Tuesday 5 October 2010

في حالة نوع من انواع الهبل المعين

ايه ده بقى؟
ايه اللي سيد البدوي قاله ده؟ انا قريت اللي مكتوب في موقع الدستور وقلت العيال دي مفترية وبينتقموا منه، مش ممكن الراجل يقول كده، وبعدين سمعته في العاشرة مساء
ايه ده بقى؟
اصل رفعنا اجورهم، فعملوا اعتصام، اصل اخدنا منهم الضرايب، اصل ابراهيم عيسى اخد خمسة وسبعين الف جنيه، وبعدين بقت واحد وسبعين الف جنيه، فالعيال اعتصموا، اصل هم كانوا بيقطعوا منهم الضرايب، بس ابراهيم عيسى لا، جينا قطعنا من ابراهيم الضرايب، فهم اعترضوا على ان اتقطع منهم الضرايب، فأقلنا ابراهيم عيسى، بس ما كتبناش الاقالة، وانا ما كلمتوش، اصل عينيا دمعت وسافرت اسكندرية، اصل انا كلمته، وقلت له ده بيتك، ما تمشيش، بس انت حتمشي، واحنا مش عارفين  مين حيبقى رئيس تحرير، بس اقعد في البيت واحنا نبعت لك الفلوس، واحنا مش بنتدخل في السياسة التحريرية، بس انا قلت له ابعت لي المقال اقراه وعلى ما نزلت من العربية وفتحت الميل وقريته، كنا منعناه، بس احنا ما منعناهوش، احنا حنزله بكرة
يا نهار اسود ومنيل.. الواد منصور.. ما بيجمعش
ومين رضا ادوارد ده بقى؟ اخد الاجهزة وحطها في شركة الادوية وبيطلع الجرنال لوحده ونزل عليه اسم ابراهيم منصور، وابراهيم منصور قال لهم لو اسمي نزل على الجرنال حارفع عليكم قضية، فقالوا ده ابراهيم عيسى بيقول لو اسمي نزل على الجرنال حارفع عليكم قضية
انا عايزة جملة مفيدة، وبعدين مين بقى الاخ العقيد الاستاذ احد المساهمين بدون ذكر اسماء اللي كل شوية يكلمه ده؟ مرة يكلمه على مقال العوا ومرة يكلمه على مقال البرادعي، وبدون ذكر اسماء ليه؟ ما هو مساهم في الجرنال، اشمعنى اسمك انت اللي يتذكر يعني؟ وبيكلمك ليه لما هو احد المساهمين؟ ما يكلم ابراهيم، مش هو احد المساهمين؟ مين واحد صاحبي انت ما تعرفوش ده؟ ما كلنا عارفين مين العصفورة اللي بينقل الاخبار وعارفينه بالاسم لولا بس ما نحبش نفضح حد.. هو الواد ده بقى اسمه احد المساهمين بدون ذكر اسماء؟
طب بقى سيد البدوي كلم واحد بدون ذكر اسماء راخر وقال له انتوا فاكريني شيطان وانا مش شيطان ده رضا ادوارد هو اللي شيطان
بس هه.. عايز يلبسها للراجل اللي قاعد في شركة الادويا بتاعته يطلع الجرنال لوحده من غير صحفي معاه
وبعدين قال لك: انا بقى استقلت
ايوة ليه يعني؟ استقلت ليه؟ ويعني ايه اقلناه بس ما كتبناش الاقالة؟ ويعني ايه قلنا له ده بيتك اكتب عامودك سلطاتك بابا غنوجك تكيفك تلفزيونك ماتشك واقعد انبسط؟ 
طب يعني ايه؟ مين بقى؟ ده وائل خليل مكلمني يقول لي: طب انا دلوقت خلصت شغل، ومروح لمراتي وحتسألني ايه اللي حصل في موضوع ابراهيم عيسى؟ اقولها ايه بقى؟ اواجهها ازاي؟
ينفع كده يعني؟ الرجالة ما بقوش عارفين يحطوا عينهم في عين مراتاتهم؟
احنا ناقصينكم تنقلوا لنا دماغنا؟ مش كفاية بتوع ستة ابريل اللي احتجاجا على فصل ابراهيم لغوا الوقفة الاحتجاجية؟ هو الواحد في المواقف دي لما يبقى قاعد يقف مش وهو واقف يقعد.. بيهددوا النظام يعني مدام فصلت لنا ابراهيم عيسى ورحمة شنبك ما احنا عاملين لك وقفة احتجاجية من هنا ورايح؟ شوف... ولا حتى اعتصام حنعمله، وورينا بقى حتعمل ايه
هو فيه نوع من انواع الهبل في الحياة ولا انا اللي بقيت حساسة شوية؟
اه.. نسيت حاجة: ابراهيم سعدة؟ 
بببففففففففففففففهاهاهاااااااااااااااااااايييييييييييييييييييييي
حسسسسسبي الله ونعم الوكيييييييييييييييييييييل
خلاص.. نادية الجنسي ما بقتش اكتر حاجة بتسليني في الحياة، مع اني حملت فيلم مسنة في تل ابيب

