Wednesday, 6 October 2010

انا مش مسئولة عن مقال يتنشر في دستور مش عليه اسم ابراهيم عيسى

المهم اني اول ما عرفت الخبر من شادي قلت له فورا يا شادي شيل كل مقالاتي، لاني كنت باعتة لهم مقالات مقدما لحد يوم الخميس، وشادي طبعا قال لي ما تخافيش اتشالت
جيت الصبح لقيتهم منزلين مقالي مع العدد اللي طبعوه في العدد الورقي
ايوة كل العدد نزل لان اصلا ده شغل ابراهيم ومش عارفة ازاي شغل ابراهيم ينزل في عدد الاربع ويقرصنوا على شغله بالطريقة دي، بس انا ما كنتش عايزة مقالي ينزل في العدد وقلت لشادي بسرعة الحق شيل مقالاتي عشان انا كنت عارفة انهم حيقرصنوا على الاعداد
المهم صحيت الصبح قلبت الدنيا واتصلت بشادي قال لي والله شيلنا المقال، هم اخدوا البروفات وجمعوها تاني
طيب، انا من مزنقي هذا اعلن اني غير مسئولة عن اي مقال ينشر لي في عدد دستور مش عليه اسم ابراهيم عيسى رئيس تحرير
رئيس تحرير
مش كاتب واهلا بيك في اي وقت في جرنال هو اللي عامله وحنبعت لك عربية بسواق هههههههه الا دي كمان نكتة هو بيشتغل لوا في سلاح البحرية؟
-------------
اه.. نسيت انوه عن حاجة، الا الناس كلها اول ما حصل الموضوع ده بقوا يسألوا اسئلة كده غريبة من مثال: وانت بقى حتعملي ايه؟
في اشارة الى اني احتمال ممكن اكمل في الدستور بعد اللي حصل ده
هو صحيح السؤال غاظني، بس الناس معذورة، اصل الوساخة كترت ورطرطت وبقت هي القاعدة والاستثناء بقى ان الواحد يتصرف بشكل طبيعي
اول واحدة سألتني السؤال ده طقيت في وشها بصراحة وقلت لها: بصي انا وانا طفلة كان نفسي اطلع رقاصة ومثلي الاعلى كانت نعيمة عاكف، لو كنت لقيت اسرة تشجعني وتنمي موهبتي كان زماني باقدم النمرة بتاعتي كل ليلة وما يهمنيش مين اللي اتغير في ادارة الكباريه، بس للاسف ما طلعتش رقاصة ولا الدستور كباريه
وانا لو واطية لدرجة ان مسخرة زي دي تحصل قدامي واتجاهلها طب انا على الاقل مش غبية عشان اتعامل مع ناس بيهينوا البشر وينكلوا بيهم بالطريقة دي
انا مين عشان افتكر نفسي احسن من ابراهيم عيسى، دي ناس عملت كده في رئيس تحرير، ومش اي رئيس تحرير، ده - شئت ام ابيت عجبك ولا ما عجبكش رضيت ام حقدت - ده نجم بالنسبة للناس، والناس تعودت انها تتعاطف معاه، عشان حصل له المواقف دي قبل كده واحساس الناس ان يووو بقى انتوا ما وراكوش غير الراجل ده تقرفوه كده؟ ومع ذلك لم يرعو كل من الدكتور وتابعه قفة انهم يعملوا معاه اللي عملوه ده، بالاسلوب المنحط ده، والراجل يسلط عليه رضا ادوارد يبلغه بازالة اسمه من على الترويسة ويسافر هو اسكندرية ويطلع يشهر بيه وعايز يفهمنا ان ابراهيم عيسى ساب الدستور اللي هو اصلا مخلفها في الدنيا عشان تلاتلاف جنيه
يعني تنكيل واهانة وكمان تشهير.. ده غير الفصل التعسفي المفاجئ اللي لحد دلوقت مش عارفين اسبابه غير ان العيال اعترضوا على خصم الضرايب من مرتباتهم بعد ما هو رفع لهم مرتباتهم وكان ناقص يقول لهم انتم عبيد احساناتنا
بقى العيال اللي كانوا بيشتغلوا بملاليم اللي كانوا بيشتغلوا فيها في الدستور وما فتحوش بقهم حيعملوا اعتصام عشان خصم الضرايب؟ اللهم الا اذا كانوا حاسين انه سارقهم، الواحد يقبض ملاليم ويرضى لما يكون دي الامكانية، بس لما يحس انه اتسرق طبيعي يتضايق
طيب البني ادم اللي بيعامل الناس كده، ده ينفع حد يتعامل معاه؟ افرض انا واطية وقلت وانا مالي، انا حاكتب، اي غرور بقى يصور لي اني حاتعامل احسن من ابراهيم عيسى؟ يعني واطية وغبية؟ طب عايشة ليه؟
وانا مش بازايد على اي حد عايز يكمل.. بس ده احساسي الفطري اللي تصورت في لحظة من اللحظات انه رد فعل طبيعي
بس الظاهر طلع مش رد فعل طبيعي ولا حاجة

