Wednesday 11 November 2009

وزيرة الخدامات بتبوس ايد ستها

30 comments:

بهيج الشرير said...

المفروض ياأبلتي بعد ماباست ...ها كانت تحطها جنب الحيطة

والنبي ياأبلتي عمرك سمعتي عن حد من البنات بتقول أنا لما أكبر عايزة أبقى سيئة مصر الأولى أو أبقى مرات الريس أو حد من الولاد بيقول أنا لما أكبر عايز أبقى أمين لجنة السياسات بالحزب أو أبقى إبن الريس أو حتى إبن عرس

Anonymous said...

واحنا متوقعين ايه يعني من واحدة قبل ما تمسك الوزارة كانت مؤهلاتها إنها بتزغرط للريس في أي مؤتمر !

هتشوفوا said...

عذرا يا أحرار فلم يجدوا غير خدامة لتبحث لكم عن وظائف
كنت مقتنع أن مش عيب نشتغل أي حاجة في أي بلد وكنت بقول للجماعة المعارضين زي مصطفى بكري( معارضي المفضل أيام الاعدادية , سقف انتقاداته رئيس وزراء وانت نازل, ودايما يناشد السيد الرئيس)انتوا وفرتلهم وظايف عندكم وقالوا لأ, ما تسيبوا الناس تاكل عيش وبعدين دول هايشتغلوا في مدارس يعني لسه الحمد لله مادخلناش في مرحلة الخدمة في البيوت, لحد ما شفت الست عيشة بتبوس ايد ماما سوزان, فضلت أدور لها على تفسير ليه واحدة زي ماما سوزان الناس بدأت تبوس ايديها يكونش ظهرت لها كرامات ولكني لم أسمع عن مقام لماما سوزان, بالطبع كرامة الأب والأبن تكفي, تكفي لأن يدور الناس حولها يوميا سبع مرات طلبا في شفاعة ماما عند الأب والأبن, معروف بالطبع انه نتيجة علاقتها بالأول, جاء الثاني, وما أدراك ما الأول وماذا ينتظر الثاني تسألت كثيرا
هل هي بوسة تقدير أم بوسة محبة أم بوسة وهاتحطها جنب الحيط , وهل كل الوزراء بيبوسوا ماما أم السيدات فقط , حيث لا يقبل عمل الوزير إلا على وضوء,

ما اقتنع به أن تكون لدينا سفارة قوية تدافع عن حقوق العمال أيا كانت فئتهم, تحميهم من بطش صاحب عمل ومن عقوبة تتجاوز حتى ما جاء القرآن أضعاف المرات , وصدقوني لن تفرق أذا كانوا أطباء أو خدم المهم أنهم مصريون لن يسأل عنهم أحد , فالكل سواسية في الذل, مادام رضينا أن نهان في بلدنا فلن تفرق بعض اهانات في الغربة , على الأقل يدفعوا مقابل الاهانة

الناس كلها قرفانة من عيشتها وبتقول دي مابقتش عيشة
عيشة تضحك في خلاعة اهيهيهيهيهيهييييييي وترد هي كانت عيشة بس بقت زينب

مرسلة منهتشوفوا في 10:57 ص بتاريخ 05/11/2009

منظور شامل للحياة السعيده said...

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Unknown said...

يافضيحتشى

واحده بتعلب بنات البلد وبتصدرهم السعوديه والكويت وماشابه
متوقعين أييييييييه؟!

مش ناسيه جميلة ستها أنها هى اللى دخلتها الوزاره بالأعداديه

الزنارى said...

منظر غريب
تبقى الست و جوزها متحكمين كدة فى خلق اللة
لا حول و لا قوة الا بالله
مع فائق الاحترام و التقدير
أحمد الزنارى

هدى التوابتي said...

السلام عليكم ورحمة الله..ربنا ينتقم منها هي وستها ويكرمك على المدونة الجميلة يارب

Anonymous said...

