Thursday, 11 March 2010

رجالة وطول عمر ولادك يا بلدنا رجااااالة


ايه يا امامير
يا حلوين
يا كتاكيت
يا سباع يا جمال، ياللي بتقولوا الست قلبها ضعيف ورهيف ومكسورة الجناح ولا تصلح للقضاء عشان مخها طاقق وقلبها بيزقزق وما تستحملش اللي بيستحمله الرجالة
صح
انتوا صح، انا عن نفسي مش قادرة استحمل اللي انت بتستحملوه ده ^^
دي صورة، امثالي من النسوان الطاقة المجنونة اللي قلبها رهيف وعقلها خفيف ما يستحملوهاش
الرجالة بس هم اللي مستحملينها، ومش بيتهوروا، وطبعا كرجالة جانتي، شيك، يفهموا في الذوق والاتيكيت مش معقولة ح يسترجلوا على المزز اللي في منتهى الرقة اللي في الصورة دول، اقصى حاجة يعملوها انهم يحلموا انهم بيغتصبوهم انتقاما لحرمات الله، وواحد كاتب تعليق في الخبر يقول: للبيت رب يحميه
ايوة.. ايوة يا سبع الرجال يا جامد يا شيرز يا شديد، للبيت رب يحميه عشان طبعا انت لو اتدخلت ممكن تتهور، هو مش خايف من حد ولا حاجة، هو بس مش ميال للمشاكل
هم يسترجلوا علينا احنا بس
انا والله العظيم تلاتة، والله العظيم تلاتة، والله العظيم تلاتة ما عارفة مجلس الدولة واللي كانوا معلقين على مقالي هنا ليهم عين منين يفتحوا بقهم ويفتحوا فينا ويقولوا الستات تلبس ايه وما تلبسش ايه وتشتغل فين وتصلح لايه قال يعني معتبرين نفسهم رجالة يعني
ده على اي اساس؟ جابوا التصور الوهمي ده منين؟
والعيب مش عليهم، العيب على النسوان الخايبة اللي ما عرفتش تطلعهم رجالة، ولا حتى عرفت تكسب احترامهم وهم ولادها
ما هو اللي بيقول الست لا تصلح عشان غبية وجاهلة وضعيفة ده رأيه في امه، اكيد امه غبية وجاهلة وضعيفة او هكذا تصوره عنها، امال هو جاب الكلام ده منين ماهو اي راجل بيعامل الستات زي ما امه عودته يعاملها، واي راجل بيجيب تصوره عن الستات من خلال تصوره عن امه، لو بيحترم الستات ويقدرهم يبقى امه محترمة، ولو بيحتقر الستات يبقى لو امه مش حقيرة على الاقل علمته يحتقرها.. يعني ما عرفتش تربيه ولو شايف الستات اقل من الرجالة يبقى شايف امه اقل منه
واكيد اللي ح يبقى تربية واحدة غبية وجاهلة وضعيفة ح يتمرجل على الهايفة ويسيب الحريم بالبنادق يدخلوا الجوامع بجزمهم ويقعد يتفرج ويقول للبيت رب يحميه وما يعملش راجل غير واحدة كده يستضعفها وما يحسش برجولته الا بانه يقول: الست لا تصلح للقضاء لانها جاهلة وغبية وضعيفة.. عشان يقول ضمنا انا مثقف وذكي وقوي عشان يعوض النقص اللي عنده.. ماهو لو عارف انه له قيمة مش حيضطر يستمد قيمته من انه يحقر نوع كامل لانه موكوس ومش عامل حاجة عليها القيمة يفتخر بيها ويحس بيها انه بني ادم
صح
ده فعلا تربية واحدة جاهلة وغبية وضعيفة ومش بس لا تصلح للقضاء، دي لا تصلح حتى للامومة، ابوه كان لازم يطلقها ويحطه في ملجأ يمكن كان طلع ارجل من كده
وكمان ليهم عين يقرروا الست تصلح للقضاء وللا ما تصلحش
ما يتلطوا ويسكتوا بقى، ما يتنيلوا يسكتوا بقى اللي زيهم يروح يدفن بالحيا اكرم له، الست ما تصلحش للقضاء؟ وهم ما يصلحوش يعيشوا اساسا

89 comments:

مواطن مصري said...

يا ترى فين الفتحاوين و الحمساوين من هذة الصورة

ولا بس مهتمين بالمعبر و الانفاق

اكثر من المقدسات الدينية

Anonymous said...

انا افتكرت انك بتكلميني
بس لما بصيت كويس
لقيتها يا أمامير

مش يا أبو أمير
قولت في بالي يبقى ما تقصدنيش

هراء لا داعى له ..... said...

هو بغض النظر يعنى عن موضوع القضاء و الخلافات اللذيذة إللى إحنا شاغلين نفسنا بيها


بس أنا متفق معاكى بخصوص موضوع الرجالة دا

أنا توصلت من سنين لنتيجة بتحقق منها كل يوم عن التانى

و هى إن مصر دى مفيهاش رجالة

وطن أحادى الجنس


كله مخنثين

مفيهوش راجل واحد

لإن إحنا لو عندنا رجالة مكانش دا يبقى حالنا

لورنس العرب said...

هو لازم الست تعمل كل حاجه الراجل بيعملها عشان تبقى حلوه ومتساويه مع الراجل ومشاركه في المجتمع؟
مفيش حاجه اسمها ان كل واحد له دور يعمله ويتقن فيه لكي ينجح المجتمع بالكامل؟
لازم الست تلعب كوره ومصارعه حرة وتسوق تاكسي وتبقى قاضي عشان تبقى حلوه ومتحمله للمسؤوليه؟
امور غريبه ولله
الناس لهم بيكملوا بعض
ولله انا خايف بعد فتره الستات يقولوا اشمعنى احنا نحمل ونولد والراجل لأ
مهو ده اللي ناقص

Tamer said...

عايز مبدأيا اقول اعذريني

على كلامك لا بقى فينا رجالة ولا بقى فينا ستات
دول ضاربين و دول ضاربين , حيث ان الرجالة الضاربين جابوهم ستات ضاربين

مش هاختلف و مش هاتفق لأني شايف الموقف مختلف تماما بغض النظر خالص عن الصورة

بس و بعدين ؟

خاطر said...

أنا مفهمتش وجهة نظرك في البوست لأن الكلام متلغبط وفيه خلط وحاسس إن فيه إرهاب فكري لأي حد يعترض تبقى أمه مجنونة

هل هو إعتراض ونقد للأسباب فقط مثل سبب العاطفة عند المرأة مع قناعة عندك بعدم جواز تولي المرأة للقضاء


وهل لو قلت إن فيه إجماع على عدم جواز تولي المرأة القضاء بناءً على أدلة من القرآن والسنة وإن فيه فرق بين الرجل والمرأة وليس على أدلة من بلدان شرقية أو شمالية موضوع مطروح للمناقشه فيه ولا إية

lastcrazyboys said...

والنبي يا مواطــن تسمح لي بكل أخـــوية ..وبدون أي ضغينـــة شخصية
اقولك بالفم المليــــان

"!!اتنيـــل على عيـــنك "

هو ده اللي ربنا كرمك بيه.حمساويين ايه وخماسين ايه بس


يا راجل ده انا كنت ناوي اعمل عبيط وماعلقش

بس انت خليتني اطلع دماغي من الرملة عشان اقلك البق ده

وانزل تاني

السلام عليكم said...

الفتحاويين عاجبهم والحمساوين محاصريين

وعلى فكره المقدسات الدينيه دى بتاعتنا كلنا كمسلمين متخصش الفلسطينيه بس

ماجد العياطي said...

ايوه ياستي معاكي حق

بس متتعصبيش اوي كده

ماهو انتي لوبتستشهدي بالستات اللي زي الرجاله صحيح


شوفي الستات في حماس برضوا ماهم بميت راجل

بس مافيش داعي انك بقولي كلام جارح

علشان تثبتي رايك

ثانيا ايه دخل القضاء بالمنظر اللي

في الصورة

بس شوفيهم وهم في ساحات القتال

فعلا بيبقوا نسوان لان دي طبيعتهم

الست مش للحرب

اما في القضاء فده شأن آخر

وعلى الرغم من كلامي هذا

لكن في كلام كتير من كلامك انا متفق معاكي

فعلا المفروض الست تشارك ويبان دورها

والناس تبطل تبص للستات على انهم بني آدميين درحه تانيه


والله من وراء القصد

تدوينه ممتازه

واحد معدي said...

اخ مواطن
برضه الفتحاويين والحمساووين تاني؟؟؟ هوالدبور رجع تاني؟؟ هو انتوا معندكوش بيروسول في البيت؟؟ طيب ياتري فين اكبر دولة عربية من هاذوها الصورتو يا اخ مواطن ولا بس هي مهتمة تقفل االمعبر والانفاق اكتر من الدين والمقدسات والحبشتكنات والذي منه؟ يا اخي عيب ززززززززززززززززن

Anonymous said...

النائب العام يأمر بالتحقيق فى الاعتداء على طبيب الفيوم الذى اعلن تأييدة للبرادعى,ياترى فية اخبار عن اسم الضابط الجانى؟؟؟؟؟؟؟؟؟؟ عايزين نفضح اللى جابوة,ونشهر بسلوكة النفاقى المستشرى- كالوباء-بين ضباط امن الدولة

taima said...

تسلم ايد ست البنات حبيبه اختها وامها كمان .. طول الوقت بتعرفي تقولي المفيد يت نواره ... زننننننن حماس من جديد ...

Anonymous said...

هو فى الحقيقة أنا مقتنع أن القاضى لازم يكون راجل
علشان كده مفيش واحد من اللى شغالين فى القضاء دلوقتى ينفع يكون قاضى

بصراحة الصورة دى تغيظ قوى و أنا عايز أشتم و مش قادر أمنع نفسى

دول مش أمامير دول شراميط

الأخ مواطن مصرى بيقول فين الفتحاويين و الحمساويين

هو أنت لسه ما عرفتش أن الفتحاويين دول خولات

عيب قوى أن إحنا نقول إلحقونا يا خولات و دافعوا عنا

أما حماس فالظاهر أنك ما تعرفش موقع غزة بالنسبة للقدس و أن عشان حماس تعدى من غزة للقدس لازم تكتسح الأراضى المحتلة من أولها لآخرها و ده مستحيل يقدروا يعملوه و هما متحاصرين و مش لاقيين حتى الأكل اللى ياكلوه

عيب علينا يا مصريين لما نقول كده كأننا إديناهم كل اللى هما محتاجينه و بندعمهم بالمال و السلاح و بنلومهم أنتوا ليه ما بتحاربوش ؟نعمل لكم إيه أكتر من كده؟
جتنا و كسة

سايبين عوكل الخول اللى بعد ما بنى الجدار العازل راح ألمانيا يعمل عملية فى طيزه

و بما أن نوارة عايزة تبقى قاضى و تحكم بالعدل فياريت تسيبنى أفضفض و أقول اللى فى نفسى

فين حسن زعبولا اللى قرفنا بالحزب بتاعه
طب و الله حازم شومان عنده حق لما قالك عايزين صاروخ بلاستيك حتى

و لا فين زعرب بتاع إيران اللى عامل فرقع لوز و كل شوية الموت لأمريكا و نازل تعريص من تحت لتحت

يلعن أبو كل الحكام المعرصين و المحكومين المعرصين برضه

و ماحدش يقولى أنت كده بتشتم نفسك لأ
أنا بشتم البهايم اللى بيحلموا أن تحرير مصر ممكن ييجى بالسياسة

لأ طبعا ده عند أمك منك له
الحكومة بنت الكلب دى مش هتسيب الحكم إلا على رقبتها

طبعا الأمخاخ المصدية الوسخة اللى أنا عارفها كويس بتفكر و تقول يبقى لازم يكون فيه دولة كبيرة بتدعمنا

لأ يا معرصين إنتوا بتقولوا كده علشان إتعودتوا تعيشوا التعريص بأقبح صوره

مفيش دولة بتساعد حد ببلاش و بعد ما كنتوا بتعرصوا للحكومة الحالية اللى بتنفذ أجندة خارجية هتعرصوا للى بعدها اللى جاية من بره برضه

و كفاية حرق دم بقى و مازال التعريص مستمرا

و لازم يكون عندنا ثورة نابعة من عندنا إحنا من ثقافتناإحنا بلا برادعى بلا خرا

قوم يا عرص مصر دايما بتناديك

Anonymous said...

