عربيتي بايظة ولو ما اخدتونيش سارندو ح اعمل لكوا فيضيحة

انا لا اعرف اروح عبود ولا الحدود ولا اعرف اركب اروح اي حتة غير البيت والشغل وشوية حتت في وسط البلد مالك ومحمد الشرقاوي هم اللي حفظوهالي بالعافية واروح لابويا
حد ياخدني معاه او يقول لي اعمل ايه والا ح اعمل لكوا فضيحة
يا وكستي من بعدك يا زقزوقة
----
الا صحيح انا عندي مشكلة جوهرية، دلوقت قرايب امي طلعوا بيقروا المدونة، يعني انا في حالة احراج ما بعدها احراج، ولاد خالاتي بيقروا المدونة وقلت زي بعضه عشان هم مربيني، او حاولوا يربوني وفشلوا، بس طلعت الحكاية وسعت وطلع قرايب تانيين وانا في حالة احراج شديدة مش عارفة اعمل ايه؟ اعمل لهم مدونة مؤدبة واعملكوا انتوا مدونة سرية بينا وبين بعض؟ اصل انتوا ما تعرفوش انا عيلة امي عاملين ازاي، ده احنا في كتب كتاب النهاردة بعد ما كتب الكتاب يخلص، تفتكروا الناس بتعمل ايه؟ مش كده؟ مش الطبيعي انهم يزغردوا؟ لا، قرايبي بقى صقفوا...آه وربنا كأنهم في محاضرة او ندوة الحمد لله ان ماحدش فيهم قام سأل المأذون سؤال علمي وللا قدم البحث بتاعه
يالهوتي...طب دول بيدخلوا المدونة اللي بترحب بالبذاءات ازاي؟ ده انا مخبياها عن امي
ياااااااااااااااا دي الاحراج
ياللا بقى نصيبهم
-----
انا قتيلة سراندو واي حد رايح يبعت لي على التعليقات وانا مش ح انشر ونشوف ح نتفق ازاي
لامؤاخذة ح ابقى اقرا التعليقات اصل فيه ناس مجرد ما باشوف اسمها بانزل التعليق على طول رحت منزلة تعليق بيلا من غير ما اقصد
:)
لا مؤاخذة يا بيلا
مش ح تتكرر ح ابقى التعليقات