Sunday, 13 June 2010

تصريحات ايه اللي منى الشاذلي بتتكلم عنها بخصوص القافلة؟

انا باكلمكم وانا في حالة لا يرسم لها
بس باختصار كده، انا لسه راجعة من قافلة فك الحصار عن غزة بعد ما بتنا ليلة قصاد المعبر على الاسفلت (مش عارفة ليه الاسفلت سخن والجو برد؟) في الاول قالوا لنا حماس يوم الجمعة بيجيلها الاولاد ومراتاتهم يتغدوا عندها وبتقول لكوا عدوا علينا في يوم تاني ما يكونش جمعة
تاني يوم ظابط قال للمفاوضين من القافلة ان اسرائيل مش موافقة على دخولنا وبصراحة بقى هو ده اللي حايشهم
طب اسرائيل تعرفنا احنا منين عشان توافق وللا ترفض؟ واشمعنى وافقت على الجزائريين واليونان واي حد الا المصريين يعني؟ بينها وبينا ايه؟ 
وإذ بي أفوجأ ياخويا ان منى الشاذلي طالعة تقول منعوهم عشان التصريحات
تصريحات ايه؟ احنا ناس رحنا لا بينا ولا علينا على اساس ان المعبر مفتوح لقينا نفسنا نايمين على الرصيف وبعدين رجعنا بخفي حنين
تصاريح ايه اللي طلبوها منا؟ اعدم بن اليعازر ان كان فاتحونا في اي من الكلام دهون يعني
المهم انا في حالة خرف كامل بعد يومين لا اكل ولا نوم.. نتكلم بالليل نتكلم بالليل

18 comments:

أم الخــلـود said...

(حملة تضامنوا مع إسرائيل !!!)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع إسرائيل !!

صورة الشعار .. في مدونتي كركر .. ويكتبون فوقها ..

(حملة تضامنوا مع إسرائيل !!!)

رابط المدونة

http://krkr111.blogspot.com

جعله الله في ميزان حسانتكم .. آمين

mido said...

مش داخل دماغى موضوع اسرائيل ده خالص
دخولكم كان ممكن يبقى اسهل اول مرحتوا لو كلكم معاكم ياسبورات او اربعين نفر حتى وافقوا من الاول
والله اعلم
بالنسبة للاسفلت فهو بيمتص حرارة الشمس بالنهار و طبعا صحرا و بيتخلص منها ليلا فتحسى بيها بليل

Marwa Galal Hasan said...

ya khosara ya masr

Marwa Galal Hasan said...

ya khosara ya masr

Marwa Galal Hasan said...

ya khosara ya masr

nanaalol said...

يا نوارة الخير الأول حمد الله على السلامة
ثانيآ : ربنا يجعله فى ميزان حسناتك
ثالثآ : ألا لعنة الله على القوم الظالمين ، طبعآ أسرائيل هي اللى بتدى الأوامر للبلاليص اللى عندنا اذا كانوا مطلعين عين الناس الغلابة الفلسطنيين اللى عاوزين يطلعوا من غزة على مصر أو أى بلد تانية حتى فى ده كمان مش مريحنيهم أو مدينهم عقاد نافع . هو من الأول أحنا كنا عارفين أنه فتح المعبر تمثيلية بايخة و أفتكاسة عبيطة . بس أشمعنى بقية الخلق يدخلوا ألا أنتم ؟و لا خايفين من الفضيحة فى الجزائر و اليونان ؟ على العموم المرة ديه خابت و أن شاء الله الجاية هتصيب
ممكن تقرى الموضوع ده كتبه المراسل كريم الشيخ عن غزة
http://b7l2a.net/kotabna/2616.html
نور على

محمد صبرى said...

نتكلم بالليل!!


ما احنا بالليل؟



:D

Ahmed said...

حمد لله على السلامة يا حاجة,,, ذنب مغفور ان شاء الله
و أنا قلت هي اتقبض عليها و لا اتجوزت و قفلت المدونة و لا راحت فين بالضبط

واضح أن منى الشاذلي مضغوط عليها من بهجت جامد. لأن ده مش طرح منى الشاذلي من سنتين فاتوا مثلا.
و حكاية خالد سعيد: يعني هي رفضت تعرض فيديو الضباط و هم بيقسموا مع بعض عشان مش أكيد و مش عايزة تظهر وجوه غير لما تتأكد
بينما البيان القذر اللي في التهم اللي محامو مركز النديم اليوم أخبرونا في الوقفة بعد صلاة الغائب أنها ليس لها أي أساس من الصحة قرأت التهم اللي فيه بند بند و بالتفصيل.
يعني الباشاوات سمعتهم متتمسش, وخالد رحمه الله يتجرح فيه من ضباع الداخلية مفيش مشاكل.

