Friday 1 October 2010

مع المزيد والمزيد والمزيد من الرصين حتى تخرج عقيدة اهاليهم واحدا تلو الآخر

الدعاية أو ما كان يسمى قديما بالدعوة هي الوسيلة الوحيدة لنشر فكر أو منهج حياة معين، المنهج الفكري يشكل منهج الدعاية. هناك بعض مناهج الفكر وأساليب الحياة التي تعتمد في آليات دعايتها على تحفيز العقل وهناك من يستعين بتحفيز العاطفة أو الاثنين معا.
تجد ذلك في الاتجاهات الاشتراكية والإسلامية التقليدية بالتحديد، وربما تعتمد الاتجاهات الإسلامية التقليدية، مثل الأخوان المسلمين، أو حزب الله، أو من يشابههم، على إثارة العاطفة الدينية، كما تعتمد الاشتراكية على إثارة العاطفة التضامنية، والاجتماعية لدى الإنسان.
إلا أنه، ولاختلاف الطبيعة الرأسمالية عن الاتجاهين السابق ذكرهما، تعمد المجتمعات الاستهلاكية والقائمين عليها إلى اللعب على الغرائز، ذلك لأن الغرائز أقوى تأثيرا، وأسهل في الإثارة. نجد ذلك في وسائل الدعاية الرأسمالية، مثل عرض أطباق الطعام الشهية، ضرورة إيجاد صورة لفتاة جميلة حتى في الإعلان عن غسالة أو مسكن ألم.. إلخ.
الغرائز تسيطر على العاطفة ومن العاطفة يسهل السيطرة على العقل، هذا بشكل عام لتوضيح الاسلوب المتبع في المجتمعات الاستهلاكية لتحفيز الجمهور.
كذلك تجد أن الحملات السياسية النابعة من نفس المنهج الفكري تتبع نفس الآلية في تحفيز العامة.
لو أخذنا مثالا للأزمة الطائفية الأخيرة. المحفز الرئيسي في هذه الأزمة هو محفز جنسي:
كاميليا زوجة الكاهن، طاهرة مطهرة، يقول عنها الأقباط: مرات أبونا.
حين أشيع بينهم أنها هربت مع مسلم ليحولها للإسلام ثارت ثورتهم. ثورة جنسية محضة، حيث تغيرت صورة كاميليا من امرأة طاهرة مرات أبونا، ربما تمارس الجنس مع زوجها لكن أحدا لا يتخيل والده وهو يمارس الجنس ومن ثم هي بعيدة عن هذا التصور، لكن بعد هروبها مع "رجل مسلم" تحولت إلى أيقونة جنسية، رجل مسلم، تغشاها، وغيرت هي ديانتها بسبب غوايته الجنسية لها، وبذلك تم تحفيز التنافسية الذكرية النابعة من الغريزة الجنسية، الأمر الذي يفسر عدم سماعهم للمنطق والعقل الذي يقول بأن فرضياتهم ليس لها أساس.
مع تحفيز التنافسية الذكرية لدى المسيحيين، تم تحفيز الغرور الجنسي لدى المسلمين الذي نشأ عن اقتناعهم بالرواية المسيحية الأولية، وشعروا أنهم كسبوا أرضا جنسية لدى الطرف الآخر.
بعد عودة كاميليا، ظهر أبو يحيى الذي يدعي إسلام كاميليا، وكان المسلمون في كامل استعدادهم لتصديق هذه الرواية دون سند بسبب إثارة غريزتهم، وبسبب الثورة التي قام بها المسيحيون.
هنا ارتفعت حدة التنافسية الذكرية لدى المسلمين إذ أن ذلك يعني باللغة الدارجة: امرأة مسلمة، ستسلم لرجل "كافر" ليمارس معها الجنس وهو لا يحل لها. وبهذا ثارت ثورتهم غيرة على "عرض" مسلمة تساق إلى فراش كافر.
حين تسيطر الغريزة الجنسية، وهي أقوى الغرائز، على الإنسان لا يمكن بحال من الأحوال أن يستمع إلى خطاب هادئ، كما انه في حالته الراهنة يفتقر بيولوجيا إلى القدرة على التفكير الهادئ أو حتى التعاطف الإنساني، والكل يعلم ان الانسان تحت تأثير ثورة الغريزة الجنسية يأت بأفعال مجنونة وقاسية
لذلك، فلا توسل إليهم بأن يرحموا البلاد سيجدي نفعا لأنك تحاول اثارة عاطفة ابعد ما تكون عن غريزتهم الثائرة
ولا حوار منطقي سيعيدهم الى رشدهم
كما أن خطاب العوا اثار بداخلهم الخوف فاستجابوا بسرعة بسبب اتصال الخوف والتنافسية ببعضهم البعض وجذورهما الضاربة في الغريزة الجنسية التي تعود الى غريزة حب البقاء.
الفتن التي تعتمد على الغرائز مثل فتن الجزائر والفتن الطائفية لن تجتث من جذورها الا مع اجتثاث النظام الاستهلاكي المتحكم في المجتمع المصري حاليا

95 comments:

ahmed said...

يعني واحنا بنفكر في كاميليا واسلامها " المزعوم " بنفكر في ست بصوره جنسيه ؟

الله يخربيتك يا فرويد

Unknown said...

هو من حيث ان اسلامها مزعوم فهو مزعوم بشهادة العوا اللي قال الكلام ده على حبة عينه
اشمعنى مصدقة في مزاعم السلاح ومش مصدقه في انها ما اسلمتش؟

ولا بتصدق على كيفك

من حيث انكم فكرتوا فيها بصورة جنسية

جدااااااااااااا

وبشكل مفضوح كمان
الحقيقة الطرفين فكروا فيها بشكل جنسي، وكما عبروا عن ده بشكل بدائي

الوصيف خالد said...

نوارة الكاتبة شديدة الأهمية..

تحياتي الحارة..

أتفق معك تماماً بس وحياة النبي يا شيخة سيبك من الرصين ده !

بهذا الشكل تعاقبين المحبين لمداخلاتك ومقالاتك، وأزعم أنني أحد كبارهم، ولن تتخلصي من المساكين إياهم..

مع خالص أمنيات مليجي يا أستاذة أوشة :)

Unknown said...

إبه الهبل الأزرق والنفسجى ده ؟ كاميليا تان؟ وتالت؟ وعاشر؟ ومليون مرة؟

هو ماوراناش حاجة تانية غير الهبل والعته ده ؟

Unknown said...

النهاردة كان فيه مظاهرة عشان كاميليا عاشر مع ان العوا قال ما اسلمتش عمرها

ahmed said...

