لا ومينا مستغرب قوي انهم قروا التقرير وما اخدوش اي اجراءات بالرغم من التقرير بيوضح لهم اسباب الفتنة الطائفية وكيفية معالجتها
ههههههههه والله ما فيه اغلب من العطيفي غير مينا نفسه، هم بيسألوه ايه اللي بيعمل الفتنة الطائفية عشان يشدوا حيلهم فيها شوية يا نبيه انت والعطيفي
---------
هههههههههههه احمد الصباغ ماسك محمود عبد الرازق عفيفي ستميت بوست عنه، كاتب ليستة باسامي كتبه ما عدا كتاب واحد الظاهر اتكسف يكتب عنوانه ههههههههههههه
57 comments:
سبحان الله
ان كنت لاتدري فتلك مصيبة
وان كنت تدري فالمصيبة اعظم
انا صوتي اتنبح خلاص من موضوع
من ان احنا عاوزين
قانون بناء موحد لدور العبادة
و تجديد الخطاب الديني
و منع الفضائيات المتطرفة زي الناس
و الرحمة و الحكمة
و الحياة بتاعت زكريا بؤلظ
انا خلاص زهقت مفيش فايدة
الظاهرة ان الحكومة فرحانة
بالقنوات السلفية
و سايبة المساجد للسلفين تسيطر عليها
و أغلب المسيحين بقو بيسمعو
لمنظمات الي لييها اجندات صهيو امريكية
في مصر و البابا شنودة راجل مريض الان
و ربنا يشفية
و الأزهر بعيد عن اللعبة دي
ولا حتى لية قناة معتدلة على الدش
الشعب بيتنفس حاجتين تدين ظاهري
المتمثل في نقاب
و لحية و جلباب و المسيحين
في التجمع لما يسمعو
اشاعات عن ظهور العذراء
و الكورة و اديها متشات كورة
يا المخدرات و الكيف بقى
اسمه ايه يا ترى الكتاب اللي اتكسف يكتب اسمه ؟؟؟؟؟
انا عرفت اسم الكتاب منك لما قلتيه سابقا
:))
هاهاها يا نوارة أنا مش مستغرب..أنا بس عاوز أعرف الناس دي بتنام ازاي بليل و هما سايبين البلد تتحرق كده.. الناس دي سابقت المشكلة تتفاقم لدرجة انه ولا ١٠٠ تقرير عطيفي هيحلها.. وقتها كان ممكن.. دلوقتي احنا محتاجين علي الأقل ٧٠ سنة علشان العلاقة بين المسيحيين و المسلمين زي زمان.. و أنا بقول ٧٠ سنة علشان و لا قانون بناء دور عبادة موحد و لا توعية و لا حاجة هتحل المشكلة.. الحل الوحيد ان كل اننا نستني كل اللي عايشين دلوقتي يموتوا و في نفس الوقت أي حد يتولد جديد ناخده و نحطه في مكان بعيد عن المجتمع علشان ما يخطلتش بالناس اللي موجودة دلوقتي
و خدي عندك أهه
http://www.youm7.com/News.asp?NewsID=200631
و علي رأي مينا ذكري:
"قلنا ١٠٠ مرة المومس المسلمة متنامش غير مع مسلمين"
هو التويتر خربان لية؟
يا جماعة اصحوا
اسرائيل ستهدم الأقصى و انتوا لسا بتتكلموا في الخرا ده.
معروف ان حكاية الفتنة الطائفية هذه وراها أمريكا و اسرائيل و يستخدمون المتطرفين الخولات في ذلك ليلهوا المسلمون و العرب عن قضيتهم الأساسية .
انا معاك ان الفتنة الطائفية مؤامرة خارجية
بس نعمل ايه؟
نتجاهلها؟
اذا كانت وصلت للشارع
مدام وصلت للشارع يا اخي يبقى حاجة من الاتنين
يا الامريكان والاسرائيليين واصلين للشارع
يا الحكومة بتاعتك اللي بقالها سنين بتخدم على الفتنة امريكية واسرائيلية
يا اما بقى الناس هم اللي بيشتغلوا لصالح اسرائيل؟
ماهو دول ناس عادية مواطنين يعني
نوارة ياريت تنشري المقال بتاعت استاذ ايمن شويقي ف ايوم السابع وتويتات عن الموضوع باعتبار الوحيد الشاهد علي الموضوع وبعدين انا عاوز اتكلم علي حاجة تانية في ناس بتستغل حكاية الفتن الطائفية ديه من اجل ضرب التدين والالتزام والدعوة في مصر زي ما كانوا بيستغلو ا زمان حكاية الارهاتب للهجوم علي الالتزام والتدين يعني انا مش عارف دا خلاف علي اراضي والاقباط تعدوا علي اراضي غيرهم ايه دخل داا بالفضائيات الدينية يسيدي ربنا يكتر الفضائيات الدينية
انتم عايزين ايه بالضبط
المسحيين عايزنها دوله مدنيه على كيفهم فيما يخص المسلمين ميدرسوش قران والخطاب فى الجوامع يبقى منضبط على كيفهم ويخدمهم اما الكنائس فتتبنى كالقلاع والخطاب التحريضى على ودنه ولو واحده اسلمت يخطفوها ولو واحده اتنصرت يعتصموا فى الكنائس علشان يحموها
كل الكلام اللى بتقولوه هو اللى بيعمل الفتنه ويخلى الناس الجهله اللى حتى بميركعوهاش يتمنوا يخلصوا عليكم و يتحرشوا بيكم
يا ريت يا عم مينا يبقى فى قانون موحد لدور العباده كده نضمن ان الكنائس تتفتش زى االجوامع ونتغلق بين الصلوات واللى بيقوم بالخطابات التحريضيه يتم اعتقاله زى المعتقلين من الشيوخ المسلمين
انتم عايزين تبنوا اسوار وقلاع والناس مثلا حتسكت لكم ولما يضربوكوا ترجعوا تعيطوا وتقولوا متهضيين وعايزين دوله مسيحدنيه
وبعدين واضح ان الاخوه المسيحين مبيعرفوش يصلوا مع بعض لانى ملاحظه ان كل همهم بناء الكنائس وكل كنائسهم واسعه وان الرهبان مثلا فى الاديره بيستولوا على عدد كبير جدا من الافدنه التابعه للدوله ويبنوا حولها سور
وبعدين انا باركب المترو خط المرج تقريبا فى كل محطه على خط المترو كنيسه ومش اى كنيسه دى حاجه كده ضخمه عملاقه كل ده وبناءالكنائس فيه مشكله امال لو كان سهل كانوا عملوا كنيسه لكل مواطن
أنا نفسي أفهم التشريح العقلي لمشعلي الفتنة الطائفية. ما أنا و واحد صاحبي مسلم ممكن نتخانق لنفس السبب الي يتخانق فيه واحد مسلم و مسيحي. ليه في الأولى الناس بتتجمع عشان تهدي النفوس و تصالح و ممكن يكون منهم مسيحيين, و في الثانية يلبس كل طرف عدة الحرب للأخر, فين العقل و التفكير قبل التصرف.
