Sunday 2 September 2007

وقائع محاكمة اسلاك

اسلام كان خااااااااااااااسس خالص واعصابه كانت بايظة
الجلسة اتأجلت لبعد بكرة ان شاء الله
5/9
انا دخلت والنيابة بتترافع وسجلت اللي لحقته من مرافعة النيابة
النيابة كانت بتفند ادعاءات الدفاع
ومنها كلام جميل سعيد ان اللي في الشريط ده مش هتك عرض
ده تحضير
وتسائلت النيابة: هل من اجراءات الافراج عن المحتجز وضع عصا في دبره؟
ودي مرافعة النيابة
وبعدين ترافع الاستاذ ناصر امين ورد على كل الشتايم اللي شتمها له الدفاع
والحقيقة الدفاع كان بيشتم الاستاذ ناصر وكل منظمات المجتمع المدني وقال الاستاذ ناصر
ان مصر نفسها عضوة في المجلس العالمي لحقوق الانسان
وان حقوق الانسان دي مش شتيمة يعني ولا سب دين
ومرافعته
وبعدين اترافع الاستاذ حمدي وقال
طيب الاستاذ ناصر اتكلم عن براءة مراكز حقوق الانسان
من الاساءة لسمعة مصر
طيب يعني احنا بقى مالنا ومال الكلام ده كله
ايه اللي دخل التآمر على سمعة مصر ودخلنا الدفاع في متاهات
دي قضية فردية واحد اساء استغلال سلطته وزي ما النيابة قالت
اصحاب السلطة هم خدامين الشعب مش شغلتهم يذلوا الشعب
ومرافعة الاستاذ حمدي
وبعدين تقدم مندوب عن جميل سعيد بيطلب تأجيل القضية
بقية فريق الدفاع عن اسلاك قالوا للقاضي مافيش داعي للتأجيل يعني
ما كلنا موجودين وجميل سعيد مش ح يزود ولا ح ينقص
القاضي قال لهم يعني عايزين تأجلوا وللا لا
الجنزوري قال يعني اجماع من فريق الدفاع عن اسلام بعدم تأجيل القضية وحجزها للحكم
الكلام ده هنا
وبعدين انور عبد الله اترافع واكل دماغنا الصراحة
واللي يقوله يعيده واللي يعيده يزيده: وخبير الاصوات الكهربائي بتاع الدبلوم
واسلام بمكانته الاجتماعية محبوس بينما عماد سواق الميكروباص قاعد برة بيشرب شاي وقهوة
مرافعاته هنا بقى عشان انا اتخنقت من كلامه
والكهربائي اخد كورس ودان والشاي والقهوة اللي سممهم لعماد
يعني هو اسلام في مستشفى الشرطة ما بيشربش نسكافيه كمان؟
مرافعاته على اربع لينكات من كتر رغيه
وبعدين تقدم الاستاذ عادل ما اعرفش اسمه التاني
وقعد يقول انه هو في حقوق الانسان بس هو مش زيهم
هو حلو
وهم وحشين
وهو عارف خباياهم
وصحيح ان ناصر امين مش موقع على بيان منظمات حقوق الانسان
اللي بتطالب بان مصر ما تبقاش في المجلس العالمي لحقوق الانسان
بس دي مؤامرة
هم مقسيمن ادوارهم
هو يظبط لهم القضايا وهم يكتبوا البيانات
اه وربنا
الاستاذ ناصر امين كان ح يضحك بصوت عالي ومسك نفسه
المؤامرة الكبرى
وبعدين الجلسة اتأجلت لبعد بكرة
لسة فيه شوية فيديوهات
بس بصوا اسلام عامل ازاي

1 comment:

Anonymous said...

يعني ايه ده مش هتك عرض ده تحضير
يقصد ايه جميل باشا الرزل بالكلام ده
وبعدين جميل جمال مالوش مثال ساب جلسة التعذيب عشان يترافع عن السفاح ممدوح اسماعيل بتاع العبارة
.
.
و الله الجدع المحامي ده بيفكرني ب .. فاوست اللي باع نفسه للشيطان

فاوست بردك بس الفيرجين المصري
:)
.
.
العالم الجبلات دي اخصائيين الدفاع عن الوحوش البشرية و الشواذ و السفاحين
ممهما كان الاسم والصيت مصيرهم للمزبله
يكفيهم ان ترتبط اسمائهم بأسماءمثل .. اسلام نبيه و ممدوح اسماعيل
.
.
شكر خاص جداً يا نوارتنا على المجهود الرائع في تغطية المحاكمة

(ابهام مرفوع .. علامة التشجيع)