هو فى الحقيقة أنا مقتنع أن القاضى لازم يكون راجل
علشان كده مفيش واحد من اللى شغالين فى القضاء دلوقتى ينفع يكون قاضى

بصراحة الصورة دى تغيظ قوى و أنا عايز أشتم و مش قادر أمنع نفسى

دول مش أمامير دول شراميط

الأخ مواطن مصرى بيقول فين الفتحاويين و الحمساويين

هو أنت لسه ما عرفتش أن الفتحاويين دول خولات

عيب قوى أن إحنا نقول إلحقونا يا خولات و دافعوا عنا

أما حماس فالظاهر أنك ما تعرفش موقع غزة بالنسبة للقدس و أن عشان حماس تعدى من غزة للقدس لازم تكتسح الأراضى المحتلة من أولها لآخرها و ده مستحيل يقدروا يعملوه و هما متحاصرين و مش لاقيين حتى الأكل اللى ياكلوه

عيب علينا يا مصريين لما نقول كده كأننا إديناهم كل اللى هما محتاجينه و بندعمهم بالمال و السلاح و بنلومهم أنتوا ليه ما بتحاربوش ؟نعمل لكم إيه أكتر من كده؟
جتنا و كسة

سايبين عوكل الخول اللى بعد ما بنى الجدار العازل راح ألمانيا يعمل عملية فى طيزه

و بما أن نوارة عايزة تبقى قاضى و تحكم بالعدل فياريت تسيبنى أفضفض و أقول اللى فى نفسى

فين حسن زعبولا اللى قرفنا بالحزب بتاعه
طب و الله حازم شومان عنده حق لما قالك عايزين صاروخ بلاستيك حتى

و لا فين زعرب بتاع إيران اللى عامل فرقع لوز و كل شوية الموت لأمريكا و نازل تعريص من تحت لتحت

يلعن أبو كل الحكام المعرصين و المحكومين المعرصين برضه

و ماحدش يقولى أنت كده بتشتم نفسك لأ
أنا بشتم البهايم اللى بيحلموا أن تحرير مصر ممكن ييجى بالسياسة

لأ طبعا ده عند أمك منك له
الحكومة بنت الكلب دى مش هتسيب الحكم إلا على رقبتها

طبعا الأمخاخ المصدية الوسخة اللى أنا عارفها كويس بتفكر و تقول يبقى لازم يكون فيه دولة كبيرة بتدعمنا

لأ يا معرصين إنتوا بتقولوا كده علشان إتعودتوا تعيشوا التعريص بأقبح صوره

مفيش دولة بتساعد حد ببلاش و بعد ما كنتوا بتعرصوا للحكومة الحالية اللى بتنفذ أجندة خارجية هتعرصوا للى بعدها اللى جاية من بره برضه

و كفاية حرق دم بقى و مازال التعريص مستمرا

و لازم يكون عندنا ثورة نابعة من عندنا إحنا من ثقافتناإحنا بلا برادعى بلا خرا

قوم يا عرص مصر دايما بتناديك

جمال مالك..)* said...

انا مش حشتم في العرب والعروبة ومش عارف اية لانها وصلت الي حالة تبلد..ناديناالقدس ياعرب .وقالوا:انت تنادي بغير الله وكفرت
طيب بلاش منها.

..

يامسلمين
الحرم الابراهيمي يدنس
الحرم المبارك ليييييييس من مسوليت حماس اوغيرها لوحدها بل الازهر الذي اوشك على التخلي عنه
مسولية
منظمة المؤتمر الإسلامي التي مثلت من اجل مبادئ الدفاع عن شرف وكرامة المسلمين المتمثلة في القدس وقبة الصخرة. وايجاد قاسم مشترك بين جميع فئات المسلمين.
لن ياتي اسامة بن لادن ورفاقه على ظهر فرس ابيض لانقاذ القدس وهو لم
يجد العيش لياكله
لن ينزل الله طير اباييل من السماء ل . وهاذا ليس على الله بعسير ولكن قال ("إن الله لا يغير ما بقوم حتى يغيروا ما بأنفسهم.

كل عام وانتم ايها المسلمون بخير كل عام وانتم تروون لنا القصص عن عمر وعلي وخالد ابن الوليد وصلاح الدين رضي الله عنهم في الخيااااااااال ولم نعش في الواقع شي منهم كل عام وقد وصل بالبعض ان يرتكب الفاحشه في محرماته من بنات ويصرخ الا محمد
كل عام وانتم تشجبون وتستكرون والى مالانهاية.

مواطن مصري said...
This comment has been removed by the author.
مواطن مصري said...
This comment has been removed by the author.
مواطن مصري said...

لاست كريزي يا ريت تحترم نفسك و انت بترد انا بقل الراي و الراي الاخر لما بيكون

بناء

اذا كان اصحاب القضية باعو القضية و بيتخانقو على فلوس اعادة اعمار غزة

و السلطة و الانفاق و غزة اكثر من المقدسات

يبقى قبل ما نلوم نفسنا و الناس اياهم يشتمو كل ما هو مصري

نحاسب
اصحاب القضية الي هما فتح و حماس

جمال مالك..)* said...

مواطن : كلامك عين العقل ..بس لما يكون فلوس اعاده الاعمار والدول المانحه ل غزة وصلاح مادمرته اسرائيل شارطه شروط قد تجعل من الاخوه يقتتلو
ويبتزوهم بها ومن ها الشروط وقف المقاومه ..نعمل ايه ونقول ايه.


اسف على المداخله

Anonymous said...

Nawara, from a girl, thank you for speaking what was exactly in my mind. Most comments by guys did not get the point. I cant tell you how many times I wanted to scream the same thing. The truth is that our men can not face off with any one who is mistreating them or not giving them their rights, they lost the willingness to sacrifice for any thing but they are only left with trying to prove their manhood over women. I do not blame them judges I blame their mums and their wives. The failure started with the one who was bringing them up.

جبهة التهييس الشعبية said...

البنوتة الاخيرة
العفو يا حبيبتي

بالنسبة للشباب

لا ذاي جوت ذا بوينت كويس قوي

بس حيقولوا ايه؟ حيقولوا احنا مش رجالة يعني؟ لازم يعافروا شوية

Wild at Heart said...

إيه التعليقات الخزعبلية دي؟
هما الوهابيين احتلوا البلد امتى!

نعيب زماننا said...

يعني من الأخر اللي حيرد عليكي و يستجري يخالفك في الرأي تكون أمه ضعيفة و جاهلة و غبية, طب و عايزة الناس ترد ازاي,,,
سامحيني لو قلت لك ده شغل أعوان عوكل,,, بس بطريقة الدكتاتورية الناعمة.
و ايه علاقة الصورة دي بالقضاء,الصورة دي خيبة أمتنا ككل,بس على الأقل نحن أكرم منهم لأننا لا ندع نسائنا في ميادين القتال ليأسرهم العدو و ينتهكوا. و لكن فعلا عندك حق نحن كرجال مفرطون تماما و نستحق أن تفارقونا فراق غير وامق و لا تفرشوا لنا نمارق. ممكن نجيب لكم رجال حماس لأنهم الرجال الوحيدون الباقون في أمتنا و لكن وقتنا فلتسمحوا بتعدد الزوجات لأن الرجال في أمتنا قليل.
,
,
و لكن مهلا,, قد قلت أنها مشكلة أمة ككل. البنات الهايفة الموجودون الآن لا يستحقون أن يربوا أبناء حماس ولا يستحقون أن يتزوجوا رجال حماس, أخرهم مواطن مصري و بالعافية كمان. أسر مسجدنا الأقصى مصيبتنا ككل فلنربي الأجيال القادمة على الوعي بقيمته و حبه عسى الله أن يكونوا هم الرجال و النساء الذين يجعل الله الفرج على أيديهم.
بالنسبة لمسألة القضاء فقد كان كبار الأئمة يفرون منه بل و أحيانا يفضول السجن و الضرب على تولي هذا المنصب لعظم مسئوليته, فسيأتي عليهم يوم يود القاضي لو لم يقض بين اثنين. و الآن الكل, لماذا يسعى الكل جاهدين لهذا المنصب؟ لا لشيء إلا الشرف و السمعة و أن يقال وصلت لهذا المنصب و لا أحد يفكر في عظم مسئوليته. و أنا أعني بذلك الرجال, و الغريب أن تنضم إليهم النساء أيضا.... لماذا هذا السعي للسلطة. هل هي عقد ملئنا بها بسبب استغلال أصحاب السلطات لنفوذهم. هل أصبحنا نحمل مبدأ إن لم تستطع هزيمتهم انضم إليهم. خلاص , هلموا بنا جميعا لنعلن عضويتنا في حزب عوكل و لنسبح بحمده ليل نهار و بلاش نفاق و ادعاء برغبتنا في التغيير و نحن لا نريد إلا أن نكون على الطرف الباغي, و لا سبيل لذلك إلا بإزاحة الدكاترة الحاليين من مواقعهم لنحتلها نحن و وقتها سنكون ألعن منهم

و كلمة أخيرة,,, كل جمهورك يا نوارة أمهاتهم ربتهم كويس و إلا لم نسمع العديد من التعليقات العميقة الرائعة التي تثري فعلا هذه المدونة
بس يا ريت بلاش طريقة يا أنت معايا يا أمك تكون كذا
و شكرا

Nemo said...
This comment has been removed by the author.
جبهة التهييس الشعبية said...

هو القاضي زي الشيال في المحطة؟

عموما فيه شيالات وفيه عتالات وسواقات لوري كمان

وفيه قاضيات غصب عن عين اي حد في كل حتة في العالم ومقاتلات وطيارات حربيات

وتخييب الستات هنا مش حينفي خيبتكوا بصراحة كده ومن غير زعل

lastcrazyboys said...

يا جــدع انت تولع غـــزة ..وتولع حـمـــاس على فتح

الصـــورة في "المسسسسجد الأقصى " مش في

منـــزل خالتي ام مـازن

!!وجاي تقوللي اصحاب القضيــة

ويا قضيــة وخبريني يا عيني عاللي

سرقوا الخـــزييييين

Tamer said...

نعيب زماننا
الله ينور عليك


استاذة نوارة
احنا رجالة خايبين
صح
ستاتنا كمان خايبين زي ما قال (نعيب زماننا)
برده صح

من الآخر , احنا حاليا شعب خايب كله على بعضه , و يحق علينا ان ربنا يستبدلنا زي ما وعد

و على فكرة
زي ما (نعيب زماننا) قال
احنا فعلا مش جيل رجالة
و العيب على الجيل اللي ربانا قبل ما يكون علينا
لكن الكلام ده منطبق علينا كلنا بجد
رجالة و ستات

جبهة التهييس الشعبية said...

يا اخ تامر انت ونعيب زماننا

ايه التناقض ده؟

انا سايباكوا بس عشان ما اضغطش على اعصابكوا عشان بس قال لي حرام عليك انت ما عندكيش اخوات صبيان

يا عم انت وهو اللي عامل راجل ومتخن صوته وبارم شنباته يفهم ان كلامه له تبعات

مش قد التبعات دي يبقى يتلط ويسكت وما يعملش سبع

ولما نقول لكوا خايبين وما انتوش قد كلامكوا تقولوا لنا الستات خايبة

لا بقى
انت مش بتقولوا الستات دول مهاطيل وما يصلحوش لحاجة

ماشي
الستات مهاطيل وما يصلحوش لحاجة ويدوبك يترزعوا في البيت يقوروا كوسة

ورونا المرجلة

مش عارفين تورها لنا يبقى تسكتوا

من الاخر كده

انا شخصيا شايفة ان الناس سواسية وان كل افراد المجتمع يتحملوا مسئولية
سواء نجاح او فشل وعشان كده ما ينفعش جزء من المجتمع يتعطل

لكن اللي عامل دكر وعايز يبقى سي السيد يبقى قد كلامه

سي السيد ما كانش بيمد ايده على مرتب مراته لا مؤاخذة

وابنه مات شهيد

انما واحد لو فرقعت جنبه بمبة العيد وما يقدرش يفتح بيت من غير ما المودام تساعده بفلوسها يبقى يا اما يفوق كده لنفسه ويعرف ان الناس كلها زي بعض ومش النوع هو اللي بيحدد الكفاءة والمهارة دي قدرات الانسان واجتهاده

يا اما يبقى قد كلامه

وعلى رأي اللي ساب لي تعليق على المقال: الجيوش العربية مافيهاش ستات والجيش الامريكاني نصه ستات واهم هزموكوا وقلعوكوا واتصوروا جنبكوا

ايه الوكسة دي

اللي يتكلم كلام ذكوري يبقى قده يا اما يراجع نفسه كده اذا كان شايف ان دي مسئولية كبيرة عليه

انما ساعة الحقوق: انا راجل
وساعة المسئولية: والستات كمان مسئولين

لا بقى
الستات زي ما مش معترف لهم بكمال العقل اللي يخليهم قضاة
مش عليهم مسئولية كمان

والمسئولية بقى كلها مسئولية الرجالة واحنا نسوان يا اخويا مالناش دعوة بحاجة

اتصرفوا انتوا بقى

ما بقالكوا كام قرن بتتصرفوا لما كحلتوها

وكل الاحكام اللي بتقولها ثبت بالدليل والواقع انها احكام خاطئة

الستات بيشتغلوا في كل المجالات اللي بيشتغل فيها الرجالة في كل حتة في العالم

مش لما تمنعوا الستات المصريات من الشغل وللا من القضاء يبقى كده اثبتوا صحة وجهة نظركوا

انتوا كده بتحملوا نفسكوا مسئولية مضاعفة

خليكوا قدها بقى

جبهة التهييس الشعبية said...

