Wednesday 31 March 2010

عصيدة قصماء بمناسبة عودة الفحل

جابهالنا محمود صابر على التويتر

بس يا ترى مين الشاعر عبد اللطيف احمد فؤاد ده اللي كتب الشعرم البليخ ده كله؟ انا فيه بيوتات شعرم عجبتني فحت، ملوناها بالازرق من كتر ما بهرتني

يعود الرئيس يصل القمر

تصل الشموس مع المطر

يهبط ملك البناء والثمر

مبارك اليوم أمير الأعياد

يا ساكن شريانى وفؤادى

يا سُكّر ونور الدلتا والوادى

الناس إلى المساجد تجرى

ولسلامتك تحمد الله وتصلى

يا مبارك يا عاصمة العطاء

ندعوا لك عند نوم الصباح

وندعوا لك عند نوم المساء

فاستجاب للدعوات القضاء

يا ناثر على الكون الضياء

فراشات ارتدين أحلى الثياب

للقاء أجمل الصقور والأحباب

يا أزهار انطلقن إلى المطار

وأسرعوا قبلهم يا كل البحار

معى لنستقبل رئات الديار

قلوب غردوا لرافعنا للسُحب

فعن صبره أكتب آلاف الكُتب

اليوم عيدك يا بلد اليوم عيد

فعاد الحكيم بعد غياب ٍ مديد

افرحوا يا ملايين الكواكب

فقد شفى الله أمير العجائب

يا طويل البال وأسد الرجال

يا منقذ العرب مِن الأدغال

يا حافظ مصر مِن الغيلان

يا مصر تشرق شمسك الآن

يا مصر تُورق أفراحكِ الآن

يا بلادى يَغرب حزنك الآن

يا شعبى يا سلطان الأزمان

أجد مبارك مع زهر القيروان

وفى الأرجنتين وفى أسوان

وفى كل كبدٍ وفى كل مكان

يا مبارك المدارس تناديك

يا حبيبى النسائم تلاغيك

و كل الريف قلوبه تناجيك

وبكل غالٍ وبالأرواح نفديك

فكم تحمينا مِن الموت والنار

وننتظرك فى مهبط المطار

وفى السماء وعلى الرصيف

قبل كبير الوزراء أحمد نظيف

فالحياة بدونك برزخٌ مخيف

وقبل بزوغ عائلتك الصغيرة

ننتظرك بأندى الورود الجميلة

بعد الرحلة القصيرة الطويلة

لو نملك البواخر أوالطائرات

لذهبنا معك بألوف المليارات

ولكننا لا نمتلك إلا الكلمات

ولكننا لا نملك إلا المفردات

وسأكتب عنك بكل اللغات

وفى كل حياةٍ وبعد الممات
(ملحوظة: الشاعر يقصد بعد مماته هو طبعا)
كما يُسجّل تاريخ الحروب

