Saturday, 20 March 2010

يا عيني يا فايزة لما تبقي عايزة

للكبار فقط.
تحذير: 
هذا البوست لا يناسب كل من:
1- من هم دون الثامنة عشر
2- من لم يسبق لهن الزواج
تحذير:
المقال المنشور بالبوست قد يحتوي على مشاهد خادشة بالحياء لغير المتخصصين في موضوع البحث
تنبيه:
ارتأت إدارة المدونة إضافة بعض العناوين والتعليقات باللون الاحمر اضافة الى الصور المتحركة لتوضيح بعض النقاط العلمية
قام بتدشين هذا البحث العلمي بمعرفة معهد البحر للعلو...م والتكنولوبيا
مقدمة:



كلام يبقي


حمدا لله علي السلامة


بقـلم‮:‬ مـمـتـــــــاز القــــــــط*
(فوت نوت: اكسلانت ناو ناو)


سيادة الرئيس‮..‬
الناس كلها عايزة تاخد تأشيرة‮.. ‬وتروح المانيا عشان تزورك وتقولك ألف مليون سلامة عليك‮.. ‬وحمدالله علي سلامتك‮.‬
الناس في بلدنا طيبة واللي في قلبها علي لسانها‮.. ‬الناس في بلدنا بتحبك وبتدعي ربنا ليل ونهار إنك ترجع لنا وإنت بكل صحة وعافية‮.‬
لكن يا سيادة الريس إحنا في العشرة أيام الأخيرة من الشهر‮.. ‬يعني المرتبات خلاص‮!! ‬وكمان هدايا عيد الأم‮.. ‬وكلها مصاريف زيادة‮.. ‬قلنا نبعت لك جواب‮.
ياتري نكتبه إزاي؟‮! ‬بكلام الجورنالجية‮.. ‬ولا بكلام عبدالباسط ومحمدين ومرقص وأم محمد‮.. ‬قلنا ياريس نكتبه بلغة المصريين ولاد البلد اللي بيحبوها‮.. ‬واللي عارفين إنك أكتر واحد بتحبها وبتحبهم‮.‬
وبعد‮ ..‬
يصل ويسلم للسيد الرئيس‮..‬
‮ ‬ألمانيا‮.. ‬مستشفي هايدلبرج
البند الأول: تدريس الصحة الجنسية في المدارس
يا ريس‮:‬
ألف ألف مليون سلامة عليك‮.. ‬وترجع لنا بألف سلامة وبسرعة‮.. ‬بصراحة يا سيادة الريس مفيش حاجة في مصر كلها لها طعم من‮ ‬غير متكون معانا‮.. ‬خدنا علي كده‮.. ‬شايفينك ليل ونهار رايح جاي عشانا وعشان ولادنا وعشان مصر اللي إنت أكتر واحد بتحبها‮.. ‬وحياتك كلها كانت عنوان لكل مصري أصيل حب بلاده‮.. ‬وكان همه كله انها تفضل دايما راسها مرفوعة في العلالي‮... ‬يعني فوق‮.. ‬في السما اللي كتبت منها في ‮٣٧ ‬أحلي أنشودة للنصر‮... ‬لسه وهنفضل طول العمر بنغنيها‮.‬
أنا‮ ‬عارف يا سيادة الريس إنك متضايق قوي عشان إنت بعيد عن مصر وعايز ترجع بسرعة‮.. ‬مش هنسي يوم من الأيام كنا مع سيادتك وسافرنا ‮٥ ‬دول من دول الخليج في ‮٦٣ ‬ساعة‮... ‬يعني يوم ونص‮.. ‬ننزل في مطار ونطلع لمطار‮.. ‬من مباحثات لمباحثات‮.. ‬وساعتها كلنا حسينا بالتعب وكانت أول مرة نعرف فيها إن منصب الرئيس ده حاجة تانية‮ ‬غير اللي إحنا فاكرينها‮.. ‬يوميها سألت سيادتك ليه يا ريس مستعجل دايما‮.. ‬ليه مانبتش يوم في كل دولة نستريح فيها‮!!‬
يوميها يا سيادة الريس قلت حاجة مش هانساها‮: »‬انتوا عايزين تباتوا عشان تلفوا وتروحوا تشتروا حاجات وتشوفوا البلد‮.. ‬أنا بقي هعمل إيه‮.. ‬هستني جوه الفندق ولا القصر‮.. ‬يعني سجن‮.. ‬لا هعرف اروح ولا آجي‮.. ‬أحسن نروح بلدنا نشوف شغلنا‮«.