يمكن المسلمون بيطلعوا عقدهم من أمريكا باعتبارها اللي ابتدأت في مصر حكاية لجان الكونجرس اللي تيجي تناقش حالة المسيحين في مصر. مش قادرين على أمريكا يطلعوه في اللي هنا. هل أصبح المسيحيون يستغلون خوف الحكومة من الفتنة الطائفية بيتبلطجوا على المسلمين و معاهم درع الفتنة الطائفية. لنا واحد معرفة كان مأجر لمسيحين و مش عايزين يخرجوا بعد عقدهم و هددوا لو حاول حاجة غلط معاهم حيلبسوه في أمن الدولة و انه بيشعل الفتنة الطائفية, أما المحامي بتاعه قبل ما يبعت لهم بلطجية بلغ أمن الدولة أولا أن في مشكلة و ممكن تتصاعد بس هي خلاف عادي ملوش علاقة بالفتن
و الحكاية بتاعة عم مينا دي, يعني بت بنت ستين و عيال ولاد سبعين أهاليهم مربوهمش, فجأة تتحول المومس لشهيدة الشرف بين المسلمين و الزناة للأبطال الفاتحيين للمسيحين, هو خلاص مفيش دماغ عاقلة تفكر بمنطق في اللي حصل و انه مالوش علاقة بالدين لأن بكل بساطة الدينين ينهون عن هذا الفعل.
كلنا عارفيين أن المؤمرات الخارجية تساهم في اشعال الفتنة الطائفية و لكن نحن من يحمل البنزين, نفس ماركة بنزين مصر و الجزائر بنزين 65 المزنخ و هما كل اللي مطلوب منهم عود كبريت و احنا كمان اللي حنولعوا.
أسد الجيزة: اللي بيتكلم مواطن مصري, متخافش مع الوقت حتتعود عليه.
نعيب زمنا انت مش شايف بقيت تطاولو تقل في ادبك
يا ريت تتحترم نفسك
عند رأي مختلف بناء محترم قولة
انما تقل في ادبك انا لا أسمح بدة
و انا محبتش أرد عليكفي الموضوع السابق لأني أترفع عن الصغائر و مش بنزل لمستواك
السلام عليكم
انت و امثالك من المسيحين المتطرفين بيقولو نفس الكلام
المتطرف المسيحي بيقول هيعملو دولة اسلامية
و المتطرف المسلم بيقول هيعملو دولة مسيحية
مع ان دة لا هيوصل لللحكم والتاني لا هيوصل للحكم
السلام عليكم
أنا معنديش مانع يقفلوا الكنايس ما بين الصلوات.. يمكن ده الحل الوحيد علشان المسيحيين يطلعوا من التقوقع اللي هما عايشين فيه ده..
قانون موحد لدور العبادة و اللي يمشي
علي الجامع يمشي علي الكنيسة
بالنسبة للمؤمرات الخارجية.. فأكيد الوضع الداخلي المصري بيتأثر من الخارج.. بس يا ريت مش كل حاجة نرميها علي أمريكا و اسرائيل.. الفتنة الطائفية دي احنا اللي زرعناها.. مسلمين و مسيحيين.. و مفيش حد تاني هيحلها غيرنا
اروح انا بقى اعمل عبيط وبلاها سفسطه كدابه احنا يا حبايب عاوزين مجتمع عقلانى علشان نقدر نتغلب على الطائفيه الواد الشاطر الامور بيقولوا له فى الكنيسه دى مصر بلدنا اصلا والمسلمين دول دخلاء وطبعا ميقدرش يعارض ابونا والراجل البركه فى الجامع عمال يقول دول كفار والواد مش هيقدر يعارض ابونا الشيخ خدوا بالكوا ان الاتنين ابونا اصلهم بيفكروا زى بعض يروح الديل ابن الوسخه اللى ماسك امنها يولعها بين الاتنين علشان ايه علشان يفضلوا هما راكبين ويخدموا اسيادهم فى البيت الابيض على قفا ودم اهلنا وكل دا سببه اننا احنا مجتمع لا عقلانى ومينفعش نمشى ونسال ونعارض ابونا الشيخ ولا ابونا القس
يا بنت والدى ايه دخل القرد فى الموضوع واذ هالبت مانتى عارفه ان دا واقع بيحصل وواضح ان الفكره مش واضحه باينى بقيت قرد فعلا ومش قادر اوضح افكارى دا اذا كان عندى اصلا عموما اصل قوام التفكير العقلانى النقد ولو فيه عندنا البتاع دا هنعرف نتناقش بعقلنا-اقصد نناقش ابونا الشيخ وابونا القس فى البلاوى اللى بيقولوها- قبل ما نرفع السلاح فى وش بعض حتى لو كان المحرض مش الحكومه بس دا لو المحرض الشيطان بذات نفسه مش هيعرف يهزنا والنبى تشوفولنا العقل راح فينا ولو مش لقيتوه شوفولنا الاستاذ احمد عقل حتى
شكلك كده منمتيش كويس بقالك كتير انا بادور اصلا عن حل للمشكله دى مشكلة اننا نقدر نفهم ان دى بلدنا كلنا وكل واحد مننا له فيها زى التانى حد يشوف الحاجه دى مالها ومالى كل شويه تقولى قرد قرد ياستى انتى شايفانى فى الجبلايه ولا ايه يا بنت والدى راجعى كلامى كويس بلاش تحرجينى قدام ذاتى
عم مواطن يا مصري سلامة صوتك من النبيح يا حاج. وبعدين ما تتفرجش علي القنوات الدينية علشان خاطر ودانك برضه ماهومش هيبقي انف واذن وحنجرة يعني . ماتجيب من الاخر كده وتقولنا انت عاوز ايه؟ عاوزنا كلنا نبقي ماشيين بشورت ونطرقع لبان ونبقي اعضاء في الحزن الوطني ولا شكلك مش قادر علي عش الدبابير اللي في بيتكم ده وعاوز مساعدتنا بدل ما كل شويه تنطلنا بدبور شكل؟
ززززززززززززززززززززززننننن
واحد معدي
