اتصلت بي الآن الزميلة ندى القصاص دلوقت حالا
وأخبرتني أن السلطات المصرية تحتجز عشرين مواطنا فلسطينيا
في الترحيلات منهم واحد أردني فلسطيني
وواحد كان عليه حكم سنة وقضى المدة وخلصها بقاله تمن شهور
وواحد من المطلوبين اللي ما يقدروش يعدوا من معبر العوجة
وان الاخوة اللي راحوا رحلة رفح النهاردة واللي منهم ندى
حاولوا يدخلوا لهم اكل وزيارة والمأمور ما اخدش غير الخبز بس
ورفض تسلم بقية الزيارة
وانه لم يسمح لهم بالدخول ولا زيارتهم وان حتى المحامي اللي تطوع للدفاع عنهم
لم يسمح له بالدخول اليهم
وان السفارتين الفلسطينية والاردنية مطنشة على مواطنيها ولا حتى وكلت لهم
محامين
وان تمانية من العشرين دول اضربوا عن الطعام وبعتوا رسالة من الداخل
بيقولوا انهم مضربين
والمأمور هدد المجموعة اللي راحت تزورهم بانهم لو عملوا دوشة
على دول بالذات ح يوديهم الفرق
قصده معسكرات الامن
وانه عمال يقول لهم انتوا مين طيب اساميكوا
يقولوا اساميهم يبعتها للامن فالامن مش عارف دول مين
فالمامور قال لهم لو عايزين تحركوا قضية اللي في الترحيلات
روحوا بنفسكوا كلكوا للامن او المخابرات
ههههههههه
هم يضحك وهم يبكي
====
كمان فيه 36 فلسطيني محتجزين في مطار العريش
تسعة منهم بس اللي يقدروا يعدوا من معبر العوجة
والباقي مطلوبين
وكانت السلطات اعلنت بانها اتفقت على فتح معبر العوجة اليوم
وتمرير 170 طالب وطالبة للسفر الى الدول العربية التي
يدرسون فيها
وفيه كلام على ان الكل بعد كده ح يعدي من معبر العوجة
وده مستحيل لان الغالبية مطلوبين
فهل هذا معناه ان السلطات المصرية والفلسطينية
بفصيليها فتح وحماس
اتفقوا على تسليم هؤلاء المطلوبين لاسرائيل
=====
السلطات الفلسطينية والمصرية بيقولوا ان فيه
108
في معسركات الامن
لما راحوا معسكرات الامن الناس هناك ناكرنهم تماما
وبيقولوا لا مافيش عندنا حد
====
فيه 75 فلسطيني مقيمين في مراكز الشباب
كتير منهم ما ينفعش يعدي من العوجة لانهم مطلوبين لاسرائيل
===
ايه بقى ايه؟ ناس مطلوبة لدول عربية وناس مطلوبة لاسرائيل
وناس محبوسة في مصر
والتهمة
فلسطيني
اللي اختشوا ماتوا واندفنوا وبقوا بترول اتصرف وطار
وخرم الاوزون كمان
====
ده بالنوسبة للعريش
ندى قالت لي انهم لسة بقى ح يروحوا رفح عشان
وراح الخط قاطع وجاية اتصل بيها مش بيجمع
الخطوط مش كويسة ما تفهموش غلط
المهم يعني لما الخطوط تتصلح ح افهم منها لما تروح رفح ح تعمل ايه
4 comments:
كل عام وأنتم بخير
يهل رمضان من بعيد
حاملاً لي أحلى الذكريات دائماً
أصدق العبرات حتماً
أخلص العبادات دوماً
لرمضان عندي مكانة خاصة
ولكم أنتم أيضاً
يا أحبابـــي
فكل عام وأنتم بخير
وأنتم إلى الله أقرب وعلى طاعته أدوم
تعرفى يا نوارة انا قضيت الأجازة بتاعتى معظمها الصيف دة فالعريش وشفت ناس وشباب من فصائل فتح خايفين يرجعوا بلدهم من معبر العوجة طبعا عشان مطلوبين وكمان شباب خايفين من أسرائيل عشان حمساوية زى م بيقولوا عليهم بس الظاهرة الأكيدة اللى حسيتها فكلامهم أنهم خايفين برضة من البقاء فمصر
وواحد منهم قاللى أنهم السنة دى خوفهم من الحكومة المصرية لتسلمهم لليهود أو تسلم بتوع فتح لحماس !!!!!!!
كمان قالولى أن مصر بتبعت لأسرائيل عن طريق الأنفاق سيارات زلط وأسمنت وحديد عز لمساعدتهم فى بناء الحائط
وأنا مفهمتش وقتها هو فعلا مصر معاهم ولا ضدهم فاتحالهم دراعاتها ولا بتحاربهم
فية تطبيع مع أسرائيل ولا فية خيانة وجاسوسية للى يفكر يدخل سفارتهم ؟؟؟؟؟؟؟؟؟
حاجات تحير ومواقف حكومية توقف شعر الراس
دة نفس أنطباع الفلسطينيين وقتها وكمان العرايشية ومعظمهم أقارب أو اهالى المحتجزين
ربنا يهدى حكومتنا وتقولنا معاهم ولا عليهم
وع فكرة انا قلت فمدونتى انى هكتب كل انطباعاتى عن العريش والغردقة والفرق بينهم وبعدين لقيت المواضيع كلها داخل فيها فلسطينيين وأسرائيليين وأنطباعات وحوارات مع ناس من الطرفين وكل واحد فيهم لة رأاى ووجة نظر
ولقيت الحكاية هتقلب سياسة قوى قلت خليها بس لما أخلص شرا لبس المدارس للولاد وماما ترجع من العمرة عشان لو أتسجنت أبقة مطمنة ع الولاد
واللة دوخة أنا اية اللى رجعنى مصر
تحياتى
حاجه تكسف
و حكومه مصريه تكسف
لا اكرمت الضيف
و لا سابتوا يرجع بلده
لا بترحم و لا بتسيب رحمه ربنا تنزل
واحده راحت النار عشان حبست قطة
الزعماء و الوزراء و المحافظين
و اللواءات والباشوات و البكوات
حايروحوا فين؟
حسبى الله ونعم الوكيل معقولة هى دى مصر تعالى شوف يا عبد الناصر مصر بتعمل أيه مع الفلسطينين الناس دى عايزة تجننا ولا ايه ما فيش حاجة بتعملها صح أبدا زى ما يكونوا بيتعمدوا إنهم يعملوا كل حاجة غلط ليه بس كده حسبى الله يا ريتنى كنت مجنون على الأقل ما كنتش حفكر فى الصح والغلط وكنت حنام بالليل مرتاح انا مش عارف أنام كل يوم يطلعولنا بحاجة أنأح من اختها ربنا يستر عليكى يا مصر
Post a Comment