23 comments:

utopia said...

بالنوسبة للبدوى
وبتوع امن الدولة الظاهر قالولوا خلص نفسك بنفسك

انما والنبى يا شيخة فهمينى ازاى يبقى الاحتجاج بألغاء الوقفات علشان بادور على حد يفهمنى من الصبح اصل فهمى على قدى
ههههههههههههههه
هبل هبل مش اى كلام

ramy1313 said...

هههههههههههههه
هو عايز توهنا وأفتكر انه نجح

أفندينا said...

حمرا يا بلد

مواطن مصري said...

نوارة بالرغم ان البدوي منافق

الجري نص الجدعنة

و غير كدة مش هيحصل حاجة

عبد الله السلفى said...

محدش فاهم حاجة
محدش عارف حاجة
محدش حاسس بحاجة
الدنيا بقة عايمة جدا والكل مش شايف الحقيقة

Anonymous said...

احقاقا للحق اللي لغى الوقفة احتجاجا هما الحملة بتاعة البرادعي مش 6 ابريل. بس مش مشكلة اليومين دول كل وقفة بتتحسب لبتوع 6 ابريل فيتحسبلهم اللاوقفة الاحتجاجية

drkishk said...

حقااااااااااا رجل يستحق الدموع

drkishk said...

انا مصاب باحباط وخيبه امل كيره لما يحدث مع الاستاذ ابراهيم وانا خائف جدا مما يمكن ان يحدث فى الفتره الحرجه القادمه دون ان يرشدنا مثل هذا الرجل

Nicholas Urfe said...

والله يمكن أكون غبي لكن بعتقد دايما الكلمة الصالحة مش بتموت حتى لو كمموا فم صاحبها ،

يعني هيستفيدوا ايه لو اقالوا ابراهيم عيسى؟؟ ما خلاص ..فات الوقت ..كان من الأول !!


واللهي حكومة عبيطة حتى في البلطجة !

لكن يا فرعون من فرعنك ..مالقيتش حد يلمني !

abooood said...

نوارة دعيني انوح على ما جري فلقد كنت من عشاق جريدة الدستو واشهد بان من حببني في هذه الجريدة هوا الاستاذ ابراهيم عيسى وبعده مباشرة انتي يا نوارتنا انا من الصعيد الجواني من اسيوط وكل يوم اركب الدراجة بتاعتي الصبح الساعه 6 عشان اشتري جرنال الدستور ولو مالتوش والقطر اتاخر ارجع البيت حزين وما استسلمش واجري تاني اروح على الساعه 7 وهكذا لحد ما يجي القطر الي فيه الجرايد واجيب جرنال الدستور وابص في الاول اطمن على ان ابراهيم عيسى كاتب مقال اليوم دا ولا مش كاتب وبعدين اجري ابص على مقالك يوم ما بلاقي المقالين بتوعكم بارجع قمة السعادة في البيت ومانساش ان بسببك انتي انا ابتديت اهتم بالسياسه ومضية على بيان التغيير ولم اكتفي بذلك بل اصبحت من شباب الجمعية الوطنية للتغيير وحملة طرق الابواب والوقفات الاحتجاجية الي في اسيوط كل دا بسبب جريدة الدستور

عايز اقول خسارة والف مليون خسارة

Unknown said...

