انقذ نفسك من سيفون التاريخ وبصاق الاجيال

يعني اساسا عباس ابو لباس ده

حتة دمية بتلعبها امريكا واسرائيل

والهدف الاصلي من وجود ما يسمى بالسلطة الفلسطينية

هو القضاء على المقاومة اللي دوخت الصهاينة

فعملوا بحكمة المثل: من دقنه وافتل له

وسلطوا على المقاومة ناس من اهلهم عشان يخلصوا عليهم

ولما ياسر عرفات ما اشتغلش بالكفاءة المطلوبة

قتلوه وجابوا حفيد يهوذا ده

هو والدلدول دحلان

اللي ان شاء الله مصيرهم الى مزبلة التاريخ

لا

سيفون التاريخ

المهم البيان ده من موقع

arabnews

ودليل المدونين

لدعم المقاومة والكفاح المسلح ضد الاستيطان الصهيوني

وتحرير كامل التراب الفلسطيني من هذا الكيان السرطاني

وقبل ما حد يبتدي يأتت في امي ويقول لي

وتوقيعك ده ح يعمل ايه يا ام توقيع

من الاخر كده فلسطين دي ان شاء الله ح تتحرر ح تتحرر

والواغش اللي فيها ح يغور ح يغور

والمقاومة المسلحة هي الحل الوحيد واظن ده مش رأيي

دي التجربة العملية هي اللي بتقول كده

وللا المقاومة المسلخة لما تبقى فرنسية ضد النازي

وللا جيفارية ضد الرأسمالية تبقى حلوة

ولما احنا اللي نعملها يبقى دماغنا فيها تراب؟

على اي حال

الدبان كتر لان الخراء زاد

وعادة الدبان بيعف على الخراء

واحنا كلنا مصيرنا للموت

بس ح يجي يوم واحفادنا ح يتفوا علينا

بجد والله

احنا في زمن لازم ينتف علينا

يبقى على الاقل نسجل موقف اننا مع المقاومة

لحد التحرير

عشان اللي ح يتف

لما يشوف اسامينا ما يجيبش التفة من معاميعه قوي

اهمية البيان تأتي بعد مواقف حماس العصابية

لأن المقاومة مش يعني حماس

حماس هنجت

فيها غيرها يقاوم

لحد ما ربنا ينفخ في صورتها وتفوق

وللا هي كمان تروح على السيفون

:اليكم البيان

دعوة لجمع مليون توقيع لدعم المقاومة وحق العودة وبطلان التمثيل ـ م/ سميح خلف
Sunday, 29 July 2007
أخبار العرب/ كندا

تتسارع الأحداث السياسية على الساحة الفلسطينية ، وأصبح اللعب على المكشوف بعد أن كان متسترا ويلبس زيا وطنيا أحيانا ولكن ها هم
المتنفذون في قرارات منظمة التحرير وفي حركة فتح يعلنون صراحة عن نواياهم الحقيقية في تسوية الصراع العربي الصهيوني ، وما تناقلته الأنباء عن الأوساط الدبلوماسية الغربية حول إسقاط حق العودة وتلاه برنامج فيّاض الذي أسقط حق المقاومة المشروعة للشعب الفلسطيني ، بل زاد على ذلك أن الدولة الفلسطينية لن تأتي عن طريق المقاومة .
ولقد صرح عباس أنه يجب إيجاد حل خلاق لمشكلة اللاجئين أو حل مبتكر ومن هنا استبعد عباس القرارات الدولية وخاصة القرار 194 الخاصة بحق اللاجئين في العودة والتعويض على مائدة المفاوضات القادمة برئاسة وزيرة خارجية أمريكا كونداليزا رايس .
توجهات لعباس وحكومته تمثل منتهى الخطورة على حقوقنا المشروعة في فلسطين وبرنامج فياض يمثل أيضا طعنة لحركة التحرر الوطني الفلسطيني وتجربتها وتاريخها ويريد أن يقول فياض أن الشعب الفلسطيني كان مخطئا عندما استخدم المقاومة كوسيلة وكأنه يريد ان يقول أننا نعتذر عن خيارات الشعب الفلسطيني الخاطئة ها هو رئيس وزراء عباس يتحدث وكأنه يمثل هو ورئيسة الشعب الفلسطيني فإذا كان عباس قد انتخب من شعبنا الفلسطيني في الداخل فاليتحدث هو فياض باسم الذين انتخبوه أما الشعب الفلسطيني في الخارج وتعداده 6.5 مليون لم ينتخب عباس رئيسا للسلطة ولم ينتخبوه أيضا رئيسا لمنظمة التحرير وأصبحت منظمة التحرير عبارة عن ستار وواجهة لتمرير البرامج المشبوهة والتنازلية لصالح العدو الصهيوني .
ونريد أن نؤكد أن رئاسة محمود عباس لمنظمة التحرير الفلسطينية مطعون فيها لسبب بسيط أن المجلس المركزي واللجنة التنفيذية لمنظمة التحرير الفلسطينية هي في حد ذاتها متجاوزة للقانون وللدستور الفلسطيني .
كثير من المتغيرات حدثت في خلال أكثر من عقدين ومازالوا متمترسين في مواقعهم لتنفيذ برنامجهم الخاص وليس برنامج الشعب الفلسطيني ولو كان هذا برنامج الشعب الفلسطيني سنقف لهم بكل احترام ولو كان الشعب الفلسطيني حدد خياراته باختيارهم لتلك الأطر لوقفنا لهم باحترام ولكن الشعب الفلسطيني لن يقبل الإجحاف في تجربته المقاومة ولن يتنازل عن حقه في العودة إلى أرضه وليس هناك شيء مبتكر وخلاق مادام الأصل موجود ومادامت المطالب الوطنية موجودة إذا من فوض عباس أن يتحدث باسم الشعب الفلسطيني وباسم اللاجئين . .. وبأي حق أخذ مشروعية المواطنة داخل فلسطين وهو لاجيء ؟؟ .. لقد أخذ مشروعية الإحتلال وليس المشروعية الوطنية أما شعبنا في الخارج يبحث عن حق العودة من خلال المنظور الوطني وليس المنظور الإستسلامي على قاعدة بيع الحقوق التي يحاول عباس من خلال تصريحه الأخير ( الحل الخلاق ) هذه المصطلحات التي طالعتنا بها كونداليزا رايس من الفوضى الخلاقة إلى عباس والحل الخلاق ، وكلا المفهومين يصبان في نهجهما الذي استخدماه سواء في غزة أو في العراق أو الصومال أو في لبنان .
آن الأوان لشعبنا الفلسطيني أن يتحرك خارج الوطن وداخله لجمع مليون توقيع لسحب الثقة من محمود عباس ووزارته في التفاوض بالنيابة عن الشعب الفلسطيني ونحن واثقون أن كل الوعود التي قطعها عباس ما قبل اجتماعه بما يسمى المجلس المركزي وأثناء انعقاد المجلس بعقد المجلس الوطني الفلسطيني إنما هي عملية مماطلة بالوقت ليذهب هو ومستشاريه وزمرته المغتصبة للقرار الفلسطيني إلى ما يسمى بالمؤتمر الدولي لبحث أسس الدولة الفلسطينية في منتصف سبتمبر القادم وعلى الشعب الفلسطيني أن يقطع الطريق أمام هذا التحرك الذي يريد أن يتصرف فيه عباس بما لا يملك .
إن الوضع في منتهى الخطورة وستسألنا الأجيال القادمة عن تهاوننا وسلبيتنا أمام تلك العصابة التي تنفرد بمصير شعب بكامله .
دعوة لجميع المواقع الوطنية أن تقوم بتلك الحملة دعما للمقاومة في فلسطين ومشروعيتها وبطلان التمثيل لقيادة منظمة التحرير .
التواقيع:-
م/سميح خلف كاتب ومحلل سياسي

