Tuesday, 23 March 2010

عفوا قداسة البابا تاني

ماهو انا كل ما اتضايق منه اجيب له العنوان ده عشان عنوان سخيف
والبروتستانت دول كمان روافض؟ اه، عشان بروتستانت يعني المعترضون
يبقوا روافض
هي ايه الحكاية؟ 
يعني احنا قدامنا عدة اخطار دلوقت يا شباب لازم نتصدى لها
مبدئيا: النصارى عباد الصليب
ثانيا: الروافض الانجاس
ثالثا: البروتستانت الالتراس
رابعا: الجزائريين والامازيغ
خامسا: المتصوفة المبتدعة
سادسا: اي حد مش مصري
سابعا: اي حد ما يعجبكش
المهم ما يكونش اسرائيلي.. الاسرائيلي يتسلل الحدود ويرجع متشال على كفوف الراحة بعد اسبوع وكمان يعمل لك فضيحة بجلاجل براحته
اصلهم اهل كتاب، وربنا يوفق، ويتمم بخير ونعمل شكبة وكبت كتات، وربنا يسامحنا على الجيريمة اللي ع نعملها في الكون دي
والله يا قداسة البابا انا مش فاهمة ازاي يعني تبقى زعلان على الكراهية المتنامية من المسلمين للمسيحيين في مصر وزعلان قوي ان المسلمين بيقولوا على المسيحيين كفار وحضرتك بتحرم على مسيحيين انهم يصلوا في كنايس مسيحيين زيهم؟ 
احنا عارفين نلاحق على السلفيين المسلمين لما نلاحق على السلفيين المسيحيين؟

27 comments:

lastcrazyboys said...

ابلتشي..ابلتشي

معلش اصل انا نزلت اللينكات دي على " كتاب الوجه" ..مالقيتش تعليق مناسب

بصيت على ورقتـــك ..وغشيت منك

يلى ..يعني هي جت عالغش في التوبيكات

Ahmed said...

http://dostor.org/politics/alexandria/10/march/22/10500

عارفة في ناس تتمنى أمريكا تدخل مصر,,,, أنا أتمنى أننا في يوم من الأيام نكون استعمار ياباني. لأن أيام اليابانيين كان فعلا الشركة دي كل الناس عندها ولاء لها و مستعدة تضحي بأرواحها عشان الشركة تكسب و تعلى, مش شوية الممثليين النص لبة اللي عز جايبهم في الاعلانات.
اليابانيون أكتر ناس تقدر العامل و تديله حقه و تحببه في شغله, كان الواحد بيسخر زمان من نظام الساموراي اللي لو فشل يخلص نفسه من العار ببقر بطنه. و لكن لو تعاملت ما اليابانيين حتعرف أنهم أقدر ناس على انماء هذا النوع من الولاء.
فعلا ياليتني كنت يابانيا. يا رب يكون عندنا امبراطور ياباني أحسن من الطور المصري.

Ahmed said...

نرجع للبابا, طب انتي زعلانة ليه, الراجل حقه يزعل من ناس مخالفة لعقيدته و تسمح للرهبان بالزواج و تلغي الاعتراف إلا لله ,و لغى الوساطة بين الرب و العبد. انتي عايزة كل الناس تكون حبايب و هم مختلفيين في نفس الموضوع ازاي. العملية داخلة في رضا أو غضب الله, يبقى مينفعش فيها تسامح. هم بالنسبة له ضالون, يبقى لازم يحذر من خطرهم على الدين. أمال انتي بتسبي و بتلعني -و احنا معاكي- في القمني ليه, مهو بالنسبة لنا زي البروتستانت للبابا.
.
.
بالنسبة للروافض بردو احنا ليه نحبهم و ازاي, و هم مكفريين أمهات المؤمنين و الصحابة الأطهار. و لا نسيتي مقال أم المتسكعين بتاع الحيوان الكويتي, و ده مش تفكيره لواحده دي عقييييييدتهم, يعني بيعبدوا الله بها. طب انتي غضبتي لوالدتك من فترة بسبب بعض الناس, بتعيبي ليه علينا أننا نكره من يسب و يكفر السيدة عائشة. ده انتي قلتي في تعليقاتك على موضوع الحويني ده مرواش حديث عن السيدة عائشة, فرضا ان كلامك صح, زعلانة منه و مش زعلانة من اللي بيقولوا حادثة الأفك حصلت فعلا, طب أعقلها ازاي دي؟؟؟؟.

