Tuesday, 25 November 2008

هدية من الشعب الامريكي

حاجة بقت تقرف...ايه النجاسة دي؟ الواحد حاسس ان البلد بقت كلها كنيف وكل الناس متعاصة بالقرف، عبيط اللي يتوضى في البلد دي...هو الشعب الامريكي مش ح يرحمنا من هداياه بقى؟ هي مش دي ضرايبه اللي بيشتغل ليل نهار عشان يدفعها؟ ما يعمل بيها لنفسه التأمين الصحي اللي عمالين يعيطوا عليه وكل واحد يترشح في الانتخابات يجري ريقهم عليه، ما يعمل بيها مدارس حكومي بدل تعليمهم المعاتيهي اللي واخد السيط ولا الغنا، ما يلموا بيها الهومليس اللي عندهم قبل ما يلموا المتسولين اللي عندنا، متسولينا احنا اولى بيهم، ما يعملوا بيها شاندوشتات حلاوة بالقشطة....انما مستلمينا بدين ام المعونة النجسة بتاعتهم لما لطخوا لنا البلد كلها بهداياهم البرازية لما خللوا البلد كلها متسولين وكمان اللي يعترض على التسول يبقى مجنون ومؤمن بنظرية المؤامرة
اععععععععععععععع

22 comments:

ناصر said...

هدايا الشعب الامريكي لن تنتهي الا بنهايتنا او بمقاومتنا والخيار لنا
وثقافة الاضاءة على المشاكل والتعمية على الحلول، وابراز الجرائم والتعمية على الانشطة الايجابية
سياسة خبيثة تهدف الى نشر اليأس والقنوط والسلبية
حتى يقول القائل:فالج لا تعالج

TAFATEFO said...

الزمان ده ناقصه واحد

نجيب سرور

لا .. ناقص كتير .. بس أكتر حد محتاجه الزمن ده نجيب سرور

TAFATEFO said...

@ Nasser

ممممممممم
إبراز الجرائم .. والتعميه على الأنشطه الإيجابيه

!!!!!!!!!!!!! نعم؟؟

ده الناس بتهلل وتغني وترقص وتهني بعض لما أي شئ إيجابي بيحصل

انت مشفتش يوم الحكم الورقي لمنع تصدير الغاز؟؟؟

بس الجرائم أصبحت تحيط بنا من كل جانب .. ولا بد من كشفها وتسليط الضوء عليها وعلى مرتكبيها

هم العدو .. فاحذرهم

ناصر said...

ياهلالالالالالالا مصطفى
جئت متأخراً بعد ان بردت المشاريب
والمصيبة انك لم تكلف نفسك عناء قراءة الموضوع على العربية حيث اشارت اليه الغالية نوارة:
"المسلسل يتناول مواضيع ذات طابع اجتماعي كقضية أولاد الشوارع، قضايا إثبات النسب، الاغتصاب، التحرش الجنسي، التطرف الديني وارتباطه بالفتنة الطائفية والعنف والإرهاب، معاناة الناس في المستشفيات الحكومية واستغلال المستشفيات الاستثمارية، الزواج المبكر، التعليم وما يمارس فيه من استغلال، قضايا الإسكان وتشريد الناس وتهجيرهم والانحراف والنصب، بالإضافة إلى إشكاليات كثيرة يرصدها المسلسل ويسعى الى كشف النقاب عنها وقضايا الفساد الاقتصادي مثل غسيل الأموال ومافيا الإعلانات كضرورة للعمل".
لا حول ولا قوة الا بالله، ضحينا بالام والجنين عشان المعونة تعيش

عم مينا said...

يا نوارة
أنا عارف ان ممكن الواحد يبقي عنده حساسية من أي حاجة تيجي من ناحية أمريكا و هي بصراحة غريبة انها وصلت لإنتاج المسلسلات
بس لو المسلسل اتعمل بطريقة كويسة و محترمة يبقي ايه المشكلة
ما احنا شفنا حين ميسرة و كان مسلط الضوء علي المشاكل فقط.. بس كان فيلم حلو و الناس أشادت بيه
و نفس شيء في حسن و مرقص.. ما خباش حاجة.. و عرض المشكلة كما هي.. و كان بردو فيلم رائع..
أنا بشاركك تخوفك.. بس خلينا نشوفه و بعدين نحكم.. و صدقيني الناس في الآخر بتصدق العمل الصادق اللي معمول بضمير.. و لو أي حد حس انه المسلسل له اجندة خفية.. محدش هيتفرج عليه و هيبقي اكنه ما اتعملش اساساً

مهندس مصري said...