هاني البرغوثي كاتب ومحلل سياسي موقع اخبار العرب / كندا

حسين راشد / نائب رئيس حزب مصر الفتاة ورئيس تحرير جريدة مصر الحرة

سوسن البرغوتي كاتبة
اللجنة المصرية لمناهضة الاستعمار والصهيونية
محمود كعوش ـ كاتب ومحلل سياسي
محمد الطويل يك / زراعة فلسطيني لاجي

وائل حسن عبد الوهاب بك فيزياء/ ليبيا
الشيخ محمد القبضاي
أحمد يهوى مجموعة أقلام الثقافية
صلاح علام رئيس تحرير جريدة أخبار العرب / كندا
طارق شوشاري - كاتب وصحافي / فيينا
دكتور/ وليد أبو لبدة أخصائي سموم
Dr. Mohamed Almadhoun / طبيب مقيم في المانيا
د.محيي الدين عبد الغني ـ باحث وكاتب / أوسلو النرويج

م . محمد حنون - إعلامي فلسطيني / وكالة الانباء إنفو بال

DR:ZIAD ERMELEY : AUSTRIA

مجيد البرغوثي / شاعر وكاتب فلسطيني

م/ أسامه القدح ـ فلسطيني مقيم في السعوديه
خالد أحمد - تحالف العودة - بريتش كولومبيا / كندا
سمير فارس - ناشط طلابي / كندا
فدوى نور -الحملة من أجل إطلاق سراح

أحمد سعدات / كندا
باسم خضر/ امريكا
اشرف هلس ـ ليسابس لغة عربية
وليد هليل بك ـ محاسبة

الدكتور ابراهيم حمامي/ كاتب ومحلل سياسي/ بريطانيا
الدكتورة : رابعة محمد حمّو / باحثة وناقدة / فرنسا
منذر ابو حلتم
د. حسين المناصرة أكاديمي وكاتب فلسطيني
سيد يوسف / كاتب و باحث فى الصحة النفسية / مصر

لمن يرغب بتوقيع حملة الدعم ،أرجو ارسال التوقيع إلى البريد التالي

arabnews.ca@gmail.com
هذا البريد محمى من المتطفلين , تحتاج إلى تشغيل الجافا سكريبت لمشاهدته
او التوقيع على هذا الرابط
http://ebd.helalsoftware.net/survey.php?action=SURVEY.SHOW[4]

اندرو وماريو تاني واللي بيكفروني

معلش اليومين دول انا مش فايقة لان

عندي شوية ظروف كده

بس الملحوظ ان الناس فعلا بتقرا القرآن وهي مش فاهمة بيقول ايه

وبعيدا بقى عن الناس اللي كفروني

واللي اعلنوا الحرب عليا

لاني قلت اندرو وماريو ما يورثوش دين ابوهم

طيب انا عندي دليل

بسم الله الرحمن الرحيم

ولا تكسب نفس الا عليها، ولا تزر وازرة وزر أخرى

سورة الانعام

بسم الله الرحمن الرحيم

ولا تزر وازرة وزر أخرى وإن تدع مثقلة إلى حملها

لا يِحمل منه شئ ولو كان ذا قربى، إنما تنذر الذين

يخشون ربهم بالغيب وأقاموا الصلاة، ومن تزكى

فإنما يتزكى لنفسه وإلى الله المصير

سورة فاطر الآية 18

وقول رسول الله صلى الله عليه وسلم: يا

فاطمة بنت محمد اعملي فإني لا أغني عنك من الله شيئا

===

فأين في القرآن والسنة سند واحد ينص على توريث الدين

بل إن القرآن أخذ على قريش أنهم يقولون: إنا وجدنا آباءنا

على أمة وإنا على آثرهم مقتدون

فكيف يأخذ الله في كتابه على قريش تصرف

ثم يأمر المؤمنين بالإتيان بنفس التصرف؟

===

هذه أدلة من القرآن

من لي بحديث واحد صريح أو آية قرآنية واحدة

تنص على توريث الدين

بالقهر

للأولاد

وبعدين يقولوا هو ده دينا وان كان عاجبكو؟

والله اذا هو واحد معقد وعايز يفك عقده على الناس

هو حر

بس يسيب الدين في حاله

سودتوا وشنا الله يكسفكوا

عاجل جدا بخصوص العالقين على معبر رفح

يعني بدل ما كل واحد يمسكني ويأتتني

"واحنا نعمل ايه بالفيديوهات اللي انت جايباها"

"وما تقولي لنا حل عملي بدل صويتك"

ادي حل عملي باعتاه الاستاذة ايمان بدوي

رسالة بالفيديوهات الي الناس اللي في ايديهم الحل والربط

اه ويجي بقى ساعة البعت ما الاقيش تلاتة بعتوا

زي المرة اللي فاتت بتاعة الاسرى

قعدوا يهزأوني: شوفي حل شوفي حاجة نعملها

طيب يا جماعة اعتصام

لا نعملها من غير ما نتبهدل

طيب يا جماعة نبعت رسايل

وافاجئ ان مافيش حد بعت غير حبة قليلة

والباقي يا اما كسل

يا اما طنش

امال هو بس تأتيت وخلاص

رسالة ايمان اهيه

والعناوين معاها

طيب

طيب

حسبي الله ونعم الوكيل في اللي ما يبعتش

هه

بس

:الرسالة

من فضلكم وزعوا هذه الرسالة فى كل مكانبارك الله فيكم

بسم الله الرحمن الرحيم
الاخوة الاعزاء هذه الرسالة اعدتها مجموعة arab_nationalist
اقل ما يمكنكم عمله لدعم اخوانكم العالقين على الحدود
الذى مات منهم 30 و ينتظر و يتمنى بعضهم الموت
و 7 حالات ولادة ملقين فى الشارع على الاسفلت

