Wednesday 29 August 2007

نتقابل النهاردة في نقابة الصحفيين




صباح الخير

هو ايه ال

new generation project

ده؟ واحدة ست كلمتني من

private number

وقالت لي: الانسة نوارة

طبعا حبيتها موت انا مرة عسكري مرور قال لي يا انسة

اديته عشرة جنيه

قلت لها: ايوة انا

قالت لي انها تبع ال

us aid

وعندهم مشروع اسمه النيو جنيريشن بروجكت

وانها جاية هي والمدير القاهرة وتحب تشوفني

وتاخدني في البروجكت ده

بوظت لي موضوع الانسة وانا كنت لسة صاحية من النوم

ولسة ما شربتش القهوة

وما سألتهاش عن حاجة كل اللي قلته: مش دي تبع

اليو اس ايد؟

قالت لي اه

قلت له: مش باتعامل معاهم لما يخرجوا من العراق

ابقى اتعامل معاهم

معلش بقى ما كانش فيا دماغ اقول لها ولما تبطلوا

تدعموا اسرائيل وتخرجوا من افغانستان وتبطلوا ترازوا في مخاليق ربنا

الحقيقة انا مش فاهمة اليو اس ايد دي
باحس كده انها الخرية في ايد والصابونة في ايد
يموتوا الناس في فلسطين وبعدين يبعتوا لهم مساعدة ولبن اطفال
انا عندي تسجيل فيديو لفلسطينيين جنين وهم بيرموا
صناديق مساعدات جاية لهم من اليو اس ايد وبيقولوا
نموت من الجوع وما ناكلش من ايد اللي بيموتنا
لا لا لا انا ما تقمصتش فلسطينيي جنين
انا بس احرجت منهم
====

النهاردة ام الطفل محمد ممدوح اللي مات في التعذيب

جاية في النقابة

وناصر اللي مات في التعذيب

ههههههه مش هو اللي جاي طبعا

قصدي اخوه

اظن ان الناس دي محتاجة مساندة نفسية ومادية

واظن يبقى كويس لو رحنا وقابلناهم وحسسناهم ان ناس كتير

مهتمة بقضيتهم

انا عن نفسي رايحة ان شاء الله

الساعة سبعة

في نقابة الصحفيي

9 comments:

Anonymous said...

بصراحة بيبقي نفسي احضر واشارك ولكن الوقت لا يسعنى ولكنى مشاركة فعلا بقلبي والدعاء لهم ولك مظلوم في الدنيا لان المظاليم كتروا اوى وبشكل غر عادى في كل الدنيا.
اما بالنسبة لليو اس ايد هما الفلسطنين والجوعى المصرين والعراقيين لقوا حد ياكلهم غيرهم دى حاجة تحزن

Anonymous said...

هههههههههه
كسفة وفضيحة كمان؟
وبعدين سايباني أقول لك يا خالتي يا خالتي!!..ماتقولي آنسة أحسن!

Anonymous said...

انسانة
طيب ادعي لهم
ارحم دماغك
هو فيه انسة بتفرح لما حد بيقول لها انسة؟
لا يا حبيبي انا خالتك
وتقدر تقول لي يا اما كمان
:)
الانسة تاج على رؤوس الانسات لا يراه الا المدامات
:)
بالنوسبة للفضيحة
انت عارفني كتومة ده سر بينا احنا السبعمية

Anonymous said...

هههههههههههههههههههههههههههههههههههههههههههههههههههههههههههه


حلوة قوى الخرية فى ايد والصابونة فى ايد

جامدة قوى

انا فطست على روحى من الضحك

بس هى الأصول الخرية فى ايد والكلينكس فى ايد

هههههههههههههههههههههه

Anonymous said...

أنا عارف طبعا انك مدام :D
أنا اقصد تقولي انه أقول لك آنسة، عشان تفرحي يعني، أحسن :D

Anonymous said...

http://www.attareek.org/details.php?id=4&aid=312&eid=12

Anonymous said...

http://www.alfadhela.org/news/islaam_news_details.asp?field=islaam_news&id=45

Anonymous said...

السلام عليكم نوارة
كدة برضو مش كنتى قلتى من امبارح
انا فتحت الرسالة 8 مساء ولو كنت اعرف كنت رحت نقابة الصحفيين
وكمان يسلم فمك على انك اعطيتى بتوع امريكا على دماغهم
وعلى رأيك
هم بس ينزاحوا من وشنا
لو كلموكى تانى يا نوارة قوليلهم من فضلك
كل اللى كتبتية هنا
وخليهم يكلمونى اكمل الباقى
الله يكرمك

Anonymous said...

Nawara,

My heart goes to these people. I wish I'm in Egypt I would've been the first to be there. Keep up the good work brave woman....