اه
وبالنسبة لان تصور الراجل عن الست نابع من صورة الام

ده مش كلامي والله ده كلام فرويد

وبرضه عايزة اشوفكوا قدام المجندات دول

رنوهم علقة وطلعوهم من المساجد واقتصوا من الستات اللي قلعوا رجالتنا

وانا اوعدكوا اقعد في البيت واتعلم الطبيخ لاني ما باعرفش اطبخ

بس اعملوها والنبي

Anonymous said...

يعنى نرنهم علقة باللاسلكى مش لما نرن عوكل الأول

Nemo said...
This comment has been removed by the author.
Anonymous said...

المعايرة والردح والكذب ورمتني بدائها وانسلت ليست صفات رجالية ولا نسائية ولا تصلح ان تكون بشرية بالاصل
هي من اخلاق شياطين الانس والجن
وستستمر بكونها كذلك بغض النظر عن مركز ومكان ووظيفة وجنس وهوية قائلها

ومن هؤلاء شياطين ودواب يرمون نقائصهم في كل محطة على من بيض وجه الامة برمتها ودفع ثمن رجولته وشهامته وتصديه بحزبه لمهام تتطلب سواعد وعقول وقلوب مجموع المنتمين الى الامة العربية والامة الاسلامية

والمشار اليه بانه لم يستخدم الصواريخ اثناء حرب غزة تمت محاصرته بحكومة سعودية في بيروت تملك مليشيات مسلحة وجاهزة قي اقل من ثانية لجر حزب الله الى حرب مذهبية اذا فكر في كسر وقف اطلاق النار الذي تم بالاصل بضغوط عربية ولبنانية على حزب الله ليقبل بصيغته الاصلية التي تمنع عليه حماية بلده ناهيك عن اعادة التدخل لصالح تخفيف الضغط عن غزة
كما فعل بعد عملية اسر شاليط وبدأ حفلات الضغوط المجنونة على المقاومة في غزة
وحزب الله الذي لم يجد عربياً او مسلماً يحمى خطوته القاضية بدعم المقاومة في الضفة الغربية اثناء حصار عرفات في مركز المقاطعة وتم القاء القبض على عناصره في الاردن
ولم يجد عربياُ او مسلماً يحمى خطوته التى هدفت لدعم المقاومة في غزة وتم القاء القبض على عناصره واخضاعهم لمحاكمة عسكرية هنا في مصر
ولم يشفع لحزب الله انه قاد المقاومة لعقدين من الزمن
وقاتل بمفرده في ثلاثة حروب ضخمة شنت لاستئصاله
سنة 93
سنة 96
سنة 2006
غير الحروب المحدودة التي لم تشمل كل لبنان في
عام 86
وعام 92
وعام 2000

وغير ان كل مناصر لحزب الله اضطر لاعادة بناء منزله ومتجره ومزرعته اكثر من ثلاث مرات في اقل من 10 سنوات
نتيجة استهدافها بالتدمير والحرق من قبل العدو الاسرائيلي

حزب الله الذي قاتل في 2006سمع من هؤلاء التيوس سيولاً من الاتهامات والتشنيع على مغامرته ببلده
وحزب الله المحاصر بحكومة سعودية في لبنان ويفصله عن العدو الاسرائلي جدار من لحم 30 الف جندي لبناني ودولي نشرتهم الحكومة السعودية في لبنان على الحدود وفي العراء ليدرك حزب الله انهم سيتلقون الضربات الانتقامية من قبل الطيران الاسرائيلي في حال مبادرته لكسر وقف اطلاق النار
وعندما اطلقت جهات مقربة منه صواريخ تحذيرية وتهدف الى جعل ردة الفعل الاسرائلية في حال لو اتت كافية لاعطاء حزب الله العذر لبدأ القتال
سارع السنيورة رئيس الحكومة السعودية-الامريكية في لبنان للاتصال بالمعاون السياسي للامين العام حسين الخليل وسأله هل قمتم باطلاق الصواريخ
تمهيداً لشن حملة تحريض على حزب الله بين اوساط نصف مليون مهجر عادوا منذ شهور الى بيوتهم واعادوا بناءها
رد المعاون ان حزب الله لديه اجهزة مختصة بالاعلان عن افعاله وطالما ان هذه الاجهزة لم تعلن فلا يمكنه الجزم
فاصدر السنيورة بياناً عممه على وسائل الاعلام يقول فيه
حزب الله ينفي مسؤوليته عن اطلاق الصواريخ
فرد عليه حزب الله من خلال الامين العام للجبهة الشعبية والمعروف بقربه الشديد من حزب الله احمد جبريل
الذي قال للجزيرة بالحرف
نحن لا ننفي ولا نثبت قيامنا باطلاق الصواريخ
ومن يستبيح غزة عليه ان يعلم ان بقية الجبهات لن تبقى هادئة
ورد انيس النقاش الذي عمل في جهاز العمليات الخارجية
ان القرار اتخذ على مستوى المنطقة بان هزيمة المقاومة في غزة خط احمر
وسأل هل يعنى هذا ان حزب الله سيدخل المعركة
فاجاب
ليس حزب الله فقط
وسوريا ايضا
ومن يعيب في احمدي نجاد الايراني والبعيد آلاف الكيلومترات عن جبهات القتال مع اسرائيل والمحاصر بحلفاء امريكا وجيوشها في افغانستان والعراق وآذربيجان
والذي يتحمل مالايطيقه بشر لقيامه بدعم المقاومة المسلحة بالاموال والخبرات والتدريب والاسلحة في لبنان وفلسطين والعراق وبعض الفصائل في افغانستان والذي يخوض معارك يومية لبناء بلده بعد ان هدمناها في حرب عربية الطابع امريكية الاهداف شنت عليه لمدة ثمانى سنوات
نفسه هذا الذي يعيب في احمدي نجاد هو عربي واولى بلحم ثوره واقرب الى الحدود مع فلسطين ولا يفعل شيئاًُ منذ عقود الا التشهير بالمقاومة والتحريض الطائفي والمذهبي عليها
كما قلت من قبل واعيد التذكير
اعداء المحور المقاوم ليسوا دواب فقط بل شياطين في قمصان بشرية

Tamer said...

يا فندم مافيش تناقض ولا حاجة ربنا ما يجيب تناقض

الموضوع احنا تقريبا مش مختلفين فيه في اغلب النقط ...ـ

قلتي اننا كلنا رجالة اي كلام
و انا ما اعترضتش
هي دي الحقيقة فعلا
احنا جيل اي كلام
ماحدش فينا قادر يقف قدام الطاغية اللي حاكمنا
لا مش ماحدش فينا
ده كلنا على بعض كمان
صحيح فينا قلة قليلة بتحاول تقف و القلة دي في السجون و مش بتخرج منها
بس الباقي فينا يا اما فاهم و خايف او فاهم و منتفع او مش فاهم و مش في دماغه اصلا
عشان كده انا باقول اننا اي كلام
لأننا لو مش اي كلام ما كانش فضل على دماغنا عصابة زي دي

ده بخصوص الرجالة , و بخصوص البنات و الستات فهما برده اي كلام لأسباب كتير ( أقلها على رأيك كانوا ما بصوش في وش الرجالة الأي كلام اللي هما احنا الا لما يبقوا رجالة بجد , و ده مش هايحصل )

لكن الواقع برده بيقول ان الأي كلام دول كلهم جم من آباء و أمهات اي كلام هما كمان لأنهم لو ربونا صح ما كناش طلعنا اي كلام كده
الا برده قلة قليلة ربت صح , لكنها اقل من انها تقوم مقام الكثرة الأي كلام

يعني باختصار
كلنا في الهم سواء , كلنا جيل حالته سيئة نشأ عن جيل اي كلام

و لو متابعة كويس مدونة عنبر العقلاء بتاعة احمد سعيد فهو ليه رأي عاجبني جدا بخصوص مسألة جيل اي كلام دي


بخصوص نقطة الستات ما يصلحوش لحاجة
فالجملة على عمومها غلط
دول حتى بقوا قتلة في الموساد على ما اظن
:)
الناس اللي معارضين موضوع القاضية ده معارضين بناء على ان ( فيه حاجات الستات لا تصلح لها ) و اظن ان داخل في كلامهم جزء شرعي لكني ما بحثتش في الموضوع كويس عشان اتكلم فيه

اما موضوع اللي بيمدوا ايديهم على مرتبات زوجاتهم , فده مش هانختلف فيه , بس مش كلنا كده
زي ما فيه كتير كده , انا اعرف كتير شباب بيصرفوا على بيوتهم من الإبرة للصاروخ
:)

و مش كمال العقل يعني المرأة لازم تشتغل قاضية و الا تبقى سفيهة , ده مش معناه كده خالص

اصحاب وجهة النظر دي بيتكلموا من باب ان كل ميسر لما خلق له , و الراجل فيه حاجات لو اتحط فيها بيلوص و نفس الحاجات دي الستات بتعملها بصباع رجلها الصغير و العكس برده صحيح
:)

اقول لك حاجة ؟
انا اللي كنت متوقعه ان عقلك هايروح لسؤال ظريف اسمه مين المستفيد حاليا من مسألة القاضيات النساء دي و مين اللي أثارها و فايدتها على المجتمع ايه و على اللي واقف وراها كده ايه

ده احسن من التعصب للأنثى ..
مش كده ؟
:)

Tamer said...

على فكرة صحيح
عايزين حد يبعت يقول لاسرائيل يبقوا يهاجموا غزة ولا جنوب لبنان ( الرجالة بجد ) بالستات دول و نشوف اسرائيل هاتعمل ايه
:)

جبهة التهييس الشعبية said...

وعلى سيرة المقاومة بقى

ليه حسن نصر الله بيتشتم؟ وبيتشتم بعنف؟ وايه حكاية شيعي رافضي وبيشتم مش عارفة مين ومش عارفة مين؟

ده سؤال برضه

يعني قياسا مثلا

الستات اللي جوزها مثلا طول النهار يقول لها يا وحشة هو انت ست؟ انت ما بتشوفيش الستات؟ إلخ

لو سألتها عن هيفاء وهبي حتشتمها
وتقول دي كلها عمليات تجميل
مع الفارق في القياس يعني

بس اللي اقصده، ان لو السيد حسن جه من خمسين سنة كانت الناس شالته على الاعناق لانه عامل لهم كرامة

لكن هو بيتشتم دلوقت عشان بيفكر الناس بعجزها وبيحسسهم بالنقص قدامه

ولحد دلوقت مش مصدقة انه قال ايه بيتشتم عشان شيعي

عجائب الاثار على رأي الجبرتي

وايه حكاية ما رماش صاروخ ما رماش صاروخ

ايه الوكسة دي؟

لا والتاني انونيمس بيرد وبيبرر ليه ما رماش صاروخ

هو حسن نصر الله ده الدادا بتاعتنا يعني؟ قاعد بينا؟ مش مكسوفين 300 مليون بني ادم فيهم على الاقل ميت مليون راجل ومش بس قاعدين ساكتين لا وماسكين في رقبة واحد وكمان لهم عين يعايروه ويقولوا له ما رمتش صاروخ ليه؟ ما حررتش فلسطين ليه؟ ما حضرتش الغدا ليه؟ ما طرقعتلناش صوابعنا ليه؟

هو حركة مقاومة وطنية وجاب ارضه بالمقاومة ومن غير ما يمضي على اتفاقية تذله وتخلي بلده تحت الاحتلال وما تعرفش تجيب رئيس جمهورية من غير ما تستأذن امريكا

ودي شغلته ومابيشتغلش عندنا عشان يروح يحرر لنا فلسطين وافغانستان ويطلع لنا الفضاء ويحضر لنا الرضعة ويغير لنا البامبرز

انتوا ماسكين عليه صور مثلا؟ بتقبضوه مرتب؟

ده اللي اختشوا ماتوا صحيح

Anonymous said...

