Wednesday 10 March 2010

اتقوا الله

  التلفزيون المصري يؤكد دفن شيخ الازهر سيد طنطاوي في البقيع، ولسه مافيش تأكيدات على احمد الطيب
يارب استرها معانا يا رب، البلد مليانة، اي حد غير احمد الطيب، انشالله معتز الدمرداش
-------------
سيبوا الراجل يدفن في البقيع وتوصله صلوات النبي حرام عليكوا بطلوا بقى انتوا عايزين منه ايه تاني؟ 
يا ساااااااااااااااااااااااتر عاملة زي النكتة بتاعة نفسك في ايه قبل ما تموت: اشوف مراتي وعيال
وسألوا التاني وانت نفسك في ايه قبل ما تموت: ما يشوفش مراته وعياله
يا باي مش كفاية ح يجيبوا لنا الطيب وصلاة الجمعة ح تقام في حجز الخليفة
------------------
انبسطتوا؟ انبسطتوا؟ اهو جالكوا احمد الطيب
يا ريتها كانت هربييييييييييييييييييييت ست الستات نامييييييييييييييييت
الله يرحمك يا شيخ طنطاوي
يالهوتيييييييييييييييييييييييييييييييييييييييييييييييييييي
اقابلكوا بقى بعد ما يرفد نص البلد ويسجن النص التاني
---------------
الموت مش عقوبة عشان الناس تفرح فيه، ده الحقيقة الواحدة اللي في حياتنا وكل ابن ادم رايح له
وفيه ناس شايفة ان الموت ده افراج واخلاء سبيل، زي انا بدون ذكر اسماء، واللي مش عايز يترحم ما يشمتش، كلنا رايحين الحفرة، ربنا يختم لنا بحسن الخاتمة، والله العظيم الدنيا سجن، ايه وجه الشماتة في ان واحد خرج من السجن؟
الله يرحمه ويخلف علينا بالخير

49 comments:

Anonymous said...

عين العقل و الله يا نواره ربنا يكملك بعقلك
الله يرحمه اٍن أراد و مبروك للدكتور أحمد الطيب

سامي said...

لسه سامع الخبر من شوية وتعليقي
انا لله وانا اليه راجعون

singamaraja said...

Visiting your blog

شمس العصارى said...

اننا لله و انا اليه راجعون
هو خلاص حقيقى مينفعش نتكلم عليه
ولا تجوز عليه سوى الرحمة
الله يرحمه

نعيب زماننا said...

Dear Nawara:

أحب أوضح أن تعليقي الأخير في الموضوع بتاع استقبال الريس كان المقصود به عوكل و عوكل فقط لأنك كنتي بتدوري على أغاني عن الموضوع. التعليق كتب ليلا و خبر الوفاة كان صبيحة اليوم التالي فالمسألة مسألة صدفة, و نظرا لأن لا أحد سيركز مع وقت نشر التعليق فأحببت أن أوضح لأني أكره أن يظن بي أني قد أسخر من موت انسان.
و الشيخ سيد طنطاوي رحمه الله كان صاحب أسلوب سلس و عذب سواء في كتابته أو تسجيلاته و لكن يسمع في المواضيع الدينية البحتة فقط و ليس المواضيع الاجتماعية الحالية.
فرحمه الله له ما له و عليه ما عليه و حسابه على الله و ليس البشر

mohamed de l'algérie said...

ina lilah w ina ilyhi raji3oun

حفيظة من الجزائر said...

ربي يرحم الشيخ الامام سيد طنطاوي و ان لله و ان اليه راجعون

Anonymous said...

الله يرحمه ويغفر له ولجميع المسلمين
وانه افضى لربه الميت لاتجوز عليه الا الرحمة

سبهللة said...

لاحول ولا قوة الا بالله العلى العظيم
انا مش مصدقة والله الخبر
لسة واحدة صاحبتى قايلالى جيت اتأكد من عندك

نعيب زماننا said...

الموت مش افراج الموت نتيجة امتحان و أهم امتحان في حياة البني أدم, و امتحان مش صعب و مفيش دكتور بيغتت عليك و يسقطك من غير وجه حق.
الموت إما بعد منه نجاح و راحة أبدية
و ما نحن بمييتين إلا موتتنا الأولى و ما نحن بمعذبين, إن هذا لهو الفوز المبين
و إما عذاب و ألم بلا نهاية
وترى المجرمين يومئذ مقرنين في الأصفاد سرابيلهم من قطران وتغشى وجوههم النار ليجزي الله كل نفس ما كسبت إن الله سريع الحساب
الفكرة أن النتيجتين أيا كانت فهي من اختيارك أنت وحدك.
كل أمتي يدخلون الجنة إلا من أبى . قالوا : يا رسول الله ، ومن يأبى ؟ قال : من أطاعني دخل الجنة ، ومن عصاني فقد أبى
الراوي: أبو هريرة المحدث: البخاري - المصدر: صحيح البخاري - الصفحة أو الرقم: 7280
خلاصة حكم المحدث: [صحيح]

فأعاننا الله على ذكره و شكره و حسن عبادته و أن نعبر من بوابة الموت إلى دار السلام أخوانا على سرر متقابلين

و سلام الله عليكم و رحمته و بركاته

نعيب زماننا said...

التعليق الأوقع على أحمد الطيب مش ست الستات نامت إنما

أحيه يا بو سوسو أحييييه
سوسو حترقص يا بو سوسو
أختي حترقص, أختي حترقص, أختي حترقص

Early bird said...

