Saturday, 26 June 2010

اوه نو.. سي تغو.. سيتامبوسيبل نو نو نو نو نو كيل كغيز

جرنال الجاموسية مغيب عن الواقع تماما، اسمععععع علك تستفيد:
درس قاس من الإسكندرانية لجمعية التغيير
مسرح عرائس البرادعي سقط بالثلاثة
فتيات جميلة وبثينة أفسدن صلاة الجمعة
(ههههههههههههه  دي جامدة اخر حاجة)

مدير الوكالة السابق ونافعة ونور تركوا أنصارهم في الحر لتناول الغداء في مطعم فاخر
الإخوان هربوا من المهزلة.. وحقائق مفزعة حول أسرة القتيل
الاسكندرية - كريم صلاح:
أعطي السكندريون درسا قاسيا للبرادعي وأنصاره من جمعية التغيير بغيابهم عن المسرحية السياسية التي أعدها مع رفاقه بمسجد سيدي جابر حيث كان يروج أن الملايين سوف يكونون في انتظاره ولم يزد عدد من انتظره علي 400 شخص.
DSC01004
كما كشف غياب الإخوان عن ساحة المسجد وحضور عدد لا يزيد علي 100 منهم عن الموقف الحقيقي للبرادعي في الشارع ولم يتجاوز عدد الذين تجمعوا لاستقباله 400 نصفهم من حركة 6 أبريل والغد الذين حضروا من القاهرة مع أيمن نور والبرادعي للتغطية علي خفوت الاستقبال. وقد تحولت صلاة الجمعة إلي هرج ومرج بفعل أنصار الجمعية الوطنية للتغيير حيث تجمعت فتيات جميلة اسماعيل وبثينة كامل بمدخل المسجد ومنعن المصلين من الدخول ووزعن منشورات الحركة وطالبن بعقد لقاءات تليفزيونية للحديث عن خالد سعيد.

اعتلي شباب الحركة سور المسجد مطالبين بسرعة انهاء الصلاة.. وفي داخل المسجد لم يكن الأمر مختلفا حيث فوجيء المصلون بأحد أنصار الحركة يحاول أن يصعد المنبر لولا أن المصلين تصدوا له.

