Wednesday 26 November 2008

ولا انقسامات ولا نيلة اللي خايف على نفسه يوعى

ولا انقسامات ولا نيلة، اللي خايف من النجاسة يوعى ويروح يكون حاجة نضيفة بعيد عن النجاسة
وما تعملوش زي حزب الغد وتفرجوا عليكوا الناس، النضيف نضيف والنص نص نص والملوث ما نعرفهوش
حتى ممكن تسموها كده، واللي شبطان في الاسم يطفحه
اللي خايف على نفسه يوعى

49 comments:

TAFATEFO said...

يا ستي مبيقولك أهو مهماش أعضاء في الحركه .. حركة ايه اللي منقسهمه على نفسها .. ده مجرد عنوان أهبل للخبر .. ملوش دعوه بفحواه أصلاً

فين الحركه اللي منقسمه على نفسها دي؟؟

Unknown said...

لا ثانية واحدة، احمد بيقول ماهماش اعضاء في الحركة عشان احمد عايز يستثنيهم من الحركة، لكن الحقيقة هي الحركة دي مالهاش عضوية يا مصطفى، اللي دعى لاضراب ستة ابريل بيعتبر نفسه عضو في حركة ستة ابريل ومش احمد اللي ح يحدد لان مافيش هيكل هرمي للحركة
واسراء من دعاة حركة ستة ابريل، وحركة ستة ابريل دي اصلا اتبنت على اساس الاضراب لما نجح فما تقوليش الحركة مش منقسمة على اعتبار ان اسراء مش عضوة يعني مش معاها كرنيه! ولا احمد معاه كرنيه
اللي ح يحصل ان اسراء ح تقول انا حركة ستة ابريل واحمد ح يقول لا احنا حركة ستة ابريل
وح يحصل زي ما حصل في حزب الغد

Unknown said...

وبالمناسبة يا مصطفى
مقدما: ما تقعدش تزهقني لانه من المعضلات توضيح الواضحات

TAFATEFO said...

بس محدش لسه قال أي حاجه من دي .. واللي أعرفه (وأنا معرفش حاجه وحضرتك أدرى) ان في حركة شباب 6 ابريل .. وان إسراء مش منهم

ده على حد علمي

بس طبعاً حضرتك أدرى .. وأكيد كل شيئن هينكشف ويبان

TAFATEFO said...

:D:D

حاضر .. صكمن بكمن أهو وهقعد أتفرج يمكن حد يفهمني حاجه

:D

TAFATEFO said...

آخر حاجه معلش
check this

وشوفي المصادر تحت

Unknown said...

يابني احمد نصار في ستة ابريل واحمد نصار على حد معرفتي بيه واد كويس قوي انا بس نفسي اعرف هو سأل مين وشار عليه الشورة الوسخة دي

Unknown said...

عشان تبقى فاهم بس وده اخر كلام
اللي رايحين مش رايحين يشتغلوا عملا بالحبر السري وجمعة الشوان

اللي رايحين فاكرين انهم ح يعرفوا يضحكوا على الامريكان وماحدش يقدر ياخد من البنت حاجة الا اللي هي تسمح بيه ومش ح يعرفوا يجبروني اعمل حاجة انا مش عايز اعملها
ورصة الكلام الخايب ده

إيمان قنديل said...

الحمد لله رجعت تاني المدونه

Unknown said...

مكسوووووووووووووفة
انت فين يا بنتي وحشتيني

انت والبت تمر حنة اختفيتوا في ظروف غانضة

مواطن مصري said...

و الله انا محتار اعلق هنا ولا هناك خليني هنا عشان الورد برس خنيققق

اولا يا ست نوارة لمرة الالف بقول هما دعو الناس الي دعت
ل الاضراب مش الحركة مع ان الحركة فيها ناس اخوان و حزب العمل و انا بكرة الاتنين دول

الا ان احمد ماهر قال هو رايح لمنظمات غير حكوميةةةةةةةةةةةةةةةة زي حقوق الانسان و كدة الي كل مرةلما مدون يعتقل في العالم العربي بتشرد للحكومة بتاعتة

غير كدة

انتي عارفة فاروق الجمل

ملفق اخبار
مش انقسمات
دة اختلاف في الاراء

و ليس اكتر

حـنــّا السكران said...

