Friday 4 June 2010

عاجل: حاجات كتير

بكرة ان شاء الله، السبت 5 يونيو وقفة امام نقابة الصحفيين عشان اللي حصل للقافلة
ده اولا
ثانيا: ماحدش ينام النهاردة ولا يحول عن الجزيرة، القافلة الايرلاندية رايحة غزة وربنا يستر
ثالثا: ما مدى صحة الخبر دهههههههههههههه
حد في وزارة الاوقاف او يعرف حاجة عن وزارة الاوقاف يقول لنا الحقيقة
رابعا: انا باحب اردوغان.. يارب يبطل زعيق ويعمل حاجة بقى

18 comments:

شمس العصارى said...

طيب ما انا قلتلك من ساعات على راشيل كورى
بس هما خلاص قرروا يرسوا فى دولة تانية ... تركيا او اليونان فى انتظار شخصيات مشهورة و ليها نشاط انسانى و صحفيين و مراسليين علشان يدعموا الرحلة دى
لان كل الى عليها 15 واحد
وكمان خاطبوا الامم المتحدة علشان تبعت معاهم الى يفتش السفينة و يتاكد انها مساعدات انسانية
المهم : يعنى ايه اردوغان يبطل زعيق و يعمل حاجة
هو كل الى عمله و بيعمله ده مش حاجة
ثم ان الراجل ورث تركة ثقيلة فيما يخص تركيا و اسرائيل و مش بين يوم وليلة يقطع علاقات و يعلن العداء
تركيا ليها حساباتها و اتلراجل مش مقصر فى الشأن الفلسطينى

utopia said...

اسف اختلف معاكى فى موضوع اردوغان الموساد شكله ابتدا يلعب فى موضوع حزب العمال ما اعتقدش صدفة حكاية تفجير الاسكندرونة وتانى يوم قتل واحد تبع
الفاتيكان فى تركيا
واتصال اوباما بيه
اكيد فيه ضغوط عليهم غير مطالب الشعب التركى نفسه
نستنى احسن ونشوف
ويبقى كفاية لو قاضى اسرائيل فى المحكمة الدولية و شارك فى قافلة الحرية 2 لغزة
على الاقل عمل حاجة مش الاصنام بتاعتنا اللى ساكتة
ده حتى جنوب افريقيا اللى مالهاش فى التور ولا الطحين سحبت سفيرها من اسرائيل
حسبى الله ونعم الوكيل
شمس العصارى: القافلة وصلت من شوية قصاد سواحل مصر تابع الجزيرة

mohamed said...

رتشيل كورى الامريكيه اليهوديه
الفتاه التى أظهرت كم هان كرامة العرب على أنفسهم وكم تخاذل دعاة المسلمين عن الفعل بدل القول
الان السفينه ريتشل كورى تأتى
لتجعلنا نرى أن الانسان الحر
كيف يكون موقفه أمام الظلم
درس أخر , فهل هناك ضمائر لتستيقظ
أو عقول لتفهم
---------
مصر ياما يا بهيه
---------
الزمن رايح وأمنى جايه
----------
ومصر أكيد جيه

GiGi world said...

بجد مش لاقيه تعليق خااااالص على وزاره الاوقاف



قال جار قال
ربنا يستر بجد على القافله النهارده

ahmedyosry21 said...

نوارة ..انتي اجدع محرضة في مصر ..انتي بتدعي للوقفات و تروحي تنامي ..لو ماجتيش بكرة , يبقي لازم تتعاقبي بانك تسافري المنوفية و تباتي فيها ليلة كاملة

محمد صبرى said...

بالنسبة لتمرير التطبيع من خلال الدين ,فلو عرفوا يحبكوها صح متستغربيش هيلاقوا فعلا لجهودهم أثر بين الفئات الاقل وعيا و بين الفئات اللى بتدور على مسكنات للضمير

و عامة لتمرير اى شىء ضد الدين او ضد مصلحة الشعب مفيش احسن و لا انجع من استخدام الدين

و المقولة اللى بتقول

لا يُقطع رأس الدين إلا بسيف الدين

مجتش من فراغ

...........

بالنسبة لأردوغان انا كمان بحبه و كنت و مازلت بتمنى انه يعمل حاجة بجد

مش هقدر انكر انه فى وضع لا يحسد عليه و مفيش قدامه خيارات كتير , و كمان مش هقدر انكر انه فيه خطوات باتجاه اعادة ترتيب علاقات تركيا الخارجية فى غير مصلحة اسرائيل , بس مازلت اتمنى انه الراجل يقدر يستثير الشعب التركى اكتر ضد اسرائيل عن طريق تأكيد شكوك الناس بخصوص التزامن بين هجوم اسرائيل على اسطول الحرية من جهة و بين هجوم حزب العمال الكردستانى على الاسكندرونة و انهاؤه الهدنة مع الدولة التركية من جهة , افتكر احساس الناس و ادراكهم بحقيقة ان اسرائيل بدأت عليهم حرب مفتوحة من كل الجهات فعلا هيديله دعم داخلى هو محتاجه لو كان ناوى يصعد اكتر من كده

على فكرة تأكيدا على استخدام الحكومات اللى بتدعى فصل الدين عن الدولة للدين بأحقر الطرق ,, فيه دلوقتى تشكيكات بقت منتشرة على النت فى نوايا اردوغان و فى صدق توجهاته و اخطر ما فى التشكيكات دى مقولة بتقول انه نجم الدين اربكان رئيس الوزراء التركى الاسبق ذو التوجهات الاسلامية أكد على انسلاخ اردوغان عن المشروع الاسلامى بعد انفصاله عن حزبه و قال فى حقه انه من يصوت لاردوغان يحجز مقعده فى جهنم, و طبعا مقولة من النوع دا من انجح الأساليب الممكن استخدامها لكسر شعبية اردوغان عند الشعوب المسلمة

حسن مدني said...

الراجل عمل كثير زي ماقال يوتوبيا

سحب السفير، وألغى مناورات، وجاري إعادة النظر في الاتفاقات التجارية والعسكرية. لكن لا يجب أن نتوقع إنه أردوغان يخوض معركتنا..
إحنا عندنا واحد سألوه مرة مش المفروض نسحب سفيرنا من إسرائيل، قال أمال لو ضربتنا نعمل ايه؟
هو استدعى السفير، وقبل كده رفض لقاء باراك أثناء زيارته لتركيا.
لكن المسألة فيها توازنات ومصالح كثيرة جدا.
وهو ده الفن الذي يمارسه أردوغان، الحكاية مش مجرد قرارات عشوائية،

ده طبعا غير إن عنده ديموقراطية، وانتخابات، ومصالح اقتصادية مع أوروبا ومع أمريكا ومع إسرائيل. وعنده صحافة حرة رافضة توجهه الإسلامي. وعنده حزب العمال الكردستاني.

الحقيقة هو كده كثر خيره، الباقي علينا إحنا بقى. لأنه قريباً جدا، حتلاقي مقالات تتكلم عن (الاحتلال) العثماني، وشتيمة في السلاطين من آل عثمان. والناحية الثانية شتيمة في أتاترك. وأي حاجة تثير المشاكل بيننا وبين تركيا، وتشحن الناس ضد الأتراك.
وأولها مقال عبد الله كمال الذي يتكلم عن حاجة اسمها (الترك فوبيا) بعيد عنك وعن السامعين.

تحياتي

د. أحمد الحاج said...