36 comments:

atalah said...

لو كنت قبلتي تكملي في الدستور من غير الاستاذ ابراهيم كانت حتبقى صورتك هناك بنابين :)

جبهة التهييس الشعبية said...

هو للدرجة دي الموضوع ده كان مطروح اساسا يا جدعان؟

الدنيا دي غريبة والله

سواح في ملك الله- said...

سلام عليكم اصل اساسا لازم تفهموا ان الحكايه بدات بعماد اديب وبعدين ابراهيم عيسي ومحدش عارف بقي مين القادم سياسه قولوا اللي عايزين تقولوه واحنا نعمل اللي احنا عايزينه دي خلاص بقت بح كان فيه وخلص دلوقتي بقي زمن ال99و9 في الانتخابات دلوقتي بقي متقولوش حاجه تخرسوا خالص وبرضه احنا نعمل اللي عايزينه الايام الجايه مش محتاج ناس زيكم اصل النظام وحشه قصه ال99و 9 من عشره دي

أحمد كامل توفيق said...

انا مشوفتش العدد بتاع النهارده
بس هل ياترى نزلوا مقالات ايمن نور

أبو أمك said...

ودي أخرة غلطة الأسرة اللي تقتل موهبة فنية في بنتها

متغربه said...

و الله يا نوارة انا ما شكيت لخظة واحدة في انك هتسيبي الفقيدة الدستور لئنك بنت اصول ااصل واحدة في مصر غلى رأي جلال عامر كريمة العنصرين انا اول مرة اعلق على حاجة انت كتباها بس متبعاكي من زماااااااااااان

atalah said...

لأ طبعا الموضوع مش مطروح بتاتا والتفكير فيه ضرب من اللغو الرصين .. انا كنت بضحك معاكي في الايام السودا دي

downloader said...

Best decision .


This is EGYPT ...

جبهة التهييس الشعبية said...

ههههههههههههههههه

انا شاكة ان ابو امك ده هو جلال عامر هههههههههههههههههه

hala said...

ليش العالم دايخه عشان سي ابراهيم ده
انا بعرف انه صحفي درجه اولى
يعني مافيش صحفي درجهاولى غيره
بصراحه تخنتوها وعرضتوها
اه هو بيقول عن الوضع المأساوي الراهن بس برضه في غيره كتييييير بيحكوا عن الوضع الكارثي الراهن

Nicholas Urfe said...

اعتقد أن ابراهيم هيرجع الدستور تاني وان المسألة هتتحل.

hala said...

بصراح,,وبصراحه انا ما توقعت تكوني مسلوبة الاراده ومسيطر عليكي ابراهيم ده
ليش يكون صوتك لغيرك ....ليش ما يكون صوتك لنفسك

مواطن مصري said...

إطلاق سراح 3 قيادات إخوانية.. وأنباء عن خروج الشاطر ومالك قريبا


أطلقت الأجهزة الأمنية سراح ثلاثة من قيادات جماعة الإخوان المسلمين المحبوسين فى قضية المحاكمات العسكرية الأخيرة هم أحمد شوشة وصادق الشرقاوى وأحمد أشرف بعد قضائهم لثلاثة أرباع مدة العقوبة المفروضة عليهم وهى 5 سنوات.

يأتى ذلك فى الوقت الذى أكد فيه قيادى إخوانى، رفض ذكر اسمه، أنه من المنتظر إطلاق سراح كل من خيرت الشاطر نائب المرشد ورجل الأعمال حسن مالك المحبوسين فى نفس القضية، خلال أيام بعد قضائهما نصف المدة، غير أن مصدرا أمنيا استبعد حدوث ذلك.

وقال ضياء رشوان، الباحث فى شئون الحركات الإسلامية بمركز الأهرام للدراسات الإستراتيجية، إنها المرة الأولى التى يفرج فيها النظام عن قيادات إخوانية قبل إكمال مدة العقوبة وتحديدا فى قضايا المحاكمات العسكرية.

بينما رأى عمار على حسن المتخصص فى الشأن ذاته أن الإفراج «يأتى فى إطار المغازلات المتبادلة بين الجماعة والنظام»، مستبعدا فى الوقت ذاته أن تمتد هذه «المغازلة» لمقاعد البرلمان.

وأشار حسن إلى أنه «لابد من ربط هذه الخطوة بالمناورة التى قام بها الإخوان من خلال العمل مع الجمعية الوطنية للتغيير ،والتلكؤ فى إعلان موقفها من الانتخابات وهو ما شكل ضغطا على النظام لأن من مصلحته مشاركة الجماعة وابتعادها فى نفس الوقت عن الجمعية الوطنية للتغيير».

من جهته، استبعد رشوان وجود صفقة بين الجماعة والنظام ،مؤكدا أن هذه الخطوة «تأتى فى إطار محاولات النظام للإيقاع بين الإخوان والمعارضة لمنع التنسيق بينهم فى الانتخابات القادمة من خلال التلميح أو الإيحاء بصفقة بينهما، إضافة إلى ضربهم وإفقادهم التعاطف الشعبى معهم قبل الانتخابات»، على حد تعبيره. ولفت إلى أن من بين أهداف النظام من وراء هذه الخطوة أيضا هو إعطاء انطباع للغرب بأنه لا يتربص بالجماعة قبل الانتخابات.

من جانب، أكد عضو مكتب الإرشاد والمتحدث الرسمى باسم الجماعة عصام العريان أنه «لا توجد أى صفقات بين الجماعة والنظام فى الإفراج عن هؤلاء القيادات

http://www.shorouknews.com/ContentData.aspx?id=308798


و زي ما أتوقعت يا نوارة توقعاتي أتحققت في انتظار نهايتها ب الأفراج

عن الشاطر و دي البدايات

hala said...

نواره عيزه اسألك بس للامانه جاوبيني بصدق
إنت لما كنت تكتبي بالدستور..كنت تكتبي لقرائك ولا كنت تكتبي لابراهيم عيسى؟؟؟؟؟؟؟؟؟
لانه بصراحه واحده مثلك لديها قرَاء بستنوا مقالها وبيحبوها ...ما بتتنازل عن قرَائهالاجل اي مخلوق في الدنيا

مواطن مصري said...

إطلاق سراح 3 قيادات إخوانية.. وأنباء عن خروج الشاطر ومالك قريبا
http://www.shorouknews.com/ContentData.aspx?id=308798

الي أتوقعتة حصل نصة الصفقة تمت

lastcrazyboy said...

آه طبــعــاً إذا كنت أنــا الذي لا اتفـق مع عيسى شكــلاً ولا مضمونــاً تعاطفــت معاه .."مش احنا شعب
"سينتمالي زي ماتفضلتي قبل كده

وبعديييين المهــم ان الراجل عمل عملته وخلع ..حاجة كده زي لما انبي سكعنــا الجون في استاد المقاولين علشــان يدي الدوري للزمــالك ..وهو لا ناقة له ولا جمل ..وخرج من الدوري خالي الوفاض لكن الناس لحد يومنا هذا بيقولوا "آآه الموسم اللي انبي ضيع الدوري فيه من الأهلي"..وهكذا فعل البدوي

وهذا إن دقّ على شيييم فإنمــا يدق على الهــدف الواضح من العمليــة تنفيــساً لتوجيهــات الحــزء الوطني و"الوفــد" المــرافق لسيـادته
====
آآآه والأهــم من كــل ده ..كنتي
هتنسيني أنــا كنت جاي ليييه
أسـاســا

كــل سنـــة وإنتي أرقى .. وأجمــل ..ومصــريــة أكــتر يا نــوارة الانتصــار

hala said...

يعني هو ابراهيم عيسى كان من بنات افكارك ......يعني لما الدستور اقالته إنقطعت بنات افكارك
ومش رح تكتبي بالدستور إذا ابراهيم عيسى مش فيها
شو هالابراهيم عيسى إللي عاملَك كل هالاحباط

hala said...

في الحقيقه انا ما بقرأ الدستور ....
ولا الاهرام ولا الجمهوريه لاني اسكن في الإمبراطوريه الاردنيه الصغرى

hala said...

بحب اقول ل..مواطن مصري
يا إبني ما يكون لك فكر.... بكره بس تخلص الانتخابات رح يلملموهم ويجرجروهم من قفاهم عالسجن لانه بكون دورهم في اللعبه قد انتهى
ولك مني اطيب التمنيات

hala said...

ليش القيادي بيدلي بتصريح وفي الآخر بفضَل عدم ذكر اسمه
ليش من شو بيستحي
يعني تصريحه خادش للحياء
ولا تصريحه بيفتن عن زملاؤه

hala said...

يعني الغرب مش عارف انه النظام متربص للاخوان
اصلاً الغرب هو اللي موصَي النظام عشان يتربص ويخنٍق ويدعس ويسجن الاخوان المسلمين
يا ولداه بحزنو هالاخوان المسلمين قديش ممرمطين

AhmeD 3llaM said...

ضيعو علينا فرحة اكتوبر

jafranews said...

دي تجارة مش صحافة
تجارة رخيصة لصالح خراب البلد

utopia said...

كل سنة وانتى طيبة يا نوارة مصر

فتاه من الصعيد said...

ماشكتش لحظه انك هتكملي على فكره

انا بس كنت مستنيه هتشيلي مقالك بتاع النهارده ازاي :)

تحياتي

on said...

قالك وهو يروى بعض من قصة ابرهيم اغرورقت عيناه من الحزن وهو قظيم مسكين يا سيد يابدوى والله مسكين

Honeywell said...

انتي صحفية بابراهيم عيسى او من غيره ليه تربطي نفسك بيه او بالدستور يا نوارة
؟؟
اللي بتكتبيه على المدونة لوحده صحيفة
تحياتي

hala said...

آآه,, نواره نسيت ابارك لك وللشعب المصري بالنصر
مبروووووك وكل عام وانتم بالف صحه وعافيه

عبد الله السلفى said...

يا جماعة ايه حكاية عمرو اديب؟

أبو هاجر said...

إلى ست الكل
إبراهيم عيسى الوحيد من كانت تعيد نشر مقالاته الصحف الجزائرية، حتى في عز الأزمة لم تتوفق الصحف عن نشر مقالاته. لأن إبراهيم عيسى يا نوارة، ليس نجما ولا وهو تخينكم .إبراهيم عيسى ياست الكل ضمير مصر الحي، ضمير مصر العميقة .صوت الجيل الجديد وأنت واحدة منه ،الذي يقول وبصوت عال لا للفساد و الاستبداد و الظلم و الطغيان.ما تزعليش ياست الكل ،لأن النجم قال : مصر عروسة وبكره عريس.
صحيح طولها شوي ،لكن حتما قادم لأن مصر دائما أكبر من أنظمتها وهي إحدى خصوصياتها
تبقى ملاحظة على الهامش :نادية يا نوارة كانت واضحة ومغشتش الناس ومكذبتش ولم تتدعي العفة و الطهارة . ومن حقها أن تتمتع بجسدها كما يحلو لها لأنه ملك لها وليس لغيرها .بصراحة أنا أحترمها أكثر من تلك العجوز المتصابية التي كانت تكذب عيني عينك بلا أدنى حياء .كما أن نادية أشرف بكثير من تلك التي نراها احيانا محجبة وأخرى متغنجة بالمناسبة لقد أقسمت وقالت لماتخرج الجزائر من كأس العالم سترقص على وحدة ونص

أبو هاجر said...

إلى ست الكل
إبراهيم عيسى الوحيد من كانت تعيد نشر مقالاته الصحف الجزائرية، حتى في عز الأزمة لم تتوفق الصحف عن نشر مقالاته. لأن إبراهيم عيسى يا نوارة، ليس نجما ولا وهو تخينكم .إبراهيم عيسى ياست الكل ضمير مصر الحي، ضمير مصر العميقة .صوت الجيل الجديد وأنت واحدة منه ،الذي يقول وبصوت عال لا للفساد و الاستبداد و الظلم و الطغيان.ما تزعليش ياست الكل ،لأن النجم قال : مصر عروسة وبكره عريس.
صحيح طولها شوي ،لكن حتما قادم لأن مصر دائما أكبر من أنظمتها وهي إحدى خصوصياتها
تبقى ملاحظة على الهامش :نادية يا نوارة كانت واضحة ومغشتش الناس ومكذبتش ولم تتدعي العفة و الطهارة . ومن حقها أن تتمتع بجسدها كما يحلو لها لأنه ملك لها وليس لغيرها .بصراحة أنا أحترمها أكثر من تلك العجوز المتصابية التي كانت تكذب عيني عينك بلا أدنى حياء .كما أن نادية أشرف بكثير من تلك التي نراها احيانا محجبة وأخرى متغنجة بالمناسبة لقد أقسمت وقالت لماتخرج الجزائر من كأس العالم سترقص على وحدة ونص

Bienveillant أوفياء مصر d'Égypte said...

أنا كنت بطلت أكتب لك عشان مساكة لنا فى موضوع كامليا العبيط ده ليل نهار بقاللك شهرين وسايبة الأهم - لكن دلوقت لما شالوا إبراهيم عيسى كتبت لك كلمتين عبط عشان باحب كلامك حتى إللى إللى ساعات بيبقى عبيط حبتين هو راخر - وهما كالآتى


بدء العد التنازلى لتفجير جريدة الدستور من الداخل - بالخلافات والصراعات وتبادل الاتهامات والاستقالات ومنع النشر - هل هو مجرد خطوة سوف تتلوها خطوات أخرى منسقة ومبرمجة وملفقة على طريق ضرب وتشتيت وتلغيم كل صحف المعارضة بربطة المعلم عقاباً لها جميعها على جرأتها فى التعبير عن أزمات الحكم والفساد المستحكمة فى مصر - وعقاباً لها جميعها على ما أنجزته مؤخراً على الساحة الصحفية المصرية من إطلاق العنان لأمال الشعب فى التغيير - لتخلوا الساحة لصحافة الحكومة لغسل مخ الناس على مذهب وطريقة قادة الحزب الحاكم وقت أن يجد الجد خلال الشهور الحاسمة القادمة؟ - المعنى لم يعد فى بطن الشاعر وحده

حياة said...

الله يرحمك يا مصطفى وعلى امين لمن لا يفهم

تحياتى

Nicholas Urfe said...

سنة حلوة يا نوارة ..سنة حلوة يا جميل

كل سنة وانتي طيبة ..

حسن على said...

رغم الدوشة اللى احنا فيها دى....,,.....كل سنة وانتى طيبة يانوارة ...انتى وابراهيم عيسى وكل محررى ورسامى الدستور

Sosso said...

http://www.youtube.com/watch?v=UhxqEzj0b6Y&feature=channel