Monday, 28 June 2010

جامدة

امال انا باحبه ليه؟ عشان بيلبس في الحيطة ولا بيهمه.. بصراحة جامدة جدا، الحادثة مشهورة، بس حتى حمقاء زيي تخاف من بلطجية الحويلي اللي دخلوا له وكتبوا له تعليقات يقولوا له انت شيعي كأن شيعي دي شتيمة، بس هو مش بيهمه الحاجات دي، لا وواحد مسأف قوي دخل يقول لهم: لا مش شيعي، الشيعة بيحبوا ابو هريرة وبيكرهوا عمر هههههههههههههه... بس جدع يا ابو خليل اديله ما تريحوش
بمناسبة الجزيرة التي اشترتها شركة يملكها وزيران (أحدهما سابق والآخر حالي ) وبمناسبة تعاقد وزارة مع مؤسسة خاصة يملكها أو أحد شركائه وزير هذه الوزارة، وبمناسبة مسئولين يعملون في البزنس وأولاد مسئولين يبزنسون ويتربحون بالبزنسة مع الدولة شخصيًا، أحب أن أهدي هذه الواقعة للجميع خصوصًا للذين يسافرون منهم للعمرة كل شهر كأنها رحلة إلي مارينا ويحجون لبيت الله الحرام كل عام متخيلين أن الله عز وجل يقبل حجة من مستغل أو مزور أو مدلس أو ظالم أو مبزنس سياسي، لنبدأ:


كان الكل ينتظر ماذا سيحدث، الجميع يرقب هذا المشهد الذي انتظروه طويلا، يا تري ماذا سيجري؟ وكيف سينتهي؟


استدعي الخليفة عمر بن الخطاب -رضي الله عنه- الصحابي أبا هريرة -رضي الله عنه -وكان أبو هريرة وقتها واليًا علي البحرين وفي مشهد رهيب مهيب، حضره عدد قليل من الصحابة جري الحوار التالي في بيت الخليفة عمر أمير المؤمنين:


عمر( غاضبًا) :علمت أني استعملتك (عينتك) علي البحرين وأنت بلا نعلين (عينتك وكنت حافيًا يومها) ثم بلغني أنك ابتعت أفراسًا (خيولاً) بألف وستمائة دينار. أبوهريرة ( في لهجة هادئة ورقيقة): كانت لي أفراس تناجت (أنجبت وتكاثرت ) وعطايا (منح) تلاحقت.


عمر منفعلاً في عنف: حسبت لك رزقك ومؤنتك (حددت لك راتبًا كفاية عليك) وهذا فضل فأده (ما كسبته زيادة لابد أن ترجعها وتعيدها).


أبوهريرة (يقاوم ويتخلي عن الرقة): ليس لك ذلك يا أمير المؤمنين (مش من حقك ومش من سلطتك).


عمر (في حسم وحزم): بلي (حقي طبعًا) ووالله أوجع ظهرك (أضربك).


ثم قام عمر فعلاً وقد بان غضبه واشتدت ثورته وأمسك بالدرة (أداة تشبه العصا أو ربما تكون مثل الكرباج) واقترب خليفة المسلمين من الصحابي الوالي أبي هريرة ثم صعقه بها (ضربه) حتي سال الدم من أبي هريرة أمام الصحابة المذهولين الملتاعين المأخوذين بعمر وقوته وإصراره.


عمر (وقد وصل لذروة الحسم): ائت بها (هاتها فورًا).


أبو هريرة (في ضعف وهزيمة): احتسبها عند الله (استعوض ربنا فيها واتركها لي).


عمر: نعم، ذلك لو أخذتها من حلال وأديتها طائعًا (كنت أتركها لك وأحتسبها عند الله لو كانت حلالاً)، لكن يجبي الناس (يعطونك الفلوس ) لك، لا لله ولا للمسلمين (إنهم يمنحونك المال ويشاركونك في الشغل، لأنك الوالي ويسعون إليك وإلي التقرب منك ) انهض فائت بها !


وما كان من أبي هريرة إلا أن رد لبيت المال كل ما تربح به وحصل عليه في ولايته عند صلاة الصبح واستغفر لأمير المؤمنين (طلب المغفرة من عمر)..


هذا دين عمر بن الخطاب أما ما نعيشه فهو دين الحكام !!

33 comments:

MR.PRESIDENT said...

جبلة بن الأيهم ملك من ملوك غسان .. دخل إلى قلبه الإيمان ..
فكتب إلى الخليفة عمر رضي الله عنه .. يستأذنه في القدوم عليه ..
فسرّ عمرُ والمسلمون لذلك سروراً عظيماً ..
وكتب إليه عمر : أن اقدم إلينا .. ولك مالنا وعليك ما علينا ..
فأقبل جبلة في خمسمائة فارس من قومه ..
فلما دنا من المدينة لبس ثياباً منسوجة بالذهب .. ووضع على رأسه تاجاً مرصعاً بالجوهر ..
وألبس جنوده ثياباً فاخرة ..
ثم دخل المدينة .. فلم يبق أحد إلا خرج ينظر إليه حتى النساء والصبيان ..
فلما دخل على عمر رحَّب به وأدنى مجلسه ! ..
فلما دخل موسم الحج حج عمر .. وخرج معه جبلة ..
فبينا هو يطوف بالبيت إذ وطئ على إزاره رجل فقير من بني فزارة ..
فالتفت إليه جبلة مغضباً .. فلطمه فهشم أنفه ..
فغضب الفزاري .. واشتكاه إلى عمر بن الخطاب ..
فبعث إليه فقال : ما دعاك يا جبلة إلى أن لطمت أخاك في الطواف .. فهشمت أنفه !
فقال : إنه وطئ إزاري ؟ ولولا حرمة البيت لضربت عنقه ..
فقال له عمر : أما الآن فقد أقررت .. فإما أن ترضيه .. وإلا اقتص منك .. والطمك على وجهك ..
قال : يقتص مني وأنا ملك وهو سوقة !
قال عمر : يا جبلة .. إن الإسلام قد ساوى بينك وبينه .. فما تفضله بشيء إلا بالتقوى ..
قال جبلة : إذن أتنصر ..
قال عمر : من بدل دينه فاقتلوه .. فإن تنصرت ضربت عنقك ..
فقال : أخّرني إلى غدٍ يا أمير المؤمنين ..
قال : لك ذلك .. فلما كان الليل خرج جبلةُ وأصحابُه من مكة .. وسار إلى القسطنطينية فتنصّر ..
فلما مضى عليه زمان هناك .. ذهبت اللذات .. وبقيت الحسرات .. فتذكر أيام إسلامه .. ولذة صلاته وصيامه ..
فندم على ترك الدين .. والشرك برب العالمين ..
فجعل يبكي ويقول :

تنصرت الأشراف من عار لطمة *** وما كان فيها لو صبـرت لها ضــــرر
تكنفنـي منهـا لجــاج ونخـــــــوة *** وبعـت لها العـين الصحيحـة بالعـور
فياليت أمي لم تلدني وليتنــي ***رجعت إلى القول الذي قال لي عمر
وياليتني أرعى المخاض بقفرة *** وكنـت أسيـــر في ربيعــة أو مضـــر
وياليت لي بالشام أدنى معيشة ***أجالس قومي ذاهب السمع والبصر


ثم ما زال على نصرانيته حتى مات ..نعوذ بالله من الحور بعد الكور.