هي اسراء مش كانت تابت توبة نصوحة عن العمل و الكلام في السياسة؟ ايه اللي جرى ؟
ـ بصراحة أنا صار عندي شبه يقين .. انك مستحيل تقدري تجمعي مائة شاب عربي على رأي واحد و فكرة واحدة .. و توثقي انهم رح يثبتوا أمام أي محاولة مهما كانت تافهة .. لقسمهم إلى عشرين فرقة .
ـ صحيح انه هالحركة مش حركة حزبية هرمية .. لكن من المفروض انها مجموعة من الشباب المؤمنين بفكرة معينة و خط معين عارفينه و حافظينه كويس ..مش كل اتنين منهم يفتوا فيه على كيفهم ..
ـ إذا كان الأخ أحمد نصار و الأخت إسراء رايحين يمثـّلوا أنفسهم فقط .. طيب نعرف إيه هي أنفسهم دي .. يعني سياسيا .. تحت أي بند تـُكتب ( أنفسهم )
ـ معليش .. أنا قريت الخير و حاولت أفهم و فعلا حاسس إني ما فهمت حاجة ..
ـ مافي أمل يا عمي .. ما في أمل

مواطن مصري said...

احمد نصار ترك الحركة عشان بتوع حزب العمل
شتمو فيهم و شتمو في ناس تانية

و هو قال انا مش في الحركة انا في الحزب

مواطن مصري said...

دة غير انهم شتمو في مشيرة واحدة من النشطاء و ايضا شتمو في العديد من المدونين

إيمان قنديل said...

انا جالي أكتئاب وحذفت المدونه وبعدين رجعت بأسم كباريه لحد بوستين وقلبت تاني وكل شويه اجي أعاكسك بأسم كباريه وأنتي طناش


أنتي وحشتيني وعرفت باللي حصل لمدونتك من عند شقير معلش ياجميله دا قدرك بأي



تصدقي أني مكنتش عارفه أنك بنت الشاعر أحمد فؤاد نجم وبنت الدكتوره صافيناز كاظم اللي من 10 أيام مثلا


والله أنا فعلا متخلفه



بس تعرفي كده أحسن لأني حبيتك وأنا معرفش أنك بنتهم


يعني حبيت شخصك أنتي وده كويس برضه

مواطن مصري said...

و كل سنة و انتي طيبة على العيد

Unknown said...

وشتموا مشيرة ليه بقى؟ هي مشيرة عملت لهم ايه دي كمان؟
ربنا يهدي الجميع بقى
عموما كويس ان احمد ماهر وضح موقفه

مواطن مصري said...

اولا مشيرة عشان هي حزب غد
و ناس تانية في حزب الغد اتشتو و سابو الحركو

غير منهم اليبرالين الي منهم اتشتم و منهم الي اتكفر

Unknown said...

مكسوفة
هههههههههههه
طب وانا اعرف منين ان انت كباريه
عرفتي امتى يا حبيبتي؟ لما اتشتموا؟

ولا يهمك كده احسن


حنا السكران

دي حاجة بقت تقرف
فاكر اول امبارح كنت باكلمك في ايه؟
والله بافكر في الموضوع ده جديا

حـنــّا السكران said...

مبارح كنت بكتب مقال في نفس اللي تكلمنا فيه و ما قدرت أنهيه .. حسيت اني زي اللي بيأدن في مالطة على قولة المثل المصري .
ـ بس انت روقي بليز ..اوكي ؟ لأنه بالاخر هو ده اللي هم عايزينه .. و لو كنا نفسيا قادرين نعمل اللي قلنا عليه كنا عملناه من فترة .. اقصد لو كان ضميرنا يطاوعنا ..
ـ الوضع ده كان دايما موجود ..بس هلئ صار أوضح لأنه صار امامه مجال كبير يوضح بسبب الثورة الألكترونية و الإعلامية دي .. و كمان لأنه البكاحة لم تعد حاجة تـُخجل كما كانت زمان .. صارت فهلوة .. البكح صار اسمه قبضاي و شخص عارف يسلـّك أموره .. مش كده؟

مواطن مصري said...

العفو الدولية تطالب بإيقاف تهور الشرطة المصرية و محاكمة المسئولين عن قتل الضحايا
http://www.masrawy.com/News/Egypt/Politics/2008/november/26/police.aspx

نوارة شكل مبارك هيبقى زي البشير

مهندس مصري بيحب مصر said...
This comment has been removed by the author.
مهندس مصري بيحب مصر said...