حاسه اني قرفانه قوي

هي خلاص بقيت ملكيه بقا .... طيب كانوا نبهونا

تحياتي

Dr Nemo said...

ياااااااااااااااااااااااااااااااااااااااااااااااااااااااااه متتصوريش فرحتى بانك لقيتى الفيدو قد ايه

بالحق انا ليا الحلاوة بقا
والواحد دايما يحب يعمل خير فى ولاد اللئيمه دول
المشكلة انها وزيره ابويا
ماما بتعايره بيها
شوفتى وصلت لايه
بس انا مبسووووط انها اتفضحت
تووووت توووووووت اهلى
لما بنسبط
بهيص للاهلى

سيد المعلمين said...

أكل العيش مر !
قطيعة ! محدش بياكلها بالساهل !
حتى الوزرا !!!!

into said...

شوف الوفاء، شوف الولاء، شوف العرفان لولي النعمة قال ايه و تيجي وحدة مدونه و تسأل السؤال اللي فور دمي امباح و تقول فين الانجازات. اهه و على عينك يا تاجر وزيرة بتبوس ايد السيدة الاولى
عمرك شفت وزيرة بتبوس ايد مدام بلير او وزيرة بتبوس ايد ميشل اوباما

و بعدين خلي بالك كويس هيجي واحد من جهابزة الوطني و يقول ان بوس الايادي احد انواع التحية في الدول المتقدمة

و طبعا ده بيكون اول م الجنتل مان يشوف سيدة محترمة. و برغم احترامنا الشديد للسيدة مبارك الا ان معالي الوزير عبدالهادي ليست جنتل مان
و بعدي كان واضح انها في الاول بتسأل عن شئ ما ربما ( الهي يكركمك يا امو جمال العيد داخل علينا ،الائيش عندك هدمتين قدام من بتوع سي النبي حرصه و صينه جمي )

dr.lecter said...

اللي مالوش خير في سوزي مالوش خير في مصر

قمه الانحطاط والذل

Kontiki said...

ازيك يا نوارة
كنت مستنية الفيديو دة و الله !!
طب افسرها ازاى البوسة دى
لو هما مثلا ستات قرايب ولا صحاب كل واحدة بتاخد التانية بالحضن وتبوس خدها مثلا يعنى كان ماشى تعبير شرقى عن الحب المودة عادى بتحصل بين البنات و الستات
انما دى اخدت ايدها فى ايدها و ترحيب ملتهب بالكلمات زى ما باين فى الفيديو والتانية مدياها طراطيف صوابعها ومش مركزة معاها بالمرة وراسمة ابتسامة كاميرا على وشها قامت التانية بايسة ايدها كدة وش
لو هما صحاب او فى بينهم مودة او زى الستات العاديين لما يسلموا على بعض كان الجانبين اخدوا بعض بالحضن
انا بحلل لية مش عارفة
يمكن عاوزة اتأكد انه ذل ونفاق ومسح جوخ وقلة كرامة وانعدام معرفة بالبروتوكول
يمكن عاوزة اتأكد انه خلاص بجد لازم قيامتهم تقوم مهرجى البلاط الخونة

Unknown said...

يا جماعة انتوا مش ملاحظين ان الست سايبة لها ايدها بمنتهى البساطة؟

انا من امبارح وانا عمالة اعيده وابص على تعبير وش الست وازاي هي سايبة ايدها

كأنها متعودة على الحكاية دي

Anonymous said...

لا هي موش متعوده .... بس موش مستغربه

يعني الموضوع عادي

موش بقول لحضرتك ملكيه ..... مش مستغربه ان الشعب يبوس الايد والرجل كمان

تحياتي

Kalimalhus said...

