Monday, 1 November 2010

اللي عايز يمشي يمشي واللي عايز يقعد يقعد... تاني

ماحدش يتعامل مع يساريين ولا اخوان ولا ناس متربيين تربية اخوان تاني بقى
هم دول بتوع: اللي عايز يمشي يمشي واللي عايز يقعد يقعد واحنا قاعدين وضحيت هنايا فداه، فين السلفيين بقى بتوع: حتقعد غصب عن عين اللي خلفوا امك وانا بقى اللي ورايا شغل ومش فاضي ومش حاقعد وانت اللي حتقعد زي الكلب يا كلب.. وكمان انت كافر؟ 
اهم دول كانوا نفعونا في اجتماع النهاردة
المغامرون الخمسة هرونا: اللي عايز يمشي يمشي واللي عايز يقعد يقعد.. بس احنا قاعدين، وانا باقول تمشوا واحنا حنقعد لكوا هنا عشان نضمن انكم لما تمشوا تتعاملوا كويس
لحد ما مشيت كان الباقيين على الاعتصام 45 واحد، واللي بيشاور عقله حوالي عشرة وحوالي خمسة رايحين كلهم مش معينين وفيه ناس اقترحت ان اللي مش معين يروح يتعيين وياخد عضوية النقابة وبعدين يبقى ييجي واحنا قاعدين - ده المغامرين الخمسة: الجارحي وعمرو بدر ومحمد فوزي ورضوان آدم وعبد المنعم - عشان برضه نضمن ان يبقى فيه لجنة تشرف لكم على السبع مطالب
فقلت لهم يعني بدل ما عمالين تقولوا للناس اللي عايز يمشي يمشي واللي عايز يقعد يقعد وما يخافش واللي حيمشي حنصقف له قولوا لهم برضه ان التعامل مع رضا ادوارد مش حيبقى سهل، وانهم رايحين على جرنال مقفول مقفول، وان مش مضمون انه يعينهم اساسا، وان بعد ما رزعوا الباب كده حيتعاملوا ازاي مع ناس وهم شاتمين بعض، وان اول ما الليلة تنفض الراجل ما حيصدق انهم تحت ايده وحيطلع ترابانتينهم وان الصبر مفتاح الفرج.. الخ الخ الخ
بس برضه فضلوا يقولوا اللي عايز يمشي يمشي واللي عايز يقعد يقعد، ورضوان ادم قال لي ما تقدريش تجبري حد على النضال، اذا كان على المطالب النقابية ادي احنا جبنا سبع مطالب، ودي احسن تسوية على الاقل بالنسبة لغير المعينين، اذا كان على النضال ده قرار فردي ما حدش يقدر يقترحه على حد.. اللي عايز يمشي يمشي واللي عايز يقعد يقعد
بالنسبة للاتنين وعشرين بتوع الورد، فدول اصلا كانوا متدبسين في الاعتصام وكانوا مستعدين يروحوا من غير اي تسويات، يعني المعتصمين هم اللي جابوا لهم السبع مطالب دي ولا كانت على بالهم ولا كانوا يحلموا بيها
ونقدر نقول اللي حيستمر في الاعتصام هي المجموعة اللينينية او مسلمين مكة ايهما اقرب
وبكرة فيه اجتماع مجلس النقابة وانا رايحة ورضا قدرة هو والبلوي جايين
بس انا قلبي بيقول لي ان رضا قدرة مش حيعين حد على فكرة، مش حيعين غير الشماشرجية، يعني اللي رايح بكرامة عبر النقابة مش حيتعين.. من الاخر كده عشان ننجز
بس طبعا قعدوا مسكوا ودني ويقولوا لي: يا نوارة مش عايزين نزايد على حد.. مش عايزين اييييه؟
- نزاااايد علىىىىىىىى حدددددددد
- اييييوة.. شاطرة
فانا مش حازايد على حد... اللي عايز يمشي يمشي واللي عايز يقعد يقعد... هو انا ياربي كل ما اروح في حتة اسمع الجملة دي؟ ومن نفس الناس؟
الا شفتوا صفوت حجازي؟ لولا مشغولة كنت شرشحت له.. بس حاشرشح له يعني، هو حيروح مني فين؟ 

25 comments:

مواطن مصري said...

انا مستني صفوت حجازي

mido said...

السرجاني: اكتتاب شعبي لإصدار الدستور الجديد» الورقية

«وذكر السرجاني أن كل الصحفيين الذي رفضوا العودة إلي العمل مرة أخرى بالجريدة الورقية، التي يرأس مجلس إدارته حاليا رضا إدوارد نسبة، سينضمون إلي العمل في الموقع الالكتروني، الذي يتم تجهيز مقر له حاليا بميدان سفير بالدقي

http://www.almasryalyoum.com/ar/node/222576

koko wawa said...

