Sunday 22 November 2009

تلات اربع كلمة جمال بخيت


مش كلها برضه، بتاع تلات اربعها، اللي سجل ما سجلش الحتة اللي جمال بخيت بيقول فيها: انا ح اموت، يعني بيتم خلق عدو جديد مكان اسرائيل اسمه الجزائر. ومش فاكرة قال ايه تاني بس الحتة دي كيفتني
المهم دي تلات اربع المكالمة جابها ميدو وعم مينا
اللي يقدر يجيب من الاول خالص اوعايزين مكالمة حافظ المرازي برضه قال كلام حقاني
انا غاظني قوي رد فعل منى الشاذلي على جمال بخيت، وما كانش ده توجهها من الاول خالص، غيرت رأيها مية وتمانين درجة
وعلى فكرة انا باكره علاء مبارك اكتر ما باكره جمال، لانه دعا للفوضى بصريح العبارة وعمل فتنة ووقيعة وحسبي الله ونعم الوكيل فيه، حسبي الله ونعم الوكيل فيه، حسبي الله ونعم الوكيل فيه ربنا ينتقم منه على الكارثة اللي هو عملها يومين ورا بعض بمكالماته هو اللي اهاج مشاعر الناس، وهو اللي دعاهم للتظاهر وكل اللي حصل من تحت راسه وبأوامره، والله ربنا ما ح يسيبه، بصوا بقى، جمال مبارك، حسني مبارك، دي ناس في السلطة والواحد ينفع ينتقدها، يقول موافق مش موافق او حتى يعمل حملة عليهم
لك البسوس علاء مبارك اللي نزل بتقله واشعل النار في شوارع مصر وادا اوامر للاعلام المصري انه يسن سنانه، بل وارهب الاعلاميين اللي بان منهم اي امارات تهدئة
تخيلوا لما يشتم شوبير بدعوى ان شوبير بيهدي مع الجزائريين عشان قال: انا باحترم روراوة. بعدها بربع ساعة شوبير اعتذر للجماهير المصرية عن زيارة الجزائر. وبعدين ارهب خالد يوسف
وقال واللي بيقول لو راحوا ح نشجعهم، لا مش ح نشجعهم هم ماسكين علينا ذلة
كل ده اثارة جنونية غير متحملة للمسئولية
كل القرف اللي شايفينه واللي وصل بعض الحثالة من امثال حكيم الرقاص انه يقول بلد المليون شهيد دي المليون لقيط، والجرابيع بتوع البيت بيتك يضحكوا على واحد بيقول الجزائر نعرفها من نسوانها
هذا المستوى المنحط ما حصلش غير بعد مكالمة علاء مبارك والفتنة اللي اشعها
وحسبي الله ونعم الوكيل فيك يا علاء يا مبارك، حسبي الله ونعم الوكيل فيك، حسبي الله ونعم الوكيل فيك، قادر ربنا ينتقم منك وكل كلمة قلتها تشعل بيها الفتنة تتقلب عليك نكد ونار الفتنة ما يتحرقش بيها غيرك، حسبي الله ونعم الوكيل على الجريمة اللي عملتها، حسبي الله ونعم الوكيل، حسبي الله ونعم الوكيل، والله العظيم عمري في حياتي ما اسامحه ابدا، كل ده في رقبته، كل اللي حصل في التمانية وعشرين سنة اللي فاتوا كوم والجريمة اللي عملها علاء مبارك كوم تاني، الله لا يسامحه على اللي عمله، وانا عارفة اللي ورا تصرفه ده، الله لا ينوله امله، ولا يهنيه عليه، ويرد كيده الى نحره، الله ينتقم منه، ومش ح يصعب عليا في حاجة تاني بعد كده ولا اي مصيبة تحصل له بعد كده لاني ح ابقى عارفة انها انتقام ربنا منه، ده حتى منى الشاذلي غيرت رأيها مية وتمانين درجة بسبب مكالمة علاء مبارك. ارهب كل الناس وحرض الناس وشعلل الناس وعمل فوضى وعمل قطيعة وقال كلام جارح ولما يصدر من اعلامي يفوتوه لكن لما يصدر من ابن الرئيس يفوتوه ازاي؟
طب ايه رأيك بقى يا استاذ علاء ان العيال دي علموا عليك؟ واعمل مهما تعمل، تشتمهم وتقول ح اديهم على دماغهم، تحرض الاعلام عليهم، تخلي كل النقابات وشركات الانتاج يقاطعوهم (طبعا كل ده ما حصلش غير لما علاء اتكلم) تهييج الغوغاء عليهم تدعو الى تظاهر ومحاصرة السفارة بكلامك التهييجي: نقف وناخد موقف احنا كشعب. توصل الموضوع للمغرب والصحارى... كلللللللللللللللل ده بيصغرك ما بيكبركش، وما تقولش اللي ما يحترمنيش ح ادي له على دماغه، امتى؟ ح تديهم على دماغهم امتى ما كانوا قدامك
عارف؟ عارف؟ كانوا قدامك، وعلموا على منتخبنا في الملعب، وجمهورهم ضرب الدلاديل اللي انت ساحبهم ووقف يستنى ردهم قام رجالتك سابوا النسوان يقلعوا التي شيرت ويمشوا عريانين وجريوا... جرييييييييووووووووووووواااااااا. ولما فكروا يضربوهم هنا، ضربوهم وجريوا برضه. ومعلمين عليك برضه، اعمل اللي تعمله، هي الولية الموكوسة حيلتها ايه غير الشرشحة؟ العلقة اخدها المنتخب في الملعب واخدها جمهور الوطني في الشارع وجريوا
وخلاص... خلاص.. مهما تعمل، مهما تعمل، هم رجال وانت واللي كانوا معاك مشمش وربنا ح ينتقم منك كمان فوق البيعة، والله العظيم ح ينتقم منك، انت فاكر اللي عملته ده شوية؟
ده طلع جمال وابوه ارحم، والله الواحد حيران، مش عارف يعمل ايه؟