ارسلوا رسالة الاحتجاج للايميلات المذكورة بالاسفل
وكذلك الايميلات الموجودة فى الروابط
لمن اراد منكم الذهاب لرفح ولم يستطع
ومن تمنى دعم اخوانه و لم يستطع اليك الفرصة
لتبرئ ذمتكم
ولو قليلا امام الله
اعتب اشد العتب على من تصلة الرسالة ولا يحرك ساكنا
لا اراكم الله ما يراه اخوانكم
من ذل و مرض و قهر و فضح و سحق للكرامة

خذ نسخة من الرسالة بالاسفل وارسل الان الى

رئاسة الجمهورية
webmaster@presidenc y.gov.eg

وزارة الخارجية المصرية في القاهرة
primemin@idsc. gov.eg
سفارة مصر في واشنطن
embassy@egyptembdc. org
القنصلية المصرية في نيويورك
info@egyptnyc. net
السفارة المصرية في عمان , الأردن
egypt@embegyptjorda n.com
السفارة المصرية في كندا
egyptemb@sympatico. ca
سفارة مصر في الرياض
Riyadh_emb@mfa. gov.eg
سفارة مصر في أبو ظبي
EGemb_AbuDhabi@ mfa.gov.eg

ارسل ايضا للعناوين الموجودة فى هذه الروابط
ومع عليك إلا نسخ وطباعة العناوين في الروابط، واضافتها في رسالة ببريدك
http://palpoldan. googlepages. com/mediaList1. txt http://palpoldan. googlepages. com/mediaList2. txt http://palpoldan. googlepages. com/mediaList3. txt http://palpoldan. googlepages. com/globalList1. txt http://palpoldan. googlepages. com/globalList2. txt

============ ========= ========= =======
(الرجاء فتح المعبر أمام العالقين)-open Rafah Crossing border



English follows Arabic
السيد السفير المحترم
السادة موظفي السلك الدبلوماسي المحترمين

تحية و بعد:
نتابع و منذ فترة ليست بالقصيرة و بمزيد من مشاعر الحزن و الاسى و الغضب الأنباء الواردة عن أزمة أخواننا الفلسطينين من أهل قطاع غزة العالقين على أبواب معبر رفح الحدودي من الناحية المصرية و ذلك بسبب إصرار حكومتكم على منعهم من الدخول عبر معبر رفح للعودة إلى أهلهم و بيوتهم و أعمالهم في قطاع غزة.
و إننا نعرب عن إستهجاننا البالغ لهذا القرار الغير مبرر و الذي تسبب حتى الاّن في صنع كارثة إنسانية بكل معنى الكلمة, حيث تم ترك أكثر من ستة ألاف فلسطيني في العراء و بدون ماوى, يفترشون الارض و يلتحفون السماء, ينظرون إلى أرضهم و اهليهم على بعد مئات الأمتار منهم و تأكل قلوبهم الحسرة لعدم إستطاعتهم الوصول إليهم. و قد علمنا و علم العالم معنا ان زهاء ثلاثين منهم قد قضوا إلى خالقهم و أن العشرات لا زالوا يصارعون الأمراض و الأوبئة و التي بدأت تنتشر بينهم .
و إننا إذ نعي أن قوى الأستكبار العالمية و على رأسهم الولايات المتحدة و ربيبتها إسرائيل هم من يقف وراء الحصار الظالم و الممنهج على شعبنا الفلسطيني و بخاصة في قطاع غزة لتمردهم على سلطة أوسلو و أذنابها ووقوفهم خلف المقاومة و برنامجها, لنربأ بحكومة مصر العروبة أن يكون لها دور في حصار أخوانهم الفلسطينين و إذلالهم خدمة لمصالح من لا يريد بفلسطين و لا بمصر خيراًَ.
و لهذا فأننا نهيب بسيادتكم أن توصلوا رسالتنا هذه إلى المسؤلين في حكومتكم و ان تضموا صوتكم إلى أصواتنا من أجل رفع الحصار عن الشعب الفلسطيني و إعادة العالقين من أبناءه إلى ديارهم. و بذلك تبرؤا ذمتكم امام الله و أمام شعوبكم و التي لن تصبر طويلاًَ قبل أن تسمعكم صوتها و تريكم فعلها, فاتقوا الله فيما تصنعون و أتقوا لعنة شعوبكم.
مع التقدير و الإحترام.

Mr. Ambassador/ Diplomats
The Embassy of Egypt
Dear, Sir/Madam

We are writing to express our deep concern about the deteriorating conditions of over six thousands Palestinians who are stuck at the Egyptian side of Rafah crossing, among them a considerable number returning from medical treatment in Egyptian hospitals, and Palestinian students in Egyptian universities. They have been stranded at the border, waiting, sleeping, and living in the streets under the hot sun. Your government has closed the border under an Israeli and American pressure, making it impossible for these Palestinians to return home.

Your government's conduct serves the encirclement and siege of Gaza, shortsightedly and cruelly decreed by the government of (Israel). However, while your government gives the government of (Israel) a complete discretion to decide whether the crossing will be open or closed, it remains strictly liable for all consequences arising from its own conduct.

We are deeply troubled by this ongoing crisis, and we and the people of Egypt can no longer remain silent while continuing to watch this catastrophic situation..! !

These Palestinians must wait no longer. The economic and military siege on Gaza must end now.. !!

Please convey our concerns and demands to your government and try to work with them to resolve this compelling humanitarian issue before it is too late.