مزارع شبعا اللبنانية لسه محتلة
ليه بقى ما بيحاربش

كل ما فى الموضوع أنه عامل زعيم و هو مش أد الكلمة دى

زى ما أنتى بتقولى أننا عاملين رجالة و مش أد الكلمة دى

و اللى بيقول أن أحمدى نجاد محاصر هو أنت ما عرفتش أن الإيرانيين قالوا بلسانهم أن لولا مساعدة إيران كانت أمريكا إنهزمت فى العراق و أفغانستان
و مش عايز حد ينكر لأن الكلام ده بقى معروف و مشهور و متسجل فيديو كمان

طيب هما مادام الهم طايلنا و طايلهم ليه بقى قاعدين يقولوا إحنا نقدر نعمل كذا و كذا وكذا

و إيه حكاية إيران تبعد آلاف الكيلومترات دى هما مش قالوا أنهم عندهم صواريخ عابرة للقارت

و لا القمر الصناعى اللى طلعوه للفضاء طلعوه على صاروخ كاتيوشا

و لا هو أصلا مفيش قمر صناعى و لا صواريخ و كل ده فيلم علشان نطمن أن ورانا رجالة ياكلوا الزلط و ساعة الجد ما نلاقيش حاجة من اللى بنسمع عنها

ما هى الحركات دى برده تخدير و تخلينا مش حاسين بحجم الخطر اللى إحنا فيه

بصراحة الناس اللى خدعونا بقدراتهم المهولة اللى صوروها لنا دول أكتر ناس ضرونا

لأننا لو اتعاملنا مع الموقف على أساس أنهم مش موجودين كنا عرفنا أن علينا مسئولية كبيرة و ما كناش استنيناهم لما يفرقعوا صواريخهم العابرة للقارات

جبهة التهييس الشعبية said...

طب ما يا امور تروح تحرر بلدك كده وتجيب رئيس مش موافقة عليه امريكا يا زعيم الامة

اللي اختشوا ماتوا فعلا

Anonymous said...

و الله لو معايا ألف راجل بس كنت عملت العمايل

بس المشكلة مش عارف ألاقى عشر رجالة بس

ما هو برده الكثرة تغلب الشجاعة

و الرجالة اللى عندهم شجاعة بجد قليلين جدا

أنا بقول عندهم شجاعة بجد بجد يعنى

LiNa Sh said...

أنا نفسي أعرف
إيه جاب سيرة حماس ولا حزب الله ولا إيران في موضوع البوست دا؟؟؟

إيه؟؟
هو كل خيبة تحلّ علينا
نجري نقول فين حزب الله وفين إيران؟؟

أصل على فكرة
دا اعتراف ضمني من الناس اللي بتهاجمهم على طول الخط
إن مابقاش في غيرهم ع الساحة اللي يقدر يخوف اسرائيل ويرعبها
واحنا قاعدين

بعد كدا لما تشوفوا خيبتنا
ماتجروش تقولوا فين حزب الله وإيران وحماس
مايصحش والله
قدامكو حلّين
يا تسكتوا خااااااالص وتعملوا نفسكوا مش شايفين
يا تقولوا احنا خايبين


ماتخليكوا أذكى من كدا
عيب والله

نعيب زماننا said...

لازم قبل ما نتكلم نفصل المواضيع عن بعض عشان كل شيء ينكشفن و يبان, و على رأي المثل منلبسش ده طاقية ده.
عندنا هنا ثلاثة مواضيع:
غزو العالم الاسلامي
احترام المرأة
القضاء على المرأة,,, أقصد قضاء المرأة
غزو العالم الاسلامي ناتج عن ضعف عام في الأمة هو الذي أدى لهذه المهانة التي نحن بها و لكن كما قلت هي مشكلة الأمة ككل و لا يجب ربطها بعلاقة الرجل بالمرأة, الكل يجب أن يحزن و يعمل من أجل تحرير الأقصى. و هنا واجب النساء التربية السليمة لجيل واعد يعرف قيمة أمته و لا يتمسح في أعتاب الغرب. و واجب الرجال الشقاء و التعب و الجهاد و التضحية بالنفس و الدماء في سبيله. و أتفق معك أننا عرة الرجالة, و لكن وجود نساء مثقفات و واعييات مع الرجال له أكبر الأثر في تحفيز الرجل ليحمي و يسترد حقه. و هذا هو بيت الشعر الذي ذكرته سابقا لهند بنت عتبة
ان تقبلوا نعانق و نفرش النمارق
و إن تدبروا نفارق فراق غير وامق
,, جدالك حول جيش النساء اللي ألعوا الرجال هنا, يدخل تحت بند حقيقي و لكن غير موضوعي, فهم غلبونا و احتلوا أرضنا ليس لأن جيشهم من النساء و لكن للتفوق الجوي لطيرانهم و لحماية دباباتهم المتطورة, ممكن تقولي لي مهو من خيبتكم يا رجال لأنهم سبقوكم في هذه المجالات أقول لك و لكن نحن يجب أن نسعى للتفوق و التغيير و لابد أن نبدأ من نقطة ما, و إلا فإن البكاء على ما مضى لن يجدي لأمتنا شيئا. و لكن هناك أمل فمازال في الأمة رجال, قد يتوهم من هم على شاكلة ياليت لنا مثل ما أوتي قارون إنه لذو حظ عظيم أن أعدائنا قضوا علينا و لن تقوم لنا قائمة بعدها, و لكن بعد أن انتهت الحرب التي يتواجه فيها الأسلحة أين هم في أفغانستان الآن. طالبان هي الحاكمة على الأرض. و الأمريكان لا يقدرون أن يكونوا أقوياء في كل مكان. أعوان أمريكا يخشون طالبان لأن لو قامت أمريكا بحملة على منطقة خاضعة لطالبان, سيخرجون منها بكل بساطة و عندما تسحب أمريكا عتادها الحربي و تعود المعركة رجال ضد رجال تعود طالبان للسيطرة من جديد و يا ويله من ظن في فترة وجود الأمريكان أنه يستطيع أن يحكم بشرع و بلطجة الأمريكان ليس له إلا القتل و لن يحميه أسياده بشيء, فالحكام بكل بساطة يعودون لتطبيق الشريعة بمجرد انتهاء الحملات الأمريكية. فبهذا للمدقق يكون المنتصر على الأرض هم رجال أمتنا الحقيقيون و هذا ما يفعلونه بمن يتجرأ على عداوتهم
http://www.youtube.com/watch?v=3LfDZ5iWdM0
. باختصار النساء الذين فعلوا ما فعلوه كان بسبب آلة عسكرية قوية ليس لأن رجالنا و ضعفاء
و بعدين اللي عملوه يثبت ان نسوانهم عرة النسوان, و لا عايزة نسائنا يكونوا كنسوانهم
بالنسبة لموضوع الاحترام, يجب أيضا فصله عن مسأله تولي المرأة القضاء, فليس لأني لا أرى تولي المرأة الولايات العامة يعني هذا عدم احترامها. أنا مثلا لو لم أكن أحترمك و كل الرجال هنا ما كنا زرنا أو علقنا في مدونتك و ناقشنا أراءك و هذا مثال بسيط. نحترم النساء و نقدرهن و نعتني بهن طاعة لرسول الله صلى الله عليه و سلم و عبادة لله
فاتقوا الله في النساء . فإنكم أخذتموهن بأمان الله . واستحللتم فروجهن بكلمة الله
نحترمهن لأن وصية الحبيب و هو يغرغر
كان عامة وصية رسول الله صلى الله عليه وسلم وهو يغرغر بنفسه : الصلاة و ما ملكت أيمانكم
و السيدة أم سلمة أليست هي من أنجى الله بها المسلمين من هلكتهم بعصيان رسول الله يوم الحديبية
و الأمثلة كثيرة التي تدلل على احترامنا لهم, بس نرجع نحن إلى أخلاقنا و ديننا و قيمنا كمجتمع و ديننا , و المرأة ستحترم و الأقصى سيتحرر, بسيطة أليس كذلك,, بس اللي ينفذ
أما أعدائنا الذين نعتقد أنهم يحترمون المرأة فيكفي أن نعلم أن عندهم مثل يقول Sex sells
و السبب الحقيقي لتعلم النساء لفنون القتال هناك الخوف على أنفسهم من الاعتداءات و خاصة الجنسية. هل تعلمي أن نيويورك بها حالة اغتصاب كل 10 ساعات. فنحن من يحترم المرأة أما هم فيحملون المظهر البراق لاحترام المرأة, ورق سوليفان مغلف فيه روثهم العفن.
بالنسبة للقضاء,,, المسألة ليس بها احتقار أو تقليل للمرأة, المسألة بالنسبة لي شرعية. هل هناك في الاسلام ما يؤكد عدم جواز تولي المرأة القضاء أم لا. و هذا التأصيل الشرعي نأخذه من العلماء الربانيون مش النص اللبة علماء الكرسي... و يا رب نشوفك رئيس تحرير الدستور يا ستي مش لازم تقوري كوسة عايزة احترام أكتر من كده ايه,,, بس القضاء لأ

نعيب زماننا said...

و كويس أن ك وضحتي نقطة عم فريد و أمه, عشان الواحد يتكلم براحته من غير احساس بالإهانة
و يا رب أعنا رجالا و نساء على تحرير الأقصى و العراق و أفغانستان و الشيشان
و اجعلنا من جندك الذين يجعلون كلمة الكفر هي السفلى
و جزاكم الله كل خير يا نوارة عل الحوارات الرائعة و الأطروحات العظيمة في المدونة
و سلامي لأستاذة صافي ناز

Anonymous said...

توغل دبابتين إسرائيليتين في جنوب لبنان

http://www.moheet.com/show_news.aspx?nid=353940&pg=1

فين حسن زعبولا

Anonymous said...

اذا كان العلماء افتوا بان المرأة تنفع رئيسة جمهورية يبقا مش هتنفع فىالقضاء
والله معاكى حق يا نوارة فعلا مش رجالة وفى فلسطين لسة رجالة هناك عندهم النساء فى القضاء مع وجود الاحتلال بكل مشاكله بس عندهم رجالة وعقول

مش فاهمه said...

انا معاكى جدا قوى خالص فى موضوع الراجل اللى بيطلع عقده فى المرأة دى و اى واحد يحقر من المرأة و قدراتها يبقى هو اللى ناقص ولا مؤاخذه و موضوع تجنيد الأسرائليات ده احنا المسلمات اولى بيه ده احنا من ايام الرسول عليه الصلاة و السلام و الستات بتحارب و ام حرام طلبت من الرسول يدعى لها تكون مع الفاتحين لبلاد ما وراء البحار و الأغرب ان الرسول دعى لها بذلك ما قلهاش مثلا اقعدى حاتروحى فين يا شيخه خليكى و خدى بالك من البت و العيال اكرم لك لأ بجد بس مش عايزاكى تتحاملى على الرجاله قوى هم فى ايه ولا فى ايه حايلاقوها منين ولا منين مش كفايه بيقلعوهم هدومهم و يرموهم عريانين فى الطريق اسكتى يا اختى بقه و خلى الطابق مستور

Tamer said...

مع احترامي
الكلام في البوست ده خرج عن الحيز الموضوعي و اخد حيز عنصري ضد صنف الرجالة

ماشي
و ماله ؟
:)

Anonymous said...

ليه ما نشرتيش تعليقى و لا عشان هو محرج شوية

أى واحد بتشتم فى الرجالة فدى وجهة نظرها فى أبوها يعنى أبوها ما عرفش يربيها.

Anonymous said...

صباح الخير يانواره
يعنى إحنا نهرب من مدونة الواد السئيل البذىء إلللى كسروله سنته نلاقيه عندك !! صحيح حرية التعبير لازمولابد ولكن ماهو مبينزلش إلا اللى على هواه وبالتالى ياريت يانواره تحذفييه فى المستقبل أو يروح يفضفض بعيد فى حته ناشفه وإلإ حنشوف ألفاظ بذيئة زى كلمة عرص وشراميط وقوم يا... مصر بتناديك

صحيح إللى إختشوا ماتو يابن عبس

Anonymous said...

الشاب الحنجورى والسباب الشتام إللى عمال يشتم ويسب ويلعن عمال على بطال وليل ونهار ومحدش عاجبة غير بتوع مخنثي الهيفى ميتال وعبدة الشيطان ومانحى الدعم المشبوه فقط يروح أول يدور علبى إللى ... وأخد منه اللاب توب بتاعه

جبهة التهييس الشعبية said...

