Saturday 6 September 2008

الشك ح يقتلني

جمال مبارك: ثلث فقراء مصر يتركزون في ألف قرية معظمها بالصعيد وحل مشاكلهم لن يتم بين يوم وليلة

الإخوان قالوا إن زيارته لمحافظة الشرقية لا علاقة لها بحملة الاعتقالات ضد عناصرها

القاهرة: عبد الستار حتيتة
متناولاً طعام الإفطار مع عشرات الفقراء (اني احفظ نكتة اني احفظ نكتة: مرة مدرس مصري قال لتلاميذ سعوديين اكتب موضوع تعبير عن اسرة فقيرة فواحد من التلاميذ كتب: كان هناك اسرة فقيرة، كلهم فقراء الاب فقير والام فقيرة والاولاد فقراء والسائق فقير والمربية الفلبينية فقيرة والخادمة الهندية فقيرة والسكرتير المصري فقير كل الاسرة فقراء..اكيد هي دي الاسرة الفقيرة اللي كانت بتفطر مع جمال مبارك) في واحدة من أكثر محافظات مصر التي تعتبر معقلا لجماعة الإخوان المسلمين، التيار الرئيسي المعارض في مصر، وهي محافظة الشرقية بالدلتا، أكد جمال مبارك، نجل الرئيس المصري حسني مبارك، والأمين العام المساعد للحزب الوطني الديمقراطي الحاكم، أمين السياسات، على استمرار برنامج «الاستهداف الجغرافي للفقر» (استهداف جغرافي ازاي؟ ح يرشوا المناطق دي بايروسول؟) الذي يطمح من ورائه للقضاء على تدني مستوى المعيشة وغياب الخدمات في ألف قرية مصرية (هي مصر فيها كام قرية والنبي؟ الف قرية؟ الف؟ طيب ومين اللي عملهم فقرا؟ ابويا؟).

وفيما ربطت وسائل إعلام مصرية محلية بين الزيارة وحملة اعتقالات طالت جماعة الإخوان، قال النائب الإخواني فريد إسماعيل عن محافظة الشرقية، لـ«الشرق الأوسط» إنه «لا علاقة بين زيارة جمال مبارك للمحافظة وحملة الاعتقالات ضد عناصر الجماعة» (طبعا لانه بزيارة او من غير زيارة هم بيقبضوا عليهم كده محبة، على فكرة انا ح ابتدي اصدق انهم سبعة مليون زي ما بيقولوا..عمالين يقبضوا عليهم وكل ما نقول خلصوا يقبضوا عليهم تاني). وفي لقاء بقرية «العصايد» بمركز «ديرب نجم» في محافظة الشرقية، حضره الليلة قبل الماضية مواطنون بالقرية ونواب عن الأغلبية البرلمانية بالمحافظة، إضافة لوزراء بالحكومة، شدد جمال مبارك على أنه لا تردد في تنفيذ الحزب الحاكم لبرامج الإصلاح الاقتصادي ومواصلة التركيز على السياسات التي يسير عليها ويتبناها الحزب (ده تهديد وللا وعيد؟)، وبخاصة البرامج التي وردت في برنامج الرئيس مبارك في انتخابات الرئاسة عام 2005، من تطوير للتعليم والخدمات الصحية والطرق ومياه الشرب والصرف الصحي وغيرها (ماهو واضح، الا قولوا لي هو انتوا كمان المية عندكوا ضعيفة، اصل احنا المفروض اننا في حتة محترمة والمية بقت ضعيفة قوي، هي دي الخطة؟). وأكد مبارك الابن (نعم؟ ايه؟ مبارك الابن؟ هي بقت كده؟ وما كتبوش سموه بالمرة ليه؟) على سعي الحزب الحاكم لتحقيق العدالة الاجتماعية للأسر الأولى بالرعاية، من خلال التوجه إلى مناطق جغرافية بعينها تعد أشد احتياجا وفقرا وفى إطار تطبيقه وتنفيذ مشروع تطوير الألف قرية الأولى بالرعاية (ههههههه، ههههههه، هههههه، لا بجد ده وقت هزار يعني؟ ح يطوروها ازاي بقى؟ ح يجيبوا لهم كمبيوترات طبعا من عند نظيف باشا)، مشيراً إلى أن الإحصائيات تؤكد أن ثلث عدد الفقراء على مستوى الجمهورية يتركز في الألف قرية التي تم تحديدها ويقع أغلبها في محافظات الوجه القبلي (الصعيد)، خاصة في محافظات المنيا وأسيوط وسوهاج، قائلاً إن نسبة الفقر بهذه القرى يتراوح ما بين35 و80 في المائة (35...80؟ والخطة ح تتنفذ في خلال ست شهور عشر سنين كده، طب نسبة الفقر في مصر كلها كام؟).

