Wednesday 18 November 2009

من الاقوال المأثورة في هذه الازمة اللي من غير لازمة






طبعا فيه ابداعات كتير، وان شاء الله ح احدث البوست كل ما اسمع ابداع جديد
ابداع اليوم:
مدحت شلبي: لازم نحس بالانتماء تجاه الفانلة المصري.

وقد قرر مجلس قيادة التويتر، ان ندرج البوكسر والبانتي المصري لقائمة الانتماء الوطني
----
تحديث:
عفت نصار على الجزيرة سبورت: المصري لما بيكون تحت ضغط بتبقى روحه "المعدنية" كويسة
---
تحديث:
جمال العاصي رئيس تحرير الطريق: مصر.. اللي هي مصر، صاحبة التاريخ والجغرافية، فضلت هي مصر
---------
تحديث:
متصل مصري: الف مبروك للاربعة وتمانين مليون
-----
تحديث:
جزائري على الجزيرة سبورت: احنا شعب عانى كثيرا، ونرجو من الاخوة المصريين ان يعطونا فرصة لنفرح
------
حالة نفاق مبالغ فيها للسودان اللي ما كانش حد سائل فيها وكانوا سايبينها تجوع وتحارب وتشحت وهي عندها اغنى الموارد لحد ما اتحوجت للصين
وفجأتن، كل من المصريين والجزائريين بيتنافسوا على نفاق السودان، زي نعيمة عاكف لما كانت طالعة في فيلم كل ما تروح عند حد يطردها وفجأة ورثت مليون جنيه بقى كل اللي كانوا بيطردوها بقوا يتمحلسوا لها
الجزائريين هتفوا باسم البشير، راح المصريين داخلين باغنية ما تعرفش لحقوا يألفوها ويلحنوها ويصورها امتى، عن السودان، وجمال السودان، وحلاوة السودان، ارض الاولياء، والصالحين، ارض العلم، والحضارة، والقنبلة الذرية هههههههههه
والله وباضت لك في القفص يا اووووووووووووساااااااااااااااا

----
تحديث:
دلوقت حالا على الهوا مذيع مش عارفة اسمه بيقرا رسالة وصلته: 
الرسالة: انا حلمت اننا ح نكسب بضربات الترجيح او بضربة الجزاء
المذيع: طب كلمني بقى انت قلقتني كده
----
تحديث:
متصل: والله والله والله، قدر الله وما شاء فعل، لان الجمهور ما كانش يستحمل جون تالت.. الحمد لله الحمد لله الحمد لله
---
ملحوسة:
تعليقا على تعليق جو اللي قال لنا: فضحتونا وسط الامم المتقدمة. احب انوه ان الاعلام المصرية الخفاقة صناعة صينية. وانا مش عارفة ايه المعجزة في العلم المصري عشان يتعمل في الصين، طب الجزائر اهي علمها عليه رسمة، هلال ونجمة وبتاع، واحنا مؤخرا ما بقاش عندنا توافق عقلي حركي ممكن ما نعرفش نرسم الهلال والنجمة، انما تلات الوان، كانوا يقولوا لي وانا اخيط لهم كام علم في البيت... او اخيطهم هم
---
تحديث
متصل: الو سلامو عليكو.. ايوة، انا عايز اقول اننا ما عملناش حاجة، واحنا مش ح نفضل نتهان ونسكت، وانا طالب اعتذار رسمي من حكومة الجزائر على البنت الجزائرية اللي عملت حركة وحشة للجمهور المصري
------
ضيف على مودرن سبورت: بيحملوا الاعلام المصري المسئولية؟ طب مين اعتذر عن البنت اللي درعت للجمهور انا اسف يعني
مدحت شلبي: لا مافيش اسف، ده حصل
-----
متصل على الجزيرة: الحقيقة احنا والجزائر شعب واحد، وما غلطناش فيهم، بينما بص الجزائريين وافتكر البنت اللي كانت في المدرجات
(قصده على اللي درعت - احنا ناس خجولة وعذارى)

 

28 comments:

بهيج الشرير said...

والنبي ياأبلتي ماتنسيش البشكير وملاية السرير وكل الغسيل الوسخ

Unknown said...

طب وبالنسبه للانجيرى لا مؤاخذه نظامه أيه؟

هتشوفوا said...

كل يوم بتزيدي وطنية, ايوة كدة غوصي كمان في العمق الوطني

هتشوفوا said...