طيب و هي مسلسلاات المعونة حتبرز اي شئ حلو الا لو كان يخدم مصالحها
إنما ما دام إبراز الوحش هو اللي يخدم مصالحها يبقى إديها و مثل و إكشف اوسخ ما في البلد دي
بس ياريت ما يكدبوش و لا يضخموا الامور عن حقيقتها لإنها فعلاً متنيلة بنيلة و مش عايزة اي نيلة زيادة من بره

جبهة التهييس الشعبية said...

عم مينا ح اقول لك نفس الكلام اللي قلته لمواطن مصري في المدونة التانية:

اه، والمعونة الامريكية مالها ومال مشاكلنا الداخلية؟ فيها انك بتاخد ضرايب الشعب الامريكي عشان تتكلم عن مشكلة تخصك انت، تفتكر ده كلام يعقل؟ ده كلام يعقل؟ ماهو حاجة من الاتنين يا انت بتاخد ضرايب الشعب الامريكي عشان تخدمه، وفي الحالة دي نفهم بقى ايه الخدمة اللي ممكن تتقدم للشعب الامريكي من مواطن مصري المفروض انه بيتكلم عن مشكلة داخلية، يا اما انت بتاخد ضرايب الشعب الامريكي وتضرب عليها عواف عشان تحل بيها مشاكلك بعيد عنه في الحالة دي يبقى اللي اخد المعونة دي حرامي ونصاب يا اما بقى الشعب الامريكي بروح امه بيدينا صدقة، وفي الحالة دي يبقى اللي اخد المعونة شحات

وللا ايه؟

--------------

مش معقولة يعني
مش ممكن الكلام ده مش محتاج نباهة ولا محتاج "حساسية" زي ما انت بتقول

يعني ايه المواطن الامريكي يشتغل ويدفع ضرايب عشان انا اخدها اصرفها على المجتمع المدني وعلى النشاطات وعلى الصحافة والمدونات والمراكز الفنية والبتنجانية وكمان انتاج المسلسلات بينما انا ضرايبي مسروقة وتقول لي دي "حساسية" انا الكلمة دي بصراحة يا عم مينا استفزتني قوي

هي الشحاتة بقت وجهة نظر؟
واللي ما يرضاش بالشحاتة يبقى عنده "حساسية" طيب انا يا سيدي عندي حساسية وبيطلع لي حبوب وبيجي لي هرش من الشحاتة وليا الشرف

اللي ياخد ضرايب مواطن تاني مش من بلده يبقى حاجة من تلاتة

يا اما بيشتغل لحساب هذا المواطن والدولة دي

وانا ما اعرفش اللي يشتغل لحساب المواطن الامريكي ده تصنيفه ايه في ظل عالم بيتهم حزب الله مثلا بالعمالة لسوريا وايران!

يا اما بينصب على الناس وبيسرق عرقهم وشقاهم

يا اما شحات على احسن تقدير

مالهاش حل رابع

والحقيقة اه انا عندي حساسية من التلات حاجات دول ومش عارفة اللي ماعندوش حساسية مهنهم يبقى جنس جبلة امه ايه؟

انا ما عنديش مانع مسلسل يطلع انشالله يا اخي يسب لي الدين

بس ليه بفلوس المعونة الامريكية

وتقول لي يمكن يطلع مسلسل محترم؟

هي الدنيا حصل فيها ايه؟

عم مينا said...

أولاً علشان نكون واضحين.. أنا ضد المعونة الأمريكية.. رغم اني مش بصنفها أي تصنيف من التلاتة بتوعك.. انا بعتبرها رشوة سياسية بتتحول لأداة ضغط في بعض الأوقات و علشان كده أنا برفضها
لأنها أما بتكون رشوة سياسية بتيجي علي دماغنا احنا في الآخر و أما بتكون أداة ضغط ده معناه اننا ما نملكش قررنا و دي حاجة أرفضها كأي مصري

و بعدين الخبر بيقول انهم معلنين مش ممولين.. و المعلن بيدور علي الحاجة الناجحة يعلن عندها.. مش صدقة يعني

أنا أسف علي كلمة حساسية يا ستي
أننا ما نقرش بنظرية المؤامرة قبل ما نشوف المسلسل

Founoon said...

انتي هنا ولا هناك ولا ايه يا ربي الحوسة دي

ما علينا

بغض النظر عن موضوع المعونة

فيديو كايرو سات طول عمرهم بيصوروا افلام تسجيلية زي الخرا عن مصر وبيبيعوها لدول اجنبية
وقنوات فضائية اوروبية وامريكية

ليه الله اعلم

صاحبها اسمه نادر جوهر

ممكن يكون هدفه الوحيد الفلوس ودا على الاغلب

بس يعني مش جديد عليهم

جبهة التهييس الشعبية said...

