Tuesday, 21 August 2007

مذكرات الفريق الشاذلي اقراها الآن الآن وليس غدا

مع ان نظيف مهندز زمل برضه
عمل حتة عملة
دور على مذكرات الفريق الشاذلي
شايفين القمر ده
اهو ده الفريق الشاذلي برضه لطشت الصورة
من عند الباشمهندز
فكرة الباشمهندز انه بعد ما قرأ شهادة العقيد
اسامة الصادق
قال طيب ده كلام العقيد اللي وقتها كان مقاتل في ميدان المعركة
طيب نشوف بقى وجهة نظر اللي كان فريق
يعني عشان نشوف الموضوع من كل جوانبه

وادي اللنك عشان تحملوا المذكرات
دولا المجد اللي يعلينا فوق الجرح نعود سالمين

10 comments:

DR_adhm said...

tmam tslam magaybek

أنونيمس said...

كده
طيب
مـــــاشي
:(

أنا كنت هاكتب موضوع
عن الفريق الشاذلي و أحط فيه لينك لمذكراته
بس البشمهندس سبقنا
حصل خير
:))

... الفريق الشاذلي
الراجل ده أنا بحبه
وأحترمه لدرجة فوق الخيال

بس أنا بردك هابعت
لينك للموقع الرسمي لسيادة الفريق الشاذلي
وكماااااان لينك المذكرات أون لاين

هدية مني ...ليكي يا نوارتنا
ولكل زوار مدونتك الجميلة

1
الموقع انجليزي
http://www.el-shazly.com/

2
الموقع عربي
http://www.el-shazly.com/arabic_site/index.htm

3
المذكرات أون لاين
http://www.el-shazly.com/book/0001.html

زكرياء said...

سلام للجميع،
قد أكون أعكر على بعضكم صفو القراءة لكني أتساءل إذا ما كنتم أخذتم الإذن من صاحب الكتاب للنشر! لأنه في نظري تصرف مخل بحقوق المؤلف و تصرف غير أخلاقي و لا قانوني، لهذا أنا أسجل رفضي لتنزيل الكتاب و امتناعي عن الحصول عليه بهذه الطريقة.
سبب آخر هو احترامي و حبي الشديد لصاحب الكتاب و تقديري لحقوقه المعنوية و المادية ايضا.

تحياتي
زكرياء

joe said...

أنا بحب هيدا البطل كتير يا نوارة
أنا قريت مذكّراته في التسعينات
و أذكر اني أكلت الصفحات أكل ..
و أول ما شفت تعليق الأخ المهندس على البوست السابق بيقول انه نزّل المذكرات رحت بس ما قدرت أنزّلها .. حتى اني دوّرت على جوجول و لقيتها في أكتر من مكان وما قدرت أنزلها أبدا..انت وجهك خير دايما يا رب تظبط معاي لأني رح اجرّب الان
ـ ربنا يطوّل في عمر الفريق سعد الدين و العقيد أسامة و كل رفاقهم الأحياء و يرحم الشهداء جميعا
ـ ألف شكر يا نوارة ..
كل كلام الشكر قليل عليك

Ali Abu-Taleb said...

وده موقع تاني حلو
http://www.el-shazly.com/arabic_site/index.htm

جبهة التهييس الشعبية said...

الاخوة الاعزاء

يمكن مذكرات الفريق الشاذلي مش جديدة فعلا

بس اهميتها دلوقت زي ماالباشمهندز قال

انها بتكمل كلام العقيد اسامة من زاوية تانية

الحقيقة ناس كتير في وقت ما نزلت مذكرات الفريق الشاذلي اتهمت هذا البطل بالكذب

للاسف

وقالوا ده بيألف وده عسكري ومش بيفكر في السياسة

والحقيقة بسبب اخطاء بعض الحكام

العسكريين كلهم اتشتموا واتهموا بحاجات هم ابعد ما يكونوا عنها

يعني مش عشان تلات عسكريين حكمونا غلط يبقى الجيش كله مابيفهمش وغبي

مذكرات العقيد اسامة بتأكد كلام الفريق الشاذلي

والعكس

اعادة قراءة مذكرات الفريق الشاذلي على ضوء قراءة مذكرات العقيد اسامة بينفي عن الفريق الشاذلي تهم انه كداب وانه كان عايز يعمل بلبلة وانه كان طمعان في الحكم والكلام العجيب اللي الساداتيين قالوه عليه