انا لا عضو في الزفت الوثني ولا عاوزك تلبس شورت و تقلع
انا عاوزك تفوق و تعرف اللعبة ماشية ازاي
و تعرف ان فية صفقات شيطانية بتتعلب عليك و انت معمولك غسيل مخ
انت تابع و معندكش مخ تفكر بية
و يا ريت تحترم نفسك لأن الحمد الله
بيتي نظيف و شريف
و يا ريت تشوف بيتك أنت و تلم الدبابير الي عندك
بدل ما هما مرمين برة البيت
يا ريت يا انيوميس الي مسمي نفسك واحد معدي
لو اننت شجاع كنت دخلت و كاان يبقى عندك مدونة مش انسان جبان
تدخل تشتم من غير ما تناقش غير باحترام ولا الاحترام دة متعلمتهوش في بيتك
و اتعلمت على طول اللسان زي شيوخك
يا ريت يا انيوميس الي مسمي نفسك واحد معدي
لو اننت شجاع كنت دخلت و كاان يبقى عندك مدونة مش انسان جبان
تدخل تشتم من غير ما تناقش غيرك باحترام
ولا الاحترام دة متعلمتهوش في بيتك
و اتعلمت على طول اللسان زي شيوخك
تعرف يا انيومنس انا ممكن ابقى طويل اللسان زي ما اتعلمت انت يالي اسمك واحد معدي
اسب و اشتم الي مختلف معايا في الرأي
لكن أنا اتربيت على أحترام الأخر حتى لو مختلف معايا لما يكون بيتناقش بأدب و أحترام
مواطن مصرى انا طلباتى بسيطه جدا اننا نفعل الدين
الدين الاسلامى بيقول اننا نتواصى بالمسيحين ونعاملهم كويس والرسول عليه الصلاه والسلام بيقول من اذى ذميا فقد اذانىوفى نفس الوقت متنكرش ان فيه مسيحيين حتى العلمانيين منهم بينكروا ان المسلميين اكثريه وبيقولوا انهم محتليين من ايام الفتح الاسلامى
انا كمسلمه اه عايزه دوله اسلاميه على اصول الكتاب والسنه حاجه كده عامله زى ايام سيدنا عمر بن الخطاب عندها ياخذ الجميع حقهم ومش حينصلح حالنا الا بكده لاننا قوما اعزنا الله بالاسلام ان ابتغينا العزه فى غيره اذلنا الله
ودى حقيقه انكارك او انكاركم كلهم ليها لن يمنع بالفعل انها حقيقه
عم مينالو الكنيسه اتعاملت زى الجامع يبقى كده انت بتجيب ضرفها
لو الكنيسه اتعامت زى الجامع واللى بيحضر الصلوات فيها يبقى له ملف عند امن الدوله يبقى كده عال قوى
السلام عليكم
مش كل اللي بيحضر في الجوامع بيبقى له ملف عند امن الدولة
صحيح امن الدولة بيجند شيوخ عشان يوجهوا الناس
بس هو الكنيسة مستقلة؟ ماهو ممسوكة من رقبتها يعني
تفسر بايه ان الكنيسة بتجبر المسيحيين على التنازل عن المحاضر؟ يا ترى مين اللي بيقول لهم يجبروا الناس؟ الفاتيكان؟ ماهو امن الدولة برضه
برضه الوهم اللي عند المسلمين ان المسيحيين متسابين يعملوا اللي على راحتهم بينما المسلمين محطوطين تحت المراقبة ده وهم منبعه خوف ومش صحيح
الكنيسة تابعة للدولة وبتنفذ اوامرها ومش مستقلة عشان كل شوية تقولوا ما احنا جوامعنا متراقبة
وهم كمان كنايسهم متراقبة
واللي يوهمك بان الكنيسة لها اسرار ما تعرفهاش الدولة يبقى بيضحك عليك
مافيش حاجة بتعدي من تحت مناخير النظام المصري ابدا
اقول لك بقى
وحتى اتصال بعض المنشقين عن الكنيسة بامريكا برضه بعلم من الدولة وبرضاها ولو مش عايزة تمررهم مش ح تمررهم
عشان تبقى عارف بس
كله تحت السيطرة
وبعدين ما تقعدوش كمان تقولوا امريكا بتحاول تدخل في مصر
عشان انا لما باسمع الكلام ده باضحك والله
ههههههههه
ده على اساس ان نظام مبارك مش دلدول امريكا ولما تقول له يمين يمين وشمال شمال؟
بتحاول؟ بتحااااول؟
ده انتوا طيبين قوي وغلابة قوي
وبرضه الوهم بتاع النظام بيخاف من الكنيسة عشان امريكا
ده على اساس ان امريكا يعني مهتمة قوي ويهمها تاخد بالها من المسيحيين هنا
امال قتلت المسيحيين العراقيين ليه؟
امريكا ما يهمهاش غير الحفاظ على النظام الحالي والله لو بيعلقنا كلنا من رجلينا مسلمين ومسيحيين ما ح يفرق معاها
لانه اهم نظام في الشرق الاوسخ
عارف ليه؟
عشان بيحافظ على امن اسرائيل
فياريت بقى نفوق كده شوية، المسيحيين مش ضراير المسلمين ولا مبارك متجوزهم علينا ولا ح ياكلونا ياما ح ياكلونا
بس بجد الضغط يولد الانفجار والظلم بيرفع سقف المطالب لحد ما تبقى مطالب مش معقولة وترجعوا تقولوا مطالبهم مش معقولة
كتر خيرهم دول شوية وحيكفروا
وبعدين انا هنا على مدونتي فيه كام واحد سابوا تعليق خلوني قلت المسيحيين لهم حق يحبوا مبارك ويحسوا انه لو سابهم المصريين المسلمين ح ياكلوهم
اذا كنت انا اترعبت من تعليقات نزلت عندي من مسلمين وانا مسلمة امال هم يعملوا ايه؟ هو ليه ماحدش بيفكر انه يحط نفسه مكان التاني بس؟ خصوصا المسلمين سهل جدا يحطوا نفسهم مكان اي حد يعني ده احنا كفرانين شرق وغرب وطالع ميتينا المفروض نحس بغيرنا
