Tuesday 16 March 2010

اخواني الولايا.. النبي تتلهوا

انا بقى المرة دي على اخري اخر حاجة، حد تاني يدخل يقول لي افيقوا يا مسلمين، الاقصى سيضيع عاااااااااااااااااااااااا
ح اعلق مشنقة على المدونة واضربه بالرصاص
يا تقولوا لي نعمل ايه وانا معاكوا يا اما تبطلوا صريخ عشان نريح ضميرنا ونحس اننا عملنا حاجة
لا
لا 
لا
ما عملناش حاجة ومش بنعمل حاجة واحنا ولايا.. كلنا ولايا، وولايا موكوسة كمان
انجزوا... عايزين نعمل ابطال على قفا الناس؟ لا احنا مش ابطال بقى، احنا سيس 
تمانين مليون سيسي
خلاص؟ خلاص يا امور انت وهو؟
تقولوا نعمل ايه؟ تقولوا نعمل ايه؟ او هم يقولوا لنا نقدر نساعدهم ازاي وانا اللي ح يقولوه ح اعمله على طول
يا اما تسكتوا بقى
لكن فتح الجواعير ده ما بقتش اعصابي ولا صحتي تستحمله
انا ح استناهم يقولوا حاجة.. يعني لو طلبوا من العرب حاجة معينة نعملها، وهم يا عيني عادة مش بيطلبوا منا طلبات صعبة عشان عارفين خيبتنا كعرب بشكل عام
بس خيبتنا في مصر بشكل خاص مالهاش زي، واجهوا نفسكوا بقى عشان على الاقل نعرف نحط ايدنا على بيت الداء، احنا ماضيين على نفسنا كمبيالات
كمبيالة الدستور اللي جردتنا من حقنا في حكم نفسنا
وكمبيالة البنك الدولي اللي جردتنا من فلوسنا ومصانعنا وفلاحتنا
وكمبيالة كامب ديفيد اللي جردتنا من ملابسنا
وطول ما فيه ناس مش دريانة باهمية الدستور وبتدافع عن الرأسمالية وبيع القطاع العام وبتقول السادات كان ذكي عشان مضى اتفاقية السلام يبقى احنا مافيناش امل بقى، اذا كنا مش عارفين داءنا ح نساعد الناس؟
يا تقولوا نعمل ايه يا تسكتوا... ونعيش حياتنا بقى في ظل الظرف الراهن مدام عاجبنا، ونبقى صرحا كده ونقول والله الواحد كل ما بيشوف اللي اسرائيل بتعمله بيحمد ربنا على اللي هو فيه ويولعوا احنا مالنا.. حتى عشان نبقى متسقين مع نفسنا
 انما ابقى قاعدة في بيت دعارة والطم عشان بنت الجيران واحد اتحرش بيها؟ لا بقى، يا اقفل بيت الدعارة يا اما اخش اشوف الزباين بقى واقفل الشباك
انا قلبي ما عادش يستحمل

35 comments:

ماجد العياطي said...

صحيح

معاكي حق

اذا ما اقدرناش نتبرع بالدم

او بالمال

فعلى الاقل بالدعاء

ماتقوليش نروح نحارب

لان اذا انتي روحتي

الحكومه مش هتخليكي تروحي

وعلى جثتها حد يخرج بره البلد يروح يأذي ابن الحكومه الصغير

الدعاء ابسط سلاح واقوى بأثير في ايد المؤمن

والدم والمال

ومدونتك هي ساحة المعركه بتاعتك

دوني واكتبي وسائل المساعده

دون انتقاد لمدونات اخرى

ده مش نقد والله ....ده نصح

انا من اشد المعجبين بأرائك الصريحه الشجاعه

وفقكي الله

مي ثابت said...

