Saturday 9 October 2010

مش حنسكت

الصحفيين اللي عندهم ظروف وما يقدروش يقعدوا في الشارع كده من غير شغل ماحدش يملك انه يزايد عليهم
والصحفيين اللي برغم ظروفهم مصممين يصمدوا، ما حدش يملك غير انه ينحني لهم اكبارا واحتراما لانهم بيعملوا حاجة نادرة مش كل الناس تقدر عليها
وامثالنا من المتضامنين مش مفروض يسيبوا الموضوع يبرد ولا يهدا لان الناس في احتياج لينا ولهم حق علينا، زي ما خدمونا في الدستور برئاسة ابراهيم عيسى، وصبروا على المرتبات القليلة عشان مخلصين للمهنة، لهم حق علينا
الصحفي اللي راح، راح وهو نفسه مكسورة
والصحفي اللي فضل صامد، صمد وهو ظرفه صعب
يعني سيد البدوي بيكسر مناخيرنا كلنا، وامبارح يقول لهم مش حاقدر ارجع  ابراهيم عيسى عشان شتم ادوارد بالفاظ نابية، يعني كل واحد معاه فلوس، لما يتغاظ من حد يرفته من شغله ويخرب بيته ويهدم كيان هو اسسه عشان خناقة، يعني انا على التويتر بدل ما اعمل بلوك، لو معايا فلوس اروح اشتري الشركات اللي بيشتغل فيها الناس اللي انا عاملة لهم بلوك وارفتهم مش اشغالهم واخرب بيوتهم، كده يعني، اصله يا عيني عصبي بس قلبه ابيض، وعشان معاه فلوس فعصبيته وحشة شوية، فيها رفت وخراب بيوت
دي بلد انت تحب تعيش فيها؟ تحب انت لما تتخانق مع واحد تلاقي نفسك بيتك مخروب عشان قلت له امين امك؟ 
انا عارفة ان مش ده السبب، وعارفة ان السبب صفقة لانتخابات مجلس الشعب والدليل ان سيد البدوي امبارح قال لصحفيين الدستور: انا مش داخل انتخابات الرئاسة!!!!!! الرئاسة؟ يعني انتخابات الشعب محسوم انه داخلها
دلوقت اللي سيد البدوي بيحاول يعمله انه ينقذ سمعته، محاولة يائسة طبعا، بس حتنجح لو سكتنا عنه، ده ما يتسكتش عنه ولا يتساب يوم واحد من غير ما يتفضح، صحيح احنا مش معانا فلوس نشتري بيها شركاته ونرفته زي ما هو بيعمل، بس معانا لسان ونفضحه ونبينه على حقيقته، اذا ما كانش عشان رفت رئيس تحرير كل جريمته انه ما كانش بيحط سقف للصحفيين اللي بيشتغلوا معاه، يبقى عشان الصحفيين اللي خدمونا في الدستور لسنين بمرتبات زهيدة، ودلوقت هم في الشارع، واذا ما كانش عشانهم، يبقى عشان كسرة نفس الصحفيين اللي قبلوا يشتغلوا معاه لان اكل العيش مر، وكاسر مناخيرهم عشان هم مفلسين وهو معاه فلوس
وعايزة بانرات اكتر
بانر ليه وهو بياكل الدستور وبقه بينقط دم
بانر ليه وهو بيدوس الصحافة بالبلدوزر
عايزين شوية صور تعبيرية كده
ووزعوا ده كله في كل حتة

14 comments:

abdul hamid said...

بكرهه جدا - شككنى فى كل الناس

باحث عن حب said...

حمرا
يا سيد يا بدوى
حمرلا
حمرا حمرا
حسبنا الله ونعم الوكيل
الموضوع مطبوخ
من زماااااااااااااان

الميكروباص said...

يا أستاذه الله يرضى عليكي اسمعيني لكن بدون نرفزه
داخل أي مكان في مصر من حق صاحب العمل او مالك المكان انه يفعل أي شيء بأي احد يعمل داخل المكان الذي يملكه، ياما ناس عملوا الاماكن اللي كانوا داخلها سواء كان مصنع أو شركه أو مؤسسه صحفيه وكان مصيرهم في النهايه من صاحب المكان هو رفدهم وإبعادهم
ثانيا: أنيس منصور قال بالأمس أنك مخطيء لو اعتقدت ان الدنيا سوف تقف على أحد، وجريدة الدستور ليست ابراهسم عيسى بقدر ما هي الصحفيين الموجودين داخلها، يعني انتي الآن بتعملي حمله ضد رئيس الشركه بتاعتك- ولا تنسى انك جزء من هذه الشركه- وهناك من الناس ممن يشتري الجريده لكي يقرأ ما تكتبيه انتي وغيرك من الصحفيين، إذن رئيس التحرير كان سيمشي في يوم من الايام ويترك الجريده، فماذا كنتي ستفعلي؟ بالتأكيد كنتي ستبقي داخل جريدتك وتكتبي انتي ومن معك كعادتكم
وأيا كانت طريقه خروج ابراهيم عيسى من الجريده فهو بشر، وكان سخرج في يوم ما طالما أنه ليس المالك للجريده، إذا كان ابراهيم نافع خرج من الاهرام وغيره سيخرج وغيرهوغيره، فما حدث شيء عادي فلا داعي من تضخيم الأمر

الميكروباص said...

