هاهاهاهايييي لا فيه حاجة غريبة في العاشرة مساء

هو فيه ايه؟ فتحت العاشرة مساء كالعادة لقيت منى الشاذلي ما كفهاش انها كانت ح ترجع في وش احمد عز نزلت عليه بالبونيات والشلاليت وقالت ما معناه يعني قبل ما تطلعوا في التلفزيون وتقرفونا احنا مش تشوفوا لكوا حد يعلمكوا تتكلموا ازاي...جتكوا البلاوي، ده فحوى الكلام مش نصه
وبعدين راحت فاتحة الورق وقالت دي ردود افعال الناس على رفض احمد نظيف لترشيح فاروق جويدة لعضوية المجلس الاعلى للثقافة وراحت قارية الرسايل اللي كانت على النت، طبعا يعني النت يعني...انتوا عارفين احنا بقت سمعتنا اننا الشراشيح بتوع البلد، واديله بقى في احمد نظيف، وهي نازلة قراية وانا ميتة على روحي من الضحك وعمالة اقول: هي مالها...هي مش كانت عاقلة وراسية وما عندهاش البلهارسيا اللي عندنا؟