عارفه ليه يا نواره امريكا انقلبت على مسيحى العراق
لان اخره خدمه الغز علقه وده اللى بنقوله امريكا علمانيه اوحتى انجيليه مسيحى الشرق دول ولا يفرقوا معاهالكنهم هم اللى مستقويين بيها والمتغطى بالامريكان عريان
التنازل ده من المسيحين مش بسبب ان القساوسه ممسوكين من امن الدوله ولكن بيكون له مقابل واظن حكايه وفاء قسطنطين اكبر دليل على استقلال الكنائس وما خفى كان اعظم ويكفى ان يلوح البابا شنوده بانه حيعتكف حتى تنفذ جميع مطالبه _كان زمان اما واحد يحب يسلم يروح الازهر ويعلن اسلامه دلوقت بيروح القسم ويجيبولوا قسيس علشان يقنعه بالعدول عن اسلامه_ وباقول لك ان زى مالمسلمين على قولك لا يقبلون الاخر ومستفزيين المسحيين برضه كده واكثروده مش فى صالح حد
وعلى فكره اللى بقتل او اللى بيهيج على المسيحيين مش شباب ملتزم ولا حتى خريج جوامع زى اللى حصل فى مرسى مطروح هم هناك عددهم قد ايه يعنى علشان يبنوا كنيسه ويسدوا بيها شارع زى الخبر ما قالوالناس اللى هاجوا عليهم اخوان يعنى ولا سلف ولا ناس عاديه
وامريكا بتدخل مع النظام ومن خلفه حتى تضمن ولائه التام وهى ضامنه ولائه لكن حتى لا تكون هناك اى خطوط حمراء وتضمن ان كل خيوط العبه فى ايدها
علشان احكم السيطره على اى حاكم مهما كان واطى لازم اسيطر عليه وعلى شعبه احسن ضميره يصحى او حتى يكون دوره انتهى زى ماحصل كده لبرويز مشرف يبقى يتشال فورا
مواطن مصري: أخبارك ايه
بس يا ريت اللي مترضاهوش لنفسك ماترضهوش لغيرك. نوارة اتكلمت عن الملحدين في مصر جبت سيرة الاخوان و قلت مهدي عاكف حينضملهم, طب الراجل عملك ايه عشان تتهمه أنه حينضم للملحدين. أيضا جبت سيرة مصعب اللي هرب من حماس طب الرجل لم يلحد ولكن أصبح نصراني دخل الملحدين ايه بحماس بمصعب, و أمثال مصعب حيخشوا مصر ليه م هما باعوا الليلة كلها. هي تلاكيك و خلاص
أيضا نوارة بتتكلم عن المرأة و القضاء حولتها على حماس و فتح, طب انت بتطالبهم ليه بالمسئولية طالما أنت مؤيد للجدار. و المرة دي أنهي برنامج اللي شوفته على الناس و لا الرحمة له علاقة بالفتنة الطائفية, دعم كلامك بدليل كي يكون قابل للنقاش. بالمناسبة خالد الجندي فتح قناة اسمها أزهري ليست رسميا تابعة للأزهر و لكنها يفترض أن مقدمي برامجها أزهرية. أيضا الرحمة و الناس بهما شيوخ من الأزهر.
في الموضوع الماضي أنا عبرت عن رأيي, أنا كنت في الأول بأغلي و يعلى ضغطي لما أقرأ ردودك لكن مع الوقت طورت مناعة و بقيت عادي بالنسبة لي. هو ده اللي عنيته لا أكثر و لا أقل مفيش حاجة فيها قلة احترام لك, بردو ده فكرك و موجود و في منه و ربنا يعافينا
أقول لك حاجة أنا مش حجيب سيرتك بس ياريت متجيبش سيرة الناس دول غير لما يكون الموضوع عنهم يعني من ملحدين للاخوان و حماس حاجة تشل مش كدة
و بعدين حتة غسيل الدماغ, و ليه متكونش انت اللي دماغك اتغسلت و لسة منشفتش, هو كل واحد مش عاجبة دماغ حد يقولوا انت مغسول. و لو اقتنعت بأفكار أحد و أنتقيت منها ما يعجبني يكون هو قد غسل لي دماغي, ساعتها حيكون الاشتراكيين مغسول دماغهم و الليبراليين مغسولين و المسلمين مغسولين و المسيحيين مغسوليين, و مفيش حبل غسيل حيكفينا
و شكرا
نوارة
تفتكري المشاعر المتبادلة من الاحساس أن المسلم حيقطع رقبة المسيحي و المسيحي حيصلب المسلم تنتهي ازاي.
أنا لا أتكلم عن الناس المثقفة و أصحاب العقول. أنا أتكلم عن الناس العادية الغلابة اللي في القرى و الأماكن الشعبية و الناس اللي دماغها زي بتوع مصر و الجزائر و الحرب الشعبية اللي قامت بين البلدين.
أقول لك فعلا المسيحي من النوعية دي حاسس أن فيه ظهر يحميه و أنه يقدر يستقوى على المسلمين ما يفكرش في حتة السيطرة على الكنيسة التي قلتيها, و المسلم من نفس النوعية حاسس أنهم شوكتهم بتزيد و انهم عايزيين يعملولوا زي فرديناند و إيزابلا بس هو طبعا ميعرفهمش.
هم وصلونا لحالة الاستعداد دي, بس من غير مانولع في بعض. لما يحتاجوا يولعوها حرب ضروس بين أهل هذه البلد حيقدروا بضغطة زرار بس هم مش محتاجين ده الآن لوجود زير مان ان ايجيبت و لا نسينا انهم قالوا عنه كده.
يسلم فمك يا نوارة
مستقلة ايه و بتاع ايه؟
يا عم روح اتفرج علي الفيلم الوثائقي اللي الجزيرة عاملاه عن البابا الشنودة و اتكلموا فيه ان أما بيجوا يعملوا القرعة الهيكلية لاختيار البابا الجديد لازم النظام يوافق علي ال٣ أسماء المحطوطة الأول.. يعني ما ينفعش ييجي بابا الدولة موافقة عليه..