والقصة تقول لا فرق عند سلطان يحكم بعدل ودين

Amr said...

مساء الخيرات على المهيسيين

أبو هريرة بصراحة ساعات كثير بحس أنه تيييت ... راجعي الرابط ده هيأكد حاجات كثير
http://www.ahl-alquran.com/arabic/show_article.php?main_id=1259

mido said...

عمرو

تيت ايه يا عمرو ؟

اتق الله انت بتتكلم على واحد قاعد معاك على القهوة؟؟

الصحابة بشر بيخطؤا و يتوبوا زى مقال عيسى فى مقاله

مصطفى عبدربــه said...

الكلام ده مينفعش
أولا : ايه مصدر الحدوتة الهبلة دي
ثانيا:عمر بن الخطاب كان مستحيل يضرب حد من اخوانه
ثالثا:عمر بن الخطاب كان شديدا في الحق ، ولكن لم يكن أبو هريرة فاسدا ولا مرتشيا..
انه من أهم رواة الحديث
لا عمر كان زي حكام اليومين دول
ولا أبو هريرة كان زي الوزرا بتوعنا

بلاش كلام فارغ وقلة أدب ع الناس دي
احنا نختلف مع اصحاب المذهب السلفي آه
انما منخبطش ف دول
عشان ميصحش
ده غير ان مفيش أدلة على صحة الحكاية أساسا
ومخالفتها للعقل والمنطق
أي عيل هيفهم انها حكاية بايخة وسخيفة ومستحيل تكون حقيقية

ابراهيم عيسي بيستهبل وعايز يدلل على فكرته بأي شكل وده طبعا بسبب غباءه الصحفي والبارانويا اللي هو عايش فيها
وبعدين ما قبل كده ابراهيم عيسي ده كان ابن ستين في سبعين
ايه اللي خلاه اتحول لمؤرخ موثوق فيه مرة واحدة

خلي بالك م اللي انتي بتعرضيه

جبهة التهييس الشعبية said...

كابتشن يا امور
الحدوتة مش عشان انت مش عارفها تبقى هابلة

مذكورة في كل كتب التاريخ بلا استثناء واحد
الذهبي
ابن سعد
ابن كثير
الطبري
ومش اول حادثة فيما يخص ابو هريرة
حصلت مشادة كبيرة بينه وبين السيدة عائشة واتهمته في رواية الحديث ومذكورة الحادثة في البخاري
لما قال ان الستات والحمير والكلاب يقطعوا الصلاة والسيدة عائشة كذبت حديثه وروت حديثها ان الرسول كان بيصلي وهي مادة رجليها في قبلته
وسيدنا عمر نهى ابو هريرة عن رواية الحديث وده ثابت في كل كتب التاريخ وثابت انه لم يستأنف رواية الحديث الا بعد وفاته
وثابت ان له مشادات كتير مع السيدة عائشة
وثابت انه لما قال حديث ان كل الكلاب نجسة عدا كلاب المزرعة قام سيدنا علي ابتسم وقال: لابي هريرة مزرعة
والتلاتة دول يعني مش حيجمعوا على حاجة غلط
واصلا ابراهيم ما تعرضش لرواية الحديث ابراهيم حكى حكاية شهيرة والمفروض انها معروفة لدى السنة قبل الشيعة ومروية في كل كتبهم وثابت ان سيدنا عمر عمل له اقرار ذمة مالية تحقيق من اين لك هذا وأممه

وعمالين بس تعايبوا على الشيعة وتقولوا عليهم "عباد القبور عباد القبور"

طب وعباد الصحابة؟

انا زهقت منكوا على فكرة

Auroramoslema said...

هو ليه الشيعي ميقولش انه شيعي..
هي سبة؟؟

جبهة التهييس الشعبية said...

لا مش سبة طبعا

والسؤال غلط
السؤال الصح: هو ليه كل ما حد يشغل الكومن سنس بتاعه يتقال له يا شيعي؟ هم الشيعة بس اللي بيشغلوا مخهم؟

ابراهيم عيسى مش شيعي
ولا انا

ودي اخر مرة حاقول اني مش شيعية لاني فعلا ابتديت احس اني باتبرأ من تهمة وهي مش تهمة

حاجة خرا فعلا

Auroramoslema said...

والله فعلا حاجة تقرف يا نوارة..
بس عشان تردي على اللي يقول انك شيعية او استاذ ابراهيم شيعي او على الشيعة انهم عباد قبور.. اهو انتو اللي عباد الصحابة.. ماهو ده برضه مش الرد..
ولا ايه يا فندم؟

أنا منكرش اني معجبة بظاهر التجربة الإيرانية بغض النظر عن تشيعهم
بس ده لا يمنع الولاء والبراء يا نوارة

وحتى لو المقال بتاع أستاذ ابراهيم عايز يوصل لفكرة معينة فهنا في سوء أدب مع الصحابة من أول العنوان.. مش عشان الصحابة معصومين.. حاشا لله... دول بشر أخطأوا وأصابوا بس لأنها مقارنة مش في محلها نهاااااااائي..
وبعدين زي ما رديتي على (عباد الصحابة زي ماقلتي) مردتيش ليه على اللي قال انا بحس ان أبو هريرة ده كذا؟؟

نوارة.. حتة مش للنشر..
بس أنا بجد بحبك في الله وبحب حميتك ونخوتك وشجاعتك بس ساعات بزعل منك وبعتب عليكي عتاب أخوة في الدفاع المستميت عن حاجات ممكن توصل لحد الشطط في الرأي

the magnificent ninja said...

على فكرة رواية ابراهيم عيسى مغلوطة و فيها نهويل و كل الكلام الخاطئ عن أبو هريرة مصدره القرآنيون و الشيعة, و محدش يتفذلك و يقول عليا سلفي

قهوة كتكوت said...

مقال حلو ومزدوج الهدف
بصراحة نفسى قبل ما نشتم حد علشان افكاره زى بعض الردود هنا
هايوفروا على نفسهم الحرج
انا مش مقتنع بدئا بالراى اللى بيقول ان الصحابة هم كل من عايش الرسول
مش معقول كل واحد قعد شهرين ولا سنتين مع الرسول يبقى صحابى
كمان بالنسبة لابو هريرة واحاديثه
ياريت علماء الحديث فى الازهر يسيبوا الفتة شوية ويحاولوا ينقوا كتب الحديث
وكان الشيخ الغزالى الله يرحمه له راى وجيه ان كل حديث يعرض على كتاب الله فاذا خالفه فهو مدسوس
ماهو مش معقول ابو هريرة يروى احاديث اكتر من انس بن مالك اللى كان خادم الرسول وملازمه اكتر الوقت ومش هاقول عمر ولا ابو بكر
الاحاديث هى سبب فرقة المذاهب الاسلامية
وعلينا احنا كمخالفين لراى الشيعة
ان نبدا بتنقية كتب الحديث
ونتذكر اخيرا فى امر السنة والشيعة قول الله تعالى:
نحن نحكم بينهم يوم القيامة فيما كانوا فيه يختلفون.
صدق الله العظيم
شكرا لابراهيم عيسى لشجاعته
وكان فى راى احترمته

xMetatron said...