معاكي انه مزعوم

ومش مقتنع بشئ من المنشور اساسا
كانت سجلت فيديو لو اسلمت زي ما
الباقي بيعملو
او تسجيل صوتي ..... اي حاجه يعني

الصراحه لو مراة قسيس اسلمت كنا عملنا لها فرح وفلم ومية الف توثيق :)

مش صورتها بالنقاب اللي باين انها فوتوشب ومعموله بشكل معفن
والله اعلم محدش يضمن برضه

اما نوع التفكير هو رأيك ويحترم .. ممكن البعض بيفكر في كده بس متأكد انهم قليلين

وفي اللي بيفكر فيها نوع من الكياده .. دينا احسن من دينكم وخدنا من قلب بيت ابوكم , والعكس لما بيطلعو على شيخ الازهر او عيلة زغلول النجار مثلا

سؤال
طيب والسيدات اللي اتعاطفو معاها ؟
نفس المنظور
ولا هو تعاطف ديني من باب المؤمن للمؤمن كالبنيان

Unknown said...

لا خلي الستات في مجتمعنا بشكل عام مش في القضية دي لبوست رصين تاني ان شاء الله

اعتبره وعد

ahmed said...

اشمعنى مصدقة في مزاعم السلاح ومش مصدقه في انها ما اسلمتش؟
=
بمناسبة النقطه دي
هو العوا قال بيخزنو سلاح
ولا قال ان خبر صغير ي زاوية جرنان عن السفينه اللي جايه من اسرائيل ومحدش اتكلم عنه تاني ؟

مش عارف تحبي تسمعي تسجيل من 2007 عن تخطيط لدورة اعداد وتجهيز القنابل ولا لأ

عموما امن الدولة عارفه بالحوار كله من زمان ووالله له أصل

Unknown said...

اعتقد ان التفسير ممكن يكون معقول لو
كان الاعتراض متوقف على الذكور زى ما قال استاذ احمد وايضا لو كان مقتصر على
كامليا فقط.....
الموضوع لازم تعترفى ان له جذور قديمة
والمشاعر من الناحيتين تم الهابها على مر سنوات من جانب الكنيسة ودعوات العودة للفرعونية وان المسلمين محتلينودعوات قنوات السلفية الوهابية وشحنهم للناس ضد المسيحيين...
اظن كده الموضوع مش بعيد عن نظرية المؤامرة اللى اعتقد انك اصبحتى لا تستبعديها
ملحوظة: والله الرزين حلو خليكى علي كده احسن

Mandolina said...

الازمه الطائفيه الاخيره كانت بتقودها نزعة قبلية مش جنسيه زى تحليلك ازاى واحده من قبيله منافسه تلجا لقبيلتنا ومش نحميها؟
الغريب ان فى حال ضعف سيطرة الدوله تنتشر التكتلات القبلية
منتظرين البوست الرصين التانى يا ست نوارة يا رصينه هههههههههه

Unknown said...

وليه لما راجل بيسلم او يتنصر ماحدش بيعمل عليه ازمة طائفية؟

ليه دايما الازمات على الستات؟

لان الست في القبيلة رمز العرض والشرف

وفي القبائل البدائية هي رمز للجنس

اساسا موضوع الاعراض والشرف ده متصل بالغريزة الجنسية

اشمعنى الراجل مالوش عرض ولا شرف؟

Unknown said...

بصي

عشان تعرفي الخناقة بين المسلمين والمسيحيين شكلها ايه لازم تشوفي اتنين قطط دكرة بيتخانقوا على نتاية

محمود المصرى said...

بسم الله الرحمن الرحيم

الكلام دا لو كان المسلمين او المسيحيين لم يتحركوا الا بسبب كاميليا او انثى, لكن بتحصل مواجهات وهبات من الطرفين لأسباب بعيدة عن اسلام واحدة او تسليمها .
يعنى عندك مثلا جنازة الشاب المسلم فى القليوبية اللى اتقتل علشان اتجوز واحدة اسلمت , تحولت الى مظاهرة والهتافات كانت فيها لا تقل عما يقال فى الوقفات الاخرى .
كذلك فى حادثة مسرحية كنيسة محرم بك مش عارف ايه الدافع الجنسى اللى حرك المسلمين وقتها فى ضوء تحليلك الفرويدى .
وعلى الجانب المسيحى ايضا حصلت انتفاضات لأسباب بعيدة كل البعد عن الدوافع الجنسية , زى حادثة فيلم بحب السيما وقضية ابو فانا وحتى كانوا ناويين يهبوا بسبب ان الرهبان فى دير وادى الريان كانوا مدخلين طوب مخالف للمواصفات لولا ان تم احتواء الموقف , ياترى الطوب بقى بيرفع التستوستيرون فى الدم؟
لكن بما انك حصرتى اسباب تحرك المظاهرات على هذا الهرمون فهل هذا نفس سبب تحرك اناس لهم وزن وثقل مثل الشيخ حافظ سلامة؟ واتمنى ماتقوليش عليه معتوه او عميل او ما الى ذلك وتتكلمى عنه بنفس رصانة موضوعك .
وبالمناسبة المستشار طارق البشرى دخل هو كمان فى الموضوع وهاجم شنودة والكنيسة فى الشروق النهاردة ياترى تحليلك لموقفه ايه؟
بالنسبة لكلام العوا عن عدم اسلام كاميليا فله اسباب اخرى .

الميكروباص said...

طيب لو هربت واحده مسلمه وتزوجت من مسيحي زواج بتولي
ايه رأيك؟
هل ساعتها انتي شايفه ان المسلمين لن تحدث لهم إثاره لأن الأخت المسلمه لن تكون في فراش مسيحي؟
هل وقتها الموقف سيتغير؟

ده تفسير غير منطقي
المسلمين لا يفكرون بهذا الشكل
العمليه ليست عمليه نوم في الفراش يا استاذه

Unknown said...

صحيح
قتل واحد اتجوز مسيحية اسلمت يختلف تماما

وبرضه مثال لورانس العرب مفحم جدا

محمود المصرى said...

معلش مضطر اوضح كلامى

لو افترضنا ان قتل المسيحيين له دافعه جنسى فغضب المسلمين لم يكن جنسيا يارب تفهمى قصدى .
انا ضربت المثل فى معرض تحرك المسلمين غضبا لقتل مسلم وليس تحرك المسيحيين بسبب زواج مسلم من مسيحية .
يارب تكون وصلت .
ولورنس العرب يقصد ان المسلمين ماتحركوش لما مسلمات تنصرن , زى نجلاء الامام كده .

ahmed said...

العواف عليكي ماندولينا :)
الحمد لله

ahmed said...

استاذ محمود

اظن انك عارف المهتمين بالشأن ده بيعملو ايه لتأكيده واثباته ونشره فور حدوثه
زي البنت اللي اسلمت من كام يوم اسمها ماري ولا مش فاكر ايه وخلوها ترفع يافطه وتسجل فيديو

اقل حاجه انا فلانه اسلمت بكامل ارادتي ومحدش يقلق عليا الخ

غير التشريده اللي " بنحب " نعملها في الامور دي

مفيش الا صورتها بالنقاب وباين عليها التزوير

Rateb said...