آه صحيح و شوفي اللينك ده
http://6azbeet.blogspot.com/2008/11/blog-post_23.html

Unknown said...

http://www.alarabiya.net/articles/2008/11/26/60873.html

Anonymous said...

العزيزه نواره
مفيش اساسا انقسام
ده كله حوار و عنوان مثير كعادة فاروق الجمل اللى بيحب يحور فى الكلام

عموما مش هاطول عليكى يا نواره
الحركه زى ما انتى قولتى مش حكر على حد
الحركه اتكونت من الشباب اللى دعى لاضراب 6 ابريل و حب يكمل
مش اللى قال انا حرمت و توبت و بطلت سياسه

و حطينا مبادىء و اهداف
و كمان لينا هيكل و مسئولين و حورارت كتير مش مكانها على النت اساسا

و الجديد بقى يا نواره ان معظم الاعضاء الجداد دلوقتى ماشاركوش فى الدعوه للاضراب
و فيه اعضاء ماعندهومش نت اساسا.. ولا كمبيوتر
تقوليلى ازاى .. اقولك هاحكيلك لما اشوفك .. اصل اكيد هاشوفك فى يوم من الايام

المهم ان فيه ناس دعوا للاضراب.. و الجروب اتعمل و حصل اللى حصل فى 6 ابريل
فيه ناس كملت فى فكرة تكوين حركه شبابيه مستقله تهدف للتغيير السلمى
و ناس اتمسكت بالصدفه و خارجين عاملين فيها مناضلين بالاسم
و ناس بطلوا و حرموا و تابوا

و ناس مقتنعين بالفكره و مصممين على الانتشار و التوعيه المستمره وسط الناس فى الشارع بهدوووء .. و هدفها فى الاخر هو التغيير زى ما كلنا عايزين
ووسائلهم متعدده و مبتكره

بعضهم ليه بعض الخبره السياسيه من 2005 و بعضهم مدونين .. و الاغلبيه منهم هما اللى شاركوا لاول مره فى حياتهم فى حدث سياسى يوم 6 ابريل او فى الدعوه ليه

يعنى اللى دعى للاضراب يشكر و زى الفل
لكن عضو الحركه هو اللى كمل شغل بعدها
و عضو الحركه هو اللى بيفكر مع باقى اخواته و يناقش و ياخد دور و ينزل ينفذ

مش اللى يقعد يتمنظر على الناس و يقول انا اتسجنت كام يوم فى اضراب 6 ابريل و هو اساسا بطيخه

و اغلبية الاعضاء رفضوا المشاركه فى مؤتمر منظماه الخارجيه الامريكيه .. و زى ما هايفيدوا .. برضه هايستفادوا

اغلبية الاعضاء اتناقشوا على الملأ و رفضوا

يبقى اللى مصمم يروح مش تبع الحركه

و اللى فرحان بالاضواء و امريكا و السبوبه يتحمل هو النتيجه

يعنى هو يروح و يتظبط و احنا هنا نشيل مسئوليته

ايه رايك؟؟

TAFATEFO said...

أهو أنا فهمت كتير من ghosty

مواطن مصري said...

Ahmed Maher (Egypt) wroteabout an hour ago
اللى بيقول ان الدعوه جايه باسم حزب الغد او افراد باشخاصهم فقط
امال ليه الموقع الرسمى للخارجيه بيتكلم عن الحركه بالاسم
و ليه المتحدث الرسمى فخور لما بيذكر اسم شباب 6 ابريل و بيقول عندنا حركه فى مصر بتعمل كذا و كذا

http://www.state.gov/video/?videoid=3136832001

الحوار مش لعبه و سفريه
يا ريت الناس يكونوا مسئولين عن تصرفاتهم بدل ما يبهدلونا معاهم و هما اساسا مش فاهمين خطورة الموضوع

يا ريت الناس اللى بيزايدوا بدون اى اماره و بيتكلموا عن الناس اللى ضحوا و عملوا المعجزات نشوفهم فى اقتراح او اضافه او مساهمه او شغل من اللى بنحاول نعمله .. بدل الخناقات و التفاهات و بس