صباحو فل يا نواره

فكرة اللي زعلوا - معظمهم على الأقل - ان استاذنا ابراهيم عيسى ساق المثل ده و كانو حط سيدنا ابو هريره في كفه واحده مع المغربي ومنصور وأمثالهم

الفكره هنا ان ابو هريره لو كان ثبت ده فعلا فالمؤكد انه صفى ضميره ونيته وماله قبل ما يقبل مليم واحد

لكن عند سيدنا عمر ما ينفعش حد يلسن بكلمه واحده ولا ان يكون في نسبة واحد في الميه قدام الناس في اصل الموضوع

بعدين الموضوع نفسه اتكرر مع اكتر من واحد من كبار الصحابه منهم ابنه عبدالله ابن عمر .. فان المثل يتساق كده فدا مدح ليهم هم الأتنين

بس لما تجيب سير’ واحد فاسد زي المغربي و تحطوا في نفس السياق و كأن المغربى أبو هريره و أن مبارك كان مفروض يبقى عمر فده اللي عليه اعتراض لدرجة انو يخلي واحد زي عمرو الأمور روح ستة ده يلبخ في سيرة واحد زي ابو هريره ويبقى المنطق انو هم رجال و نحن رجال
ده اللى أحه بجد

لاحنا شيعه بنكفر كل الصحابه ولا سلفيين بنقدسهم للعباده و لا احنا لييبراليين بنتعامل معاهم اننا قاعديين في كوستا بنشرب اسبريسسو دوبل

بحب ابراهيم عيسى و مابحبش الشيعه ولا السلفيين ولا متعصبيي الليبراليه ولا المقلب ده اللي أسمه " ميرندا كركديه"

تقعدي بالعواف

نديم

lastcrazyboys said...

هع هع هع

لا لا قلشت منك المرة دي .اجمد تعليق مش بتـاع " المسئف" للأسف

ده فيه تعليقين ..زبــاادي

الاولاني بيقول "انت شعى من السن عشر توضعون السم فى البن
"
وده طبـعا دارس وقاري كتير عن الشيعة لحد ما وصل ان هناك فرقة اسمها " السن عشـر " والسلم نايلو في نايلو..ودول بقى بيحطوا "السم في البن".عشان الواحد يعـرف يتكيف وهو بيقرأ الكتب بتاعتهم
==
والتعليق التاني الجامد ..الأستاذ اللي بيعرضــها ويقولك في مستهل الكلام .."انا مسيحي " يعني خدوا اللي جاي ده ..ها
المهم بيختم البقين الحمضانين بتوعه بإيييه .."ياريت تجاوب لان بعض المتخلفين حيشتمونى مع ان هذة حقائق لاشك فيها!!!!!!!!"

والغريبــة إن مفيش حد "تف " على وش اللي خلفوه حتى

lastcrazyboys said...

بس ده ما يمنعش اني ما زلــت عند تحفظي على " عيسى " كشخصيـة عـامة
وإن كان ذلك لا ينفي إن المقـالة متمكنـة
..إلا صحيح ..انتي شيعيــة
v
v
v
v
:)) v
شويــة رخــامة

صوت من الجنوب said...

جهالات إبراهيم عيسى عن " أبو هريرة...مقال قديم "


http://ahlalhdeeth.cc/vb/showthread.php?p=486495

محمد صبرى said...

قريت التدوينة لسه النهارده , و قفشت الحقيقة,و كبرت فى دماغى انى مش هدخل عندك هنا تانى , اصله ليه يعنى ابقى مضطر اقرا حاجات تخنقنى.

الظاهر هو كده فيه مقالات كاشفة مهما حاولت اقول لنفسي انى منفتح اوى و فى غاية الروشنة و الحداقة بتيجى حاجات من النوع دا و تزن عليا : انت مسلم سنى و الكلام دا جواه كلمتين من تحت لتحت فى جنابك و فى جناب كل مسلم سنى,, فللحظات كده لاإراديا بتخنق كده و آخد جنب , فأولا ميرسي على المقالات و الحكايات الكاشفة

....

بعد بقى ساعة نوم نصف صاحى نصف نايم ,لقيت دماغى بتونون بخصوص اللى قريته , يعنى كمان معرفتش انام .. يخلص منك ربنا
:D

المهم صحيت لقيتنى بقيت موضوعى اكتر و نفسي اقول كلمتين صغيرين من العقل

:D

طبعا هو مش عشان بقيت موضوعى هوافق ع اللى اتقال يعنى
:D

شوفى يافندم هو انا مقتنع بتداخل و ارتباط الدين بالسياسة و السياسة بالدين ,فعشان كده مش هقول ايه التداخل المريب اللى عامله الراجل دا بين الدين و السياسة - و مش هدخل للمرة التانية فى نقاش فرعى عن مفهوم ابراهيم عيسى الملتبس عليّ عن العلاقة بين الدين و السياسة-لكن انا بجد عايز افهم ايه علاقة العنوان بالمحتوى , المفروض انه المقال سياسي , مش مقال فى النقد الدينى, انا بقرا الدستور مش بقرا كتاب لجلال العظم ,و انا مش معترض انه ابراهيم عيسى يكتب فى النقد الدينى هو انسان حر ليه آراءه و من حقه يقول اللى يعتقده فى اى مجال , لكن لما يبقى العنوان فى النقد الدينى بامتياز , و المحتوى مرتبط بفكرة سياسية صرف يبقى اما الكتابة رخيصة و بهدف الترويج للجرنال الأصفر المثير , و اما الكاتب جبان و بيسرب افكاره الدينية فى مقالاته السياسية , مش شجاعة الطريقة دى على فكرة لأ

دا بالنسبة للعنوان اللى بتغيره و فقط كأن يكون مثلا بعنوان .. حكام و حكام ... أو عدالة زمان... كان يبقى المحتوى مقبول كمقالة سياسية


و بعدين عشان تبقى واثقة اكتر انه الموضوع فيه خلط متعمد ,و استثاره مفتعله ,لازم تعرفى انه القصة هى هى حصلت مع ابن عمر نفسه ,فيا ترى بقى ليه اختار ابراهيم عيسى قصة ابو هريرة , مع انه قصة ابن عمر كانت هتخدم الهدف السياسي بدون اى جدليات دينية ؟

على فكرة لو جيبتى قصة ابن عمر مع عمر , جنب قصة ابو هريرة برضو مع نفس الشخص "عمر", هتلاقى انه فيه طريقة تانية لرؤية الامور مرتبطة بشخصية عمر نفسها اللى بتأبى على اى حد قريب من عمر او من ولاته انه يبقى اى كسب ليه مهما كان دقيق - و لو درهم-مرتبط بميزة خاصة لانه قريب الخليفة او من المقربين , وكان بيدقق على دا بشكل مبالغ فيه مهما دق الكسب و مهما خفيت الميزة . و دا فيه مدح لشخصية عمر اللى كانت شخصية استثنائية متفرده فى العدل, و لا يجرح شخصية اللى خاف عليهم عمر مم يخفى عليهم هما شخصيا من مسائل دقيقة ظنوا بالبلدى كده انها مستاهلش او مخادوش بالهم منها اصلا

و لو كانت القصص دى تثبت تهمة على ابن عمر او على ابو هريرة فكون عمر يكتفى بتنبيهم و حثهم على رد المال و فقط دا يقدح فى حقه هو شخصيا ,لانه امتنع عن عقاب مجرمين مرتشين و اكتفى برد سرقاتهم لا اكثر لمكانتهم منه ..