السؤال اللى ممكن ييجى فى دماغ أيوتها بنى آدم .. يعنى ولية غلبانة و بتعمل الواجب و ترقع زغرودة للريس فى الرايحة و الجاية لما يحبوا يحنوا عليها و ينغنغوها يعملولها إيه؟ .. قول يعملوها رئيسة جمعية من بتوع نوال الإثابة بنهب الغلابة و أى تعمل قرشين و تتمنظر .. لكن وزيرة حتة واحدة؟؟ ليه؟

الجواب يبان لما نقارن بين بنى آدمة عندها شعور كبير بالدونية و إنبهار بالأسياد و رغبة ملحة للتمسح بيهم و الذلل ليهم تبغ حد النشوة لما تبوس أياديهم و بين دور وزيرة القوى العاملة اللى المفروض مهمتها الدفاع عن حقوق الغلابة العمال فى مواجهة إنتهاكات الأسياد لحقوقهم ..

القصة مش بروتوكول و كرامة و الحاجات التى أخنى عليها الدهر .. القصة إن لكل مكان و منصب فيه وظيفة و دور مطلوب القيام بيه و بيتم إختيار الشخص الملائم تماما لأداء الدور المطلوب فى خدمة الأسياد .. ربنا يجعل كلامنا خفيف عليهم

عبد الزهراء المصري (علي الحسيني) said...

أحيه أحيييييييه بجد أحييييه كبيييييييرة أوي
أحيه أحيه يابوسوسو أحيه
سوسو هتسكر وأنت هتمز يابوسوسو
حرام عليكي يانوارة هو أنا ناقص حاجة زي دي ؟؟؟أ
ماكفاية اللي حصل لي دلوقتي في رحلة السفر الظريفة في ظل نظام عوكل :@.
على فكرة أنا فرجت فرجت أمي ع الفيديو قامت أمي تفت على الوزيرة وقال أتفو عليها مره ناقصة ههههههههههههه .
يارب ماتكبها علينا الذلة دي وخرجني ياااااااارب من البلد الموكوسة بنت الموكوسة دي .
وإن شاء الله رب العالمين هتخسروا ماتش الجزائر علشان ماتلقوش حاجة تفحكوا تولعوا في عوكل والبت باتعة بتاعت الجرجير

أبو عمر - الصارم الحاسم said...

وجهة نظر اخرى ... هو البوسة تنفع بوسة ودية بين اتنين اخوات او بين واحدة وامها...هي رفعت ايديها وباستها مش وطت على ايديها وباستها

لكن في كل الاحوال هو فعل لا يليق على الاطلاق بوزير \ وزيرة وفي محفل عام بحضور الاعلام.....فعل يستوجب اما الاعتذار من كلا الطرفين معا وليس الوزيرة وحدها - الوزيرة وحرم الرئيس يعتذروا فلا معنى لاعتذار الوزيرة وحدها - او الاستقالة للوزيرة لانه يسئ جدا لصورة مسؤولي الدولة ويوحي بشبهات عن استقلال الوزراء ومدى قابليتهم للعمل بصورة مستقلة ومحايدة لصالح البلاد

آخر بق- فقرة - طبعا ده مش في مصر...ده في اوروبا والدول المتقدمة

Unknown said...

الله أكبر
يحيا العدل
ملحوظه - بتاع المانيا مش بتاعنا
قاتل مروه الشربينى أخد حكم مدى الحيااااااااااه
أثفخس على اهلك

Amal said...

يا حرااااااام وشكلها شوية وكانت رح تبكي !

الاخت شغالة بمبدأ اليد الي ماتقدر تقطعها ... بوسها !!

البنفسج الحزين said...