اغراقك الأعداء فى الهموم

كما يكتب تاريخ العاشقين

أنك يا مبارك ضياء العيون

ثلاثون عاماً أجملها طلعتك

وكل الخلايا معك فى رحلتك

وكالرُسل أجروا لك جراحتك

وفى كل جسمٍ مفروشة فيلتك

وفى كل قلبٍ مُزينة شقتك

فأسرع لتنير قلوبنا أبا علاء

فأنت تسافر فى وريدنا كالدماء

فأنت تسافر فى وريدنا كالدماء
-------------
الله الله الله الله.. عظمة على عظمة على عظمة يا ست
وقد الهمني هاذوها الشعرم والهب قريحتي واليكم اسهامي البسيط في حب الوطني اللي هو مبارك طبعا:
مرحبا بك يا ابا علاء
نزلت اهلا يا مفور الدماء
قلبي شاليه في مرينا
ينتظر طلة اخينا
يا طويل البال والتيلة
دماغك جامدة وتقيلة
يا ملك الزهور والاشجار
قلب اعاديك مولع نار
يا سكر يا قشطة يا عسل
جمالك سيصيبنا بالخلل
يا صقر البلاد وختم النسر
ظهورك ملأ قلوبنا بشر
يا امير العجائب يا هيركليز
يا مفلس بنك باركليز
يا من هزمت عماشة في الادغال
سيبك من الحاسدين دول بغال
كشفنا راسنا ودعينا لك
والسعد اهو جالنا وجالك
وكما قال شاعر اشعر
وصلت الشمس مع المطر
والصبح بالليل الصبح بالليل
والفارة كلت كباب وركبت الخيل
سنكتب عنك بكل اللغات
بون جور بونسوار وبلح امهات
سيلفو بليه يا ريس
قول لنا انك كويس
ده كل الخلايا سألت عليك
والقنوات الدمعية بروحها تفديك
وطبلة ودانا جالها التهاب
لجل عيونك يا احب الاحباب
ولو نملك لدفعنا مئات المليارات
بس انت فلستنا وبعت حتى الغيارات
اي هاف تو ايز اي كان سي
قلقنا عليك وعملنا على روحنا بيبي
عملنا على روحنا بيبي
عملنا على روحنا بيبي

30 comments:

مواطن مصري said...

الله يرحمك يا متنبي

هههههه

دي تلميذة القط اكيد هههههههههههههههه

حسن على said...

سقط سهوا :بعد بيت "الحياة بدونك برزخ مخيف" البيت الذى يقول "والحياة معك بربخ مخيف اكثر!!!!!!!!!!!!!بس خلاص

حسن على said...

هو اللى كتب "العصيدة" يقرب لممتاز القط- لامؤاخذة- والا لماذا كل هذاالاستنطاع والمماحكة الشاذة؟؟؟؟؟؟؟؟؟

dr.lecter said...

يا كايداهم ياجامد انت

ahmad said...

الله الله
ايه الحلاوة دي
والجمال والجودة
ده انا بافكر انسف حمامي
علشان اعمل بقى بيبي براحتي
ياسلام ياباشمهندسي محمد حسني مبارك
ياملهم الالهامات
ومفجر الطاقات والقنابل والفيلات

بعد اذنك يانوارة حنشر القصيدة بتاعتك على كل حته اعرفها

عادل المصري said...

ممكن ادلي بدلوي في هذا الموضوع واقول ان مصر ستفقد شاعرا جهبذا يأتي بكلمات من جميع المهن فهو تكلم عن الشقق وهذا اعتقد تورية عن التهضة المعمارية في عهد الرئيس السكر التي تسقط فيها البلكونات علي الناس ثانيا استخدم كلمةالقيروان وهذا تذكير بمدي تأثير مصر ودورها العربي الذي لاينكره الاجاحد ثالثا موضوع الغيلان دا صحيح فلم يعد هناك في مصر غيلان وهذه حقيقة كانت في عهد السادات رحمه الله بعد الانفتاح اما في عهد الريس السكر ظهرت الحيتان والديناصورات مع ان مصر ليست مطلة علي المحيط وهذا يدل علي ان مصر في عهد السكر اصبحت مكان بحق للعجائب بس لو سمحت الشاعر استخدم مقولة نوم الصباح ماذا يقصد هل يقصد ان هناك اناس ينامون بالصباح زي العواطلية ولا ايه واستخدم كلمة الثمر اقصده ثمرة الطماطم ام ثمرة ايه عرفوني رحمكم الله من كل منافق وكل حاكم يظلم عنده الضعيف

Dalal and Laila said...

لا عزاء للمتنبي... هنسميها المتغبي يمدح زومبي الدولة
دلال

qrique said...

HAHAHAHAHAHAHAHAHAHAHAHAHAHAHAHAHAHAHAHAHAHAHAHA HILAAAAAAAAAAAAAAAAAARIOUS xD

سيد المعلمين said...

