Wednesday 24 November 2010

تحية واجبة

هتاف المسيحيين المصريين في العمرانية: عاش الهلال مع الصليب عايزين حقوقنا



الناس دي حصل فيها كده عشان عايزة تصلي
عايزين يصلوا بس

تحية لارواح الشهداء، الصحة بتقول واحد بس اللي مات، والكنيسة بتقول اربعة، والاهالي بيقولوا عشرة
الحقيقة حتبان على بكرة واكيد الصحة مش حتقول الحقيقة، بدليل ان الداخلية قالت على نفسها انها تعاملت "بعقلانية" مع الحدث! قاتلين ابرياء او على الاقل بريء وبيتكلموا عن العقلانية، واستغلوا بلطجية عشان يحدفوا طوب على الناس وكان باين قوي انهم بلطجية، دول مش اهالي ابدا، لو اللي ضربوا ليلى سويف في الجامعة طلبة غيورين يبقى الاشكال دي اهالي
وتحية للابطال اللي تصدوا للامن وهم عزل وما خافوش وما جريوش دفاعا عن حقهم في الصلاة زي كل عباد الله
وتحية لمرشح الاخوان المسلمين وانصاره اللي شاركوا المسيحيين المظاهرة، طبعا تحية لمرشح الناصري بس مرشح الناصري كان متوقع يعمل كده، لكن الحق يتقال مشاركة الاخوان في المظاهرة فارقة، وهي اللي خلت المسيحيين يهتفوا عاش الهلال مع الصليب
واسفخص على الامن اللي تحول لقوة احتلال ومنظره في الصور يشبه منظر الجيش الاسرائيلي وهو بيضرب الفلسطينيين، واسفخص على الامنجية اللي بيتكلموا زي الصهاينة ويبرروا قتل الابرياء
التغيير محتاج تضحية، وابطال العمرانية قدموا ارواح ودم، اللي الكره والطائفية عمت قلبه وخلته مش قادر يتضامن معاهم، على الاقل يحل عنهم، بس الناس كانت حلوة المرة دي، كل الناس، اقصد كل الاهالي مسلمين ومسيحيين، حتى اللي طلعوا علقوا في الجزيرة من المسلمين قالوا كلام كويس مع ان تقرير الجزيرة كان زي الطين
وزي ما قلت لهم على التويتر، انا مش وائل خليل بيصعب عليا الناس، انا مفترية، بس الناس المرة دي كويسة، واحسن مما كنت اتوقع بكتير، لان فيه ظروف ومتغيرات وضغوط مرت عليهم ما تؤديش للنتيجة دي، والنتيجة دي بالنسبة لي مرضية جدا وطظ في رويترز اللي تجاهلت مشاركة الاخوان المسلمين وبعض الاهالي المسلمين للمسيحيين في المظاهرة وما جابتش غير سيرة البلطجية وقالت عليهم مسلمين يشاركون الامن في قذف المسيحيين بالحجارة
طظ فيهم لانهم ما يهمنويش
اللي يهمني ناسي 
وربنا يرحم الشهداء ودمهم مش حيروح هدر ان شاء الله 

4 comments:

مواطن مصري said...

ربنا يرحم الشهداء خالد سعيد

و احمد شعبان و الشهيد المسيحي

التغير محتاج تضحيية

و مفيش حاجة ببلاش اليومين دول

محمود المصرى said...

بسم الله الرحمن الرحيم

شىء محزن طبعا ان يسقط قتلى لم يرتكبوا اى جريمة يستحقوا عليها هذا الاجرام .
وفى الحقيقة يبدو الامر انه محاولة تصعيدية من قبل السلطات الكنسية بهدف استخلاص تشريع ما يطلق يد الكنيسة فى بناء الكنائس بالظبط زى ما حصل فى موضوع الزواج الثانى , وصحيح للمسيحيين الحق فى الصلاة لكن بلا شك ان القضية دى هى جزء من قضية اكبر تخص السياسات الكنسية .
اما ممارسات الامن فهى جزء من مشكلة نظام يجب ازالته .
بالمناسبة هو الصحفية بتاعت الدستور جايبة كلام من مواقع اقباط المهجر وعاملاه تحقيق صحفى؟

dr.lecter said...

والله رجاله
بجد رجاله

خلوا الداخليه تشخ علي روحها

اجدع رجاله لو الباقيين كانوا يصبروا كانوا احتلوا الجيزه وطهروها من الحكومه كلها وتحدوا مع المسلمين وينكحوهم كلهم

Shoukry said...

The building is being built for 6 months and it is almost completed!!

The authorities tries to grab attention to the most attractive thing that Could distract the public opinion which is sectarian conflicts and the copts just to conceal election fraud.

Copts shouldn't have done this, even if this is not fair and they just want to pray. I know they are fed up with and this happens every time a church is being built but rioting is not the legal way to have your rights anyway.

but what is annoying me the most is that most of the comments accuse church for these acts and I don't understand why?!! we didn't see any priest stand with a mic on the stairs of the church urging people to defend their religion!