Finally,
We appreciate your valuable time

Please, watch the videos..
http://www.youtube. com/watch? v=luHq5S14nJs
http://www.youtube. com/watch? v=YbihvQqtIxs
http://www.youtube. com/watch? v=7GoxnhmmIEE
http://www.youtube. com/watch? v=2U-T7-G3wXc
http://www.youtube. com/watch? v=fFHRKvUTasY
http://www.youtube. com/watch? v=FQnOsG5pjJY

http://www.youtube. com/watch? v=lwwIZ4PhWvw

اندرو وماريو يحترمان الاسلام اكثر من سعاد صالح

راجل ابن ستين في سبعين

اتغاظ من مراته وحب يخلص منها

اسلم وراح اتجوز واحدة مسلمة

وبعدين رجع للمسيحية تاني فمراته

رفعت عليه قضية طلاق عشان هي مش على قد ايده

قوم رجع للاسلام تاني عشان يطلبها في الطاعة

سبع سنين مبهدل ام ولاده حابسها على ذمته

وهي مش عايزاه

وما صرفش على ولاده خمسين قرش

ما فكرش مرة يروح يشوفهم

ولا حتى من ورا الام في المدرسة

وجاب لابنه الكبير حكم بالحبس

ولما لقى الست زي الفل

مربية ولادها احسن تربية

وولادها متفوقين وممتازين واخلاق

ليه وليه بقى؟

لازم يثبت لها انه من ساعة ما سابها العيال

مستقبلهم ضاع

تتصرف كيف يا عب رحيم تتصرف كيف يا عب رحيم

بعت ابوه جد الاولاد

- اللي هو ما زال مسيحي -

عشان يغير ديانة ولاده من مسيحيين لمسلمين

يعني حتى لما حب يغير ديانة ولاده

ما كلفش خاطره يغيرها بنفسه

كل ده ليه؟ عشان يقهر الست

اندرو وماريو كانوا امبارح مع منى الشاذلي

في العاشرة مساء

ما شاء الله عليهم وعلى تربيتهم وذكاءهم واخلاقهم

ومبدئيتهم

ما شاء الله على الام المحترمة الفاضلة الذكية

اللي فاهمة الاسلام اكتر من دكتورة الفقه

عارفين مشكلة اندرو وماريو ايه؟

انهم زي ما بيحترموا مسيحييتهم

بيحترموا الديانة الاسلامية

بيتعاملوا معاها على انها عقيدة وايمان

مش على انها كلمتين يطرشوهم في ورقة الاجابة

ويروحوا

امهم معلماهم ان الدين

- اي دين -

لازم يكون مبني على الاقتناع والعقيدة

امهم معلماهم انهم لو ما احترموش دين غيرهم

مش ممكن يحترموا دينهم

اندرو وماريو لو متعصبين

لو بيبصوا للاسلام على انه كلام فارغ

كانوا اتعاملوا معاه على انه كلام فارغ

كانوا طرشوا كلمتين من اللي بيسمعوهم في التلفزيون

وكتبوها في ورقة الامتحان

كانوا عملوا بنصيحة دكتورة الفقه

سعاد صالح اللي قالتهم قضوها سنتين مسلمين

لحد سن التخيير وارجعوا مسيحيين

كأنها بتقول لهم قضوها اشتغلات لحد ما تتجوزوا وتتظبطوا

معلش بقى للي بيحرج من قلة ادبي

بس دي زي دي بالظبط

بالظبط

ما فهمتش يعني ايه قضوها

قضوها؟

طيب الراجل ده اللي اربأ بالابوة انها تنسب له

عايز يكسر الام ويحرق قلبها على ولادها

ومستقبلهم

طيب واحنا؟

احنا عايزين ايه؟

ولدين زي القمر

في منتهى الذكاء

ومنتهى العدالة

ومنتهى الصدق والامانة

يعلموا اتخن تخين ازاي يبقى محترم

ازاي يبقى راجل وياخد موقف ويدفع تمنه

عايزين منهم ايه؟

عايزين يربوا في ولدين لسة عندهم

تلاتاشر سنة

النفاق والكذب والجبن

عايزين نعلمهم يمشوا حالهم ولو بازدراء الاديان؟

ايوة ده ازدراء اديان

هو ده ازدراء الاديان اللي على اصله وللا بلاش

لما اتعامل مع مادة الدين على انها كلمتين

ح اقضيها سنتين

لكن اللي في قلبي في قلبي

ده معناه ايه؟

لو اندرو وماريو سمعوا نصيحة الدكتورة سعاد صالح

وجاوبوا في ورقة الديانة الاسلامية

يبقوا فوق انهم منافقين

كمان بيحتقروا الديانة الاسلامية

وواحد يبعت رسالة يقول الست دي مربية ولادها على العند؟

لا العفو

الاصول تربي ولادها على النفاق والتزوير

والجبن

الاصول تعلمهم ازاي يمشوا حالهم بالنصب

الاصول تكسر مناخير ولادها وتذلهم

اكتر حتة ضحكتني لما واحدة اتصلت وقالت

امهم ساقياهم المسيحية

انا كنت ح اقع على ضهري من الضحك

دي ناقص تقول امهم مدسوسة عليهم

وكويس انها ما قالتش امريكا دافعة لها فلوس

عشان تعلم ولادها دينهم

===

الام الفاضلة المحترمة

والدة اندرو وماريو

عرفت تخليهم رجالة صحيح

والله ماشاء الله عندهم تلاتاشر سنة

ومنى بتحاورهم كأنها بتكلم رجالة كبار

والله في كل الرجالة الكبار اللي شفتهم

ما شفتش ارجل من العيلين دول

عشان ايه عايزين نكسر مناخيرهم ونذلهم؟

عشان ايه عايزين نعمل منهم كدابين ومنافقين؟

بمنتهى البجاحة نقول لهم مشوا حالكوا

!!!!!!!!!!!!!!!

الام دي سألت سؤال

دكتورة الفقه ما عرفتش تجاوب عليه

قالت: حد يجيب لي دليل شرعي من الاسلام

ان الدين يورث

ده الابن اللي بيبقى مولود في اسرة مسلمة

طول ما الاسرة مسئولة عنه بيبقى مسلم حكما

لما بيبلغ العقل لازم يجدد ايمانه ويبقى مسلم

وجوبا

صح

كلامها اصاب كبد الحقيقة والست قارية في الفقه

ودارساه

مش مذاكراه وطارشاه في ورقة الامتحان

مين قال ان الاب

حتى لو كان مؤمن فعلا بالاسلام

لما يغير دينه للاسلام الاولاد يتبعوه

امال سيدنا ابو بكر اسلم

وابنه كان وثني بقى مش مسيحي

ولم يتبع ابوه ازاي؟

واذا كان الولاد عندهم تلاتاشر سنة

وبيقول انا ارفض الاسلام كديانة

هو احنا ايه؟

ما عندناش دم؟

ما عندناش احساس؟

ما عندناش كرامة؟

ما بنخافش من ربنا؟

لما نوصل طفل انه يقول كلمة زي دي

وبعد ما يقول كده نقول له قضيها سنتين مسلم

مش فاهمة ازاي؟

يا اخوانا انتوا ما بتحسوش؟

ده انا الكلمة اللي قالها الولد دي

"ارفض الاسلام كديانة"