اللى فى إيد أى حد عادى دلوقتى هو

تجديد النداء بالمقاطعة و نشر قوائم بالبضائع و الأماكن المستهدفة بالمقاطعة .. كنوع من التعبير الرافض و الكاره لهذا الكيان

المشاركة و الدعوة لوقفات إحتجاجية

تفويق النائم و إيقاظ المسترخى .. و ده طبعاً لزمه إن إحنا نقرا و نوضح كامب العار و نعرف عدونا و خططه و مخططاته علشان نقدر نعمل مسح أدمغة إيجابى لمن إستطاع الإعلام الرسمى المتخاذل مسح أدمغتهم سلبياً

قبل كل ده .. مداومة الدعاء و ترك الخلاف على صغائر الأمور
فلنتفق جميعاً على أن الصهيونى هو العدو .. و ليعذر بعضنا بعضاً فى أى خلاف آخر

Anonymous said...

زى ما قال الشباب 1و 2 واضيف عليهم
زى ما انا وجدت طريقة لايصال المال و المساعدة للمقاومة بعد جمعها من الاهل و الاصدقاءانت ايضا تستطيع
انا سيدة و عرفت فعيب على الباقيين
الطريق قدامك لو عايز تشوفوه
واحدة منكم بس مش عايزة اقول انا مين

مواطن مصري said...

الشعور ب العجز شعور وحش اوي

بي تحرير القدس يبددأ

بتحرير العواصم العربية

و توحيد صفوف الفلسطينين


و السلام مقابل

القدس يدونا القدس نعمل

سلام مفيش قدس مفيش سلام

نعيب زماننا said...

أنا لا سياسي و لا عسكري و لا صاحب قرار في البلد دي.
عندي نقابة الأطباء هي المنفذ الوحيد لي للوصول لإخواني, و مع ذلك الحكومة تضيق عليهم رغم أن كل شغلهم انساني ملوش علاقة بالسياسة. لو صمتنا فترة و حاولنا نربي عيال صح, ممكن يكون في تغيير. لأن أنا لا أقدر أخرج غدا وحدي أقول أنا سأقلب نظام الحكم. و الكلام ده ليس موجه لأهل مصر وحدهم بل لكل أسرة مسلمة. لابد من جيل كامل, موجة كاسرة, تسونامي لا يوقفه شيء و هو ليس نحن, فكل واحد يبدأ بنفسه و أهله يمكن في خلال الخمسين عام القادمة يقدروا يعملوا شيء. و لو قلتي لي الأقصى في خلال الفترة دي سيهدم’ أقول الحجارة ليس لها قيمة نعيد كرامتنا و أرضنا و ايماننا ثم نبني الطوب و الأسمنت مرة أخرى.
فلندعو الله الآن و نستغل كل منفذ مفتوح لمساعدة اخواننا و مع الوقت سيجعل الله الفرج. و هذا وعد الله لنا.

Mahmoud Ahmed said...

يعني لو حد قلك المسجد الاقصي في خطر هتزعلي
ومش عاجبك كلام الناس و مش عاجبك المظاهرات و مش عاجبك الصريخ

...

يعني عايزانا نسكت خالص لحد لما يضيع يعني ، يعني حتي الكلام بلاش نتكلمه كمان ، ولا نتكلم ليه يعني ، هو الاقصي ده يستحق خالص ، و سيبك بقي من اسراء و المعراج و الكلام ده ، الى يتكلم في الموضوع ده اضربيه بالرصاص احسن

...

الناس بتتكلم يمكن حد يفوق و يفهم و يعمل حاجه للمسجد الاقصي ، لأن احنا كشعوب منقدرش نعمل حاجه الا الكلام بس ، نفكر بيه الناس الى مش فاكره او عامله نفسها مش فاكره

...

و ادام مش عايزانا نتكلم عن المسجد الاقصي ولا نفتح جواعيرنا عليه ، خلاص نتكلم عن الرقصات و المغنيات و الافلام و المسرحيات

نعيب زماننا said...