19 comments:

بوبو said...

جمال بخيت خبط في الكل وقال الكلمتين اللي كانوا واقفين في زوري ومنى الشاذلي تنحت ومعرفتش ترد ، بالذات لما قالها على موضوع الاغاني الوطنية اللي اتكتبت بدم الشهداء مش الشعراء ازاي تتحط على رجلين المنتخب
بجد كلمتين زي اللي قالهم يطمنوا الواحد شوية ان لسه فيه ناس عاقلة
انا متفرجتش على الفيديو اللي انتي حطاه لاني شفت الحلقة امبارح وبالتالي مش عارفة اللي انا بقوله داخل ضمن الجزء اللي انتي حطاه ولا لا
بس هو قال كلمتين حلوين واحمد حسن كابتن المنتخب بلم ومعرفش يرد وبعدها فضل يتهته في الكلام

mido said...

المكالمة كلها اهى بتاعة جمال بخيت

لن استسلم ابدا

:D :D :D

وش بيغمز

Maha said...

كلام الناس العاقلة : الحل عند د.مصطفى محمود

http://www.facebook.com/video/video.php?v=180348029087&ref=nf

Unknown said...

طب ممكن أقول كام نقطة صغيرين ؟

1- كلام جمال بخيت زى الفل ولا غبار عليه لأنه لسه عايش فى الحلم الناصرى بتاع القومية العربية بس ماعجبنيش لما قفل السكة فى وش أحمد حسن لما ابتدا يرد وقال له انت عايزنى أرد عليك؟ وراح قافل السكة

2- مكالمة الميرازى مشيوهة ومجروحة بالذات لما نعرف انه هو اللى بيدى كورسات صحافة فى الجامعة الأمريكية ل "نسيم الكحل" رئيس تحرير الشروق الجزائرية واللى كان مقيم حتى أمس فى رمسيس هيلتون قبل أن يهرب عائدا الى

بلده ليلة أمس
وبصراحة حسيت ان مكالمة الميرازى موجهة لادانة مصر بالذات لما قال ان مصر قتلت وجرحت 45 جزائرى هنا بعد المباراة الأولى

3- مكالمة علاء لو وراها بيزنس زى ما اتنشر امبارح يبقى يستاهل دعاكى عليه لكن لو من قلبه وباخلاص وبدون مصالح شخصية فيمكن اعتبارها حماس مواطن منفعل اجتهد فأخطأ....لكن الغريبة انه لو كان حد قال له لأ ماكانش طلع تانى يوم فى البيت بيتك وزودها

4- شوبير شخصية زبالة وعلى فكرة هو اعتذر قبل مكالمة علاء مش بعدها وهو لما قال باحترم روراوة ماقالهاش احتراما لحد لكن عندا فى سمير زاهر اللى بعده عن تورتة الجبلاية.. فاوعى تظنى لحظة انه حمامة سلام

أخيرا أنا عايز أقول لك حاجة..انتى عملتى أكتر من 6 بوستات شتيمة ودعا ..ماتفضيها سيرة وتكتبى بوست هادى متواز يكون موضوعه كيف نحتوى الأزمة وكيف ننقذ مايمكن انقاذه...بهدوء وبدون تشنج

شلاطة said...

