Monday, 1 November 2010

باطل باطل باطل

رحت النقابة متأخر، والدنيا كانت زحمة طلع ترابانتيني في الطريق، كلمت عبد المنعم لقيته بيقول لي احنا طلع تلاتينا يا نوارة لما تيجي لما تيجي
دخلت النقابة لقيتهم مجتمعين والاستاذ جمال فهمي بيتكلم وبيهديهم وبيقول لهم انه معاهم، والبنات بتعيط والشباب باصين في الارض وحاطين روسهم بين كفوفهم، بعد كده اتكلم الاستاذ  صلاح عبد المقصود وقالهم انا متفهم حالتكم ومش زعلان منكم، الظاهر شتموا مجلس النقابة كمان هههههههههه
وبعدين الاستاذ ياسر رزق ابتدى يتكلم معاهم في مطالب اللي حيستمروا في الاعتصام
ايه اللي حصل يا شباب؟
اللي حصل ان زي ما اتفقوا امبارح حضروا ورقة عشان يضمنوا تفعيل السبع شروط للناس اللي حتروح، لان مافيش حاجة تضمن ان العيال يبقوا في امان لما المولد ينفض ويبقوا تحت ايد ادوارد
قام جه رضا ادوارد ودخل مع مكرم وما رضيوش يدخلوا جمال فهمي وياسر رزق وراحوا ماضيين على طول وطلعوا
المهم كده التسوية بقت نهائية خصوصا فيما يخص غير المعينين، لازم غير المعينين يروحوا، وغير المعينين النهاردة قعدوا يعيطوا، والوليد اسماعيل كان في حالة انهيار تقريبا، ولما كلمته في ضرورة انه يروح عشان يحصل على التعيين سابني من غير ما يرد عليا وهو بيعيط ومشي، ومنى سليم قالت لي: حاسة اني في الكوشة مع العريس اللي طول عمري باحبه، وفجأة النور قطع وبدلوا لي العريس بواحد باكرهه والناس كلها عايزة تكمل الدي جيه والبوفيه وتكتب الكتاب وانا اخر واحدة بيفكروا فيها وقعدت تعيط
طب انا ايه وجع القلب ده؟ وقاعدين يقولوا لي كلميهم عشان يروحوا.. طب انا ما اقدرش بقى.. ده وجع قلب شديد عليا
بالنسبة للمعينين كلهم حيرفضوا الرجوع وحيكملوا اعتصام لحد ما النقابة تجيب لهم التسوية
العيال لما لقوا الاتفاق اتمضى بدون مناقشة الورقة اللي مقدمينها ومن غير حضور جمال وياسر قعدوا يهتفوا باطل باطل قام النقيب عمل لهم فلفل شطة ورقص لهم ههههههههههه اه والله، وبعدين عمل لهم على دقنه حركة استنوا عليا دي وقال لهم ابقوا شوفوا مين اللي حيجيب لكم حقكم
بس اتكلم في العاشرة مساء وضحكني وصعب عليا والله، قال مش معقولة كده فيه لياقة يعني  دول امبارح بالليل قعدوا يقولوا لي انت احسن نقيب ههههههه يا عيني..
طب هم عملوا لك ايه مش لائق يا سيادة النقيب؟ قالوا باطل وخلاص، تقوم تعمل لهم فلفل شطة وترقص لهم؟ وكمان انت اللي زعلان؟ 
كاميرا العاشرة مساء هي الكاميرا الوحيدة اللي صورته وهو بيعمل فلفل شطة، بس ما اذاعتهاش طبعا
عادي في المعادي.. لا وايه؟ وبعد ما جابوا سيد البدوي يكدب ساعتين قبل كده، الليلة يا عمدة جايبين منير فخدة عبنور.. بس الظاهر التزنيق عليهم جامد، لان منى الشاذلي جات لها حالة تهتهة خرافية وهي بتقدم منير فخدة عبنور وقعدت تبص في السقف عشان تلاقي الكلام اللي ما يزعلش حد
سمعت ان منعم اتكلم في تسعين دقيقة، بس مش عارفة قال ايه
قعدت ازعق لهم ان ولا موبايل صور النقيب وهو بيعمل فلفل شطة قالوا لي هو حد كان متوقع انه يعمل كده؟ 
انا مش صعبان عليا غير المصور، العيال قالوا له مش حتتذاع، قالهم على رقبتي، حتتذاع يعني حتتذاع.. يا حبيبي يابني
المهم الخلاصة يعني، ان فيه عيال غير معينين وبرضه مش قادرين يروحوا.. اففففففففف مش عارفة اعمل ايه؟ بصراحة مش قادرة انا عن نفسي احاول اقنعهم بحاجة زي دي خصوصا وهم عمالين يعيطوا بنات وولاد.. بس برضه قدامهم فرصة يتعينوا، مش عارفة
يارب ابراهيم يطلع الورقي بسرعة ويلم عياله اللي اتبعتروا دول
الله يخرب بيتك يا سيد يا بدوي
الله يخرب بيتك.. الله يخرب بيتك انت ورضا ادوارد
ايه ده؟ ايه اللي عملوه ده؟ لو ابطط العش واكسر القش يبقى منظر جميل يا اصدقائي الصغار ويفهم الزغاليل اني فيل جبار فيبطلوا التهليل والرقص والمزمار.. اتبطط يا عش.. اتكسر يا قش
حسبي الله ونعم الوكيل فيهم.. حسبي الله ونعم الوكيل... تسوى كام دموع العيال النهاردة؟ تسوى كام قهرتهم دي؟ انتوا شايفينهم معتصمين، مش شايفين ابوهم وامهم بيقولوا لهم ايه في البيت، ولا الناس بتقطمهم ازاي؟ ولا كسرة نفسهم لما يفكروا انهم حيرجعوا ياخدوا مصروف من اهاليهم، ولا حتى اللي ما عندوش اهل ياخد منهم مصروف، وفي نفس الوقت مش قادر يا نفيسة مش قادر، ده منى سليم النهاردة قالت: احنا صحفيين شاطرين، ليه يتعمل فينا كده؟
يادي الغلب ياربي
حسبي الله ونعم الوكيل.. حسبي الله ونعم الوكيل، انا نفسي افهم ايه ده؟ ايه اللي زفت الطين عمله ده؟ يخرب بيت ايديه اللي اتنجست بدم الابرياء على بيت حزب الوفد على بيت الوحدة الوطنية اللي وحدت البدوي وادوارد على كسر قلب العيال دي
-------------
تعليقا على تهديدات القاعدة لينا.. انتوا مال ابوكم بينا؟ احنا ناقصينكم؟ ما تغوروا بقى في داهية تشوفوا البلاوي اللي بتعملوها في الدنيا ايه وتسيبونا في حالنا