المهم بعد ما عدا يوم الوقفة ناس معارفي بيقولوا لي سموحة بالليل مفيهاش مخبر واحد موجود, واضح أن الداخلية مرعوبة جدا من اللي حصل. أخيرا يبتدوا يحسوا أن الشعب لم يعد سهلا كما كان

حمد لله على سلامتك, و أنتي أكيد نشرتي التعليقات في الموضوع اللي فات من غير قراءة
بس ان شاء الله نتقابل على متن مركب أقرب قافلة

نعيب زماننا

Ahmed said...

حمد لله على السلامة يا حاجة,,, ذنب مغفور ان شاء الله
و أنا قلت هي اتقبض عليها و لا اتجوزت و قفلت المدونة و لا راحت فين بالضبط

واضح أن منى الشاذلي مضغوط عليها من بهجت جامد. لأن ده مش طرح منى الشاذلي من سنتين فاتوا مثلا.
و حكاية خالد سعيد: يعني هي رفضت تعرض فيديو الضباط و هم بيقسموا مع بعض عشان مش أكيد و مش عايزة تظهر وجوه غير لما تتأكد
بينما البيان القذر اللي في التهم اللي محامو مركز النديم اليوم أخبرونا في الوقفة بعد صلاة الغائب أنها ليس لها أي أساس من الصحة قرأت التهم اللي فيه بند بند و بالتفصيل.
يعني الباشاوات سمعتهم متتمسش, وخالد رحمه الله يتجرح فيه من ضباع الداخلية مفيش مشاكل.

المهم بعد ما عدا يوم الوقفة ناس معارفي بيقولوا لي سموحة بالليل مفيهاش مخبر واحد موجود, واضح أن الداخلية مرعوبة جدا من اللي حصل. أخيرا يبتدوا يحسوا أن الشعب لم يعد سهلا كما كان

حمد لله على سلامتك, و أنتي أكيد نشرتي التعليقات في الموضوع اللي فات من غير قراءة
بس ان شاء الله نتقابل على متن مركب أقرب قافلة

نعيب زماننا

Ahmed said...

حمد لله على السلامة يا حاجة,,, ذنب مغفور ان شاء الله
و أنا قلت هي اتقبض عليها و لا اتجوزت و قفلت المدونة و لا راحت فين بالضبط

واضح أن منى الشاذلي مضغوط عليها من بهجت جامد. لأن ده مش طرح منى الشاذلي من سنتين فاتوا مثلا.
و حكاية خالد سعيد: يعني هي رفضت تعرض فيديو الضباط و هم بيقسموا مع بعض عشان مش أكيد و مش عايزة تظهر وجوه غير لما تتأكد
بينما البيان القذر اللي في التهم اللي محامو مركز النديم اليوم أخبرونا في الوقفة بعد صلاة الغائب أنها ليس لها أي أساس من الصحة قرأت التهم اللي فيه بند بند و بالتفصيل.
يعني الباشاوات سمعتهم متتمسش, وخالد رحمه الله يتجرح فيه من ضباع الداخلية مفيش مشاكل.

المهم بعد ما عدا يوم الوقفة ناس معارفي بيقولوا لي سموحة بالليل مفيهاش مخبر واحد موجود, واضح أن الداخلية مرعوبة جدا من اللي حصل. أخيرا يبتدوا يحسوا أن الشعب لم يعد سهلا كما كان

حمد لله على سلامتك, و أنتي أكيد نشرتي التعليقات في الموضوع اللي فات من غير قراءة
بس ان شاء الله نتقابل على متن مركب أقرب قافلة

نعيب زماننا

Ahmed said...

حمد لله على السلامة يا حاجة,,, ذنب مغفور ان شاء الله
و أنا قلت هي اتقبض عليها و لا اتجوزت و قفلت المدونة و لا راحت فين بالضبط

واضح أن منى الشاذلي مضغوط عليها من بهجت جامد. لأن ده مش طرح منى الشاذلي من سنتين فاتوا مثلا.
و حكاية خالد سعيد: يعني هي رفضت تعرض فيديو الضباط و هم بيقسموا مع بعض عشان مش أكيد و مش عايزة تظهر وجوه غير لما تتأكد
بينما البيان القذر اللي في التهم اللي محامو مركز النديم اليوم أخبرونا في الوقفة بعد صلاة الغائب أنها ليس لها أي أساس من الصحة قرأت التهم اللي فيه بند بند و بالتفصيل.
يعني الباشاوات سمعتهم متتمسش, وخالد رحمه الله يتجرح فيه من ضباع الداخلية مفيش مشاكل.