عم مينا
لا الحقيقة كونها رشوة سياسية ده ما ينفيش التلات حاجات اللي قلتها ده بيأكدها

الادارة الامريكية بتدي معونة لانها مهمة بالنسبة لهم عشان هم شايفينها رشوة سياسية

اللي بياخد مننا بياخد ليه؟
يا امها هو قابل الرشوة يبقى بيشتغل لحسابهم
يا اما هو بيقول احسن من عينهم
يبقى حرامي ونصاب
يا اما هو بيقول ما انا محتاج الفلوس دي ومش معايا وهو عارف انها رشوة سياسية يبقى شحات

اما موضوع كل ما الواحد يتكلم ويقول كلام كل اللي بيسمع مش موافق عليه وبعدين يقولوا له: اه صح صح...بس بلاش نظرية المؤامرة

فانا زهقت فعلا
دي حاجة كده زي ما اقول لك عوضين عنده سرطان منتشر في كل جسمه، وحتى التحاليل اهي، والله، وح يموت
تقوم انت تقول لي: انا عارف يا ستي، وعارف كمان انه في مرحلة متأخرة وان عنده ايدز كمان
بس مش لازم يبقى ح يموت بلاش التشاؤم ده
!!!!!!!!!!!!!!!!!!!!!!!!!
شفت فيلم الرهينة؟
لو شفته افتكر المشهد اللي في الاخر لما مصطفى وكلاوي كانوا بيجروا والعصابة بتضرب عليهم نار، فمصطفى قال: ح يموتونا يا كلاوي
فكلاوي بيرد علي والرصاص شغال: يا اخي ما تبقاش شكاك قوي كده

جبهة التهييس الشعبية said...

بالمناسبة انا ما عنديش مشكلة في "تشويه سمعة مصر" لان مصر بقى عندها سبعتلاف سنة ولو ما كانتش اتجوزت لحد دلوقت مافيش عريس يناسبها في السن ده

بس ليه بالمعونة الامريكية؟ وتقول لي بلاش نظرية المؤامرة

لا مافيش مؤامرة

المؤامرة دي بتبقى في السر
لكن احنا دلوقت كل حاجة بقت على عينك يا تاجر

جبهة التهييس الشعبية said...

فنون

انا هنا وهناك عشان لو واحدة طارت التانية تبقى موجودة

الخوجة said...

نوارة ممكن ترسلى لى دعوة من الجايكو
لو سمحتى علشان اشترك مش عارف اشترك
بيقولوا لما يبقى متاح هنرسل ليك دعوة
امال انتى اشتركتى ازاى
معلهش مالوش دعوة بموضوع البوست
email

alkoga@live.com

bluestone said...

طيب هو انا لازم اوضح شوية حاجات عشان في كم خلط عظيم في الردود

متفقة مع كلام عم مينا في ان المعونة في الاغلب الاعم هي رشوة سياسية واداة ضغط بتستخدمها الحكومة الامريكية
وطبعا تحت اسم نشر الديموقراطية في العالم او تهيئة مناطق مختلفة من العالم لتكون موالية للسياسة الامريكية وبحسب الاعتقاد ان كل ما يحصل في مكان ما بالعالم يؤثر بالضرورة على مكان آخر

وده اصلا يا جماعة قانون امريكي اسمه قانون المساعدات الخارجية وده موجود من الحرب العالمية الاولى
============
انا بكره جدا الحجة الهبلة بتاعة غسيل مصر الوسخ والكلام الهايف الاهبل ده
احنا مش مجتاجين حد ينشر غسيلنا احنا متنيلين خلقة
وبعدين ما كل يوم بنعمل فيلم ولا مسلسل عن الفتنة واولاد الشوارع وغيرها
ولا هنعمل زي الحكومة ونقول اصل ده تشويه لسمعة مصر

صحيح هي غريبة ان المعونة تعلن او تساهم في تمويل عمل درامي بس مش اول مرة
مسلسل عالم سمسم بتاع الاطفال كان برضه هدية من الشعب الامريكي
والمعونة بتتعامل مع المواد الدرامية على انها تدخل في نطاق تنمية المجتمع

يعني يفضل نتفرج على المسلسل الاول ونرصد اي تجاوز فيه ونبقى نشبشب لهم بعد كده
======================

