Tuesday, 2 November 2010

نعمل تحت القصف

بيان قصير من العاملين في موقع الدستور: نحن نعمل تحت القصف
خليكوا معانا.. احنا فعلا محتاجين مساندتكم، ومالناش اي هدف غير اننا نعمل شغلنا عشان نقدم الخدمة الصحفية لمستحقيها، وهم القراء وبس
-------------
بالنسبة لتصريحات البرادعي... هيييييه
طيب، احنا عندنا في الشغل واد فتاي كده، طول النهار يفتي، وواحد تاني اهبل منه طول النهار يسأله في ارائه، الواد ده من كتر الفتي بقى يقول كلام حلزوني، يعني مثلا يقول: تسعين في المية من النساء الاوروبيات باي سيكشوال
- يا عم انت ايه العجن ده؟ جبت منين الكلام ده؟
- من الشات
من الشات، عنده اتنين واربعين سنة، وعيلين طوله، وبيعمل شات مع اوروبيات بطريقة توضح له انهم باي سيكشوال وكمان فاكرهم ان دول كل النسوان اللي في اوروبا
مرة واحدة زميلتنا اتجننت علينا كده، هي عندها حساسية واحنا كلنا مدخنين، راحت مصوتة ومعيطة وجايبة لنا الامن المهم يعني كان يوم عظيم، وده دخل فجأتن كده عشان يحلل الموقف: يا جماعة اعذروها، جالها ماستربيشن في الرؤية.
فجرت مثلا
انا واثقة ان البردعاوية دلوقت جالهم ماستربيشن في الرؤية، بس انا مش عايزة يجيلكوا ماستربيشن في الرؤية يا شباب
البرادعي ما كانش اكتر من صورة، وعمره ما كان له لازمة، انتوا اللي لكوا لازمة، وعملتوا شغل كويس، وعملتوا حركة، ومافيش حاجة جدت، كل اللي جد هو تأثركم النفسي، لكن على ارض الواقع هو فعلا ما كانش له حضور، هو ما كانش معاكم عشان يتخلى عنكم، يا سيدي شيلوا صورته وحطوا مكانهما صورة الهلال مع الصليب، هي حتفرق كتير؟ انتوا ما عملتوش اي حاجة غلط، كل اللي عملتوه كان كويس، وجرا ايه يعني لما قعدتوا شوية تحبوا واحد مالوش وجود، طب ما انا باحب فيروز، وباحب رشدي اباظة، وكنت باحب اللحمية بتاعة مصطفى قمر، عادي يعني، عادي، ما تضايقوش من حاجة، مافيش حاجة حتتغير، التغير الوحيد انكم كنتوا فاكرينه حيعمل حاجة ومستنينه يمشي في الجزمة الاول، وما مشيش، وطلع بايع الجزمة، بس انتوا مش معلقين اي حاجة فعلية عليه، عادي، عادي والله، انتوا بتشتغلوا وبتجمعوا توقيعات، وبتعملوا وقفات، وكل حاجة، وهو يطلع يقول امر لاشين، وحيفضل يقول امر لاشين، حاجة اتغيرت بعد التصريح ده؟ 
طب ايه رأيكم كده احسن؟ اه والله، عشان بقى ما تقعدوش تستنوا حاجة، تفضلوا تشتغلوا زي ما انتوا كده، وما تستنوش حد ولا حاجة، قوم الشغل يتراكم ويعمل حاجة مفيدة
هو صحيح ابراهيم اتمنع والدستور اتخرب من تحت راسه... بس عموما انا حسبي الله ونعم الوكيل، وكمان رب ضارة نافعة، لو ما كانش اللي حصل ده حصل ما كناش عرفنا ان الدستور ارض الرجال، ويمكن هم نفسهم ما كانوش عرفوا في نفسهم ده، ثم ابراهيم عيسى طول عمره معدنه بيلمع في المصايب، اصله برج العقرب... كل برج العقرب هات لهم مصيبة واتفرج عليهم وهم بيلعلعوا، وما تبانش نضافتهم ومعدنهم الطيب الا في المصايب، في حالات الركود والاستقرار بيبقوا لا يطاقوا، عشان بيبقوا عاملين زي لواء اركان حرب متقاعد وعمال يقرف في عياله ويوقفهم طابور الصباح صفر انتباه.. اه والله، واحنا مش زعلانين ولا حاجة، احنا حنكمل شغل في الموقع وحنطلع الجرنال وحنفضل كده نحارب عشان نعمل الصح
وانتوا كمان ما تزعلوش، والنبي ما تزعلوا ولا تضايقوا ولا تحبطوا، عادي والله عادي، انتوا عملتوا الصح، وعملتوا جهد، وحتفضلوا تعملوه زي ما انتوا، هو انتوا كنتوا بتعملوا له ولا بتعملوا لنفسكوا وللبلد؟ خلاص، حتكملوا عادي، ماشي؟ عادي جدا، كأن مافيش حاجة حصلت
انسوا بقى الموضوع ده واسقطوه خالص من مخكم
ما تقعدوش بقى تجيلكم ماستربيشن في الرؤية، لا تجيلكم حالة انكار، ولا تجيلكم حالة احباط، عاااادي، تكملوا شغلكم عادي، هو كان نافعكوا بايه؟ اذا كان على تويتاته حيفضل يكتبها ويعمل حوارات ما قالش انه حيبطل يتوت 
---------------
عايزين نتفاعل مع البديل ونقول لهم الحاجات الحلوة اللي عملوها عشان يتشجعوا، ولو فيه ملاحظات برضه قولوا لهم، اقصد يعني مش تقروا وتفرحوا وخلاص، ابعتوا لهم وشجعوهم وكده، هم كمان بيغزلوا برجل حمار وهدفهم انهم يعملوا شغلهم، انا عجبني قوي الموضوع بتاع البدون، ودي مشكلة حتى في الكويت، وفي دول عربية كتير، بس عندنا مش بيتكلموا فيها، والموضوع اللي بديل عامله حلو قوي

8 comments:

MN said...