المهم بعد ما عدا يوم الوقفة ناس معارفي بيقولوا لي سموحة بالليل مفيهاش مخبر واحد موجود, واضح أن الداخلية مرعوبة جدا من اللي حصل. أخيرا يبتدوا يحسوا أن الشعب لم يعد سهلا كما كان

حمد لله على سلامتك, و أنتي أكيد نشرتي التعليقات في الموضوع اللي فات من غير قراءة
بس ان شاء الله نتقابل على متن مركب أقرب قافلة

نعيب زماننا

Ahmed said...

حمد لله على السلامة يا حاجة,,, ذنب مغفور ان شاء الله
و أنا قلت هي اتقبض عليها و لا اتجوزت و قفلت المدونة و لا راحت فين بالضبط

واضح أن منى الشاذلي مضغوط عليها من بهجت جامد. لأن ده مش طرح منى الشاذلي من سنتين فاتوا مثلا.
و حكاية خالد سعيد: يعني هي رفضت تعرض فيديو الضباط و هم بيقسموا مع بعض عشان مش أكيد و مش عايزة تظهر وجوه غير لما تتأكد
بينما البيان القذر اللي في التهم اللي محامو مركز النديم اليوم أخبرونا في الوقفة بعد صلاة الغائب أنها ليس لها أي أساس من الصحة قرأت التهم اللي فيه بند بند و بالتفصيل.
يعني الباشاوات سمعتهم متتمسش, وخالد رحمه الله يتجرح فيه من ضباع الداخلية مفيش مشاكل.

المهم بعد ما عدا يوم الوقفة ناس معارفي بيقولوا لي سموحة بالليل مفيهاش مخبر واحد موجود, واضح أن الداخلية مرعوبة جدا من اللي حصل. أخيرا يبتدوا يحسوا أن الشعب لم يعد سهلا كما كان

حمد لله على سلامتك, و أنتي أكيد نشرتي التعليقات في الموضوع اللي فات من غير قراءة
بس ان شاء الله نتقابل على متن مركب أقرب قافلة

نعيب زماننا

جمال مالك..)* said...

الحمدالله على السلامة نورتي مدونتك .

khalil said...

حمد الله على السلامه
المره الوحيده اللى النظام ما كذبش فبها"ما نقدرش ندخل اي جد غزه الا بموافقه اسرائيل " دة النظام اما اسرائيل توافق القافله تدخل،ومبارك ونظامه ما هو الا عبد المأمور

MR.PRESIDENT said...

ربنا علي الظالم والمفتري اي كان
ربنا علي الظالم والمفتري اي كان
ربنا علي الظالم والمفتري اي كان
ربنا علي الظالم والمفتري اي كان
ربنا علي الظالم والمفتري اي كان
ربنا علي الظالم والمفتري اي كان
ربنا علي الظالم والمفتري اي كان
ربنا علي الظالم والمفتري اي كان

وامال فين السيادة المصرية

البنفسج الحزين said...

حمدلله ع السلامه يا نوارة ...
طب مش تقوليلي قبل ماتروحي
كنت هاحملك أمانه تسلميلي لي ع
السياده المصريه....

عـلا - من غـزة said...

حمد الله ع سلامتكم كلكم يا استاذة نوارة

عنجد ربنا يعوضكم ويجازيكم عن كل لحظة تعب ومعاناة بالخير والحسنات

هادا هو معبر رفح

يلا يا ستي .. كدة ممكن تعتبري نفسك حصلتي على الجنسية الغزاوية :D

ان شاء الله المرة الجاية تنورو غزة سياحة .. من غير مساعدات ولا غيرو

تحياتي

اشتياق said...

يا خسارة يا نوارة

كنت أتمنى تيجي على غزة وتعيشي معنا بعض الوقت من حصارنا وتعرفي كيف احنا عايشين وكيف قادرين نصبر ونصمد ..
لو عبرتوا كان أكيد زرتوا أبو العبد وعرفتي منه كل شي حابة تعرفيه .. بجد يا خسارة ..

لكن ما لفت انتباهي من التلفاز إنه أخوتنا المصريين المتضامنين القادمين الينا كان معاهم مواد بناء وهو من أهم الأشياء التي يحتاجها القطاع وهي من أشد الممتوعات عن القطاع لأنه الاحتلال بيعتقد إنها تستخدم لبناء الانفاق التي شيبت الاحتلال في وقت الحرب على غزة
باختصار اللي حابب ييجي غزة ويعبر أرضها لازم ييجي خالي اليدين أو جايب معه شوية أغذية أو أدوية او لعب أطفال هيك ممكن تعبروا بكل أريحية احتلالية ..

عموماً بكفي شرف المحاولة والهمة والارادة ان شاء الله ربنا يجعلها بموازين حسناتكم ويجعلها لكم حجة عنده يوم الحساب ..