وبعد استماعه لمطالب مواطنين من قرية «العصايد» والتي تركزت أغلبها حول الدعم والخدمات والإقراض والإسكان (انا احب البني ادم اللي يسمع...اسمعععععع علك تستفيد)، أشار جمال مبارك إلى أن المواطنين لا يطلبون إلا حقوقا لهم، وأنه من واجب الحزب الوطني والحكومة العمل على تلبية هذه الحقوق، والوفاء بها، (ازاي يعني؟ بانكوا تاخدوا ضرايبنا وترجعوها لنا على شكل شنط رمضان؟) مع الأخذ في الاعتبار أنه لا يمكن إيجاد حل لكافة المشاكل في يوم وليلة (يوم وليلة؟ سبعة وعشرين سنة بقوا يوم وليلة؟ ده الصبر اشتكى منا)، لكن أضاف «أصبح هناك ثقة في الإنجاز الذي يتم يوما بعد يوم على أرض الواقع بمصر» (ايوة...ياريت تقول لي ايه الانجازات غير اعلانات الضرايب مشفختك اولا؟).

وينظر منتقدون مصريون لزيارات مبارك الابن لعدة محافظات أخيراً باعتبارها خطوات تعزز ما يتردد عن سعيه لخلافة والده في الحكم (اني احفظ نكتة اني احفظ نكتة: مرة واحد لقى واحد صاحبه قاعد على القهوة عمال يضرب كف على كف قال له مالك يا محمدين قال له: النهاردة الصبح دخلت على مراتي لقيت عندها صاحب عمري وهم الاتنين في السرير ومن غير هدوم، قال له: طب وعملت ايه يا محمدين؟ قال له محمدين: الشك ح يقتلني، ده بخصوص المزاعم اللي بتتردد وكده يعني)، رغم أن الرئيس مبارك ونجله نفيا في أوقات سابقة عدة مرات نيتهما لهذا الأمر، كما أعلن الحزب الحاكم مرات عدة أن الدستور هو من يحدد انتقال السلطة عبر انتخابات بين متنافسين في انتخابات عامة. وتنتهي فترة ولاية الرئيس مبارك في عام 2011، ويحق له الترشح مرات أخرى لموقع الرئيس، وفقاً للدستور (لا ح يترشح ان شاء الله مرات ومرات، الله يا سلام بقى لو المنافسة الانتخابية تبقى ما بينه وبين ابنه، حفل عائلي بهيج كده على القد). وبحسب نواب معارضين بمحافظة الشرقية، فإن أياً منهم لم يُدع للقاء جمال مبارك، وقال النائب عن المحافظة في البرلمان المصري، الدكتور فريد إسماعيل، من الكتلة النيابية لجماعة الإخوان المسلمين:«لا تتم دعوة نواب الإخوان والمعارضة لهذه اللقاءات»، مستبعداً وجود أي علاقة (ايوة ماهو بيفطر مع الفقراء بقى يووووو انتوا دايما كده الشك ح يقتلكوا؟)، بين زيارة مبارك الابن وحملة اعتقالات طالت أعضاء وكوادر بالجماعة، كما تردد في بعض وسائل محلية. وقال إسماعيل إن «الاعتقالات (بحق الإخوان) مستمرة سواء قبل الزيارة أو بعدها (ايوة والله ما انا قلت كده قبل ما اقرا الكلمتين دولم)، وليست مرتبطة بحدث بعينه.. التضييق الأمني مستمر بشكل عام بسبب الثقل الإخواني بالمحافظة» (هههههه هم الاخوان شراقوة؟ اممممم ماهو باين والله...لا مؤاخذة نو اوفنس ما انا شرقاوية برضه).

وبحسب مصادر جماعة الإخوان المسلمين فقد تم اعتقال أربعة من إخوان مركز «فاقوس» بمحافظة الشرقية فجر يوم أول من أمس الخميس (ايه ده؟ مش واحد وعشرين زي كل مرة ليه؟ وللا هم خلصوا مش فاضل غير الاربعة دول؟ طب دوروا كده يا حكومة ناسيين واحد في الحمام وللا واقع بين الكنبة والستارة). وقالت مصادر أمنية إن السبب يرجع لمحاولة أولئك المواطنين (الإخوان) فتح مصلى للسيدات عنوة في مسجد النور هناك (هههههههههههه هم يضحك وهم يفطس من الضحك وهم يكركع كمان، يعني ايه فتح مصلى سيدات عنوة في مسجد؟ ماهو مسجد، ح يتفتح مسجد عنوة في المسجد، امال الناس بتعمل ايه في المسجد غير انها بتصلي؟ ثم ان ما حدش ح يصلي عنوة في مسجد لانه مسجد وهو اكيد داخل وعارف انه مسجد و..ايه ده؟ وانا اللي باقول اني مهيسة؟ ده ست العاقلين والله)، وإن الأربعة هم السيد منصور (طبيب أطفال) وأشرف سمير (صاحب معمل تحاليل)، ومحمد منصور وعبد الناصر عبد الحميد (يعملان بالتعليم).

---------

والان بقى، كده ثبتت الرؤيا...من امتى حبيب اخواته بيتكلم عن الفقرا؟ لا وشوفوا التواضع بيفطر معاهم كمان، يبقى اللي انا ومفقوع وابي حاطين ايدنا على قلبنا ليحصل ح يحصل بقى بجد، الفترة دي تلميع للمنقذ المخلص

ونحن الان في انتظار المخلص...على الله يتصلب

No comments: