Wednesday 26 November 2008

يوم الخميس 27/11 رايحين للنائب العام تاني

عشان محمد عادل، يوم الخميس الساعة اتناشر، ح نروح له تاني، انا مش فاهمة هو محمد عمل ايه عشان يتبهدل كده؟ انا ما شفتش عليه ولا عرفت عنه غير شوية رسايل جايكو متخلفة لا تعني اي شيء غير انه واحد بيفضفض عن مكنون نفسه بس بغضب شوية
بس اما يطلع...ح اعلقه من رموشه عشان يحرم ياخد راحته ويفضفض باللي مضايقه تاني على الجايكو
المفروض يكتم في قلبه لحد ما يطق
واللي فينا بيكتم في قلبه يبقى ما يجيش...اي حد فينا ممكن يبقى مكانه وما يلاقيش اللي يقف جنبه

4 comments:

bluestone said...

جميل جدا
بس وحياة ابوكي يا نواره لما تروحوا للراجل حطوا المسميات في مكانها
بلاش اعتقال مدون والتعبير عن الرأي والمدونات والكلام ده

كلنا عارفين زي ما هم كلهم عارفين برضه
ان محمد عضو في جماعة الاخوان المسلمين
وهو كان نشط جدا في الحملات الخاصة بفك الحصار عن غزة واتكلم عن حاجات كتير ليها علاقة بكسر الحصار او السفر لغزة او المقاومة أو أو

فلما تسألوا النائب العام ولا الاعلام ولا اي حاجة خلوا الكلام في مكانه

الراجل ده مقبوض عليه ليييه؟
ايه الحجة القانونية او التهمة ؟؟
الجماعة بتعمل عشانه ايه ؟؟ لازم نعرف بيساعدوه ولا سايبينه يغرق لوحده؟؟
على الاقل لازم اهله يعرفوا مكانه ؟
فلو حد اتكلم للاعلام يقول بس ان المطلوب معرفة سبب القبض عليه ومكانه الحالي وده ابسط حقوقه

شوقى رجب said...

تسلم ايدك يا نواره
bluestone
بالنسبه لان محمد ناشط فى لجان فك الحصار ايه المشكله؟
هوه استخدم ايه غير التعبير عن الراى فى الموضوع ده او غيره؟
مش مهم الجماعه او غيرها عملت ايه المهم احنا ممكن نعمل ايه؟
تحياتى

Phobos said...

I wish someone would tell me what is the geico or gay or jaiko you are talking about all the time ... and where can I find it ?

الشريف / جمال طة said...

نـــــــــــواره


أنتم زعلانين على محمد ومشغولين عليه ليه

هو فى أيدى أمينه وفى مكان أمين لآنه ثروه قوميه يجب الحفاظ عليه هو وأمثاله حتى لايطلع علينا ولنا زويل تانى ولا مجدى يعقوب ولا الباز ولا نجيب محفوظ تانى