شوفتى بقى نفس الوقائع مع اختلاف الرؤية ممكن توصل لحد فين.. و الحقيقة هى بتوصل لاكتر من كده كمان

من الناحية الدينية احب اقول مش حكاية تنقص شخصية عامة فى زمن ابن الخطاب و السلام اصلها , دى طريقة رؤية للامور فيها حمل للامور دايما على المحمل السيء و هتبتدى بابو هريرة و مش هتنتهى عند عمر , مش مشكلة سنة و شيعة هى .. و لا قصة واحد سنى قرا عن رموز السنة و مساوئهم فتشيع لانه الموضوع هيوصل لمحمد التاجر و للقس ابن ورقة الخ الخ
.......

ختاما

اغلب الردود هنا بما فيها ردودك بتأكد انه المثار موضوع دينى و مش موضوع سياسي ,و اسمحيلى اقولك انه الاثارة هنا-على الدستور-كانت رخيصة و مبتزلة,لانها مش فى مكانها و لم تخدم الا ابقاء اسم ابراهيم عيسى مفكرا عبقريا مثيرا للجدل , مش اى فكرة سياسية.. و رغم كده انا فعلا بموضوعية نبهنى الموضوع دا تانى انى لازم اقرا كتير جدا عن ابو هريرة , لانه الموضوع متشعب و ليس بسيط فمرويات ابو هريرة ليست بقليلة و مهمة لانه مستقى منها احكام دينية كتيرة جدا و عليّ بقى انى احدد ايه هى طبيعة اسلامى-ان اختارت اكون مسلم-بعد القراءة اذا كانت هستبعد اجزاء معتبرة من السنة


اتمنى انه الاستاذ ابراهيم عيسى يخدم السياسة بالدين , مش يخبط السياسة فى الدين

و عايز يكتب صراحة فى النقد الديني يبقى خير و بركة انا اول واحد اقراله

محمد صبرى said...

كلام كتير عجبنى فى الردود

بالذات كلام

Auroramoslema

اتكلمت عن عنوان المقال المريب

.....

و كلام

xMetatron

عن انه الموقف اتكرر مع اكتر من صحابى

....

و اشاره مصطفى عبدربه لشده ابن الخطاب فى الحق

...

كنت داخل اساسا اتكلم عن النقاط دى و لقيتهم سبقونى لده

أبو هاجر said...

إلى النوارة العربية الجميلةالف تحية من الجزائر

سؤال الرجاء الرد عليه هل أنت التي قلت حاجة
خ.....فعلا

أبو هاجر said...

إلى النوارة العربية الجميلة ألف تحية من الجزائر
هل أنت من كتبت الجملة التالية
حاجة خ...فعلا

أبو هاجر said...

إلى النوارة العربية الجميلةالف تحية من الجزائر

سؤال الرجاء الرد عليه هل أنت التي قلت حاجة
خ.....فعلا
لك كل التقدير و الاحترام و الحب

أبو هاجر said...

إلى النوارة العربية الجميلةالف تحية من الجزائر

سؤال الرجاء الرد عليه هل أنت التي قلت حاجة
خ.....فعلا

islam said...

رأيتك ترد على أحدهم قائلا أن القصة ليست بلهاء

والحقيقة أن الغوغائية والجهل لن تقلب يوما الجهل علما أو الباطل حقا

ومهما شغبت بطنينك فلن يستطيع مستضعف صوتك أن يعلو فوق تكبيرات الحق

أنتم مبطلون
رقم واحد
لا يلزم من ذكر القصة فى كتب التاريخ أن تكون حقيقة وتلك الكتب مليئة بالمناكير والأكاذيب على الصحابة
رقم إثنين
طعنك على رواية أبو هريرة بأن أمير المؤمنين فديتَ (( أنت يعنى ما لأنى ضامن جهلك باللغة )) نعله منعه من رواية الحديث فيه نظر
فكيف يمنعه من رواية الحديث ويوليه الإمارة ؟
رقم ثلاثة أحلت إلى البحر
شبهك شبه من قال عدد النجوم مائة ألف فإن قيل له أنت كاذب قال أعدد أنت

كيف تحيلنى على كتب بهذا الحجم إئتنى بالرواية والخبر ونفند رجاله

أما أنى أفنى عمرى أقرا لأبحث عن هذا الخبر فهذا مما لا يرضاه ذوو الأفهام

أخيرا
زعمك أن أم المؤمنين كذبته فى حديث إلخ
فإنها كذبت عمر بن الخطاب وإبنه نفسيهما فى مسألة أخرى ولما روجعت فى هذا قالت (( عن ابن أبي مليكة قال توفيت بنت لعثمان بن عفان فجئنا نشهدها وحضرها ابن عمر وابن عباس فقال ابن عمر لعمرو بن عثمان ألا تنهى عن البكاء فإن رسول الله صلى الله عليه وسلم قال إن الميت ليعذب ببكاء أهله عليه فقال ابن عباس قد كان عمر يقول بعض ذلك فذكر ذلك لعائشة فقالت رحم الله عمر والله ما حدث رسول الله صلى الله عليه وسلم أن الله يعذب ببكاء أحد ولكن قال إن الله يزيد الكافر عذابا ببكاء أهله عليه ، قال وقالت عائشة حسبك القرآن * (لا تزر وازرة وزر أخرى) * قال ابن أبي مليكة فوالله ما قال ابن عمر شيئا قال حدثني القاسم بن محمد قال لما بلغ عائشة قول عمر وابنه قالت إنكم لتحدثون عن غير كاذبين ولا مكذبين ولكن السمع يخطئ ، وللشيخين أيضا عن عمرة أنها سمعت عائشة وذكر لها أن ابن عمر يقول أن الميت ليعذب ببكاء الحي قالت عائشة يغفر الله لأبي عبد الرحمن أما إنه لم يكذب ولكنه نسي أو أخطأ إنما مر رسول الله صلى الله عليه وسلم على يهودية يبكى
عليها فقال انهم يبكون عليها وإنها لتعذب في قبرها )) كشف الخفا للعجلونى الجزء الأول
فهاه بناء على إستشهادك يصير أمير المؤمنين نفسه غير ثقة
لا هى لها رأيها العلمى والصحابة والعلماء ردوا عليها

وهذا رد مختصر طبعا جدا لضيق وقتى عن مناظرة من لا علم له



أما الإنسان اللى بيقول إنه بيحس أن أبو هريرة رضى الله عنه تيت
فأقول له
أنت يا ذنب العنز
تقول هذا عن صاحب النبى

والله إن النبى لفطين حكيم لا يخدع
كيف يحيط نفسه برجال سوء فلم لم يبعدهم ويقصيهم كما أقصى غيرهم ؟

وما كان أبو هريرة سيدا ولا صاحب مال
هل خدع النبى ؟

وإنه لتقى نقى وإن من علامات الإيمان حبه
أنا أعلم أنكم ستجلسون ساعات طويلة تسخرون
(( إن تسخروا منا فانا نسخر منكم كما تسخرون ))

اللهم إنى أبرأ إليك من هؤلاء

اللهم إشهد أنى برئ منهم

my friend's comment :S

أبو عمر - الصارم الحاسم said...