هم مش عايزيين مننا رجالة تحارب حاليا. هم كل اللي عايزينا يكون لهم ظهر خلفهم, حائط يستندوا إليه. مش يتعاركوا مع اليهود و فجأة يلاقوا خنجر الخيانة في ظهورهم. مش لازم نرتحل و نتسلل من الحدود لنكون معهم و لكن أي شيء يصل إليهم له فعل السحر على روحهم الجهادية العميقة.
فهم من قال رسول الله صلى اله علي و سلم فيهم لا تزال طائفة من أمتي ظاهرين على الحق لعدوهم قاهرين لا يضرهم من خالفهم إلا ما أصابهم من لأواء فهم كالإناء بين الأكلة حتى يأتيهم أمر الله وهم كذلك قالوا يا رسول الله وأين هم قال ببيت المقدس وأكناف بيت المقدس
الراوي: أبو أمامة المحدث: ابن جرير الطبري - المصدر: مسند عمر - الصفحة أو الرقم: 2/823
خلاصة حكم المحدث: إسناده صحيح

Unknown said...

لا المظاهرات كويسة، بتجبر خاطرهم يا عيني

بس بالنوسبة لنا احنا

ايه؟

Early bird said...

اللى فى
ادينا نصحى ونصحى اللى حواليناكل الغافليين اللى مش عارفين ايه المسجد الاقصى وندعى ربنا ان يرفع غضبه عنا

ندعى دعاء المستغيث

نرى الله من انفسنا اى صلاح نعامل الناس كويس نحسن اخلاقناانت لما تبقى غرقانه ومش لاقيه اى قشه تتعلقى بيها بتعملى ايه غير انك تقولى يا رب

هراء لا داعى له ..... said...

عندك حق إحنا شعب مفيهوش رجالة



وطن المخنثين

Early bird said...

أخبر صلى الله عليه وسلم بالأثر الخطير لترك الأمر بالمعروف والنهي عن المنكر فقال: "لتأمرن بالمعروف ولتنهون عن المنكر ولتأخذن على يد الظالم ولتأطرنه على الحق أطراً أو ليسلطن الله عليكم شراركم فيدعو خياركم فلا يستجاب لكم" الترمذي (2169) وأبو داود (4336) وضعفه الألباني،

مواطن مصري said...

المؤامرة الكبرى ل ضرب المدونات المصرية

و أحمد زيدان ليس مؤسس صفحة الله

http://stories-from-my-life.blogspot.com/2010/03/blog-post_16.html

Unknown said...

نجمع فلوس هاتتاخد من اتحاد الأطباء العرب أو غيرهم ودعم منظمات ارهابيه وبتاع

نتبرع بالدم هايتحول لبنوك الدم والغلابه يشتروها فى الأخر بطلوع الروح

هانعدى الحدود علشان نروحلهم هانضرب بالنار زى أى كلب ضال فى الشارع
وزى مابيقتلوا الأفارقه كل يوم على الحدود

أيه بأه ؟

Al said...

الذي يمنح فرصة أخيرة هو القوى ولا نعرف ما مصدر قوة عمر موسى وجامعته العربية ولا مصدر قوة الحالة السياسية الفلسطينية المنقسمة على نفسها ،فلا الجيوش العربية تحاصر إسرائيل ،ولا توجد مؤشرات بأن الحال العربي سيكون أفضل بعد أربعة أشهر ،ولا يوجد حتى إجماع عربي حول القرار وحول مجمل القضية الفلسطينية. فكيف يمكن للعرب منح فرصة لإسرائيل وهم غير قادرين على إعادة إعمار غزة ؟ ولا رفع الحصار عنها .. ؟ ولا انجاز المصالحة الفلسطينية.. ؟ ولا وقّف تهويد القدس ولا حتى وقّف التطبيع ومقاطعة إسرائيل سياسيا واقتصاديا وثقافيا.. ؟!. لا يعني هذا أن الأمة العربية ضعيفة وأن الشعب الفلسطيني ضعيف بالمطلق ،ولكن المراد من قولنا هو ان الأنظمة السياسية والنخب المتولية لأمر الأمة العربية ليس لديها الاستعداد ولا الإرادة لخوض مواجهة مع واشنطن وتل أبيب من أجل فلسطين والقدس

Al said...