انا حطيتلك لينكين في البوست اللي فات
فيهم الحلقة كلها ممكن تنزليها

حفيدة عرابى said...

لا يانواره
جمال وابوه مش ارحم ولا حاجة
هما عائلة واحدة ومصالح واحدة
بس بيقسموا الادوار بينهم
أقذر دور ممكن يقوم بيه حد بصراحة هو الفتنة

الحلم العربي said...

انا كنت مبسوطة جدا جدا بالكلمتين بتوع جمال بخيت بجد وسط التخبط و العشوائية اللى احنا عايشين فيهم دول
لكن يا نوارة انا ليه حاسة انك بتقولى كلام و عكسه؟‍!! انتى كمان مش عارفة تاخدي موقف واضح زي كل الناس
ليه حاسة انك فرحانة في اهلك اللى حصل فيهم كده؟؟ و بعدين هما ما ردوش لأنهم اتاخدوا غذر يا نوارة انتى قاعدة على مكتبك و بتحكمي على الموضوع من خلاله لكن لو كنتى انتى في الموقف كنتى هتجري اول واحدة بردو ... لو مجموعة من الحكماء دخل عليهم واحد مجنون بمسدس و قالهم يقولوا حاجة تحت تاثير السلاح هياخدوه على قد عقله أو هيحاولوا يتجنبوه و يجروا
انا مستغربة جدا من مكالمة ابن الرئيس اللى تهيج شباب كتير زي دول و في الاخر دخلوهم المعتقل بردو يعني بردو مانفعهمش :))
بس بطلي شغل الحسبنة و الولوة دي الله يكرمك انا زهقت من النبرة دي في التليفزيون و كل حتة ...كل ما افتح قناه الاقى ناس قاعده تعيط و تفرش الملاية لبعض ارحمونا شوية

Unknown said...

عارفة انا مكنتش اتخيل ان اعلامنا بالقذارة و السفالة دى
واحدة امبارح متصلة بسى ابراهيم حجازى (اصلها ناقصة امه هوكمان)
بتقول ان الجزايرين كل واحد فيهم ميعرفش ابوه مين و الله العظيم دعيت عليها و عليه فى حد محترم يقول كلام زى دة ربنا ينتقم من كل من اشعل هذه الفتنة و غذاها و احنا فى شهر حرام و فى ايام مفترجة و الاكادة البلاوى اللى بتتحدف على مدونتك بجد بحسدك على برودك
مش مكفيهم كل البرامج الحوارية و سفالتها لازم مدونتك تبقى تشتم فى الاعراض عشان تعجب
اه بالمرة بقى فى واحد بيقولك اصلك خالف تعرف .....بروح امك قول لنا المواقف دى ايه عشان نوارة مع المقاومة تبقى خالف تعرف اللى يبقى مع الشهدامع الناس اللى مملكتهم مش من هذاالعالم يبقى مخالف صحيح خسيس
و بروح امهم المحرورين اوي اللى عايزين يقطعوا العلاقات مع الجزاير مع ارحامنا و اخواتنا هناك متقطعوها مع الصهاينة و سفيرهم الاول ولا ماما اسرائيل اولى بصداقتنا الموضوع بيزنس يا عالم يا هووه فوقوا من الخيبة دى

Unknown said...

برافو جمال بخيت
لسة بسمع الفيديو

Unknown said...

ممممممممممممم
نواره
مش لازم غضبك على علاء يخلينا ننسى برضه أن كان فيه ناس محترمه رايحه تشجع - ماهماش وطنى ومهماش فرافير
دكاتره ومهندسين وشباب جامعات
بس حتة البنات اللى راحوا معاكى كل الحق فيها

بالنسبه لمنى مش عارف بس مايتهيأليش انها من النوع اللى بياخد أوامر بس المشكله ان منى عاطفيه شويه وممكن لما وصلتها الفديوهات دى حادت عن الطريق شويه
وعلى فكره منى برضه لقحت بالكلام شويه وقالت مبارك مش بس غضبان علشان الجماهير - لأ - لأن أولاده كانوا هناك
بشكل مباشر واللبيب بالأشارة يفهم

المهم - أنا نفسى أعرف
أيه صفة علاء هنااااااااا
بصفته علاء بونجو مثلا"
طب جيمى وقلنا تابع الحزب اللى مطلع ناس
طب عيلاء ماله
نفسى حد أبن راجل كده من الهلافيت بتوع البرامج يسأله
أنت مين ؟!!!!!