طب بالمناسبة بما ان السلفيين بس هما اللى بيعملوا المظاهرات دي ده تفسريه بضعف الشعور الجنسي عند الصوفيه وعلماء الازهر والاخوان المسلمين :)
يعنى على اى اساس دول بيتأثروا بالاثارة الجنسية ودول مش بيتأثروا والله انتى مسخره احيانا بتقولي حاجات اهبل من كلام السلفيين

ثم صحيح ما نجلاء الامام اتنصرت بينما المشكله اتعملت على محمد حجازي لتكوني بتشككي في رجولته ولا حاجة ؟؟؟

الا بالمناسبة بقى هي شهاة العوا ان اسلامها مزعوم دي تفرق في ايه وهي اصلا قضية اسلامها من عدمه تفرق بايه من الاساس الكنيسة اثارت الطائفية بتصريحاتها وكاميليا لو هي اللى ظهرت في الفيديو لازم تتحاكم على انها سايبة البلد تغلي لاثارة الفتن الطائفية والعيال اللى بيشتموا في الشارع لازم يتلموا كلهم قضايا سب وقذف لكن نقعد نهبل ونقول اثارة جنسية فابشروا ان السلفيين بيوزعوا منشورات على ابواب الجوامع في المناطق اللى فيها تجمعات مسيحية ولما ان شاء الله يموت ميتين ولا تلتميت مسيحي من غير ذنب بسبب تصريحات غير مسئولة من كهنة والست كاميليا اللى بتكلمنا من اليوتيوب وشوية عيال مابتفهمش فاكرين دي نصرة للاسلام وهما مايعرفوش الاسلام اصلا وحكومة بنت كلب سايبة البلد تولع وفي الاخر هيمشوا قانون طوارئ وتوريث ياترى بردو هتفضلي تقولي الشعور الجنسي هو السبب

طظ في ام البلد كلها بس الناس اللى هتموت دي ايه ذنبها ؟؟؟؟

Anonymous said...

والشئ بالشئ يذكر- مفهوم الشرف مرتبط بالمرأة- وده ليس له علاقة بالمسلمين والمسيحيين- له علاقة بالتخلف. واذكر بحادث طائفي قبل عام او اثنين له علاقة بتردد شباب اقباط على بيت دعارة به فتيات مسلمات

Unknown said...

وائل خليل عندي
:)
فليحيا الرصين

Nicholas Urfe said...

عجبتني تغشاها دي !

:D
بس ايه الابداع ده ، طلعتي بتعرفي تقولي كلام زي الناس اللي بيقولوا الكلام !

حاجة كده في ما بعد بعد بعد الحداثه !

تحليل نفسي رائع ، يمكن يكون حلمنتيشي بس تصدقي انه فيه مصداقية عالية ؟؟ أقولك ليه؟

فترة من الفترات لقيت بنات كتير في محيطي عرب ومسلمات واحيانا مصريات يتجوزا رجالة اوروبيين ،وفي احد الحالات كانت فلسطينية اتجوزت بنجلاديشي وفي حالة اخرى كانت بنت من اسرة عربية حاكمة اتجوزت سواقها الهندي وهربت .

% 99 كان الرجل يا اما مسلم يا اما بيسلم علشان يتجوز، ورغم كده كان نفس الهاجس ده بيدعوني لتهيب الفكرة وكان فيه حاجة بتحسسني بالانزعاج ، قوم لما دورت عليها لقيت انها لا تبتعد عن اطار "تغشاها

يعني ازاي غير عربي ايا كان وضعه او ماهيته يتغشى عربية اصيلة نجيبة بنت قبايل ؟؟؟؟

بس الحمدولللاه، اتعالجت وبقيت زي الفل دلوقتي !

و أخيرا ,,,لست وحدك مع الرصين..بل كلنا..
:)

Dr Nemo said...

انا من الاغلبيه الصامته هنا بس بصدعك علطول على التويتر
بالنسبه لتفسيرك الفرويدى مش شايفه انه مجحف شويه؟؟
يعنى البدايات فعلاذكوريه
لكن بعد كده تدخل الصحافه اللى بشوفه فى الغالب غبى ومتخلف وبيدور على التوزيع وزيادة نسبة التراك للموقع بيساهم اكتر بمراحل فى اذكاء الفيرمونات الجنسيه من جهة والعصبيه القبليه الذكوريه من جهة اخرى
وليحيا الرصين :D

mido said...

@Nicholas Urfe

القصة اللى بتحكى فيها مختلفة

لان (شرعا) لا يجوز لمسلمة الزواج من غير مسلم

هنا الامر بعيد تماما عن القبلية و دخل فى احكام شرعية

Unknown said...

بيقول لك بيسلموا عشان يتجوزوهم

يبقى لا يجوز شرعا ليه؟

Ahmed Mohamed said...

الاكتر من كده ان الواحد لو شاف واحده مسلمه تنصرت عشان واحد بنقول عليها كلام عيب= (صوره جنسيه)ومش عند كل الناس علي فكره
مع انها بردو نفس (الانسانه)لو اسلمت من بعد مسيحيه عشان واحد مسلم هانقول عليها ربنا هداها
والجانب الاخر هيقول كلام =صوره جنسيه
وكل ده اصلا اصلا
لاننا مش عارفين نفرق بين عقيدة الانسان وحقه في اختياره لها والمترتب علي اختياره بعد كدا
وبين العشوائيه في التفكير والفتاوي المتناقضه وحاجات زي حد المرتد وقتله
والكلام ده اوالحميه القبليه الجاهله
*
عن نفسي مش بشوفها من الناحيه الجنسيه خالص انا بس بكون خايف من تاثير الحب علي تفكير المتحول لدينه
فليس المهاجر من هاجر لدنيا يصيبها أو امرأة ينكحها فهجرته إلى ما هاجر إليه

محمود المصرى said...

بسم الله الرحمن الرحيم
معلش سؤال محيرنى هو القران لما يقول " يا أيها الذين آمنوا إذا جاءكم المؤمنات مهاجرات فامتحنوهن الله أعلم بإيمانهن فإن علمتموهن مؤمنات فلا ترجعوهن إلى الكفار لا هن حل لهم ولا هم يحلون لهن "
ياترى كان الدافع جنسى قبلى برضه؟

الاستاذ احمد
الموضوع ليس كما تتصور

Unknown said...

الاستاذ محمود انفلاش
بسم الله الرحمن الرحيم الاجابة تونس

هو مافيش حد بيسلم غير الستات بس؟

ثم الست ما اسلمتش

العوا كداب؟

طب العوا كداب في كل حاجة بقى

انت بتقول لاسباب تانية، يعني انت بتقول ان العوا اتعرض لضغوط امنية واستجاب للتهديدات؟

ماشي

على كده برضه لما اتكلم عن سلاح هو ما يعرفش عنه حاجة كان تحت ضغط امني عشان يقول الكلام ده

mido said...

مش حرام
طالما مسلم خلاص

اللى لا يجوز الزواج من غير المسلم


لكن هو ربط بين القبلية و الزواح بالطريقة دى و ده مش صحيح لان ده شرع

محمود المصرى said...