Nawara hun, instead of trying to figure out wt happened and why could you all plz think in a proactive way. Someone wrote about the idea of having a new indi paper, and asking ppl to donate. I will donate if this happens and I know others will. This could be a new start for all those shunned away, Eissa and the rest of you at Dostor, Aswani, Qandeel, Belal Fadl ect.
Why waste time in trying to figure out what we all know. The other side decided its time to show bold face no attempts to cover up as usual, their game is clear and what all of us are doing, trying to figure them out instead of thinking ahead of them. Im sure you guys knw more about your work but the coming few months are important, you cant leave the coming 2 elections uncovered properly and w/o showing the ugliness of our reality to us, normal readers and to the World.
Sorry for the English.

hala said...

اليوم وانا بتفرج عالتلفزيون شفت واحد قال كلام كتييير كتييير
حاولت الملم كلامه واجمعها مع بعض حاولت وحاولت وحاولت
بعدها أخذت مخي وعصرته حتى يبزل منه إشي افهمه بس برضه فشلت
الله يخليكم حد يقول لي شو بده هذا البلوي

hala said...

الاخ مواطب مصري
قال يعني إنت ما كنتش تعرف انه سيد البلوي منافق طب كييييف كنت تشتغل معه كل هالمده بدك تفهمني انك كنت على نياتك

hala said...

هو الاحتجاج اتلغى يااااخساره يعني مش رح اشوفكم في تاتلفزيون
طب ليش مع انه كان رح يكون التقرير التلفوزيوني مسلي وكلامه مترتب ومتزبط

hala said...

يااااا جماعه انا فاهمه كل شيء
الموضوع وما فيه انه كل القصه عشان الرواتب والفلوس والمركز والشهره والضحك على الناس وعشان الناس تنسى مييييين وأ أكدمره اخرى مييييين رئيس الجمهوريه القادم عشان هيك بلاش نبكي لا على هيمه ولا على بلوي

hala said...

الحقوووو الحقوووو الحقوووو
السيد البلوي طالع في برنامج 90 دقيقه
وقل شو بيقول انه صار له عشرين سنه بحارب الفساد
ياعالم انا مصدومه بقاله عشرييين سنه؟؟؟؟؟؟؟؟؟؟ بيحارب الفساد
في الحقيقه كتر الله خيره الراجل مش مقصر وبيشتغل
بس المسكين مش لاقي حد يقدر تعبه طول العشريييين سنه اللي فاتت

hala said...

سؤال الى السيد البلوي
طالما طول الحلقه عمال بتحب بإراهيم عيسى وتمدح فيه وبتعشقه
طب ليييييش طردته ؟؟؟؟؟؟؟؟؟؟؟؟؟؟؟؟

hala said...

اسمعوو اسمعووووو
إبراهيم عيسى بيكذب البلوي عالفضئيه وبيقول عنه مراوغ
طب ليش كده يا هيمه ؟؟؟؟؟؟؟؟؟؟؟؟
الراجل طول الحلقه عمال بيحب بيك وبعدين هو الان في الاستراحه بتاعة المحارب

hala said...

لييييش كده
قطعوا الخط بوش هيمه عييييب يا فضائيه عييييييييب
بعد هيك حيوري وشه للناس إزاي

hala said...

الللللله بخرب بيت هيمه على بيت البلوي
هو مافيش موضوع اسخن من هيك بتهم المواطن الجوعان الهبيان اللي مش عارف من ويييين يجيب فلوس

احنا المأجورين said...

نوارة
ابراهيم سعدة والدستور
خلينى اقول بصوت عالى وترددوا ورايا
احاااااااااااااااااااااااااااااااااااااااااااااااااااااااااااااااا

Unknown said...

خلاص.. نادية الجنسي ما بقتش اكتر حاجة بتسليني في الحياة، مع اني حملت فيلم مسنة في تل ابيب

حرم عليكى - أنا قلبى كان حيقف من الضحك
ذنبى فى رقبتك

Sosso said...

كل سنة و انت طيبة يا نوارة!