عنوان جانبي: ممكن واحد في حجمك يفسي؟ يفسي.. انازر

يوميها بس يا سيادة الريس عرفت إن الرئاسة مش جاه وأبهة وبروتوكولات وموتوسيكلات‮.. ‬دي هم كبير أوي‮.. ‬ومتعب قوي‮.. ‬ربنا بيختار له ناس قدرهم مابيبقاش ملك إيديهم‮.‬
‮> > >‬
ساعتها يا سيادة الريس رجعت لزمان‮.. ‬يوم نصر أكتوبر‮.. ‬يوميها ياريس كنت بالنسبة لنا البطل‮.. ‬في مدرسة المساعي المشكورة كنا كلنا فخورين قوي إنها مدرسة البطل حسني مبارك صاحب الضربة الجوية‮.. ‬كل واحد حاسس إنه جزء من الضربة الجوية‮.. ‬كل واحد كان عاين صورتك معاه‮.. ‬وكنا بنتمنظر علي زمايلنا في المدارس التانية إننا في مدرسة حسني مبارك صاحب ضربة النصر‮.
البند الثاني: تخريب الصحة الجنسية في المدارس
بعدها اختارك الرئيس السادات نائب له‮.. ‬يعني منصب وصلت له وأنت أصلاً‮ ‬في قمة المجد والنصر‮.. ‬مش هننسي أبداً‮ ‬ياريس يوم لما وضعوا نياشين النصر ورتبة الفريق أول علي كتفك وسط هتاف نواب الشعب‮.. ‬الشعب البطل اللي السادات وحسني مبارك كانوا ولاده‮.. ‬كانوا رجاله لأنهم اختاروا طريق صعب‮.. ‬طريق‮ ‬يرجعوا فيه كرامة بلدهم‮.. ‬حتي لو كانت حياتهم هي التمن‮.. ‬اختاروا إنهم يعملوا اللي عليهم والباقي علي ربنا‮.. ‬حياتكم يوميها ياريس كان ثمنها‮ ‬غالي‮.. ‬ثمنها كان عرض وشرف وكبرياء مصر‮.. ‬مصر اللي العالم كله افتكر إنها خلاص في خبر كان بعد هزيمة مُرة‮.... ‬هزيمة ماحاربش فيها جيشنا خالص‮.‬
صدقني ياريس بكلمك من قلبي‮.. ‬طول اليومين اللي فاتوا الناس في بلدنا زعلانة أوي‮.. ‬زعلانين عشان عملت عملية‮.. ‬حاسين ياريس إن إحنا السبب‮.. ‬إحنا تعبناك قوي‮.. ‬طول عمرك شايل همنا وبلدنا مليانة مشاكل‮.. ‬تعبناك لأنك بدأت من أول السطر‮.. ‬البلد كانت مفلسة‮.. ‬يوميها مكانش فيه ولا مليم عشان نشتري قمح‮.. ‬وساعتها عارفين إنك اتصرفت ياريس‮.. ‬ومن يوميها بدأت تبني مصر كلها من أول وجديد‮.. ‬شوارع وبيوت وكهربا وميه وتليفونات‮.. ‬هَم مايتلم‮!! ‬لكنك كنت قدها وقدود‮..‬
‮> > >‬

بصراحة إحنا عارفين‮.. ‬عارفين إنت عملت إيه لبلدنا‮.. ‬وازاي حافظت عليها من كل المؤامرات‮.. ‬لكن دايما إحنا بننسي‮.. ‬أصلنا طماعين‮!! ‬وما صدقنا إن فيه واحد بيحبنا وبيسمعنا وعمره ما زهق ولا هيزهق مننا‮.. ‬وهنفضل دايما نقولك عايزين وعايزين‮.. ‬وعمرنا ماهنقولك كفاية‮.. ‬أصل البحر بيحب الزيادة‮. ‬وإنت طلعتنا من القمقم يا ريس‮.. ‬كنا فين وبقينا فين‮.. ‬معدش حد في وجودك يا ريس ممكن يروح ورا الشمس‮.. ‬وزوار الفجر يا ريس‮.. ‬خدوها من قصيرها من يوم ما اختارك شعبنا عشان تكمل بينا
المشوار‮.



ياريس معلهش‮.. ‬عايز أقولك حاجات كتيرة‮.. ‬لكن أنا متلخبط‮.. ‬مش عارف اقولك علي اللي في قلبي وقلوب كل المصريين‮.. ‬حاجات ياريس هي اللي خلتنا نحبك‮.. ‬بصراحة مش هنحبك لله في لله‮!! ‬لكن إنت ابتديت ياريس من أول يوم‮... ‬اسمك عرفناه وقبله كلمة بطل‮.. ‬أول‮ ‬يوم عرفناك كنت في قمة المجد‮ ‬يا ريس‮.. ‬الرئاسة عمرها ما كانت في بالك وتاريخك قبلها هو سجل شرف وعزة وكرامة‮.. ‬من أول‮ ‬يوم رئاسة شفناك بتطلع الناس من المعتقلات وبدون ضجة ولا شوشرة‮.. ‬شفناك يوم ما عملت أول مؤتمر اقتصادي‮.. ‬شفناك وإنت بتلف في المصانع والمزارع‮.. ‬بتكلم العمال والفلاحين‮.. ‬بساطتك ياريس وحبك لشعبك‮.. ‬خلت الناس كلها تحبك وروحها دايماً‮ ‬معاك‮.. ‬دي حقيقة والله يا ريس‮.. ‬حتي اخوتنا اللي لسانهم طويل الأيام دي‮!! ‬عارفين قلبك وحبك وسماحتك‮.. ‬عارفين إنك إنت اللي فتحت باب الحرية وشجعت الناس‮ ‬يقولوا ويشاركوا‮.‬
خليت الناس‮ ‬يا ريس في مصر الفرعونية‮ ‬ينسوا كلمة الخوف من الحاكم‮...(فوت نوت: يجدر الاشارة الى كشف علمي في هذا البحث) ‬لأول مرة من ‮٨ ‬تلاف سنة‮.. ‬صحيح اللي بيقولوه الجماعة إياهم زاد شويتين عن الحد‮!! ‬لكن صدقني ياريس كله عارف ومتأكد من صبرك وحبك وحلمك‮.. ‬عمرك ما‮ ‬غضبت من أي واحد فينا‮.. ‬إنت صحيح بتغضب لينا لكن مش علينا‮.. ‬بتغضب لو أي حد مس مصر بأي كلمة ولا همسة‮.
البند الثالث: المعلومات الخاطئة عن الصحة الجنسية الشائعة بين المراهقين