بسم الله الرحمن الرحيم

ماله الانفلاش ؟

انا ماقلتش العوا كداب ولا قلت انه تعرض لضغوط امنية , لكن اشمعنى انتى مصدقاه فى موضوع كاميليا ومش مصدقاه فى موضوع وفاء؟
بالنسبة لأجابتك للأسف غلط حاولى مرة تانية , وبالمناسبة ماهياش دولة عربية خالص .

Nicholas Urfe said...

@mido

ياسيدي في حالتي كانوا مسلمين لكن غير عرب وده كان بيحسسني بالهوان العربي ! حيث كنت أعتقد أن غير العربيينقصه الكفاءة والتكافؤ مع العربية حتى لو كان مسلم أو أسلم

طبعاً دهكان تفكيري وهو تفكير غير منطقي وضيق جداً وفيه نوع من الشوفينية الهبلة .

أزيدك بقى من الشعر بيت ، فيه مسلمات بيتجوزوا غير مسلمين ،وده شفتو بعيني مع زميل بلجيكي عملت معه لفترة وكانت مراته مغربية .واعتقد أنه موجود حالات في مصر كده كثير بس في عائلات راقية لا يسلط عليها الضوء وبيتم الأمر بهدوء بشكل ما .

اسالك بقى بدوري يا ميدو، لو شفت مصرية مسلمة من اللي بحكي عليهم دول متجوزة من مصري مسيحي ، هتحس أنك متضايق؟ لو كده يبقى بص ساعتها جوه نفسك واسأل نفسك انت متضايق ليه .

سلام

محمود المصرى said...

بالنسبة لموضوع مابيسلمش غير الستات دا جبتيه منين ؟
قلتى السؤال دا قبل كده وقلتلك انتى صحفية وتقدرى تروحى لمكتب الاشهار وتشوفى اللى بيسلم ستات بس ولا لا.
لكن لو بتقصدى ليه فى مشكلة على الستات فدا لأن الولاد ممكن يسلموا من غير اى مشاكل ويفضل عايش فى وسط اهله لغاية مايقدر يستقل بحياته .
من الاخر تحليلك دا لا يستند الى استقراء تام , وبالتالى من السهل نقضه بشواهد عديدة زى ماسبق وذكر كثير من المعلقين .

إبراهيم أبوسيف said...

اممممممم ... يبدو لي تحيللك منطقيا جدا لدرجة لا توصف حصوصا مع محاولتي فهم الاسباب الغير منطقية المتعلقة بالغضب الديني أو التحرك الديني عموما ... يبدو أن التحليل جنسي مفيد وسهل كما هو واضح ... ولذا أريد فقط أن أكمل على نفس السياق لكني سأحلل أشياء أخرى لست أفهمها مثل ذلك الشعور العروبي القومي أو الانساني عموما فهو أيضا كما الديني لا يدخل عقلي بسهولة ..

مثلا موقف المدافعين عن طل ملوحي السورية يبدو لي جنسيا جدا كما هو واضح
بالصبع النساء المناصرين لحزب الله ولحماس موقفهم يمكن تفسيره جنسيا بسهولة خصوصا مع وسامة حسن نصر الله وخالد مشعل خصوصا وذكوريتهما الطاغية والتي تتجلى في عزتيهما بنفسيهما المغرية ، بصراحة لا أعلم ما هو موقف الرجال منهم وكيف يمكن تفسيره لكن يمكنك أن تساعدي في الأمر أو تتهمي الرجال بالشذوذ

التعاطف مع لبنان هو أسهل القضايا التي يمكن أن تفسر جنسيا وكذلك مع سوريا بالطبع

حقيقة أعجبتني هذه الطريقة في التحليل أرجوكي لا تقصريها على موضوع واحد .. أكملي فأنا مستمتع جدا .. جنسيا طبعا

إبراهيم أبوسيف said...

اممممممم ... يبدو لي تحيللك منطقيا جدا لدرجة لا توصف حصوصا مع محاولتي فهم الاسباب الغير منطقية المتعلقة بالغضب الديني أو التحرك الديني عموما ... يبدو أن التحليل جنسي مفيد وسهل كما هو واضح ... ولذا أريد فقط أن أكمل على نفس السياق لكني سأحلل أشياء أخرى لست أفهمها مثل ذلك الشعور العروبي القومي أو الانساني عموما فهو أيضا كما الديني لا يدخل عقلي بسهولة ..

مثلا موقف المدافعين عن طل ملوحي السورية يبدو لي جنسيا جدا كما هو واضح
بالصبع النساء المناصرين لحزب الله ولحماس موقفهم يمكن تفسيره جنسيا بسهولة خصوصا مع وسامة حسن نصر الله وخالد مشعل خصوصا وذكوريتهما الطاغية والتي تتجلى في عزتيهما بنفسيهما المغرية ، بصراحة لا أعلم ما هو موقف الرجال منهم وكيف يمكن تفسيره لكن يمكنك أن تساعدي في الأمر أو تتهمي الرجال بالشذوذ

التعاطف مع لبنان هو أسهل القضايا التي يمكن أن تفسر جنسيا وكذلك مع سوريا بالطبع

حقيقة أعجبتني هذه الطريقة في التحليل أرجوكي لا تقصريها على موضوع واحد .. أكملي فأنا مستمتع جدا .. جنسيا طبعا

mido said...

@Nicholas Urfe

حتضايق ليه؟

عشان ضد الشريعة

زواج مخالف للشريعة

Unknown said...

اه.. حسن نصر الله مز.. بس خالد مشعل مش قوي

هههههههههههههه
ده انت الله يكون في عونك على نفسك والله

ولسه، ده انا حاهريكم رصانة لحد ما تبقوا عبرة

Unknown said...

يا ميدو

طب على فكرة بقى ضد الشريعة ولا مش ضد الشريعة مش مشكلة حد عشان يتضايق، افرض واحدة مسلمة اتجوزت مسيحي جواز مدني

ايه اللي يضايقك او يضايق اي حد، افرض واحد هو كله على بعضه ضد الشريعة يعني ايه اللي يضايق ماهي اللي اتجوزت دي ما تخصش حد عشان حد يتضايق لها دي تخص نفسها وعقلها في راسها تعرف خلاصها

mido said...

متنسيش ان خالد مشعل تعرض لمحاولة تسميم أثرت على وسامته :))

mido said...
This comment has been removed by the author.
utopia said...

يعنى ايه زواج مسلمة من ديانة اخرى جواز مدنى؟؟؟؟
هو ده مش يبقى اسمه زنا؟؟
والله لو مافيش قانون يحرم ده يبقى قصور فى التشريع
ووالنبى بلاش تطبيق نظريات الاجتماع وعلم النفس على المصريين
كلها نتاج دراسات غربية ما تعرفش حاجة عننا

Unknown said...

كابتن انفلاش كابتن انفلاش
هو حضرتك محمود المصري اللي هو محمود المصري؟

اللي بيطلع يعيط في قناة الناس؟

Unknown said...