نعيب زماننا

جبهة التهييس الشعبية said...

هههههههههههههههه على انهي؟

جبهة التهييس الشعبية said...

نعيب زماننا

يارب انت والبابا تتجوزوا وتعيشوا في تبات ونبات

جبهة التهييس الشعبية said...

وملحوظة

انا باكره القمني لانه مش محترم ومش بيدافع عن وجهة نظره بشجاعة

خرع وجبان واول ما يتهدد يقول مش انا يا عمو

amr565 said...

كنت لسه حكتب برافو لصاحبة المدونة علي انها وضعت يديها علي نقطة غير معلنة كثيرا وهي تكفير الارثوذكس والكنيسة المصرية لكل من يخالفها في المعتقد وان هذا الامر ليس حكرا علي المسلمين فقط كما يروج له في الميديا والامر لا يقتصر علي الصلاة فقط بل ايضا الزواج لقيتها كتبه العك بتاع ان القمني زعلانه منه لانه لايدافع عن مواقفه بشجاعة واضح ان قلع القمني بلبوص في الطريق العام كما هدد لا يكفي الاستاذة لا يا اختنا نحن نكره القمني لكفره البواح اوبا اوبا انت بتقول عز يبقي انت اللي قتلت بابايا اويا تكفير اللي الان اصبحت تهمة واحد من الاخر كده قال النبي اختراع سياسي وهو مقتنع بكده في كل كتبه ده وضعه ايه بالضبط في الاسلام وعقبال ما يكفروه علماء السطان اللي لا يعجبوكي بالضبط مثلي يبقي حنقول في سرنا كده انه كافر ونحن لا نحبه لاجل هذا وليس لانه لا يدافع عن فكرته بتناحة كما تريدي يعني لو دافع عن فكرنه بغلاسة كان بقي تمام وفل الفل علي كده الشيطان في ذهنك واد مجدع وعترة لانه دافع عن وجهة نظره بسفالة نحن نكره في الله ونحب في الله ده احنا ولم نغصب حد يقلدنا

Ahmed said...

و مش معنى أننا عندنا مشاكل مع الشيعة يعني نحب اسرائيل,,, ده المذهب الحكومي الأعوج. مينفعش عشان الشيعة منيلين بنيلة يبقى نشجع اسرائيل عليهم. كل شيء و له مكانه المناسب و وقته المناسب.
لكن أيضا مينفعش نكون حبايب عشان هما بيعادوا اسرائيل.


كل واحد حقه يدافع عن عقيدته. يعني لو سيد القمني بيقول أنا ابن ستين و دماغي كدة و طز فيكوا لو مش عاجبكم ساعتها أحترمه!!!!
طب واحد بيطعن في ديني أحترمه ازاي, معاكي أحتقره لجبنه بس أعاديه لطعنه في عقيدتي بس لو بقى شجاع سأظل أعاديه و أكرهه دفاعا عن عقيدتي.
و إلا لو الحب و الكره بسبب الشجاعة, شارون حيكون أحب الناس إلينا, لأن شجاعته و استعداده للتضحية بفرقته رغم رفض جميع القيادات, هي اللي أدت لعبوره للضفة الغربية للقناة, في ظل التفوق المصري, و الذي أدى في النهاية لحصار الجيش الثالث.

نعيب زماننا

Ahmed said...

و ملحوظة: رحم الله صلاح الدين,,, نجى الله به أهل مصر من الضلال العبيدي.

السلام عليكم said...

