Friday 24 August 2007

والغباء أنواع وأشكال

وزعلانين مني لما قلت ان مطلب علاء سيف
بأن يبحث الصحفيون عن مهنة شريفة
هو مطلب القرن
وزعلانين عشان علاء شتم الصحفي اللي كتب على لسانه كلام ما حصلش
بالاب والام والدين والميتين
يعني ينفع الواحد يبقى ما عندوش اخلاق وضريب اخبار
وينفع يبقى وسخ ويشتغل مع الامن
لكن كمان غبي؟
اصل الصحفي لما يبقى غبي ويعمل
عملة زي دي ويكتب عن مدون وناشط سياسي
انه تنصر وينقى محمد الشرقاوي بالذات
عشان يقول عليه الكلام ده يبقى غبي وللا لا؟
اصل الغباء انواع وكل فئة اجتماعية وكل مهنة وكل توجه سياسي
له نوع الاغبيا اللي بيبقوا موجودين فيه
زي ما بيبقى له نوع الاذكياء اللي برضه بيتمزوا فيه
بس الذكي نو بروبلم بتعرفه على طول
بيبان من اول كلمتين بيقولهم
وواحد زي محمد الشرقاوي الناس كلها عارفة عنه كل حاجة
ومش ناقص غير يبث حياته اليومية على الهوا عبر الانترنت
عشان ما حدش يتوهم انه ماسك عليه ذلة
يقوم الصحفي الغبي ينقى من دون كل الناس محمد الشرقاوي
عشان يقول عليه انه اعتنق المسيحية
ومحمد لو عمل حاجة زي دي كل البشرية في الصين ح تعرف
الصحفي لما يبقى ما عندوش اخلاق يفبرك اخبار ويضرب مواضيع
لكن الغبي لما يشتغل صحفي ينقي الفبركة الغلط مع البني ادم الغلط
في التوقيت الغلط في المكان الغلط عشان يترفع عليه قضية
====
كيف تعرف الغبي؟
الغبي لما يبقى صحفي يتهيأله انه صايع وناصح
ومقطع السمكة وديلها وانه مثقف وواعي وح يعلم الناس الكفتة
الغبي لما يبقى يساري يبقى عامل كدهو: شد صوابعك على جوه
بعصبية وزم شفايفك واضغط على سنانك جامد
اه
هو بيبقى عامل كده
زي الطوبة
ويستنتج كلامك من قبل ما تكمل الجملة
وطبعا بيستنتجه غلط
ولما تقول له مش قصدي كده يقول لك: لا قصدك كده
وانت بتضحك على نفسك انت عايز تشرب بيرة
تقول له: بس انا قلت اني عايز اشرب ينسون وانت ما ادتنيش فرصة
يقول لك: لا ما هو من تحليل الخطابك نقدر نستنج انك عندك احتباس بول
وبتدعي انك عايز تشرب ينسون لانه شبه البول بينما في عقلك الباطن
انت عايز تشرب بيرة لانها مدرة للبول بس التابوهات الاجتماعية والدينية
بتحتم عليك انك لا تعترف امام نفسك بانك عايز تشرب بيرة
تقول له: بس انا نفسي ما اعرفش عقلي الباطن فيه ايه انت عرفت منين
يقول لك تحليل الخطاب...انت بتضحك على نفسك
الغبي لما يبقى اسلامي يبقى عامل زي هاني شاكر: حبايب قلبي
ربنا يخليكوا ليا...ربنا يفتحها في وشكوا
وتبقى قاعد حامل همه يا ترى لابس بامبرز الكبار وللا ح يبل الدنيا