منقول من الاستاذ الدكتور عبدالرحمن البر أستاذ الحديث وعلومه بجامعة الأزهر وعضو مكتب الارشاد بجماعة الاخوان المسلمين بيعلق على مقالة ابراهيم عيسى هذه

***************************


أخرج ابن سعد بسند صحيح (في الطبقات الكبرى 4/335) وأبو نعيم في حلية الأولياء (1/380 - 381) وعزاه ابن كثير في (البداية والنهاية) لعبد الرزاق:
«عن محمد بن سيرين: أن عمر استعمل أبا هريرة رضي الله عنه على البحرين، فقدم بعشرة آلاف، فقال له عمر: استأثرتَ بهذه الأموال يا عدوَّ الله وعدوَّ كتابه! فقال أبو هريرة: فقلت: لستُ بعدوِّ الله وعدوِّ كتابه، ولكني عدوُّ مَنْ عاداهما. قال: فمن أين هي لك؟ قلت: خيلٌ نَتَجَتْ، وغَلَّةُ رقيقٍ لي، وأَعْطِيةٌ تتابعتْ. فنظروا فوجدوه كما قال.
فلما كان بعد ذلك دعاه عمر؛ ليُوَلِّيَه، فأبَى، فقال: تَكْرَهُ العملَ (يعني الولاية) وقد طلب العمل مَنْ كان خيراً منك، يوسفُ عليه السلام؟ فقال: يوسف نبيٌّ ابنُ نبيٍّ ابنِ نبيٍّ، وأنا أبو هريرة ابن أميمة (اسم أمه)، وأخشى ثلاثاً واثنتين. قال: فهلا قلتَ خمسا؟ قال: أخشى أن أقولَ بغير علمٍ، وأقضيَ بغير حكمٍ، وأن يُضْرَبَ ظهري، ويُنْتَزَعَ مالي، ويُشْتَمَ عرضي».

هل يمكن للمنصف أن يفهم من هذه القصة –كما زعم الأستاذ إبراهيم والمتحاملون- أن أبا هريرة رضي الله عنه قد ثبت عنه أنه مدَّ يده إلى أموال المسلمين؟ هل يستقيم هذا مع نتيجة التحقيق الذي أجراه عمر فكانت نتيجته (فنظروا فوجدوه كما قال)؟.

نعم، كان عمر شديداً في محاسبة ولاته والموظفين العموميين الذين يعينهم ويعملون معه، دقيقاً في التطبيق لقانونه الشهير (من أين لك هذا؟)، وربما قاسم الموظف العام أو الأمير ماله، فأخذ النصف وترك له النصف؛ إذا اشتبه الأمر عليه، ولم يكن عنده دليل يدين ذلك الموظف أو الأمير، إلا مجرد الاشتباه، وكان الصحابة لشدة حرصهم وتقديرهم لنزاهة أمير المؤمنين يقبلون ذلك منه عن رضا خاطر، ومع ذلك فهل كان عمر سيدعو أبا هريرة مرة أخرى ليوليه لو ثبت له أن أبا هريرة ابتلي بشيء من هذا السوء؟ ولو كان أبو هريرة طامعاً في منصب أو غيره هل كان سيرفض ذلك الأمر، وهل كان يسوق لرفض العمل والولاية هذه المبررات الدالة على كمال الورع وكمال الوعي والفقه؟.


*********************
رابط المقالة كاملا

http://www.facebook.com/note.php?note_id=461444878764&id=687589231&ref=mf


الاستاذ ده الدكتور عبدالرحمن البر أستاذ الحديث وعلومه بجامعة الأزهر وعضو مكتب الارشاد بجماعة الاخوان المسلمين ...مش ابراهيم عيسى الممتاز سياسيا والضعيف جدا دينيا

افهم ان يكون الانسان جاهل في مجال ما...وبيحاول يكتسب العلم فيه ...لكن جاهل وبيفتي...وبينشر ضلاله وجهله في مجال ليس له فيه كما يفعل ابراهيم عيسى


خليكوا كده امشوا ورا الكلام الفاضي والتشكيك الممجحف الكاذب واختصموا الصحابة عند ربنا

وَإِن تُطِعْ أَكْثَرَ مَن فِي الأَرْضِ يُضِلُّوكَ عَن سَبِيلِ اللّهِ إِن يَتَّبِعُونَ إِلاَّ الظَّنَّ وَإِنْ هُمْ إِلاَّ يَخْرُصُونَ

جبهة التهييس الشعبية said...

ما انا كنت عارفة ان المعاتيه حيشرفونا

يفني عمره عشان يقرا ابن كثير والذهبي؟

امال انت عايش ليه يا امور انت؟ عايش ليه لما مش حتقرا الكتابين دول وهم اهم كتابين في رواية التاريخ من وجهة النظر السنية؟
ومسلم ليه اساسا بقى؟

utopia said...

احيى ابراهيم عيسى على فتح هذا الموضوع
مع تحفظى على الظهور بمظهر المعادى لشخص ابو هريرة رضى الله عنه
اعتقد ان علماء الجرح والتعديل قد قتلوا البحث فى شخص ابو هريرة وسيرته
كما انه من المنطقى ان الرسول لن يقرب اليه فاسقا او كاذبا
ولكن هل هناك ضامن لصحة المنقول على لسان ابو هريرة من الاحاديث سوى اجتهاد جامعى الاحاديث وابرزهم الامام البخارى؟؟
هم اجتهدوا ونحن سلمنا باجتهادهم لاكثر من الف سنة ولم نبرز لنا اجتهادا
وكان الاجتهاد كان مفروضا عليهم فقط او ان الله قد حفظ البخارى كما حفظ كتابه الكريم!!!
يجب علينا عدم التسليم سوى بالمسلمات المقدسة من عند الله وهو القران وما نتفق عليه مما صح من الحديث
وما المانع من تحقيق البخارى ومسلم مرة اخرى ولو حتى ليطمئن قلبنا
لو كان الاولون قد قالوا كما نقول لما تعددت كتب الحديث ولاكتفوا بكتاب واحد
جزاهم الله خيرا على ما فعلوه وعلينا تحقيق ماجمعوا وعندنا كتاب الله المحفوظ
وعقولنا ولا داعى لتجريح الصحابة بلا سند
بس اللى ضحكنى فى مقال ابراهيم عيسى النهاردة ان السنة والشيعة علقوا وشتموا فيه وبهذا فقد نفى عنه سنة التشيع يبقى فاضل ينفى انه من القرانيين
ههههههههههههه
حسبى الله ونعم الوكيل

Laboudy100 said...

قرأت مقالا أ. د. عبد الرحمن البر يقول أن هذه الرواية بهذا السياق ذكرها عبد ربه بلا إسناد، أما الرواية المسندة كما جاء في مقالته: "أخرج ابن سعد بسند صحيح (في الطبقات الكبرى 4/335) وأبو نعيم في حلية الأولياء (1/380- 381) وعزاه ابن كثير في (البداية والنهاية) لعبد الرزاق:



«عن محمد بن سيرين: أن عمر استعمل أبا هريرة رضي الله عنه على البحرين، فقدم بعشرة آلاف، فقال له عمر: استأثرتَ بهذه الأموال يا عدوَّ الله وعدوَّ كتابه! فقال أبو هريرة: فقلت: لستُ بعدوِّ الله وعدوِّ كتابه، ولكني عدوُّ مَنْ عاداهما، قال: فمن أين هي لك؟ قلت: خيلٌ نَتَجَتْ، وغَلَّةُ رقيقٍ لي، وأَعْطِيةٌ تتابعتْ، فنظروا فوجدوه كما قال.