عندما سمعنا السيد عمر موسى الأمين العام لجامعة الدول العربية يبرر موقف جامعة الدول العربية بالموافقة على المقترح الفلسطيني الرسمي بإجراء مفاوضات غير مباشرة مع إسرائيل ،بأنه فرصة أخيرة لإسرائيل مدتها أربعة أشهر ،لم نعرف هل نضحك على موقف هزلي عربي تجلى في منطوق النص الذي قرأه الأمين العام للجامعة وفي طريقة الإلقاء وفي الصمت بل والاستهتار الرسمي لعديد من الدول العربية..؟ أم نبكي على حالة عربية وصلت حدا من الهزل لم يعد فيها القادة يحترمون شعوبهم بل يتعاملون معهم وكأنهم قطيع من .. الأغبياء .. والجهلة ..!!

Anonymous said...

نخرج كلنا من كل بيت وحارة وشارع في مسيرة واحدة باتجاه الأقصى ساعتها بس ماحدش هيقدر يوقفنا من غير عنف ولا كلام ولو وقفوا 10 مليون 20 مليون مش هيوقفوا 60 مليون

ساعتها بس العالم كله هيتغير هيوقف هيراجع حساباته ومش هوه ده الهدف احنا لما نوصل ماحدش هيمنعنا ومش هانحتاج العالم المنافق المتخاذل المتوحش يوقف ورانا ولا قدامنا مش عايزين نشوف وشهم أصلا بلا أمريكا بلا أمم متحدة بلا بتنجان

كلنا

كلنا كلنا

لازم نخرج كلنا

هيه مسألة قرار


مستحيل؟


يبقى خلاص

مافيش أمل

مافيش فايده

كل واحد يقعد ساكت ويحترم مشاعرنا

لا دعاء ولا تبرعات ولا كلام جرانين ولا لطم زي الولايا

اتفرجوا على قناة تانية أحسن

ممكن روتانا سينما

مش هتقدر تغمض عينيك

مفيش فايده

Anonymous said...

http://www.o2o1.com/alaqsa/index.php

عن الاقصي

الميكروباص said...

ليه بنلف وندور كتير؟
الأمور واضحه
بحالنا الاقتصادي والصناعي والزراعي الحالي كعرب لن نستطيع فعل أي شيء
هذا ليس عيب- ولكن العيب ان نستمر على هذا الوضع
والسادات الذي تعيبين عليه بالفعل مضى كامب ديفيد لنها كانت الوسيله الوحيده في وعه وقتها لعودة الأرض
ولكن السادات لم يقول لنا ان نتركن عليها باقي عمرنا
والسادات لم يقول لنا ننبطح لليهود كما نفعل حاليا
يعني الراجل عمل ما في وسعه وقتها
ولم يقول لك انك تخطيء في الوقت الحالي وتلقي باللوم كله على الاتفاقيه
كامب ديفيد كانت من 30 سنه
لكن واضح ان هناك من بين الناس ممن عندهم غيبوبه من 30 سنه إلى الآن
كلما حدث شيء قالوا أن كامب ديفيد هي السبب
وكأن الزمن توقف عند كامب ديفيد
....
أحمدي ربنا ان أرض بلدك ليست محتله
وادعي للسادات بالرحمه اللي كان السبب في عودتها
ولا انتي كان نفسك نبقى في وضع سوريا الحالي وتصبح أرضنا مثل الجولان عشان يعجبك؟؟

Anonymous said...

الريس ظهر فىالتليفزيون
اهو عشان اللى اتوهموا بموته
ههههههههه

Anonymous said...

أكدت مصادر طبية موجودة على عين المكان و العديد من المواطنين أن الاحتلال استخدم أنواعا جديدة من الغازات الغريبة، قائلاً: "إن لها رائحة حارقة جدا، كالفلفل فهو يحرق ويوتر الأعصاب، ويصيب الشخص بحالة عصبية".

الجيل الجديد من الأسلحة ذات التأثير المباشر على عقل الانسان دون التسبب بأي اضرار مادية و دون ترك أي أثر سواء كان بإست...عمال الغازات التي استعملها الجيش الصهيوني اليوم

the magnificent ninja said...

