شافت ان مصر غلطانه ليه لان الناس دي كانت جايبه كاميراتها ومزبطة نفسها على الاخرانها تضرب ضربتها وتجيبها على مصر
واحمد المسلماني لما قال فين البهوات اللي في ملحق في وزارة الاعلام مسؤوليته تحسين صورة مصر في الخارج هو صحيح الناس دي فين
النقطة التالته في الاعلام
شوية الشراشيح والجرابيع اللي جم في التليفزيونات امثال مصطفى عبده وطارق علام اللي قعدوا يردحوا في التليفزيونات ودا اللي وصلنا لمرحله الهياج والغيظ اللي بقينا فيها

النقطة الرابعه اعلاميا
ايه القرف اللي عملوه الناس يوم المتش اللي قعد يعيط ويعملي زي النسوان ايه القرف دا فضحتووووووووووووووونا داهيه تاخدكم
بدل ما تقعد زي الراجل قعدت تعيط دا ايه المصيبة دي
دا غير المذيعين اللطاف اللي في مهرجان السينما اللي بيسالولي اشباه وحثاله الفناسين والفناسات
العرايا اللي فضحونا هما كمان وخلو صورة مصر بدل ماكانت نبع العلم والحضارة الحقيقية والفن اللي على حق فن ام كلثوم واسماعيل يس
خلو صورتنا قدامهم رقاصين وعريانين وطراطير نسواننا بيمشوا عريانين واحنا عادي
بيسالوهم عن ارائهم العصماء في اللي حصل

من ناحية الشعب بقى فهي نقطة واحده
احنا اللي بدينا بالاذيه وانا مكنتش مصدق الموضوع دا
بس لقيتك حطيتي فيديو هو اه مش مدين لنا من ناحيه القانون بس معلش احنا مصريين زي بعض وفاهمين القصص دي ماشية ازاي عندنا وبتتكوس ازاي
وكنت بتفرج على منى الشاذلي وجابت مكرم محمد احمد وقال اننا ضربنا الباص بتاعهم

ومن ناحية الحكومة المصرية بقى
اولا الحكومة الجزائرية لو كان عندها شك 1 % انها لو عملت حاجه هيبقى نهار ابوها اسود عمرها ماكانت هتعمل حاجه
انما هي قالت علينا هفأ طبعا من تحت الراس الكبيرة ربنا يقصها ويقصفها بقى ياااااااااااااااااارب

ثانيا فين وزارة الخارجية بتاعنا ايه لازمة امها في الدنيا انا عاوز افهم
انا مقتنع تماما ان السفير المصري في السودان عرف ان في طيارات عسكريه هي اللي جابت الجمهور
ومتاكد تماما انه بلغ وزارتنا في مصر بالموضوع دا
فين بقى احنا عملتلنا ايه الحكومة بتاعنا
ولا حاجه عادي يعني الناس راحت وخلاص
ومحدش يقولي مكنوش عارفين بدليل انهم بعتوا جيمي وعلوة لألألألألألأ دي حركات تمويهية

فين الجيش بتاعنا اللي كل سنه بيقرفونا بالتجنيد التجنيد لما اتفقعنا منه
لو كنا ايام المرحوم جمال عبد الناصر او المرحوم انور السادات عمر ماكان حد اتجرأ وعملها معانا ولو كانت اتعملت كان نهار ابوه اسود
ليه جيشنا منزلش الجمهور بلبس مدني
امال هو الجيش ايه لزمته
ومحدش يقولي مجزرة لانها مكنتش هتبقى مجزرة
ديتها قنبلة مسيله للدموع هيخافوا
ولو بقت مجزرة مكنش دا هيبقى منظرنا على الاقل هيبقى شكلنا عدل شوية
واللي قلته مش معناه اني مشحون ضد الجزائريين
لا انا متغاظ من حكومتنا احنا
هما ناس جهزوا نفسهم لاي احتمال ممكن يحصل

حسبي الله ونعم الوكيل في اللي كان السبب

شلاطة said...

http://www.nytimes.com/2009/11/21/world/africa/21egypt.html?_r=1&ref=sports

وخدي الفضيحة دي كمان
http://www.saveegyptfront.org/news/?c=200&a=25526

Anonymous said...