وبعد الصلاة انطلقت الهتافات التحريضية لأنصار جمعية التغيير والغد و6 أبريل ولم يستمعوا لنداء إمام المسجد بتأجيل الهتافات لدقائق احتراما لجنازة كانت بالمسجد ورفض أعضاء الحركة طلبه وانطلقوا في هتافهم حتي خرج من المسجد أبطال مسرحية العرائس السياسية أيمن نور وحسن نافعة وأسامة الغزالي حرب وحمدين صباحي وصابر أبو الفتوح يرفعون أيديهم لأعلي في حركة مسرحية يؤديها الممثلون عند تحية الجمهور وعلي مسافة قريبة كان في انتظارهم أبو العز الحريري الذي حرص علي الظهور علي خشبة المسرح بالهتاف ضد النظام ولم تستمر الوقفة أكثر من نصف ساعة ولم يتصد الأمن للمتظاهرين وتركهم في حرية كاملة. ووسط التزاحم من أعضاء الحركة حول أبطال المسرحية خرج الدكتور البرادعي من المسجد بسرعة ليخترق الكردون الأمني دون أن يرد التحية علي أنصاره وتوجه إلي مطعم جانجل بسيارته المرسيدس الفارهة ليتناول غداءه مع أبطال المسرح العبثي.
تاركين شباب الحركة تحت حرارة الشمس الشديدة يطلقون الهتافات المدربين عليها وهم يرفعون صور قتيل البانجو خالد سعيد.
ووسط الزحام ظهرت جميلة اسماعيل التي أعلنت أمام كاميرات التليفزيون ان تقرير اللجنة الثلاثية التي شكلها النائب العام لاعادة تشريح جثة خالد سعيد وانتهي إلي أن الوفاة بسبب ابتلاعه لفافة بانجو لا يخصهم وانهم سيضعونه في سلة المهملات في تحد غريب لسلطة القانون واجراءاته مدعية انهم يشكلون لجنة ثلاثية أخري من أطباء من خارج مصلحة الطب الشرعي لتشريح الجثة.
أعلن أيمن نور لعدد من أنصاره علي كافتيريا بمنطقة استانلي انه يقوم بتجميع مبلغ 120 ألف جنيه لاعطائها لأحد الأطباء الشرعيين الذين خرجوا للمعاش لاعداد تقرير مغاير لتقرير الدكتور السباعي.
كان البرادعي قد توجه لمنزل أسرة خالد سعيد بكليوباترا حيث قدم تعازيه وكشفت تلك الخطوة منه والاهتمام الأمريكي بالقضية معلومات جديدة حول أسرة خالد سعيد وهي ان شقيقه أحمد الذي سافر إلي أمريكا منذ سنوات كان قد تنازل عن جنسيته المصرية ليحصل علي الجنسية الأمريكية وأصبح اسمه اليكسندر ستيفان وعندما حاول خالد سعيد السفر له غير اسمه أيضا إلي خالد استيفان وسجله في ادارة الهجرة الأمريكية. الغريب ان أعضاء الجماعة المحظورة وقفوا خلف تلك القضية الكاذبة الخاصة بوفاة خالد سعيد برغم علمهم بجنسية شقيقه وتنازله عن الجنسية المصرية
اخصصصصصصصصصصصصصصصصص
خالد سعيد طلع مسيحي؟ واسمه استيفان روستي؟ ضريب بانجو وترامدول ومسيحي والنسوان بتحبه وبتعطل الرجالة عن الصلاة عشانه؟
ايه يعني؟ نلحق نقفل على السيرة قبل ما يطلعوه شيعي وشاذ وبتاع نسوان وعيال ومالوش في النسوان وبهائي وشيوعي وعنده ايدز؟   .

28 comments:

Mohammed Gamal said...

مش ممكن!!!
أنا قاعد بتلوى على الأرض من كتر الضحك!!!

MedZag said...

وحشتني مقالات تعقيبك علي المقالات
مع اني واخد علي خاطري منك وعاذرك في نفس الوقت

إنسان افتراضي said...

يـالهوي ع الكوميـديا يالهوي

وقال يقولوا الكوميديا في مصر تمر بمرحلة صعبة

والله أقطع دراعي من عند كتفي لو كان كريم ده راح ولا شاف أصلاً

ده أطلق لخياله العنان وهاتك يا تأليف

إسفوخــــــــس

محمد صبرى said...

بصراحة الريحة بقت عفنة جدا من اسكندرية لاسوان

محمد صبرى said...

بكل امانة الريحة بقت عفنة جدااا

مهندس مصري said...

مسخرة
ههههههههههه

مهندس مصري said...

جابوها منين استيفان دي
ما صورة جواز سفر خالد كانت منشورة بإسمه خالد سعيد

يخرب بيت الترامادول اللي هما بيضربوه

dr.lecter said...

etfooooooooo 3la om degrayd

بهيج الشرير said...

على فكرة ياأبلتي، أنا شفت قبل كده فكرة عند بعض المدونيين وعجبتني قوي، زي ماأنتي شايفة أن الناس أخيرا بدأوا في التحرك الجماعي! فإيه رأييك أن الناس في مصر كلها تطلع في يوم واحد وفي نفس التوقيت (الساعة إتنين في أول يوم إتنين من كل شهر مثلا) وفي نفس واحد تصرخ وتنادي على أبو التعالب ملك الفياجرا وقاهر الهكسوس وتقول له كس أمك ياأبو التعالب ياملك الفياجرا وياقاهر الهكسوس

SpoiledEgy said...

lao sama7to efda7o kateb el taqrir el kazab Karim Salah dah 3ashan fi nas bete2ra el zefta di (mesh 3arfa meen sara7a) we betsada2

بدراوى said...

