العلم بيقول...وزكريا كمان بيقول

تصحيح هام:
فرانتز فانون درس الطب في جامعة ليون، واللي نبهني لخطأئي الاخت زينب اشكرها جزيل الشكر
"هو من المارتنيك، من مستعمرة يحمل سكانها الجنسية الفرنسية، عاني في بلده شعور المذلة والهوان من وجود الاستعمار الفرنسي. ولكن افقه الواسع وعقله النير وثقافته الغنية، كل ذلك جعله لا يحقد على الاستعمار في وطنه فحسب بل في العالم كله. حتى انه لا يتصور زوال الاستعمار تشفيا في المستعمرين، بل خلاصا لهؤلاء المستعمرين أنفسهم من اللا انسانية التي تردوا فيها.
جاء الى فرنسا طالبا، فدرس الطب في مدينة ليون، فاظهر في حياته الدراسية من التفوق والنبوغ ما خطف الابصار، فكان طالبا مرموقا بين زملائه واساتذته..."
من مقدمة الدكتور سامي الدروبي والدكتور جمال الاتاسي لكتاب فرانتز فانون معذبو الارض، دار الطليعة للطباعة والنشر، بيروت.
واشكرك يا زينب على التصحيح وآسفة على الخطأ غير المقصود وح اصححه دلوقت حالا في المتن.
-----
والله العظيم تلاتة، والله العظيم تلاتة، والله العظيم تلاتة كمان مرة مافيه حاجة اسمها العلم موضوعي ومجرد بلا بلا بلا ده كلام خرا، مافيش حاجة في الدنيا موضوعية
من اربعين سنة فرانتز فانون كان بيدرس الطب النفسي في ليون وكان بيدرس ان العلم بيقول ان العرب والافارقة عندهم ضمور في الفصين الاماميين من المخ وده اللي بيخليهم عاطفيين واقرب للحيوانات في ردود افعالهم وميالين اكتر للجريمة وفهمهم على قدهم
فرانتز فانون رفع ايده وقال للدكتور: ولما انا غبي ومجرم وحيوان ايه اللي جابني ادرس طب في ليون؟
الراجل اتزنق، وبعدين قال له العلم اثبت كده، فانون قال له: اثبتها ازاي؟ قال له: بالابحاث واخد عينة عشوائية وعمل عليها بحوث وثبت بالدليل القطعي بما لا يدع مجال للشك ان دي حقيقة علمية
فانون قاله له: يعني اللي اخد العينة دي ما اخدنيش انا وفلان وفلان وفلان (ناس زمايله عرب وافارقة كانوا قاعدين في المحاضرة) يعني احنا لما اغبيا امال احنا جينا هنا ازاي؟
اللي كان مضايق فرانتز فانون وخلاه يقول: استعمار الدماغ اسوأ من استعمار الارض ايه؟ ان زمايله العرب والافارقة كانوا بيرددوا الكلام ده ولما ييجوا يعالجوا واحد عربي وللا افريقي يقرروا وكأنهم بيقرروا حقيقة واقعة ان العرب والافارقة اميل للجريمة لان فهمهم على قدهم بسبب ضمور الفصين الاماميين
فانون اتكلم عن ان مافيش حاجة اسمها موضوعية العلم، وان الابحاث العلمية دي زيها زي اي حاجة تانية، زي خبر في جرنال، زي خبر في النشرة، زي تحليل سياسي، زي اي كلام في الدنيا، ممكن تبقى صح وممكن تبقى غلط، ممكن يحصل تلاعب في العينات، ممكن يحصل تلاعب في النتائج، ممكن يحصل قراءة خاطئة متعمدة او غير متعمدة للنتائج ممكن تتحلل غلط، عشان كده، فرانتز فانون بيقول مش كل ما نسمع كلمة "العلم بيقول" يبقى نصدقه غميضي كده لازم نشغل مخنا
والله الكلام ده فانون قاله، وجلال امين قاله، وعلماء كتير من اللي شعرهم اصفر وعينيهم زرقا للناس اللي عندهم عقدة الخواجة قالوه
لكن تقول لمين يا حسين، اول ما نسمع كلمة: العلم بيقول، ونلاقيه مكتوب بالانجليزي يبقى اكيد الكلام ده صح
هو ده استعمار الدماغ، احنا عايزين نعمل بنصيحة جلال امين في كتاب "عصر التشهير بالعرب والمسلمين" وكتاب "اكذوبة التقدم والتخلف" ونشغل مخنا شوية، العلم بيقول كده، ومش اي حد يقول لنا اي حاجة مهما كانت ما تدخلش العقل نصدقها كده غميضي
العلم دلوقت بقى بيقول ان الشذوذ الجنسي موجود في الجينات، اللي قال كده تحديدا جيمس واتسون، واحد من اهم، لا هو اهم عالم جينات في العالم، وحاصل على جائزة نوفل للعلوم
وفيه واحد انبه اخواته دخل وساب لي الخبر ده اللي بيقول ان تكوين المخ بتاع الشواذ بيثبت انهم شواذ خلقة ربنا وعملوا البحث على تسعين عينة، تسعين بني ادم من الستة مليار بني ادم، والعلم بيقول ان مخ الست الشاذة زي مخ الراجل اللي مش شاذ، ومخ الراجل الشاذ زي مخ الست اللي مش شاذة