فى نقطه انا مختلفه معاكى فيها ومش قادره افهمها

من اكتمال الايمان ان ندعوا الى الله بالحكمه والموعظه الحسنه والبابا شايف ان واجبه ان يحذر التابعيين له من الضلاللات فى نظره واحنا كمسلمين شايفيين اننا نحذر الاخوه المسيحيين من كونهم ادعوا للرحمن ولدا وقولهم هذا يكاد السموات يتفطرن منه

مينفعش نسكت ونقول لا كله كويس لكن يمكن الطريقه هى اللى بتفرق

انامش امشى فى الشارع واقول انتم كمسيحين كفره وانتم كشيعه كفره_ وليس لى ان اكفر الا من كفره الله _ لكن لن اتوانى فى ان ابين لهم ما اعتقد انه صواب والمستند على الادله من كتابى وسنه نبيىوعلى الله الهدايه فى النهايه

لورنس العرب said...

أولا: المذهبين غير بعض يبقى ازاي يخلي النصارى اللي تبعه يصلوا في الكنائس اللي تابعه لبابا روما؟
راجعي التاريخ، كانت اسباب الاحتلال الروماني لمصر هو رغبة الكنيسه الغربية السيطره على الكنيسه الشرقيه في مصر
ولا تنسي ان أتباع الكنيسه الغربية في مصر متهمون بأنهم يستقطبون أبناء طائفة الارثوزوكس لكي يكونوا تابعين لهم
بالضبط زي الشيعه لما بيحاولوا يستقطبوا اتباع الطائفه السنيه
يعني مفيش حاجه اسمها مسلم وخلاص اهو كله اسلام، ولا مسيحي وخلاص واهي كلها مسيحيه
لأن ظهر ناس بتكفر الصحابه احنا مش تابعين لهم، وظهر آخرين بيبتدعوا في الدين واحنا مش تابعين لهم، وأحنا بنحب سيدنا عمر بن الخطاب وسيدنا ابو بكر الصديق والشيعه ليسوا تابعين لنا في هذا الأمر
وهو بيقول في الآذان اشهد ان علي حبيب الله وانا لا أقول هذا الكلام
وغيره وغيره من الاختلافات التي تمنعني أن أدخل حسينيات لو كنت في العراق وتمنعه هو من أن يدخل المسجد التابع لنا في السعوديه
ولهذا السبب مستحيل كلنا هانبقى حبايب عشان ماينفعش

ثانيا: بالنسبة للإسرائيلي الذي تسلل الحدود، عندك حق في كل كلمه قلتيها، ولكن لا تنسي اننا دوله ليست بالقويه، أمريكا نفسها لا تستطيع أن تقف في وجه اليهود أو أن تمس شعره منهم
واخيرا: ما الذي يضرك من قول أحدا انه تابع لأهل السلف؟
هل هو عيب ام حرام؟
وليه مش عارفه تلاحقي ما يقولوا على أنفسهم سلفيين؟
هما أصلا عملوا ايه للناس لكي تستجيري منهم؟

mUsLiM said...

انا لى فى الحقيقة بعض الملاحظات على هذا الموضوع

أولاً: لا يجوز أن نقول قداسة البابا لأنه فى عقيدة المسلمين لا قداسة له، والقدسية إنما تكون للقدوس وحده جل وعلا وليس لأحد غيره

ثانياً: النصارى فعلا هم كفار فالموضوع يوحى باستنكار هذا القول

ولا عيب أن نقول هم كفار وهذا لا يتنافى مع كونهم أهل كتاب

قال تعالى (( لم الذين كفروا من أهل الكتاب والمشركين منفكين حتى تأتيهم البينة ))

وهذا من بديهيات العقيدة الإسلامية ولا يخالف فى ذلك عالم شرعي من لدن آدم عليه السلام وحتى يومنا هذا

ثالثاً: النصارى هم فعلا عباد للصليب فهم يسجدون له ويعبدنه فى صلواتهم ولا قدح فى ذلك لهم بل هذا من صميم عقيدتهم

رابعاً: جماهير أهل العلم لا تكفر الشيعة على عمومهم فالتكفير له ضوابط وأحكام يعلمها أهل العلم جيداً وذلك بعكس النصارى فليست هناك طائفة من النصارى إلا وتكفر الأخرى

وأى مطلع على عقائد النصارى يعلم ذلك جيداً فهم فيما بينهم يختلفون فى أصل وأساس العقيدة وهى طبيعة المسيح عليه السلام ومشيئته سواء كانت ناسوتيه أو لاهوتيه إلى آخر هذه الخلافات القديمة العتيقة بين طوائف النصارى

فهل مثلا سبق وأن رأينا أو سمعنا عن لقاء بين بابا الفاتيكان وبابا الأرثوذكس فى مصر ؟!!