فلما كان بعد ذلك دعاه عمر؛ ليُوَلِّيَه، فأبَى، فقال: تَكْرَهُ العملَ (يعني الولاية) وقد طلب العمل مَنْ كان خيرًا منك، يوسفُ عليه السلام؟ فقال: يوسف نبيٌّ ابنُ نبيٍّ ابنِ نبيٍّ، وأنا أبو هريرة ابن أميمة- اسم أمِّه-، وأخشى ثلاثاً واثنتين، قال: فهلاَّ قلتَ خمسًا؟ قال: أخشى أن أقولَ بغير علمٍ، وأقضيَ بغير حكمٍ، وأن يُضْرَبَ ظهري، ويُنْتَزَعَ مالي، ويُشْتَمَ عرضي».



هل يمكن للمنصف أن يفهم من هذه القصة- كما زعم الأستاذ إبراهيم والمتحاملون- أن أبا هريرة رضي الله عنه قد ثبت عنه أنه مدَّ يده إلى أموال المسلمين؟ هل يستقيم هذا مع نتيجة التحقيق الذي أجراه عمر فكانت نتيجته (فنظروا فوجدوه كما قال)؟
لقراءة المقالة
http://www.ikhwanonline.com/Article.asp?ArtID=67230&SecID=391

عاشــــــ النقاب ـقــــة"نونو" said...

اصحابي كالقمر بايهم اقتضيتم اهتديتم
صدق رسول الله صلى الله غليه وسلم
القصة وان كانت تدلل عل عدل سيدنا عمر الا انها تعيب في سيدنا ابو هريرة بعيب ما ينفعش نصدقه هما بشر بيصيبوا ويخطئوا لكن سيدنا عمر هيضربه وما اعرفش ايه وبعدين الاخ بتاع تيت دة يا جماعة هو احنا بنتكلم عن عيل في الشارع ولا صحابي من اصحاب الرسول ولو بنتكلم عن اي حدلازم برضه باحترام صح ولا لا
كل عام وانتم بخير

Alaa said...

بالمناسبة انا عارف انك مش هتنشري التعليق بس عموما ده اكيد مش مهم لان الكلام لي مش لازم حد يقراه

يا مريضة

Alaa said...

اقري المقال ده قبل ما تايدي واحد بيطعن في سيدك و سيد اهلك ابو هريرة
http://ikhwanonline.com/Article.asp?ArtID=67230&SecID=391

الغريب ان واحدة عايزة تبوس بتوع الجمهورية من بؤهم بتتدخل في امور زي دي انتي مسن عشان تتكلمي عن اسيادك الصحابة

ان شاء الله مصيبتك اللي هتكون جامدة و عذابك اللي هيكون اجمد

و بسببم انتي و اللي زيك عمر البلد ما هتتغير

جبهة التهييس الشعبية said...

انا ماليش اسياد يا جربوع

الاسياد دول اسيادك

وما تخليش الواحد يفسر في وشكوا بقى انتوا بتفسدوا الناس وبتحسسوهم ان كله محصل بعضه وان زيد زي عبيد

وماسكين الناس بس تعايبوا عليهم وتدخلوهم جنة ونار وانتوا مفسدين زي سيدكوا اللي قلب الخلافة لملك عضود

دلوقت من وانا عيلة كده عندي بتاع خماشر ستاشر سنة وانا مخي بيودي ويجيب

واحد قرف نفسه ولا عاش عيشة عدلة ولا كل لقمة عدلة ولا نام نومة عدلة ولا حتى اتغطى بغطا عدل وعاش ينكد على نفسه ويحرم نفسه ويخاطر بنفسه لحد ما مات دماغه مفلوقة بالطول نصين
وعياله ماتوا من بعده

وواحد ما اسلمش الا لما الدنيا احلوت وزهزهت، لا عمره خرج في غزوة، ولا جوع روحه، ولا ضايق نفسه ويادوبك قرايبه مسكوا الليلة بقى والي وقعد يظبط نفسه ويشتري ولاء الناس ويكوم في فلوس والمرة الوحيدة اللي طلع يحارب فيها طلع يحارب عشان اشتغالة وهو اول واحد عارف انها اشتغالة، واشترى ذمم الناس وافسد ناس كانت كويسة عشان مسكهم من نقط ضعفهم وحتى ما رضيش يطلع في مبارزة عشان يحقن الدماء لانه خايف على عمره وعاش وانبسط ولم فلوس وفضل ياكل لحد ما عملوا له الكنافة من كتر ماهو مش عارف يشبع وفي الاخر عمل بيعة باطلة لابنه ومات

وسبحان الله
الاتنين صحابة والاتنين داخلين الجنة والاتنين سيدنا رضي الله عنه
يرضي مين ده؟
يرضي مين؟

ماهو حاجة من الاتنين يا قراءتكم للتاريخ مزيفة
يا اما الاولاني بقى هو اللي احمق؟ عمل في نفسه ده كله ليه مدام كله محصل بعضه
مدام اللي بيجوع زي اللي بيشبع واللي بيجاهد زي اللي بيجبن واللي عنده ذمة زي اللي بيشتري الذمم والاتنين صحابة
عمل في نفسه كده ليه وبهدل نفسه وعياله ومافيهمش حد مات موتة سالمة ابدا اللي دماغه اتفلقت واللي اتسم واللي راسه طارت وكل البهدلة دي ويتساووا زييهم زي اللي قعد ياكل في قتة محلولة
فين العدل في كده يعني؟

طب انت ترضاها لنفسك يعني؟ يعني ينفع مثلا اقول حسام الحملاوي مناضل وسعد الدين ابراهيم مناضل واساوي بينهم؟ حسام يطلع دينه وسعد الدين ابراهيم قاعد مع وزيرة الخارجية الامريكية والاتنين مناضلين؟ فين العدل في كده بقى؟

انتوا ليه بقى بتضغطوا على اعصاب الواحد لحد ما يسمعكوا كلام ما تعرفوش تردوا عليه ويحرجكوا وبعدين تقعدوا تتجننوا وتشتموا وده كل اللي انت فالحين فيه؟
ماعندكوش غير ردين: يا تشتموا وتشرشحوا
يا تقولوا: هذه فتنة وقانا الله شرها قفل على السيرة يا عم وافتح الراديو
نقفل على السيرة ازاي؟ ازاي يعني انا لما احب ادي مثل لشاب مسلم من التاريخ اقول له ايه؟ اقول له زيد زي عبيد والاتنين صحابة؟ عايز يا حبيبي تموت نفسك وتجوع نفسك وتخاطر بنفسك عندك علي، عايز يا حبيبي تاكل وتحش وتشتري ذمم الناس وتبقى ملك الملوك ولك رواة يقولوا لك اللي انت عايزه عندك معاوية
رضي الله عنهم جميعا وارضاهم
انتوا عايزين تجننوني؟ ازاي يعني؟ ازاي؟
والتاني قاعد يروي له في احاديث وياخد منه فلوس، طب اديني عقلك، واحد اشترى ذمم ناس كان لهم تاريخ في الجهاد ودي طريقته مع كل البشر وواحد سيدنا عمر قفشه بفلوس واخدها منه وما ازدهرش في رواية الحديث الا في عهد شاري الذمم يبقى ايه؟ اكمل مكان النقط

طب هات لي حديث رواية ابو هريرة في فضل علي بن ابي طالب وانا اسكت عنكوا

وانتوا متبرمجين انتوا؟ هو الواحد لازم يبقى سنة وشيعة؟ انزلوا المذهبين دول يعني؟ مالكش مخ تفكر بيه؟ مالكش دماغ تقرا بيها التاريخ وتحكم؟

وتاني، قاعدين تقولوا على الشيعة والمتصوفة: عباد القبور
طب وعباد الصحابة؟ الحصانة اللي مدينها للصحابة المساوية لحصانة الرسول وربنا كمان دي ايه؟
الصحابي ما بيغلطش، ربنا يعني؟ يعني السنة مؤمنين بعصمة الرسول في الوحي بس ومؤمنين بعصمة الصحابة في المطلق يعني؟

وعشان ما تقعدش تتعب نفسك في تصنيفي، انا لا سنة ولا شيعة، انا باصلي واصوم بطريقة السنة عشان دي اللي اتعلمتها من وانا صغيرة بس مش كل حاجة يقولها السنة او الشيعة امشي وراها غميضي كده

محمد صبرى said...