وطبعا لما تقول: انا الكلام ده ما يدخلش مخي بتلاتة نكلة، لان فيه مجتمعات بينتشر فيها الشذوذ الجنسي اكتر من مجتمعات تانية والمجتمعات المنتشر فيها الشذوذ دي لها ظروف خاصة، وقبل ما تحصل لها الظروف دي ما كانش منتشر فيها الشذوذ يبقى جينات ازاي؟ لو جينات يبقى طول عمرهم من اول ما القرد قلب بني ادم (بما ان العلم بيقول) المفروض الناس دول شواذ على طول، انا مش ح افسر بس مثلا دول الخليج بدون ذكر اسماء، بيقال، والله اعلم ان نسبة الشذوذ الجنسي فيها كتير، طيب المعروف ان نسبة الشذوذ دي زادت في القرن اللي فات، ما كانش الوضع كده قبل القرن العشرين ليه؟ ماهي لو جينات يبقى من زمان بقى مش كده؟ وبعدين دول اتجوزوا من ستميت عرق، ما اتغيرتش الجينات؟ اشمعنى هم اللي جيناتهم كده؟ وليه انجلترا وفرنسا مثلا منتشر فيها الشذوذ اكتر من ايطاليا؟
طب ليه في المجتمعات المقفولة قوي او المفتوحة زيادة عن اللزوم، والمجتمعات الفقيرة دقة لدرجة انها تفتقد الخصوصية بحيث ان كل الناس نايمة حنب بعض والمجتمعات الغنية بفحش بس بينتشر الشذوذ؟ لو الموضوع جينات يبقى مالوش علاقة بالظروف الاجتماعية
لا طبعا العلم ما بيغلطش....ولا سيء النية...ولا بيخدم مصالح
طيب
اذا كان الكلام كده، يبقى خلينا نقول العلم على بعضه ونقتنع بيه على بعضه
جيمس واتسن نفسه بنفسه وذات نفسه بتاع الشذوذ خلقة ربنا جينات، هو هو بغباوته وشكله العكر اللي قال ان الجنس الابيض القوقازي اذكى الاجناس جينيا، وان اغبى الاجناس الجنس الافريقي جينيا برضه
ها؟ ايه الاخبار؟
يعني حد يقنعني ان بوش ومارلين مونرو اذكى من نيلسون مانديلا وفرانتز فانون ومالكوم اكس اللي علم نفسه القراية والكتابة وحول نفسه من قواد ومدمن وتاجر مخدرات الى زعيم مثقف وبيحط نظريات كمان
اديني عقلك واقنعني
اقبل بقى الكلام ده بما ان حضرتك افريقي
اقبل انك اغبى واحد في الدنيا
قابل؟
بالهنا والشفا انا مش قابلة
اقبل كمان ان الرجالة اذكى من الستات، طبعا فيه رجالة ح يفرحوا بالخبر ده وده اكبر دليل على غبائهم
يعني حسني مبارك اذكى من مدام كوري ومن سهير القلماوي ومن مي زيادة ومن الخنساء ومن الدكتورة هبة رؤوف ومن جون دارك ومن تاتشر ومن نبوية موسى اللي علمتني وعلمتك ومن حتى ام عبده بتاعة الفجل عشان هو راجل
ومن السيدة عائشة ومن ستنا مريم كمان
ماهو راجل
والعلم بيقول كده
ومكتوب بالانجليزي
طيب
معلش فكر معايا بنظرية المؤامرة شوية الله يخليك وخدني على قد عقلي النسائي الافريقي اللي مش شاذ جنسيا يا سلاااااام يعني بيجتمع فيه كل صفات الغباء
ربط كده الخيوط الله يخليك، البني ادم اللي بيقول ان الشذوذ ده خلقة ربنا، هو اللي بيقول ان غباء الافريقي خلقة ربنا وذكاء الابيض القوقازي خلقة ربنا وهو نفسه الشخص اللي اخد جايزة نوفل
والناس اللي بتقول مخ الشواذ خلقة ربنا شاذ هم اللي بيقولوا مخ الستات اغبى من مخ الرجالة لانه اخف
والله مافيه اخف من مخهم هم
النتيجة كالآتي: الرجل الابيض اذكى واحد في الدنيا ومن حقه يحكم العالم لان مش معقول ابدا ست وللا افريقي اغبيا هم اللي يحكموا العالم
الست عشان تقدر تشارك الراجل في الحكم لازم تكون اولا بيضا، ثانيا شاذة جنسيا عشان مخها يرقى الى مستوى الرجل الابيض، زي تسيبي ليفني مثلا، ماهي بيضا وشاذة لامؤاخذة
الشذوذ مالوش علاج
والغباء مالوش علاج
وعليه، فالشاذ يتقبل زي ماهو وما يحاولش يتعالج، والغبي - اللي هو احنا - ينساق زي ماهو لانه غبي اصلا هو له عين كمان يتكلم
وكمان بقى احنا شعوب ارهابية جينيا، طب اقطع دراعي من لغلوغه ان ما طلع لنا واحد يقول العرب عندهم ارهاب في الجينات ورجعنا بقى لعصر لامبروزو
وبما اننا عندنا ارهاب في الجينات فاحنا نستاهل نتقتل، ماهو مالوش علاج بقى
وكل الناس جيناتها وحشة وكخ كخ كخ الا الرجل الابيض، والشواذ طبعا
هم اللي جيناتهم حلوة وفلة قمرة ياختي ياختي ياختي
حد بقى ذكي وابيض وراجل وشاذ يقول لي العلم بيقول تاني عشان انا بقى افريقية وست وستريت وغبية وح احط الجزمة في بقه

امال انا مخنوقة ليه من الاعجاز العلمي في القرآن...عشان عامل كأنك بتقول: الاعجاز النشرة الاخباري في القرآن، الاعجاز الطبيخي في القرآن يا اخي العلم مش موضوعي