Friday, 19 March 2010

هههههههههههههههههههههههههههههههههههههههههههههههههههههههههه

اللللللللللللففففففففففففففففففففففف حمد الله ع السلامة، هي كده تبقى علقة سخنة؟ 
واول ما فاق راح معين لنا احمد الطيب شيخ الازهر.. سبحان الله، عموما في سياق الاحداث دي مش مفروض هو اللي يتعظ
المفروض الشعب هو اللي يتعظ بقى
------------
نفسي اقول حاجة تبان قلة ذوق وعدم مراعاة لمشاعر الناس المأزومة في مشكلة اسلام اون لاين، بس لازم الواحد يقولها: 
هو انتوا فاكرين عشان اسمها "اسلام" ح تبقى عادلة؟ اي منظومة رأسمالية في الدنيا كده، اسمها اسلام اسمها مسيحية اسمها تامر مالهاش اسم خالص، مدام منظومة رأسمالية لازم تدوس على الناس وتظلمهم واللي مش عاجبه يخبط راسه في الحيط
هي اللعبة كده واللي عاجبه على الكحل يتكحل واللي مش عاجبه يترحل، لا القرضاوي ولا سيدنا محمد نفسه يعرف يتوسط عند رأسمالي عشان يدي الناس حقوقها
الناس عند الرأسمالي زي المكن وقطع الغيار، اللي مالوش لازمة يترمي، وعنوان الاسلام بالنسبة له عنوان مربح عشان له جمهور، ولو سب الدين مربح هو نفسه الرأسمالي ح يشتغل فيه، اذا كان فيه يهودي عمل مشروع سجاجيد صلاة عشان ده مشروع مربح، واللي بيخش في منظومة رأسمالية لازم يتوقع كده، مافيش حاجة في الرأسمالية اسمها عدل، ده كلام ما يأكلش عيش ولا يكسب فلوس، فوقوا بقى، وكان المفروض ان الدكتور القرضاوي يتوقع حاجة زي دي عشان ما يحرجش نفسه

21 comments:

اسد الجيزة said...

انت عاوزة تقولي الراسمالية وحشة الراسمالية وحشة بس انتي فاكرة ا بلدك بطبق الراسمالية الي موجودة في بلاد برة احنا الي عندنا قوليه اقطاع ميغة اي حاجة غير الراسمالية لما كنا اشتراكيين وكان عندنا قطاع عام كانت الشركات الي بنبعها دلوقتي بتكسب في الستينات والثمانينات وقولي اوائل التسعينات لغاية مادب فيها الفساد او سابوا الفساد يعشش فيها دا بالعكس دا الفساد والحرامي كانوا بيرقوا بعنا القطاع العام وبقينا راسمالين وقولنا وقولنا نشجع الاستثمار والكل يستزرق بس الراسمالية الموجودة عندنا مش عند اي حد ابدا زي ماكت الاشتراية الموجودة عندنا زمان مش موجودة عند اي حدنحن نختلف عن الاخرون الراسمالية الي عندنا هي نقول ايه النظام عامل زي الامن الي بتبعكك اللؤمة لابنها عشان ياكلها هو بيطوع السوق للحتيان الكبار عشان ياكلوه بقينا نشوف في كل مجال محتكر محتكر الحديد محتكر الاسمنت محتكر البرمجيات يعني احنا مش راسمالية زي بتاعت بلاد برة الي قايمة علي اعطاء الفرص للكل والمنافسة الشريفة وعاوزة مجتمع منتج مش مستهلك عشان كدة مجتمع برة في ظل راسماليتهم بيحث بالرفاهية والعيش الكريم عكس عندنا الي نتايح الراسمالية بتتركز بس في ايد الحيتان الكبار
ومابيحسش بيهاالشعب الراسمالية مش وحش قوي للدرجاتي دا باعكس هي حققت بسهولة الي الاشتراكية عذبت عليه الناس وطلعت تلاتة مينتين اهلهم عشانهم ومع ذلك محققتهوش المشكلة مش في الراسمالية ولا الاشتلراكية المشكلة في النظام نفسه

مواطن مصري said...

انا متضامن مع صحفي اسلام اون لاين لأن هما دول الي عملو اسم للموقع

و احسن من مية صحفي قطري من جمعية البلاغ

السلفية واخدة بالك سيطرت السلفين على الفضاء و على النت

الرأس مالية بيبقى فية قوانين بتحمي حقوق العامل و المستثمر

بعدين احنا مخدناش حاجة من القطاع العام

غير بطالة مقنعة و عمالة ملهاش لازمة

يعني مصنع بيشغل 5000 عامل

فية 2500 بيشتغلو و 2500 مش بيشتغلو

و كان لازم يدي الرواتب ل ال5000

عامل و طبعاً دة بيأثر على الميزانية

انما الرأس المالية بتختار العمالة حسب الكفاءة بتعتهم في نفس الوقت في قوانين بتحمي حقوق العمال

انما الي في مصر دي مش رأس مالية دي أنتهازيةةةةةةةةة

مش فاهمه said...

يعنى موضوع اسلام اون لاين مشكله رأسماليه بحته ولا مشكله تصادم بين فكر سلفى متشدد و فكر وسطى يسمح بمواضيع تعلى من شأن المرأة و الأقباط و تناقش مشاكل الحياة عموما
اما بالنسبه لأختيار احمد الطيب حسبنا الله و نعم الوكيل

khalil said...

البوست دة فكر قريب جدا من الاشتراكين الثورين
اشتراكية ثورية اسلامية

ماجد العياطي said...

اهو كله شبه بعضه

محدش عارف الكويس من الوحش

بس المهم ان في كويس وفي وحش

مش كله وحش ومش كله حلو

مواطن مصري said...
This comment has been removed by the author.
جبهة التهييس الشعبية said...

اهلا يا شباب

والله سعيدة بيكوا جدا

شلت الانونيمس وقررت ماحدش يعلق عندي غير اللي عندهم شخصية ومحترمين وعندهم شجاعة كافية انهم يقولوا هم مين

ولاد الناس بيبقوا حاجة تانية برضه

slashcoffee.org said...

فوقوا بقى
يا ريت نـ"فوقوا بقى" كلنا...!

slashcoffee.org said...

test test test

id said...

test test test 2

wahat_alshohada said...

يا نوارة
اسلام اون لاين موقع غير ربحى
يعنى بيتصرف عليه من اهل الخير
لتعريف الغرب بقضايانا السياسية و الدينية و كمان لمساعدة مسلمى الخارج
والتواصل معهم وحتى للتواصل مع غير المسلمين و هو موقع وسطى و حتى فيه غير مسلمين بيعملوا فيه عادى بطريقة او اخرى
ويكفى انه كان الموقع الوحيد اللى حذرت منه مؤسسة راند للابحاث اللى بتعطى ابحاثها و تقاريرها لصانعى القرار فى امريكا
انا قرأت كلامهم عن الموقع بنفسى
من عدة سنوات

الموضوع مش موضوع رأسمالية ولا فلوس خالص
دة اكبر من كدة بكتيييير

مهندس حر said...

الفكرة السائدة عن إن المشكلة مش فى الرأسمالية و لا الإشتراكية لكن المشكلة فينا إحنا فكرة صحيحة و خاطئة فى الوقت نفسه..

فيه عدد من الظروف أدت إلى أن نحاول تطبيق الإشتراكية بشكل جزئى و خاطئ و نفس الظروف مع تغيير بسيط هى ما يؤدى إلى تطبيقنا الحالى لأسوأ أشكال الرأسمالية ..

لكن توقفنا عند هذه الحقيقة يعنى أننا مغمورين فى واقعنا الذاتى لدرجة تؤدى بنا إلى العمى عن الحقيقة الموضوعية عن الرأسمالية و الإشتراكية بشكل عام منفصل عن تطبيقنا لأيهما ..