بصراحه انا متابع موضوع الدستور من البدايه من المدونه هنا
بس انا الحقيقه اخر 3 بوستات بخصوص الموضوع ده توهوني خالص دلوقتي المفروض النهارده الاتنين هل الموقع هيشتغل اخبار ولا لا
كمان بتقولوا ناس راحت لادوارد برجليها وناس هتروح بالنقابه
وناس قاعده .يعني فيه موقع ولا لأ
وبعدين تقولوا الشريف كلم مكرم
طيب هو الاستاذ عيسي فين من ده كله .انا اسف علي الهبل اللي انا كاتبة دة بس انا مش فاهم حاجه بجد

aurora_a7 said...

نوارة انا اول مرة اعلق رغم انى بقرالك على طول صحيح الموضوع مافيهوش مزايدة على حد فى ناس قدرتهم على التحمل اكتر من ناس
بصراحة انا شايفة الاعتصام حقق المطلوب منه وزيادة اثبت موقف وزى ما قلتى خدوا مطالب كانت بعيدة حتى عن احلامهم بس خلاص
متهيالى ابراهيم عيسى اكتر واحد عملى بتفكيره اصدار صحيفة جديدة فالصحيفة القديمة انتهت لكن التجربة والمبدأ والفكرة لسه موجودين
قلبى معاكو وربنا ينصركوا على مغول العصر الحديث على رأى وحيد حامد

ابراهيم عيسي=طه حسين الجديد said...

يا بنت الحلال عمرو بدر والجارحي بيتكلمو صح يجوز يكون الناس فعلا مبسين في الاعتصام والدنانير تزغلل عين اللي ابوه رئيس انت ناسيه ولا ايه وبعدين يعني قدره هيسامح اللي بيشتموه الاجابه لا ده واحد دون واكيد البلوي اللي بيفكرلوا انا سمعت خبر حلو منصور قاله للمصري اليوم ان الجرنال طالع باكتتاب يريت تاكدي وبعدين فين اسماء طنطا وانا احب اعيش اونطا عائله كساب ايه نظامهم دول معانا ولا مع الناس التنين

ابراهيم عيسي=طه حسين الجديد said...

وبعدين صح مشكله الصحفي في الكرنيه كويس انك قولتي الموضوع ده عشان لو مخدوش الكرنيه الدستور الجديد لما يطلع ان شاء الله ابراهيم عيسي يبقي يعمل ما بداله والنبي طمنيني علي ال كساب راحو ولا راحو؟

عباس ابن فرناس said...

معلش يانواة كان نفى اشارك بس معرفتش غير دلوقت لما قريت البوست يا ريت لوفيه فرصة تانى بلغينا

koko wawa said...

بصراحه انا متابع موضوع الدستور من بدايته من المدونه هنا
ماشعرتش باني مش فاهم اي حاجه قد اليومين تلاته اللي فاتوا دول
دلوقتي الاستاذ عيسي قال ان الموقع هيشتغل اخبار من النهارده المفروض
ترجعوا تقولوا الشريف اتصل بمكرم
وبعدين تقولوا ناس راحت للبدوي برجليها وناس هتروح عن طريق النقابه
انا بصراحه حاسس يا جماعه ان انتوا اتفحكشتوا هما عرفوا يفحكشوكوا ولا ايه؟
انا بجد مش فاهم اي حاجه لان واضح ان كل واحد ماشي في سكه
دا فات الكتير ما بقاش الا القليل
وبعدين دا اصدار الموقع اكبر صفعه لهم
ايه بقي اللي مزعلكوا
انا نفسي اعرف موقف الاستاذ عيسي دلوقت لاني بحد مش فاهم حاجه

سواح في ملك الله- said...

يانواره القنوات الفضائيه بتتقفل علي عينك ياتاجر هيعجزوا يعني انهم يقفلوا جريده ويفرقوا صحفييها اصحي يانواره وفوقي قفل الدستور ده كان دليل علي انها جريده مؤثره في الراي العام وهما مش عايزين دوشه انا بقي ليه عتاب علي الصحفيين اللي رضخوا للامر الواقع لاني كنت بعتقد ان اي صحفي في الدستور هذه الجريده المشاغبه دخل الدستور لمهمة وطنيه هي توعيه الناس والدفاع عنهم وانه متوقع كل شئ حتي السجن او الفصل مش عشان اكل العيش

mUsLiM said...

