Wednesday 16 June 2010

محتاجين فصيلة دم o+

على مدونة عاشقة النقاب
والدتها في مستشفى الدمرداش عنبر 10 طوارئ ومحتاجين فصيلة دم 
O+
دلوقت حالا
رجاء التبرع
ربنا يشفيها يارب ويقومها بالسلامة لولادها
للاسف انا فصيلة دمي
A+
ماحدش عمره بيحتاجها لانها كتير 

6 comments:

ahmedyosry21 said...

ربنا يشفي كل مريض ..انا كمان فصيلة دمي
A+
انا ماعنديش ندرة في اي حاجة

Anonymous said...

وانا كمان
A-
الله يديها العافية يااارب.

AhmedEzzat said...

انا O-
ينفع ولا لازم + بالذات ؟؟

Dr90 said...

مش شرط يا باشا تطلع بنك الدم اللي في الدمرداش و تديعم كيس دم من اي فصيلة هيدوها قصاده الكيس اللي هيا عايزاه

عاشــــــ النقاب ـقــــة"نونو" said...

جزاكم الله خيرا جميعا مش عارفة اقولك ايه يا نوارة ربنا يبارك لك يارب
كل عام وانتم بخير ويارب يديم المحبة بينا

walaaz said...

بصى يا نوراة اخر جملة فى الموضوع استفزتنى بشكل مش قادرة اوصفهولك
يعنى ايه فصيلة دمك عمر ما حد احتاجها ؟
بتبررى لنفسك انك متتبرعيش بدمك يعنى ولا ايه؟

مين قالك ان عمر حد ما احتاجها؟
هو معندكيش فكرة عن النقص الشديد فى الدم نتيجة ان قلة قليلة جدا من المصريين اللى بيتبرعوا بدمهم ؟ وحتى اللى بيتبرعوا دول قليل منهم اللى بيتبرع بشكل منتظم والباقى هى مرة ولا مرتين فى العمر
مع ان الانسان العادى ممكن يتبرع كل 3 شهور للرجالة وكل 4 للبنات

ولا هو لازم حد انتى تعرفيه يحتاج دم عشان تفكرى تتبرعى ؟
مينفعش نتبرع لوجه الله كدا ومنبقاش عارفين الدم رايح لمين لانه اكيد هيروح لحد محتاجه وحياته او صحته متوقفة عليه

وعلى فكرة لعلمك فصيلة الدم A& O
تقريبا نسبة وجودهم زى بعض ومش فصايل نادرة ومع ذلك فى نقص فيهم
ما بالك بقى بالفصايل النادرة

وكمان فى ناس كتير ميتنفعش تتبرع لان فى شروط صحية لازم تتوفر فى المتبرع
يعنى حتى الناس اللى تحب تتبرع مش كلها هينفع تتبرع والناس اللى صحتها تسمح بالتبرع مش عايزيين يتبرعوا اصلا

انا بجد زهقت من كتر المبررات اللى الناس بتوجدها لنفسها عشان متتبرعش بالدم