Sunday, 13 June 2010

عاجل: القبض على 11 متظاهر منهم المدون عمر الهادي

تحديث:
طلعوا كلهم الحمد لله
حسام الحملاوي الشرطة كسرت له مشط رجله لما حاولوا ياخدوا منه الكاميرا وهو قاوح معاهم
:((
تحديث:
مالك عدلي ومالك مصطفى ومحمد واكد اتقبض عليهم
انا نازلة رايحة لهم
تحديث:
علي حسن زيتون
من ضمن المقبوض عليهم
تحديث:
اسماء جديدة لمن قبض عليهم:
حازم نصار
هاني الجمل
هاني الحسيني
شادي هاني الحسيني
فيه ناس راحت ميدان التحرير، وفيه مظاهرات في الشوارع الجانبية
-------
سماح اسحاق اتاخدت من طلعت حرب وانضربت واغمى عليها من الضرب وهي في المستشفى ومش عارفين اسم المستشفى
فيه حداشر متظاهر اتقبض عليهم من المظاهرة اللي قدام لاظوغلي، الاسماء اللي وصلتني لحد دلوقت:
عمرو عز
وعمرو علي
احمد عيد
احمد بدوي
عمر الهادي
الامن مش بيضرب وواضح ان فيه تعليمات ان ماحدش ينضرب، طب امال ازاي العيال اتخطفوا من وسط المظاهرة كده واستسلموا والناس سابتهم يتقبض عليهم؟ 
المظاهرة حوالي 200 الى 250 والامن كردن عليهم بحيث يقسمهم الى تلاتة
ايمن نور جات له ازمة قلبية ومشي
ولسه لو فيه حاجة تانية حاقول لكوا عليها

10 comments:

MR.PRESIDENT said...

ايه الحاجة التانية الأول ..
الأمن مش بيضرب لان المنظمات الحقوقية عينهم عليهم
وخايفين من اي حد يجيب سيرةمصر
عشان مصر سمعتها حلوة .. وهما
خايفين علي سمعتها
عشان كده
خايفين هما علي المتظاهرين
وشايلنهم من علي الأرض شيل

mido said...

عمر الهادى نفى اعتقاله فى تويتر و العدد اكبر من كده بس الناس معرفتش تروح

Amr said...

أنا كنت موجود ومسكونى وفيه شباب جم أخدوا أسامينا براحه كده بس فجأه كده سابونا تانى
كنا حوالى 4 أو 5

dkaken said...

هو فيه إيه
!!؟
ربنا ع الزالم

Sui said...

قتلوا خالد وزعموا انه متهرب من الخدمة العسكرية وهو أداها مثل أى شاب مصري
زعموا ارتكابه لجرائم والجميع يشهد بأخلاقه.. يعنى قتلوه وكمان عايزين يشوهوا صورته.

http://www.facebook.com/photo.php?pid=13028552&o=all&op=1&view=all&subj=13423980177&aid=-1&id=726830598

صورة شهادة تادية الخدمة العسكرية

wahat_alshohada said...

انا كنت رايحة الصحفيين لمؤتمر لقيت الشباب واقفين عند دار القضاء رحت وقفت معاهم شوية قبل المؤتمر وهناك شباب المحامين اللى كانوا واقفين على بعد شوية مراقبين الدنيا
قالوا لى انه اتقبض على حوالى 40
بس الحكومة وقعة اللى جابوهم سوداء وانتى نزلتى رحتى لهم فين؟
تابعوا معانا علشان نسود عيشتهم كمان

GiGi world said...

هى دى المظاهره بتاعت خالد سعيد

wahat_alshohada said...

الحمد لله كلهم طلعوا

جمال مالك..)* said...

فى فرنسا استقالت وزيرة الصحة لأن ممرضة حقنت مريضة حقنة اتضح أن بها دم فاسد.

أم الخــلـود said...

(حملة الجسد الواحد)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!

صورة الشعار .. في مدونتي كركر .. ويكتبون فوقها ..

(حملة الجـسد الواحـد)

رابط المدونة

http://krkr111.blogspot.com

جعله الله في ميزان حسانتكم .. آمين