لن أُنافق – لأحمد مطر

نَافِقْ
وَنَافِقْ
ثمَّ نَافِقْ ، ثمَّ نَافِقْ
لا يَسْلَمُ الجَسَدُ النَّحِيلُ مِنَ الأَذَى
إنْ لَمْ تُنَافِقْ
نَافِقْ
فَمَاذَا في النِّفَاقِ
إذَا كَذَبْتَ وَأَنْتَ صَادِقْ؟
نَافِقْ
فَإنَّ الجَهْلَ أَنْ تَهْوِي
لِيَرْقَى فَوْقَ جُثَّتِكَ الْمُنَافِقْ
لَكَ مَبْدَأٌ ؟ لا تَبْتَئِسْ
كُنْ ثَابِتَاً
لَكِنْ .. بِمُخْتَلَفِ الْمَنَاطِقْ
وَاسْبِقْ سِوَاكَ بِكُلِّ سَابِقَةٍ
فَإنَّ الحُكْمَ مَحْجُوزٌ
لأَرْبَابِ السَّوَابِقْ
* *
هَذِي مَقَالَةُ خَائِفٍ
مُتَمَلِّقٍ ، مُتَسَلِّقٍ
وَمَقَالَتِي : أَنَا لَنْ أُنَافِقْ
حَتَّى وَلَوْ وَضَعُوا بِكَفَيَّ
الْمَغَارِبَ وَالْمَشَارِقْ
يَا دَافِنِينَ رُؤُوسَكُمْ مِثْلَ النَّعَامِ
تَنَعَّمُوا
وَتَنَقَّلُوا بَيْنَ الْمَبَادِئِ كَالْلَقَالِقْ
وَدَعُوا الْبُطُولَةَ لِي أَنَا
حَيْثُ البُطُولةُ بَاطِلٌ
وَالحَقُّ زَاهِقْ !
هَذَا أَنَا
أُجْرِي مَعَ الْمَوْتِ السِّبَاقَ
وَإنَّنِي أَدْرِي بِأَنَّ الْمَوْتَ سَابِقْ
لَكِنَّمَا سَيَظَلُّ رَأْسِي عَالِيَاً أَبَدَاً
وَحَسْبِي أَنَّنِي في الخَفْضِ شَاهِقْ !
فَإذَا انْتَهَى الشَّوْطُ الأَخِيرُ
وَصَفَّقَ الجَمْعُ الْمُنَافِقْ
سَيَظَلُّ نَعْلِي عَالِيَاً
فَوْقَ الرُّؤُوسِ
إذَا عَلاَ رَأْسِي
عَلَى عُقَدِ الْمَشَانِقْ !

ehabafndy said...

الظاهر بنت الوز عوامه

kholy said...

أكيد بييتريق
مش معقول بيتكلم جد

Soma said...

تجنني بتهيسيك العالي
انا بحبك قوي والله

Anonymous said...

ههههههههههههههههه
طب و الله عسل ، أنا بطلت اقرا الحاجات ديه علشان صحتى بتتأثر بسرعة . ربنا يهده صح و الله زي ما قال بعض المعلقين شكله يقرب "للقط" الله يحرقهم هما الأتنين و يريحنا منهم
بجد فقر .... فقر يعنى

taima said...

هههههههههههه ... يا ثكر يا عثل ايه الطعامه دي يا خواتي ..وقلبي شاليه في مارينا الله الله..مسا التهييس ... الله يسعدك يا نواره

الشاطر حسن said...

يا نوارة من الشعر اللي الفتيه اتأكدت دلوقتي بس من عدم صحة مقولة "ابن الوز عوام".. ماتعمليش كده تاني.. إلا الشعر
لا للتوريث:)
دعاء سلطان

amr565 said...

http://www.youm7.com/News.asp?NewsID=207960 اطلاق نار من مسيحي علي صيدلانية
المسيحي مسجل خطر ومعاه طبنجة مسروقة من ضابط وواضح انه بيتعاطي فكان مكن يقتل الصيدلانية او اي شخص بجانبها..كل اللي فات ده مش مهم لكن الاهم يفرق ايه بقي المسجل خطر عن الكموني هل لان الكموني عرف يقتل وده ابن كلب عبيط والاالكموني كان شيخ طريقة والا كان ملتزم والا كان بيركعها حتي زي الننوس بتاع الصيدلية والا علشان الكموني عمل عملته بجانب الكنيسة فاخذت صبغة طائفية وفي يوم عيد عند المسيحيين الاتنين مسجلين خطروالاتنين مجرمين وكان ممكن تكون مذبحة لان اللي يتجرا يقتل واحدة فميش استبعاد انه يقتل ستة فينك يا جورجيت فينك يا قانون العبادة الموحد فينك يا فتنة يا طائفية المسيحيين بيحبوا اللفظ ده اوي فين الولولة بتاعة كل مرة

Early bird said...

