Monday 11 October 2010

سيد البدوي ظبط نفسه اخر حاجة

المقال ده حلو قوي، مش عشان امي اللي كاتباه والله العظيم، بالعكس انا عادة باضطهد امي وابويا عشان قرايبي وكده، بس عشان هو كده بالظبط والله
وده مقال بلال.. بلال والله اجدع ناس انه كتب المقال ده وبكرة تعرفوا ليه هو اجدع ناس، بس هو عموما بطل يرد عليا هههههههههههه بس برضه هو اجدع ناس

انا مش عايزة رجال اعمال تاني، خالص، ايه الذل ده، ذل بـ.. بـ... احم.. بعهر، اه، اللغة العربية دي بتسعف الواحد، اصل الذل انواع
فيه ذل العسكر، اللي تحس فيه انك خايف وعاملها على روحك، وتضايق قوي لما حتة عسكري يمسك راجل مهيب وعالم ومحترم ويقل ادبه عليه، ده ذل بخوف ورعب، واضح ومباشر، يخلي الانسان واطي
فيه ذل الاحتلال، يخليك اراجوز، وحلانجي ونصاب، وعبثي، تبقى حاسس انه خلاص، كل شيء راح وانقضى، وعايزين بقى نلحق نهبش من هنا ومن هنا خلينا نعيش، ذل يخليك تاكل جيفة اخوك من كتر الجوع
ذل رجال الاعمال والاستعمال يجمع ما بين مظاهر الذلين اللي فاتوا، وفوقهم ذل خاص بيه، الشرمطة، معلش مش جاية غير الكلمة دي، تحس ان البلد كلها نصها شرموط والنص التاني قوادين.... عشان ده ذل اكل العيش، مع الخوف، مع الاحساس بالانهيار، كل حاجة بقى، وفي الحالة دي انت واطي زي اللي مذلول من العسكر، واراجوز زي اللي مذلول من الاحتلال، وداعر كمان
مافيش حاجة اسمها رأسمال وطني.... فضونا من السيرة دي
مافيش حاجة اسمها حرامي بيستثمر فلوسه في البلد
ومافيش حاجة اسمها الاف من البشر يبقوا تحت رحمة مزاج صاحب المحل
وماحدش يجيب لي سيرة طلعت حرب، بلاش سيرة الميتين بقى عشان الواحد ساكت لكوا من زمان على السيرة دي
الله يرحم الجميع، خلينا في اللي احنا فيه... مافيش حاجة اسمها حرامي وطني ومحترم
ومافيش حاجة اسمها ناس موهوبة ونبيهة تبقى تحت رحمة زكيبة فلوس تاني.... ماعادش فيها كسوف ياما اعملي معروف
ومافيش ملياردير في الدنيا دي كلها مش حرامي، على رأسهم بيل الجيتس رجل البر والتقوي اللي بيتبرع بفلوس مش فلوسه اساسا 

16 comments:

مصلحة said...

estahdy bellah bas ya set elkoll!

7ettet Edward yenarfezek keda?
ommal law kan BALAWY kona 3amalna eh?

ana mn hazihi al montalaq...a7eb o2aked wa o7attem wa oda3bes.... en el mayet yetlebeslo eswed....wel 7ay yetlebeslo eswed.......omal elsayed elba2ary yetlabaslo eh? adiidaaas? adiidaaas?

kalla al batta... yetlabaslo lebaaas el ba7r.... 3shan howa raagel.....elba7r!

hala said...

wooow ,,woow
شو يا نواره ,,إنت جايباها من الآلآلآلآلآلآخر
فعلا فعلا فعلا كل المليارديرات
ساقطين ..عاهرين
من الآخر كده (gay‘s)..بالعربي الفصييييح (شوااااااذ)

hala said...

والللله واللله ..اقسم بالله العظيم
انه ذل الاحتلال ممكن الواحد يقدر ياخذه بإيده
ممكن يركب سياره ويدخل على تجمع للمحتل يفعصهم وبعدين يطول رشاش كلاشنكوف آلي ويرشهم
,,,,,بس المأساااااااه الحقيقيه
إذلال أنظمتنا لينا
بعد هيك إذا اي حد تاني حيذلنا اكيد مش رح نزعل
رح يبقى ذل الاحتلال ارحم

!!!...Just A girL said...

نوارة ممكن لو سمحتلى تعملى بوست تتكلمى فيه عن حتت رجال الاعمال دى و توضحى انت ليه شايفة ان مافيش رجل اعمال مش حرامى و رايك فى طلعت حرب بالظبط زز يعنى هو كل رجال الاعمال حرامية حتى لو واحد ثروته مش كبيرة اوى او كده ؟؟؟ ياريت تكتبى بوست او تردى على بتعليق ...

hala said...

على فكره هذا البيل جيتس للي ما بيعرفش عنه حاجه
هو كان موظف بسيط (يعني شحاد متمرمط مش لاققي تاكل) في شركه للكمبيوتر بعدين اخترع للنت (windows)هو وواحد
بعدين عمل شركه صغيره هو وشريكه
ولما جري معهم القرش ..بيل جيتس طرد شريكه وصار يشتغل لوحده..وعشان يصير كبييير بالبزنس دخل في الماسونيه وعشان يكبر اكثر صار يتبرع باموال طئله لليهود
حتى لما كانت الحرب الاخيره على غزه تبرع لاسرائيل وللناس العايشين في ادغال افريقيا اما العرب بالنسبه له فهم شعوب لايستحقوا الحياه
السؤال هو ليش بيكره العرب؟؟؟؟؟؟؟
عشان اليهود قالوله ان العرب رح يرموا اسرائيل في البحر

hala said...