كلنا عارفين ياريس إنك كبير في تعاملاتك مع كل دول العالم اللي بيحبونا واللي بيكرهونا واللي نص نص‮!! ‬ساعات بتعدي‮... ‬بس بمزاجك‮... ‬وساعة الجد يا ويله يا سواد ليله اللي يفكر يهوب بكلمة علي مصر‮..‬
‮> > >
عنوان جانبي: أهمية العقاقير المهدئة لعلاج الحالات الملحة:‬
عايزينك ترجع بسرعة ياريس‮.. ‬مش هننسي عملت إيه في بني سويف الأسبوع قبل اللي فات‮.. ‬كل الحكومة مشغولة في حل أزمة البوتاجاز والكيروسين والبطاقات الذكية واللي مش ذكية‮ !! ‬فجأة شافوك ياريس وبحاستك ونظرتك اللي دايما باصة لقدام بتقول للحكومة‮.. ‬شوفوا حل للبطالة‮.. ‬خلوها أولوية قبل أي حاجة‮.. ‬الظاهر الحكومة كانت بدأت تنسي حكاية البطالة وفاكرة إن التلاتة ونصف مليون فرصة عمل اللي اتوفروا في التلت سنين اللي فاتوا كفاية يسدوا رمق الناس‮.‬
صدقني ياريس ساعتها ربكت الحكومة‮.. ‬وعرفتها إنك علي طول أقرب واحد لينا‮.. ‬عارف إيه مشاكلنا‮.. ‬بتعيش معانا همومنا‮.. ‬وكمان بتحلم نفس أحلامنا‮.. ‬إنت منا ياريس وعمرك ما كنت أبداً‮ ‬بعيد عنا‮.
البند الرابع: الاثار السلبية لهجرة الازواج الى الخليج على الاسر المصرية: ‬

ياريس من‮ ‬يوم ما حضرتك رحت ألمانيا‮.. ‬وعملت العملية‮.. ‬الناس حاسة إن فيه حاجة نقصاها‮.. ‬حاجة كبيرة وغالية علينا قوي ياريس‮.. ‬الناس كلها بتسأل إمتي هترجع‮.. ‬وحشتنا‮ ‬يا ريس كلنا‮.. ‬وحاسين إن الأيام اللي‮ ‬غبت عنا فيها سنين طويلة وصعبه علينا‮.‬
الـ ‮٨٨ ‬مليون‮ ‬يا ريس قلوبهم بتدعي ربنا سبحانه وتعالي إنك ترجع لنا بألف مليون سلامه‮.. ‬سلامتك‮ ‬يا ريس هي سلامة مصر كلها‮.. ‬لكن اسمح لي أقولك ياريس عايزينك ترجع‮.. ‬عشان حاجات كتيرة عايزينك تكملها‮.‬
قلت لسيادتك إحنا طماعين‮!! ‬لكن إنت عودتنا علي كده‮.. ‬طول عمرك بتوفي معانا بأي وعد لك‮.. ‬والبرنامج الرئاسي لسه عايز زقة‮.. ‬وانسي ياريس إن قرار ترشيحك مرة تانية مش هيبقي ملك لك‮.. ‬القرار ملك لشعبك‮.. ‬وطول عمرك ياريس كنت جاهز دايماً‮ ‬للندا‮.. ‬ندا الواجب‮.. ‬طول عمرك ماردتش طلب لشعبك‮.‬
صدقني ياريس عايزينك ترجع لنا بسرعة‮.. ‬الشعب كله ياريس بيتحاما فيك‮.. ‬ولو الحكومة عملت حاجة كده ولا كده‮!! ‬عارفين إنك مش هتسكت وأول واحد هيقولهم‮ »‬استوب‮«.. ‬كله إلا الغلابة‮.. ‬إنت الوحيد اللي حاسس بينا‮.‬
عمرك ماكنت بعيد عنا إلا ساعة الشديد القوي‮.. ‬وربنا ما‮ ‬يعيدها ولا تشوف حاجة وحشه أبداً‮ ‬تاني‮.. ‬والحمد لله ربنا استجاب لدعاء ‮٨٨ ‬مليون مصري‮ »‬في وش العدو‮« ‬مش عايزين حد يحسدنا‮.. ‬وأولهم الدكتورة مشيرة خطاب وزيرة السكان‮!!‬
‮> > >‬
عايزينك ترجع ياريس عشان الدكتور يوسف بطرس‮ ‬غالي يخف علينا شوية‮!! ‬ويشوف له حل في حكاية الضريبة العقارية‮.. ‬ويعمل التعديلات اللي سيادتك قلت عليها‮.. ‬صحيح إحنا عارفين اللي فيها‮... ‬عارفين إن مواردنا مش أد كده‮.. ‬عارفين إن سباق الأرانب اللي دخلنا فيه وبقينا ‮٨٨ ‬مليون بياكلوا كل حاجة‮.. ‬ونتيجة أي اصلاح ما بنحسش بيها‮.. ‬عارفين إن الموازنة فيها عجز‮.. ‬ولكن ربنا دايماً‮ ‬ساترها معانا ياريس‮.. ‬والله
العظيم طول ما إنت معانا‮..



عايزينك ترجع لنا بسرعة ياريس عشان تفتح بقية مشروعات المية والصرف‮.. ‬وجودك ياريس معانا ومتابعتك لكل حاجة‮.. ‬هي الحاجة الوحيدة اللي مطمنانا إن إحنا ماشيين دايماً‮ ‬لقدام‮.‬
عايزين نشوفك تاني بسرعة‮ ‬ياريس مع العمال في المصانع الجديدة اللي في وش العدو بقوا ‮٠٥١١ ‬مصنع‮.. ‬مش ألف بس‮!! ‬عايزين نشوفك معاهم‮.. ‬وهما بيضحكوا من قلبهم لما تكلمهم وتسأل عن أحوالهم‮.. ‬عايشين فين؟‮.. ‬بيركبوا إيه من البيت للشغل؟‮.. ‬بياخدوا كام؟
عايزينك ترجع بسرعة ياريس عشان فيه شوية قوانين جديدة كده ممكن الله أعلم‮.. ‬تحتاج منك توصية‮.. ‬ولا ضبط للبوصلة‮.. ‬زي قانون التأمينات الجديد وقانون التأمين الصحي‮.
البند الخامس: انحراف الزوجات في ظل غياب الازواج
عايزينك ترجع ياريس عشان تروح بنفسك تشوف الهايبرات الجديدة بتاعة رشيد‮.. ‬بتشغل ناس وكمان بتبيع بأسعار أقل‮.. ‬عشان بتبيع كتير‮.. ‬وإنت طالبت بزيادتها‮.. ‬ودي هتوفر ‮٠٠٧ ‬ألف فرصة عمل‮.‬
عايزينك ترجع بسرعة ياريس عشان تروح المصانع الجديدة والمناطق الصناعية والمناطق الحرة‮.. ‬عايزينك تفتح بقية الموانئ اللي بنيتها ياريس‮.‬
عايزينك ترجع بسرعة ياريس عشان هيعملوا الموازنة الجديدة‮.. ‬ولازم توصيهم علي العلاوة الاجتماعية الجديدة في‮ ‬يوليه عشان‮ ‬يعملوا حسابها من دلوقتي‮.. ‬ومحدش‮ ‬يفكر‮ ‬يلغيها ولا‮ ‬يقصولها‮!!‬
‮> > >‬
عايزينك ترجع بسرعة ياريس عشان تتابع بنفسك حل مشاكل الفلاحين اللي إنت بتنصرهم ودايماً‮ ‬واقف معاهم‮.. ‬وشلت ديونهم‮.. ‬أصل الدين هّم‮ ‬يا ريس‮.. ‬وكلهم ملهمش إلا إنت ابن أرضهم الطيبة ياريس‮.‬
عايزينك ترجع بسرعة ياريس عشان تشوف أخبار حكومتنا الذكية‮.. ‬وبيعملوا إيه؟‮! ‬وبيفكروا في إيه وناويين علي إيه؟‮! ‬وأهو الأمر ميسلمش‮.. ‬كام اجتماع وزاري موسع يظبط المسائل معاهم‮.. ‬في مشاكل كتيرة‮ ‬يا ريس حسينا إن لولا تعليماتك‮.. ‬مكنوش عارفين هيعملوا إيه‮!!‬