مبارك فى القيروان والارجنتين

واضح ان الصنف مضروب

ولماذا لم يذكر الشاعر الرنجه والفسيخ والملانه بما انه متاثر باجواء شم النسيم وجعل الازهار والاطيار فى انتظار مبارك على نار

هراء لا داعى له ..... said...

هو ليه منتجاتنا بقت كلها سيئة الصنع

حتى النفاق ...معادش بيتعمل حلو

القصيدة ضعيفة قوى على المستوى اللغوى و على مستوى الإمتاع
و كإن إللى كاتبها مدرس إبتدائية

الواحد الصراحة بقى بيستمتع بالحاجات دى أكتر من المسرحيات الهزلية

جـــــــر شـكـــــــل said...

قصيدة البنى آدم ده بحق هى أحد تجليات غلاء الحشيش وإختفائه

لذلك ولدواعى الحفاظ على الأمن القومى والحفاظ على السلامة العقلية لأهل المحروسة أطالب ببسط مظلة الدعم لتشمل دعم الحشيش

كما أطالب وزارتى الصحة والتموين بالقيام بحملات مفاجئة لضبط أصناف الحشيش المغشوشة

لأن إذا فيه ناس مرارتهم أتفقعت فبصراحة وبدون مؤاخذة قصيدة البنى آدم ده فقعت بيضانى

Sosso said...

حشيش فستك و لحمة ب٦٠ جنيه علشان مزودين عليه ديدان وفاكهة بالصرف الصحي ومية بالبيبي عيزاه يكتب ايه ما كل اناء بما فيه ينضح

شمس العصارى said...

عنده حق
وده بيتطابق مع الهتاف الشهير للجماهير
احه احه لا تتنحى
و الى يعوزه الريس كله كويس
ثم واحد بينافق و حيقبض نوجع دماغنا احنا ليييييييييييييييييه

إنسان said...

مش قادرة يا نوارة ... انت فظيعة :-)

Wild at Heart said...

looooool!

الدرويش المرووش said...

آآآآآآآآآآآه يا إسمها إيه دى

أيوه أيوه

آه يا ودانى يا أنا

عبد الله أسامه said...

الأستاذه نواره/ أدهو سيادتك لأبداء مزيد من التوازن غي المواقف حيث كنت دائما ممن يحملون آل مبارك وبطانته وزر تدهور أحوال البلاد ، والآن تنشرين قصيائد غزل فيه وفي عودته لتولي مقاليد الأمور وانقاذنا من المصير المجهول؟!
ياترى أين انت من جبهة المطالبة بالنغيير (د.البرادعي ومن حوله؟)

Unknown said...

انا في حالة لا يرسم لها

استاذ اسامة انت بتتكلم جد؟

انها طرفة

انها مزحة

انا باتريق

عبد الله أسامه said...

آسف يا أستاذه لسوء الفهم وأدعوك لزيارة مدونتي المتواضعة على عنوان :
noonalneswa.wordpress.com
وهي أقرب ماتكون لمجلة الحائط ، وأردتها على أكبر قدر من البساطة والأفادة

عبد الله أسامه said...

Source URL http://www.youtube.com/watch?v=PRUE1IN6CDc&feature=related
هذا رابط قصيدة للشاعر عبد الرحمن يةسف على موقع يوتيوب بعنوان "فقد
ت شرعيتك" يؤديها بنفسه (بمنتهى الأخلاص وصدق المشاعر)أرسلها اعنذارا عن سوء الفهم وسوء الظن

AMRMAX said...

اللعنه على اليموغرافيه

- أحمد صبحي - مصرى فى فرنسا said...

هههههههههههههههههههههههههه
بصراحه أنا لومكان مبارك أسجنه
لأنه نفاق عبيط وبرياله لدرجة مهينة جداًً
أذا جاء النفاق لي من أهبلى فأعلم أنها الشهادة لي بأني راجل مهزئن