Wednesday, 13 October 2010

اقول لكوا ليه بقى بلال اجدع ناس

عشان بلال بقاله مدة بيشتغل في مسلسل مهم جدا، انا مش في حل اني اقول موضوعه عشان ما حدش يلطش منه الفكرة لانه شقي جدا في المسلسل ده، وصرف على المسلسل كتب ومراجع وابحاث ومصادر كتير قوي
وكان المفروض انه حيتعاقد مع قناة الحياة عشان يعمل المسلسل ده، وبعد موضوع الدستور رفض التعاقد مع القناة وهو لسه رجليه سايبة في الهوا، واديه اهو، حاطط الشغل جنبه وما يعرفش مين حينتجه له، وقال لسيد البدوي انت غير جدير بانك تنتج مسلسل زي ده
اما بخصوص تخاريف سيد البدوي الليلة على الهوا بخصوص بابا فالرد حيكون اقوى مما يتخيل ان شاء الله

12 comments:

Bienveillant أوفياء مصر d'Égypte said...

http://www.aljazeeratalk.net/forum/showthread.php?t=72847

بالذمه ده يرضي ربنا ؟ أحد أبطال حرب أكتوبر ينايم علي الرصيف فى السيدة زينب - ده جزاء اللي يقدم لنا روحه ؟

شوف اللينك أعلاه

هذه مهزلة ما بعدها مهزلة - ألا يخجل حكامنا الذين يتمرغون فى المليارات من حال بعض مقاتلى أكتوبر إللى يصعب ع الكافر ؟ - ما هذا الصديد الذى يملأ قلب هذه الحكومة التى لم تدخر وسعاً فى استمطار لعنات الشعب المصرى على اليوم الأسود الذى رأينا فيه وحوه أعضائها العكرة الذين عميت بصائرهم قبل أن تعمى أبصارهم عن رؤية حال بعض مقاتلى أكتوبر من أمثال هذا الرجل

هل يعلم أحد فى مصر قيمة المبلغ الخرافى الذى يحصل عليه المقاتل الإسرائيلى عند خروجه على المعاش ؟ - لقد رأيت فى أفريقيا جنوب الصحراء مقاتلين إسرائيلين سابقين حصلوا على مكافأتهم الضخمة وذهبوا بها خارج إسرائيل لعمل (بزنس) فى أفريقيا - وحكومتنا الرشيدة عاملة ودن من طين وودن من عجين على هؤلاء الغلابة الذين كانوا ضمن جيش مصر فى العبور - فى حين أنها تشجع اللصوص بكل ما أوتيت من قوة وتلتمس لهم الأعذار حين يسرقون مليارات البنوك

ومهما قلنا ومهما كتبنا هنا أو هناك فلن يلتفت أحد فى هذه الحكومة الغبية - وسرعان ما سوف ننسى هذا البطل وأمثاله من ضحابا الغباء والإهمال المصرى المقزز وسوف نلتفت نحن أيضاً لأمور أخرى نشغلنا عن هؤلاء الأبطال المنسيين فى دائرة الإهمال الحكومى المقزز - وقبل هذا النسيان النهائى ألا يمكن لنا أن نفعل شيئاً بالجهود الذاتية للقادرين منا ؟ - فحكومتنا الرشيدة المجيدة لن تفعل لهم شيئاً ولو وقفوا بقية أعوام أعمارهم أمام مجلس الشعب الذى نعرف جيداً الحقيقة المرة لمعظم لقابعين داخله دون وجه حق فهم لا يعملون سوى لمصالحهم الخاصة - ثم نجد لافتات الشكر الحمقاء معلقة فى كل مكان تشكرهم على ما لم يفعلوه

ثم أين الدكتور فتحى سرور رئيس مجلس الشعب ؟ - وهو عضو المجلس عن دائرة السيدة زينب - مجرد سؤال لا أنتظر عليه أى إجابة لأن الإجابة معلومة بالضرورة إلا إذا كنا فعلاً من المعاتيه فى هذا البلد

Nicholas Urfe said...

هيلاقي االف من ينتجه ليه خصوصوا بعد نجاح اهل كايرو ، وبعدين بلال فضل بالفراسة كده ومن ملامحه واد مفتح وابن بلد وقلبو حديد

مواطن مصري said...

المهم المسلسل

عن اية

نفس نظام اهل كايرو

hala said...

بصراحه مسلسل أهل كيرو كان في احداث مالهش لازمه وبعدين مطمط بالقصه عشان غصب عن ابوها يصير المسلسل 30 حلقه
عشان هيك اذا رح يقدم مسلسل بهالمطمطه مافيش داعي لهالقصه

abdul hamid said...

ياأستاذه نواره
تتقال انا فى حل انى اقول موضوعه

abdul hamid said...

ياأستاذه
تتقال انا فى حل انى اقول موضوعه

جبهة التهييس الشعبية said...

انا في حل يعني انا ليا مطلق الحرية كقول ابي تمام: انت في حل فزدني سقما

أنا لست في حل أن أقول يعني: ليس لي مطلق الحرية أن أقول كذا..

:)

جبهة التهييس الشعبية said...

ومعاك حق، ناس كتير بتقول كده بس هم غلطانين، انا في حل اني اقول موضوعه يعني انا ليا مطلق الحرية اني اقول موضوعه وكده يبقى المعنى عكس المقصود

Prestige said...

ياريت فعلا يا نوارة يكون في رد قوي على تخاريف البدوي عن شاعرنا الكبير

انا اتعصبت جدا اما لاقيته بيقول كلام عبيط زيه

الرجا ده بيخبط يمين و شمال كده و لا همه حاجه

واضح اوي ان الصفقة كبيرة المرة دي و الهبرة حلوة

طبعل الحكومة هاتلاقي فين واحد محسوب معارضة يقول سمعا و طاعة بالشكل ده

abdul hamid said...

تمام ياأستاذه - أشكرك

محمد صبرى said...

و النبى بسرعة موضوع عن الزيارة التاريخية للقائد المحترم نجاد للبنان ...عشان المنظر -من غير صور تعبيرية- بيحرك مشاعر كتير اوى معرفنهاش من زمان

و الكلام كتير جدااا

FlashPack said...

حضرتك عملتى بلوك على تويتر
مش بطلب تشيل البلوك بس ممكن أعرف السبب
إنت أصلاً متعرفنيش