I dnt get ppl like you who are attacking El Baradie liek that. The man never claimed to be any thing more than a symbol and instigator, he clearly said its all about the youth and the ppl and he wont fight our battle instead of us. Instead of picking on ppl whom at least showed a positive position and did give a good push to change demands, can we just focus on what is important here. Change it the cause for our generation, not the older generations. This is the clear fact, its up to the late 1970's and all the way to the 1990's generations to reach out for that dream. ANy help we get from older ones is good but we have to be clear on whose battle this one is.

utopia said...

الكلاب تعوىىىىىىىى والقافلة تسيييير
هههههههههههههههه
عارفة مشكلة الشعب المصرى ان المثقفين ما بيفهموش وماعندهمش غير كلام وبس تحس انهم عندهم فراغ وبيحاولوا يملوه
والغلابة فى مصر هما اللى فاقسين كل حاجة

مبروك لصحفيين الدستور وابراهيم عيسى
وربنا معاهم-بس حد يقول للبرادعى يرحمناويرحل لانى والله بقيت اعزه نفس معزتى وياريت ياخد فى ايده المعارضة والاخوان و6 ابريل
للنظام المصرى

utopia said...

غلطة مطبعية
انا بقيت اعز البرادعى نفس معزتى للحكومة والنظام المصرى

hala said...

انتوا ما بدكم مبارك ولا ابنه ولا البرادعي ولا ايمن نور ولا الاخوان المسلمين ولا السيد البدوي
انا شايفه ما دام انتوا عملتوا اعتصامات والناس سمعتكم ليش ما ترشحوا واحد من معارفكم تكونواتعرفوه وعاجبكم وتنتخبوه لرئاسة الجمهوريه
ولا ما عندكم بديل ؟؟؟؟؟
البرادعي رشح نفسه لرئاسة الجمهوريه ...شو الغلط ؟؟؟متهيألي انه هذا حقه كمواطن اما اذا كان مش كويس ....بسيطه الحل هو ....لالالالالالالالالالالالالا تنتخبوه

ابراهيم عيسي=طه حسين الجديد said...

الست اللي كاتبه بالانجليزي با مرسي بتقول كلام زي الفل وكلامها يمس القلب والله بجد فعلا محدش هيحارب بدلنا في معاركنا والصراحه الناس الكبيره فعلا بتستعبط وسايقه الهبل يبقي مفيش الا احنا وفعلا علي كلامها البرادعي لم يكن يريد الا ان يكون رمز
محامي يا جدعان يعني انا لو محامي وجاتلي واحد تقولي انا عاوزه اتطلق من جوزي عشان بيضربني مينفعش تسالني وتقولي هو انت بتضرب مراتك ولا تقول لا ده محامي تخين لا محامي طويل
لالالالالالالالا
محاااااااامي وخلااااااااااااااص افهمو

ابراهيم عيسي=طه حسين الجديد said...

نواره انا الناس بتاعه الدستور دي بحبهم بحبهم بحبهم مش معقول يا جدعان كل يوم اشوف ناس محسساني قد ايه انا ساذج وقد ايه انا وحش ربنا معاهم يا رب يااااااه وعمرو بدر ده عظيم ومحترم وهادي ربنا يكتبلو اللي بيعملو ده في ميزان حسناته
حد واقف يناضل ويتعب مش عشانه لا عشاني انا يا كريم يا رب
سلاامات يا عيسي
والف شكر عشان زين ما علمت وزين ما طلعت
بني ادمين فوق العاده بتوع زمان اللي بنسمع عن بطولاتهم في الحكايات لقيناهم وسطنا ابطال مصريين ربنا يخليك لينا يا عيسي انت وصحابك

ابراهيم عيسي=طه حسين الجديد said...

هو الناس مبتكتبش ليه في الدستور؟؟
اسامه غريب وعمر طاهر

عباس ابن فرناس said...

موضوع البردعى مش سهل زى ما انتى فاكره يا نواره معا انه كان حلم خربان حبتين بس برضو ده حتى الواحد لو لابس كتش وتخرم منه هيذعل عليه وخصوصا لو كان محلتوش غيره
بحد مش هذار الاحلام مش سهلة علشان كل ما الواحد يحلم حلم يتبخر كدا بسهوله الاحلام مش سهله يا جدعان مع ان الواحد كل اللى بيعمله انه بيحلم واول ما الحلم يتولد كل اللى بيعمله برضو انه يفضل يلاعب فيه وينغشو وفى الاخر الحلم يبص له بصه مش ولا بد ويروح تافف على وشى ويروح ميت