الانسان الحر لا يقبل يد اي انسان مثله الا في حالات معينه ومعروفه زي مثلا يد أبوة وأمه(برا بهما) أو يد عالم جليل تقديرا لعلمه (كما كان يفعل الصحابه)او يد شيخ كبير في السن من باب التوقير والاحترام...
الانسان الغير حر فقط اللي شايف ان له ولي نعمه يستحق الشكر غير الله سبحانه وتعالي هو فقط من يقبل يد أحد من البشر لتحقيق منفعه أومصلحه وذلك لذله وخسه يجدها في نفسه...
مطلوب من الوزيرة عائشه علي اعتبار أنها انسانه حرة طبعا توضيح من أي الفئات تعتبر السيدة الفاضله سوزان مبارك طبعا احنا عارفين انها مش أبوها ولا أمها وفي نفس الوقت هي مش من العلماء النابغين في مجال معين
كده مفضلش غير سبب واحد اسيبكوا تفهموة لوحدكوا ولو انه متحقق بس ماعتقدش أبدا انها باست ايدها عشانه ولا ايه رأيكوا؟؟؟

مواطن مصري said...

النهاردة ذكرى استشهاد البطل ياسر عرفات مش هتعملي بوست عن ياسر عرفات

؟؟؟؟؟؟؟؟؟؟؟؟؟؟؟؟؟؟؟؟؟؟؟

مش فاهمه said...

الحسنه الوحيده فى الموضوع انها ماوطتش على ايدها تبوسها شكلها عملت لها خدمه كبيره قوى قوى و شكلها ماصدقتش انها عملت لها الخدمه دى

سامي said...

انا كنت عايز اشوف الفيديو دا وبدور عليه وداخل متحفز ودمى محروق

بس بصراحة محستش بحاجة لما شفت البوسة وزى ما قال الحازم الصارم الواعر

دى رفعت ايدها وموطتش وباستها عادى

شغل نسوان مع بعض

ولو كانت الوزيرة واخدة بالها ان الكاميرا بتصور كانت اتكسفت ومعملتهاش

وبعدين انا جدتى بتبوس ايدى بنفس الطريقة دى كل يوم معرفش ليه

Asmaa mahaba said...

ما انا قولتلكم اللى فيها دى مش سيده مصر الاولى دى ماما سوزان واللى يبوس ايد امه يدخل الجنه:) وباخد 100 حسنه امال انا طالعه داخله اقول لبابا وماما هاتوا ايدكم عاوزه ثواب :))
نظام مصالح يعنى
هى برضو بتبوس ايد ماما عاوزه حسنه بس حسنه من اللى بتشخشخ او من ام ورقه خضرا :)

ahmed said...

عادي .. الوزيره من الفلاحين والوليه قد امها مجراش حاجه

Unknown said...

ياجماعه الناس اللى بتقول من الفلاحين وعادى

الكلام ده لما يكونوا قاعدين فى الغيط

بس دى وزيره ودى السيده الأولى
والمصيبه أنهم فى مكان عام يعنى المفروض انهم يحترموا البروتوكول اللى بيفرض عليهم الألتزام بسولك معين

وبعدين أجتنبوا الشبهات
ليه تجيب لنفسها الكلام وهى عارفه ان حركه زى دى حتى لو بحسن نيه ممكن تفسر على انها تذلل وخنوع للسلطه ومنسوبيها

Unknown said...

انا مش عارفة بامارة ايه ده في الفلاحين عادي

لا مش عادي
لما حد بيعمل كده في الفلاحين بنسحب ايدينا دي عيبة
الا اذا كان بيبوس ايد امه او ابوه او حد في مقامهم
ومعناها ذل، بتوع البندر بقى متعودين على كده لما يبقوا صحاب لكن ما اروحش ابوس ايد مديري في الشغل ويبقى عادي

يعني انا لو مخي صغير كنت زعلت زي ما الصعايدة بيزعلوا؟

سامي said...

موتوا بغيظكم

البوسة بريئة وعادية

وانا لو مكانها كنت بوست الواوا بتاع سوزان

وانا اطول

lastcrazyboys said...

عيوووشة العمشة :النبي تكلميهولي ..انا لســة ما كملتش الخمسين مليون
يصبر عليا تسع شهور كمان وانا همشي من نفسي
-
==-

!!...ســوزي كوانـوزي: تسع شهــور ايه يا وليــة ..انتي حامل... هم ستـــة بس