13 comments:

Freedom said...

الي الجميع ..الواجب الحقيقي الان هو البحث بشكل عملي جاد عن كيفية اعادة اصدار صحيفة حرة ودعم الابطال الرافضين للخضوع ..انتم لا تتصورا اهمية هذا الموقف لمستقبل مصر ..ربما سيذكر التاريخ ان هذا الموقف كان نهاية عصر كريه شوه شعب وحضارة مصر ..لذلك اهم شئ الان هو دعم صمود هولاء بشكل عملي حقيقي ..اي المطلوب اقتراحات عملية نساه...م فيها بجد بجد بجد بجد لدعمهم والتحضير لاعلامنا الشعبي الحقيقي.

Freedom said...

الي الجميع ..الواجب الحقيقي الان هو البحث بشكل عملي جاد عن كيفية اعادة اصدار صحيفة حرة ودعم الابطال الرافضين للخضوع ..انتم لا تتصورا اهمية هذا الموقف لمستقبل مصر ..ربما سيذكر التاريخ ان هذا الموقف كان نهاية عصر كريه شوه شعب وحضارة مصر ..لذلك اهم شئ الان هو دعم صمود هولاء بشكل عملي حقيقي ..اي المطلوب اقتراحات عملية نساه...م فيها بجد بجد بجد بجد لدعمهم والتحضير لاعلامنا الشعبي الحقيقي.

ابراهيم عيسي=طه حسين الجديد said...

عتااااااااااااب عشان الهاموش علي حد تعبيرك
ممكن بليز لو بيشتمو ويقلو ادبهم انتي اعملي ديكتاتوره ومتطلعيش قله الادب دي يا نواره
غلط انتي غلطاااااااااااانه جدا
والحقير اللي بيعمل هبل في الجبل ونازل شتيمه ده اهبل بدرجه ممتاز
.........وبعدين فعلا جات لقطه للنقيب وهو بيعمل للصحفيين هوريكو ومني فعلا تهتهت كتييير قوي
ويا رب ابراهيم عيسي يخلص بسرعه

khaled said...

بحق ربنا يانوراة دى نصيحة قد تكون صح أو غلط وفى كلا الحالتين يمكن لو فكرتى فيها تطلعى بفايدة
من واحد بيتابع مدونتك من أكثر من سنتين
أنتى يانوراة كل المعارك اللى بتحاربى فيهاأما معارك تفاهة وخيبة وتاخد
أكثر من حقها ومن وقتها
أو قضايا مهمة تتسلى شوية بيها وبعدين ترميها ورا ضهرك مع أول فورة حماس
عمرك ما حاولتى يبقى لكى قضية ثابتة
حتى ولو بسيطة تتبنيها وتعيشى علشانها علشان كده دايما بتقولى على نفسك نكدية وبتعيطى
رغم أعجابى بعقلك وبثقافتك وطريقة تفكيرك ولكن أنا شايف ده عيب خطير فيكى

أبوعمر said...