ويزروطها ولو اكل او شرب قدامك تبقى متوتر وخايف يريل على نفسه
وتفكر انك تشتري له بافتة بدل مايجيله التهاب رئوي ويروح فيها
وفي وسط كل الابتسامات وكلمات الحب المعسولة يروح دابك فتوى
من اللي هي فيها ان كل الناس تموت وانا بس اللي اعيش لوحدي
الغبي لما يبقى ليبرالي: يحط دماغك في الخلاط على نمرة تلاتة
وبعدين يحطها في الفول اتوماتيك على برنامج العصر ويقعد
يسفسط يسفسط يسفسط
لحد ما تحس انك عايز ترجع
وممكن فعلا ترجع
مش من القرف لانك غالبا بتبقى مش فاهم هو بيقول ايه ولا عايز ايه
انت بتبقى دخت من الكلام اللي عامل زي متاهة الفار بس مقفلة من كل ناحية
الغبي لما يبقى ناصري: لا ابعد عنه ده
مش هزار بجد
يا تكلمه في التليفون بس يا اما لو ح تواجهه يبقى خلي جنبك
عربية اسعاف، يعني في حال ما عينك تتخرق
كتفك يتخلع
رجلك تتكسر
راسك تتفتح
بطنك تتشق
اهو تبقى جنبك الاسعاف وياريت برضه سيارة تكريم الانسان
الغبية لما تبقى فيمينيست تبقى على رأي مالك مصطفى
مربية شنبها ودقنها ومتغاظة من كل الستات
ومتغاظة من نفسها عشان هي ست
ومتغاظة من ربنا انه خلقها ست
مع انها فيمينيست
الغبي لما يبقى حكومي: اي حد بيشتغل مع الحكومة غبي
مش محتاج علامات ده
واحسن غبي
الغبي لما يبقى شيعبي زينا كده
لا ليه ولا عليه
====
الذكي لما يبقى صحفي: على الاقل يعرف ازاي يداري عدم اخلاقه
ووساخته
الذكي لما يبقى يساري: يبقى بيسب الدين لكل الاغبيا اللي في العالم
ولو قلت له طول بالك هو مالوش ذنب انه غبي
يقول لك: بس له ذنب انه بيفتي وهو غبي
الذكي لما يبقى اسلامي: يدعي ربنا انه يخلص بسرعة بسرعة قبل ما يقتل حد
من الاغبيا ويروح فيه النار
ولو قلت له حرام تدعي على نفسك
يقول لك: في زمن الفتن حلال
الذكي لما يبقى ليبرالي: يبقى فطسان على روحه من الضحك وبيكركع من كل الاغبيا
ولو قلت له بتضحك على ايه
يقول لك:اصلها حاجة مسلية قوي
الذكي لما يبقى ناصري: يبقى بيعيط طول الوقت
رجالة وستات
ولو قلت له بتعيط ليه
يقول لك: مش احسن ما الطم؟
الذكية لما تبقى فيمينست تبقى نازل عليها الكتمة
ومرة واحدة تروح طالعة في وش الغبي زي الصاروخ
ما تخليهوش يسوى تلاتة نكلة
وقلنا الحكومة مافيهاش اذكيا ابدا
والدليل ان مافيش حد من تيار الحكومة
لا بيسب الدين
ولا بيدعي انه يموت بسرعة
ولا بيكركع من قلبه
ولا بيعيط خالص
ومتهيالي ماحدش فيهم يفهم معنى انه يتكتكم
ياريت يتكتموا شوية عشان يرحمونا من الكوارث
الناتجة عن تصريحاتهم
====
يا ترى الغبي اللي فبرك خبر تنصر الشرقاوي
لو قرا الكلام ده ح يفهم حاجة؟

