Saturday 20 March 2010

هو انا بس اللي متغاظة من تعيين احمد الطيب؟

هو الازهر ان جنرال ما بيعملش حاجة، بس ليه اختيار واحد له تاريخ في انه فتح الحرم الازهري لقوات الامن اللي كانت مترددة تدخل وهو اللي اصر يدخلها وضيع مستقبل عيال صغيرة؟ مدام شيخ الازهر ما بيعملش حاجة كده كده، وموظف بينفذ اوامر، ما كانوا يجيبوا اي حد ينفذ الاوامر؟ وللا هو لازم ينفذ الاوامر ودمنا يتحبس من الغيظ كل ما نشوفه في ذات الوقت؟

13 comments:

MedZag said...

مع اني مبحبش ال judging
الا ان شيخ الازهر المفروض يكون شكلا شبه شيوخ الازهر

ماليش دعوة بعلمه وثقافته وقوته في الحق ان وجدت لكن الشكل ياناس

مش كده

الاخوة الماليزين اللي معايا كانوا حايعيطوا امبارح

شكرا

احححححح said...

انا متغاظ جداااااااااااااااااا على فكرة
عشان السبب اللى انتى قلتيه وانه مش بينفذ اوامر الامن ده كمان بيضيف علي اوامرهم من عنده ده ناقص شوية ويشغلوه معاهم
وكمان عمرنا ما سمعنا رأيه فى اى حاجه فى اى موقف فى اى ازمة منعرفش هيبقى زى اللى فات ولا هيبقى ليه رأى

ehabafndy said...

عندك حق و مش إنتى بس إلى متغاظه أنا كمان متغاظ زيك بالظبط بس فيه إيه دلوقتى ميغظش دا حتى د.أحمد الطيب مسمعناش إسمه فى الأسامى إلى كانت مترشحه و آخر واحد كان يتوقعة أى حد و بعدين دا مقعدش مفتى أكتر من سنه واحده و شالوه على طول يعنى أكيد كان فى سبب خلاه يتشال بسرعة كده بس الظاهر إنه حسن صورة مرة تانيه مع الحكومه بعد موضوع الأمن و الميلشيات بتاعة الإخوان

taima said...

مسا الخير يا نواره .. هو في اي شي ما بيحرق الدم يا خيتا ..وقفت على احمد الطيب ؟ انا دمي بينحرق لما بتزعلي ولما بعرف دمك محروق .. مش هلا يانواره اجلي حرقه الدم في كتير جاي الله يقوينا عليه .. على راي تميم البرغوتي .. يامن تصيحون يا ويلي ويا لهفي .. والله لم ياتي بعد الويل واللهفوووو...يا نواره الله يقويكي ويحميكي احنا عايزينك ما تزعليش

Unknown said...

مقالاتك فى الدستور خدتك من التدوين رغم ان مواضيعك فى المدونة أحسن بكتير من مقالات الدستور

NadimX said...

صباحو فل يا نواره..

هو الظاهر انو الليله ماشيه علي عسكره كل حاجه في البلد..

ابن زكي بدر بتاريخه الهباب يمسك التعليم و يطلع عيال تقول حاضر من غير كلام..

والغير طيب ده بتاريخه الهباب ايضا مع الأمن يمسك الدين و فتاوويه تمشي الكبار برضه يقولو حاضر..

ما فضلش غير الاقتصاد و الصحه يمسكهم ناس ليهم خبره مع الامن بحيث يبقى حزمنا الشعب و ظبطناه..

تقعدوا بالعافيه..

نديم..

عادل المصري said...

الشيخ الطيب ده من اعضاء المكتب السياسي للجنة السياسات بالوتني يعني احنا هنشوف فتاوي اكثر حماية لافعال النظام ويعطي لها صفه دينية انا خايف كمان يجيبوا بابا مسيحيي يكون في لجنة السياسات

احمد سعيد said...

هههههههه

ايوة

هراء لا داعى له ..... said...

واقعة الطلبة دى فعلا هتفضل دايما كدا محفوظاله بحروف من نار


بس أعتقد إنها معادتش فارقة ....أذناب السلطة يتشابهون

و بعدين يعنى ...شعب لذيذ و مسلى زى دا يستاهل

يعنى لما الأخ إللى ما يتسمى إللى قبله مات ....قعدوا يترحموا عليه و يستغفروله و ( يا بخته إندفن فى البقيع ...هو حد يطول ...دا ربنا كرمه أخر كرم )

و قعدوا يدعوله و كمان صلوا عليه

ليه ربنا ميعاقبهومش بواحد أسوأ منه و أكثر نفاقا و ظلما و تحبرا و خيانة

بالعكس دا العدل

كل شعب بياخد إللى يناسبه

و ربنا بيدى كل واحد على قد نيته و عمله و عملنا طيب ....و هناخد الطيب

312asdf said...

بغض النظر عن عيوب طنطاوي, إنما الراجل كان عالم أيضا. و لا أقول أنه لم يكن مداهن, و لكن ممكن كنت تستفيد منه في الدين أيضا.
إنما الطيب اللي هو حيكون اسم على غير مسمى موظف حكومي بحت. و حيكون أسوأ من لو اللي مسك الأزهر ضابط أمن دولة. و مش حتطلع منه بكلمة حلوة في الدين توحد ربنا,,, و المشكلة إن صعب جدا أن يلقب بالإمام الأكبر, مش مبلوعة و مش لايقة و هو لا إمام و لا يحزنون فضلا عن الأكبر كمان.
و الله حرام.
يوسف السباعي في أرض النفاق كان قمة في الحكمة عندما قال اللي اشترى حبوب نفاق أكتر هو اللي وصل لأعلى المناصب. و كلما نفاقك يقل كلما مكانتك تقل.

نعيب زماننا

amr565 said...

نتغاظ دي اقل حاجة ممكن تتقال لكن ليس لاختيار الشيخ احمد الطيب فقط وهو من هو ونعرف كيف تعامل في بعض القضايا بغلظة ولكن لهوان المسلمين وتدخل الانبا شنوده لعدم ترشيح علي جمعه كما قال عبد الاشعل في الرابط ده http://www.almesryoon.com/news.aspx?id=26191.... صباح الخير يا جدد

ولســـــــــــــــــــــــــــــــه
اومال لو مكنوش مضطهدني ومظلومين كما يصفهم بعض السذج من المسلمين الطيبين اللي نجح الاعلام الصليبي ان يجعلهم يشعرون بعقدة الذنب كانوا عملواايه مثلما تفعل الميديا العالمية مع الالمان لصالح الصهاينة وده خبر تظاهرة امام مبني ماسبيرو لان الاعلام لم يتفاعل مع مشاجرة مرسي مطروح واعتبروها مشاجرة عادية ولم يقولوا فتنة طائفية وطبعا كانوا عاوزين الاعلام يقول فتنة طائفية هما بيحبوا اللفظ ده وتقريبا كده حتحصل بجد وساعتها حيندموا انهم عرفوا ينطقوها من اصلوه ..طب سؤال هو مين الغلطان في موضوع مرسي مطروح مش القس والكنيسة التي تعدت وبنت سور لقطع الطريق والمسلمين هدوا السور وحصلت المشاجرة اهو كما قلت كل شهر او شهرين من ده طالما السذج كتير وبيجروا وراء عربيات الرش http://www.masrawy.com/News/Egypt/Politics/2010/march/20/Christian.aspx شوفوا تعليقات بعض المسلمين في الرابط وصلوها الي اين ..الحل تسليط الضوء علي تجبر الكنيسة والاعيبها لتوتير البلد كل شوية باي حجة مفتعلة ده الحل اللي حيمنع اي فتنة طائفية لان المسلمين مش في دماغهم اللي ببيحصل وهم في وضع دفاعي بحت واللي نازل هجوم ومتحصن بالخارج والداخل اللي قلقان من الخارج

Nemo said...
This comment has been removed by the author.
شمس العصارى said...

ازيك يا نوارة
منصب شيخ الازهر من عدة عقود منصب سياسى بعبائة رجل الدين ليس اكثر
و هو لنظام عاوز كده
عاوز شخص يقول حاضر و نعم و كله حلال وكله زى الفل و يقول انه بيقدم الاسلام الوسطى و يعمل حوار اديان و يزور الكنيسة
ادى مهام منصب شيخ الازهر
و مهما اختلف الشخص حيبقى المنصب كما هو
كما قلت سابقا
انها اشكالية مجتمع و اشكالية دولة تقول انها مسلمة و تفعل ما هو عكسها بلسان علمائها
يعنى من الاخر لو استوردوا شيخ من الصين او تايون او حتى من كوكب اخر برضه حيطبعوه على طبعهم
مش هما الى بيعينوا يبقى الولاء ليهم و ليهم فقط
متنسيش ان اى شخصية دينية محترمة و ليها اراء و ليها مواقف سليمة بيكون نصيبها الابعاد و الامثلة مش قليلة
يبقى متزعليش نفسك
اى شخص مش حيفرق فى المنصب ده حاليا
نلتقى بعد دور الازهر فى قيادة الامة