Reply to ahmedReport

Post #65
Ahmed Maher (Egypt) wrote59 minutes ago
و فى الاخر برضه انا مع الراى القائل ان البيان تقيل شويه و ممكن يتلاشى ذكر اسماء الناس .. و يذكر فقط ان اللى هايروح لا يعبر عن الحركه اللى رفضت بالاغلبيه ولا يعبر فقط الا عن نفسه .. و يجب توضيح ده كويسAhmed Maher (Egypt) wroteabout an hour ago
اللى بيقول ان الدعوه جايه باسم حزب الغد او افراد باشخاصهم فقط
امال ليه الموقع الرسمى للخارجيه بيتكلم عن الحركه بالاسم
و ليه المتحدث الرسمى فخور لما بيذكر اسم شباب 6 ابريل و بيقول عندنا حركه فى مصر بتعمل كذا و كذا

http://www.state.gov/video/?videoid=3136832001

الحوار مش لعبه و سفريه
يا ريت الناس يكونوا مسئولين عن تصرفاتهم بدل ما يبهدلونا معاهم و هما اساسا مش فاهمين خطورة الموضوع

يا ريت الناس اللى بيزايدوا بدون اى اماره و بيتكلموا عن الناس اللى ضحوا و عملوا المعجزات نشوفهم فى اقتراح او اضافه او مساهمه او شغل من اللى بنحاول نعمله .. بدل الخناقات و التفاهات و بس

Reply to ahmedReport

Post #65
Ahmed Maher (Egypt) wrote59 minutes ago
و فى الاخر برضه انا مع الراى القائل ان البيان تقيل شويه و ممكن يتلاشى ذكر اسماء الناس .. و يذكر فقط ان اللى هايروح لا يعبر عن الحركه اللى رفضت بالاغلبيه ولا يعبر فقط الا عن نفسه .. و يجب توضيح ده كويس


دة من الجروب

مواطن مصري said...

Blogger ghosty said...


للعلم يا نوارة دة احمد ماهر

مواطن مصري said...

دة رد احمد نصار يا نوارةةةة

Ahmed Nassar wrote12 minutes ago
اعتقد موضوع السفر سبق ورديت عليكم فيه وانتهينا
وقلت ليه انا مسافر وليه عايز اسافر تحبوا انقلكم كلامى تانى هنا ولا قريتوه

فالموضوع مايستحملش ان حد يا محمد عبد العزيز يتهمنى بالعماله او الخيانه

ثانيا يا اخوانا انا ماقلتش انى عضو ب 6 ابريل واسالوا المحرر بتاع المصرى اليوم اللى كتب الخبر

انا قلتله احمد ماهى فعلا ماكذبش لما قالك انى مش بالحركه
لانى فعلا مش منها ومش بمثلها
وده شيء مايزعلش يا ريت قبل ماتتهمونى باى حاجه اتصلوا بيه اسالوه

كمان برضه انا ماقلتش لوزارة الخارجيه الامريكيه انى عضو بالحركه
بالعكس حتى العرض بتاعى اللى حايتم عرضه هناك بدايه حايكون عن نشاطى انا ومجموعه من الناس دعت للاضراب
بس قلت مش هو ده بس شغلنا اقصد الاضراب
قلت احنا بدانا من انتخابات الرئاسه وحملات ضد التعذيب و والاضراب

ووقفت عند الاضراب ومافتحتش بقى تانى

رغم البيان ورغم انى كنت عصبى جدا بسبب البيان وعلشان سبب تانى مالكوش دعوه بيه وهو اللى خلانى ماردش لغاية دلوقتى

بس انا دلوقتى خلاص هديت والحمد لله علشان كده برد

مش عايز حد يزعل منى رغم انى ماعملتلكمش حاجه
بس برضه مش عايز حد يزعل منى
وتانى بقولها انا رايح بمثل الناس اللى دعت للاضراب ولا اتمثل الحركه لانى مش منها

ولما بعت لوزارة الخارجيه ايميل وقلت انى مش بمثل الحركه واسال يا احمد يا ماهر شريف منصور وقله احمد قالك هو جاى يمثل الحركه ولا ايه وشوف رده

المهم الايميل ردوا عليا قالولى هما بيعتبروا ان حركة 6 ابريل هى اللى عملت الاضراب وكانت شغاله من قبل الاضراب منذ تاسيس الجروب علشان كده هما بيقولوا 6 ابريل ورغم انى رفضت ده وبعتلهم بس برضه قالوا نفس الكلام اللى هما مقتنعين بيه
يبقى انا ذنبى ايه وذنب باقى الشباب ايه
عموما لما اروح ان شاء الله انا ناوى اوضحلهم الكلام ده تانى


حاجه اخيييييييييييـــــــــــــــــــره
=======================
=======================
=======================
انتم ازاى فصلتونى وانتم بتقولى انى مش عضو معاكم

اعتقد ان عيب اوى يتقال عليا كده والصحف تنشر الكلام ده

بتقولى مش بمثلكم اوك حقكم
بتقولوا انى طالع بمثل نفسى حقكم
بتقولوا انى مش بالحركه وانا قلتها قبلكم حقكم

لكن تقولوا فصلتونا
طيب ازاى وليه تقولوا علينا كده وتشوهوا صورتنا بين الناس

كمان حاجه لاحمد ماهر
انا الدعوه جاتلى بصفتى ولست كعضو بالحركه
الا اذا كان المقصود من الحركه هو قصدهم حركة ما قبل الاضراب
لكن لما اتقالى عايزك تيجى تحضر مؤتمر فى امريكا
اتقالى الناس اللى دعت للاضراب وانت منهم مش حركة 6 ابريل
ده كان بداية كلامى معاهم ......... وبرضه اسال وانا مش بشتغل حد
انت جاتلك عن الحركه اوك مش بكدبك
بس انت ماشوفتش الدعوه اللى وصلتنى علشان تقول انى بكدب وبشتغل الناس !!!!!!!!؟

حاجخ اخيره لو تحبوا تقروا رايى تانى واسبابى للسفر ممكن انقلهالكم هنا رغم انى سبق وكتبتها

حاجه اخيره
ههههههههههه
اخيره دى مابتخلصش باين عليها

المره دى بجد حاجه اخيره

يا ريت بلاش موضوع تم استبعادهم وتم فصلهم دى
لانها بجد لو اتنشرت بالجرايد
مش حاسمحكم كلكم لانى مش حاقبل ابدا انى اسمى وصورتى يتشوهوا وللاسف انتم السبب

Ahmed melad said...

مش عااارف أيه دخل حزب الغد في الموضوع طيب ده نقاش بين أبناء حركه سته أبريل سواء المؤسسين أو من يتشرفون بالعضويه الأن ...ماذا أدخل حزبنا حزب الغد في الموضوع؟؟؟؟و نسمع كلام يفتقد للياقه عنه و هو ليس بمحل للنقاش هنا أطلاقا
--------------------
مهندس مصري كنا نتمنى سماع وجهه نظر حضرتك دي منذ أكثر من ثلاث سنوات.....!!!!!!

يوميات مواطن مصرى said...

احمد ماهر بتقول عليا انا رايح امريكا علشان سبوبه ؟؟؟؟؟؟

بجد مش حاقدر ارد على الكلام ده

Unknown said...

مصطفى
اكتب تعليقك اهلا وسهلا زي ما انت عايز من غير ما تحط لي اسماء لمخترعي النجاسة هنا في مدونتي
انت تقرن عليهم زي ما انت عايز برة المدونة مش هنا
ياللا اكتبه تاني بقى بس نضفه من النجاسة عشان الكنيف ممنوع يدخل هنا
قفلنا المبولة خلاص

Unknown said...

هو احمد نصار جه؟

ازيك يا احمد؟

رايح تبع الخارجية الامريكية يا احمد؟ وده يبقى اسمه ايه يا احمد؟ يعني اقول ايه يا احمد؟ اعمل ايه في نفسي يا احمد؟ اولع في نفسي يا احمد؟ ياريت تشرح لي

يعني يا احمد احنا نشتم مبارك عشان نروح نتعامل مع الخارجية الامريكية يا احمد؟


وما تكلمش احمد ماهر سيبه في حاله وفي اللي هو فيه اصلا، معلش ما تآخذنيش يا احمد الله يكون في عونه، وللا ايه؟ كلمني انا
اشرح لي

TAFATEFO said...

مش فاهم .. أنا بس كنت طالب من مواطن مصري انه يقول ليه أحمد نصار هيسافر وبعدين لقيت أحمد نصار دخل فقلت يقول هو لو ممكن

TAFATEFO said...
This comment has been removed by the author.
TAFATEFO said...
This comment has been removed by the author.
utopian said...

