Friday, 10 August 2007

خط ساخن لضحايا التعذيب

والنبي البت بلوس ستون دي بنت حلال مصفي
سايبة لي تعليق وبتقول لي فيه
حاجة تتعمل غير الكتابة
وانا باقرا كلامها فتحت على الميل
رسالة وائل عباس اللي بيقول ان بقى
فيه خط ساخن لضحايا التعذيب
:نصر الرسالة اللي جات لي اهو
افتتاح الخط الساخن لعلاج ضحايا العنف 9/8/2007
أخى المواطن:
إذا تعرضت للتعذيب أو علمت بوقوعه لاحد أصدقائك أو جيرانك يمكنك الاتصال على أرقام الخط الساخن لمركز النديم للعلاج والتأهيل النفسى لضحايا العنف . لن نكلفك إلا بداية المكالمة ثم نتصل بك فورا خدمة الخط الساخن متوفرة على مدار 24 ساعة يوميا على الارقام التالية 0164004012 - 0164004013

6 comments:

الطائر الحزين said...

بجد بتهزرى
هو اللى بيتعرض للتعذيب يقدر يفتح بقة ولا يتنفس حتى
انتى عجيبة اوى

Tesla said...

ناس زي العسل, طب في ناس غلابه مش بتعرف تقرا..مش المفروض يعلنو عنه في التليفزيون ؟ و لا هما أعلنوا فعلا

shahy said...

طيب
الحمد للة ان في ناس هاتقف بجانب الضحايا
دة لو الحكاية دي بجد

طيب مش كنا احسن نبقى كويسين مع بعض من الاول

اقولك على حاجة يا نوارة بجد

انا بقيت بخاف لما اشوف ظابط

بس ابقي امسحي التعليق علشان مفيش حد يعرف اني جبانة ههههههه

joe said...

هههههه اتأكدي من المركز ومين اللي وراه يا نوارة ..
أحسن يكونوا الإخوة تبع الأمن همّ اللي فاتحين الخطوط المجانية دي منشان يعرفوا اللي عنده نيـّة يتكـلـّم ..ههههه
فـخ يعني
كـمـيـن أمنـي ههههه

SnipER said...

تفتكري؟
لسه في واحد مات مقتول في قسم بدر والنيابه بتحقق وفي تكتم قاتل علي الموضوع بس القسم كله مرعوب لدرجة ان مأمور القسم رافض يروح النيابه من غير محامي
التفاصيل رهيبة عموما ..

bluestone said...

كتر خيرك يا نواره
انا فكرت احط الموضوع في بوست منفصل .. بس حسيت انه مش هيكون مفيد
الأفيد اني أطبع المعلومات دي أو اوزعها على كل اللي اعرفهم .. واللي ماعرفهمش كمان .. لان الناس اللي لازم يوصلها الكلام ده اصلا مش بتقرا مدونات