انونيمس

ما نشرتش تعليقك لانك عايز تشتم مش عايز تتناقش

عايز تشتمني انا اهلا وسهلا

عايز تشتم ابويا طب هو ذنبه ايه الراجل؟ هو مش مسئول عن كلامي ولا عن مواقفي

وانا لما قلت تصور الانسان بشكل عام والراجل بشكل خاص عن المرأة نابع من صورة الام ده كلام فرويد والله العظيم مش كلام

وفرويد بيقول ان تأثير الام على الانسان - ذكر كان ام انثى - تلات اضعاف تأثير الاب

عرفت ليه بقى الرسول بيقول امك ثم امك ثم امك ثم ابوك؟

عشان هي لها تلات اضعاف التأثير في حياتك وحياتي

والمثل المصري بيقول اكفي القدرة على فمها تطلع البنت لامها

يعني البنت كمان شبه امها

والاب مش بيربي الاب بيرعى

اللي بتربي الام واللي بيرعى الاب

عارف الفرق ما بينهم؟
لا مش عارف

عشان شكلك كده ما قرتش كتاب علم نفس واحد في حياتك

الله اعلم قريت كتب تانية وللا لا

وانا ما شتمتش الرجالة
لاني اصلا ما قلتش رأيي
انا اخدت من المنطق الذكوري وبنيت عليه
لو سألتني رأيي
انا شخصيا مؤمنة ان الرجالة والستات متساويين ولهم نفس الحقوق ونفس الواجبات

والا ربنا ما كانش يحاسبهم زي بعض

ولو الست اقل عقلا يبقى ربنا ظالم انه يحاسبها زي الرجالة

انا باسألك: ربنا ظالم؟

ليه لو سرقت يتقطع ايدها زيها زي الراجل وانتوا بتدعوا ان الشرع لا يقبلها كقاضية بسبب قلة عقلها؟

لو عقلها اقل يبقى المفروض تتحاسب اقل المنطق بيقول كده صح؟

وبما ان ربنا بيحاسبها بالتساوي يبقى عقلها زي الراجل

واحيانا بيبقى احسن والله

على سبيل المثال، واحد عقله زيك كده، لما اتزنق ولقى نفسه مش عارف يرد دخل يقول كلام هبل مالوش اي اساس علمي وما كلفش نفسه دقيقة بمليم عشان يراجع كلامه علميا على النت لانه عايز يشتم

وانا في البوست ما عملتش ريفرينس لفرويد ولا لعلم النفس عشان افترضت ان بني ادمين بيعرفوا يقروا ويكتبوا وبيدخلوا على النت على الاقل جالهم فضول مرة واحدة يعرفوا مين هو فرويد وللا بيقول ايه

دي معلومات عامة مش ثقافة ولا تخصص ولا حاجة

ولما لقيت الناس متخيلة انه رأيي اضطريت اني اقول انه فرويد اللي قال كده

على اي حال مش عيب، مافيش بني ادم عارف كل حاجة ولو ان فرويد اساسي ان الواحد يقراه او يقرا حتى كتيب صغير بالتعريف بيه

لكن زي ما قلت لك انا ما كتبتش وجهة نظري

انا حطيت حقيقة علمية وهي ان الام بتأثر على تصور الانسان بشكل عام عن المرأة

وجبت وجهة النظر الذكورية المسيطرة على المجتمع المصري واللي بتقول ان الراجل سبع وضبع وعشر اسود في بعض والستات قلالات العقل واي كلام

وبنيت على وجهة النظر دي

طيب

مدام الراجل هو الكل في الكل والست مخها طاقق

اولا ما تتحاسبش على اللي بتعمله دي واحدة مهبوشة وغير مؤتمنة على قانون مكتوب ومش ح تألف فيه حاجة

يعني مش بس ما عندهاش القدرة على الحكم على الاشياء

دي حتى ما بتفهمش لما تقرا قانون وما عندهاش القدرة انها تطبق القانون على الواقع

اخر هطل يعني

اوكيه

احنا بقى موافقين معاكوا ان الكلام ده صحيح

اولا: المجتمع الذكوري اللي ده تصوره عن المرأة اكيد امهاتهم هم كده والا جابوا التصور ده منين

حتى اسألوا فرويد والله مش انا

ثانيا: فين بقى؟ فين يا عاقلين يا كاملين يا رجالة؟ النسوان دخلت الجامع بالجزم وانتوا قاعدين تنظروا على خيبة الستات وغباءهم وجهلهم

طب الستات غبية وجاهلة وعبيطة

انتوا يا ناصحين عملتوا ايه؟ ده منظر بلد فيها رجالة قد الكلام اللي بيقولوه؟

ما عرفتوش تردوا
كل الاخوة الذكوريين ما عرفوش يردوا، عرفوا يقولوا ايه؟ عرفوا يشتموا
ولما اتزنقوا قالوا انت ديكتاتورية وبتصادري علينا
ولما اتزنقوا قالوا ما الستات هم السبب
الله
الستات هم السبب ازاي؟ احنا مش اتفقنا ان الستات مخهم على قدهم وعواطفهم متحكمة فيهم؟ خلاص ما يتحاسبوش بقى
اللي يتحاسب هو اللي بيقول على نفسه انه الاكفأ والاجدر والاحق
ما عرفتوش تردوا برضه

لو قلت لكوا الستات زي الرجالة والاتنين مسئولين والاتنين عليهم نفس الواجبات ولهم نفس الحقوق ح تقولوا ده كلام حنجوري ونوال السعداوي

طب خلاص
التزموا باللي بتقولوه
لكن انا ابويا مالوش دعوة، لان ابويا مش ذكوري، ولا شايف الستات اقل

بالعكس بقى، ابويا رأيه ان الستات اكثر تطورا من الرجالة
وعشان كده انا معتزة اني اتولدت بنت
وبرضه لما انت اتزنقت رحت شاتم ابويا
ممكن يكون من وجهة نظرك ما عرفش يربيني عشان قال لي ان الستات احسن من الرجالة واكثر تطورا
بس انا شايفة ان كلامه ده اثر فيا وخلاني ما اقبلش ان حد يقلل من قيمتي لمجرد اني واحدة ست

جبهة التهييس الشعبية said...

وملحوظة تانية
الستات بيشتغلوا قاضيات وشرطيات وعسكريات

في دول عربية واسلامية كتيرة، سنية وشيعية، طبعا كل دول كفار واحنا بس اللي مسلمين

جبهة التهييس الشعبية said...

باكستان
الجزائر
المغرب
ايران
سوريا
الاردن
العراق
تونس
تركيا

كللللللللللللل دول كفار

نعيب زماننا said...

.
بالنسبة لموضوع ناقصات عقل و دين فالتالي
خرج رسول الله صلى الله عليه وسلم في أضحى ، أو فطر ، إلى المصلى ، فمر على النساء ، فقال : يا معشر النساء تصدقن فإني أريتكن أكثر أهل النار . فقلن : وبم يا رسول الله ؟ قال : تكثرن اللعن ، وتكفرن العشير ، ما رأيت من ناقصات عقل ودين أذهب للب الرجل الحازم من إحداكن . قلن : وما نقصان ديننا وعقلنا يا رسول الله ؟ قال : أليس شهادة المرأة مثل نصف شهادة الرجل . قلن : بلى ، قال : فذلك من نقصان عقلها ، أليس إذا حاضت لم تصل ولم تصم . قلن : بلى ، قال : فذلك من نقصان دينها .
الراوي: أبو سعيد الخدري المحدث: البخاري - المصدر: صحيح البخاري - الصفحة أو الرقم: 304
خلاصة حكم المحدث: [صحيح]
فبلاش الطرفين يحملوا النص أكثر من معناه. و كان د زغلول النجار كان فسرها أن مراكز الذاكرة و الكلام في عقل المرأة مركز واحد فعند الكلام تتأثر الذاكرة. و ليس أن النساء مهابيش أو مهاطيل و الكلام العجيب الذي نسمعه في هذه النشرة

بالنسبة لموضوع فرويد, طرحك للفكرة في المضوع الأساسي يا أختنا العزيزة نوارة كان يفهم منه, لو رفضت قضاء المرأة فأنت تراها جاهلة و غبية و مهبولة, فبالتالي هذه وجه نظرك في السيدة المحترمة والدتك. و لم يكن بالتوضيح الجيد و السرد الرائع الذي ذكرتيه في أخر تعليق لكي.
و نسأل الله ألا بفسد الخلاف أبدا للود و الاحترام قضية
و السلام عليكم و رحمة الله و بركاته

نعيب زماننا said...

وَإِذَا سَأَلْتُمُوهُنَّ مَتَاعاً فَاسْأَلوهُنَّ مِنْ وَرَاءِ حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ {الأحزاب: 53}. قال ابن العربي في " أحكام القرآن" : فإن المرأة لا يتأتى منها أن تبرز إلى المجالس، ولا تخالط الرجال، ولا تفاوضهم مفاوضة النظير للنظير.. تجمعها والرجال مجلس تزدحم فيه معهم، وتكون منظرة لهم، ولم يفلح قط من تصور هذا ولا من اعتقده. 7ـ إجماع الأمة على منعها من تولي منصب الإمامة الكبرى، أي الخلافة على جميع المسلمين أو بعضهم، ولم يخالف في ذلك أحد من علماء المسلمين في كل عصورهم، قالوا: والقضاء فرع عن الإمامة العظمى، فلا يجوز أن تتولاه امرأة. قال محمد بن أحمد الفاسي في" الإتقان والإحكام في شرح تحفة الحكام" المعروف بشرح ميارة : واشترطت فيه ـ أي القضاء ـ الذكورة لأن القضاء فرع عن الإمامة العظمى، وولاية المرأة الإمامة ممتنع لقوله صلى الله عليه وسلم: لن يفلح قوم ولوا أمرهم امرأة. فكذلك النائب عنه لا يكون امرأة. ويلاحظ من سرد هذه الأدلة أن الجمهور لم يستدلوا على عدم جواز تولي المرأة القضاء بحديث أبي بكرة فقط، بل ذكروا أدلة كثيرة، منها ما ذكره السائل من أن القضاء فرع من الإمامة العظمى

نعيب زماننا said...

http://www.islamweb.net/ver2/fatwa/ShowFatwa.php?lang=A&Id=59957&Option=FatwaId

ابسطي أهو أبو حنيفة سمحلكم بالقضاء الإداري, عشان متقولوش إننا حارمنكم من حاجة, المسألة بالنسبة لي شرعية بحتة. أعتبر أني كرجل عندما أتولى أمر امرأة فهو شرف لي أن أكون راع لها قبل أن يكون تكليف. لا علاقة بين تولي المرأة القضاء و بين احترامها و تقديرها و سأظل أقولها إلى الأبد. أنا لا أصلح رئيسا للجمهورية, و كذلك لا أصلح مدربا لمنخب كرة مصر, فهل هذا يعيبني و هل يعني أني لا يجب أن أمارس الرياضة أو أناقش السياسة. بالطبع لا و لكن كل ميسر لما خلق له.
الفتوى

الحمد لله والصلاة والسلام على رسول الله وعلى آله وصحبه، أما بعـد:
فقد ذهب جمهور العلماء إلى عدم جواز تولي المرأة القضاء والوزارة، وذهب أبو حنيفة إلى جواز توليها القضاء في الأموال دون القصاص والحدود. وقال محمد بن الحسن وابن جرير الطبري: يجوز أن تكون المرأة قاضية على كل حال. إلا أن ابن العربي: في " أحكام القرآن" نفى صحة ذلك عن ابن جرير الطبري، وتأول قول أبي حنيفة بأن مراده أن تقضي المرأة فيما تشهد فيه على سبيل الاستبانة في القضية الواحدة، لا أن تكون قاضية، قال: وهذا هو الظن بأبي حنيفة وابن جرير. واستدل الجمهور من المالكية والشافعية والحنابلة وأهل الحديث على قولهم بأدلة عديدة، منها: 1ـ عدم تكليفها بهذه الولايات في عهد النبي صلى الله عليه وسلم وعهد الخلفاء الراشدين ومن بعدهم، وقد قال الله تعالى لنبيه صلى الله عليه وسلم: إِنَّا أَنْزَلْنَا إِلَيْكَ الْكِتَابَ بِالْحَقِّ لِتَحْكُمَ بَيْنَ النَّاسِ بِمَا أَرَاكَ اللَّهُ {النساء: 105}. قال ابن قدامة في " المغني": لم يول النبي صلى الله عليه وسلم ولا أحد من خلفائه ولا من بعدهم امرأة قضاءً ولا ولاية بلد، فيما بلغنا، ولو جاز ذلك لم يخل منه جميع الزمان غالبا. 2ـ قوله تعالى: الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِمْ {النساء: 34}. قالوا: فهذه الولاية وهي ولاية الأسرة هي أصغر الولايات، وإذ منع الله المرأة من تولي هذه الولاية، فمن باب أولى منعها من تولي ما هو أكبر منها، كالقضاء والوزارة. 3ـ قول النبي صلى الله عليه وسلم في حديث أبي بكرة: لن يفلح قوم ولوا أمرهم امرأة. رواه البخاري. قال ابن حجر في "الفتح": قال ابن التين: استدل بحديث أبي بكرة من قال: لا يجوز أن تولى المرأة القضاء، وهو قول الجمهور. 4ـ حديث بريدة رضي الله عنه أن النبي صلى الله عليه وسلم قال: القضاة ثلاثة: واحد في الجنة، واثنان في النار، فأما الذي في الجنة فرجل عرف الحق فقضى به، ورجل عرف الحق وجار في الحكم فهو في النار، ورجل قضى للناس على جهل فهو في النار. رواه أصحاب السنن بإسناد صحيح. قال مجد الدين ابن تيمية في " منتقى الأخبار" عقبه: وهو دليل على اشتراط كون القاضي رجلا. 5ـ الأحاديث النبوية المستفيضة في شأن المرأة، لا تجعل للمرأة ولاية على غيرها، بل ولا على نفسها في أخص شأن من شؤونها وهو النكاح، لقوله صلى الله عليه وسلم: لا نكاح إلا بولي... . ، وكذلك جاءت السنة بمنع المرأة من السفر وحدها دون محرم، ولا أن تخلو بغير محارمها. 6ـ آيات القرآن الكريم وأحاديث المصطفى صلى الله عليه وسلم تؤكد أن حجب النساء على الرجال أطهر للقلوب وأصلح للمجتمع، قال الله تبارك وتعالى: يَا نِسَاءَ النَّبِيِّ لَسْتُنَّ كَأَحَدٍ مِنَ النِّسَاءِ إِنِ اتَّقَيْتُنَّ فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلاً مَعْرُوفاً*وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الْأُولَى {الأحزاب: 32ـ33}. وقال تعالى:
.