عايزينك ترجع بسرعة ياريس‮.. ‬عشان نعمل سياسة جديدة للحفاظ علي الأرض الزراعية بطريقة عملية‮.. ‬تاخد في اعتبارها طبيعة الفلاحين وشعورهم بالغربة لو سكنوا بعيد عن أرضهم اتنين تلاتة كيلو‮!! ‬وهيبنوا‮ ‬يعني هيبنوا‮!!‬
عايزينك ترجع بسرعة عشان نعمل كردونات جديدة‮.. ‬وبرسوم يدفعها اللي عايز يبني‮.. ‬وتروح حصيلتها لاستصلاح أراضي جديدة‮.‬
‮> > >‬
عايزينك ترجع بسرعة ياريس عشان نعمل سياسات سكانية جديدة‮.. ‬مش بالندوات والوعاظ والدعاة‮.. ‬ولكن بالدعم والمساندة‮... ‬بحوافز وكمان بقرص الودن‮!!‬
عايزينك ترجع بسرعة ياريس عشان نعمل سياسات لحماية المعاقين‮.. ‬وعدم تهميشهم‮.. ‬والاكتفاء بذكرهم في القوانين وبس‮.‬
عايزينك ترجع ياريس بسرعة عشان تكمل إنصاف العاملين‮.. ‬وتنشر مظلة الأمان الصحي علي كل المصريين‮. ‬وكلنا عارفين وشفناك مرات كتيرة بتدي تعليمات عشان علاج الغلابه‮.. ‬وأمرت ببناء معاهد لعلاج الأورام والامراض في كل المحافظات‮.‬
عايزينك ترجع ياريس عشان تكمل دعمك للمرأة‮.. ‬أمي وزوجتي وبناتي‮.. ‬الظاهر إن سي السيد عايز يرجع تاني‮ ‬يا ريس وصعبان عليه المرأة تكون علي منصة القضاء‮.. ‬خايف منها أحسن توريه الويل وتدوقه من الكأس اللي شربهولها طول عمرها‮.. ‬رغم إنها كانت هي الأساس في كل حاجة‮.
البند السادس: ارتفاع معدلات الانهيار العصبي
عايزينك ترجع بسرعة ياريس عشان نربط حوافز الاستثمار بعدد العمال الجداد في كل مصنع‮.. ‬ونشوف حل لمشاكل العمال‮.. ‬ونراجّع مرة تانية وتالتة عقود الخصخصة‮.‬
عايزينك ترجع بسرعة ياريس عشان نرجع تاني معدلات النمو اللي حققناه من سنتين‮.. ‬لولا الأزمة بنت الإيه‮!!.‬
‮> > >‬
عايزينك ترجع بسرعة ياريس عشان القدس تفضل عربية‮.. ‬واخوانا البعدا يبطلوا حركات النص كم اللي بيضحكوا بيها علي بعض العرب‮.

عايزينك ترجع بسرعة ياريس عشان نرفع راسنا لفوق وإنت بتحط حجر الأساس لأول محطة نووية سلمية‮.. ‬وترفع عليها علم مصر‮.. ‬العلم اللي الأيام دي بنحتفل بذكري رفعه في طابا‮.
الخلاصة: وصول العلم إلى حمل الرجال
عايزينك ترجع بسرعة ياريس عشان المرارة اللي في حلقنا من يوم ما عرفنا انك بعافية شوية تروح‮.‬
مش عايزين نحملك الهم ياريس‮.. ‬ولما ترجع بالسلامة هنقولك علي بقية الحاجات اللي إحنا عايزينها‮.. ‬إنت اللي علمتنا نقول‮.. ‬علمتنا منخفش‮.. ‬علمتنا نقولك علي كل حاجة‮. ‬وزي ما قلت لسيادتك قبل كده إحنا طماعين‮.‬
وعشان اللي فات ده كله ياسيادة الريس‮.. ‬عايزينك ترجع بألف ألف مليون سلامة‮... ‬يا حتة‮ ‬غالية قوي من مصرنا‮. ‬يا حتة بتنبض في قلوب ‮٨٨ ‬مليون مصري‮.. ‬وألف ألف مليون سلامة‮.



41 comments:

soreal said...

"الخلاصة: وصول العلم إلى حمل الرجال"

ياريت :P

أنا لسه مشفتش الفيدوهات)أصلها بلوكد مطرح ما أنا قاعده .... بس لازم أقول يخرب عقلك !!!


دلوقت شوفي اللي جوجل سيرش
حيرمييه عليكي
إوعي تشتكي بئه من العاهات اللي جاية. :P

Ahmed said...

انا في كلمتين حارقيني و لازم أقولهم قبل ما أكمل قراءة
هو عمال يقول ادينا يا ريس ادينا واحنا بناخد زيادة

أنا عايز أعرف هو اداله ايه بالظبط و الأهم
اداهولوه فيييين؟؟؟؟؟؟؟؟؟!!!!!!!!!!1

نعيب زماننا

Ahmed said...