على فكرة في اشتباكات
و صاروخين اتضربوا
شكلهل ولعت


يا حماس قودي الثورة و قودي الثوار أشعليها انتفاضة بحجارة و نار

و لا عزاء لسلطة دايتون

viva_egypt555 said...

وهكذا لا املك الا الكلام لابكيك به لا املك الا الصراخ العاجز فانا ابن امة باعت نفسها للخلاف نامت حتى بالت عليها الكلاب انا ابن امة باعت سيفها لتشترى كرباجا لجلاديها لا املك الا البكاء لا املك الا الصراخ فانا ابن امة من الكلام امة لم تورثنى الا اللسان لا تفعلوا ولا تفكروا فى الفعل فنحن امة ميراثها كلام فقط ابكوا حتى نغير شكل ما ورثناه من كلام الى بكاء ونسلم راية جديده لمن بعدنا بدلا من راية الكلام التى بليت
نسلمهم رايه البكاء.

اسد الجيزة said...

الو انت عندك حق بس الرب بس لو سحبوا اسهمهم من الشركات الامريكية مش هاقول ارصدة بنوك امريكا هاتيجي ركعة لو بطلوا يتعاملوا بالدولار وكل تحويلات الفلوس يوروا هاينسوا حاجة اسمها اسرائيل كل الحجات ديه في ايد رجال الاعمال العرب والناس العادية لكن المظاهرات محسسنا بالعجز

بلاش تقولوا مقاطعة لحسن الواحد سعات بيلاقي في ورق المقاطعة ده اسم بنكمصر بتاع طلعت حرب يعني بنك مصر بتاع طلعت حرب امريكي هههههههه

اسد الجيزة said...

http://abotl7a.blogspot.com/2010/03/blog-post_16.html مش ناقصة بقي

wahat_alshohada said...

يا عمرو
انت بتقول "منظمات ارهابية " فممكن
تشرحلنا معنى المنظمات الارهابية و من هى المنظمات الارهابية التى تتحدث عنها؟؟

dr.lecter said...

فيه اغنيه لمطربه فلسطينيه اسمها ريم البنا
الاغنيه بتقول وحدها ستبقي القدس وكفاياكم ياعرب مش عايزين من كم حاجه

Anonymous said...

عمر ومسير لبيت المقدس كان هو وخادمه يتناوبان ركوب البعير حتي اذا تعب احدهم المسير ترجل احدهم لصاحبة وعلي مشارف القدس كان رفيق عمر هو صاحب الدور ..وينادي بعمر ياعمر يامير المومنين القوم امامنا وانا من يركب البعير (مايصحش يعني) ولكن رفض عمر ان يركب الدابه وسار بجانبه.ليس تصنع من عمر او استعراضا او يفعل ذاك لينتزع اعجاب الناس..وهو القائل:لأحد الولاه :ماذا تفعل اذا اتاك الناس بسارق او ناهب..قال:الوالي وفق السنه والشريعه اقطع يده .قال عمر: اما
انا اذا اتاني احد من رعيتك وهو جائع او عاطل فسقطع يدك.

ولكن هاذا ابن الخطاب.


على اصحاب الكلمه المسموعه ليس من اكله السحت الناس الثانيين والعلماء والمشايخ الموسسات المستقله ان
يوضحوا موقفهم من ما يحدث في القدس
ان يقولوا شياً.

اما ماذا علينا ان نفعل الضغط على الحكومات العربيه ان تفعل شي ومنها الضغط على امريكا وسرائيل. كلنا نلعلم جيدا ان اغلب شعوب العالم وحكوماتها تقف معنا في القضيه الفلسطينيه المرض المزمن هو في الحكومات العربيه ليس هناك حكومات وانما القاده العرب هم المتقاعسون كل واحد بسمه ومن خلفم الشعوب المبلده التي لم تعد قادره علي ان تفعل شي .

Anonymous said...