السلام عليكم
عايز اقول بس حاجه للناس اللي متعرفناش أوي يمكن نواره جت معانا انا و مجموعه من الشباب في بيجو من القاهره لو تفتكر لسراندو و كان معانا استاذ اشرف سعيد

المهم
حركه شباب 6 ابريل اه اتكونت بعد نجاح الاضراب و غالبيه اللي فيها دعوا و شاركوا في الاضراب و ناس تانيه جديده

يعني الحركه مش كلها ناس ملهاش علاقه ب الاضراب زي ما فيه استاذ بيصور
ما هو مش علشان متقبضش عليا يوم الاضراب يبقى مشاركتش فيه

الحركه لما جت لماهر دعوه الخارجيه ب اسم حركه شباب 6 ابريل طرحها للناس و بعد التوصيت الأغلبيه رفضت و ماهر نفذ رأى الأغلبيه

الناس اللي بتلوم اى حد يقول إزاى تهاجموا إسراء أقولهم إسراء كلنا بنحبها بس الحقيقه اللي مفيهاش شك إن إسراء ملهاش أى دور في حركه شباب 6 ابريل و لا شاركت حتى ف تأسيسها

الله يكرمه أحمد ماهر دعاها في المؤتمر بتاع الحركه و إداها الكلمه الاولى و هي ما تعرفش افرادها أصلا و لا تعرف عنها حاجه و كانت بعيده عن الحياه كلها من يوم ما خرجت

إحنا كلنا بنتمنى البلد تكون أفضل
حركه شباب 6 ابريل رفضت دعوه الخارجيه
اللي عايز يروح بقى بصفته الشخصيه الحزبيه ربنا معاه يعني
الحدايه مبتحدفش كتاكيت اصلها
و مبارك طاحن البلد بدعم امريكا
و للا هي بتضرب و تلاقي

مواطن مصري said...

@ ميدزي

ما مبارك بيروح بيزن ل امريكا و امريكا بدعم مبارك
و امريكا بردو هتشيل مبارك

و امريكا كل الهاجس الي عندها خايفين من الاخوان و هو بيروح يقولهم يانا يالي الاخوان

و انا من الناس الي رافضين الاخوان و رافضين مبارك

ف الاحسن ناس تروح زي ما سعد زغلول باشا الله يرحمة راح فرنسا في ظل وجود احتلال اجنبي
و راح و طالب باستقلال مصر

سعد زغلول راح ينادي الشرفاء في فرناس و الجمعيات الانسانية و عشان
يوضح للشعوب الاوربية القضية و ب التالي الشعوب الاوربية تضغط على حكومتهم

مواطن مصري said...

و لو بقى على تفكيركم دة يبقى انتو كماان شايف سعد باشا خاين


هو كمان

و بردو يبقى الزعيم مصطفى كامل خاين عشان كان بيدافع عن القضية المصرية في برطنيا الي كانت محتلة مصر

مواطن مصري said...

الله يرحم سعد باشا زغلول الي كان بيكافح و بيتكلم عن القضية المصرية في الخارج هو و مصطفى كامل

Unknown said...

سعد زغلول ومصطفى كامل؟ هو فيه احتلال امريكي في البلد واحنا ما سمعناش؟

Unknown said...

ميدزي
انا عارفة كويس ومعاك في كل الكلام اللي بتقوله، واسأل احمد ماهر انا قلت له ايه

مواطن مصري said...

لا بس فية دعم لحكومة مبارك عشان مبارك بيرحلم و بيقول الشعب دة بتاعي و كلو تمام

يوميات مواطن مصرى said...

علم ان امريكا هى الراعى الاول للارهاب فى العالم فهى التى مولت قديما الجماعات المسلحه وامدتها بالسلاح والمعدات
امريكا هى من تقتل الشعب الافغانى والشعب العراقى امريكا هى من تساعد اسرائيل فى ضرب الشعب الفلسطينى امريكا هى من تهدد سوريا الان وتريد تقسيم السودان امريكا هى من حاصرت ليبيا لسنين طويله امريكا والكثير والكثير ولكن اخيرا يجب ان نعلم ايضا ان امريكا هى من تساعد النظام المصرى المستبد وتجعله يستمر فى الحكم وتمده بالمعدات من اول الكلابشات اللى بنلبسها فى ايدنا حى عربات الامن المركزى ده حتى السجون هناك هيئات تدفع لكل مسجون مبلغ من المال يوميا تقوم مصلحة السجون بصرفه على الطعام والشراب
للمساجين فعمليه القبض علينا جميعا تتم بمال امريكى
بعد كل هذا تريدون ان تتقوقعوا داخل غرفكم وتقولوا لا نذهب لامريكا
يجب ان نذهب ليس لطلب الدعم والتدخل فلن يغير مصر الا المصريين
ولكننا نذهب لنطلب منهم الكف عن دعم الانظمه المستبده بالعالم كله وليس فقط بمصر
فالحريه عندما تصل اى دوله بالعالم تقوى جميع احرار العالم