اظن يعني العقيد اسامة اصاباته اللي مالية جسده من ساسه لراسه تنفي عنه اي شبهة واي طمع في الدنيا

ده لو طمعان في الدنيا ما كانش عمل في نفسه كده وما كانش رمى نفسه في النار بالطريقة دي واحنا كلنا عارفين ان الدفعات الاولى من الاقتحام بيبقى مقدر لها انها ما ترجعش وربنا اراد له انه يرجع عشان يحكي لنا بعد اربعة وتلاتين سنة

وليس اصدق من اللي قاتل في ميدان المعركة

السيف اصدق انباء من الكتب

ومن هنا انا شايفة اهمية قراءة هذه المذكرات مع قراءة كتاب الناس والحرب

جو

انا باعمل اتاش للكتاب وان شاء الله ح ابعتهولك في الميل

زكرياء

معلش عندي انا دي

العقيد الشاذلي عامل لنفسه موقع واكيد ماحدش ح ينشر الكتاب من غير اذنه

ويا سيدي معلش بقى

الناس دي مش بتدور على الدنيا

ان شاء الله نعمل ندوة للعقيد اسامة وتشوفه بنفسك وتشوف ازاي الناس دي مش بتدور على الدنيا

لسة لحد النهاردة مستعدين يموتوا عشان مصر

لحد النهاردة

اصل دي بتبقى في دمهم ما بتخرجش منه ابدا

مش ح يجي على حتة كتاب ويقف عنده وهو مستعد يقدم روحه من غير مقابل

زكرياء said...

أختي نوارة الإتنصار،
أنا أكيد من حسن النية لكن فقط أردت أن أعبر عن اعتراضي على الطريقة...أما عن شهامة هؤلاء الرجال فهذا أمر لا شك فيه، و أقولها صراحة و علانية هؤلاء هم الرجال و غيرهم لا شيء. و رغم أني لست مصريا (رغم أنها مفخرة أن يكون المرء مصريا) لكن أنا أكيد أن هذا الصنف من الرجال لا يميز بين أحد من أبناء الأمة و أنا أكيد أنهم عندما خططوا و جهزوا و حاربوا أنهم حاربوا من أجل أمة و من أجل حق أمة أكلها أنصاف الرجال ممن هم الآن فوق كراسي لا يستحقونها.
و نصيحة للأصدقاء أن يستمعوا لحلقات "شاهد على العصر" مع سيادة الفريق الشاذلي على أرشيف موقع قناة الجزيرة أظن أن الصورة ستصبح أوضح.

تحياتي لك و للأصدقاء
زكرياء

مهندس مصري said...

يا سلام يا معلمة نوارة دا انت تأمري
و احنا ننفذ
تأشري و احنا نعمل الصواني
دا انا دخلت عالم التدوين اعجاباً بمدونتك
و لو قريت البوست الأول ليا "أنا مين" حتلاقيني قايل كده من الأول
اما بالنسبة لحقوق نشر المذكرات فأنا ما أعرفش الصراحة اذا كان الفريق الشاذلي سمح بنشرها و لا لأ
انا عترت فيها في منتدى زي ما قولت
و عموماً انا بأعتذر لو كنت غلطت
و أشكر كل اللي دخلوا المدونة عندي و ان كنت اتمنى انهم يعلقوا و ما يبقوش سلبيين
سلام يا معلمة المهيسيين

هرطقة said...

كتاب جامد جدا
لكن يحظر على مريضى الضغط
عشان ممكن جدا دمهم يتحرق
لما يعرفوا اللى حصل على مستوى القادة
ويعرفوا احنا كان ممكن يكون موقفنا عامل ازاى بدون تدخل اسمها ايه دى القيادة السياسية

Anonymous said...

يا جماعة للما يعرفش مبارك حبس الراجل ده بتهمة إفشاء أسرار عسكرية فى كتابه وحسبنا الله ونعم الوكيل الراجل الى جزمته فوق أى كلب من كلاب هذا العصر المخزى