نواره
نفسى تفكرى فى حمله ضد البيت بيت أبونا - البيت بيتك سابقا" - باستثناء محمود سعد طبعا"

Unknown said...

أسف
نسيت أحط اللنك ده

شيمون بيريز يبلغ مبارك وقوف دولة اسرائيل حكومة وشعبا الي جانب مصر في مواجهة العدوان الجزائري علي شعبها ؟!

http://www.saveegyptfront.org/news/?c=170&a=25549

رجاء said...

الحقيقة أنا ماشفتش حد من المذيعين قال كلام محترم غير بثينة كامل فى حلقة يوم الجمعة كانت كويسة جدا وقالت كلام محترم أنا شفت الجزء الأول من الحلقة والاعادة الليلة دى الساعة اتنين ونص

Unknown said...

نوارة لقيت الحلقة كلها على موقع اراب تيوب


حوار مع لاعب المنتخب أحمد حسن : الجزء الأول

http://arabtube.us/5364137004/

الجزء الثاني من حوار أحمد حسن + دكتور مصطفي الفقي + نقيب الصحفيين مكرم محمد أحمد + دكتور عمرو الشوبكي الكاتب والمحلل

http://arabtube.us/5372961997


ممكن تعمليلها داونلوود و تسمعيها كلها

و انا حبقى اسمعها و احاول اقص جزء بخيت لوحده

بهيج الشرير said...

والنبي ياأبلتي أنا عندي سؤال! ليه الواد عليئ أبو العلوء أخو الواد إبن عرس بدل ماكان يعمل مكالمة التليفون اللي كلها شحتفة ووطنية وكلام تخين عن كرامة المصريين، مش كان أسهل أنه يكلم أبوه عن كرامة المصريين في قاعدة أسرية كده ويقول له يابابا ياملك الفياجرا وياقاهر الهكسوس حرام عليك اللي بتعمله أنت ومعرصينك في المصريين خلق الله وأنتم بتطلعوا ميتين أهاليهم كل يوم بسبب ومن غير سبب

ملاحظة: أنا ياأبلتي ناوي أنزل الإنتخابات، وبما أنك كويسة في الكتابة ياريت تكتبيللي موضوع كله بكاء ودموع ودماء عن البلهارسيا واللي بتعملوا في كرامة المصريين، وساعاتها أقدر أكلم التليفزيون في التليفون عن موضوع دماء البلهارسيا؛ فياريت ياأبلتي تساعديني في الموضوع ده أصل أنا ضعيف في المكالمات

يساري فلسطيني said...

كالعادة انتي رائعة ... حماك الله انت و شرفاء مصر ... الهجمة مجنووووووونة و اللعبة واضححححححححة جدا جدا جدا ... استمري

يساري فلسطيني

المخصى said...

إنتى حتت بنت تافهه وغاوية خالف تعرف
لو كنتى سافرتى السودان وشوية الرعاع دول ثبتوكى وتركوا آثار أياديهم وأ.... على بعض المناطق فى جسمك ..ماكنش دة هايكون ردك .. واللة العظيم إنتى وأمثالك من عينة ( إبراهيم عيسى - وائل الإبراشى - خالد سرحان- جمال بخيت - ومن على شاكلتهم ) هم المنافقين الآفاقين من أصحاب النظرية النتنة ...خالف تعرف
لعنة اللة عليكم

Unknown said...

طفاطيفو جاب الحلقة
و ده جزء منها

حتلاقى الباقى

و سيبك من لينك اراب تيوب
عشان بايظ

http://www.youtube.com/watch?v=MJf74RqyVak&feature=subtivity

lastcrazyboys said...

ده انا اللي هدعي عليكي

الفيديو ده طلع عين اللي جابوني

وكله كوووم ..والاخوة بتوع اليوتيوب كوم تاني
بعد ساااعة تحميل ..يقولولي ..لاا احنا اسفين ..حضرتك الفيديو بتاعك 10 دقايق و20 ثانية

احنا مابنقبلش اكتر من 10 دقائق

http://www.youtube.com/watch?v=YD_SeYSZ2Q4



وخدي الفيديو ده مش عارف ايه اللي فكرني بالحادثة دي ....!؟

بس كانت من اهم الاحداث اللي الواحد وعي عليها ..افتكرتها لما جبتي سيرة الفســاد الحكومي

http://www.youtube.com/watch?v=Tp9xeRNrjhs

فاكرااااه..؟

مش فاهمه said...

مش جايز دى اشتغاله علشان يقولوا لنا بلاها ناديه و ناخد سوسو