Sunday 31 October 2010

انا في النقابة ايه اللي مشاكوا

حرام عليكوا ده انا صاحية حرارتي عالية وعندي مغص وقمت جيت ولما وصلت قالوا لي فيه ناس جات سألت عليكي وبعدين مشيوا :‏)‏ مشيتوا ليه؛ طب خلاص معلش متشكرة انكم جيتوا اصلا اهم حاجة تكونوا شديتوا من أزرهم وقلتوا لهم انكم متوقعين منهم الثبات وانا قاعدة لحد 6 ان شاء الله فيه اجتماع الساعة اربعة لاتخاذ قرار اللي يقدر ييجي يشجعهم على الاستمرار اتوسل اليه ييجي اللي عرفته ان عدد اللي راحوا عشرين عدد اللي حسموا امرهم بالاستمرار تلاتين عدد المتذبذبين تلاتين تعالوا عشان التلاتين الاخرانيين عشان مصلحتهم وعشان اكل عيشهم ده كمين وحتتخرب بيوتهم صفوت اتصل بمكرم لما عرف واتأكد ان الموقع بيجيب فلوس وحيصرف على نفسه والمحررين ولما يرجعوا يشتغلوا حينشط ويقدروا يصرفوا منه على مطبوعة ورقية عشان كده كلم مكرم وادوارد وقالهم خلصوا اي حاجة عدا ابراهيم وبعد ما مكرم قال كده في اجتماع مجلس النقابة طالع يطلع بيان عشان ينفي جمال فهمي جه اهو محتاجين مساندتكوا ارجوكوا انتوا جايين عشانهم المفروض وانا قاعدة اهو

13 comments:

عطاالله said...

لك أخخخخخخخخ معقول اللي بيحصل .. يا ريتني أقدر أجي ياريت ... طب الناس اللي روحت ما أخدتش عبرة من اللي حصل .. اذا كان ابراهيم عيسى ما عملولوا حساب بقا انتوا يا مساكين حيعملوا فيكم ايه

Anonymous said...

بالتوفيق

Unknown said...

الموضوع خلص والمولد انفض.. وكل اللى بتعمليه ده كلام مصاطب

Unknown said...

ابو عمر.. الموضوع لسه بيبتدي والايام بينما.. اللي فهمك ان امن الدولة وصفوت اعلى من ربنا يبقى اداك على قفاك اللي يمشي ورا الامن ما يخلاش واحنا حنوريكم ان شاء الله مش كل اللي بيعوزه الامن لازم يحصل

احنا المأجورين said...

نوارة كاننفسى اكون موجود بس ربنا رزقنى بمدير في الشغل زى رضا ادوارد بالضبط
لا بيفهم ولا عايز يفهم ولا مقتنع انه حمار مابيفهمش ماعرفتش اهرب منه واجيلك
وبالنسبة لموضوع الامن وانه عايز يعمل حاجة عايز اقول لك احيانا الحماس بياخدنا الى طريق غير واقعي بس للاسف دى مصر اللى صفوت ومكرم اللى عامل نفسه بطل ومتضامن مع بتوع الدستور هيعملوا اللىعايزينه وانتى ورجالة الدستور للاسف هتكونوا ضحايا نظام مجرم
وفي النهاية التجربة انتهت رضينا ام ابينا والبقاء لله في الدستور
وكل دستور وانتوا معتصمين في النقابة

hala said...

والله بهنيك على الثقه والثبات اللي انت فيه
بصراحه عمري ما شفت اي حد عنده ثقه بما يؤمن به ويبقى ثابت
بس انت طلعت حاجه تانيه
والله من الصبح وانا بدعيلكم تطلعوا بنتيجه تبرد ناركم
ارجوووووكم...ارجوووووكم اطلعوا بنتيجه

ابراهيم عيسي=طه حسين الجديد said...

نواره انا بقالي سنه عاوز ادخل اعمل كومنت عشان اقلك اصمدي اصمدي
مش عاوز اقلك طبعا ان انا اللي كان مانعني غبائي مكنتش فاهم
انا عاوز اقلك انت جميله وعيسي جميل منصور جميل وكل الكبار اللي علمو الصغار معني انك تكون محترم

ابراهيم عيسي=طه حسين الجديد said...

عايز اامنك امانه يا نواره انك تقولي لابراهيم عيسي ان في مواطن مصري عايش في السعوديه بيحب بس يشوفه وان انا من ساعه الدستور منزل في الفين وخمسه وانا مبفوتلوش مقال وان شاء الله اول منزل مصر في واحد هشوف هجيلكم يعني هجيلكم بس بلغيه احنا بنعتبره ايه وقوليله ان احنا مستنين الاكتتاب علي الجرنال الجديد زي ما الموقع قال وبعت الاميل زي السفير ما طلب............امنتك الامانه

Anonymous said...

Rabena Ma3akom, (Sorry i dont have arabic keyboard)

ملكوكة said...

انا اللى رحت يا نوارة ومشيت لانى كان ورايا حاجات ومالقتش حد شفت عبير وبعدين اختفت لغاية ما مشيت وشفت فوزى والسرجانى بس كانوا ملخومين وي ايه كلمت البنات الصغيرين بس معرفتش اعمل ايه وانتى ما كنتيش موجودة حتى علشان تعرفينا عليهم ونتكلك معاهم بس والله انا قلبى معاهم وعندى استعداد اروح لهم تانى وتالت ورابع بس قولى امتى وميعاد مضبوط انا كنت هناك من 12 زى ما قلتى والف سلامة عليكى وانا قلت للبنات ان ختى لو رجعوهم حيمشوهم بعد كده واحد واحد لا وسمعت ان اللى وافقوا على الرجوع راحوا امبارح وجايبين ورد!!!!!!!!!!!!!!!!!! ومعاكى قلباً وقالبا ان الله قادر على كل شئ وللى بيقرالنا دلوقتى (ولا تحسبن الله بغافل عما يفعل الظالمون)

Unknown said...

ياهانم أنا لاتبع الأمن ولا قلت ان حد أعلى من ربنا وبلاش اللسان الزفر ونظرية التخوين بتاعتك دى

روحى لمى زمايلك اللى راحو لبسوا البدوى أطواق الورد

gedawy2014 said...

استاذه نواره
كل مره اقرا مقاله ليكى او اشوف ليكى لقاء بحس ان انا ولا حاجه واصدق كلمه بنت ب100 راجل
مش بعاكس على فكره .وكل ما بشوف ناس زيك انتى وابراهيم عيسى وحمدين صباحى بحس ان مصر لسه بخير .كم انا فخور بانى اكتب ليكى تعليق

gedawy2014 said...

woman=1000 man
{nawara negm}