نعيب زماننا said...

http://www.qaradawi.net/site/topics/article.asp?cu_no=2&item_no=70&version=1&template_id=105#%D8%B4%D8%B1%D9%88%D8%B7%20%D8%AA%D9%88%D9%84%D9%8A%20%D8%A7%D9%84%D9%85%D8%B1%D8%A3%D8%A9%20%D9%84%D9%84%D9%82%D8%B6%D8%A7%D8%A1

نص حلقة الشيخ القرضاوي عن تولي المرأة القضاء.
سيبك من الحلقة كلها و سيبك من حتة الحمل و الرضاعة باعتبار أجازتهم طويلة. بس فعلا الفترة ذات الخصوصية للمرأة التي تواجه فيها تغيرات مزاجية و جسدية, هل يمكن أن تقضي خلالها, أم هل ننظم جلسات المحاكم على حسب وضع كل قاضية الشخصي باعتبار كل امرأة غير الثانية. بردو الرجل عنده حق أنه يجعل القضاء للمرأة بعد انقطاع الطمث.

جبهة التهييس الشعبية said...

نعيب زماننا

طب بقى يعني الست في فترة المحيض لو قتلت او سرقت او رمت محصنات مش مفروض يقام عليها الحد لانها مش في كامل قواها العقلية

ليه ربنا بيحاسب الستات زي ما بيحاسب الرجالة على الذنوب؟

ربنا ظالم؟

مدام ما تقدرش تعمل كل شغل الرجالة نظرا لان مخها مغبش وبيجيلها دورة شهرية بتخليها ماشية تقطع في شعرها
هههههههههههه
والله انا ما عارفة انتوا جبتوا الكلام ده منين
لو كنتوا ستات كنتوا على الاقل عرفتوا انتوا بتتكلموا على ايه
بما فيكم الشيخ القرضاوي مع كامل احترامي له

بس ازاي واحد بيتكلم عن تجربة هو ما عاشهاش ولا يعرف عنها حاجة؟

ثم كده يا تيجيب لي فتوى اني ح اتعاقب في الاخرة نص الراجل واتحاسب في القانون نص الراجل بما اني عندي حوالي نص الشهر ضايع

يا اما تقر بما انه بيحاسبنا زي بعض يبقى اكيد عقلنا وقدراتنا زي بعض وعليه فممكن نشتغل اي شغلانة بتشتغلوها

يا اما تقول لي انت ليه مؤمن برب ظالم؟

جبهة التهييس الشعبية said...

اه وبالمناسبة

انا ممكن اجيب لك فتاوى لناس تجيز ان تتولى المرأة القضاء

بس انا مش عايزة اعمل كوبي بيست

رد عليا من مخك

وما تقعدش تنقل من فلان قال وفلان عاد فلان وعلان مش ح يتحاسبوا بدالك انت اللي ح تتحاسب وربنا ادالك مخ

انت دلوقت خلاصة كلامك ان ربنا ظالم

او

بيحاسب الستات اقل من الرجالة وانا مش عارفة

ابرطع يعني؟

نعيب زماننا said...

ههههههههههههههه
و لا عايز أجربها, و الحمد لله أن الواحد طلع راجل.
بس المنطق اللي استخدمتيه خليني أفكر فيه بالمقلوب . أنا أؤمن برب عادل, لذلك لو يحاسبها على هذه الأشياء في هذه الفترة يبقى التغييرات عندها ليست لدرجة أنها تقتل و تسرق.
بس أعتقد - مش عن تجربة طبعا هههه_ أن النساء في الفترة دي عندهم تغيرات مزاجية و نفسية بس مش لدرجة الجنان عشان متشبطيش في الحتة دي تاني, و القضاء محتاج حيادية شديدة و مزاج معتدل مقارنة بأي عمل أخر لأن تأثيراته على المجتمع مش بسيطة. نفس الحكاية لو القاضي رجل و عنده ظروف صحية ينظر في أمره و مدى رجحان احكامه بظروفه الحالية. و يمتد هذا الحكم لظروفه المعيشية أيضا, لو عنده عيل مات و لا مشاكل مع المدام و لا ولا لازم تكون في لجنة تناقش خصوصياته لو لوجظ مجرد ملاحظة أنها تؤثر على أحكامه. يعني الموضوع مش خاص بالنساء فقط, بس الفكرة أن النساء الموضوع ده متكرر عندهم كل شهر مش بظروفه زي الرجال

نعيب زماننا said...

لو أخذتي بالك أن النقل الأول صاحبه يحرم نهائي,,, أما النقل عن القرضاوي ففيه الاباحة و الشروط الخاصة بها.
أنا نقلت الوجهتين, و كما قلت لك أنا مرجعيتي في الأمر شرعية. و في مناقشات كثيرة قرأتها و لكن لم أقتنع بطريقة طرح أو منهج أصحابها فتركتها و نشرت فقط ما ارتاح له عقلي. و لكن الأمانة تقتضي ذكر المصدر خاصة أنني لست عالم دين و لا أفتي من تلقاء نفسي
و لكن هل ردودنا و مواقفنا الشخصية إلا نتاج تعلم و خبرات, تعلم من أشخاص سبقونا و خبرات من مواقف شخصية

نعيب زماننا said...

و اللي عاجبني في هذه المدونة أنها أعادتني للقراءة و الإطلاع مرة أخرى بعد أن أصبحت مطالعاتي في حدود تخصصي.
و تذكرت حلاوة القراءة و البحث في مختلف الأمور الحياتية و الثقافة العامة
و فعلا شعرت أن ال IQ الخاص بي أرتفع كثيرا عندما بدأت أتردد هنا

جبهة التهييس الشعبية said...

بس انت ما بتتكلمش عن قاضي كده
انت بتتكلم عن مشرع

القضاء هو تطبيق النص على الواقع

عندي نص بيقول لي واحد زائد واحد يساوي اتنين

جولي اتنين وقالوا لي احنا كام؟
ح اقول لهم النص بيقول واحد زائد واحد يساوي اتنين يبقى انتوا اتنين

ايه دخل مزاجها وحالتها النفسية في الموضوع؟

الكلام ده في البيت بقى لما جوزها بيديها في جنابها من غير اي مراعاة لظروفها النفسية او المزاجية فتيجي بقى زي ما تيجي يا تعيط يا تحدفه باي حاجة جات في ايدها

فيقول عليها نكدية او يطلقها عشان قليلة الادب

لكن في تطبيق النصوص هي مش بتخترع قانون

اشمعنى المهندسة ما بتاخدش اجازة من الشغل في فترة الدورة الشهرية

اشمعنى ما بتخافوش على المرضى من الدكتورة الست لانها ممكن بقى في فترة الدورة الشهرية تجيلها هلاوس وما تعرفش المصران الاعور من اللوز؟

فيه ايه القضاء زيادة عن اي شغلانة تانية

مين اللي قال انه محتاج مخ ذري
وحيادي ومصحصح وما تفوتش عليه فوتة
ده نصف اله بقى مش قاضي

امال كلية الحقوق بيدخلوها بستين في المية ازاي؟
اذا كانت الاراء القديمة قالت كده ففيه ظروف كتير
قد يكون بسبب ان القاضي زمان كان بيجتهد رأيه
بس هو دلوقت مالوش رأي هو ملزوم بقانون
قد يكون بسبب ان الستات كانوا حديثي عهد بجاهلية ولسه ما اتعودوش على ان يبقى لهم جرأة يشتغلوا
ولو ان يعني الستات كانت بتحارب مع الرسول والرسول كان بيقول لام عمارة ليس كل الناس يطيقون ما تطيقه ام عمارة لما كان ابنها يقع وتزعق له انه وقع

يعني ابنها راجل اهو وشاب زي الوتد
وهي ست وسنها كبير
والرسول شاف ان طاقتها في التحمل اكبر من ابنها
ما سألهاش: اخوتشي انت عندك عذر شرعي وللا تمام النهاردة؟

ايه موضوع العذر الشرعي اللي الستات ضاحكين عليكوا بيه ده عشان يعملوا اي حاجة ولما تحاسبها تقول لك معلش اصلي اعصابي تعبانة عشان العذر الشهري؟

مافيش حاجة من دي دي اوهام
مجرد ارهاق جسدي بسيط في اول يوم ما تخلنيش افسر يعني الكلام ده ما يصحش يتقال ولو مراتك ضاحكة عليك بالحجة دي قول لها انت كدابة، زي القردة مافكيش حاجة ما تستعبطيش عليا

طب وبعدين بقى بمناسبة الحديث بتاع ناقصات عقل ودين

"فما رأيت ناقصات عقل ودين أذهب لذي لب منكن"
او كما قال

يعني بالبلدي كده بتضحكوا على الرجالة

على كده مش مفروض بقى القاضي يقضي لواحدة ست عشان احسن لو غمزت له وللا عيطت له لبه يذهب زي ما الرسول قال ويشنق المدعي عليها عشان راجل

وزي ما انت قلت
مدام ربنا بيحاسبها لو قتلت او سرقت او رمت حد من الشباك في فترة العذر الشهري يبقى اكيد عقلها في راسها

واكيد عندها قدرة على الحكم على الامور وتعرف الصح من الغلط والعدل من الظلم

يبقى اكيد برضه تعرف تقضي بقانون مكتوب ومش ح تألف فيه حاجة
وبعدين
ما كل الدول الاسلامية دي عندها فتاوى بجواز قضاء المرأة
اشمعنى احنا؟

جبهة التهييس الشعبية said...

اه وبمناسبة الحمد لله اني راجل

ههههه
الحمد لله على كل حال
بس والله انت فايتك كتير ههههههههههههه

جبهة التهييس الشعبية said...

اه ونسيت اقول لك
والله لسه حاصلة في الشغل عندنا قريب
واحدة صاحبتي - هي مزة شوية - مسكت واد زميلنا خلت اللي ما يشتري يتفرج عليه وخلته ما يسواش تلاتة نكلة وبالظلم والله، اتسرعت ومن غير ما تتبين راحت هابة فيه، ولما قلت لها ايه يا بت اللي عملتيه ده حست انها اتزنقت راحت معيطة

كل بقى الرجالة عندنا في الشغل - العاقلين الكمل -: حرام عليك، دي بتعيط، لازم تعتذر لها

هو اللي يعتذر لها، بهدلته في وسط الشغل وبالظلم وهو اللي يعتذر لها

لا لا لا يا محمد انت غلطان

وفضلوا يخترعوا في منطق معوج عشان يطلعوه غلطان

وفعلا مقتنعين انه غلطان تماما بس عشان البنية مزة وبتعيط

وانا الوحيدة - وهي بصراحة - اللي بقينا عمالين نضحك عليهم في سرنا

وافتكرت نجيب سرور

دول بقى ينفعوا قضاة؟

نعيب زماننا said...