أحسن تعليق فعلا هو عنوان الموضوع, لخص كل شيء يا عيني يا فايزة لما تبقي عايزة.
مينفعش نرد على أي حاجة لأننا عارفين كل حاجة.
انما الشخص المرسل اليه الرسالة, مصدق أن فايزة فعلا بتحبه. و لا عامل نفسه مش واخد باله أن فايزة دي بتاعة رجالة و عيال صغيرة كمان و مبتعتأش. وأنها بكرة حتمشي مع الولا ابنه لو مسكها و محدش يفهمني غلط في مسكها دي, و لو الاخوان مسكوها بردو حترمي نفسها عليهم و حتفتح لهم صدرها برحابة, و بردو محدش يفهمني غلط.
و أسف للأباحة بس فايزة تستاهل أكتر من كدة.

نعيب زماننا

Amr said...

لووووووووووول
ياشيخه حرام عليكى
أول مره يحصلى التغير ده فى يوم واحد
قريت مقالة القط فى الأخبار الصبح دمى أتحرق وشاط

شفت الفيديوهات والتعليقات هنا مش قادر أقولك
أفتكرونى أتجننت هنا فى البيت

tarek momen said...

يا تري انت فين يا سمير رجب
مش كان اسمه سمير رجب برضه

nanaalol said...

ليه كده يا نوارة الحي ؟ ؟؟؟؟؟؟؟؟؟؟؟؟؟؟
ربنا يسامحك يعنى أنا أهرب من القط فى الجورنال ألاقيه هنا عندك ؟ ده أنا كان هيجرالى حاجة لما قريت أول سطرين و بدأت أشتم و ألعن سنسفيل جدوده و ماستحملتش ، الله يحرقه مطرح ما هو قاعد غبى و عاهر بجد . بس حلو الشغل اللى أنت عملاه على المقال نفسى بس حد أبن حلال يدله على مدونتك و يدخل يقرا تحليل المقال بتاعه و تجيله نقطة و يريحنا بقى الله يقطعه . شكرآ

هراء لا داعى له ..... said...

أحيانا على فكرة زى ما بتحتاج قدر كبير من الشجاعة علشان تقول كلمة الحق

فأعتقد برضه

إن مقال زى دا إحتاج قدر كبير من الشجاعة علشان يحتوى على كمية النفاق و تزييف الحقائق و الإستهبال و السفالةدى


برافو إكسيلينت ناو ناو

إنت فعلا أثبت إن المصريين قد تعرضوا لأكبر عملية إخصاء جماعى فى التاريخ


لإن لو عندنا رجالة كانوا هيتعبوا من المقالات دى ...بس دا مش بيحصل

عم مينا said...

ايه القرف ده؟
الراجل ده ازاي مستحمل نفسه؟
احا يعني احا
انا جالي الضغط

زقزوق said...

لا تعليق
بس مستنى تعليق بهيج الشرير
هههههه

Medo Blue said...

لا دي مسخرة خالص يقطعك يابعيدة فطستيني من الضحك . لازم يطلع قرار بتعمييمه على كل المدونيين . انا انبهرت كتير بس زي كده مشوفتش . هاااااااا يقطعك يابعيدة .

ahmed samir said...

الراجل ده بجد يستحق كل مليم بيقبضه من الجرنان
عشان موهوب فعلاً
اراهن ان انتي يا نوارة لو كنتي مكانه مكنتيش حتعرفي تكتبي سطرين من دول هو بقى كتب صفحه بحالها
مش بس كدة و كمان بيفكر لرسامي الكاريكاتير
شوفي كدة كاريكاتير الصفحة الأولى او كاريكاتير السبت اللي فات

هو الضغط جه للناس من العدم

مواطن مصري said...

اة ياني ياني ياني

دة القط بيخربش و عاوز يفقع مرارة الشعب كلة عشان نروح المانيا

لو واحشك يا قط روح لحد عندة المانيا بس مترجعش تاني :D

Wild at Heart said...

أنا كل ده فاكراكي بتتريقي عليه...طلع فعلاً ده اللي كاتبه!

بهيج الشرير said...

والنبي ياأبلتي أنا عندي فكرة، إيه رأيك قبل ماأنزل مصر أحلق راسي بالموس زلبطة وساعتها الناس هاتستناني في المطار علشان أبقى الريس الجديد

ملاحظة: والله يازقزوق شوية مشغول، بس برضه بآجي كل يوم آشقر على أبلتي هانم

بهيج الشرير said...

والنبي ياأبلتي البت فايزة دي كدابة ونصابة، كل مرة لما تبقى عايزة وتصعب عليا، تلاقيها بتغالطني في العد، وأنا ياأبلتي ماعنديش صحة للمجهود ده

العبيد الجدد said...

دى مش عايزة لالالالالالا دى محتاجة ومزنوقة ومش عارفة تعمل اية دى بتعوى انتم نسيين انة من جنس القطط شوفو بقى لما القطة بتعوى بتبقى عايزة اية وبتعمل اية متظلمهوش يا جماعة دى خلقة ربنا انا عندى قطة وعارف لما بتبقى عايزة بتعمل اية

العبيد الجدد said...

دى مش عايزة لالالالالالا دى محتاجة ومزنوقة ومش عارفة تعمل اية دى بتعوى انتم نسيين انة من جنس القطط شوفو بقى لما القطة بتعوى بتبقى عايزة اية وبتعمل اية متظلمهوش يا جماعة دى خلقة ربنا انا عندى قطة وعارف لما بتبقى عايزة بتعمل اية

حـنــّا السكران said...