انا باتضايق من الخمورجية عشان بيسكروا ويشتموني ههههههههههههه

انت واحدة اتجوزت واحد مش على كيفك ايه الشتيمة اللي في كده؟

Anonymous said...

يوتوبيا
الجواز المدني موجود في كتير من دول العالم ومسلمات يتزوجن مدنيا في كل مكان. حسابهم عند ربنا مش عند حضرتك لو عملوا حاجة غلط

utopia said...

انا قلت قصور فى التشريع المصرى
وهى ما تهمنيش فى حاجة
بس حرام -وهى تتحمل الوزر لكن ماتقولش انها متجوزة
والمفروض حسب الشرع اللى هى ارتضته انه لايتم الاعتراف باولادها
غير كده هى حرة مادام لايوجد قانون يطبق حكم الشرع...
ما تطلبش منى ارضى على شىء حرمته كل الاديان الثلاثة ولا ايه؟؟

Anonymous said...

يوتوبيا
في منطق النفع والضرر
يعني هي ما اذتكش في حاجة. ولو انت معتقدك الديني بيرفض افعالها باستطاعتك ان تترك حسابها لربك-
مشكلتنا-في رأيي المتواضع- اننا نغضب في الهايفة التي لا تأذينا في شئ ونترك مصيرنا وحياتنا وحياة اولادنا تنهب امام اعينا ولا نغضب غضب مماثل

Rasim Marwani said...

جميل جدا جدا...
فتح جديد نشكرك عليه، ماتكرمت بعرضه بشكل ممتع وقابل للفهم حول تعقيدات تقنيات البروباغندا واهدافها.
وبالفعل هي خطين عريضين يشكلان فن المخاطبة الدعائية:

خطاب العاطفة والعقل ويهدف للبناء والانتاج ويعد المستمع بالصعوبات والتحديات وبذل العرق والدم

وخطاب اثارة الغرائز البدائية وهدفه التدمير والاستهلاك ويعد المستمع بربيع دائم لايدركه ... ولايمل من التصديق انه سيصل اليه.
وآخر ماتوصلت اليه التقنية الغربية هي خطاب الخوف (التخويف) وتمكنت الادارة الامريكية بفضله من قيادة العالم طوال ثماني سنوات كان يفترض ان تنتهي بهيمنة امريكية احادية على العالم لمدة الف عام كما يتوهمون...

ولو اردنا تطبيق هذا المنهج على الفتنة الطائفية في مصر، لوجدنا المسلم العاقل يقول :
انا اجزم بعدم وجود نية فضلاً عن وسائل لدى اي من الشرائح المصرية هدفها الاضرار بمصر او بشعبها (طبعا مع استثناء النظام المصري وتفرعاته التي تعلن بالافعال لا بالاقوال نيتها تفكيك وتقويض كل حلقات القوة التي تراكمت لمصر وشعبها على مدى قرون).

هذا المسلم العاقل مع وضعه لكل الاحتمالات في الحسبان ومنها :
ان بعض الاقباط كبعض المسلمين هم مجرد ادوات تم شراءها وتدريبها وهدفها محدد بدفع غوغاء الفريقين الى المشاركة حوداث متفرقة بأمل ان يفضى احدها الى مجازر تؤدي وظيفة استجلاب التدخل الاجنبي على شكل تسليح وتمويل وتخويف لكل طرف من اخيه.

لانه بجزمه وعمله على اساس عدم وجود نية او امكانية او سبب للخوف من الآخر، يفوت الفرصة على ادوات الفتنة بان يكسبوا في صفوفهم نافخ في نار الفتنة يؤدي عنهم اهبلاً متبرعاً وظائف ادامة التوتر عندما يذهبون في اجازات من وظيفتهم القذرة.

وقالها باب مدينة علم رسول الله المظلوم المغيب علي بن ابي طالب:
كن في الفتنة كابن اللبون لا ظهر فيركب ولا ضرع فيحلب.

المهدى said...

تحليل جيد ويا ريت تكونى قريتى تحليل جلال أمين فى الشروق ( الجمعة ) وكلامك يكمل كلامه بدون أى تناقض وإن كان تحليله يؤصل لرأيك
أهم حاجة فى الموضوع إن كل الهبل ده سينتهى بنهاية أسبابه ( بل سببه الوحيد )

Nicholas Urfe said...

سؤال غلس شوية للجميع،

:

المسلم يجوز له الزواج من مسيحية شرعاً

المسيحي لا يجوز له الزواج من مسلمة شرعاً


هل المشكلة في التشريع ولا في فهمنا للدين ولا ما فيش مشكلة اصلاً والوضع ده انتم من جواكم حاسين أنه عادل وطبيعي ومتسق مع احساس النفس البشرية بالعدالة ،خاصة باعتبار ان المسلمين هما الوحيدين الصح والباقي ضلوا بعذر أو بغير عذر، وإن الموضوع موضوع هوية وأن هوية المجتمع عادة تتبع هوية ذكوره وليس إناثه ؟

ملاحظة هامة: لا يوجد لدي حلول مسبقة ، السؤال خام ومحايد جداً..

Unknown said...

بسم الله الرحمن الرحيم
الاجابة تونس

ندااااء انساني

الاخ محمود انفلاش

هو حضرتك محمود المصري اللي كان بيعيط في قناة الناس وحكى حكاية عن واحد مسلم غرر بواحد يهودي وجاب رجله في الاسلام وبعد ما جاب رجله قال له الخمرة حرام فقال له لا ارجع في اسلامي قام قاله تبقى مرتد واقتلك وبهذا خدم الاسلام وعذب الراجل؟

انت حضرتك؟

انت؟

اصل انا باحب اتعرف على المشاهير

utopia said...

وائل:
انا اتكلمت فقط عن وضع الزواج وما ينتج عنه من اولاد وده حق المجتمع
ليه بقى ما بنثورش على حقنا والحاجات المهمة وبنثور على الهايفة؟؟
الاعلام والتركبز الاعلامى ...
المشكلة علشان يبقى فيه حركة جماعية يكون وراها تعبئة اعلامية
مشكلتنا عدم وجود قائد مخلص ومستعد يضحى

utopia said...

اسف يا نوارة قلبت المدونة شات

عبد الله السلفى said...

استاذة نواره
بلاش نتكلم عن الشيخ محمود المصرى لحوم العلماء مسمومة وكاميليا مسلمة ومخطوفة وابو يحيى مش كذاب والموضوع كله موجود بجريدة المصريون وان شاء الله ربنا هينصرها

Unknown said...

وسمعنى سلام الضوء الشارد

ahmed said...