تصحيح بس لفنون
فيديو كايروسات مش شركة انتاج فني
انما شركة انتاج عام
يعني بتنتج لحساب الغير
من القنوات المحلية والاقليمية والعالمية
يعني لا تقدم محتوى وانما تقدم اجهزة ودعم لوجستي للمحطات اللي معندهاش مقار في مصر

وطبعا مش محتاجة اقولك اي كاميرا صغيرة بتخرج الشارع بيبقى ليها تصريح من الداخلية وامن الدولة وتصريح التصوير مش بيطلع إلا لو تم التأكد من المحتوى والموافقة عليه يا ستي

ثانيا وهذا للعلم فقط
نادر جوهر مش صاحب فيديوكايرو سات اصلا
نادر جوهر صاحب شركة كايرونيوز
وهو الللي خضع للمحاكمة من كام شهر بسبب صور المحلة وانه كان الجهة الوجيدة اللي راحت صورت ايام اعتصامات المحلة

وابقوا اقروا شوية هتعرفوا

مواطن مصري said...

نواررررررررررررررررررررررررة


اسمعي اغنية اوبما غناء شعبان عبد الرحيم
جامدة
جامدة
اسمعيها
على ضمانتي
http://www.mawaly.com/file/play/42987.html


اسمعيها

الخوجة said...

ياجماعه انتم لييه مش حاطيين بانرات للمدون محمد عادل
انتم مش واخدين بالكم ولا اييه

ايوة نوارة وانتم رحتم بس لازم بانرات يانوارة

عم مينا said...

بالظبط يا بلو هو ده اللي كنت عاوز أقوله بالظبط
معلش يا نوارة ده هيرجعنا لنفس النقاش بتاع موضوع وائل عباس
أنا مش عاوز أفتح الموضوع تاني بس هي نفس النقطة
فيه فرق بين ان حد يجي يديني فلوس و يقولي عاوزك تعملي مسلسل بيناقش القضايا الفولانية و يتبني وجهة النظر دي..
و بين ان أنا أقرر أعمل مسلسل نابع من فكري الخاص و ييجوا الأمريكان يلاقوا ان والله المسلسل اللي أنا بعمله متماشي مع الخطة بتاعتهم..
فاهمة قصدي؟

للأسف الموضوع ده بيتكرر كتير قوي.. زي أما أيمن نور طلع و عجبهم.. لأنهم بيحبوا يكون عندهم في كل بلد واحد يساندوا.. المهم ان احنا بهدلنا الراجل و قلنا عليه صناعة أمريكية و اللي قلك ان دي أحمد الجلبي بتاع مصر..
مع ان الراجل محدش صنعه و لا حاجة.. هو ده اللي أقصده بنظرية المؤامرة.. أنا مش بقول ان أمريكا ليها خطة لينا و انها خطة في الغالب منيلة بنيلة
بس مش معني كده ان أي حاجة تتعمل و يكون صناعها مصريين و تتقابل بالصدفة مع الخطة الأمريكية.. يبقي نهدها و خلاص

عم مينا said...

و بالمناسبة أنا لسة متفرج علي الرهينة أول امبارح :)

حـنــّا السكران said...

طيب ليش استغباء الناس بهالطريقة ؟ يعني يكتبوا على اللوغو ( هذا العمل هدية من الشعب الأمريكي ) و تيجي مديرة التسويق تقول لا دي هيئة المعونة الأمريكية مجرد جهة من عدة جهات معلنة سوف تظهر إعلاناتها أثناء عرض المسلسل ؟ والله أنا شفت مسلسلات مصرية و غير مصرية في رمضان و شفت إعلانات لشركات كبيرة كتير .. لكن عمري ما شفت شركة من دول كاتبة : هذا العمل إهداء من الشركة الفلانية .. حديد عز مثلا ..
ـ لو كانوا عايزين يهدوا الشعب المصري هدايا قيّمة تفيده و يشكرهم عليها طول العمر .. و في مجال الفن مثلاً .. كانوا يهدوه تكلفة إعادة بناء مسرح بني سويف المحروق أو المسرح القومي .. و ما في مانع بعد ما يخلص البناء .. يكتبوا عليه من فوق و بخط عريض جدا : تمّ إعادة بناء هذا الصرح الثقافي الحضاري كهدية من الشعب الأمريكي ..
ـ لكن مسلسل .. و عن الفتنة الطائفية ؟؟ يعني احنا محتاجين معونة عشان نعترف انه عندنا شرخ طائفي؟

إحنا أهديناهم كام قبطي و كام مسلم قاعدين عندهم و نازلين فينا تجريح و بهدلة و شتائم باسم الديمقراطية و حقوق الإنسان و كمان بيدعوا الحكومة الأمريكية لإحتلال بلداننا عشان تخلّص المظلومين من الظلم و الفقر .. زي ما خلّصوا العراقيين و خلـّصوا على العراق بشكل نهائي .
يا ريت حدّ عربي يهديهم تمويل فيلم امريكي عن معاملة الأمريكان العنصرية القذرة للعرب مسلمين و مسيحيين بعد أحداث سبتمبر .. أو تمويل فيلم عن غوانتانامو و أبو غريب ..