مفيش حد له الحرية يعمل اللي هو عايزه في البلد دي.. كلنا تحت جزمة النظام.. و لو فاكر ان النظام سايب الكنايس مفتوحة ٢٤ ساعة علشان بيموت في المسيحيين تبقي غلطان.. الموضوع كله.. ان بالتجربة سبت ان فتح الكنايس طول النهار مفيهوش أي خطر علي الدولة.. يعني مفيش حد بيتقابل في الكنيسة بالليل علشان يحضر لعملية ارهابية و لا انقلاب علي النظام.. العيال مقضينها بلياردو و بينج هناك.. بالعكس فتح الكنايس ده ميزة كبيرة للنظام.. لأن المسيحيين أعدين في الكنيسة ٢٤ ساعة مع بعض و مش مضطرين يتواجدوا في الجو العام اللي في البلد اللي هما حاسين ان مش مرحب بيهم فيه.. يعني لولا الكنيسة كان زمانهم اتخنقوا.. فبكده النظام ريح نفسه من وجع الدماغ
يا عم مينا انت بتضحك على نفسك والا علينا مقضينها بنج وبلياردو
فى الكنائس بيطلع مسرحيات زى بتاعه محرم بك بيقوم بالتمثيل فيها شباب زى اللى مقضينها بنج
تسمع عن حاجه اسمها الكشافه اللى عملوا عرض فى استقبال البابا والناس توجست منهم خيفه وقالت هم الجماعه دول قافلين على نفسهم وبيعملوا ايه.انا عارفه حتقول دول شويه عيال بيلعبوا بدل ما ينفجروا
والقساوسه اللى بيطلعوا يقولوا فى العلن ان المسلميين غزاه امال فى السر والدنيا مفتوحه لهم 24 ساعه بيقولوا ايه كل ده مش اشعال للفتنه ولا لازم اللى رايح والللى جاى يلطش فينا علشاننبقى متمدنيين ومش مشعليين للفتنه ومنسمعش كلام القنوات السلفيه الوحشه المحرضه
انا لى واحده صحبتى اعرفها بتقولى انا باحرص انى اعامل المسيحين بكل ادب واحترام ولو فيه واحده فى المترو كبيره اقف لها علشان لما تسمع فى الكنيسه ان المسلمين وحشيين يبقى صورتى ما تجيش فى ذهنها كمسلمه وحشه والست دى بقى لا سلف ولا اخوان ولا ليها فى الفيلم ده خالص لكن بتسمع عن اقباط المهجر وبتسمع عن المسرحيات اللى فى الكنائس وبتسمع القساوسه اللى بيشتموا فى دينهاوبتقول اذا كان الناس دول بيتبلوا على الاسلام يبقى انا بحسن اخلاقى اكون خير مكذب لهم
وبعديين انت راجل باين عليك كده علمانى ونفسك ان الكنائس تقفل علشان المسيحيين يختلطوا بالشعب ويبقى ليهم فى السياسه
امال ليه الجنان ده لمزيدمن بناء الكنائس ومعتبر ان الاسبب الاساسى فى الفتنه هوعدم وجود قانون موحد لدور العباده
حملة محاكمة رأس الفتنة كريه المنظر والرائحة على الفيسك بوك
http://www.facebook.com/group.php?gid=308920693779
تاني صاحبة المدونة رجعت تقول المسيحيين مظلومين ماانا قلت لهم ما هي مطالبكم رست علي كيس شيبسي من ابو تلاثة جني من الاخر المسلمون الجدد بيموتوا في جلد الذات وهم فاكرين ان كده قمة العدل كاني 1400 عام كانوا ظلم في ظلم ودايما المسلمون الجدد يقولك قبول الاخر قبول الاخر كاني الاخر ده لو كان مكان المسلمين حيهشتكهم وكاني الاخر ده لا يتحمل شخص اسمه ماكسيموس وبيكفروا بعض ولا يقبولوا بعض لكن الجميع بيتغاضي حتي تبقي تهمة عدم قبول الاخر احتكار للمسلمين زيها زي الارهاب مع ان المسلم الوحيد الذي يقبل الاخر لانه يقبل بكل الاديان السماوية وبكل الانبياء وبالرسل السابقة ورغم كده الاخر لايقبل المسلم ولا يعترف به كدين سماوي ولا كتاب منزل من المولي عزو جل وانه نبيه نبي كداب كبرت كلمة تخرج من افواهم ورغم كده المسلمون الجدد مش عاجبهم ولا يقدروا يوجهوا اي نقد للمسيحين ولو وجهوا نقد برضه بيظهر في صيغة دلع وذراء للرماد في العيون حتي يبانوا محايدين ووارد سويسرا ومن الاخر مش حيكون في ووائم وسلام الي ان يقتنع المسيحي من داخله ان المسلمون دول ليسوا غزاة وان اجدادهم مصريين اسلموا وان المسلمون اصلاء وليس دخلاء وان مصر دي بتاعتنا كلنا وليس كالاندولس حيجي يوم حيقدروا يخرجونا منها كما يحلموا لان ازاي انا كمسلم اكبر دماغي من المسيحيين طالما هما بيعتقدوا كده وبيرضعوا وبيتفطموا علي ان مصر دي بتاعتهم مش ناقصة طابور خامس يا مسلمون ياجدد جتكم القرف
وايه حكاية مولد سيدي العطيفي ده كمان
اخيرا عرفت المزة بتاعتنا(حسب تسمية المسلمة الجديدة لها) ماتت ازاى
اكيد من كتر لعبها البنيج بونج فى الكنيسة
عشان عملت بحث فى دودل لقيت ان اللعبة اشواطها كتير ومرهقة جداا
مبروك يا نوارة.. بقيتي من المسلمين الجدد
viva_egypt555
حدث خلط بينك وبين شخص آخر ينتهى اسمه بنفس الرقم
انت ماية ماية
amr565
ياصاحبي لا يوجد تعميم صادق
هناك انذال ينتسبون للكنيسة
وانذال يتترددون على المساجد
والقصة عند صاحبة المدونة هو تركيز على مفهوم ان الاكثرية هي الام والاب ويجب ان تراعى هواجس الاقلية وان تكون كريمة معها الى آخر حد
وهذا هي روح الاسلام التي جعلت الرسول خصيماً لمن آذى ذمياًُ
المسلمين الجدد هم المتنطعين القساة الغلاظ المسيرين بالريموت كنترول
وصاحبة المدونة يعود اسلامها الى عهد الرسول وبيعتها له كانت تحت الشجرة مباشرة
مواطن يا مصري
مين اللي شتمك يابني؟؟ هي دي شتيمه؟؟
تصدق يابني انت شكلك كده لسه عيل صغير في تالتة اعدادي
انا كنت هاردعليك لكن علي رأي نعيب زماننا ولا كاني شايفك
فية كتاب اسمه المسلمون الجدد
لقس بريطانى اعلن اسلامه من 9 سنيين
ولعها ولعها يا عم مينا
اما بالنسبة للانوميس المحترم فكلامك ممكن يكون صح لولا سخريتها من اختنا وفاءوهي لا تعلم هل هي حية ترزق ام شهيدة او تم تغيبها عن العالم فعندي الانسانية لا تتجزء اخي الكريم لان ممكن جدا نسخر من المناضل سمير القنطار بنفس سخريتها من اختنا وفاء قسطنتين فكما قالت انها مزة سهل جدا نقول علي ابو سمرة انه معبود المناضلات الالكترونينين لولا زينب البرجاوي خطفت الليلة منهم مع حبي وتقديري للقنطار طبعا لكن بكلمها من نفس الجهة اللي تفهمها ..هي فقط سخرت منها ومن ومحنتها لاننا نتكلم عنهاولم تراعي لا مشاعرنا ولا تستقيم تلك القسوة والللامبالاة مع انسانيتها المفرطة تجاة ماندو واندرو ومايكل وام جرجس وكل ما هو غير مسلم...للاسف ملو البلد فعلا ..