هو مش من حق اي مجتمع يضع اسس وقواعد معينه ضد اي اتجاه يضره خصوصا لو كان عدمي ؟

الإسلام بالنسبه لمعتنقيه شئ مقدمس مش مذهب فكري او نظرية يتطبق فيها النسبيه وكل الامور تتساوى والقياس يتحول من الصح والغلط , حلال وحرام لمبدء نفعي مادي صرف وميكونش في مجال لحديث عن منظومة اخلاق او هوية دينية


بالنسبه لسؤال نيكولاس
وليه الست بتحمل ؟

الاجابه التقليدية ان الإسلام يعترف بالشرائع السابقه عكس المسيحيه وان الراجل هيسمح لمراته بالتعبد او البقاء على دينها من غير ضرر الخ

ولو حصل زواج مدني
اشوف انه باب للمشاكل وتعقيدات كتير ... الاولاد يتبعو اي ديانه والضمانه للزوجه ؟

عند اهل النسبيه الموضوع ملوش اي اهميه او فايده

Eldebug said...

ههههههههههههههههههه
من الواضح ان نصيحة الرصين جات بالعكس

على العموم بصى هو تحليلك شكله حلو .. بس مش منطقى .. هى تقدرى تقولى كده فكرة طقت فى دماغك وعجبتك فاقتنعتى بيها .. انما انا مش شايف بصراحة اى سند ليها

وجايز اكون انا غلط طبعا .. ربنا اعلم

Ahmed El-Ghamrawy said...
This comment has been removed by the author.
عبد الله السلفى said...

استاذه نواره
بدون استهزاء وبدون سخرية لماذا دائما تحقدين على علماء اهل السنة؟ اكيد لانهم مشهوروين ومحبوبين اكثر منك

Ahmed El-Ghamrawy said...

في البداية أنا لا يعنيني من اسلم ومن تنصر ولكن، كامليا زوجة رجل دين في أعين المسحيين وكل ما يتعلق بالدين في مجتمعنا سواء بالنسبة للمسحيين أو المسلمين يعد خطوطا حمراء فالمسحيين يروان أن المساس بزوجة رجل دين تجاوز لا يحتمل في إطار ظاهرة تغير الأديان التي يوجهها المجتمع منذ سنوات وقد يعد انتصار للمسلمين في ظل صراع طائفي متعصب، والمسلمين يروان أن امرأة مسيحية أسلمت وهناك من يجبرها على التراجع، وفكرة دخول الإسلام أو الارتداد عنه عند المسلمين من الخطوط الحمراء أيضا والتي تستدعى تحرك المسلمين لإغاثة امرأة أسلمت وتعيش تحت ضغط من اجل دفعها إلى التراجع، اعتقد أن الكل يراها من منظور ديني

Unknown said...

عبد االله السلفي

ايوة... انت عرفت؟ كشفتني كشفتني

انا باحقد عليهم هم ونادية الجنسي عشان ما قدرتش احقق شهرتهم ونجاحهم بالرغم من اني حاولت كتير اخلي سعيد عبد الغني يضربني وانا اقول لاعااااا

Bahaa Elsayed said...

قال ابن كثير :

هذا تحريم من الله عز وجل على المؤمنين أن يتزوجوا من المشركات من عبدة الأوثان ثم إن كان عمومها مراداً وأنه يدخل فيها كل مشركة من كتابية ووثنية فقد خُص من ذلك نساء أهل الكتاب بقوله : { وَالْمُحْصَنَاتُ مِنْ الَّذِينَ أُوتُوا الْكِتَابَ مِنْ قَبْلِكُمْ إِذَا آتَيْتُمُوهُنَّ أُجُورَهُنَّ مُحْصِنِينَ غَيْرَ مُسَافِحِينَ )}

يحل للمسلم أن ينكح غير المسلمة إن كانت نصرانية أو يهودية ، ولا يحل له أن ينكح امرأة من غير المسلمين تدين بغير هاتين الديانتين والدليل على ذلك قوله تعالى : ( اليوم أحل لكم الطيبات وطعام الذين أوتوا الكتاب حل لكم وطعامكم حل لهم والمحصنات من المؤمنات والمحصنات من الذين أوتوا الكتاب من قبلكم إذا آتيتموهن أجورهن محصنين غير مسافحين ولا متخذي أخدان .. ) المائدة/4

http://www.airssforum.com/f265/t32549.html

محمد نور الدين said...

إلى النجمة بنت النجم ألف تحية من الجزائر
بصراحة لقد فوجئت بهذه الدوشة على الطريقةالمصرية، ولا سوق العتبة .تصوري وحدة ست في مقتبل العمر وفي سوق العتبة تصرخ على طول صوتها وتنادي على الناس وهي ماسكة بيدها أشكال وألوان من الألبسة النسائية الداخلية ، الأحمر اللي يترتر إلى الأسود ومن الدانتيل الشفاف إلى القنطني الناعم. بدون شك رايحة تلم الناس عليها و اللي ما يشتري يتفرج ومقال اليوم فيه شيء من هذا القبيل .
لأنك وضعت يدك على منطقة حساسة جدا . وأنا أتابع تحليلك تذكرت الكاتب التونسي العفيف الأخظر الذي اقترح في السبعينيات مصطلحا لوصف المجتمعات العربية لأنه لم يوافق على تسميتها بالمجتمعات الذكورية .لقد بدا له أن مفردة ذكورية لا تؤدي المعنى فاقترح مصطلحا آخرا أتحرج من ذكره.وهو محق في ذلك وعلى أهمية كلامك لكن ذلك يعد من سمات التخلف
لأن لمجتمعات الحديثة و العصرية لا تفكر بواسطة جهاز يقع في النصف الأسفل. وأعطيك مثالا على ذلك، في شهر رمضان آلاف، نعم آلاف الفرنسيات و الفرنسيين دخلوا الإسلام ، طبعا المزات الفرنسيات متكفل بهن أبناء المغرب العربي. ناس تعرف تشتغل على صحيح .إن هذا الدخول لدين الله أفواجا لم يحرك ساكنا لدى المجتمع الفرنسي لأنها مجتمعات يحكمها العقل وليس العاطفة.
تبقى ملاحظة صغيرة لك أنت: المجتمعات الرأسمالية لا تحكمها الغريزة كما ذكرت، لأنها مجتمعات عقلانية وعصرية وحديثة ،إنما تحكمها المصلحة وهي تعرف كيف تحققها. وفي الموضوع الذي ذكرتيه فهي تخلق لنا الحاجة للسلعة،واكثر من ذلك ،بل الأخطر من ذلك ،أصبحت تخلق لنا الذوق للسلعة.وهذا نتيجةالدراسة و البحث و العلم .وهذا يعد قمة التعبية و الإنسياق و الاستغباء و الاستحمار و الاستجحاش و الاستنعاج أن يخلقوا لنا الحاجة ثم يخلقون لنا الذوق للحاجة
ولك أجمل التحيات يا أجمل وأروع و أجن نوارة

hala said...

انا دايما بتساءل وييييين الحرية الشخصية للمعتقد؟؟؟؟؟؟؟؟؟يا جماعة ييييييا جماعة المعتقد في داخل صميم الانسان و محدش يعرف حقيقة ما بداخل النفس الا الانسان ذاتة عشان هيك لا تقولوا كميليا اسلمت ولا العوا إتمسحن هادي كلها شعوذات عشان الناس تتنيل وتتلهي عن مواضيع حساسة وجوهرية تهم مستقبل المواطن ومستقبل الوطن

hala said...