المنطقة دي بالرغم من حساسيتها, كلها مشاعر وطنية
علشان كدة محتاجة لأيد خبيرة في التعامل معاها, وبكدة نقدر نرفع الانتماء الوطني ونوقف تاني البلد على رجليها

Unknown said...

الشروق تتاجر بشعب الجزائر - هذا هو السبب وراء أدعاء الشروق الكذب
http://mafesh.blogspot.com/2009/11/blog-post_17.html

Sahran said...

عزيزتي نوارة
بصراحة خليني أقول لك , ورغم أن الوضع غير مناسب , ولكن صدقا أنا عمال بأفكر في أن ما حصل هو هدية من الأقدار للشعب الفلسطيني الذي بهدلتوه وجرّستوه وانتم بتتكلموا عن تفرقنا وتشتتنا , بس على الأقل إحنا تفرقنا لأسباب سياسية , ولاختلافنا في تقدير مصلحة القضية , وأكاد أجزم بأن كل الحملات الإعلامية بين فتح وحماس طوال السنين الماضية لم تكن لتبلغ نصف ما صار بينكم إنتم وإخواننا الجزائريين

يعني بالعربي ما في حدا أحسن من حدا

يا شماتة أبلة تازة فيا


تحيااااااااااااتي لك


ودمت سالمة

Unknown said...

انا لما قلت يا شماتة ابلة ظاظا فينا كان قصدي اسرائيل

ما كنتش اتخيل ابدا ان واحد عربي يشمت في حاجة زي دي، مشكلة بين مصر والجزائر تضر بفلسطين والفلسطينيين اكتر ما تضر بالمصريين والجزائريين نفسهم

لااااااااااا

ده احنا الظاهر كلنا اتجننا وللا ايه

ههههههههههههههه
الا اللي داخل يشمت عشان اتخانقنا زيهم

ههههههههههههههههههههه
لالالالالالا
بجد مش قادرة، ح اموت من الضحك

ايه العثل ده؟

lastcrazyboys said...

لو قصــدك على الأغنية اللي اسمها "مصــر المأمنــة" ..فدي أبيــات قديييمة يعلوها الغبار
عملها شيخ من شيوخ الطرق السودانية
اسمــه "عبدالرحيم البرعي" ..كان جاي :تعالج..وبيقول في اول ابياتها

يا صــاح هُمــنا ..لزيــارة أمنــــا
مصــــر المــأمنــة ...بـأهـــل الله
=
رمضــان اللي قبل اللي فات دهو

قام مشكورا كل من علي الحجــار وايهاب توفيق ..وبالاشتراك مع فنان سوداني باعادة غنـــاء القصيدة بأسلوب حديث

لكن طبـــعا احنا مافتكرناش المبــادرة دي فعلا غير لما احتجنــا الســودان

بس الســـؤال اللي بيطـــرح نفســـه وبقوة حاليـــاً..؟


ايييييه موقف الســـودان من اعـــرابنـــا..........بعـد بكــرة..؟

Unknown said...

هو ماتش السودان ح يبقى سهل

وعشان كده السودان ح ترجع زي ما كانت

Sahran said...

عزيزتي نوارة

يعني حضرتك ليش مستغربة من الكلام اللي أنا بأقوله

بصراحة إنتم والجزائريين صرتوا مضحكة الأمم , وكأنكم داخلين على الحرب العالمية والكل بيهتف ويزعق ,,,

وما أضحكني هو قول الجزائري :احنا شعب عانى كثيرا، ونرجو من الاخوة المصريين ان يعطونا فرصة لنفرح
يا سلاااااااااام عالروقان يافندم ,,

على هيك فإحنا بنستحق ناخد كاس العالم من غير ماندخل المونديال حتى ,, والأخ صار بيشحت انتصار كروي

عجبت لك يا زمن

تحياااااااااااتي لك


ودمت سالمة

lastcrazyboys said...

الا ميييين اوســـا ولا مواخـــذة صحيح ....انا نسيت اسأل في الأول..!؟

muhanad said...

الله دى احلوت على الاخر

ما فيش حد سورى هنا او لبنانى عاوز يقول حاجة

ونخلى اخوانا بتوع اليمن والعراق لبكرة

ماهو خلاص عتقود العنب اتفرط
ــــــــــــ

تفتكروا لو الامارات كان ليها مبارة كورة فى السودان مش كانت هتغير تفكيرها ده

http://www.arabianbusiness.com/arabic/573834

Unknown said...

