Saturday, 18 August 2007

القبض على 17 من الاخوان منهم عصام العريان وصهر عادل امام

اففففففففففففففففففففففففففففففففففففففففف
جاني الخبر ده على الميل من مجموعة الحقيقة البريدية
اعتقال عصام العريان وآخرين من قياديي الأخوان أثناء اجتماعهم
خاص ووكالات- القت أجهزة الأمن القبض علي 16 من قيادات جماعة الأخوان علي رأسهم الدكتور عصام العريان أثناء اجتماعهم الذي قالت الشرطة أنه اجتماعا تنظيميا بمنزل رجل الأعمال نبيل مقبل -- صهر الفنان عادل إمام - بمنطقة الجيزة.

ومن بين المقبوض عليهم الدكتور محمود حسين عضو مكتب الإرشاد و مسئول الجماعة عن صعيد مصر والمهندس نبيل مقبل ورجل الأعمال سيد نزيلي والدكتور أحمد عمر والمهندس حسام أبو بكر والمهندس خالد البلتاجي والدكتور حمدي الزايط والدكتور هشام عيسي والدكتور سناء أبو زيد والشيخ حمدي ابراهيم.
وقامت قوات الامن بتفتيش منازلهم في غيابهم، والإستيلاء علي أجهزة الكمبيوتر الموجودة في المنازل إضافة إلي عشرات الكتب والمتعلقات والأوراق الشخصية، وقدتم تحويل المعتقلين إلي قسم مدينة نصر تمهيدا لعرضهم علي النيابة.
من جانبه أكد عبد المنعم عبد المقصود ـ محامي الجماعة ـ أنه لم يتبين حتي الآن إن كان هذا الإعتقال قد تم بإذن ووجود النيابة أم لا، مشيرا إلي أنه في حالة وجود النيابة فإنه سيتم عرضهم علي نيابة أمن الدولة العليا اليوم، أما إن كان القبض من خلال مباحث أمن الدولة فقط فسيتم عرضهم علي النيابة غدا، مؤكدا أنه في كل الحالات من المتوقع حبسهم 15 يوما علي ذمة التحقيقات وتوجيه الاتهامات المعروفة وهي الإنتماء لجماعة الإخوان المسلمين

اجهزة الامن منعت العريان من السفر مع رحلة سياحية نظمتها نقاب الاطباء ل27 طبيبا الى تركيا صباح الجمعة

بعد ان أنهى اجراءات سفره على رحلة مصر للطيران المتجهة إلى اسطنبول للمشاركة في بعض الفعاليات هناك ، إلا أنه عندما تقدم لانهاء إجراءات جواز سفره تبين إدراج اسمه على قوائم الممنوعين من السفر.
وقال العريان لرويترز إن الشرطة المصرية منعته من السفر للمرة الثالثة خلال أربعة شهور. !!
=========
افففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففف
يا الله يا ولي الصابرين
========
سمعت في الجزيرة ان المهندس نبيل كان عامل لهم عزومة غداء
ما حدش يتغدى بقى عند حد تاني
الغداء خطر على إمن العام
هو احنا مش ح نخلص من الموال ده بقى؟
يا رب

10 comments:

قليل من التفكير said...


أحسن كلام الواحد يقوله هوا أغنية الشيخ امام
ممنوع من السفر
ممنوع من الغنا
ممنوع من الكلام
ممنوع من الاشتياق
ممنوع من الاستياء
ممنوع من الابتسام
وكل يوم في حبك
تزيد الممنوعات
وكل يوم بحبك
أكتر من اللى فات

مـحـمـد مـفـيـد said...

بجد يا نواره لسه قاري الكلام عند اروي
ومش هقول الا اللي قولته هناك

دوله الظلم ساعه ودوله الحق الي قيام الساعه

طه عبد المنعم said...

هو احنا مش هنخلص من القرف دة

الدرويش المرووش said...

نوارة
أنا عارف إنه مش ذنبك

أنا بقيت أتشاهد وأنا داخل على المدونه بتاعتك

أنا عارف إن الدنيا ضلمه و هو ده الموجود و هاجيبلكم منين

بس أنا أنصحك لوجه الله تحطيلنا خبرين كده ف الخفيف يطروا على قلبنا شويه

لو مافيش عندك
خشى على الترويسه بتاعة الصفحه الأولى فى الأهرام أو الأخبار أو الجمهوريه

هتلاقى بالهبل

مصر تفوز بجائزة الحمار المخطط لتصميم الحناطير

الحمد لله سنيه سوسته تحشى ضرس العقل بعد ألام (فزيعه) ثلاث أيام

الأهلى ف كل حته عمال يجيب إجوان
زى ما راح أفريقيا برضه راح اليابان

الطائر الحزين said...

الموضوع بقى سخيف وتكرارة بهذا الشكل يبين لعبة غير محبوكة

اننا نقدر نجيب اى انسان فى اى وقت وبأى شكل من غير ما يهتز لنا طرف

حسبنا الله ونعم الوكيل

الا قولى لى رأى الدكتورة سعاد صالح ايه فى الحكاية دى !!!!!!!!!!!!

Ahmed Nasr said...

لا انا بجد نفسي افهم اشمعنى الدكتور عصام!!
اشمعنى الدكتور عصاااام؟

bahry said...

الواحد زهق بجد

ويمكن كمان مل

ومش عارف ليه الواحد بقا متنح كده؟؟

لما قريت الخبر باليل حسيت ان دا بقا عادي وطبيعي

وفي الشغل الناس لما عرفت برضه عادي


هو بجد نجحوا يوصلونا لكده؟؟

دا تبقي مصيبة

ربنا ياخدكم يا ولاد ....بس نقول ايه

حسبنا الله ونعم الوكيل

Alexandrian far away said...

17 بس؟!!
هي أيه مياصة الداخليه دي؟
عقبال الباقي من جماعة الأخوان الفاشيين
الديابه السعرانه متصلته على بعض

Anonymous said...

حلو موضوع انهم رايحين سياحة لتركيا
وياترى نقابه الاطباء مفيهاش ولا طبيب قبطى ينضم للوفد
واشمعنى تركيا يعنى؟
نقابه الاطباء دى نقابة وسخة اصلا كانت بتجمع فلوس للبوسنة والهرسك ودبوها الحرامية فى جيبهم وعمرها ما جمعت مليم واحد لضحايا الارهاب سواء مسلمين او اقباط

جبهة التهييس الشعبية said...

برضه غير المعرف
عم المخبر
او عم الاسود
او عم الاف بي اي
او عم غلاوي

الحمد لله ان ماكنش فيه ولا دكتور قبطي انضم للوفد والا كان اتقبض عليه

وللا انت كنت عايزه يتقبض عليه

ممكن اعرف ايه دخل الاقباط في الموضوع ده؟

وللا هو اي هبل وخلاص

طيب انا اكلت شيكولاتة النهاردة

وما عزمتش على صاحبتي القبطية

ها

ابقى باضطهدها مش كده

عالم امراض