Friday 13 June 2008

اضرب يا عبد الهادي

حد عايز قفا؟ حد عايز قفا عريض يرقع عليه زي ما يحب؟
عزيزي العميل عميلي العزيز عميزي العليل عليلي العميز
نقدم لك عرض فاخر، قفا مسلم
اضرب
اضرب يا عبد الهادي
ده قفا مالوش صاحب وعريض وناعم ومظفلط
لا وايه صاحبه بيعمل دماغ ضرب
الخبر بالعنجليزي معلش
ملخصه ان الراجل اللي اقترح انهم يرموا دم خنزير على افغانستان وهم بيضربوها مطلع كتاب حاطط عليه صورة سيدنا محمد مقطوعة ومسميه: لماذا تركنا الاسلام: شهادة من مسلمين سابقين
هو من ناحية يخض، فالكتاب ما يخضش لان المقتطفات اللي حاطينها كلها كدب في كدب والكدب والافترا ما يخوفش لانه كدب
اللي يخوف انك تمسك عليا كلام حقيقي يديني، ومدام كدبت يبقى انت مش لاقي حاجة تديني بيها
بس الغريب يا اخي ان موقع ورلد نت ده كاتب تعليق عجب عجب عجب
بيقول باستغراب شديد وصدمة في مشاعره ان منظمة كير الاسلامية في امريكا عبرت عن استيائها من الكتاب وحملت على كاتب الكتاب من غير حتى ما يقروا الكتاب!!
يعني مثلا انا اكتب كتاب عنوانه: ينعلن ميتين امك يا امريكا، قوم لما الامريكان يزعلوا استغرب واقول عليهم متطرفين لانهم زعلوا من العنوان وما قروش الكتاب...طب مش لما تقروه الاول؟ مش يمكن اكون باشكر فيكوا جوة الكتاب؟
والموقع بيتهم منظمة كير بالتطرف، لا والنكتة، النكتة، النكتة ان مؤلف الكتاب اللي كان عايز يرش علينا دم خنزير بيتهم منظمة كير بالتطرف
منظمة كير متطرفة؟ منظمة كير اللي اجتمعت مع جورج بوش متطرفة؟ منظمة كير اللي بتاخد مواقف في منتهى الخنوثة متطرفة؟ هم عايزين خصيان اكتر من كده؟ اكتر؟ يعني نخليهم مثلا يعملوا عملية تحويل ويسرحوا في الشوارع وهم لابسين ستات زي بتوع امريكا اللاتينية اللي بيهربوا من الفقر على امريكا عشان يشتغلوا بشرفهم؟
كلم الامريكاني يدهيك واللي فيه يجيبه فيك
طب ايه المطلوب دلوقت يعني؟ يعني الكفوف اللي نازلة ترف على قفانا دي ايه الدروس المستفادة منها بالظبط؟
احتلال واحتلونا، استغلال واستغلونا، فشخ وفشخونا، عيالنا وقتلوهم، نسوانا واغتصبوهم، رجالتنا وقلعوهم مالط وعملوا عليه بيبي هم والقرآن وصوروهم ونشروا صورهم
نعم؟ فيه حاجة يعني دلوقت؟ احنا لا سمح الله اعترضنا مثلا على كل ده قوم هم زعلانين مننا؟
ما احنا بنحبهم وبنقول لهم: انا عايز حد يهزأني يهزأني يهزأني وماسكين الصاجات وعمالين نغني: قطعني هزأني قطعني هزأني
طب ايه لزوم التنكيل ده؟ بيعملوا كده ليه مش لاقيين حد غيرنا يتسلوا عليه؟
وزعلانين ان منظمة كير قالت ليه كده؟ يعني حضرتك ده حتى اسلام نبيه ما اعترضش على صريخ عماد لما كانت العصايا داخلة، حضارتكوا زعلانين ليه ما احنا سايبينكوا تدخلوا العصايا زي مانتوا عايزين
ممكن نصرخ؟ اذا ما كانش يضايقكوا؟ وللا انتوا ما بتحبوش الازعاج؟
اه صح...ده تلوث سمعي
بس ياد منك له لها له
خد العصايا وانت ساكت بلاش وجع دماغ

No comments: