Friday, 15 October 2010

ومين بقى الكحكي ده؟

هو جيمي كل تلات ايام يسيب مفاصلي ليه؟ انا حاسة اني دخلت فيلم امريكاني يخرب بيت كده
مين الكحكي؟ ياض قول بقى وخلص الحلقات قبل ما يبتدوا يقفشوا فينا واموت بفضولي
--------------
ونرجع تاني ونقول ان موقف صحفيي الدستور يتحط على الراس، ناس ثائرة لكرامتها، رجال الاعمال حبوا يقولوا لهم انتوا عاهرات بالاجرة فاعتصموا وقالوا احنا مش عاهرات ومش عايزين اجرة، عايزين شرفنا
بس انا توقعي، ومع ثبات صحفيي الدستور، وخسران المراهنة على الوقت اللي كان بيلعب عليه ادوارد وبدوي، لانهم كانوا معتمدين على ان العيال حيزهقوا، وانتوا عارفين بقى رجل الاعمال شايف ان كل انسان له تمن، و"الاولاد" الصغيريين، على رأي رضا ادوارد، طلع مالهمش تمن، بل ان الاولاد الصغيرين دول اللي رضا ادوارد كان منتظر انهم شوية وحيهدوا، ما هديوش، واحرجوا الكبار، وحطوا الكبار في موقف يخليهم يختاروا ما بين الكرامة اللي ثائر عشانها الاولاد الصغنتتين اللي قاعدين على الديسك بيشتغلوا زي الحلوين، وما بين الطناش، ويا سيدي، هي الشتيمة بتلزق، اللي بقالنا شوية واخدين عليها وترفعنا عن كلام الستينات
طبعا بعد تمسك شباب الدستور بكلام الستينات، حيضطروا يلجأوا للخطة باء
وهي الخطة التي اتبعت مع المقاومة الفلسطينية واللبنانية: التشويه
ايييييييووووووووووون
ولنا الشرف والفخر، صحفيين الدستور موقعهم الآن زي المقاومة، عشان منطلقهم واحد: الكرامة
وكل الوسائل اللي اتبعت ضد المقاومة بيتم اتباعها ضد صحفيين الدستور، والخطة باء هي تشويههم
وانا متكيفة قوي من جيمي انه عمال كل شوية يجيب لنا التايهة، كمل الحلقات بقى يا جيمي ابوس ايدك.. يابني مافيش وقت الناس بتسيأ وحيطردونا.. خلص بلاش الساسبنس ده

30 comments:

بهيج الشرير said...

والنبي ياأبلتي أنا عندي كام سؤال كده بخصوص موضوع الحج بتاع أبو التعالب ملك الفياجرا وقاهر الهكسوس!
هل فعلا إسمه طلع في القرعة واللا طالع حج سياحي
هل ناوي يسافر بمحرم واللا ناوي يطلع لوحده
هل ناوي يقصر واللا ناوي يحلق ويبقى شبه الولية دوسة بنت الحاج عبد الحميد صديقة أبو لباس في مسلسلات رمضان
هل ناوي فعلا السعي بين الصفا والمروة واللا هايعملها بالفوتوشوب
اللي أنا خايف منه أبلتي أنه يرجع كما ولدته أمه، ويعمل اللي عمله فينا من أول وجديد

سواح في ملك الله- said...

ض حول مطالب صحفيي الدستور قبل عودتهم للعمل

اضغط للتكبير
رضا إدوارد المالك الجديد لجريدة الدستور
احفظ الخبر
اطبع
أضف تعليق
ارسل
10/14/2010 8:45:00 PM
كتب: أيمن شعبان
أكد رضا إدوارد المالك الجديد لجريدة الدستور، رئيس مجلس إدارتها أنه قبل وساطة النائب مصطفى بكري، عضو مجلس الشعب ، رئيس تحرير جريدة الأسبوع، وقرر لقاء صحفيي الدستور المعتصمين بنقابة الصحفيين، في الثالثة من ظهر يوم السبت القادم بمقر نقابة الصحفيين.
وأضاف إدوارد في تصريحات خاصة لمصراوي، أنه لن يقبل التفاوض مع صحفيي الدستور بشروط مسبقة، وأنه لن يستجيب لأي مطالب قبل عودة الصحفيين للعمل وانتظامهم، بعدها نجلس سويا للتناقش في مطالبهم.
وشدد إدوارد في ختام تصريحاته لمصراوي، على انه لن يستجيب لإملاءات نقابة الصحفيين ولكنه يضع ملاحظاتها في عين الاعتبار، منوها إلى أنه يعتبر الصحفيين العاملين في الدستور أبناءه، ولكنهم يجب أن يثبتوا حسن نواياهم بالعودة للعمل أولا ثم بعدها ننظر في مطالبهم.
يشار إلى أن صحفي جريدة الدستور بدؤوا اعتصاما مفتوحا داخل نقابة الصحفيين، احتجاجا على تهرب رجل الأعمال رضا إدوارد من مقابلتهم لليوم الثالث على التوالي، وفي محاولة للضغط على نقابة الصحفيين للتدخل لحل الأزمة، وقاموا بنصب خيام في مدخل النقابة للمبيت بها فيما يشبه معسكر لهم، وتأكيداً على استعدادهم لاستمرار الاعتصام حتى يتم حل مشكلتهم مع مالك الدستور الجديد.
وأكد الصحفيون المعتصمون تمسكهم بمطالبهم بإعادة إبراهيم عيسى رئيس التحرير المقال وإبراهيم منصور رئيس التحرير التنفيذي للصحيفة، والمحافظة على السياسية التحريرية، وتثبيت الصحفيين المتمرنين في الصحيفة.
كما طالبوا مكرم محمد أحمد – نقيب الصحفيين – وأعضاء مجلس النقابة للقيام بدورهم في الضغط على إدارة الجريدة من أجل انتزاع حقوق الصحفيين، مشيرين إلى أن النقابة كانت طرفاً أصيلاً في جولة المفاوضات التي تمت بين الصحفيين وإدارة الجريدة وأن أي تراجع عن توقيع اتفاق مكتوب بين الإدارة والصحفيين تكون النقابة طرفاً ثالثاً فيه هو أمر يحمل عدم تقدير وإهانة للنقابة.
اقرأ أيضا:نقلا عن مصراوي

جبهة التهييس الشعبية said...

ههههههههههههههههههههههههههههه

هو حيسافر بمحرم يا بهيج.. حياخد معاه ظفوت الشرير

سواح

يعني ايه مش حيتفاوض بشروط مسبقة وعليهم اثبات حسن النية؟

نهار اسود ده بيتكلم زي نتانياهو

سواح في ملك الله- said...

تعرفي يانواره حرام صحفيين الدستور يشتغلوا تحت قياده الراجل ده فريق الدستور كله لو مش مع بعض مينفعش يبقي فيه دستور

جبهة التهييس الشعبية said...

كلامك مظبوط جدا يا سواح
بس الاختيار اختيارهم
والجدعان لحد دلوقت الواحد فيهم - راجل ولا ست - بمليون راجل

وهم سجلوا موقف واي حاجة يعملوها تحت ضغط حابقى متفهمة

وان كنت اتمنى من الله ان ربنا يثبتهم لحد ما ينصرهم على ادوارد وبقري والبدوي وكل الكلاب

سواح في ملك الله- said...

كان فيه خبر بيقول ان ممدوح قناوي عايز يفتحلهم جرنان

koko wawa said...

يخرب بيت كده
ايه اللغبطه دى
يعنى دلوقتى مين بيشتغل لصالح مين
يا ترى الفيلم ده هينتهى على ايه

Hala said...

فى سؤال مهم جدا عمال يدور قى بالى ونفسى أعرف طمنينى الله يخليك لو عندك أى معلومات. هو الدستور المزيف بيوزع قد إيه دلوقت؟ فى أى إحصاءات (بس يكون موثوق فيها)؟ حازعل قوى لو كان بيوزع أكتر من نسختين

hala said...

تنبييييه هااااام؟؟؟؟
السؤال اللي ففوق ومكتوب باسمي ..عن توزيع الجريده ...انا مااااسألتوش
ارجوا التنبيه
مع انه سؤال وجيه برضه

hala said...

انا سؤالي هو كالتالي
لييييش كل ما تحصل مصيبه صغيره ولا وكبيره ولا تافهه بيطلع مسؤووووول منفوخ يقول أطمنوا يا عيال مش حا نسيبكم ..إنتم اولادي ...مشممكن نخللي عيالنا بدون شغل
هو الشعب المصري لسه عنده (الماما..الحكومه)
ولا رجال الاعمال ..همه البابا ؟؟؟؟؟
سؤالي التالي
متى الشعب المصري رح يكبر ويعتمد على نفسه؟؟؟؟؟.

hala said...

يااااجماعه لسه عايشييين على
المبادىء..الكرامه..عزة النفس......الراس المرفوعه...نموت..نموت ونأبى الذل
ياااا بشررررررر إحنا زهقنا و بقول تاني زهقنااااا شعاراااااات
بدنا حلووول جذريه مش حلول استعراضيه
آآآآآآه ..صحيح هو مين جيمي
بجد ما بعرفه ..ارجوكم قولولي ميييين جيمي

hala said...

إنت مصدقه يا نواره انه المقاومه الفلسطينيه ولا اللبنانيه اسمهم مقاومه
لآلآلآلآلآلآلآلآلآ...يا ماما ...تغير إسمها وصاااار اسمها إرهاب

hala said...

آآه..صحيح و مين هذا ..الكحكي كمان ؟؟؟؟؟؟

hala said...

حزر..فزر...مين عندنا بضيافة الاردن؟؟؟؟؟
جورج دبليو بوش الابن
في الحقيقه انا مش عارفه ليش جاي بس اكيد في وراه مصيييبه
بس برضه اكيد جاي يطبخ طبخه هباب يعني ما لاقاش غير مطبخ الاردن عشان يطبخ فيه
على كل حال الله يستر

عبد الزهراء المصري (علي الحسيني) said...

نوارة ياريت تترجمي المقال ده اللي منشور بالجارديان ،وياريت لو حد من الأخوه والأخوات الأكارم يتعب ويترجمه لو أمكن ذلك :-

المقال أسمه :
Egypt's election campaign shows change is sluggish, but on the way


وده الرابط :
http://www.guardian.co.uk/world/2010/oct/15/egypt-election-campaign-mubarak

يوميات شحات said...

شكرا على البوست

khald abo elew said...

انا اول مرة اعلق هنا بس والنبى ياابلة نوارة بدل ماانول الشرف ده تنولينى انتى الشرف وتخلينى اعلق البدوى وادوارد من رقابيهم
خالد ابوعليو
مدونة وصفولى الصبر
http://khald020.blogspot.com

khald abo elew said...

والنبى ياابلة نوارة دى اول مرةانول الشرف ده واعلق هنا بس كان نفسى فى شرف اعلى اعلق البدوى وادوارد من رقابهم
خالد ابوعليو
مدونة وصفولى الصبر
http://khald020.blogspot.com

عباس بن فرناس said...

انتى الى هتموتينا من الفضول مش جيمى

عباس بن فرناس said...

على العموم ان غدا لمنتظره عجيب

عباس بن فرناس said...

اول ما قريت الكلام عند جيمى هود مفاصلى سابت وقلبى فرفط ايه ياعم الرعب ده شغل مافيا
ناس كبيرة فى بعضها واللى يدخل وسطيهم يتفرم
حسيت ان احنا غلابة خاص وعنية (رغرغت)

عباس بن فرناس said...

هما مش فهمونا فى الدراما التلفزيونية ذمان ان رئيس العصابة مبيظرش غير فى اخر الحلقات
اول مرة اشوف رئيس عصابة يظهر فى نص الحلقات يخرب بيت ابوك يا (غوريبة) انتا طلعت من انهى حتة بظبط
انتا رئيس مجلس ادارة
ولا رئيس مجلس عصابة

Bienveillant أوفياء مصر d'Égypte said...

متشكرين أوى للإخوة للوطنيين بتوع الكلام وبس
Bravo les vrais partilotes, on vous comprends beaucoup mieux maintentant
لما كلمناهم عن مقاتل من أكتوبر مبتور الساق ومهدد ببتر ساقه الثانية ومريض ومرمى ع الرصيف فى شارع إسماعيل إباظة فى السيدة زينب كلهم قالوا (يا حرام) ثم خلاص - لا حس ولا خبر - وراحوا حتة تانية على الفيس بوك عشان برضه يقولوا (يا حرام) أو الله أكبر بطولات أكتوبر رفعت رأسنا

وخلاص - ماهو الفيس بوك والإنترنت أصلهم معمولين للعب وخلاص - متشكرين يا أخوانا - فيكو الخير والله

حلاوتهم - حلاوتهم - يجمال إبتسامهم - م السحر مابقدرشى - استحمل نظرتهم - حلاوثهم - حلاوثهم - حلاوثهم - حلاوثهم

Bienveillant أوفياء مصر d'Égypte said...

متشكرين أوى للإخوة للوطنيين بتوع الكلام وبس
Bravo les vrais patriotes, on vous comprend beaucoup mieux maintenant
لما كلمناهم عن مقاتل من أكتوبر مبتور الساق ومهدد ببتر ساقه الثانية ومريض ومرمى ع الرصيف فى شارع إسماعيل إباظة فى السيدة زينب كلهم قالوا (يا حرام) ثم خلاص - لا حس ولا خبر - وراحوا حتة تانية على الفيس بوك عشان برضه يقولوا (يا حرام) أو (الله أكبر بطولات أكتوبر رفعت رأسنا)

وخلاص - ماهو الفيس بوك والإنترنت أصلهم معمولين للعب وخلاص - متشكرين يا أخوانا - فيكو الخير والله

حلاوتهم - حلاوتهم - يجمال إبتسامهم - م السحر مابقدرشى - استحمل نظرتهم - حلاوثهم - حلاوثهم - حلاوثهم - حلاوثهم...

Bienveillant أوفياء مصر d'Égypte said...

= = = = =
ووالله أنا متأكد إن لو البهوات دول حكموا مصر فى يوم من الأيام لعملوا فينا وفيها أبشع من كل إللى بيشتكوا منه وينشتكى منه كلنا دلوقت - ولضربوا المتظاهرين فى الشوارع ولمنعوا نشر مالا يعجبهم ومالا يرضيهم ومالا يتفق مع (خطهم السياسى) (وعلى فكرة بقى خطهم وحش - وحن زى خط إللى راكبين ومدلدلين رجليهم دلوقت مع اختلاف الرقعة عن النسخ واختلاف لون فى الحبر واختلاف الخط الكوفى عن الخط الثلث - ولكن "الكلام" سيكون هو هو - والخط الوحش هو هو وحتى نازل يشرب م البحر - والعوض هل الله) لأن التزام خط الديكتاتورية هو فيروس وراثى يسرى فى الدم المصرى والعربى منذ يجى قول عشروميت سنة كده - وإلى أن يقضى الله أمراً كان مفعولاً
= = = = =

Nicholas Urfe said...

والله عجبني كلام المعلق اوفياء مصر:

ايه اللي هيحصل لو مثقف معارض مصري وصل للسلطة ؟

Bienveillant أوفياء مصر d'Égypte said...

