مذكرات العقيد متقاعد اسامة علي صادق
اللي شارك في حرب خمسة يونيو
والاستنزاف
والانتصار
بقى انا بقى لسة مخلصة الكتاب دلوقت
وح اكتب عنه في الوفد
بس بقى بالفصحى وكده
مش زي هنا احنا هنا قاعدين قعدة عرب مع بعض
الا الراجل ده بقى حاكي يا جدع شوية حكايات تشيب
من ساعة ما ابتديت قراية الكتاب وانا اللي مسيطر عليا
"اللهم هون عليا سكرات الموت"
هو مواليد ستة اكتوبر اربعة واربعين
يعني برج الميزان زيي
عشان كده يا قلبي اول ما راح استلم الشغل في وحدته
واحد من اللي في السجن الحرب عيط له وقال له
امي ح تموت اديني كام ساعة اروح اشوفها
وارجع لك ولا من شاف ولا من دري
راح مديله كام ساعة وكان ح يتقفش
لولا ربنا سترها معاه ورجع على اخر لحظة
زي فيلم كلمة شرف
انا الاول ما صدقتش بس لما عرف انه برج الميزان
زيي
قلت لا يعملها
اصل بصراحة انا اعملها يعني
حكى شوية حاجات
عن سوء معاملة العساكر والضباط الصغيرين
وانهاكهم في حرب اليمن
هو طبعا ما شاركش في حرب اليمن
هو خريج دفعة 1966
خرج من الكلية على وحدة المشاة
والمفروض بقى انها وحدة ممتازة ولسة راجعة من
"بطولات"
اليمن
قووووم لقى الجنود هدومهم مقطعة وبياكلوا حاجة كده
شبه الاسهال لامؤاخذة
وكل واحد بيضرب ويشتم في الرتبة اللي اقل منه
وهو عشان متربي لقى نفسه صيدة
وقال ح يبتدوا بقى يشتموه
وكان يتميز هذوه الصخص
بانه ما بيزعقش للعساكر ابدا
بس بيزعق للقادة بتوعه
ويتحبس
ههههههههههههههه
والله برج الميزان صحيح
عنده هسهس من السلطة
المهم الحاجات اللي حكاها
ح ابقى احكيها لكوا
عشان والنبي تعرفوا اننا بقالنا خمسة وخمسين سنة
بيحكمنا....وللا بلاش
ح اسيب التعليق ليكوا بعد ما تشوفوا ايه اللي حصل
للجندي المصري قبل الهزيمة وبعد الهزيمة واثناء حرب
الاستنزاف وفي حرب النصر وازاي اخدوا خازوق
متقلوظ بعد ما خلصت حاجتي من جارتي
والنصر نسب لناس مش هم اصحابه
انتظرونا
3 comments:
مستنينك ياقمر بس ممكن تقولى اسم الكتاب ودار النشر وكده؟
السلام عليكم
بالله عليك احيانا معرفة الحقيقة تجلب الحزن لكن بالله لا تقللى من قيمة النصر ايا كان لاننا مش ناقصين
منتظرك
ايه التشويق ده بس يا فندم..
قبي بالحكاوي.. وياريت اسم الكتاب ودار النشر وباقي التفاصيل.
تحياتي
Post a Comment