ازيك يا نوارة
استرى عليا اللهى يسترك دنيا و اخرة
الأخ كاتب التقرير لا مؤاخذة يبقى جارى
ههههههههههههه

سمع هوص (Abo 3li) said...

ههههههههههههههههههههههههههههههههه

الجرايد الحكومية دي كوميدية اووووووووووووووي... يخرب بيت الجمدان ال هما فيه... هما بيسهبلو علي مين بالظبط انا مش فاهم... وريحة القرع باينة اوي .. ومجاملة النظام بقت ماسخة بالشكل ده...

خلووه شهيد البانجو...
وخلو شباب 7 ابريل معندهمش دين ومبيحترموش الاموات...
والبنات البتتطلع مظاهرات فتنة عن الصلاة...

هتعملو فينا ايه تاني ياكفارة... ناقص يطلعو يقولو ان الشعب المصري كله ابن كلب متخلف واحمق ومش فاهم حاجة...

حاجة تضحك من الغيظ...

أم الخــلـود said...

عايزين الولايات المتحدة الإسلامية تقوم لازم نودود لبعضنا عشان تقوم ..

ودود يا ودود .. وَدوِد .. ودوادا .. وَد (بفتح الواو).. وِد .. (بكسر الواو)

لازم تتودوادو بها (اشتغلوا وسبحوا بها .. صبح وليل .. ليل وصبح .. داخله خارجه .. خارجه داخله) وانشروها.

GiGi world said...

يابنتى هما 400 مش واخده بالك ولا ايه


بجد بوست تحفه
وبجد شكلهم وحشششششششششششششش وبعدين بيكدبوا على مين مالناس كانت هناك وشايفه


يادى الخيبه ياجدعاااااااااااااااااااااااااااااااااااان على البلد

lastcrazyboys said...

تــنــاسق رائع في الكليبــات

يمكن بس حسيــت انه كان ناقصــه

الابداع الفني بتــاع عمنا جمال بخيت ..بصوت الولا الرائع أحمد سعد

مــش بــاقي مني

مواطن مصري said...

http://www.youm7.com/News.asp?NewsID=245755

الشرطة تفرض حظر تجوال فى 3 قرى بوسط سيناء


فرضت الشرطة مساء اليوم الجمعة حظر
تجوال فى 3 قرى بوسط سيناء خلال حملة مداهمات أمنية موسعة داهمت خلالها عشرات المنازل مستخدمة 17 مدرعة وسيارة مصفحة.

وقالت مصادر بدوية إن قرى أم قطف وأم الشيحان ووادى العمر تعرضت لحظر تجوال من الشرطة التى حاصرت منازل المواطنين ووقعت اشتباكات بالأسلحة الثقيلة بين الشرطة والبدو مما أسفر عن تضرر عدد من المنازل وتعطل سيارة مصفحة ومدرعة.


ياخوفي يا بدران ل احسن نسمع كمان اربع سنين ان اهالي سيناء بيطالبو بالانفصال و حق تقرير المصير

حتى لا تضيع سيناء مثلما يضيع جنوب السودان الان


http://stories-from-my-life.blogspot.com/2010/06/blog-post_19.html

مواطن مصري said...

http://www.youm7.com/News.asp?NewsID=245755

الشرطة تفرض حظر تجوال فى 3 قرى بوسط سيناء


فرضت الشرطة مساء اليوم الجمعة حظر
تجوال فى 3 قرى بوسط سيناء خلال حملة مداهمات أمنية موسعة داهمت خلالها عشرات المنازل مستخدمة 17 مدرعة وسيارة مصفحة.