ضربت في قلبي زي الرصاص

هو ايه الاستمتاع باهانة الدين دي واذلال الناس كده؟

نصر حامد ابو زيد يقول انا مسلم

نقول له لا مش مسلم

واحد شيعي يقول انا مسلم

نقول له لا مش مسلم

بهائي او مسيحي

يقول انا مش مسلم

نقول له لا انت مسلم

المهم يبقى الدين عافية وخلاص

المسلم مش مسلم

واللي مش مسلم مسلم

كده بلطجة

وكله نلزقه في الشريعة

انا استغربت جدا وبقيت اضرب كف على كف

والدة اندرو وماريو بتدافع عن الشريعة

الاسلامية

وسعاد صالح هي اللي بتورط الشريعة في حاجة مش منها

والدة اندرو وماريو جابت من الشريعة

ادلة عقلية ونقلية

وسعاد صالح ما جابتش ولا دليل على كلامها

كل اللي قالته: قضوها

اندرو وماريو ووالدتهم

بيحترموا الاسلام وبيبصوا له كعقيدة

ودكتورة الفقه شايفاه

"تقضية"

====

الحقيقة انا انبهرت بذكاء وثقافة ام الولدين

والظاهر ده اللي غاظ جوزها منها

اصل

no offence

مافيش حاجة تكيد الراجل

والراجل المصري بالذات

غير ان مراته تبقى ذكية

بيبقى نفسه يفرمها تحت عجلة القطر

الست قالت كلمة والله

جزاها الله كل خير عليها

الست في دفاعها عن الاسلام

والغريب انها هي الوحيدة اللي دافعت عن الاسلام

قالت: لو ده اب مسلم مؤمن صحيح

كان احتضن ولاده وسقاهم الاسلام حتة حتة

لحد ما يحبوه وهم نفسهم يبقوا عايزين يبقوا مسلمين

لكنه منافق ومتلاعب بالاديان

بدليل انه سابهم سبع سنين ما يعرفش عنهم حاجة

!!!!!!!