13 comments:

Anonymous said...

علي فكره أنا عقدتى فى الحياه الأغبيه أنا مش بقول ان أنا زكي بس لو حسيت فى يوم انى بقيت غبى هاكره نفسى بجد
الموضوع جامد اوى والتصنيف حلو
وكويس انى اول واحد اعلق على الموضوع ده
سلام

Anonymous said...

نوارة

ممكن الغضب يعترى الانسان لدرجة كبيرة
ويكون معه الحق لكنه يضيع هذا الحق

لماذا كل هذا التجريح بصرف النظر عن انه يستاهل أم لا

نوراة امسكى نفسك شوية وعبرى عن ما تريدية لكن دون تجريح

متاسف هذا رأيى

بارك الله فيك

Anonymous said...

معلش يا نوارة حبكت معايا
يا نوارة
يا نوارة
يا نوارة
ميت مرة اقولك ما ينفعشي يبقى فيه حد ذكي ويبقى ناصري
لان الناصري ده واحد محتاج شهادة معاملة اطفال
غير ربما الناصريين الكبار اللي لعبوها صح وبيقبضوا من المخابرات الليبية والسورية والسعودية والقطرية والمعونة الامريكية كمان
دول الوحيدين اللي اذكيا

وبعدين بقى انا مش طايقك من الكام بوست اللي فاتوا دول
وابن الشرموطة الشاذلي المخرف ده انا محضر لكس امه مفاجأة
ولا تقوليلي بقى انت حاربت ولا ما حاربتش ولا الكلام الفارغ ده
لان حسني مبارك هو راخر بطل العبور !!!

Anonymous said...

هههههههههه

بصرف النظر عن موضوع الشرقاوي

لإني لسة ما بسطتش على اللينكس الي في المقال

عجبني قوي تحليل الإغبياء والأذكياء في التيارات السياسية المختلفة

بس نسيتي يا نوارة الذكي لما يبقى شعبي زينا كده بيبقى عامل إزاي؟؟؟

بيتهيألي مش هيوجع دماغة بحاجة حوالية
بحس ان الوحيد الي عارف المواطني المصري الشعبي الحقيقي شكلة ايه هو نجيب محفوظ..ذكي غبي ما يهمش..المهم انه يعيش

Anonymous said...

بعد اذنك يا نوارة
.
.
أستاذ وائل عباس

والله أنا أحترمك جداً
لكن لا يصح وصف الفريق الشاذلي بهذا الوصف
لو كنت لا تقدره و لاتحترمه
يكفي أن تقول ذلك .. بدون اهانة هذا الرجل

يكفي أنه عزل ونفي
وحوكم وسجن

لا لشئ إلا لأنه أختلف مع السادات
وتمسك برأيه من الناحية العسكرية

وهو عشان حسني مبارك كان من أبطال العبور يبقى العبور شئ سئ
والله الرجل رغم كل ما أكنه له داخل قلبي له من مرارة وضيق وكره
يقال انه كان قائد عسكري جيد
ولاشئ من هذا يعيب العبور في ذلك
ولا شئ من هذا أيضا يبرر وجوده طابق على روحنا

وبعدين ألا يكفي الشاذلي انه كان القائد العسكري المباشر للعبور
الشئ الوحيد الذي أجاد المصريون عمله في التاريخ الحديث من أيام محمد علي؟؟

وليس معنى ذللك أن الرجل إله .. بل هو بشر لك أن تنتقده وتبرز عيوبه من وجهة نظرك ولكن أرجوك انه لايستحق
تلك الكلمات القاسية

يا أخي لا تدع الظلم الواقع علينا
يجعلك تظلم من لايستحق الظلم

أرجو أن يتسع صدرك لكلماتي
.
.

شكرا يا نوارة
والله احنا من غيرك ما نسوا

Anonymous said...

يا استاذ انونيموس
مذكراته واهو ريل فيها ريالته زي ما هو عاوز
وقاعد مطيز في الجزائر ما تعرفشي مين بيصرف عليه هناك
لكن المخرف تخيل عمل ايه مؤخرا
مقدم بلاغ للنائب العام
ضد مين
ضد انور السادات !!!
بيتهمه فيه بالاهمال
هو كان فين بكس امه في 1967
طب ما يرفع بالمرة على عبد الناصر وعبد الحكيم واللي دمروا كوبري الفردان علشان العساكر والمعدات ما ترجعش
يقدم بلاغ ضد اللي هجروا سكان تلات مدن مصرية تعدادهم تلات اضعاف سكان فلسطين
يقد مبلاغ ضد اللي ضيع مساحة قد مساحة فلسطين خمس مرات !!!
ناس كبرت وخرفت !!!

Anonymous said...

حسني مبارك من ابطال حرب اكتوبر يا وائل؟

هو انت كمان من اللي بيقولوا اول طلعة جوية فتحت باب الشعرية؟

Anonymous said...

اه يا نوارة
اشمعنى الشاذلي بتاعك يعني
وبكره يطلع كمال الشاذلي كمان بطل
وجمال مبارك
كان بيلعب ستة اكتوبر في الاتاري
مش باقولك زبونة
عموما حزب الكرامة والحزب العربي والحزب الجديد بتاع ليبيا ده لسه فاتحين ابوابهم
شاوري عقلك كده
ما دام انتي من اللي بيمشوا ورا الكاريزما والناس اللي شكلها امور

Anonymous said...