سهران

هههههههههههههههههه
والله ما عارفة اضحك وللا اعيط
الرسول استعاذ من شماتة الاعداء، لكن شماتة الاهل دي اللي جديدة خالص

لاست كريزي بوي

انت ما شفتش انها حقا عائلة محترمة؟ طنط اوسا، لما اتجوزت فؤاد المهندس قالت: والله وباضت لك في القفص يا اوووووساااااا


مهند

العقد فرط وعرفنا من زمان

انما الجديد ان العقل شت

لا مش ح تغير رأيها
هو يوم ح يلعبوا فيه

وابقى تف في وشي لو سيرة السودان جات يوم الخميس في مصر وللا الجزائر وللا افتكروها بشاندوشت جبنة بيضا بالجرجير في نص رغيف عيش بلدي

Unknown said...

And since when the Algerians ever cared for Sudan? At least we have friends, families and businesses between each other and away from what our gov did there the Egyptians mostly have no hard feelings towards them! Also, the Algerian fans vowed to kill Egyptian fans in Sudan, is that how they respect their host country?!!
As for the comment from Palestine, motshakereen 3ala el shamata, Its really sad to see how many so called "brothers" are taking the chance to get back at the Egyptians who are known to be unsupportive of most of what their ruling regime has been doing.

To all those who threw politics into the mix, none of us have a saying in how our countries are being ruled so stop throwing words at the ppl we are all suffering from the same terrible regimes and I am willing to bet money on how this whole football fiasco is benefiting both the regime in Algeria and in Egypt.

Nawara, I know you do not like youm7, but I read some disturbing news from Khartoum regarding a fan of Egyptian team, was wondering if you have a confirmation?

lastcrazyboys said...

ايوة ...عارف المشهـــد


عييييب احنا برضه صيع تلفزيون

بس مين المقصود هنا بقى بانه باضت له في القفص

احنا ولا هما ..!؟

معلش !!..اصل اخوكي تعليم مجاني بعيد عنك

Unknown said...

التعليم المجاني احسن تعليم

اوسا هي السودان طبعا
باضت لها في القفص والكل بيخطب ودها

Unknown said...

SpoiledEgy


صح
انت صح
بامارة ما قتلنا اللاجئين السودانيين في الشارع عشان بيشربوا خمرة

muhanad said...

الاخ سبويلد ايجى

ممكن اعرف اصدقائك انت السودانين

ولا تقصد الاخ السودانى اللى اشتريت منه محفظة جلد من العتبة بقى صديقك خلاص ومن عيلتك

والله عندها حق نوارة

والله وباضت لك في القفص يا اووووووووووووساااااااااااااااا

lastcrazyboys said...

لا لا لا...حكاية اللاجئين بتــوع الشــارع دي نغلوطة

وبعدين مين قال ان الســودان كانت مســتاءة ..بالعكــس

لا حكومة ..ولا شعب كانوا مستائين..انا كنت زي حالاتك...ومكسوف آآخر كسفة

لحد ما واحد سوداني قال لي :ياريييت كان ولعوا فيهم ..دول ولاد تييييييت

والعهدة على الراوي ايضا ان الحكومةاتحركت لما السكان اشتكــوا من انهم بيمارسوا "حياتهم الطبيعية " علني كده في الشــارع

ولما سألته : قال لي : الجنوبيين دول اصلهم لا دين ولا خشى

ممكن يكون الراجل بيتكلم من منطلق عدواني تجاه الجنوبيين بحكم المشاكل الداخلية...!!
بس مش عارف ليه انا اقتنعت بكلامه..!؟

يمكن عشــان شفت ناس كتير منهم فعلا ..هتلاقي انهم "ايزي" مش زي الشماليين يعني

ولا عشـــان مفيش رد فعل قوي عاللي حصل..؟

او يمكن مش قادر اتخيــل ان احنا اللي ممكن نكـــون ولاد"تيييت "قوي كــده..؟

Unknown said...

حكاية النفاق و التطبيل للسودان و السودانيين هي الحاجة الوحيدة المضحكة في الحرب الضروس الحاصلة بين المصريين و الجزائريين دي خصوصا التعليقات من نوع السودان الشقيقة و السودان الحبيبة لأن السودانيين أصلا بيتكلموا عن السودان بصيغة المذكر :D

عموما خلاص كلها يوم واحد بس و السودانيين حيرجعوا تاني بوابيين و كسالى و عبيد و خدامين و غيرها من الأوصاف اللي بتعبر عن مشاعر الحب الأخوي

حـنــّا السكران said...