ماذا اقول بعد كل ما قد قيل

على رأي غادة

يعني يوم ما واحد مسيحي يسلم

يبقى سقط المسيحيين

ده ايه البخت ده يا ربي

هو احنا ناقصين مصايب

ما كفاية المصايب اللي عندنا

====

انا انحني اجلالا واحتراما

للام

المدسوسة على ولادها عشان تعلمهم دينهم

لا رمتهم في الشارع

ولا ودتهم صالة ديسكو

ودتهم الكنيسة

وعملتهم رجالة

ومتفوقين

انحني اجلالا واحتراما

للرجلين الصغيرين

اندرو وماريو

اللي اتربوا على احترام الاخرين

عشان يحفظوا لنفسهم احترامهم

الولدين ما غلطوش في اي حد

حتى المدرسة

قالوا عن ناظر المدرسة والمدرسين

ان كلهم معاهم وكلهم متعاطفين معاهم

بس معلش

مع احترامي لادب اندرو وماريو

القضية لسة في المحاكم

ولسة لم يفصل فيها

كان المفروض ان يبقى الوضع على ماهو عليه

لحد ما يفصل في الامر قضائيا

لكن ان المدرسة تاخد اجراء زي ده

في قضية لم يبت فيها بعد

دي حاجة تثير الشكوك

=====

مش بس موقف المدرسة هو اللي بيثير الشكوك

كل البوليكة دي تثير الشكوك

بقى هالله هالله ع الجد والجد هالله هالله عليه

ما بقالنا الف وربعميت سنة

والناس بتدخل الاسلام

ومن ساعة ما ربنا خلق الاسلام

وفيه ناس بتدخله

ستات ورجالة

وبتضحي في سبيل ايمانها

باسرتها

والراجل بيسلم ويسيب مراته وعياله

ويحاول يشوف عياله

وعياله ما يرضوش يشوفوه

والقصص اللي احنا عارفينها دي

عمرنا ما سمعنا عن واحد اسلم

وكتب عياله المسيحيين وللا اليهود

على دينه وهم مش مقتنعين

لمجرد انه اسلم

عمرنا ما سمعنا عن واحد يقول انا مش مسلم

ويتكتب مسلم غصبانية واقتدار

كل الافلام دي جديدة نوفي

وباقول انها افلام

وقع ضحيتها ناس ابرياء كتير

ومنهم هذه السيدة الفاضلة

والاولادها الرائعين

وحتى الخرنج ابوهم

طبعا اللي انا ح اقوله ده

ناس كتير ح تتهمني بالجنان بسببه

بس تفوا في وشي

غرقوا وشي تفافة ان ما كانتش هي دي الحقيقة

:اسمعوا

بقى الدولة بالذات في عهد مبارك

بتعتمد اسلوب معين في تغيير الواقع

بدل ما يعمل زي ناصر والسادات

يصحى الصبح يفرض على الناس

تغيير ويعمل استفساء تكون نتيجته

تسعة وتسعين وتسعة وتسعين من مية في المية

ويقول على الواحد من مية في المية دول: انا

عارفهم واحد واحد بالاسم

بقى يستخدم اسلوب جديد

يعني مثلا الفلاحين مصممين يزرعوا

قطن والدولة مش عايزاهم يزرعوا قطن

بدل ما تطلع فرمان

تيجي سنة تملا لهم القطن بالدودة

السنة اللي بعدها تطلع لهم القطن اصفر

السنة اللي بعدها القطن ما يطلعش خالص

وابقى قابلني ع الناصية لو فلاح زرع قطن تاني

السنة الجاية

الدولة عايزة تغير المادة التانية

الا وهي ان الاسلام مصدر اساسي للتشريع

لو غيرتها النهاردة

الناس ح تقول الكفرة الفجرة

وحتى المسيحيين مش ح يقدروا يقروا قرار زي ده

قوم تعمل ايه: مش دي الشريعة اللي انتوا عايزينها؟

طيب باسم الشريعة تسلخ وش المواطنين

بالذات المسيحيين

وتطلع تلاتين اللي جابوهم

وتكفر المسلم

وتأسلم المسيحي

وتبغبغ اللخبطان

ولله الحمد والمنة

عندنا بين صفوف المسلمين من يتمتعون

بعبقرية الغباء والجهل والتعصب

مجتمعين

واول ما يلاقوا الدولة بتكفر حد

هيييييييييييييييه

بتجبر حد على الاسلام

هييييييييييييييييييه

بتسجن حد بتهمة ازدراء اديان

هيييييييييييييييه

شوية شوية وبعدين الشريعة

اللي حولتها الحكومة الى ساطور

ح تندار على اللي بيقولوا هييييه

سنتين تلاتة بالكتير

والناس هي اللي ح تقول: نحب على ايديكم

ارحمونا من المادة التانية وشيلوها

في الحالة دي

وبعد تشويه الاسلام وتأليف اسلام جديد

عمرنا ما سمعنا عنه

تبقى الدولة شالت المادة التانية بناء على طلب الجماهير

والحقيقة بقى

انا عايزة المادة التانية تتشال

لان مافيش حاجة اسمها : مصدر اساسي للتشريع

او حتى المصدر الاساسي للتشريع

ما هي يا اما دولة مسلمة

بتقيم العدل والاحسان وايتاء ذي القربي

وترحم ابونا من الفحشاء والمنكر والبغي

يا اما مش دولة مسلمة خالص

انما هذا الموقف المخنث من التشريع الاسلامي

لا هو اسلام ولا هو بتنجان

بس كل واحد يحب يطلع قانون قمعي

يمسح برابيره في فوطة الاسلام

====

فيه كتاب ضاع مني اسمه القضاء في الاسلام

عارض قضايا كتير وعارض ازاي ان القاضي

مسموح له يجتهد بما يتفق مع روح الشريعة

اذا لم يجد نصا واضحا

من ضمن القضايا على ما اذكر

طفل كان متنازع على حضانته

ما بين واحد مسلم كان ح يخليه عنده عبد

وواحد مسيحي كان ح يحرره ويتبناه

قام القاضي المسلم حكم للمسيحي

بالحضانة وقال في حيثياته

ما معناه: ان الحرية تضمن للانسان

ان يكون عبدا لله وحده وانه مسئول عن اختياره

لديانته ايا كانت وانه بالقطع ان كبر هذا الطفل

في كنف اسرة مسيحية وهو حر واختار الاسلام

بعد ذلك سيكون مسلما صالحا

اما ان نشأ كعبد غير حر في اختيار دينه

فلا احد يستطيع ان يجزم باخلاصه لديانته التي نشأ عليه

ده معنى الكلام

لكن الجملة اللي فاكراها كويس: الحرية هي اصل الانسان

وعلة خلقه

الكلام ده من الف سنة

احنا بنتقدم واللا بنتأخر؟

=====

اندور وماريو مسيحيين

بايمانهم مسيحيين

بواقعهم مسيحيين

بنص الشريعة الاسلامية

مسيحيين

بالعقل والانسانية

مسيحيين

واندرو وماريو

احسن مسيحيين في الدنيا

واكتر ناس في الدنيا

شفتهم بيحترموا ديني

وبيقدروه

على راسي واحتراماتي

لاندرو وماريو ووالدتهم

اللي بيحترموا الاخرين وعقائدهم

ومش طالبين اكتر من ان المجتمع

والقانون يبادلهم نفس الاحترام

كتير ده؟

هيييه البلوك اتشال

البلوك اتشال

الحمد لله

انا باتفرج على اندرو وماريو

حسبنا الله ونعم الوكيل

عيال بيقولوا انهم مسيحيين

وانهم عايزين المسيحية

يقوموا غصبانية واقتدار

يتكتبوا مسلمين وكمان

يتدعك مناخيرهم في الرصيف

ويمتحنوا ديانة مش بتاعتهم

يذاكروها

ويمتحنوها

وهم رافضينها

والدكتورة سعاد صالح تقول ايوة

يقضوها سنتين كده

يعدوها لحد ما بعد السنتين

يقروا بانهم مش مسلمين

يقوموا بقى يبقوا ايه

مرتدين

صحيح ما تكسر

كسير ما تاكل

وكوووووووووووول لما تشبع

على رأي الشوام

العالقين اللي بدهم يروحوا

دي بوابة صلاح الدين

فاكرينه؟ صلاح الدين الاليوبي

من القليوبية يعني

بس كان ساكن في بيت الطلبة

بتاع جامعة القاهرة

كل سنة وانتوا طيبين

معلش الاستاذ جمال عيد ح يضحك عليا تاني
عشان انا مضطرة ارجع اعمل امنا الغولة
والنبي الناس اللي مش بتتفرج على الفيديو
يعني مشاعرهم رقيقة واحنا اللي ولاد كلب؟
على كده يبقى اللي عايشين الحياة على المعابر
ولاد ستين كلب بقى
امال احنا رحنا ليه؟
وصورنا الناس واحنا في نص هدومنا ليه؟
وهم قبلوا يتصوروا بالشكل المهين ده ليه؟
مش عشان الكل يشوف الفيديوهات دي
وتتنشر في كل حتة
ونعمل بيها ضغط اعلامي والناس تعرف تروح؟