ازيك يا نواره ...روقى بس شوية و بالراحة على عقول الناس ..قولى شيء مختلف,اعرضى فكرة مختلفة بس بالراحة اذا كنت عايزة تجمعى متفرقيش , بالراحة على عقول الناس. لما تيجى تخالفى ما استقر عليه الناس بالراحة عليهم حتى و لو كانوا على خطأ ,, النبى حسب ما اعرف مرضاش بعد ما استقر ليه الامر فى مكة يهد الكعبة و يعيد بناءها على قواعد ابراهيم .لان الناس حديثى عهد باسلام , و فى هدم الكعبة فتنه ليهم , خاف عليهم النبى منها فسيبك بقى من السنة و من الشيعة و خلى النبى قدوتك , بلاش عمر بلاش على بلاش ابو هريرة و خلينا نحتكم للنبى , ع الاقل فى ادارة خلافتنا اذا كان الهدف تفكييك الخلاف و الوصول لحل

...


السنة مش كل بيقولوه مقبول غميضى , و الشيعة كمان مش كل اللى بيقولوه مقبول غميضى , و زى ما احنا بنحاول نلاقى نقاط تفاهم مع الشيعة - و هى كثيرة- رغم معتقداتهم الصادمة فى اغلب صحابة الرسول و امهات المؤمنين , فبشكل اولى نلاقى نقاط تفاهم و احنا بنختلف بينا و بين بيئتنا و مجتمعاتنا السنية

.....

انا مش هتكلم عن اللى اختلف معاكى فيه لكن هتكلم عن اللى موافقك فيه ..عشان بس تتاكدى انه المسالة و الله مش تحجيرة دماغ, مبدئيا انا -رغم اختلافى- شايف انه مداخلتك الاخيرة لا تخلو من وجاهة

"واحد قرف نفسه ولا عاش عيشة عدلة ولا كل لقمة عدلة ولا نام نومة عدلة ولا حتى اتغطى بغطا عدل وعاش ينكد على نفسه ويحرم نفسه ويخاطر بنفسه لحد ما مات دماغه مفلوقة بالطول نصين
وعياله ماتوا من بعده"

طبعا لا يستوى طبعا , و دا دينا اساسا ..طبيعى اللى اسلوا وقت التنكيل و التعذيب و الاستضعاف و هاجروا و باعوا ارواحهم و بذلوا اموالهم مش زى الناس اللى اسلمت لما ايقنت انه الاسلام ظاهر لا محالة,, دا الدين اساسا , مفتكرش انه فى دا وجهات نظر و اختلاف اصلا

انما اللى بتاخديه على الناس و بترفضيه منهم لما بتقولى

"ماسكين الناس بس تعايبوا عليهم وتدخلوهم جنة ونار وانتوا مفسدين زي سيدكوا اللي قلب الخلافة لملك عضود"

مفروض انه انتى متمارسيهوش , يعنى الكل موافقك انه لا يستوى المثل بالمثل و لا القامة بالقامة , ايه مطلوب بقى اكتر من كده , اننا نعتقد فى كفر معاوية و ابو هريرة مثلا؟

انا عن نفسي لو عندى اولاد يهمنى يكون المثل عمر بن الخطاب و على ابن ابى طالب, مش حد تانى.

ايوه افتكر انه مرحلة الحكم العضود تبدأ بمعاوية لكن متنسيش انه حديث الحكم العضود دا و باللفظ دا من مرويات السنة , مش حد تانى

كمان فيه حاجة عشان بتسألى عن العدل فى الترضى على على و معاوية سوا

انتى عارفة انا هرد عليكى بموقف لمين؟ لسيدنا على نفسه

طبعا انتى عارفة الحرب اللى حصلت , بين سيدنا على من جهة و بين طلحة و الزبير من جهة تانية , و اللى اتقتل فيها طلحة و الزبير حسب معلوماتى الدينية المتواضعة

بيقولك بقى انه فى مجلس لسيدنا على ترحم الخليفة الرابع على اللى قتلوا فى الحرب فى مواجهته , طلحة و الزبير ,و دعا ربنا انه يجمعه بيهم فى الجنه , فالظاهر القعدة كان فيها حد من انصار معسكر طلحة و الزبير فمستحملش دعوة سيدنا على انه ربنا يجمعه فى الجنه بطلحة و الزبير , فقالوه حاجة كده شبه اللى بتقولها دلوقتى ,, قاله ربنا اعدل من انه يجمع القاتل بالمقتول فى نفس الدار - الجنه- فسيدنا على استشاط غضبا و قاله ارجو ان يجمعنى الله باخوتى و نكون مم قال الله فيهم

"و نزعنا ما فى صدورهم من غل , اخواننا على سرر متقابلين"

يعنى يا نواره فكرة انها فتنه واضح انها مش محتاجة دليل , و هى فتنة حارت فيها العقول و طاشت فيها الافهام , لدرجة انها مش بس قسمت المسلمين بناء على درجة الموالاه لعلى و آل البيت , لأ دى كمان اعجزت العقل البشرية عن تحديد معايير حدية للعدل , متنسيش انه الخوارج خرجوا على سيدنا على لاسباب من اهمها اعتقادهم فى انه حاد عن العدل و تهاون فى موقفه من ام المؤمنين عائشة.

فبلاش ناخد نفس الخط اللى كان هو هو - من وجهة نظرى - سبب انشقاق الخوارج و لسخرية القدر كان برضو سبب انشقاق الشيعة



..

محمد صبرى said...

ازيك يا نواره ...روقى بس شوية و بالراحة على عقول الناس ..قولى شيء مختلف,اعرضى فكرة مختلفة بس بالراحة اذا كنت عايزة تجمعى متفرقيش , بالراحة على عقول الناس. لما تيجى تخالفى ما استقر عليه الناس بالراحة عليهم حتى و لو كانوا على خطأ ,, النبى حسب ما اعرف مرضاش بعد ما استقر ليه الامر فى مكة يهد الكعبة و يعيد بناءها على قواعد ابراهيم .لان الناس حديثى عهد باسلام , و فى هدم الكعبة فتنه ليهم , خاف عليهم النبى منها فسيبك بقى من السنة و من الشيعة و خلى النبى قدوتك , بلاش عمر بلاش على بلاش ابو هريرة و خلينا نحتكم للنبى , ع الاقل فى ادارة خلافتنا اذا كان الهدف تفكييك الخلاف و الوصول لحل

...