بإختصار مشاكل الرأسمالية موجودة فيها كنظام و ناتجة عن مبادئها و ليست ناتجة عن سوء التطبيق .. بمعنى آخر الرأسمالية كنظام تحمل بذور مشاكلها لأنها تبنى دائما مجتمعا طبقيا يغيب فيه التكافوء و يسوده الصراع بين أفراده و يشجع على نمو الطائفية و العنصرية وكراهية الآخر و يحتم فساد المؤسسات التنفيذية و التشريعية ..

هذه الآفات و غيرها موجودة فى كل الكيانات الرأسمالية سواء كانت ديموقراطية أو إستبدادية وهى جميعها يمكن تفسيرها بمبادئ و خصائص الرأسمالية ذاتها بغض النظر عن أسلوب تطبيقها..

كل اللى محتاجينه عشان نشوف الحقيقة دى إننا نبطل عقدة الخواجة اللى مصورالنا إن المجتمعات الغربية ترفل فى نعمة الرفاهية و الحرية و كرامة الإنسان و نبدأ نعرف حقيقة ما يحدث فى هذه المجتمعات و نفهم ليه ديموقراطيتها و إنسانيتها المزعومة لم تمنعها من الإعتداء على الآخرين و فرض سيطرتها على العالم بكل سبيل بما فى ذلك الحروب الشاملة و الغزو و الحصار و التجويع ..

طبعا ده مش رد أو تعليق عالبوست بس أنا لما بشوف كلمة رأسمالية بتجيلى كريزة تف متواصل و رغبة فى الترجيع .. معلش ظروتلك المدونة

Ahmed said...

مش فاهم تعليقك يا نوارة, يعني منفعش نعلق هنا إلا لو عندنا مدونات و لا ايه؟؟؟؟

مواطن مصري said...

mr president i am muslim not terrorist "my name is khan" فلم حلو قوي

جبهة التهييس الشعبية said...

ليه يا احمد ما انا سايبة اوبن اي دي

جبهة التهييس الشعبية said...

مواطن

انت بتحب الافلام الهندي؟

Ahmed said...

أنا أغيب عن المدونة يومين ألاقيكي عاملة انقلاب عسكري.

اسمي المكتوب هو أحمد و أنا داخل بالبريد بتاع جوجل. و أضغط عليه عشان أشوف المكتوب عني ايه ألاقيه الوضع غير متاح أو ربما يكون مغلقا.
باعتبار أن السبب أنك لغيتي التعليقات المجهولة هو كما قلتي
"ماحدش يعلق عندي غير اللي عندهم شخصية ومحترمين وعندهم شجاعة كافية انهم يقولوا هم مين"
فاللي مش فاهمه هو الاسم اللي مكتوب لما يكون أحمد أو نعيب زماننا. عرفتي منه ايه جديد عني.

أعتقد أن السبب الحقيقي هو الناس اللي داخلة و شغالة تعليقات زي رافضية أو رويبضة و الكلام ده. بس أعتقد أنك ممكن متنشريهوش لو كان مضايقك أو شايفة فيه تجاوز.

مواطن مصري said...

انا بحب السينما الهندية على فكرة

بس افلام من نوعية خان الي البطل فيها بيتعرض للموت مرتين

و بيتة يتحرق و يطلع زعيم العصابة اخوة في الرضاعة :D

ola said...

http://www.youtube.com/watch?v=cNQSV3BBtZ4

Ahmed said...

علا
فيديو رائع, و على قدر روعته على قدر ما نشعر بضئالتنا و صغرنا, و أننا لا نستحق الهواء الذي نتنفسه بحالنا هذا.

نعيب زماننا

شمس العصارى said...

هو بس انا مش متبع بقالى اسبوعين
طيب يا نوارة هو ايه موضوع " اسلام اون لاين "
حتى لو على السريع كده