كالعادة دايما

هيصة ودوشة وزيطة وهجايص

وفى الأخر

هى بقت كده ؟ بقت كده؟

أنا منهارة...أنا باعيط

أنا
.
.
.
فسسسسسسسسسسسسسسسسسسسسس

koko wawa said...

انا عاوز اعيط والله العظيم
معقوله فيه كده ايه القذاره دي

أبويوسف said...

المعتصمين فى النقابة ربنا يبارك فيهم و يثبتهم و اقسم بالله ( ان شاء الله غير حانث ) انى لو موجود فى مصر ما تركت اعتصامهم ثانية .
اما اللى راحوا فهم لا يستحقوا الاشادة و لا يستحقوا الذم لانهم عملوا العادى فى زماننا و هم القاعدة اللى بتثبت عظمة موقف المعتصمين .
انا فخور بالمعتصمين المثبتيت ولكن فخور الف مرة بالصحفى المؤقت المعتصم لان دول الورد اللى فتح فى جناين مصر .

mUsLiM said...

الحقيقة مش فاهم حاجه

يعنى دلوقتى الناس اللى قبلت بالاتفاق رجعت ولا لسه ولا ايه

كان المعتصمين 150 تقريباً

دلوقتى بقوا 39

طيب الباقي راح فين ؟

رجع عمله ولا معتصم

ولا يكون بدوي وإدوارد عملولهم عمل واختفوا ولا ايه الوضع

ربنا يفك كرب كل مكروب ان شاء الله

وربنا يعين صحفيي الدستور جميعا

يعنى فعلا قطع الأرزاق ولا قطع الأعناق

لكن على كل حال مفيش حد بيقطع رزق حد، ربنا هو الرزاق الكريم

الله المستعان

السلام عليكم

hala said...

انا كنت متوقعه هذه النهايه منذ بداية الازمه بس كنت اكدب نفسي اما شفت الحماس اللي كنتوا فيه
انا شايفه انه هذه نهايه طبيعيه لناس تتعامل مع نظام ما بهمه الا الفلوس والسلطه والعنجهيه ...انا اقصد بالناس همه اللي اشتروا الدستور واخرسوا صوتها >...طب شو رح يعملوا الصحافيين اللي بيعيطوا ؟؟؟؟؟
انا شايفه انه بعد عملتهم الاعتصاميه مش رح يلاقوا حد يشغلهم
الله يكون في عونهم

hala said...

بالنسبه لتهديدات القاعده انا مش مصدقه ....لانه جميع الاحزاب المعارضه وجماعات الاخوان المسلمين موجودين تحت مجهر الحكومات يعني اي حركه منهم ستعرفها الحكومات بكل وضوح
يعني باختصار العالم اللي فوق بدها تخلي العالم الغفلان اللي تحت يكرهوا تنظيم القاعده ...ويزقوا بظهرهم كل ......الخراب في العالم
انا مع رأي ابراهيم عيسى .....

جمهورية فوضى said...

طيب مفيش أى سيناريوا بديل الصحفيين بيفكروا فيه غير البقاء فى الاعتصام

مش ممكن الدستور تصدر من جديد بعيدا عن دستور بدوى ؟؟

سواح في ملك الله- said...

اوقات بحس ان انتي هبله متنفعيش صحفيه ولا بشكاتب حتي في محكمه لما تبصي للموضوع صح بصرف النظر مين تمسك ومين تنازل هتعرفي ان النتيجه اللي وصلتولها دي هي المطلوبه وقد تحققت وتساوت الروس اللي مانع وناضل زي اللي معملش حاجه ومطالب تسعه ايه وسبعه ايه المطلوب في النهايه اسكات كيان وهو الدستور الاصلي اللي عامللهم صداع واللي كان منجحه المجموعه كلها علي بعض وقدتحقق ثانيا قاعده ايه وواقفه ايه هي القصه ان امريكاواسرائيل محتاجه شويه حاجات تتنفذ فبيطلعوا الفانوس السحري اللي احتلوا بحجته العراق وافغانستان فالقاعده هي البيضه اللي بتبيضلهم دهب

mohamad said...

نحن حبات البذار
نحن لا ننمو جميعاً

عندما يأتي الربيع
بعضنا يهلك في هول الصقيع،
وتدوس البعض منا الأحذيه،
ويموت البعض منا فى ظلام الأقبيه
غير أنا كلنا..لسنا نموت
أبداً..لسنا نموت

نجيب سرور