لا بالطبع ولا يستطيعوا ذلك

فبابا الفاتيكان على استعداد أن يقابل مشايخ المسلمين جميعا ولا يقابل بابا الأرثوذكس فى مصر

خامساً: فى المقال إساءة للسلفية وإساءة مبطنة للشيخ أبو إسحق الحوينى دونما داعى ولا سبب وهو ما يخالف آداب الحديث الجيد

والله المستعان

السلام عليكم

طيف بدر said...

أحمد ... نعيب زماننا ... نرفع لك القبعة

اسد الجيزة said...

هو حر في عقيدته لكم دينكم ولي دين ندخل لييه احنامالنا لو شايف انيكافر وهو بتاكيد شايف كدة مش امكسكة اعلقوا من عراقيبوا لكني مطلوب مني ان الزموا بعدم التعرض لعقدتي ولا ليا قل يأيها الكافرون . لا اعبد ما تعبدون .ولا انتم عابدون ما اعبد ولا انا عابدتم ماعبدتم . ولا انتم عابدون ما اعبد لكم دينكم ولي دين

وبعدين انا مش فاهم السلفيين تعبينكوا في ايه السلفيين اكتر ناس مضطهد وناس بتزج ف السجون والمعتقلات وبيتحاربوا في الاعلام والصحف وطالع الي خلفوهم فانكتم مش عاوزين تبقوا سلفيين ولا تقفوا جمب يبقي سبوهم في حالهم بقي كفاية عليهم الاعلام والامن

اسد الجيزة said...

علي فكرة انا عندربنا الدين هو الاسلا م والاسلام الصحيح هو ماكان عيه الصحابة والنبي صلي اله عليه وسلم انا مطالب بدعوة الغير الي ديني وبدعوة المسلمين الي الاعتصام بالسنة وفي نفس الوقت مطالب اني انقض مذاهبهم واديانهم لكني مطالب اني احترم ادميتهم وكل سنةوانت طيبة

زقزوق said...

برافووووو مصعب

مش فاهمه said...

ادى اخر معارك السلفيه ضد الوسطيه و هى اقالة الشيخ القرضاوى من جمعيه البلاغ القطرية منتهى الجليطه و اساءة الادب و الجهل مع الشيخ الجليل
بجد حزينه جدا لشقوط صرح من صروح الوسطيه و ربط الدين بالدنيا و تقدير لدور المرأة و ووعى بدور الأخوة المسيحيين فى حياتنا و ضرورة الجهاد و الخروج عن الحاكم الظالم كل ده انتهى بقرار و بجرة قلم انتهى باقالة القرضاوى ربنا يستر على اللى جاى

جبهة التهييس الشعبية said...

ممكن اعرف السلفيين بييجوا عندي ليه؟

ده انا ما باكرهش في حياتي قدهم غير اسرائيل بس

جمال مالك..)* said...

مش عارف متي هو زار مصر من فتره وسجد وقبل الارض وقالوا عنه متواضع هي اصلا مش تواضع هي رساله ل صلاح الدين ل قد عدنا
ياصلاح الدين..



حقيقه الا اومن ان هناك دين اخر غير الاسلام وان الدين الحق عند الله الاسلام ومن يرا ان هناك اديان اخر وهل كتاب وخرابيط فل يصححوها لنا ولنعبدها ماهي اصلا في نظرهم انها حق بس مجرد تحريف فيها.
ويجوز ماكلتهم ويوتمنوا واشياء اخر وكل من يقول هاذا هم من يكفر الشيعة.

شمس العصارى said...