هههههه

لاااااااااااااا مش معقول , لا يمكن .

هذا "القط" ثروة قوميّة , أفضل بيبي سيتر في التاريخ .
و هو الوحيد تقريباً الذي يعرف مالذي يُرضي الرئيس . دارس نفسيته كويّس .
ـ لا بدّ هنا من معايدة القط بعيد الأم بعد حكاية ما قبل النوم الحنونة هذه .
فعلاً , لا يوجد أم و لا جدّة أيضاً , وصلت إلى هذه المرحلة في التعامل اللغوي و العاطفي مع طفلها .

dr.lecter said...

الفيديو جامد مله بجد

وممتاز القط ده يروح محتاج حد يزبطه صح علشان شكله كده ليه فيها

الله يحرق الصحافه اللي تخلي الواحد يليس

dr.lecter said...

الفيديو جامد مله بجد

وممتاز القط ده يروح محتاج حد يزبطه صح علشان شكله كده ليه فيها

الله يحرق الصحافه اللي تخلي الواحد يليس

khalil said...

وكييبديا
بالنص
ممتاز القط رئس نحربر اخبار اليوم القاهرية ولد بمحافظة المنوفية من علئلة متوسطة ولم يكمل نعليمة بعد حصولة على الاعدادية عمل فى وظائف عديدةواستفر فى وظيفة مساع ثانى طباخ فى احدى فنادق شرم الشبخ
طلي احد المتنفذين من ابراهيم سعدة رئس مجلس اداره مؤسسة اخبار السابق تعينة فى المؤسسة وعين فى المطبخ الصحفى مندوبا للجريدة فى شرم الشيخ وكانت لة ميول متواضعة للكتابةوقام بوضع الفكرة الاولى لفيلم طباخ الرئيس وعين فى الفترة الاخييرة رئيس تحرير اخبار اليوم
اسمة فى الاصل محتار الحمار وتم تغير الاسم للملاءمة

Tamer said...

مافيش مرة اشوف مقال للراجل ده الا و في الأول افتكره بيتريق و بعدين اتصدم لما اكتشف انه بيتكلم بجد

مش فاهمه said...

ايه ده كله ايه ده كله ده مقال طشة الملوخيه كان ارحم شويه لأ بجد ازاى واحد زى ده يبقى رئيس تحرير اخبار اليوم ازاى حد يرضى واحد زى ده يطبل و يزمر له و يبقى اسلوبه ركيك بهذا الشكل
بس بجد تعليقاتك جامده اخر حاجه ربنا يستر بقه الا قولى لى بتحبى الرشيدى الميزان ولا البغبغان

ماجد العياطي said...

هو ده التهيييس الشعبي

ربنا يخليكم للبلد

أنس خالد said...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

جبهة التهييس الشعبية said...

هو امبارح على التويتر واحد قال لي احنا في الربيع وده موسم القطط

وانا اقول القطط اللي على السلم واللي في الجرايد مالها

simplymoi said...

Why did you torture the people Nawara like that? Be more kind to us I have nearly through out from his words.

بهيج الشرير said...

معلهش ياأبلتي أنا إمبارح ماقريتش البوست ورحت على التعليقات بس، اللي بأستغربله إزاي واحد زي ممبار اللبو ده يجيب العار لولاده، أنا متأكد أن العيال في المدرسة بيطلعوا ميتين أم عياله على التعريص اللي بيكتبه، وبعدين قلت في عقل بالي ياواد يابهيج يا أبو البهايج الحكاية واضحة وزي الشمس في الضلمة، طيب الواد ممبار اللبو كبير معرصي المديرية هيخاف عالعيال ليه طالما أن عوكل الأول ملك الفياجرا وقاهر الهكسوس هو أبو عياله

المشخصاتي said...

اللهي يا قط يرزقك بكلب سعران يفضل يعض فيك من ورا لحد ما ترتاح وتريحنا .. وربنا ياخدك يا عوكل

مش معقول في بني ادم يرضى على نفسه يكون نجس وواطي بالشكل ده .. ده ابليس اشرف من كده والله

lastcrazyboys said...

طب والنبي يا استـــاذة ..تاخدي دي في الوريــد ..زي عادل امام في ســلام يا صاحبي كــده

http://www.arabianbusiness.com/arabic/584089-----------



"لالالااااااا...الشيييخ ابو قطة المعمصــاني "أجــــدع نـــاس
موالسة ..ومااااله
نفـــاق ..مش مشكلة

حتى الخلف اللي فقدنا الامل فيه ..يهووون

بس اللي قاله ما يجيش حاجة في اللي بيقولوه الشيخ "ابو فتة البحبحاني " ورفـــاقه

وأي "كلب" هيقوللي سلفيــة بعـــد كـــده ..باللي في رجلي
ومش الجديــــدة ...القدييييييمـــة

وابوكـــم على ابو البحبحاني

!!"وعلى رأي أمي في عيدها القومي " السلف تلــف ..والرد خســــارة

مواطن مصري said...