ثالثا: أعلمي ان الدنيا مصالح،ولا يوجد على الأرض أنبياء، كل واحد يمشي وراء مصالحه، والبدوي مصلحته في ابعاد عيسى أيا كانت له اسبابه، وكفى الحديثعن نظرية مؤامرة الحكومه على عيسى وغيره، فعيسى كان يكتب ويشتم مبارك بشكل مباشر وتركه، ومصالح الكبار في مصر متشابكه وكلهم داخلين في بعض وعندهم استعداد ان يفعلوا أي شيء في سبيل أن تسير هذه المصلحه ولا تتوقف،
ومصر ما هي إلا كعكه كبيره يتصارع عليها الجميع، فتأخذ الحكومه جزء والمعارضين والصحفيين الكبار ومذيعي الفضائيات جزء آخر، وباقي الناس لهم الله هو من يتولاهم

Unknown said...

Ya Nawara, I know its difficult, I know there are those who need the salaries, as I said before, many like me will be willing to pay as little and as much as they cld to make sure those who wanted this paper to close down and change wont get what they wanted. The other point is that, you guys and all of us readers need to keep the pressure on. We are not thinking of what makes them so aggressive in their attacks these days. There is only one meaning that you guys managed to wake up a good % of the sleeping citizens and that is a nightmare to them. KEEP THE PRESSURE ON AND REFUSE TO HAVE ANY OTHER PERSON HEADING THIS PAPER. This battle isnt about the newspaper its about 2 fronts the change front and the in power front and we need to make sure we will come out winning one way or the other.

المهدى said...

مش ممكن يا نوارة تكونى مصدقة حكاية الصفقة الإنتخابية دى ومش ممكن تكونى لسة فاكرة إن فيه معارض ( وخاصة لما يكون رجل أعمال ) لديه كيان أو كرامة أمام أسياده اللى بيوزعوا عليه نصيبه من البزنس وكمان من الشهرة والسياسة .. مش ممكن يعنى ده انت قديمة فى البلد دى سيبى الكلام ده لصغار الطافرين
الموضوع أكبر كتير من البدوى ورضا والوفد والبرلمان

محمد نور الدين said...

نوارة الانتصار
فراشة واحدة لا تصنع الربيع

أبوبشر said...

abobishr
ياريت يا نورا ةكمان تكلمي عمي احمد يستقيل من حزب الوفد احتجاجا على سلوك سيد بدوي ....ده هيكون مفيد في الضغط

كلاكيت تانى وتانى said...

رضا أدوارد يقول أن جريدتى الدستور بالشكل الذى ظهرت عليه خلال اليومين السابقين ممتازين جدا وأفضل من الدستور السابق وأن عيسى سليط اللسان ولن يعود أبدا للدستور ..
اأيها المختل ...... !!ا
الصفحه الثانيه من عدد اليوم تكرر فيه خبر عن سرقة اقراص مخدره مرتين بلونين مختلفين. اعلى الصفحه وأسفلها
جميع المقالات بها مشاكل فى تجميع الخبر الصحفى والتتالى فى تقديم المعلومات بعض المقالات قديمه جدا ولا تهم القراء..
لا يوجد خبر صحفى تشعر معه بأنك تقرأ الدستور الممتع الذى يمثل لمعظم شعب مصر وجبة ثقافه فساندويتش فول بالبلدى على غيار الريق ...
أيها المدع المنتسب للصحافه قولا لا عملا ولا فعلا ولا تقريرا
أيها الساقط على هرم من الحريه والثقافه والمرجعيه الفكريه لا يمكن أن يطال أسمك أسمه مهما فعلت أو قلت
أيها الباغى الذى دخلت الدار فدمرتها على من فيها
ويما ستقع فوق رأسك دون شك
أذا لم تستح فقل ماشئت !

نحتاج لحمله على العتوه المسمى رضا ادوارد ونحتاج لما اكثر من الغضب والاعتصام والتنديد نحتاج لحمله لتلمس اخطاء الدستور وعيوبها ومناقشة مافيها ومنع الكثيرين من شراءها
نحتاج حمله على الفيس وعلى المدونات ومراسلة جمعيات وصحف اجنبيه لنشر مقالات حول اغتيال الصحافه المصريه
ابراهيم ليس مجرد رجل
انه مسمى لمناضل من النوع الشعبى الذى نحتاج الى وجوده بيننا كى نوقن ان الفجر قريب وان ظلام الليل الدامس يوما ما سيظهر على الملأ


http://www.facebook.com/tklaket1

Shoukry said...

you have to admit that they played it very well with the guy Sayed El Badawi

At the head of El Wafd party - the most legal opposition party that could make any difference (if any) - where the idea of electing El Baradi to presidency originated. Putting El Baradi and his ideas of withdrawing from next parliament elections out of play.

Taking ownership of El Dostor and expelling Ibrahim Issa. I think the devil learnt something today.

Ahmed Mohamed said...

سيد البدوي

البرود البضين هوه انك تشتري جريده وبعدين تطرد صحفيها لمجرد انه مش عاجبك كلامهم

من المنطق يعني اننا نفكر انك مزقوق علي الناس دي

اصل لو كان حبا في الصحافه كنت اتشريت دماغك واتشريت مؤسسه كامله للنشر والاعلان وبدل الجريده يبقي عشره

الا اذا كنت فاكر نفسك مخلص البشريه الثاني

lastcrazyboys said...

الســت "فيـروز " تعـــود إلى المســرح
http://www.youtube.com/watch?v=t580
TqTtYmg

روقي بقى أعصــابك شويــة واسمعي "صبحي الجــيز" يمكن تنسي عيسى..والدستــور

http://www.youtube.com/watch?v=c3wwq94epEs&feature=related

مواطن مصري said...

تمام يا مهدي

يا نوارة اسمعي كلام المهدي


الي بيعملة البدوي و ادوارد لعب عيال

محمود فهمى said...

بما انها وصلت لحمرا يبقى دى لعنة الاهلى اللى هاجمه بعد مارزع الزمالك 3/1 معلش ع التعليق ماتنسيش ان مدونتك اسمها جبهة التهييس وادينا بنهيس