الحقيقة أن نقابة الصحفيين قامت بدور مشرف حتى الآن وأن النقيب أدى دوراً متوازناً ورصيناً فى هذه الأزمة

والإتفاق الذى تم التوصل إليه هو إتفاق معقول وبداية طيبة لحل الأزمة

أما من يصر على الإعتصام والإضراب فهو حق له، إلا أننا لابد ألا نغفل شيئاً واحداً فى ظل هذه الأزمة

أنه ليس هناك قانون أو منطق يجبر صاحب العمل على تعيين عامل عنده دون إرادته

والله المستعان

السلام عليكم

تهيؤات said...

مشوفتيش انتى سيد البلوى وهو بيغير كلامه تانى لما راحولو بالورود
قال ايه بقى..انا اول ما رضا قالى هنقيل ابراهيم قولت له انا مستقيل وبايع نصيبى مش لاعب
واستقالت قبل قرار الاقاله
يعنى ماليش دعوه خالص
الراجل ده عبيط ولا فاكرنا من سيريلنكا

احنا المأجورين said...

انااستغربت لما لقيت عبدالمنعم منيب في اوائل الناس الى راحت تقابل البدوي وتبارك له على اتمام الصفقة
عمومااااااااااااااااااا يا نوارة هانم هارد لك وماعادتش نافعة لا اخوان ولا غيره وكله راح يدور علىمكانه في الجرنال قبل ما يلاقي نفسه في الشارع
وبعدين تعالي هنا وقولى لى انت زعلانة كل دا ليه هى الدستور كانت اختك من ابوكي ؟ ما ابراهيم عيسى قال هيطلع جرنال جديد خلاص استنى الجديد و ابقي اكتبي فيه مقالك مرة تانية
ولا انتى يعنى لحد دلوقت مش قادرة تفوقى وتستوعبي الصدمة بتاعة الدستور وانك لسة عندك امل انها ممكن ترجع تانى زى الاول
لا والف لا عارفة ليه يا نوارة ؟
لان اللى بيموت مستحيل يرجع تانى
وتجربة الدستور خلاص كل سنةوانتى طيبة زيها زي افاق عربيةوالاسرة العربيةوالشعب وغيررررها كتير في بلدنا مصر المخروسة
وسلامى للطبقة المثقفة في مصر
شوية الزبالين اللى بيلعقوا فى احذية النظام وماحدش عارف لهم ظهر من بطن جاتهم القرف

جبهة التهييس الشعبية said...

واضح ان فيه فوء تساهم
عبد المنعم محمود والجارحي ورضوان ومحمد فوزي وعمرو بدر دولم اجدع ناس
ومضحيين فعلا

اللي حصل ان فيه ناس مش معينة وبعض المعينين شايفين ان دي فرصة لغير المعين يحصل على التعيين

الاغلبية مستمرة في الاعتصام

هي فكرة المغامرون الخمسة ان لو كنت بتدور على مطالب نقابية يبقى ادي المطالب احنا حنستمر في الاعتصام لاهداف نضالية واللي حيقعد يبقى فاهم كده كويس

مواطن مصري said...

شفتي يا نوارة شفتي تنظي دولة العراق التابع

للقاعدة عمال يهددد الكنيسة المصرية

و بيطالب ب الأفراج عن كامليا شحاتة
و ألا هينفذ عمليات ارهابية ضد الكنيسة

خلال 48 ساعة و ربنا يستر على مصر

مش ناقصة ارهاب


همال مالهم بينا

الخبر في البي بي سي

سواح في ملك الله- said...

الاخ مسلم نقيب الصحفيين معملش حاجه خالص صوره وهو بيطردادوارد وصوره وهو بيبوس را س ادوارد وخلاص

lastcrazyboys said...

http://www.youtube.com/watch?v=Kjqa_Csf29Q&feature=related

mUsLiM said...

ممكن أعرف مفهوم الأهداف النضالية بالتحديد ؟

khaledsk said...

انا بدخل على موقع الجريدة كل يوم لكن بقالها يومين مش بتفتح ، وعندها احضر الىالمدونةلمتابعة اخبار الجريدة. هل تم اغلاق الموقع أم انه اغلاق مؤقت لتجهيز الاصدار الجديد

hala said...

انا مش فاهمه شو النهايه ؟؟؟؟
شو صار بعد ما اعتصمتوا ؟؟؟؟
يعني جريدة الدستور بتاعة البدوي رح ترجعكم للشغل عندهم ؟؟؟؟؟
بصراحه انا مش فاهمه شو بدكم باضبط ؟؟؟؟ انا بنصحكم تشتغلوا مع ابراهيم عيسى وفضوها سيره
انا شايفه انه المولد انفض

اخر المناضلين المحترمين said...