الاخ لورنس العرب

انا شايفة رغم انة نظري قصير إنك مش فاهم ليش ربنا حرم زواج المسلمة من مسيحي
اقلك ليش حرمة عشان اولاد هادي المسلمة سيكونوا مسيحية فإذا نص المسلمات انضربوا على عينهم وحبوا اولاد مسيحية وتزوجوهم سيكون عدد المسيحبة اكبر من عدد المسلمين في ارض الاسلام زي ما هو حاصل في المانيا لانهم بتوقعوا عام الفين وخمسين تصبح المانيا ارض إسلام

hala said...

يا نوارة يااااااااا نوارة شو صار مع المشكلة اللي حكتلك عنها ولا انت ما قرأتيش تعليقي عكل حال رح اذكرك في الموضوع وهو الغاز الغاااااز المصري مقطوع عنا
يا عالم بدنا نطبخ مافيش غاز مافييييش غاااااز

hala said...

اسلمت كاميليا ولا ما اسلمتش روحوا شوفوا اكل عيشكم

hala said...

الجنس نالنسبة للامة العربية هو اهم القضايا حتى اهم من قضية فلسطين والعراق والصومال باعتبار ان الجنس شىء مجهول الى ان يأخذ الشاب رخصة من المأذون عشان يخش دنيا بس كيييف يخش هذا من المجهول اللي ماحدش في العلم العربي سبر اغوارة

hala said...

اللة يقطع كاميليا على ابو إللي جاب كاميليا خربت البلد وخسَرت مصر حصَتها من ميَة النيل وقطعت عنا الغاز وخرَبت المفاوضات الفلسطينية الاسرائلية
فضَوها سيرة اللة يخرب بيتكم

hala said...

بدكم تفهموني انة السلاح معلش يكون مع المسيحية اما مع المسلمين لاء
اصلاً لو هالحكي مزبوط كان جهاز امن الدولة لعن ابو افطاس المسيحية قبلالمسلمين اصلة امن الدولة بهمة امن البلد قبل صحة الماطن

محمود المصرى said...

بسم الله الرحمن الرحيم

لا يا تهييس مش انا .

ابراهيم ابو سيف
بصراحة ردك عاجبنى هههههههههههههههه

معلش يا تهييس انا بشجع اللعبة الحلوة

عبد الله السلفى said...

نادية الجندى ايه بتشبهى عالم بنادية الجندى هزلت يا جماعة والله

abooood said...

نواره تحليلك فيه ناس من الطرفين شغالين بيه بمعنى ان هوا دا سبب مخلي بعض الناس تتظاهر وخلافه لكن في ناس ثانية كتير مش دا سبب من اسباب تظاهرهم
واديني الرصين بسرعه ارجوك محتاجه الجرعه

أبو عمر - الصارم الحاسم said...

أحسن رجالة ....أحسن وحوش
:)

تعليقاتكم جامدة جدا على التحليل اللوذعي ده خصوصا حتة حسن نصر الله وخالد مشعل
:)))




نوارة

موضوع ان النساء اللواتي اسلمن خط احمر اكبر من الرجال وارتباطه بالشرف فيه شئ من الصح فعلا ولكن ليس بالصورة الكاريكاتورية اللوذعية اللي انتي جايباها

القرآن بيقولها واضحة وصريحة

يَا أَيُّهَا الَّذِينَ آمَنُوا إِذَا جَاءكُمُ الْمُؤْمِنَاتُ مُهَاجِرَاتٍ فَامْتَحِنُوهُنَّ اللَّهُ أَعْلَمُ بِإِيمَانِهِنَّ فَإِنْ عَلِمْتُمُوهُنَّ مُؤْمِنَاتٍ فَلَا تَرْجِعُوهُنَّ إِلَى الْكُفَّارِ لَا هُنَّ حِلٌّ لَّهُمْ وَلَا هُمْ يَحِلُّونَ لَهُنَّ


لَا هُنَّ حِلٌّ لَّهُمْ وَلَا هُمْ يَحِلُّونَ لَهُنَّ


لَا هُنَّ حِلٌّ لَّهُمْ وَلَا هُمْ يَحِلُّونَ لَهُنَّ


لَا هُنَّ حِلٌّ لَّهُمْ وَلَا هُمْ يَحِلُّونَ لَهُنَّ


ده كلام ربنا....كلام ررررررببببنا

ففعلا الموضوع ممكن يكون فيه بعد الشرف بس مش ده كل ولا اهم حاجة مسيطرة على دماغ من تبنوا قضية المسلمات الأسيرات لدى الكنيسة


: هتفضلي كده كتير
؟
والله بقيت خايف على دماغك....هتضرب خالص كده...واتزانك النفسي هيبوظ من كتر ما انتي بتحوري الحقائق وبتحاولي تلاقيلها اي منفذ تاني

بأتكلم جد

hala said...

شووووو يا نوارة إنت فيييين ليش ما نزلت ملاحظاتي لحد الان

hala said...

امتى رح تكون قاعد عالمدونة ياااا مالك المدونة

hala said...

اصلاً المسلمين الشيوخ إللي بتقولوا عنهم سلفيين ما طلعوا عالفضئيات إلا لما المسيحيين بدؤا يسبوا ويهجموا الاسلام لانة اي مصيبة بتصير حتى لو كانت على اطراف الكرة الارضية يزقوها بضهر المسلمين والمسيحيين تمادوا كتيييييير بالسب عالاسلام والمسلمين فالسلفيين هم افضل ناس يدافعا عنا لانة المسيحيين إللي بسبواالاسلام همة متشددين لدرجة الحقد والكراهية

شمس العصارى said...

زبد زبد زبد
زبد فلاحى
زبد نباتى
زبد صناعى
واخيراااااااااا
زبد الرصين
على العموم
" اما الزبد فيذهب جفاءً "
كلامى ده ممكن نعتبره دعاية للزبد يعنى

Anonymous said...

التفسير الجنسى للفتنة
حضرتك بكده أخر عنقود مدرسة المفكر الكبير محمد أبراهيم على اللى كان بيقول أن العيال بتطلع المظاهرات علشان يتزنقوا فى البنات الجميلات وعليها قام علماء السلفية بتحريم الخروج للمظاهرات

shiro said...

أنا متفق معاكى يا نواره فى إن العاطفه و المشاعر الجنسيه أخدت حيز كبير فى الموضوع.

الناس كلها مشغوله بسؤال أسلمت ولا لأ .. تبعنا و لا تبعهم .. مين إللى جاب جون فى مين

و بغض النظر عن إجابة السؤال ده فيه سؤال أهم و أعمق : هل فى مصر حريات دينيه ؟ هل فيه دوله قويه و مجتمع ناضج يدى لأفراده الحريه فى إختيار حياتهم ؟

الإجابه لأ

Unknown said...