Une très belle ancienne chanson
لأ -لأ - أيوه - لأ - لأ يا حلو لأ
http://www.facebook.com/video/video.php?v=447420978999
أغنية قديمة جميلة جداً - بقالى يجيى مليون سنة مسمعتهاش
(كلمات مرسى جميل عزيز) - (ألحان كمال الطويل) - (غناء اللبنانى / محمد مرعى الذى لم يُغنى سوى هذه الأغنية الجميلة - ثم أختفى وربما يكون قد هاجر إلى المريخ)

لأ -لأ - أيوه - لأ - صوت المجموعة هنا من أروع مايمكن - ولحن كمال الطويل رائع كالمعناد من هذا العبقرى الفذ المتواضع - أما كلمات مرسى جميل عزيز فهى مثال آخر على الكلام اللطيف الرشيق العاطفى المهذب إللى يتغنى لوحده من غير لحن

وكل هذا وعربيجة اليومين دول (إللى عاملين نفسهم مطربين ومطربات بقوة السلاح ونازلين فى الغناء المصرى والعربى تلطيش واستنطاع وبهدلة يستحقوا عليها الإقامة الجبرية الدائمة فى سجون الموسيقى الشرقية والغربية معاً بتهمة الاعتداء على حقوق الإنسان والحيوان معاً وبمرتبة القرف الأولى - برضه معاً) فهم لا يتعظون ولا يفهمون وكأن ليس لهم قلوب ليفقهوا بها ولا آذان ليسمعوا بها ولا عقول ليدركوا بها أن أصواتهم أنكر من صوت الحمير وأن نهيقهم المستديم ليل نهار يلوث البيئة ويرفع ضغط الكرة الأرضية لا درجة حرارتها فقط ويصيبها بالإغماء والرغبة فى التقيؤ - ورغم ذلك فبعض شبابنا الأهبل العبيط يردد وراهم كلامهم الذى يعاقب عليه القانون والناى والبيانو والطبلة والمزمار بالإعدام شنقاً بالمقامات وضرباً بقباقيب العود حتى شج دماغ جواب الجواب وباستعمال كل مفاتيح الصول التى لم تعد تصلح إلا لفتح علب سردين كليبات الخيبة إللى بالويبة التى يطبعها هؤلاء المعاتيه ووضعهم فيها وإلقاءها فى أول موجة بحرية عنيفة تهاجم سواحل أندونيسيا أو فلوريدا حتى يُغنـّوا فيها على روحهم براحتهم ويعتقونا بقى من هذا الأوزون الملوث للروح البشرية الذى يخرج من حناجرهم الصدئة

hala said...

والله ..يا اوفياء مصر معك حق..
لا تقول معرضه ولا تقول حكومه اللي زعلان عشان الشعب هو الشعب الغلبان نفسه و ,,هو الوحيد اللي حاسس بجروحه وآلامه,, شو يعني ابكي على كلمه أسكتتها الحكومه؟؟؟؟
او قلم كسرته الحكومه؟؟؟
الحب الحقيقي للوطن مساعدة المواطن من غير ما نستنى لما الحكومه تبدأ تنظر لهم بعين العطف ..وبعدين تتذكر المعارضه بانه هذا واجبها كمان

hala said...

إنتوا مصدقيين ,,,إنهم مثقفيييين
بأمارة ايه؟؟؟؟
مييييين اعطاهم هذا اللقب؟؟؟؟؟؟
كلمة مثقف تعني التنوير ,,تعني سعة الافق ,,تعني الصدر الرحب اما حد ينتقدهم ..مهما كان المنتقد مواطن على قد حاله,,المثقف هو اللي يملك العقل المتفتح القابل للغوص في هموم الوطن والمساعده بكل طاقته لايجاد الحلول

جمهورية فوضى said...

أعتقد ان صحقيين الدستور مش محتاجين توصية لإنهم رجالة بجد وهم ان شاء الله حيخدو القرار الصح