طبعاً أنا اللي بولعها
كلامكو كلكو طبعاً هدفه تعميق الوحدة الوطنية
لا يا عم مينا
كلام الناس دى هدفها انك تعرف وجهه نظر الاخر وتعرف ليه ان الناس دلوقت بقت مش مستحمله انت متبنى وجهه النظر المسيحيه وانهم مظلومين ومتهضيين فى بلدهم ماشى
اسمع بقى وجهه نظر المسلمين اللى بيسمعوا شيتمتهم بودانهم وحاسيين ان المسيحيين بيستقوا عليهم بالغرب
لعلاج الفتنه لازم تسمع من كل الاطراف لان فى الحكايه دى بالذات_ان كنت عايز تعالج _لابد من ان تضح الصوره كامله
amr565
نعيب زماننا قالها كلمة حكمة
أنا نفسي أفهم التشريح العقلي لمشعلي الفتنة الطائفية. ما أنا و واحد صاحبي مسلم ممكن نتخانق لنفس السبب الي يتخانق فيه واحد مسلم و مسيحي. ليه في الأولى الناس بتتجمع عشان تهدي النفوس و تصالح و ممكن يكون منهم مسيحيين, و في الثانية يلبس كل طرف عدة الحرب للأخر, فين العقل و التفكير قبل التصرف.
اختنا وفاء؟
وحساسيتنا تجاه اختنا وفاء؟
وملاين من اخواتنا في مشارق الارض ومغاربها اللي عايشين حالة مايعرف بها الا ربنا
ليه موش بنتعامل معهم بنفس الحساسية؟
احنا بنحول كل حاجة لماتش كورة وهاتيك ياتحدى
ولعها يا عم مينا بين المسلمين وبعض ده مقصدي انا شايلكم من دماغي خالص يا عم مينا اما حكاية الوحدة الوطنية دي فانا قلتلك طالما الغالبية العظمي منكم بيعتقد اننا دخلاء وان مصر بلدكم فقط ونحن ابناء غزاة وان مصيرنا مهما طال الزمن الخروج منها الي الجزيرة العربية وطالما معتقدين ان اقباط المهجر حتنفعكم بجانب اسرائيل التي استنجد بها المناضل القبطي مجدي خليل وطالما بتنادوا علي شارون في مظاهرتكم من اجل اي مزة تسلم علي راي السويسرية يبقي انسي حكاية وحدة وطنية دي وقطع عنوانها احنا يا عم مينا تم تجربتنا 1400 عام ولم نستاصلكم ولم نجيب درف الكنيسة في اي وقت طوال هذه المدة لكن لما نشعر ان في حالة استقواء بالخارج وان النوايا المبيتة غير المعلنة اهلا يا حبيبي اهلا يا عزيزي ده قبل عصر النت لكن لم شوفنا انتم بتفكروا ازاي وعاوزين ايه ورايكم فينا في مواقعكم ومنتدياتكم وسبكم للرسولنا فيها فهمنا ان 1400 سنة مش كفاية علشان تصفوا و تغيروا الملابس السوداء
الي الانومبس الطيب صحيح كلامك ليه كل مشكلة بين المسلمين والمسحيين النصاري والمسلمون الجدد عاوزينها فتنة طائفية وانزل سلخ في المسلمون ومن باب خفي الاسلام نفسه كمتهم مع ان اي نزاع بين عائلتين مسلمتين لا يقولوا فتنة قبلية مثلا وايضا عائلات مسيحية بتقطع بعض ولا يقوله فتنة ارثوذكسية مثلا لكن انظر من الذي صعد موضوع مجزرة نجح حمادي ودي تسميتها وليست فتنة طائفة ويحاول يصبغها بصبغة طائفية حتلاقي هم المسيحيين بجانب المسلمون الجدد وايدك والقبر من اليسارين وايتام الماركسية طبعا اما بالنسبة للاخت وفاء ده لان الوجع اتي واحنا في بلد الازهر بلد الاسلام وقلعته واللي سلمها مسلمون للكنيسة يعني هوان ما بعده هوان ولي ذراع وذل ما بعده اذلال ده اللي يفرق عن اي هوان في مكان اخر مثل اخوتنا في الضفة مثلا بيتم اسرهم لكن علي الاقل حجتنا وعجزنا بندريه ان دي بلد محتل واننا معذورن لكن ان يتم اسر اختنا وفاء هنا يبقي نروح نلعب بلاي ستيشن 3 ابرك واشرف
السلام عليكم
أيوة يا سيدي علماني و عاوز الكنايس تتقفل علشان المسيحيين يخرجوا بقي و يختلطوا بالناس و بالسياسة
بس ايه دخل ده بقي بمطالبتي بقانون موحد لدور العبادة.. هو أنا علشان مش بتاع كنايس يبقي أرضي بالظلم؟ أنا مش عاوز قانون موحد علشان تتبني ١٠٠٠ كنيسة.. أنا عاوز قانون موحد علشان المسيحيين يحسوا ان ليهم نفس الحقوق في البلد دي و زيهم زي المسلمين
أنا عاوز قانون موحد علشان مش كل يوم تحصل خناقة علي سور بيتبني من غير ترخيص
و علي فكرة أنا هنا علشان أسمع زي ما انت قلت.. بس فيه كام شخص هنا بيعلقوا كل مرة في أي قضية تخص المسيحيين و يقولوا نفس الكلام.. عندهم وهم ان فيه مؤامرة صليبية صهيونية أمريكية
ضد المسلمين و بيتزعهمها البابا شنودة
و كل مرة هما نفس الكلمتين وفاء قسطنطين و المظاهرات اللي نادت علي شارون و أقباط المهجر..
يا سيدي أقباط المهجر دول لا يمسثلوا الأقباط و لا هما و لا الزفت مجدي خليل.. يعني هو لازم كل يوم أول ما نصحي الصبح نطلع بيان نشتمهم فيه علشان نسبت ولائنا؟
و عمر ما حصل ان فيه مظاهرة قبطية طالبت بتدخل شارون.. اللي حصل ان فيه واحد من أقباط المهجر بعت مرة جواب لشارون علشان ييجي ينقذ الأقباط... خلاص بقينا كلنا عملاء علشان واحد ابن وسخة؟
و بالنسبة لوفاء قسطنطين يعني لو فرضنا يا سيدي ان فعلاً في القضية دي الكنيسة ضغطت علي الدولة و الدولة استجابت للضغط.. هل ده معناه ان احنا خلاص بقينا جامدين قوي؟ طب ما لو كنا واصلين قوي كده كنا ضغطنا في قضايا تانية أهم كتير في ٦٠ داهية وفاء قسطنطين..
كل الكلام اللي أنا رديت عليه ده قضايا فرعية .. المشكلة الأساسية و لا هي في بناء كانيس و لا وفاء و لا أقباط مهجر و لا مجدي خليل و لا شارون
المشكلة الرئيسية ان المجتمع بقي بيصنف الناس علي حزب دينها.. و علشان كده أما واحد مسيحي يغتصب واحدة مسلمة يروحوا يولعوا في بيوت الأقباط كلهم.. مش مهم بقي الأقباط أصلاً يعرفوا المجرم و لا لأ.. المهم انهم أقباط زيه!
أنا مش عاوز و لا قانون موحد لبناء الكنايس و لا وزراء مسيحيين و لا نواب في مجلس الشعب و لا تعيينات في الجامعات..
أنا عاوز انك تنسي اني قبطي و تعاملني كانسان
مينا
انا سايبة البوست ده عشان باتشتم في البوست التاني
انت حد زعلك هنا؟
انت عارف زعلك عندي خط احمر عشان انت ساحر لي وكده
هههههههههههه
هاهاهاها
لا متقلقيش احنا هنا كله تمام.. بنعيد تاني الكلام اللي قلناه المرة اللي فاتت
يمكن التكرار يجيب نتيجة
خليكي انتي في البوست التاني و الحويني.. أقصد الشيخ الحويني.. أحسن واضح انه طلع حاجة مهمة قوي و احنا مش واخدين بالنا..
بتقول نريد ان نعاملك كانسان تقدر تقولي في اي مستوي لا يعامل المسيحي كانسان هل مثلا في عربات مكيفة للمسلم في القطار والمسيحي عربات مقشفة وضاربها السلك هل مثلا في طابور العيش المسلم بيطلع رقمه القومي فبيخد العيش والمسيحي يفضل ملطوع في الطابور في التعيين الحكومي مثلا هل لما بيخدوا دفعة مثلا بيختاروا المسلمين والمسيحي يدولوا بصل وسكينة ويقعد يقشر في المصيف مثلا بيختاروا للمسلمين بيانكي والعجمي والمسيحي بيزحلوه علي الانفوشي بجد فين المشكلة والا هو شعور بالاضطهاد فطري كده عندكم اه في بعض التفصيلات والفروق وده حتلاقيها في كل حتة في شركات خاصة لا يتم التعين فيها الا للمسلمين او الاغلبية وكذلك في شركات لا يتم التعيين فيها الاللمسيحي وده افراز نتيجة الشحن في النهاية علشان لااطول عليك انت كمواطن مسيحي المفروض لا يعنيك الا العدل في الامور الحياتية والوظيفية والتعليمية الخ الخ فلو في تفرقة تكلم تكلم وانت في القلب تكلم يابن الشـــــــــــــــــــــــــعب لكن ان تنظر لما هو خاص بالمسلمين وتقولي اضطهاد مثل ميكرفون المسجد اللي بيسمع المصلين في الخارج او تقولي اريد حذف المادة التانية الخ الخ كده انت تعديت المطالبة بحقك وتريد ان تخفس حقي انا في ديني وشعائري وفي قصة حصلت مع سيدنا عمر بن الخطاب لما مسك الخلافة جاله واحد اعرابي كان في بينهم مشاكل ثار او قتل احد من اقارب سيدنا عمر فقال سيدنا عمر للاعرابي متخلنيش اشوفك واني مش بحبك فقاله الاعرابي وهل عدم حبك لي يبخسٍ حق من حقوقي فقال سيدنا عمر لا فقال الاعرابي اذا لاييس علي الحب الا النساء يعني طالما مش حتظلمني فميهمنيش تحبني اولا لان اللي بيهتم بالحب هو النساء فده بقوله لك ولا مثالك لان لو مثلا المسيحين كانوا اغلبية ومش حقول كانوا استئصلونا ولا حاجة ولكن كانت برضه بعض الامور حتفلت وده تلاقيه بين المسيحين وبعض يعني المسيحي الارثوذكسي يفضل الارثوذكسي مثله عن الانجيلي فالامور دي حتفضل ما بقت الشمس تطلع من مشرقها فهمني يا ابو الانسانية مش عارف يا اونكل محسسني انك مدحت صالح وعاوز تعامل علي انك انسان وعاوز تروح كوكب تاني وان اوانك كان لسه شوية.
سؤال قبل الاخير ما هي بنود قانون العمل الموحد يا انسان؟
السؤال الاخير انا تكلمت كتير عن المسيحيين اللي بيعتبرونا دخلاء واننا مش اصلاء ووارد السعودية او الجزيرة العربية واننا مصيرنا مهما طال الزمن الرجوع اليها وحضرتك يا ابو الانسانية رديت مشكوراعلي شي تاني خالص مستنكرا الخطة الشنودية للترانسفير لكن سؤالي ينصب علي المسلمين المصريين هل هم مصريين دخلاء ام ولاد بلد اصلاء في نظرك لاني تكلمت كثـــــــــــــــــــــيرا مع مسيحيين بس طبعا في النت والغرف الحوارية وكان رايهم بكل حقد وغل ما قلته سابقا لكن في الواقع في الحياة لا يستطيعوا ان يقولوها واهلا يا حبيبي واهلا يا عزيزي شغل انسانية يعني واهلا بك وسهلا انسان عم مينا
المشكلة يا انوكل انكم احترفتم مهنة الاضطهاد والشحتفة ومش بس كده الا وبتنظروا للامور بمنظار مكسور يعني انت الي الان مش معترف ان في ضغط حصل من الكنيسة لتسليم الاخت وفاء للكنيسة امال الاعتكاف والمظاهرات والتهديد بعدم الذهاب لحضور الاعياد والغاءها واتهامات القساوسة للامن بانه خدرها وانه متواطي يبقي ايه والله كان المفروض القساوسة دول يتحكموا لانهم وباعترافهم بعد كده انها لم تكن مخدرة ولا شي وفي الاخر تقول افرص مثلا مثلا يعني ان في ضغط تم من قبل الكنيسة مش بقولك منظار طائفي مكسور ومش بس القساوسة دول اللي يتحكموا كمان من اصدر قرار مد السور لكي يقتطع الارض في مرسي مطروح لانك والمسلمون الجدد كنتم حتفرشوا الملاية لو اامام مسجد عمل كده وزي ما صاحبة المدونة وضعا شيوخ الجوامع في دماغها وبتسال ليه بعد الصلاة بتحصل المشاكل لكنها تغاضت وبسهولة عن ازمة ولن اقول فتنة يا محترفي صنع الفتن ومحدش جاب سيرة القسيس ده ومسكوا في امام المسجد الشيخ خميس لانه تصد لذلك اهو بالمنظار ده حتفضل في مشاكل علي طول طالما القساوسة والكنيسة وشعبها مدلعين وفي كل مشكلة يشيل المسلمين الليلة فيتمادوا اكثر طالما محدش بيضرب علي ايديهم او علي الاقل يسلط الضوء علي توحش الكنيسة لكن لا الميديا والمسلمون الجدد يفضلوا ماسكين في المسلمين اللي غاليا بيكونوا رد فعل اه ساعات رد فعل عنيف بحكم انهم اغلبية وبينسوا الفعل نفسه او بيتناسوه فابشركم ان الموضوع ده حيتطول الي ان يفهم الشعب المضحكوك عليه من اعلامه القصة وزي ماا صاحبة المدونة بتقول في موضوع القدس ان طالما بتقولوا ان السادات كان صح فمفيش امل كمان انا بقول طالما مركزين علي اخطاء المسلمين ودائما بتطلوعهم هم المشكلة والداء وبتتناسوا الطرف الاخر او لا تجروء علي ان تواجهوه فابشروا بطول المشاكل بين المسلمين والمسيحين كل شهر او شهرين.