ايوه انا عايز اقول حاجة

بما انه الجميع بيدلو ( بدلوه ـ مع كسر الهاء طبعا حتى تبلغ الياء ) .. انا عايز اقول انكم فضجتونا بين الأمم المتقدمة و بقينا مسخرة .
ـ بلا مزح .. أنا عجبني تعليق الأخ الفلسطيني , جداً .

بخصوص الأقوال المأثورة .. انت نسيت مانشيت الأهرام ؟؟ :
( تتويجاً لملحمة شعبية و جماهيرية قادها السيدان علاء و جمال مبارك من المدرجات)

يعني يا نوارة في المستقبل رح يطلقوا على جمال لقب : بطل الحرب و السلام .. بما انه قاد موقعة و ملحمة ضد الجزائر الغاشمة و انتصر فيها أيام ما كان لواء في لجنة السياسات .... بطل الضربة الكروية .
بما انه عوكل ملك الفياغرا و قاهر الهكسوس ( بالإذن من بهيح ) هو بطل ضربة تانية ...
و اليوم لو فزتوا رح تطلع مانشيتات : الرئيس يهزم الجزائر شعبا و حكومة بعد اتصاله تليفونيا بالفريق ... عوكل بطل ضربات الجزاء غير الترجيحية ضد الشعب المصري و الفلسطيني و كل الشعوب المجاورة .
نائل الطوخي كان ناقل عن احد الاصدقاء و الصديق ناقل عن سواق تاكسي مصري قوله : ( عبقرية الشعب المصري تكمن انه انتصر على اسرائيل و الفلسطينين مع بعض )... و الان أضف إليهم الجزائريين .. و المنطق .

Unknown said...

يا جو

الزعيم جمال مبارك هو: بطل الماتش والاجوان

Unknown said...

ايه ده صحيح

هههههههههههههههههه

احنا هزمنا الفلسطينيين ازاي؟

هههههههههههههههههههه

AmmAr said...

طب خودي عندك التحديث ده :
غزة تمثلها الجزائر نهدي فوزنا على مصر لفلسطين وابناء غزة المحاصرة ، فوز الجزائر على مصر هو كسر الحصارعلى غزة

mido said...

طب حطى بقى فيديو البت اللى درعت عشان الجماهير مشتاقة تعرف

:))

http://www.youtube.com/watch?v=uhO3O4uTh40

ههههه

Unknown said...

@ Muhanad & Nawara: My parents lived in Sudan for 10 years, my closest friend in London is from Sudan, my sisters best friend is Sudanese and we are attending her wedding there next month. now, tell me, what do the two of you know about Sudan? And since most of you here are journalists, how many businesses and families are shared between Sudan and Egypt? and how many between Algeria and Sudan? If you do not believe me go and read on Sudanese newspapers comments by Sudanese saying we will welcome Algerians as Arabs but we do not really know them.

Stop putting down and mocking any comments that do not approve with your line of thinking. if you have ideas and facts let us discuss them instead of mocking each other.

Now for the unfortunate incident with the Sudanese refugees are you really saying the Egyptian ppl wanted that? You know very well most of the citizens of the Arab countries have little saying in how their country is being ruled, if you blame only the Egyptians for all the misdeeds their ruling regime has done then be fare and also blame all the other Arab citizens for the idiotic actions of their ruling regimes as well. What do you know about the incident? do you know the dirty role the UNHRR played in it? did you have friends working in human rights groups and dealing directly with the whole issue? Yes, our gov acted in a terrible way but that was after the UN decided to give up on its legal role and decided the refugees should go back to Sudan but left us the hosting country with ppl in the street.

I used to admire you and your blog but you clearly have hatred towards some ppl and mistrust your own ppl as a line of thinking. You can only see black or white while life is full of gray.

حـنــّا السكران said...

المعلّق المصري بيقول انه( السيد جمال مبارك هنا و كتير من أعضاء مجلس الشعب و الشورى .. يعني ممكن ياخدوا قرار الفوز من هنا .... )قرار الفوز ؟؟

ـ على فكرة انا ملاحظ انه عوكل ما حدا معبّره بمصر هالإيام .. الكلام على جمال و كأنه الحاكم الفعلي عن جد .. و عوكل يتم الحديث عنه على أنه "الملكة الأم" أو شيء من هذا القبيل .

حـنــّا السكران said...

الفريق الجزائري باهت .. ليس له أي ملامح بصراحة ..