هو طلعت حرب ماااات ؟؟؟؟؟؟؟
بتحكوا بجد ماااااات؟؟؟؟؟؟
والله ما كنت اعرف ،،،،
إنا لله وإنا إليه راجعون

utopia said...

البليونيرات اغتنوا بفلوس القروض
ربنا يخلليلهم الهبل اللى بيحطوا
عرقهم وشقى عمرهم فى البنوك للحرامية
..............................
بس عايز اعرف ماله طلعت حرب؟؟
ايه كل رموز البلد دى طلعت فشوش ولا ايه؟؟؟؟؟؟؟؟؟

mohamad said...

ما تعديش وتخش المؤسسة أو النادي من غير ما تكون ساقط زيهم أو متفوق عليهم . . أمال إزاي يتسيطر عليك يا حلو ؟ ؟ عايز تبقى مننا وتكبر ؟؟ يبقى لزمن ومن كل بد تبقى زيناوممسوك عليك مليون ذلة ومليون عادة سخيفو ومليون متعة يخلوك من جوا مراقب نفسك إنك مننا لأحسن في يوم تاخدك الجلالة وتقول حرام وحلال

حد فاكر تصريح المسئول الدولي الجديد اللانج اللي بيقول وبيأكد إن "اللي بيشتغل في العمل العام لازم يكون جلده تخين " طبعا . . لازم يكون ما بيحسش

إتفو على العولمة والعوالم اللي دخلوا علينا وإستوطنوا بإسمها

مصلحة said...

إن السيد البدوي ومن شاكله ماهم إلا واقي ذكري يستخدمه الرجل الكبير لمواقعة شعبه ...وما أن يفرغ حتى يخلعه........ و ديته " شدة سيفون " ...
بس برضه..مش فعال 100%

عباس ابن فرناس said...

يسلم لسانك يا بلال يا فضل
فشيتنا شوية على الاقل
بالنناسبة ريحت رجل .....
رضا اززززور
افففففف
كانت قالبة الدستور قلب

عباس ابن فرناس said...

يسلم لسانك يا بلال يا فضل
فشيتنا شوية على الاقل
بالنناسبة ريحت رجل .....
رضا اززززور
افففففف
كانت قالبة الدستور قلب

عباس ابن فرناس said...

ياسلام يا سيد يابدوى عجيب امرك والله
تب رضا ازور وديته معروفة
انما انتا يا شيخ الطريقة ايه حكايتك بظبط
حسبتها كيف انامش فاهم
بذنس مش انا برضو الى يقولك البذنس يبقا ازى
وان كان على البذنس عندك بهجت
سياسة مثلا يارب يااخويا يارب
انما حتى دى برضو محدش عملها قبلك ولا هتتعمل بعدك
تب ايه تيب
حماقة لا لاالحماقة ليها اصولها برضو
تب هبل يعنى برضو الهبل معملهش كدة
تب امال ايه تيب
قولنا انتا بقا يا راجل يا فيييير

عباس ابن فرناس said...

يسلم لسانك يا بلال يا فضل
فشيتنا شوية على الاقل
بالنناسبة ريحت رجل .....
رضا اززززور
افففففف
كانت قالبة الدستور قلب

Nicholas Urfe said...

نجيب ساويرس قرر يتعزل ادارة اعماله ويتفرغ للعمل الاجتماعي ..وده انا عرفته من الفيدو اللي انت كنت حاطاه بتاع لقاء رضا ادوارد مع الدمرداش.

اكيد في حرامية في بلدنا ..لكن عشان غياب :

1
- القانون والرقابة

2-اصرار الناس على التمسك القانون وعلى تحمل من يخالفه للعقاب - الرقابة الشعبية والحكومية ( الناس دي تشملني وتشملك طبعا )

3- الخطة ، الرغبة الجماعية الموحدة ، المشروع

احنا لا نافعة معانا اشتراكية ولا راسمالية ولا اسلام ولا علمانية ..المشكلة فينا ..في الارادة ، في نوعية البني ادم جوانا.

مصلحة said...

http://sphotos.ak.fbcdn.net/hphotos-ak-ash2/hs447.ash2/72004_481541434749_683644749_6778203_5835117_n.jpg

أحمد حلمى الشناوى said...

نوارة
يا ترى تعرفى أخبار الأستاذ إبراهيم دلوقتى؟
كل الناس عمالة تتكلم عن اللى حصل
بس محدش بيقول لنا هوة عامل أية أو بيعمل أية أو هيعمل أية
بعد ما ظهر اليومين اللى بعد المهزلة ، فى الفضائيات و إتكلم عن اللى حصل
إختفى بعد كدة و مظهرش
يا ترى تعرفى عنه حاجة ؟
معلش معرفش حد ممكن أسألة عن إبراهيم عيسى غيرك ، علشان كنتى شغالة معاه
خايف يكون جاله إكتئاب زى اللى جالنا