Tuesday, 23 November 2010

ماركس اند سبنسر جاي مصر

لا دي مصيبة، ومصيبة كبيرة، ده من اكبر الممولين لاسرائيل
انا فاكرة لما كنت باروح لندن وانا حلوة كده كان العرب اللي بكروش يخشوا يشتروا من ماركس اند سبنسر وبعدين وهم خارجين يغيروا الكيس عشان ماحدش يعرف انهم اشتروا من اسرائيل
لا هو اسرائيل بجد يعني
بس الحمد لله، العرب خلعوا برقع الحيا، ومش بس ما بقوش يغيروا الكيس، بقوا يجيبوه في بلدهم

انا حاكتب عن الموضوع ده باستفاضة بس رجاء الدخول على اللنك ده واللنك ده 
اهو ده يا شباب اللي يستاهل انه يتقفل اكتر من سانسبري
حتلاقي اوساخ كتير يقولوا كلام وسخ، حنتكلم عليهم ونرد عليهم بس افضي مخي بس، بكرة بس ان شاء الله على خير

10 comments:

H Mohsen said...

أيووه على الدنيا

xMetatron said...

اهو ماركس جاي الأن
وسبنسر تبعه كمان

هيجيب الأرماني من ديله

و يغطي كل عريان...


صباحو قطايف يا نواره..والنبي فكك من نزعه الفقر دي...سيبي الناس تكسّي..دي احسن حاجه حصلتنا من ايام الأنتصار في سلسلة المعارك ضد الأعداء الحاقدين من الجزائر..

دولوقت الأصدقاء في اسرائيل عايزين يبغددوا عيال الراجل اللي نايم معاهم في سرير واحد..ليه بقى شغل الزوجه الثانيه ده...مش هتعرفي قيمتهم غير ما تنزلي و تلبسي من ماركات شعبي زي ديور و دولتشي...ييععع


نديم

Ahmed said...

للأسف المسألة دي مش جديدة على عصابة الحزب الوطني وفي محاولات مستميتة من عشرات السنين إنهم يسربوا لينا ماركات أو منتجات صهيونية
لو نفتكروا سلسلة محلات سينسبيري sainsburys اللى صحينا من النوم لقيناها في كل حتة في مصر .. وبعد شهور تحت ضغط المُقاطعة اللى وصلت لرجم الشباب المصري لفرعهم في المعادي أخدوا عزالهم وفارقونا.
من ساعتها وقبلها وبعدها ومحاولات النظام لا تنتهي للتطبيع المستتر والمفضوح.
مافيش مول أو سلسلة محلات عالمية إلا لما تلاقي كتير من الماركات الداعمة للصهيانة إن لم تكن صهيونية بشكل مُباشر.
عندك الكويز بتاع المعيز والغاز وتصدير الأسمنت واستيراد الأسمدة المسرطنة.
كمان مننساش التطبيع المعلوماتي اللى خلى إسرائيل تشكر حكومتنا الحلوة الكويسة اللى ساعدتهم في اغتيال قيادي في حماس.

شبابنا في مجمله واعي بس المهم يعرف حقيقة الأماكن دي وبإذن الله يحصلوا سينسبيري أو هما يحصلوهم بالطوب (تاني).

Ahmed said...

وكمان بيفتخروا بدعمهم لإسرائيل وبيقللوا من قيمة مقاطعة المسلمين لمحلاتهم

LONDON, Dec. 13 (JTA) – A British department store chain is vowing not to be swayed by Muslim calls to boycott the company because it does business with Israel.

“We are a global player and we support many countries, including Israel,” a Marks & Spencer spokeswoman told JTA.

“We have a history and a background with Israel that we are very proud of,” Cheryl Kuczynski said.

suidreams said...

ماركس آند سبنسر تفتتح أول متاجرها في السوق المصري فى داندي ميجا مول وفى 2012 وبعدها هيفتتح فرع تانى فى المول التجاري فستيفال سنتر بمشروع كايرو فستيفال سيتي ... ناس بتحضر لتانى قبل الاولانى وللعلم ماركس اند سبنسر عمل دراسة الاول قبل ما ينزل السوق المصرى واتاكد انها هيحقق نجاح :)

ماركس أند سبنسر أكبر داعم لاسرائيل ظهر صاحبه صاحبه بعد 67 على التلفزيون وأعطى شيكا للصهاينه قائلا (أكسروا عظامهم) أي العرب، ويفتخر بأن هناك نسبة من مشترياته لاسرائيل وأن كل قطعه تباع في محله لإسرائيل مكسب فيها ، وهناك نسبة محددة من الربح تذهب سنويا لمساعدة إسرائيل، (ومعظم زبائنه للأسف خليجيون)ماركس أند سبنسر له فروع فى الامارات، الكويت، البحرين، ليبيا، عمان، قطر والسعودية، وأول لافتة إعلانات عربية لماركس أند سبنسر في العالم الموجودة في متجر دبي الموجود في مركز الفطيم في يناير 1998 قام بوضعها صاحب السمو الشيخ محمد بن راشد المكتوم، حاكم دبي ووزير الدفاع لدولة الإمارات العربية المتحدة
أننا ندعو لمقاطعة منتج صهيونيا يدعم إسرائيل مباشرة وخاصة المستوطنين .

7amada said...

الغريب واللي بيجنني انك ممكن تلاقى زحمة في مكان اسعاره نار زي ده
زي ستاربكس شوب العصير بسبعين جنيه
وتلاقي الناس واقفين مستنين اماكن تفضى

ميييييييييييين دووووووووووول

مواطن مصري said...

تجمهر المئات من المسيحيين فى الساعات الأولى من صباح الأربعاء في منطقة الطالبية بالهرم التابعة لقسم شرطة العمرانية احتجاجاً على وقف انشاء مبنى ملحق بكنيسة الطالبية مما تسبب فى توقف حركة المرور بشارع الهرم والطريق الدائري.
http://www.masrawy.com/News/Egypt/Politics/2010/november/24/strike_church.aspx

http://www.youm7.com/News.asp?NewsID=308392

مواطن مصري said...

تجدد الاشتباكات بين الشرطة والمسيحيين أمام كنيسة العمرانية
http://www.masrawy.com/News/Egypt/Politics/2010/november/24/copts_police.aspx

Zainab said...

hatefdy le marksandspencer bokra. la2 faddy makan le moseebet elomraneya deh

amt said...

دة طلع فاتح في الخليج فروع قد كدة !!!

إلا كان في الجزيرة تقرير من شوية بيقول ان حجم التجارة المصرية الاسرائيلية المباشرة من غير غاز و بترول = 400 مليون دولار - الحاجات دي فين و نعرفها ازاي عشان نقاطعها او نجرس رجال الاعمال بتوعها ؟