ارجوكوا يا شباب

حقوق نشر هذه الفيديوهات

محفوظة لكل البشرية

ولو ينفع القطط تنشرها كمان

يبقى يا ريت

البنت الامورة دي

ح تموت لو ما روحتش

لانها عيانة

شوفوها

واسمعوا كلام امها

وجارتها

والمدرس الغلبان

اللي بيدعي للكل بالهداية

ودول اللي جالهم تسمم
وده ابو عبد الله
اللي ما بطلش يتشكر لنا

مش عارفة على ايه

هنا

وهنا
وهنا

ودي غزة

القريبة البعيدة

ما ينفعش كده يا ناس

ما ينفعش

وباكرر تاني لازم نعمل اعتصام

حاشد

وللا بقى لما نلاقي نفسنا مكانهم

ما نزعلش لما الناس تطنشنا

ربنا ما بيسيبش حق حد

تابع العالقين على المعبر اللي بدهم يروحوا

الحقيقة انا ماليش دعوة بقوافل الاغاثة

اللي بتمثل نقابات او احزاب

او خلافه

احنا صحيح نزلنا على حزب التجمع

اللي في شمال سيناء عشان عنده معلومات

عن الناس لكن مش هو اللي منظم

القافلة دي

او على الاقل اللي نظموا القافلة قالوا لي كده

القافلة دي كانت قافلة شعبية

ده اللي قصدته من قافلة تمثل الشعب المصري

مش قافلة نقابية ولا حزبية

كان عشمي ان المنضمين لقافلة زي دي

مش محسوبة على نقابة ولا حزب

ان يبقى فيها

اولا رجالة

يا رجالة

ثانيا ناس عادية

وللا هو خلاص

اسم الله الشعب المصري

بقى مسيس كله وكلهم في احزاب

وحركات سياسية

لا والاكادة ان المفروض الاعلاميين

يروحوا يعبروهم ويضغطوا على الحكومات

ما جاش من الصحفيين المصريين غير ناهد امام

وزينات

ونور الهدى

وندى القصاص

ووائل عباس

واربعة من الاذاعة الكندية

طيب بقى يا ريت تشوفوا الفيديو

تشوفوا الناس عايشة ازاي

دول فيديوهات بتاعة الناس

اللي نايمة على الحصيرة في

الشارع

هنا

هنا

وهنا

ودول ستات بيت المختار

فيهم ستات زهقانة

وستات قرفانة

ستات بتشتم في حماس

وستات بتقول كلهم ولادنا

ستات عيانة ونايمة على ضهرها

وستات ما بتنطقش من الكسفة

ست والدة وقالت لنا

فيه امل وللا انتوا بس جايين

تعشمونا

بس كل الستات رافضين المرور

من معبر كرم ابو سالم

خايفين على رجالتهم وولادهم واخواتهم

رجاء تشوفو الفيديوهات

وهنا كمان

ودول المريضات

ورغم اني لاحظت ان ما حدش

فتح الفيديوهات ولا بص فيها

بس انا سايقة عليكوا كل نبي

تتفرجوا على الراجل ده

وهنا

وعيشة الناس تحت السجر يا وهيبة

وبالنوسبة للاكل اللي الاغاثة بتوديه

رغم انه مش حل ولا حاجة

بس كمان قليل

اهو

وفي الحر بيبوظ والناس جالها

تسمم لانه بيتنقل من القاهرة

لرفح والعريش بالاتوبيس

خمس ست ساعات

يبوظوا اتخن جتة في نار الله الموقدة دي

ده غير ان الاربعة بيشتركوا في وجبة واحدة

لان الكمية قليلة

يعني زي الكمية القليلة اللي اخدناها معانا

من المواد التموينية

واحد من اللي قاعدين تحت الحصيرة

قال لو عباس عنده كلاب مربيهم

كان سأل عليهم اكتر من كده

وواحد تاني راح داخل وقال يحيا دحلان

وواحد تالت قال عليه جاسوس ومش عالق

وواحد رابع قال: انبسطوا الست صورت فضايحكوا

يعني يا عم هي جات عليا انا؟

ما العالم بيصور فضايحنا كلنا

عندي سؤال لو تسمحوا

هو فيه اي تعديل حصل في اتفاقية الدفاع المشترك؟

يعني اتغير اسمها وبقت اتفاقية الذل المشترك مثلا؟

طيب مش تقولوا لنا يا اخونا

يصح كده نعرف من برة؟

ودي مناشدات من داخل

بيت المختار

ودي كمان

لدرجة ان واحد استنجد بأولمرت

ودي عيشة الناس

تحت السجر

ودي الاودة الاوريجينال اللي بيناموا فيها

ودول اللي استضافوهم

ولسة فيه فيديوهات تاني

ولو سمحتوا شوفوها

اديني باطلب بأدب اهو

عشان جمال عيد بيقول اني

باشخط فيكوا

الناس على المعبر: بدنا نروِّح

عدد الناس في القافلة اللي راحت تمثل الشعب المصري
اربعتاشر نفر معاهم كام كيس وكام صندوق
فيهم مواد غذائية وتمانية وعشرين الف جنيه
يعني العدد والمؤن والفلوس غاية في التواضع
والملحوظ ان معظم اللي راحوا ستات
مافيش غير تلاتة او اربعة رجالة تقريبا والباقي ستات
مش بس ده اللي كسفني قصاد العالقين على المعبر
حاجات كتير كسفتني
من اول اضطرار بعض اهل العريش انه يستغلوا
العالقين ويأجروا الشاليهات بسبعين جنيه في الليلة
ولو اني عذرت اهل العريش لانها مدينة فقيرة

ومهملة بالرغم من جمالها
والظاهر مش بيجيلهم سواح ومافيش قدامهم غير
الفلسطينيين العالقين عشان ياخدوا منهم فلوس
مرورا بالاكل اللي وصلهم من الاغاثة
واللي كميته قليلة قوي على عددهم
وكمان جاب لناس كتير منهم تسمم
وانتهاءا بموقف مصر الغريب في عدم فتح المعبر
اول ما رحنا اتجمعنا في مقر حزب التجمع بسيناء
قدامه بيت شهيد مات على الحدود

والحزب شكله من جوة كده

هههههههههه
كان فيه من الفلسطينيين ابو عمر وابو عبد الله
اللي كانوا بيتكلموا نيابة عن العالقين
وقالوا لنا ان معاهم قوائم باسماء المرضى
وقال انا حبيت استثمر الفلوس بشكل عملي
واقترح ان الفلوس تروح للمرضى
والمواد الغذائية البسيطة دي تروح للي في رفح
سألتهم هم المرضى فين؟
بهبلي فاكرة ان المرضى محجوزين في حتت لوحدهم
عشان ياخدوا رعاية اكتر
قالوا لي المرضى
"وين ما كان"
لما لفيت فعلا شفتهم وين ما كان
على الحصر في الشارع
تحت الشجر
في الخيام
"وين ما كان"
الهدف من القافلة مش اننا نديهم فلوس ولا اكل
اولا لانهم
مش شحاتين
ولا سكان عشوائيات عايزين نعمل لهم
مشروع تنمية
ولا لاجئين عايزين نوفر لهم مخيمات
ولا قطط وكلاب جايين نعطف عليهم
دول مواطنين لبلد تانية
انطسوا في عقولهم وسافروا للعلاج
او العمل داخل مصر

واتحطوا في ظروف مش بتاعتهم
واتحجزوا عن اهلهم

وفرجنا عليهم العالم

وفضحناهم

وذلناهم
وجوعناهم

ومرضناهم
ومات منهم اكتر من تلاتين واحد
عملناهم شوارعية وشحاتين

وهم لا شوارعية ولا شحاتين

وفوق ده كله فيه اللي بيعايرهم
بفتح وحماس
هئ
والله وبقينا قوة عظمى وبنحجز الناس
وبقينا نعرف نذل
لا وبقينا نعرف نعاير