جبهة التهييس الشعبية said...

اه، يعني انا مثلا عملت صينية بطاطس، مثلا مثلا يعني، وهم لقوها كويسة وبتخدم السياسة الامريكية وقالوا لي تعالي ح نمول لك صينية البطاطس دي من المعونة بتاعتنا عشان هي تقاطعت مع مصالحنا اقوم انا بمنتهى الوساخة اقبل

ماهي دي وساخة

طيب امال اسامة بن لادن بيتشتم ليه؟ ماهو كان بيتكلم بنفس المنطق، وعلى فكرة قال نفس الكلام ده على الجزيرة بالحرف قبل حرب افغانستان: انا تقاطعت مصالحي مع امريكا في وقت من الاوقات وانا باحارب في افغانستان وشفت ان مافيش مشكلة اني اتعاون معاهم في المرحلة دي بس هم اعدائي ولما خلصت الحرب هم دلوقت اعدائي الوحيدين

يعني يتعاون معاهم وبعدين يقلب عليهم

بصرف النظر عن عدائي للسياسة الامريكية بالذمة دي اخلاق؟

وبعدين دلوقت حالا بالا ابو الفصاد بقت مشكلة بن لادن مش انه اتعاون مع الادارة الامريكية ولكن مشكلته الحالية انه اتقلب عليهم

وده طبيعي يعني، تفتكر ح تعمل حاجة النهاردة بفلوس الامريكان تقاطعت معاهم زي عالم سمسم مثلا
وبكرة عايز تعمل مسلسل ضد مصالحهم
تفتكر ح يسيبوك بعد ما ادولك فلوس؟

تحط نفسك اسير احسانات المعونة وبعدين تقول لي انا حر وباعمل اللي انا عايزه؟
ده عند هانس

عم مينا said...

أولاً أنا مش بتكلم علي المسلسل دلوقتي
لأن فعلاً أنا مش فاهم ايه وضعه لسة
الخبر بتاع العربية مش واضح هل هم مولوا المسلسل و لا بيعلنوا فيه؟
و زي ما بلو و حنا السكران قالوا.. هي فعلاً حاجة غريبة و مش مفهومة لسة.. لأن دي أول مرة يخشوا في موضوع المسلسلات

أنا اللي بتكلم عليه هنا قضية أكبر
هل أي نقطة تتفق فيها مصالحنا مع أمريكا نرميها في الزبالة؟
يا نوارة احنا وصلنا لمرحلة ان فيه ناس بقت رافضة الديمقراطية لأنهم بيربطوها بأمريكا! هل ده شيء منطقي؟
ده أنا مرة سمعت واحد بيقول احنا مش هندي المسيحيين حقوقهم أصل ده اللي أمريكا عايزاه!
يا خوفي الأمريكان ما يؤيدوش توريث الحكم لجمال مبارك فنجيبه عند فيهم!

و أرجع تاني و أقول اني ما بحبش أخون حد.. انت مصممة ان دايماً في فلوس بتدفع.. بس أنا شايف انه ساعات بيبقي دعم معنوي مش أكتر..
يعني أيمن نور الناس كلها اتهمته بالخيانة و العمالة.. مع اني في رأيي انه عمره ما قبض و لا نيلة من الأمريكان.. هم بس كل شوية كانوا بيخلوا الست مادلن أولبرايت تقابله كل مرة تعدي فيها علي مصر.. و تعملوا منظر و خلاص....

Founoon said...

بلو ستون

وايه يمنع يكون صاحب الشركتين

وبعدين انا ماقولتش انها انتاج فني على فكرة بالرغم من ان الخبر اللي حاطاه نوارة بيقول ان الشركة هتنتج مسلسل


مع اني ماكنتش محتاجة اقرأ عشان اعرف لان نادر جوهر واسرته اصدقاء اهلي

بس انا عملت بنصيحتك وقريت

ياريت انتي كمان تقري اللينك دا

http://www.businesstodayegypt.com/article.aspx?ArticleID=7627