قفي ساعة يفديك قولي وقائلة
ولا تخذلي من بات والدهر خاذله
أنا عالِم بالحزن منذ طفولتي
رفيقي فما أخطيه حين أقابله
وإن له كفّا إذا ما أراحها
على جبل ما قام بالكف كاهله
يقلِّبني رأسا على عقب بها
كما أمسكت ساقَ الوليد قوابلُه
ويحملني كالصقر يحمل صيده
ويعلو به فوق السحاب يطاوله
فإن فر من مخلابه طاح هالكا
وإن ظل في مخلابه فالطير آكله
عزائي من الظلاَّم إن مت قبلهم
عموم المنايا ما لها من تجامله
إذا أقصد الموتُ القتيلَ فإنه
كذلك ما ينجو من الموت قاتله
فنحن ذنوب الموت وهي كثيرة
وهم حسنات الموت حين تسائله
يقوم بها يوم الحساب مدافعا
يرد بها ذمامه ويجادله
ولكن قتلا في بلادي كريمة
ستبقيه مفقود الجواب يحاوله
ترى الطفل من تحت الجدار مناديا
أبي لا تخف – والموت يهطل وابله –
ووالده رعبا يشير بكفه
وتعجز عن رد الرصاص أنامله
على نشرة الأخبار في كل ليلة
نرى موتنا تعلو وتهوي معاوله
لنا ينسج الأكفانَ في كل ليلة
لخمسين عاما ما تكلُّ مغازله
أرى الموت لا يرضى سوانا فريسة
كأنا – لعمري – أهله وقبائله
وقتلى على شط العراق كأنهم
نقوش بساط دقَّق الرسمَ غازلُه
يصلى عليه ثم يوطأ بعدها
ويحرف عنه عينه متناوله
إذا ما أضعنا شامها وعراقها
فتلك من البيت الحرام مداخله
أرى الدهر لا يرضى بنا حلفاءه
ولسنا مطيقيه عدوا نصاوله
فهل ثم من جيل سيقبل أو مضى
يبادلنا أعمارنا ونبادله


.

د.غياث احمد عثمان said...

ما لا يدرك كله لا يترك جله
والمواجهة بماتيسر تفتح ابواب المعسر

وقواعد المساهمة في الصراع الذي فرض علينا بسيطة وواضحة وممكن لاي كان ان يمارسها

القاعدة الاولى
الثقة بان الله لا يكلف نفساً الا وسعها، وان تكليفنا باقامة العدل في الارض ممكن ومتاح بنا وبمواردنا الموجودة بالفعل
القاعدة الثانية
الاعتبار بالماضي وعدم التوقف عنده وترك المستقبل لابناءه وخالقهم والاهتمام باللحظة الحاضرة وجعلها الميدان الذي نؤدي فيها التكليف
بدون ارتهان للماضي ولا خوف او طمع بالمستقبل
القاعدة الثالثة
الفرد هو الامة والامة هي الفرد وعلى كل فرد ان يستثمر مواهبه وموارده في سبيل نهضتها بدون العودة لاحد او الارتهان لاشارة احد
بشرط ان يحصر همه وهمته وعمله فيما يوحد ويجمع ويقوى امته ويوصلها الى بر السلامة
بدون اكتراث للخلافات الجنسية والعرقية والمذهبية والدينية والقومية والوطنية
القاعدة الرابعة
حسن اختيار القيادات واخضاعها للمحاسبة المستندة الى قوانين واضحة وثابتة ومعلنة
وبذل الغالي والنفيس تحت لواءها وتوطين النفس على صدق التعاطي معها وطاعتها في غير معصية وتحصينها في وجه كل من يحاول توهينها
القاعدة الخامسة
التخلق باخلاق الله ورحمة عباده والحساسية تجاه الاساءة اليهم
وفهم ان قتل الظالم ليس الا تعبير عن الرحمة للواقعين تحت ظلمه
عباد الله هم كل من خلق بغض النظر عن الجنس والدين والنوع والقومية واللون والجنسية وسواها من الاختلافات التي يراها الله ويعلمها ولم يتوقف بسببها عن رحمة ورزق وشفاء من اشرك به ومن جحده ومن كفر بوجوده
والعداء يكون على قاعدة دفع الظلم والعدوان واتاحة الحرية للمستضعفين في الارض

د.غياث احمد عثمان said...