I have to say that I didn't like your post at all... but I won't get myself irritated more and reply...

Just one comment for the record...
"مُنْتِنَة
م ضمة نون سكون ت مكسورة نون فتحة تاء مربوطة"

ya3ny elgomla malhash elaka bel "natana" as you claim... it was mentioned in a 7adeeth regarding mentioning elnasab or al watan...

Unknown said...

أستاذ مواطن
بدون أى تعليق

فرح
http://www.youtube.com/watch?v=dkE7EOZE8Bk

الأقصر
http://www.youtube.com/watch?v=Xnyvev_Do7g&feature=relate

بورسعيد
http://www.youtube.com/watch?v=Shbt85hU1VM&feature=related

Unknown said...

وأنا كمان بعلن ندمي علي انسياقي وراء هذه الغوغائية المدبرة
وهنا رأيي أتشرف لو تقرأيه
http://abofarha.blogspot.com/2009/11/blog-post.html

راء said...

الموضوع دخل في الحد الشخصي أوي

اولا انا بعتذر لحضرتك لأني اتنرفزت في ردي ودي اول مرة ف حياتي اعملها في اي مدونة..

ولكن واضح اننا وصلنا لحارة سد كل واحد ليه رأيه وكل واحد مش هيتنازل عنه لأننا لينا رؤى مختلفة بس احنا مسلمين ومصريين زي بعض

و كفاية اوي الحرب بين الجزاير ومصر مش هنعمل حرب بينا وبين بعض داخل مصر كمان احنا اكبر من كده

وارجو ان الموضوع يهدى شوية ومندخلش نفسنا ونكره بعض بسبب مشكلة دولية ولا ايه؟؟

سامية جاهين said...

عفارم عليكي يا نوارة!

Heba-Allah Mostafa said...

انا مش هلك كتير ولا اخد وادى معاكى
مين علاءمبارك ده ؟
بكل بساطه علاء مصرى هو ده علاء مبارك
انتى لو كان ابوكى او اخوكى هناك مكنتيش طبطبتى وقلتى اصلهم اخواتنا
علاءمقالش حرف غلط
وكل اللى بتقوليه ده زيك زى 20 واحد مصرى شايف ان عيب يا جماعه كده
اطمنى محدش سامعكم
المصرى غيووووووووووووووور على بلده
لو كان حد قريبك اتضرب هناك مكنتيش قلتى كده

Unknown said...

سامية جاهين؟

نورتيني يا سمسمة

:)

سامية جاهين said...

ده انت اللي مدونتك كلها نور يا نوارة! بس نعمل إيه في العمى بقى.. لا بيفرق ما بين نور وضلمة ولا بين مصري وعامل مصري! مع احترامي الشديد يا أستاذة هبةالله، كانت فين مصرية ووطنية علاء بيه لما المصرييين بيموتوا برصاص حرس الحدود الإسرائيلي كل يوم والتاني، ولا كانت فين النخوة والرجولة و"احنا اتهاننا واتبهدلنا" لما المعتقلات الإسرائيلية تتملي بالأسرى المصريين اللي ماحدش سائل فيهم؟ ولا هي البهدلة في إسرائيل شيك والبهدلة في الجزاير بيئة؟

عشقك ندي said...

EZAYEK Y ANAWARA
SALAM KBEEEEEEEEEEEEEEEEEEEEEEEEER AWEEEEEEEEEEEEEEEEEEEEEEEEEE L3AMNA NEGM DA WA7SHNA AWEEEEEEE
2OLELO ELESKANDRANYA KOLOHOMBYSALMO 3ALEEK WE ELNABY ELSALAM AMANA