علم اليوم السابع من مصادر أمنية مطلعة
بشمال سيناء أنه تم إطلاق سراح الصحفى الإسرائيلى يوتام فيلدمان مراسل القناة العاشرة الإسرائيلية مساء اليوم الأحد، وقالت المصادر إن الصحفى أطلق سراحه من القاهرة ورحل عبر المطار.

http://www.youm7.com/News.asp?NewsID=204010

دة كلب صهيوني المفروض يتقتل

مواطن مصري said...

علم اليوم السابع من مصادر أمنية مطلعة بشمال سيناء أنه تم إطلاق سراح الصحفى الإسرائيلى يوتام فيلدمان مراسل القناة العاشرة الإسرائيلية مساء اليوم الأحد، وقالت المصادر إن الصحفى أطلق سراحه من القاهرة ورحل عبر المطار.
http://www.youm7.com/News.asp?NewsID=204010

إطلاق سراح الصحفى الإسرائيلى المعتقل فى سيناء

lastcrazyboys said...

مواطن ..مواطن

انا عــارف ان انت بتاخد على خاطرك مني ..مع اني والله بأكن لك كامل التقدير ومش كده بس .والحب أيضـاً
أي والله الحب

!!..الله ..مش عشرة مدونات يا جدع

ماهي عشــرة مدونـــات

ومليـــانة بدومـــات


وآخــرها أخــدوا البراءة

و"نغني احنا .."ســلامات

هتقوللي ده كان صهيوني

وهقولك ده التعلب فات

!!.يعني سفيرهم كـان جــدك

ولا احنـــا ولاد خــالات

عارف فيه كم صهيوني

مترشق في الحــارات
...؟؟
وحيـــاة العشــرة يا صاحبي

.......أبـــونا الســقا

مواطن مصري said...

الحكومة تعترف باختراق الأجانب سيناء وشراء الأراضى والعقارات بمستندات مزورة
http://dostor.org/politics/egypt/10/march/21/10305

احمد سعيد said...

منك لله

شمس العصارى said...

هههههههههههههههههههه
يخرب عقلك على العنوان
ههههههههههه
بس التقرير العلمى الرائع ده يستحق و عن جدارة وسام النيل و يا سلام لما يبقى من ايد الريس نفسه
هههههههههههههههه
رغم ان ليا تحفظات على الاداء
يعنى مثلا طول المبارة الاهلى بيهجم من العمق الى اتقفل عليه
طيب ليه مش فتح على الاجناب ده حتى دفاع الجنرز ضعيف و بيشتت و بيغلط
يعنى ينفع فريق يبقى من غير جناحين
ينفع يبقى مكسور الجناحين و كمان يتهزم من فريق مغمور
طيب بذمتك لو الريس وضع الخطة كان بقا الحال كده
ههههههههههههههههههه
تكرر موضع طمع المصريين الكثير فى البوست
ولا اجد وصف اصف به طمع المصريين بعد كا هذه المطالب ... كل هذه المطالب و يطمعون فى الزيادة ... يطمعون فى عودة الرئيس سالما
ايه الطمع ده يا ولاد ال............
هههههههههه
محدش يأول انا اقصد يا ولاد المصريين
طمع فاق الطمع بشويات
بس لعلمك التقرير برضه ينقصه الكتير
لم يتحدث عن النيل
ولم يقل ان لو نهر النيل صلصة ... مش حيقضى الكوسة الى فى مصر
و لم يتحدث عن احلام الريس ذاتها
هل الى يعوزره الريس كله كويس
ولا احلام دى بت كلب و مشيها بطال
نلتقى بعد احداث 27 ساعة

سيد المعلمين said...

واااااااااا بيضاااااااه !

ميرا ( وومن ) said...

أنا بس نفسي أعرف حاجة

هي الناس دي بتعرف تنام أزاااي
طب مستحملة روحها أزااااااي؟؟؟
طب عايشة كدة بتلامة وهما عارفين انهم مكشوفين قوي قوي والناس كلها قرفانة منهم

إنـســـانـة said...

النتيجة اللى توصلتلها من خلال اللى حصل ده انى ما اسبش معهد وعالم البحار لوحده واسافر القاهرة تاني

الفراغ والوحدة بيعملوا أكتر من كدة .. الله أعلم لو فكرت أسافر تاني حيحصل ايه

حقك عليا يا نوارة امسحيها فيا المرة دي
ههههههههههههههه

سيد همام said...

ياريت المقاله دى تروح للريس مرسى علشان يعرف شلة المنافقين دول وعلشان ياخد قرار بعزلهم من الصحف القوميه اذا كان مرسى صادق

سيد همام said...

ياريت الكلام ده والمقاله الوسخه دى يشوفها الريس مرسى علشان ينضف شلة المنافقين من الصحف القوميه اذا كان صادق