يجب تقرير حقيقة كونية قبل التعليق وهى ان


الانبثاق من الاعماق يتناسب عكسيا مع شرايين الياس التى تتفجر بدورها من احقاد الضغينة
اما الاجابة فهى مالى
ومالى طب وانا مالى انا مالى بالاحزان انا مالى
وبالنسبة للتعليق فهو
انها لا تعمى الابصار

مواطن مصري said...

احنا مش هنعمل حاجة ولا بيان ولا حملة عشان ارتفاع الاسعار ؟؟؟؟؟ دول بيقولو كيلو الطماطم هيوصل ل 15 جنية

مسلمة حرة said...

الحقيقة أنا مندهشة جدا من هذا التحليل (العبقرى) للموضوع وهو يتبع نفس مدرسة فرويد الذى كان لايفكر بعقله وإنما يفكر بجزء آخر من جسده يعزو إليه كل فعل أو رد فعل يصدر من الإنسان أقصد (الحيوان) لأن التفكير بهذا الشكل لايمكن أن يصدر من إنسان .... الإنسان أرقى من هذا التحليل الجنسى المبتذل بكثيـــــــــــــــر ياريت تنشرى

Unknown said...

هذا التفسير وإن كان له وجاهته على الأقل من ناحية مرجعيته إلا انني لا أجد فيه تفسيرا لتظاهر المصريين من أجل غزة والرسوم المسيئة وغيرها
وأعتقد ان نفس ردة الفعل ستحصل إذا اشتهرت قصة رجل غير دينه

احمد خليل said...

نوارة او الاستاذة نوارة
بجد بجد مفروض نقعد امامك مربعين ايدينا وانتى بتشرحى الدرس ..اللة ينور سكتك ...اعمق تحليل للازمة ،بشرح مبسط يصلح للمرحلة العفنة اللى بنمر بيها ...انت استاذة ومعلمة وست الكل

Na22ash said...

أنا بصراحة مش شايف أي رابط منطقي بين الاسلوب الجنسي الغرائزي المتبع لتسويق المنتجات في المجتمع الإستهلاكي والمحفز الجماهيري للأزمة الطائفية الأخيرة ..
الواعز الجنسي وراء خلافات الشرف يسبق بقرون منهج النظام الإستهلاكي الذي إنتهيتي بأنه أصل الفتن!!!

Early bird said...

لا

ده كده مش رصين دى جابت طين

تحليلك ده يمكن من وجهه نظرك ورؤيتك للاشياء وده مينفعش تسقطيه على كل الناس يعنى فيه ناس بتفكر فى حجات تانيه زى الدين مثلا وانه منطلقهم فى الحياه وتانى كامليا دى احنا معرفناش عنها حاجه لغايه ما اتهم المسلميين بخطفها وبعديين يسلموها للكنيسه مش ترجع بيتها

كل الناس بتصعب عليكى الا اللى الكنيسه مخبياهم نبقى نخلى النظام السورى يحتجز طل فى اى كنيسه هناك يمكن بالك يهدى وترمى طوبتها

اما بالنسبه لموضوع اليهودى اللى غرربيه مسلم فحاضر اى واحد عايز يسلم بس الخمره وحبه لخمره مانعه حنقوله خليك سكير احسن لحسن لما تسلم حبقيموا عليك حد الشارب ويمكن ده يخليك تفوق لنفسك وتبقى كويس

انت يهودى خليك يهودى مش عايزيين زحمه فى الجنه

عباس ابن فرناس said...

يابنت بيجولك ابوكى متطلعيش فى الجيالة كل العيون لما شافوكى بعتو وراكى الخيالة0000 يابنت ارجعى 0000يابنتتتت

عباس ابن فرناس said...

مش عارف بجد؟ بس الموضوع ده فكرنى بحاجتتين الاولنية امل دنقل لما قال(كيف تنظر فى عين امرا انت تعرف انك لن تستطيع حمايتها الحاجةالتانية حكاية سمعتها من امى الله يمسيها بالخير عن بنت مسيحية تزوجت من شاب مسلم مغترب يعمل بقرية من قرة الصعيد التى منها هذه الفتا المسيحية الطريف فى الموضوع انها اثرت حنق الجميع مسلمين ومسحيين نستطيع ان نتفهم سبب غضب المسيحيين لذلل حين سالت امى عن سبب غضب المسلمين قالت لانها تزوجت من مغترب وليس من اها القرية

عباس ابن فرناس said...

مش عارف بجد؟ بس الموضوع ده فكرنى بحاجتتين الاولنية امل دنقل لما قال(كيف تنظر فى عين امرا انت تعرف انك لن تستطيع حمايتها الحاجةالتانية حكاية سمعتها من امى الله يمسيها بالخير عن بنت مسيحية تزوجت من شاب مسلم مغترب يعمل بقرية من قرة الصعيد التى منها هذه الفتا المسيحية الطريف فى الموضوع انها اثرت حنق الجميع مسلمين ومسحيين نستطيع ان نتفهم سبب غضب المسيحيين لذلل حين سالت امى عن سبب غضب المسلمين قالت لانها تزوجت من مغترب وليس من اها القرية

اسد الجيزة said...

بلا دافع جنسي بلا دافع فحولي الاحسن اننا نشخ علي الولعة ونكفي علي الموضوع ماجور

اسد الجيزة said...

في حكاية حصلت عندنا في الحتة طلبة معايا اني احكيهالك الحكاية بتقولان واحدة متجوزة عشقت واحدة مسيحي اهلها دبحوها واستنوا الواد المسيحي وقاموا شقوا بطنا في الشارع الحكاية ديه كت من 10 سنين عندنا بس ماحصلشي زيماحص في فرشوط يدوبك انتهت انهم شقوا بطن الواد وواحد اتحبس

اسد الجيزة said...

ايه بالمناسبة هو موضوع الاكتاء الذاتي وصل لغاية فين

Unknown said...

نهار اسود

انتوا اتجننتوا في مخكم؟

Karim Fadl said...

مش ممكن

ههههههههههههههههههه

ايه اللي انتي عملتيه ده يا نوارة !!! أنا بتهيألي ان الرصين قلبت عليكي وجت على دماغك

والله يا ريتك كنت سبتهم يحفلطوا واديهم قلة وخلاص

انت نجحتي في اخراج المواهب الرصينة لأغلب قراءك واكيد حتحبطي عشان كنتي فكراهم اعقل من كده حبتين

معلش

ههههههههههه

ربنا يديكي الصحة

عبد الله السلفى said...

مستحيل عقيدتنا هتخرج ولا اى واحد مننا هتخرج عقيدته لانها فى القلب وهتلاقينا فى كل حتة انتى نسيتى ان مصر دولة اسلامية؟ شكلك نسيتى

ياسر كامل said...

الموضوع بيبين برضه استغلال رجل الدين للحمقى اللذين يقدسوا رجل الدين
الرجل لم يتورع عن اشعال فتنة طائفية فى سبيل قهر زوجته
ووقف الالاف يصرخون فى كاميليا عودى رغما عنك لهذا الرجل