Friday, 10 August 2007

يحيا الهلال مع الصليب الاتنين ضحايا التعذيب

والنبي انتوا عالم مفترية وجبارة
بقى عمالين نشتكي من الحس الطائفي المتنامي
قوم الشرطة كتر خيرها
وزود نورها
موتت اتنين من التعذيب
الاتنين اسمهم ناصر
ناصر من المنصورة مسلم
وناصر من العمرانية مسيحي
عشان الوحدة الوطنية
قوم يبقى جزاءهم ان اهل العمرانية يضربوا ظباط الشرطة
حراس الوطن؟
طيب كتر خيرهم
ده كان مشهد يلهب المشاعر الوطنية
حيث تكاتف اهل العمرانية من اتباع الدينين
ونزلوا بالشوم على البوليس اللي رمى
ناصر المسيحي من الشباك
وبعدين ماهو ابو الدراويش بيقول انه ناصر
كان بيتدرب نط حواجز والبوليس كان بيشجعه
ودي اصابة ملاعب
اه يا ظلمة يا كفرة
طيب يا ترى ناصر اللي من المنصورة
كان بيتدرب على ايه؟
الا غريبة ان الاسماء كلها ناصر ومنصورة
وحتى العمرانية
يعني لو اتبعنا منهج تفسير الاحلام
يبقى النصر اترمى من الشباك
والمنصورة اتوكست
والعمرانية خربت
اللهم اجعله خير
رحم الله الناصرين
وجزى الله عنا جهاز الشرطة الوطني
كل خير

2 comments:

Ahmed Nasr said...

عارفك بتحبي التهييس..امسكي امسكي يا حاجة وروقي دمك:
http://www.youtube.com/watch?v=3psWgoBJM8c
سالخير :D

bluestone said...

شفتي بقى يا نواره ان الشرطة في خدمة الشعب بجد ..
هو ده دور الشرطة العظيم في محاربة الطائفية .. والتأكيد على اننا كلنا متساووين تحت جزمة أي ضابط شرطة

نواره؟؟
فيه حاجة بجد ممكن تتعمل غير الكتابة ؟؟؟
هل فيه اي حاجة ممكن نعملها ؟؟