اه امور
اللللللللللللللللللللللللللللل

وانت ايه اللي غايظك

Anonymous said...

متغاظ من هبالة البنات
ويزعلوا بعد كده
ويقولوا الرجالة بتضطهدنا
ويغنوا البنات البنات اهبل الكائنات !!!
...
حتة جد بقى
لولا اللي عمله السادات
اللي مش عاجب دين ام الشاذلي
عارفة كان ايه اللي ها يحصل
حاجة بسيطة خالص
اه والله
ابسط من سقوط القدس كمان
اللي ضيعها الخروف عبناصر
عارفة ايه ؟؟؟
ببساطة كده
دمـــشـــق كانت ها تسقط !!!
ماهو السادات اصله كان اهبل هو كمان ولسه مصدق موضوع القومية الجربانية !!!

Anonymous said...

استاذ وائل عباس ... - حلوة حكاية
-استاذوائل و استاذ انونيمس دي
:)

المهم
وفيها ايه اما الراجل يقدم بلاغ ضد انور السادات
على حد علمب الشاذلي قدم البلاغ ده والسادات عايش

وبعدين السادات كتب في مذكراته ان الشاذلي هو سبب الثغرة و حصار الجيش الثالث في نهاية حرب أكتوبر

و الشاذلي رفض هذا الكلام ونشر مذكراته وبين فيها وجهة نظره وهي أن تدخل السادات في الأمور الفنية الخاصة بالحرب وهو بدون خبرة عسكرية تؤهله لذلك .. هو السبب المباشر لحدوث الثغرة وحصار الجيش الثالث

فرد السادات بمحاكمته محاكمة عسكرية
و حكم عليه بالسجن ثلاث سنوات

وعاد الشاذلي في أوائل التسعينات
بعد عشر سنين من الحكم
وبعد موت السادات

ومع ذلك دخل السجن وقضى سنة ونصف
.
.
.
ايه يعني أما يقدم بلاغ في السادات
.
.
اما عن بلاغ جمال عبد الناصر فالشاذلي يصر انه لايتكلم بإسهاب الا عن أكتوبر
و حجته انه في اكتوبر كان مطلعاً على كل شئ بذلك يكون حكمه على بينة مما وراء الأمور
.
.
قد تقبل حجته أو لا
قد تتفق معه وتصدق ما قال أو تصفه بعدم الأمانة والإهمال
.
.
لكن مازلت أرجوك
بلا اهانة
وبلا كلمات قاسية
.
.
شكراً لك
و تحــــــياتي

Anonymous said...

يا ريس وائل الله يكرمك بلاش تجريح و تتكلم بالراحة
الشاذلي له رأي و وجهة نظر
تتفق معاها أو تختلف انت حر لكن بدون تجريح
يا جماعة أنا مبدأي
بلاش نهادي أي حد بحسناتنا
حنحتاجها يوم القيامة
ربنا يستر علينا

Anonymous said...

يا استاذ وائل عباس
انت ايه؟
يعني لما كانت الناس بتشتمك كنت من المدافعين عنك لأنه عيب الشتيمة و قلة أدب و دليل على الجهل و الإفتقار للموضوعية بالمختصر يعني الغشيم الغبي لما بيتزنق يشتم لأنه مش عارف لايعمل حاجة و لا حتى يرد بمنطق
لكن لما بقى حضرتك تشتم الشاذلي دي بقى تبقى هزلت عارف انت عمل زي ايه مثلا يعني الشاذلي رئيس قسم الجراحة في مستشفى كبير و السادات مديير المستشفى و هم على خلاف و الشاذلي الجراح العظيم بينتقد مدري المستشفى الرئيس السادات بالنوسبة لحضرتك كعامل نظافة في هذه المستشفى الكبير (كير سيرفس يعني) ايه فهم سعادتك خبرتك و دراستك و انت نفسك عملت ايه في حياتك يعني تحشر نفسك ليه في اللي مش بتفهم فيه!؟