بالنسبة لأردوغان، هناك فرق بين السياسي المحترف الذي يدرك أبعاد الموقف وتداخلاته وتوابعه وما يترتب على قراراته وأوراق القوة لديه ومدى تأييد شعبه له وقوة المنافس وقدراته و و و... عوامل كثيرة جدا لا يمكن اختصارها فى قرار متعجل عالي الصوت يحقق مكسب عاطفي مؤقت يترتب عليه خسارة ما غدا.. فالحياة لن تنتهى اليوم
أردوغان ببساطة يزيد من أوراق القوة لديه ويوظف الأحداث لتحقيق مكاسب صلبة دائمة
ولو قرأتِ نص الخطابات التي ألقاها لعلمتِ أنه فعل الكثير:
قال مثلا
- لقد سحبنا سفيرنا في تل أبيب، وألغينا المناورات العسكرية الثلاث، وقد طرح وزير خارجيتنا المبادارات لدى الأمم المتحدة. وتمت دعوة مجلس حلف شمال الأطلسي إلى اجتماع طارئ، وتمت دعوة جامعة الدول العربية ومنظمة المؤتمر الإسلامي للانعقاد العاجل
- حتى المستبدون وقطاع الطرق والقراصنة لا يُعْدَمون قواعد أخلاقية وحساسيات معينة... إن وصف هؤلاء حتى بهذه الصفات يعتبر مجاملة لهم..
-إن تركيا ليست دولة غرّة عديمة الجذور..وهي ليست أبدا دولة قبائل..
- لا يُحاولنّ أحدٌ أن يتحدى تركيا ولا يحاولنّ أحد أن يختبر صبرها
- إنّ تركيا لتضمِرُ لأعدائها من البأس بقدر ما تُكِنُّ لأصدقائها من التقدير
- اليوم هو يوم جديد.. اليوم هو ميلاد جديد.. لن يبقى أي شيء على ما كان عليه بعد الآن
- على إسرائيل أن لا تقع في أخطاء فادحة كتشبيهها تركيا ببلدان آخرى، عليها أن لا تحاول ارتكاب مثل هذه الأخطاء، لأنها ستدفع الثمن غالياً عندئذٍ..
- حتى لو صمت الجميع، حتى لو أغمضوا عيونهم، وولوا ظهورهم.. نحنُ كـ" تركيا " لن نولي ظهورنا لفلسطين ولا لغزة، ولن نغمض عيوننا عما يصيبهما..

elza3em said...

وربنا انتو دماغ جامدههههههههههه

elza3em said...

هيس يا موعلم وعيش ربنا يحميكو لمصر اول مرة اشوف واحد بيستغل المدونة فى التدوين كله بيستغلها عشان يجيب منها فولس ودولارات انتو دماغ مووووت والله

Rasim Marwani said...

الفكر الاحادي ينتج سبيلاً للعمل لا يتعداه الى غيره
بغض النظر عن الفوائد المتوخاة من ابتكار طرق ووسائل تسهل الصعب وتقرب البعيد

وارجو ان نتفق جميعا على الاهداف العامة وليفعل كل منا وليقول كل منا مايشاء خدمة لهذا الهدف

احد المنتمين لمحور المقاومة قال : نسألك الحب واكتب ماشئت
والمحور الآخر يقول: لا نريد محبتك بل نريد انتاج قلمك ولسانك وابغضنا ماشئت

عندما يبدأ الانسان القول انا احب فلان واتمنى عليه ان يبدأ بالعمل هو يوجه رسالة واعية او لا واعية بضرورة التنبه الى مايلي
ان الاكتفاء بالقليل من الانجازات والنوم على الامجاد يولد حالة من الرضى لا تتفق مع مصلحة الامة

وان الام العاقلة تدفع ابنها للمعالي بطلب المزيد من تجليات مواهبه
والا لو رضت عم يقدمه لها على ضعف تأثيره لكانت بذلك تقوده الى النوم بين الحفر لا الى تسلق شوامخ الجبال

بالامس شاهدنا هدير العاصفة التركية واليوم نستمطرها بكل محبة وغداً سنفعل الشيء نفسه معها ومعنا ومع كل قادر على الخدمة العامة

Rasim Marwani said...