شفتي يا وسخه...اول واحد رد عليكي نصراني..وعاوز يسمع وصله الردح في حق دكتور صفوت حجازي...وكمان نقلك خبر مجاهدين العراق عشان يسخنك يا جاموسه ...النصاري بيستعملوكي بوق ليهم يا بنت الشرموطه فوئي بقي...شفت اسلوب مواطن مصري وهو بيسخنك يا حمارة...يلا شرشحي بقي للدكتور صفوت اللي ضفرة برقبه ابوكي وامك...يا كلبه يا بنت نجم الاكل علي كل الموائد

جمهورية فوضى said...

القضية مش حتنتهى حتى ولو الكل مشى

جبهة التهييس الشعبية said...

فيه هاموش سلفي عف علينا قلت انزل تعليقه عشان تتفرجوا على السلفيين واخلاقهم العالية

ونباهتهم

سبحان الله نبيه قوي وانبه اخواته، فاكر ان عمرو مسيحي

هو مسيحي صح

مصر 30 said...

http://elbadil.net/
مبروك للبديل

المهندس said...

اولا : انا اعتذر عن خلافاتي السابقة معك علي صفحات مدوتك ... صحيح انني لم - ولن - اتجاوز سابقا في تعليقاتي ...ولكني اعتذر لسابقي هجومي علي اسلوب المدونة - والذي رغم ذلك كنت متابعا جيدا لها - فارجو ان تقبلي اعتذاري
ثانيا :مازلت احتفظ بحقي في بعض التحفظ علي - بعض - الاشياء في المدونة ( ولكن ليس هذا وقتها ) واقول ذلك لاني اعرف انك لا تحترمين من يغير رأيه كليا .. وبدون ابداء اسباب
ثالثا : قمتِ علي صفحات مدونتك ... وعلي صفحات موقع الدستور بتغطية فوق الرائعة للحدث المأساوي الذي اخرس احد اهم المنابر الصحفية في الاونة الاخيرة .. وقمت بالدور الذي قامت به قناة " سي ان ان " في حرب الخليج الاولي وكنتِ الموقع الذي يعطي محببي وعشاق تجربة الدستور تغطية الاحداث لحظة بلحظة ... فهنيئا لك ان تكوني الموقع الاحتياطي لمنبر الدستور
ثالثا : لا اعرف علي وجه الدقة ... لماذا يعتصم المعتصمون ... ولماذا عاد من عادوا للعمل ؟ هل يظن احدا في بر مصر كلاتها ... انه مازالت هناك صحيفة باسم الدستور ؟؟؟ لقد تم القضاء المبرم علي الدستور ... يوم ان اغتالوا - بغبباء شديد - الاب الروحي والفعلي ... و الوحيييييييد لها و القادر علي صنع نكهتها الخاصة المميزة لها ... واي حديث عن الدستور الجديد يعد ضربا من العبث ... فربما تستطيع مصر ان تقيم محطة فضائية علي سطح القمر ... ولكن لن يعود قارئ الدستور لشرائها مرة اخري ... الا لو كان مصابا بداء " المازوشية " ليقوم بتعذيب نفسه بقرائتها ... والتحسر علي مضايها المغتال عنوة
رابعا : لا يعني ذلك اني اقلل من الموقف البطولي للشجعان المعتصمين بالنقابة ... ولكني اشفق عليهم من قلة اوراق الضغط المتاحة في ايديهم ... فنحن جميعا نعلم ان مطلبهم الوحيد - وتضامن معهم فيه قلبا وقالبا .. وحجرا - عودة قائد كتيبة الشجعان " ابراهيم عيسي " ... والجميع بدئا من نقيب الصحفيين ... ومجلس نقابته - ماعدا الرائع جمال فهمي - مرورا بجميع مقدمي البرامج - الذين كنت احترم جرأتهم .. التي اضمحلت في هذة القضية - انتهاء بالملاك الجدد يرفضون مجرد الخوض في هذا المطلب ... الذي لا بديل عنه لصحفيي وقراء الدستور
خامسا :عن اي اتفاق يتحدثون ؟؟؟؟ هذة الصحيفة " المسخ " ستحقق ارقاما قياسية في عدم التوزيع حتي اني اظن ان اعداد المرتجع منها ستفوق الاعداد المطبوعة - اللي اشتري عدد امبارح هيرجعه - فهل يخدعون انفسهم ؟ ام يخدعوننا ؟
سادسا : انا اعتبر نفسي متشائما بالفطرة ... ولكن في هذة القضية .. انا اري ان جرعة التشاؤم ساحقة ... واتمني ان تكذب الايام حدثي
شكرا ... والسلام عليكم ... واسف جدا علي الاطالة

اخر المناضلين المحترمين said...

سلفي!!!!!!!!!!!!!
وحياه ربنا انتي جاموسه فعلا
ال سلفي ال
مبروك رئاسه تحرير الكرامه لابراهيم عيسي
وسلميلي ع المعتصمين
نياها نياها نياها ههههههههههههههههههههههههههه