السنة مش كل بيقولوه مقبول غميضى , و الشيعة كمان مش كل اللى بيقولوه مقبول غميضى , و زى ما احنا بنحاول نلاقى نقاط تفاهم مع الشيعة - و هى كثيرة- رغم معتقداتهم الصادمة فى اغلب صحابة الرسول و امهات المؤمنين , فبشكل اولى نلاقى نقاط تفاهم و احنا بنختلف بينا و بين بيئتنا و مجتمعاتنا السنية

.....

انا مش هتكلم عن اللى اختلف معاكى فيه لكن هتكلم عن اللى موافقك فيه ..عشان بس تتاكدى انه المسالة و الله مش تحجيرة دماغ, مبدئيا انا -رغم اختلافى- شايف انه مداخلتك الاخيرة لا تخلو من وجاهة

"واحد قرف نفسه ولا عاش عيشة عدلة ولا كل لقمة عدلة ولا نام نومة عدلة ولا حتى اتغطى بغطا عدل وعاش ينكد على نفسه ويحرم نفسه ويخاطر بنفسه لحد ما مات دماغه مفلوقة بالطول نصين
وعياله ماتوا من بعده"

طبعا لا يستوى طبعا , و دا دينا اساسا ..طبيعى اللى اسلوا وقت التنكيل و التعذيب و الاستضعاف و هاجروا و باعوا ارواحهم و بذلوا اموالهم مش زى الناس اللى اسلمت لما ايقنت انه الاسلام ظاهر لا محالة,, دا الدين اساسا , مفتكرش انه فى دا وجهات نظر و اختلاف اصلا

انما اللى بتاخديه على الناس و بترفضيه منهم لما بتقولى

"ماسكين الناس بس تعايبوا عليهم وتدخلوهم جنة ونار وانتوا مفسدين زي سيدكوا اللي قلب الخلافة لملك عضود"

مفروض انه انتى متمارسيهوش , يعنى الكل موافقك انه لا يستوى المثل بالمثل و لا القامة بالقامة , ايه مطلوب بقى اكتر من كده , اننا نعتقد فى كفر معاوية و ابو هريرة مثلا؟

انا عن نفسي لو عندى اولاد يهمنى يكون المثل عمر بن الخطاب و على ابن ابى طالب, مش حد تانى.

ايوه افتكر انه مرحلة الحكم العضود تبدأ بمعاوية لكن متنسيش انه حديث الحكم العضود دا و باللفظ دا من مرويات السنة , مش حد تانى

كمان فيه حاجة عشان بتسألى عن العدل فى الترضى على على و معاوية سوا

انتى عارفة انا هرد عليكى بموقف لمين؟ لسيدنا على نفسه

طبعا انتى عارفة الحرب اللى حصلت , بين سيدنا على من جهة و بين طلحة و الزبير من جهة تانية , و اللى اتقتل فيها طلحة و الزبير حسب معلوماتى الدينية المتواضعة

بيقولك بقى انه فى مجلس لسيدنا على ترحم الخليفة الرابع على اللى قتلوا فى الحرب فى مواجهته , طلحة و الزبير ,و دعا ربنا انه يجمعه بيهم فى الجنه , فالظاهر القعدة كان فيها حد من انصار معسكر طلحة و الزبير فمستحملش دعوة سيدنا على انه ربنا يجمعه فى الجنه بطلحة و الزبير , فقالوه حاجة كده شبه اللى بتقولها دلوقتى ,, قاله ربنا اعدل من انه يجمع القاتل بالمقتول فى نفس الدار - الجنه- فسيدنا على استشاط غضبا و قاله ارجو ان يجمعنى الله باخوتى و نكون مم قال الله فيهم

"و نزعنا ما فى صدورهم من غل , اخواننا على سرر متقابلين"

يعنى يا نواره فكرة انها فتنه واضح انها مش محتاجة دليل , و هى فتنة حارت فيها العقول و طاشت فيها الافهام , لدرجة انها مش بس قسمت المسلمين بناء على درجة الموالاه لعلى و آل البيت , لأ دى كمان اعجزت العقل البشرية عن تحديد معايير حدية للعدل , متنسيش انه الخوارج خرجوا على سيدنا على لاسباب من اهمها اعتقادهم فى انه حاد عن العدل و تهاون فى موقفه من ام المؤمنين عائشة.

فبلاش ناخد نفس الخط اللى كان هو هو - من وجهة نظرى - سبب انشقاق الخوارج و لسخرية القدر كان برضو سبب انشقاق الشيعة



..

محمد صبرى said...

الخط الثورى اساس الاسلام , بس خلى الثورة على مفاهيم اكتر منها على اشخاص , الطريقة المجردة اسلم و توحد متفرش , الزهد من دلائل الصدق, دا مفهوم جميل , انما التنعم- و انا حد معرفش عن النعيم حاجة-مش من دلائل الكذب

بيقولك فيه واحد يهودى شاف احد ابنى الامام على - اظنه سيدنا الحسن-و شاف عليه اثر النعمة و الرفاه و هو مش لاقى ياكل.. فقاله يا ابن الامام جدك بيقول انه الدنيا نار المؤمن و جنه الكافر , و انت ترى حالك و حالى

فقاله صدق رسول الله .. فما انت فيه نعيم بالنسبة لمصيرك فى الآخرة , و ما انا فيه شقاء بالنسبة لنعيم الجنه

......

الامام الحسن لما وافق على الصلح لجمع الصف , دخل عليه احد مواليه فبدل ما يقوله السلام عليك يا امير المؤمنين , قاله , السلام عليك يا مذل المؤمنين , لانه مقدرش يستوعب فكرة الوفاق , مصر انه لابد من تصنيف ما بين موالاه و نواصب

.....

على فكرة السنة هما اللى روا حديث انه عمار تقتله الفئة الباغية .. يعنى مساله تصنيف الشيعة كموالاه فيها مغالطة لانها بتفترض انه السنة نواصب .. فبلاش المعايير الحدية

....

و بعدين طيب متجيبى انتى حديث لابو هريرة بيسب فيه الامام على؟؟؟؟ها؟

على فكرة الامام على كان يسب فى العصر الاموى ,, ليه لم يتم تاصيل دا فى كتب السنة اللى بتم دلوقتى محاولة نسبتها لعصر التدليس الاموى؟؟؟؟

...... و بعدين ايه رايك فى خط المثل الخليفة الاموى عمر بن عبد العزيز ,, اللى نهى عن سب الامام على رغم انه اموى .. و فى نفس الوقت مدخلش صراع مع نسبه الاموى .. مش برضو عرف يحقق العدل و القيمة من غير ما يعيد انتاج الصراع


.....

ما تيجى نحتكم لمحمد ابن عبد الله و لسيدنا على و لعمر بن عبد العزيز؟

ما تيجى نخلينا مع الامثلة الناجحة

محمد صبرى said...

مادام فيه اصرار على ان الحوار ياخد شكل الصراع على الرموز الدينية و مكانتها فى المذاهب الاسلامية

انا احب اضيف اللينكين دول يجوز يكون فيهم وجاهة فى طريقة ادارة الاختلاف

http://www.al-3abbas.com/vb/showthread.php?p=743118#post743118




http://www.al-3abbas.com/vb/showthread.php?p=751724#post751724