اما بالنسبة لمن نادي علي شارون لا يا انوكل من قبل موريس صادق تم ذلك في مظاهرات الكاتدرائية ايام موضوع الاسيرة وفاء قسطتنتين ويا شارون فينك فينك وهكذا
استدراك المقصود قانون العبادة الموحد
المدونة رائعة شكرا لك ..
شكرا على المدونة الرائعة
amr565
أنا مش هعد أرد علي نفس الكلام تاني
بس هرد علي نقطتين بس
أولاً كل مصري عايش في البلد دي هو صاحب البلد.. مفيش حاجة اسمها دخلاء و خرا .. كلنا أصحاب البلد دي و زي ما ليا فيها ليك فيها
أعتقد النقطة دي واضحة علشان مانرجعلهاش تاني
ثانياً أنا أما قلت عاملنا كانسان مكنتش أقصد اننا بيتم التعامل معنا بطريقة غير أدمية زي ما حضرتك فهمت
أنا كنت أقصد ان احنا بقينا بنتعامل علي الناس علي أساس دينهم مش علي أساس انهم في النهاية كلهم بني أدمين زي بعض و هو ده مربط الفرس
يعني عندي سؤال ليك و لبقية الأخوة اللي هنا.. انت تقدروا تتعاملوا في حياتكو مع ناس من غير ما تعرفوا دينهم ايه.. يعني لو افترضنا ان الدولة عملت قانون بيحظر استخدام الأسامي المسلمة أو المسيحية و معنتك حتي انك تسأل الشخص عن دينه.. و بقيت حضرتك مجبر ان تعيش في مجتمع ما تعرفش الناس للي انت بتتعامل معاهم دول مسيحيين و لا مسلمين.. هل دي حاجة تدايقك؟
حرد عليك يا عم مينا رد علي الواقف لاني نازل الان واشوفك الفجر وعليك خير انالم سالت عن موقفك من المسلمين المصريين لم اقصد الان لا تحاول ان تلعب معي الاستغماية لاني مدرب من كتر الاحتكاك والمناقشة علي كيفية الهروب من مثل تلك النقط انا سالت عن موقفك عن ما يقال علي ان المسلمين الان اصلهم دخلاء وانهم اعراب اتوا من الجزيرة وليسوا اصحاب بلد كما يقال هذا في ادببيات المسيحيين ومنتدياتهم وليس اننا في وطن واحد الان والعبوا سواء سواء كما تقول لان النقطة هي مربط الفرس عند المسيحيين لان المسيحي لو بيعتقد اننا دخلاء مستعمريين يبقي عمره ما حيصفي لنا ابدا والمستعمر مصيره ايه يا عم مينا مصيره الطرد والجلاء كون انت بقي عجبا ومتفرد او بتمثل علينا ده موضوع تاني لكني بتكلم عن ما يعتقده الاغلبية منكم لذا ياريت ترد عليا في النقطة بما تعتقده عن اصل المسلمين المصريين من وجهة نظرك اما موضوع عدم معرفة الدين والتعامل علي هذا الاساس يا انسان انت بتتكلم في ايه ده حتي في امريكا لازم يعرفوا ديانة ابن الوسخة اللي حيمسكهم ايه لاحسن يكون كاثوليكي زي جون كنيدي ودي غلطة ولن تتكرر ابدا وايضا في دساتير الدول الاوروبية لابد ان يعرف من سيتولي الوظائف المهمة ديانة امه ايه ده علي المستوي الهرمي لكن لو نزلت الي تحت من غير بطاقة ولا شي حتلاقي التعامل في امريكا مثلا بيخد شكل تاني هل انت من اصل اوروبي ولا اسيوي. لاتيني ولا اوروبي شرقي. روسي ولا صيني عريبي كف الله شر ولا هندي ولا زنجي اما عندنا فالموضوع مختلف لاننا وانتم متدينون في الغالب فلا يمكن الا يتم التعامل في بعض الامور وليس كلها الا بالدين يعني مثلا الارثوذكسي بيعرف البروتستانتي من غير ما يقول انا بروتستاتني او يساله بتروح كنيسة ايه بمجرد ان يتناقش معه في اي امر ديني تافه حتي حيعرف ملته ايه علي طول لانها تهمه كثيرا فكما اخبره الخطاب الديني الارثوذكسي ان الانجليين ذئاب خاطفة فاحذر منهم فاهمني ياابو الانسانية يعني لا تطلب لبن العصفور لان الموضوع ده عندكم مهم زي ما هو بالضبط مهم عندنا لو عاوز التغير بجد ابدا من عندك وعلي صوتك واقف قدام الخطاب الديني الارثوذكسي المتشنج وبعدها يبقي ليك حق تتدور علينا وتطالب ده براحتك لكن يا عم مينا هل معرفة الدين بتظلمك لو في ظلم يبقي فردي من افراد حتلاقيهم في كل بلاد العالم مثل العنصريين في اوروبا وليس منهجي مؤسسي وطالما انت بتقول وبتعترف انك مش بتقول ان المعاملة بتكون غير ادمية فياريت تهدا شوية ونبطل توتير في العلاقات والاجواء
شكرا على المدونة
Post a Comment