اممممممممممممممممممممممممممم
ـــــــــــــــــــــــ
على الهامش
1-الكنيسة دولة داخل دولة
2- منصب شيخ الازهر سياسى
يعنى لو جابوا مين حيروح يسلم و يقول الكلام ده برضه
ــــــــــــــــــــــــــــ
الا مين شيخ الازهر و مين البابا فيهم
هههههههههههههههههههههههه

شمس العصارى said...

قلنا كتييييير نخلى بالنا و احنا بستشهد بايات القرآن
يا اخ مسلم صلح الاية

lastcrazyboys said...

والنبي يا استاذة ..تعلني اتبــاعك للمنهج السلفي ..عشان نخلص من الضغط

وتعلنيها صــراحة تكفيرك لكل من لا يربي دقنــه ..ويلبس جلابية بيضاء قصيرة ..ومن لا يقضي تلات اربع دقايق بعد ما الامام يكبر ..وهو عمال يتســوّك " وهو لازق بقه في ودان اللي جنبه"..واي حد ما يتخللش حديثه كلمات عطرة زي : الاخـــوة ذهبوا ..الاخــوة جم..والله المستعان ..ونسأل الله السلامة..الخ الخ


يا جدعاااان ..والله احنا ما بنحبش نستفز حد ..ولا نجرح في حد ..بس اللزقــة دي حرام بصراحة ..
وبعدين مش انتوا اتفقتوا ان الست "رافضيــة " ..و"رأس الرجاء الصالح "" قصدي رأس المنافقين

الرجاء يا "اخوان " عدم خنق الاجواء بالاراء ذات الروائح المزعجـــة

وشكرا لتعاونكم

مواطن مصري said...

بس الي اعرفة ان اقدم كنيسة في العالم هي الكنيسة المصرية

على حسب كلام يوسف زيدان ان الكنيسة الشريقة كانت بتتحكم من الاسكندرية حتى بلاد الحبشة في اثيوبيا دة قبل الانفصال

و ان الاسوذكسية زي اهل السنة و الجماعة كدة او عاملين زي السلفين

البروتستنات الي اعرفة عنها انها كنيسة تابعة للصهيو أمريكية و انها بتسمح ل الطلاق عادي يعني مش شرط على الزنا

انما الاروسذكسية لا تسمح ب الطلاق في حالة علة الزنا

نسيتي نضيف الي قاءمة اعدائنا الالتراس الاهلاوي

هاتجنن said...

بقيتي مستفزة جدا جدا
وبتفقدي الحجة والمنطق
في احوال كتير

صوت من الجنوب said...

السلفية هم من يتلمسون خطي النبي صلي الله عليه وسلم

أكيد اللي يكرهم ..خاسر

جبهة التهييس الشعبية said...

لاست كريزي بوي

ههههههههههههههههههههههههه

ده انا جالي كمان ابطال معركة الجزائر الغراء

هو معركة الجزائر لها صلة بالسلفية؟ ايه اللخبطة دي؟

هم حاضرين في اي خناقة وخلاص يعني؟ حتى لو خناقة مسيحيين مع بعض؟

عم مينا said...

ده حدث تاريخي.. نسف السلفيين اللي كانوا بيتهموا البابا شنودة بقيادة المؤامرة التنصيرية الصهيونية الإمبريالية علي الإسلام دلوقتي بيدافعوا عنه؟
كل ده علشان بيمنع الأقباط من انهم يخشوا كنايس البروتستانت؟؟
طب بما انها سهلة كدة.. أنا ممكن أحببكوا فيه أكتر.. هو مش بس بيمنع الأقباط انهم يروحوا كنايس تانية.. ده كمان بيمنع غير الأقباط انهم يتناولوا في كنيسة قبطية..
و الموضوع ده أنا شفته بعيني كذا مرة.. يعني يكون الواد من دول واقف في الطابور مع الناس علشان يتناول.. أول ما يوصل الكاهن يحس انه مش من النوع الحلوف.. يقوله انت من كنيسة ايه يابني؟ الواد يقوله أنا أصلا كاثوليكي.. يقوله ما لكش تناول عندنا..