وقالت مصادر بدوية إن قرى أم قطف وأم الشيحان ووادى العمر تعرضت لحظر تجوال من الشرطة التى حاصرت منازل المواطنين ووقعت اشتباكات بالأسلحة الثقيلة بين الشرطة والبدو مما أسفر عن تضرر عدد من المنازل وتعطل سيارة مصفحة ومدرعة.


ياخوفي يا بدران ل احسن نسمع كمان اربع سنين ان اهالي سيناء بيطالبو بالانفصال و حق تقرير المصير

حتى لا تضيع سيناء مثلما يضيع جنوب السودان الان


http://stories-from-my-life.blogspot.com/2010/06/blog-post_19.html

بهيج الشرير said...

للأسف ياأبلتي القصة الرومانسية المرعبة بتاعة ستيفان وكونتا كونتي دي حصلت معايا برضه؛ أنا قبل مآجي أمريكا كان إسمي حنظلة المسامح كريم، وبعدين الواد محسن بتاع الجوازات والهجرة الأمريكاني قال لي إسمع ياحنظلة علشان تبقى أمريكاني زينا لازم تغير إسمك؛ فرديت عليه وقلت له أحد أحد، دا أحلى من الشرف مافيش يامحسن، وبعدين كنت حاموت من الجوع والعطش وماقدرتش أستحمل، ومن ساعتها ياأبلتي وأنا بهيج وشرير على طول

MR.PRESIDENT said...

والسجن عشش في قلبي
وماشي في شوارعك
نفس اللي بعني وخدعني
بالرخيص بيعك
هشيل حمولي انا
ولا هشيل حملك

khalil said...

مش حلو فيديو الكميرا الخفيه اللى فى اول البوست الا اذا كان الشاب محمد ابراهيم تفسه ..........يكنش حد اخترق المدونه وحطه

جبهة التهييس الشعبية said...

هههههههههههههههههههههههههههههههههههههههه

بهيج مبدع

هههههههههههههههههههههههههه

Adel said...

مؤسسة النفاق الحكومى برئاسة محمد على ابراهيم ليس عليها حرج ..... ناس متخلفين عقلياً وثقافياً ووطنياً وكل حاجة ممكن تتقال

مش فاهمه said...

وممتاز القرد فى اخبار اليوم ماسك محمود سعد سالخه و جايب له اساتذه من كليه الأعلام يقولوا عليه كلام مش ولابد لأنه كان باين عليه مش مقتنع بتقرير الطبيب الشرعى

Ahmed Rihan said...

عايز ارجع

أبويوسف said...

هو مين قال ان الواحد لازم يتنازل عن الجنسية المصرية علشان ياخد الامريكية طب ما نص الوزرا مزدوجى الجنسية .
اما محمد ابراهيم ده فلامؤخذة عرص .

nanaalol said...

لسة يا ست / نوارة بتقرى للبتوع دول ، أنا منقوطة منهم. و أيه " شهيد البانجو " ديه قطع لسانهم البعدا ، بس الشئ اللى أسمه كريم صلاح ده مبدع الشهادة لله مفيش حد يتبناه و يعمله فيلم يكتب السيناريو بتاعه ؟ بجد نفسى أشوفه يا ريت يرمى نفسه تحت أول قطر جاي القاهرة و يورينى خلقته أشلفطهاله الله يحرقه
أحيي بهيج الشرير بشدة

عم مينا said...

هاهاها الحمدلله الواحد اطمن علي الجيل الجديد من الصحفيين.. ايه ده كله؟ حلاوة و قلة أدب و خيال واسع و كل ده في تقرير واحد.. الواد ده مبدع بجد و حتة استفان روستي بتثبت انه كان شكله بيضرب ترامادول مع خالد الله يرحمه

Aymn said...

الغريبة إنه مستغرب إستغرابنا من التقرير الغريب بتاع اللجنة الثلاثية و اللي غايظني إنه مسمي خالد الله يرحمه قتيل البانجو الناس دي هتتشوشو في نار جهنم