ترجمة القواعد الى افعال :

التوقف التام عن الخصومات والعداوات بين مكونات الامة ومحاربة من يدفع باتجاه الفتنة والوقعية بين افرادها

الاتصال الفردي من المحازبين بقيادات احزابهم وتهديدهم بترك هذه المؤسسات التي تطحن الهواء في حال لم يتحركوا لتحقيق اهداف الامة

تحويل الشوارع والجدران ولوحات الاعلانات في كل بقعة تستطيع ان تصل اليها يد
الى فعل تنديد وتعبئة وتحريض على اسرائيل وداعميها في العالم
ليرسل السفراء تقاريرهم الى مراكز القرار في بلدانهم وفيها مايقلق وينذر ويزعج

رمى السفراء ومبعوثي الدول الداعمة للكيان الغاصب بكل مايتوفر لليد من مقذوفات فور وقوع العين عليهم

التضامن مع كل ظاهرة نبيلة والالتفاف حول كل مبادرة مفيدة بدون تردد او حسابات ماضية او مستقبلية

تحويل ادوات الاتصال الى مراكز للشكوى في كل الاتجاهات المحلية والدولية

قطع الطرقات وتعطيل حركة السير يوازي في حد ذاته تعطيل لقدرة الحاكم على الحكم
وله مفعول جبار في الضغط لتحقيق الاهداف

د.غياث احمد عثمان said...

الاستجابة السريعة لحركات الهيجان الشعبي في اي منطقة ودعمها من خلال التظاهر لنصرتها في مناطق اخرى
وعدم السماح باستفراد تيار او منطقة او حزب او شخص


الاهتمام باسر المعتقلين والشهداء وكفايتهم وتقديم الاحترام للثمن الذي دفعوه من اجل امتهم


منع تسرب الشباب المتحمس للقتال في جبهات خارجية مجهولة القيادة مجهولة الاهداف
وادراك ان كل بلد فيها كفايتها من الرجال المدركين لطبيعة بلدهم وماينفعها ويضرها


رمى النتائج لاداء التكليف جانباً والاصرار على تنفيذه حتى لو بدى لوهلة ان التضحيات والعمل لا يعطى نتائج فورية
واستلهام مثل تأثير نقطة الماء على الصخرة وفعل البعوضة بنمرود

Anonymous said...

السلام عليكم
معلش يا نوارة اذا تعرفى لنك تانى لتحميل فيلم الجنة الان يبقا كتر خيرك

هو الفيلم دة بيقدم وجهة نظر مختلفة للعملية الاستشهادية ولا انا مش فاهم حاجة :)

Unknown said...

اللى اقصده يا أستاذى الفاضل أن بعض المواقع الأخباريه سربت أن الخارجيه الأمريكيه تعد قوائم لجمعيات ومنظمات مجتمع مدنى فى البلاد العربيه لتسليمها لحكومات هذه البلدان لمنع التبرع لهذه المنظمات والجمعيات تحت بند تمويل منظمات أرهابيه

wahat_alshohada said...

طيب يا عمرو انا فهمت حاجة تانية - عندك نقابة الاطباء و انا احترمهم جداا و بيعملوا اللى بيقدروا عليه وفيه كمان ممكن انت توصل من يدك لفلسطين على طول سهلة و الله للى بيبحث و "يريد" فعلا انا بحثت ووجدت ووصلت و الحمد لله

شمس العصارى said...

ههههههههههههههه
بضحك على اخر جملة فى البوست
ههههههههههه
انا اتفق معكى فى وجوب الفعل
كلامك صح
ـــــــــــــــــــــــــــــــ
على الهامش :
يا نوارة الفعل ليه تمن
و تمن باهظ
مين ؟؟ و كام ؟؟ مستعد يدفع التمن
ما هما من قلة حيتلهم بيقولوا كده
بيخاطبوا الناس و الناس مش مستعدة تدفع التمن
و ساعة الجد مفيش غير قلة الى بتتحمل مقدمات دفع التمن
نسال الله لهم التثبيت