لفينا على الهلال الاحمر المصري
لانهم كانوا بيوزعوا عليهم مواد اغاثة
وما اعرفش ليه الظباط من فوق قالوا لنا امشوا
ما تصوروش
مع انهم ما كانوش بيعملوا حاجة وحشة
دول كانوا بيغيثوا الناس
وبعدين رحنا الخيام اللي صرفتها لهم مصر
في العريش وبرضه بتوع الامن
جولنا وقالوا لنا نعم انتوا مين
وراح متصل بالباشا وقال له: دول كلهم
صحف معارضة يا باشا
ورحنا رفح عند بيت المختار
وعند
"السجرة"
تكعيبة كده
بايت تحتها الفلسطينيين
مافيش على لسانهم كلهم غير: بدنا روِّح
بدناش اكل بدناش فلوس
عملتونا شحادين
نحنا مش شحادين نحنا بدنا نروِّح
فيه اللي قال اروح من كرم ابو سالم
من كرم ابو عفريت
بس اروح
بس الحقيقة وللامانة
الاغلبية ما كانتش عايزة تروح من كرم ابو سالم
مش الاطة والله
بس كرم ابو سالم ده بتاع اسرائيل
وفيه مطلوبين لدى اسرائيل
ده غير ان اسرائيل بتصادر الشباب كده
محبة
يعني لو عدى واحد من كرم ابو سالم
عشرة ح يتم اعتقالهم ويروحوا في النسيان
ويخلصوا من مشكلة المعبر يدخلوا في مشكلة الاسرى
انا مافياش دماغ دلوقت اقول انه واضح انها صفقة
ما بين عباس واسرائيل عشان يسلم لهم المطلوبين
على اي حال
الخلاف الفصائلي كان واضح بين العالقين
فيه اللي شتم في عباس
فيه اللي شتم في حماس
فيه اللي شتم في الاتنين
فيه اللي قال الاتنين ولادنا
ونحنا مش متبريين من حدا
نحنا بس بدنا نروح
فيه ناس بتقول اكتر من تلاتين واحد ماتوا
وفيه ناس بتقول لا اربعين
فيه ستات ولدت
كده في الشارع
والناس كرامتها واجعاها


على الفضيحة
والذل
والاهانة


والمرض
فيه واحد قال ان دي فضيحة جديدة: لاجئين
2007
بعد لاجئين 1948
واحنا مش لاجئين
واحد زعلان من وزير فلسطيني
قال عنهم يتعاملوا كأسرى حرب
وبيسأل: هو فيه حرب قامت بين مصر واسرائيل
او بين فلسطين واسرائيل
او حتى بين مصر وفلسطين عشان نتعامل كأسرى حرب؟
مختار الفلسطينيين في رفح بيحمل الاعلام
مسئولية التواطؤ على العالقين على المعبر
وبيشكر الجزيرة
فيه عقيد فلسطيني لحقه
وقال والله والقناة الاولى المصرية
ما هم مش عايزين مشاكل مع مصر
وان كان لك عند مصر حاجة
قول لها يخلف عليكي يا مصر
وكلهم زعلانين من الاعلام
الناس زعلانة قوي
ممرورة قوي
وحاسة بالاهانة والوجع
من كل الناس
وعمالين يناشدوا حسني مبارك
لدرجة ان فيه واحدة طلبت ان حسني مبارك يبقى
رئيسهم: بدناش حماس ولا فتح
بس يكون رئيسنا سنة واحدة ينظم لنا الامور
كتر خير مصر على الاقامة الهنية
والاكل المسمم
والادويا الناقصة
هم مش عايزين حاجة
هم بدهم يروحوا
مالهمش طلب من مصر غير انها
تفتح لهم المعبر
المعبر اللي وقفنا عنده
شفنا غزة قدام عنينا
غزة وقلبي عرب
خالص وبنت حلال
غزة
الامارة الاسلامية
اللي مخوفة ناس في مصر
ما خافوش ستين سنة
من وجود دولة عنصرية صهيونية
عدوة على حدودهم
وخافوا من الاهل والعشيرة
طيب الناس دول واقفين شايفين بيوتهم
قدام عنيهم
ومش عارفين يروحوا
وعلى كل الذل ده
عمالين يتشكروا لمصر
والمصريين اللي بياخدوا منهم
فلوس الاقامة وبيعايروهم
والحكومة المصرية اللي مبيتاهم
في الشارع
وشايلين الجميلة
وكمان شايلين لنا الجميلة
اننا مش لاقيين طريقة نحنن بيها الناس عليهم
غير اننا نفضحهم كده
ولو في ايدنا نفتح المعبر ح نفتحه
وللا تكونوا فاكرين انه سهل علينا
اننا نفرج العالم على الناس بالطريقة دي؟
وللا سهل عليهم انهم يتصوروا كده
وللا فاكرين ان لحم وشنا ما وقعش من الكسفة
واحنا بندي كل واحد فيهم ميت جنيه
وكيس رز وللا علبة عسل؟
بس نعمل ايه؟
الناس دي لو كسرت الحاجز وعدت
ح يبقوا ارهابيين ولاد كلب
لو عدت من معبر كرم ابو سالم
نصهم ح يتقبض عليه
وفوق البيعة ح يتقال عليهم خونة
والنص التاني ح يتقصف لان حماس
هددت بنسف المعبر
ولو فضلوا كده ح يموتوا من الذل
والقهرة والمرض والجوع
او الاكل المسمم
مافيش قدامنا غير اننا نقول
للعالم شوفوا
افتحوا المعبر للناس
على الاقل مصر تفتح من جانبها
وهم متعهدين انهم يصطفلوا مع فتح وحماس
واحدة من اللي في الخيام
قالت انهم ح يبتدوا اضراب عن الطعام
ومش عايزين مننا اكل تاني
طبعا ممكن جدا العالم يسيبهم يموتوا
ياللا يموتوا ويرتاحوا بقى
مصر ما بتستقبلش غير اللي معاهم فلوس
حتى وائل عباس قال لي دي اول مرة
اشوف فلسطينيين فقرا زينا
انا افتكرتهم مصريين
وابو الغيظ قال ما فيش عراقي يجي
الا ومعاه فلوس
!!!!
يبقى الناس دي يا تموت
يا تموت
==
دي اول مرة في حياتي ادعو لاعتصام
بس يبقى اعتصام كبير لحد ما يفتحوا
المعبر للناس دي لان دول مافيش حل
لمشكلتهم غير انهم يروحوا
لو ح يبقى عرة زي عدد القافلة بتاعتنا
يبقى بلاها
الناس بتحسبن على الظالم
والله اعلم يقصدوا مين
مصر تقدر تروحهم
مصر تقدر تفتح المعبر
تقدر حتى تفتح من جانبها بس
مصر بتعمل كده ليه؟
====
لسة فيه فيديوهات كتير
وصور كتير
بس واحدة واحدة يا ملواني
انا اريح ساعة حتى
واحط بقية الاحداث
والصور والفيديوهات
اوعى تغير المحطة
خليك ع النكد معانا
مش ح تقدر تفتح عينيك