القضاء مش واحد + واحد يساوي اتنين
أنا أعرف واحد مدير يقول للشئون القانونية عنده: أنا مش عايزك تقول لي القانون بيقول إيه, أنا أقول لك أنا عايز ايه و أنت تقول لي أعمله بالقانون ازاي. و القاضي بيقضي أساسا بأقوال المحامين, يعني لو في نص قانوني يطلع المتهم براءة و القاضي عارفه بس المحامي كان خايب أو لم يستدل به, فالقاضي هنا لا يملك إلا أن يحكم على المتهم لأن محاميه لم يقل ما يبرئه. فالقانون ليس رياضيات أو طبيعة أو هندسة. وأستطيع أن أقول لك أن الطب بالممارسة يصبح كركوب المراجيح تماما, عمليات القلب التي يخشاها العامة بالنسبة للطبيب المتمرس إجراء روتيني يمارسه كل يوم. بس القضاء تختلف فيه كل قضية عن الأخرى و أيضا طبيعة عرضها من هيئة الدفاع.
بالنسبة للعذر اياه كفاية خلاص كلام عنه عشان وضحنا أرائنا فيه. كلية الحقوق ب 60 في المائة أما لما نتكلم عن القضاء فلا يدخله إلا الأوائل و للأسف في بلادنا ولاد المستشاريين و ربنا يرحمنا.

و يالا الحمد لله على كل حال اني راجل. ههههههه

نعيب زماننا said...

في الحياة أحيانا الواحد بيعدي أمور كتيرة عشان الأمور تمشي. لأن لو الواحد كل واحد قاله كلمة لم تعجبه أو غلط في حقه - و ما أكثر ما يحدث ذلك سواء من رجال أو نساء- قرر القصاص منه بالعدل البلد كلها حتولع في بعض

عارفة قالوله ايه بينهم و بين بعض
قالوا له خليك انت الراجل العاقل, أهى اسمها بردو واحدة ست, حتعملهم ايه ناقصات عقل و دين ههههههههههههه

مش فاهمه said...

الأستاذ نعيب زماننا
عمر بن الخطاب ولى الشفاء على السوق اى ان تكون لها كلمه مسموعه و الرأى و الحكم بين المختلفين اى منزله القضاء ف عصرنا هذا
اما عن موضوع القضاء الأن فى ظل القانون الفرنسى اللى احنا ماشيين عليه ده مش هو هو القاضاء الشرعى ده حاجاه و ده حاجه كون بقه ان عندنا بهلوانات فى القانون و ناس امثال فريد الديب و مرتضى بعرور دى مشكلة القوانين فى بلدى مش القضاء
اما موضوع الحيض وفترته الحمد لله اخترعوا له ادويه و منتجات ما تخرش الميه طيب ماذا لو فيه قاضى عنده بواسير مثلا - اعرف واحد عنده بواسير و بيعانى من القعده بطريقه رهيبه -
نيجى بقه لموضوع ناقصات عقل و دين الرسول عليه الصلاة و السلام قالها فى معرض خطبته للنساء فى العيد و هو بيقول لهم ما رأيت اذهب للب الرجل العاقل منكم اى انه بيشير الى سيطرة المرأة على الرجل و مش اى رجل لأ ده العاقل و مش اى جزء فيه لأ ده عقله اى ان الحديث ليس فيه اهانه للمرأة و تحقير و انما تعجب و دهشه من قدراتها و دهائها و هى التى تغليها عاطفتها و تتعطل الفرائض عندها فتره كل شهر
بجد شرعيا لا بأس من الموضوع اما الأمر اللى فيه الخلاف فهو الخلافه العظمى و ان كان القرأن الكريم كلمنا عن بلقيس ملكة سبأ و كيف انقذت قومها بذكائها فى حين ملك مثل فرعون خسف بقومه الأرض

جبهة التهييس الشعبية said...

نعيب زماننا

لا ما قالوش كده، وخلوا الواد يقول كلمة مش محترمة لهم من كتر ما ضغطوا على اعصابه

اقولها لك وللا تتكسف؟

قالهم انتوا هيجانين عليها

لا مؤاخذة يعني

وما عرفوش يردوا عليه.. اتحرجوا عشان كشفهم قدامنا ههههههه

وعشان هو اللي اتهزأ بس فكان واعي للموقف انما غير كده ما كانش ح يبقى واعي

بدليل ان اي واحد بتعدي جنبه يجنح كوعه عشان يخبط فيها

امال انا سكت ليه رغم اني عارفة انه مظلوم؟ عشان كلنا محروقين منه وعشان هي تعمدت تهزأه من غير سبب وبعدين تستعبط لانها مخزنة له

واذا كنتوا مصرين على التنميط والادعاء ان الستات بتتحكم فيهم العواطف، فالعاطفة دي ارقى حاجة في الانسان

امال بقى اللي بتتحكم فيهم الغريزة دول يبقوا ايه؟ وللا يصلحوا لايه في الدنيا؟

ما تخلوناش نبعبع بقى عشان انتوا بترجعوا تزعلوا

هو الراجل لا مؤاخذة لما بيريل بيبقى فيه مخ يعرف يمينه من شماله عشان يبقى قاضي اساسا؟

جبهة التهييس الشعبية said...

مش فاهمة

مافيش يابنتي

ما تحاوليش... والله ما تحاولي
لو قلت لهم الرجالة زي الستات يقولوا لا الرجالة احسن
طيب ياللي احسن ورونا نفسكوا
يزوموا ويهوبصوا في الكلام
طب ربنا ظالم يعني عشان يحاسب الست اللي اقل من الراجل زي الراجل؟
لا ماهو ماهو ماهو.. امشي من هنا

خلاص مافيش.. انت عارفة على رأي عبلة كامل، الرجالة امخاخها ضيقة

:D

lastcrazyboys said...

ياااااخبر

ده المـــوضوع خد تشعبـــات كبيرة قوي

والمفروض يتعمل له "بوست " مخصوص

وبوســت هنا بمعنى "موضـــوع " ..كمــا قال البحبحاني
آه ..لحســـن تقولي الــواد كمان بقى غرائزي ولا حـــاجة..وتودينا في داهية

أما بالنسبــة لموضوع العــاطفة والغرائز ..وقولك -حسب المذهب لفرويدي - بأن كل انسان يرى النســاء على شاكلة أمه
فهــو قول في مجملــه صحيح ..لكن طبعا هناك استثناءات
فالرجـــل عنــدما ينظر للقاضية - ربما - يرى أمه بعباءتها " مش عبـاءة داليا البحيري في محامي خلع" جالسة على منصة القضــاء
وأنا لا أجد غضــاضة في نفسي أن ارى أمي قاضية ..أو خالتي ..او خالاتي اللاتي أناديهن بذلك دون أي صلة بيني وبينهن سوى "شاي بحليب العصاري والود ود ود ود مع الحاجة" فأصبحن بذلك خالات شرعيات لي منذ نعومة اظافري

وأتخيلهن في المنصة ..وأمي تتوسطهن كعادتها طبعا ..والمحامي "يلعلع" ارجاء المحكمة " سيدي الرئيس ..او سيدتي الريسة ساعتها مش فارقة
وهن يجبن بصــوت أكثر "لعلعة " :

..تعييييش.. شالله يخليك ياخويا

===
لا لا والله ..شوية جد بقى ...حد في الاخــوة المعترضين شال أمه ..أو الست الوالدة عشان فيه ناس بتعتبر امك دي شتيمة ولا مواخذة ..من منصة القضــاء..وحط" مدام ايمان " بتــاعة الشؤون في الجامعة ..اللي لو ماكنتش موجودة ..كان الواحد يسحب نفســه من سكات
أو الحاجة "سيــدة " بتاعة السنترال اللي ما بتأخرش معاملات حد ..وتدلك على الخطوات خطوة خطوة

طب ما العاطفة دي هي اللي بتديهم "طولة البال" والصبر
وهي - كما - أرى أهم سمة ميز بها المــرأة.."وما يغركمش النسوان اللي بتستعبط وتستموت في المترو ..دول يقفوا رايح جاي ولا يجرالهم حاجة
"
انما بقى لو عديت عالأستــاذ فتحي بتاع مصلحة مش عارف ايه ..ويدوخك السبع دوخات عشان " كل سنة وانت طيب " بتاعته
ده ينفع قاضي..ده والله لو شافك بتفرفر من الحر ما هيعبرك من غير النفحة
وبعديييين انا عمري ما شفتهم جابوا في السيما موظفة تقوم بدور " فوت علينا بكرة يا سيد" طووول عمره راجل ..وسمج كمان

وبعدين بدال ماحنا شماليل قوي كده ...سايبين البلد تديرها واحدة ست ليه..؟ها

lastcrazyboys said...

ياااااخبر

ده المـــوضوع خد تشعبـــات كبيرة قوي

والمفروض يتعمل له "بوست " مخصوص

وبوســت هنا بمعنى "موضـــوع " ..كمــا قال البحبحاني
آه ..لحســـن تقولي الــواد كمان بقى غرائزي ولا حـــاجة..وتودينا في داهية

أما بالنسبــة لموضوع العــاطفة والغرائز ..وقولك -حسب المذهب الفرويدي - بأن كل انسان يرى النســاء على شاكلة أمه
فهــو قول في مجملــه صحيح ..لكن طبعا هناك استثناءات
فالرجـــل عنــدما ينظر للقاضية - ربما - يرى أمه بعباءتها " مش عبـاءة داليا البحيري في محامي خلع" جالسة على منصة القضــاء
وأنا لا أجد غضــاضة في نفسي أن ارى أمي قاضية ..أو خالتي ..او خالاتي اللاتي أناديهن بذلك دون أي صلة بيني وبينهن سوى "شاي بحليب العصاري والود ود ود ود مع الحاجة" فأصبحن بذلك خالات شرعيات لي منذ نعومة اظافري

وأتخيلهن في المنصة ..وأمي تتوسطهن كعادتها طبعا ..والمحامي "يلعلع" ارجاء المحكمة " سيدي الرئيس ..او سيدتي الريسة ساعتها مش فارقة
وهن يجبن بصــوت أكثر "لعلعة "
:
..تعييييش.. شالله يخليك ياخويا

===
لا لا والله ..شوية جد بقى ...حد في الاخــوة المعترضين شال أمه ..أو الست الوالدة عشان فيه ناس بتعتبر امك دي شتيمة ولا مواخذة ..من منصة القضــاء..وحط" مدام ايمان " بتــاعة الشؤون في الجامعة ..اللي لو ماكنتش موجودة ..كان الواحد يسحب نفســه من سكات
أو الحاجة "سيــدة " بتاعة السنترال اللي ما بتأخرش معاملات حد ..وتدلك على الخطوات خطوة خطوة

طب ما العاطفة دي هي اللي بتديهم "طولة البال" والصبر
وهي - كما - أرى أهم سمة ميز بها المــرأة.."وما يغركمش النسوان اللي بتستعبط وتستموت في المترو ..دول يقفوا رايح جاي ولا يجرالهم حاجة
"
انما بقى لو عديت عالأستــاذ فتحي بتاع مصلحة مش عارف ايه ..ويدوخك السبع دوخات عشان " كل سنة وانت طيب " بتاعته
ده ينفع قاضي..ده..!!؟ والله لو شافك بتفرفر من الحر ما هيعبرك من غير النفحة

وبعديييين انا عمري ما شفتهم جابوا في السيما موظفة تقوم بدور " فوت علينا بكرة يا سيد" طووول عمره راجل ..وسمج كمان

وبعدين بدال ماحنا شماليل قوي كده ...سايبين البلد تديرها واحدة ست ليه..؟ها

جبهة التهييس الشعبية said...

لاست كريزي بوي

انت فين من بدري

شالله يخليك ياخويا

:))

lastcrazyboys said...