نحن لا نذهب لنطلب دعما ولكن نذهب لنطلب منهم البعد عنا وان يتركونا
نحن لسنا عملاء لامريكا ولا نريد امريكا ولكن نريد ان تبتعد عنا امريكا
وايضا هنا لا اهاجم من يسافر للعمل او الدراسه اوحتى السياحه بامريكا فمن يريد ان يعمل هناك او يدرس فليفعل

يوميات مواطن مصرى said...

ى بس حاجه بسيطه عايز اقلكم عليها رغم انها تخصنى انا وهى افكارى بالنسبه للمؤتمرات التى تعقد بالخارج واتمنى عدم مناقشة كلامى وبقول اتمنى مش بقول لازم لان طبعا كل واحد حر يقول رايه

اولا ده مش استقواء بالخارج زى ما الحزب الوطنى بيروج للفكره دى
الحزب الوطنى بيحاول بكل الطرق انه يحصل على الدعم الامريكى الاوروبى
سيبنا من الدعم المادى والمعونه والمنح التى لا ترد لا كمان فى ما هو اقوى من ذلك وهو الدعم السياسى
عندما نجد تصريح لرئيس دوله اوروبيه يتحدث عن عبقرية مبارك اليس هذا دعم لمبارك فى حكم مصر ويفعل ما يفعل بنا فهو القائد العبقرى
ما يفعله جمال مبارك من الذهخاب الى امريكا باستمرار ليحصل على موافقه امريكا على مشروع التوريث اليس هذا دعما لا تقولى لى مش امريكا هى اللى حاتخليه رئيس لمصر
لا طبعا اعتراف امريكا وليس طبعا فقط امريكا بل الدول الاخرى به الان سيجعله هو رقم واحد فى مصر قريبا

اصلا الدوله لا تكون دوله الا بعد اعتراف الدول الاخرى بها

يوميات مواطن مصرى said...

متشكر جدا يا نواره على كلامك الجميل

بس عندى حاجه عايز اقولها
هى ليه حركة حماس بترسل ناس تتكلم باسم فى امريكا وطبعا مش بس امريكا انا اقصد الخارج عموما
يبقى حركة حماس خاينه صح

طيب ليه الرسول تفاوض مع اليهود وكفار قريش وارسل مندوبين ورسله يمثلونه

لازم نعرف ان فى اخر يجب التحدث معه فى كل الاحوال

امريكا نعلم جميعا انها لن تعطينا شيء

ولكن يجب ان نعمل ان نجعلها تمنع دعمها لنظام مبارك

كنتى جميله اوى يا نواره فى البرنامج انتى ومامتك
امتعتونا

مهندس مصري بيحب مصر said...

الى الاستاذ / أحمد محمد ميلاد
=========================
انا عارف إن الغد مش محل نقاش هنا
و مش قصدي عليك و انت عارف كده كويس

انا كنت بأشبه اللي بيحصل حالياً لحركة 6 إبريل باللي حصل سابقاً في الغد
بأضرب مثل لا أكثر

و يمكن انا نفسي قصير و اضعف من اني استمر في مكان متوتر و معنديش نفس عزيمتك

و عموماً إذا كان كلامي اتفهم غلط فأنا أعتذر عنه و قد قمت بحذف التعليق

عم مينا said...

إلي أحمد نصار

أنا محترم جداً فكرة انك جيت هنا علشان تشرح وجهة نظرك رغم انك مش متهم علشان تدافع عن نفسك
اعمل اللي انت مؤمن بيه
و اللي يقولك انك خاين و بصله و اضحك

Unknown said...

يا كلاوي ماحدش قال على نصار خاين
ولو احنا مش بنحب نصار ما كناش اتكلمنا معاه
وانا بأكد لك ان احمد ماهر بيحب نصار جدا
ونصار عارف كويس انا باحبه قد ايه وباحترمه وباخاف عليه كمان
وده حقنا على الناس اللي بنحبهم

كلاوي

انا ح اسألك سؤال كنت سألته لمايكلتيللوا كان برضه كاتب بوست كلاوي كده: ابن كلب مين اللي قال على المسيحيين لؤما؟
هههههههههههههههههههههه
ييجي يشوف