ماطالبت به الاستاذة نوارة هو عين مايجب ان نطالب به جميعا كي لا نبقى ظاهرة صوتية تكتفى بمايرضيها سماعه وتسكت عم يرضينا فعله


وتحليل د.احمد الحاج دقيق ومنصف وهو يصف الحالة التركية بما هي عليه بالفعل

Rasim Marwani said...

الاخ محمد صبري يعمل على نفس الموجة، نحبه ونريد المزيد
الاخ حسن مدني يحاول شرح ماتنوء تحته دولة وافدة بالفعل الى محور المقاومة منذ اشهر وهو عينه ماكنا نقوله عمن ينوء تحت الضغوط منذ عقود ويستمر بدفع التضحيات رغم شيطنته وتمنعنا نحن ايضا عن الدفاع عنه كي لا نتهم بشرف مودته او الانتماء اليه
ولكن الاخ حسن يسأل سؤالاً وجهياً : هل نريده ان يخوض معاركنا بالنيابة عنا؟
والاجابة تتلخص بمهومين :
اذا اراد اردوغان ان ينسجم مع شهاره الاسلامي فهي معركته تماما كما هي معركتنا
واذا اراد ان يمسك العصى بالنصف بيننا وبين الغرب وربيبته اسرائيل فعليه ان يقدم لنا ماقدمته تركيا لهذا المحور منذ نشوء الكيان واعترافها به كأول دولة مسلمة تفعل ذلك

Rasim Marwani said...

في موضوع سابق اخذ على الاستاذة نوارة دعواتها للاخوان المسلمين باعادة درس منهجهم الحركي الذي جمدهم على الحال التي تركهم بها الامام الشهيد

ورد عليها مظلومين كثر، تعودوا على الانتقاد المر عند الجمود وعلى السكوت المطبق او معاونة الظلمة على الاخوان عندما يتحركون

واني اعتبر نفسي احدهم، وتربيت على ادبياتهم، واستفدت من مناهجهم في التربية واقول :

نعم كبيرة
الاخوان بحاجة ماسة لاعادة النظر بالمنهج الحركي وبالتوقف التام عن ممارسة السياسة وفقاً لقواعد اللعبة المفروضة
واذا كانت الاجيال التي تتولى المناصب القيادية عاجزة عن التغيير نظراً لكهولتها وتشعب ماتخاف على استهدافه من مصالح التنظيم وارثه العريق الموضوع كامانة على عاتقهم

فعليها ان تشجع على انفصال الجيل الشاب وان تعطيه بركتها في تأسيس اطار حركي لا يخشي التغيير ولا يخاف من التبعات

هذا ماحدث في تركيا برغم ان نجم الدين شاب في التسعين من عمره، ولا يخشى الا الله عندما يرى المصلحة في قرار يتخذه

وهذا ماحدث في فلسطين عندما تولت اسرائيل تعجيل هذه الصيرورة باعتقالها للشيخ احمد ياسين ومعاونيه ووضعتهم في السجون لمدة كانت كافية
لتولى الجيل الشاب مقاليد الامور واجتراح معجزة حماس

شمس العصارى said...

http://www.shorouknews.com/ContentData.aspx?ID=241590
ادى اليسار
هو لسه فى حد عاقل بيشجع اليسار
احسن له يشجع حرس الحدود
هههههههههههههههه

شمس العصارى said...

http://www.aljazeera.net/news
راشيل كورى
اسرائيل قبضت على راشيل كورى و اخدنها ميناء اسدود

elza3em said...

انت نشرت التعليق ازاى انا مفكرك مش هتعمل نشر انا عايز اعرف المدونة دى بتحكى على اية انا مش فاهم اى حاجة من الى انتو بتقلو عايز افهم بتقولو اية ممكن ؟

elza3em said...

انتو جايبين البيج رينك ده ازاى
وازاى يكون معاكو مدونة مدونة اية مدونات بيج رينك 4 ومش بتستفادو بيها انا عايز اكلم صاحب المدونة دى ده ايميلى ياريت مش ينفض عايزة والله فى حاجة مهمة eng.elza3em13@hotmail.com