اي خدمة يا استــاذة

انتي برضــه وراكي ......جدعان
اهي تمشي عالونجين
هع هع هع
======
شوفي احنــا بنختلف كتييير ..وفي مواضيع عديدة..انما في دي بالعقل كده

انا اهو محبش ان مراتي تكون بتشتغل

بس ده مش معنــاه ان الحجــر ده يمتـد ليصل للمرأة بشكل عــام

طب كلام في سرك ..والنبي ما تجيبي سيرة لحد ..انا مراتي مش عايزها تشتغل ..عشان انا اتعودت لما اقضي مصلحــة ..معرفش ابصبص لواحدة بتشتغــل .. ولما حد يبقى معايا دايما يدور الحوار ايــاه

شفــت ام اخضر اللي في المكتب الأخراني

- لا والله مخدتش بالي

- خليك كده خيبة ..وعمرك ما هتفهم حاجة خاالص

ليفط وقتها صديقنا التالت اللي جاي من غير اي لزمة بالطبع ..يا عم ده بيستعبط ..انت بتصدق ..ده "سهن "
تلاقيه بيبص ..بس من تحت لتحت ..اهو ده اللي يتخاف منه بجد

المهم انه فيه
اللي فهم ..وفي اللي بيقول اني بحب اجعلص الامور ..لما حاولت اشرح لهم ان الست الموظفة بتخرج عندي من النطاق الانثــوي ..الى النطاق الانســاني

بمعنى ان الاستاذه "ناهد" زبها زي الاستاذ "خليل" ..وفتحي بتــاع الدرج

المقيــاس عندي بينهم"مييين اللي هينجزني"..مش مين اللي هتتجوزني

لأني على المستوى الشخصي
المودام ..اللي هي "مرتي " بالصعيــدي

عايزها تكتب في البطاقة " ربة منزل " ..ومش عايزها مدقدقة ولا مفتحة ..وهبلة وعبيطة وام بدوي
وبتسخــن زي البوتاجاز وهي ابيض من جوة
كللل الحاجات "الكميلة " اللي بنحبها في امهاتنا زي ما حضرتك اسلفتي من قبل

يعني لا انا نصير المرأة ..ولا بطل قومي
وبكـــره الستــات عمى ..بس الحق حق

وضحــت الرؤية ..ولا لسة حد ليه شوق في عاجــة

بهيج الشرير said...

والنبي ياأبلتي أنا عندي سؤال! ياترى في الحالة دي ممكن نسمي لقمة القاضي لقمة القاضية ونسمي الزلابية الزلابي

مش فاهمه said...

نصيحة بس للأخ الفاضل اللى عايز مرته - بالصعيدى- تبقى زى القطه المغمضه و ربة منزل ومش عايزها ولا مدقدقه ولا مفتحه اقوله استعد بقه انك تبقى بروحين يعنى تلف طول النهار على رجلك و لما ترجع تاخد دورك مع بيتك و عيالك اولا دلوقتى مابقاش فيه دراسه فى المدارس لازم تتجوز واحده تعرف تذاكر للولاد و لو مش بتعرف يبقى تعرف توديهم و تجيبهم الدروس ولو مش بتعرف يبقى تلاقيها ليل و نهار و نهار و ليل مرابطه امام المدرسه تكلم المدرس الفلانى و المدرس العلانى و تسألهم فيما صعب فهمه و عجز حله
ثانيا بما ان مافيش حاجه اسمها رياضه فى المدارس و كمان مافيش حاجه عدله تشغل العيال الا الرياضه يبقى استعد انك تلاقى لك قد 3 او اربع ايام فى الأسبوع تاخد العيال و توديهم تمارين فى النادى او مركز الشباب يمارسوا رياضه لأن الست طبعا ولا تعرف تروح ولا تيجى لأنها لازم تكون بتعرف تركب ميكروباصات لو مافيش فلوس او تاكسيات و تقاوح و تتخانق و تبقى لبط او تجيب لها عربيه و برضه لازم تبقى لسانها ولا مؤاخده طويل على السواقين و قاطعى الطريق
ثالثا لو مش مفتحه و مدقدقه يبقى لازم تخلى نفسك بقه واعى و فاهم و متابع العيال و انت فى الشغل بيكلموا مين و بيقعدوا على النت يعملوا ايه و بيراسلوا مين و يعنى ايه فايس بوك و شاتينج و المسائل دى و تبقى قاعد فى شغلك و مخك فى البيت
للأسف مابقاش ينفع زوجه قطه مغمضه دى الا بقى لو كالعاده عايزين واحده تكثل انها قطه مغمضه و بتتكسف ووشها فى الأرض و بعد الجواز بقى يبقى يحلها ربنا

نعيب زماننا said...

لست فتا مجنونا

أحلى ختام للموضوع

Nemo said...
This comment has been removed by the author.
مش فاهمه said...

يا نهار ازرق الأستاذ Nemo
بيتقول عليا انى باقول ان الواحد يتجوز واحده لافه و دايره و غلطت قبل الجواز كمان لأ و قليله الأدب يانهار هو البديل للقطه المغمضه هو الست اللافه الدايره قليله الأدب بعض من الموضوعيه لن يضر عموما راجع كلامى حضرتك و شوف انا قصدت ايه

Nemo said...
This comment has been removed by the author.
lastcrazyboys said...

صـــلوا عالنبي يا جمـــاعة

Nemo
من منـــظور " رجولي " بيتلكم صح..بس هو سخن حبتين في موضوع ..لافــة ودايرة ده ..لانه ممكن تكون الواحدة لافة ودايرة بمعنى ..ما بتعرفش " تفرط" في حقها ..وتجيبه من بق الاســد..مش معناه " تفرط" في اشيـــاء اخرى يا معلم

اما "مش فاهمة" فبالرغم من ان اسمها يدل على انها مش مستوعبة الكلام اللي قلته ..بس هي عندها حق "نسبيــا" ..نظرا لاختلاف الحال عن الحال ..والزمن عن الزمن

ومما لا شك فيه ..انني اكتشفت ان عديدا من الشباب ..لا يحبذون الفتـــاة السليطة " كزوجة بالطبع" ولو كانت الحياة لا تستقيم بدونها

او بمعنى اخر....الله الغني

جبهة التهييس الشعبية said...

لاست كريزي بوي

وانا زعلانة من الانكشاف ده
عاملة زي ايام الجزائر

بازعل انا لما بالاقي ناس كتير كده

طب ايه؟

يعني لما شعب بيكره المسيحيين والستات والجزائر يبقى عايش ليه يعني؟

lastcrazyboys said...

لا لا لا..ماتشغليش بالك بالموضوع ده نوهاااائيــاً

احنا عايشين ليه..وده سؤال برضه يا استاذة
!!!
..أقـــولك أنـــا

احنــا عايشين عشان مانفكرش ..ونقضيها " عواطف" " عواطف" حتى المووووت
وكل ما نقعد قعدة عصاري كده ..ونتفرج على التلافزيون ..نسمع البقين الأزليين " وغالبا ما يتكفل رب الأسرة بهما " : يا سلااام شوف الناس دول وصلوا القمر ..واحنا فيين
او
ياااه..شوف هما بيتخانقوا على ريادة واختراعات ..واحنا ياخي بنتخانق على ايييه
"

طب يا جدعان ما نقعد نفس قعدة الصفا دي ونتباحث..ونتشاور..ايه اللي وصلنا للحال ده
طب وانا كواحد ربنا اداله العقل يفكر..مش المفروض لما اشوف "ابويا " بيتحسر على العمر اللي راح هدر ورا افكار وخناقات "بلهاء" ..اتدارك انا الشيء ده ..واشوف الاتجاه التاني ..بتاع الفكر ..والعلم والبحث
طب اسمعي الصدمة فيييين بقى : ان من يحاول انتهاج هذا المبدأ..فاسق زنديق ..ليييه ؟؟
!!لانه ترك ما كان عليه آباؤنا

طب ياخوانا اذا كان " آبــاؤنا" مش عاجبهم ..ومخنوقين من حالهم..؟

مييين قال لك كده ..ده اسمه "تنفيييس" ..وهو عادة قديمة ..لا يجوز الحياد عنها

انت عايز الناس تتكلم علينا ..؟.

تماما كما هو الحال مع أمي التي ترى في خروجي على اقتراحاتها العائلية الغريبة عنــاداً ..واني عايز ابقى مختلف وخلاص
وبكلمتها الاثرية اللي بصراحة اعشقها حتى الثمالة :دايما كــده كاسر نفسي..ومش مهنيني بفرحة ابدا
هع هع هع
==
اه صحيح كدت انسى ..بمناسبة موضوع الجزائر..تم اعلان الحرب مؤخــرأ بين جبهتي الزمالك والاسماعيلي بعد تعاون دام عهودا اثر هذه الصورة
http://www14.0zz0.com/2010/03/15/20/911370935.jpg

وقد ارسل موفدنا في مدينة الاسماعيلية باخر الاحداث في الفيديو التالي
http://www.facebook.com/video/video.php?v=406777130389&ref=nf

هذا وقد كان الأمن قد القى القبض على جمهور الأهلي في "اسيوط" خلال اقامة مباراة الفريق هناك منذ يومين
ولا يعرف اي اثر للشباب الجامعيين حتى الان

يعني ماشفناش "فؤش" بيندد بالاحداث دي يعني ..ولا هو بيجهز لشريط جديد مع السيدة فردوس

Nemo said...
This comment has been removed by the author.
مش فاهمه said...

استاذ Nemo للمرة الأولى بتغلط فى شخصيا و بتقول ان فهمى للكلمه نتيجه تجاربى الشخصيه عموما احتراما لصاحبه المدونه و علشان مش عايزه ابوظ الموضوع مش حأرد عليك و يكفينى انك بدلا من تفنيد كلامى وجهت لى اهانه شخصيه و ده معناه فقد المنطق فى الحديث و هذا يثبت صحه كلامى و تشكر يا ذوق
الأخ lastcrazyboy
عل الأقل حضرتك توصلت لأن كلامى نسبيا صح و كلامك نسبيا صح برضه ماعنديش مانع لكن على الأقل فيه نقطه نلاقى اما موضوع انى مش فاهمه و مش مستوعبه فبلاش نتدخل فى فلسفه تفسير اسمائنا الأفتراضيه مش حانخلص بقه و ممكن اقول و انت تقول عادى و اسمائنا الأفتراضيه لا تفرض علينا توجهات معينه واسم حضرتك خير دليل .خالص احتراماتى
اسفه يا نوارة لو كنت تقلت عليكى فى الردود لو عايزه تذيعى ذيعى لو مش عايزه انت حرة يا عزيزتى

Nemo said...
This comment has been removed by the author.
جبهة التهييس الشعبية said...

مش فاهمة

والله كان بودي اساعدك بس انت بتتعجني هنا وانا باتعجن فابو اسحاق الحويني ومينا بيتعجن في بوست الفتنة الطائفية

ربنا معاك

مش فاهمه said...

كده يا نوارة دى اخرتها تسيبيهم عليا
طيب شاورلى على ابو اسحاق الحوينى ده الرجل ده له تاريخ مهم فى حياتى ده انا من ساعه ماقال فى قناة الناس ان الست اللى بتتعلم دعوة مش المفروض انها تتعلم العلم الشرعى كله لأنها مش حاتفهمه و انا بقيت مش فاهمه من ساعتها

جبهة التهييس الشعبية said...

طب وهم الستات بيفهموا؟ اما انت متهورة صحيح

لا انا في البوست التاني بقى اسمي رأس النفاق الرافضية الروبيضة

ولما جبت لهم فيديوهات لابو اسحاق قالوا لي انت اللي مش فاهماه

ما انا ست بقى انا ح افهم ازاي؟

هو فيه ست بتفهم؟ ما تحترموا نفسكوا بقى.. لا ادب ولا حيات

شمس العصارى said...

قريت البوست
بس لسه التعليقات
بس انا حتكلم عن الصورة مش عن الكلام الى فى البوست
ماهو يا نوترة مش علشان تثبتى انك او اى ست غيرك مش عاطفية تقومى تنحى اقسى درجات القسوة
يعنى لازم صورة زى دى بالذات
هاتى اى صورة من اى مكان
العالم كله مليان شرطيات وقاضيات و عالمات و سياسيات
اشمعنا الصورة دى بالذات
الصورة دى لا تتعلق بالرجولة و الانوثة و صراعهما داخل مصر
اييييييييييييييييه
ده صراع مجتمعى -حسم او لم يحسم -انا ارى انه لا علاقة له بالصورة المنشورة
يبقى ليه الصورة دى
هاتى امثلة مجتمعية تدللى بها عن سلبيات الرجل
لكن صورة زى دى تقهر الرجل
وبغض النظر عن ان الصورة لجنديات لكن امثال تلك الصور تشعرنا باننا لا شئ
عجزة - عديمى الفائدة و القيمة
ايوه يا ستى لما بنشوف صورة سيدة فلسطينية بتضرب من جنود الاحتلال بنغطى وشنا بالبطانية و نبكى
ايوه بقينا نحول وشنا عن تلك المناظر
ايوه احنا امام تلك الصور و الاخبار مش رجال
كل ده - على ما اعتقد - ليس له علاقة بان المراة تبقى قاضية من عدمه
خالفك التوفيق فى اختيار الصورة و ان الى عاوزة تثبتيه من الصورة مخالف للصراع المجتمعى
انتى تخطيتى القسوة بكتيييييير

شمس العصارى said...

دول سيدات برضه اهه
http://www.almasry-alyoum.com/article2.aspx?ArticleID=248447&IssueID=1719