لا حول ولا قوه الا بالله

انا لله وانا اليه راجعون

انا بكيت .....ربنا يحسن ختامنا

صعب قوى ان الواحد يفاجأبنتيجه عمله
تخيل ان يوم النتيجه الواحد بيبقى عامل ايه وده امتحان دنيا فيه ملاحق واعاده ومصيرك يعنى مش عليه قوى لكن ده بقى بيكون القبر فيه اما روضه من رياض الجنه او حفره من حفر النار

اللهم ارحم الشيخ وتجاوز عنه

اللهم ارحم اموات المسلمين لا حول ولا قوه الا بك

مواطن مصري said...

البقاء ل الله

لا شماتة في الموت

مهما كان دة بشر حسابة عند الله مش عند البشر

Anonymous said...

اللهم حاكمه بعدلك لقاء ما قدم

اللهم إياك أدعو على كل من ولي من أمر المسلمين شيئاً ..فشق عليهم فاشقق عليه

دفنه فى البقيع ليس له أية دلالة .. فرأس النفاق عبد الله بن إبى إبن سلول مدفون بالبقيع

و رأس الكفر الوليد بن المغيرة و أبو جهل أبو الحكم بن هشام و تابعهم أبو لهب مدفونون بجوار أحبائهم و رفقائهم فى الكفر .. فى مكة

هالة

Anonymous said...

نعيب زماننا


تعليقك عن مابعد الموت يحتاج الى اصلاح عاجل

يحيى ابراهيم said...

احمد الطيب
احمد الطيب

اللى يخاف من العفريت يطلعله

بطلي نفسنه اللى يستر عرضك

Anonymous said...

إنا لله وإنا له راجعون...ربنا يرحمه ويغفرله

بس محدش ملاحظ إن التلفزين المصرى مش مشغل حتى قرآن؟
خايفين من التفويل؟

Anonymous said...

إلى الذين يقولون اللهم أرحم موتانا ،هذا ليس من موتانا بل من موتاهم فلا تجوز عليه الرحمة، وإلى الذى يذكرنا بحديث السيدة عائشة أقول لك إن ابن عباس كان يلعن فاسقا وليس منافقا بل كبير المنافقين، وإلى كل هؤلاء الذين يشنفون آذاننا بعبارات الرحمة أذكرهم بموقف هذا الهالك من الضعفاء المحاصرين فى غزة وبموقفة من تشديد الحصار على اهل دينه وهو يصدر بيان مجمع البحوث الأسلامية، فإن استحق الرحمة بعد ذلك، فنسألكم الدعاء لإخوانكم بوش وشارون وحسنى مبارك


عاطف عماد

Anonymous said...

اللهم اغفر له وأرحمه وعافه واعف عنه واكرم نزله ووسع مدخله- إن كان محسناً فزد في حسناته وإن كان مسيئاً فتجاوز عنه اللهم وسع في قبره ونور له فيه ربنا تقبل دعاء
اللهــم اغفر له وارحمْه وعافه واعف عنه وأكرم نُزُله ووسع مُدخله واغسله بالماء والثلج والبرَد ونقّه من الذنوب والخطايا كما يُنقّى الثوب الأبيض من الدنس
اللهــم أبدله داراً خيراً من داره وأهلاً خيراً من اهله وزوجاً خيراًَ من زوجه وأدخله الجنة واعذه من عذاب القبر ومن عذاب النار .
اللهــم عامِلْهُ بما انت اهله ولا تعامله بما هو أهله

الأغاني للرأفتاني said...

الله يرحمه ويغفر
واعى حتى فى موته
البقيع
مع الشهداء والصديقين

wahat_alshohada said...

الموضوع مش شماتة اطلاقا
انا سعيدة انه بين يدى الله الان
هو لم يكن شخصا عاديا علشان نقول معلش
انا مش مسامحاه
و لن اقول الا اللى فى قلبى لا رحمه الله ولا غفر له

Unknown said...

لعل الله يتجاوز عن سيئاته بموته فى الأراضى المقدسه ودفنه فى البقيع بجانب الصحابه والشهداء وحسن أولئك رفيقا

اللهم ان هذا عبدك قد نزل الى جوارك مفتقدا" رحمتك وأنت غنى عن عذابه
اللهم ان كان من المسيئين فتنازل اللهم عن سيئاته وان كان من المحسنين فزد اللهم فى حسناته

the magnificent ninja said...

لأاااااااااااااااااااااااه
كله الا أحمد الطيب
ان شا الله يجيبوا فيفي عبده
بس بلاش أحمد الطيب
الله يرحمك يا طنطاوي

هراء لا داعى له ..... said...

أنا مش فاهم الجماعة إللى بيقولوا خلاص معادش ينفع نتكلم عنه

ليه يا جماعة ؟؟

هو بموته إنمحى من ذاكرة التاريخ

يعنى هو إحنا دلوقتى مش بنتكلم خلفاء المسلمين و علماءهم و شخصياتهم العامة المفسدين منهم و المصلحين

مش التاريخ بيذكر مفاسد المفسدين و بيشهر بيهم قدامنا علشان نتعظ و منعملش زيهم


دا حقيقى و لا لأ ؟؟؟؟


ولا لأ ...يبقى حرام نتكلم عنه علشان خلاص بقى الراجل مات و محدش يجيب سيرته تانى خااالص بقى

عندى طلب و رجاء حار


ياريت محدش يتناقش فى هل يا ترى يا هل ترى طنطاوى داخل جنة و لا نار


إحنا منعرفش و مش هنعرف


بس عايزين بقى نتناقش فى أعمال طنطاوى فى الدنيا بتاعتنا دى


طيب دا علشان نقطع فى فروته ؟؟و لا علشان كل وغد فينا يحس قد إيه هو ملاك و قريب من ربنا و إنه هيدخل الجنة راكب أتوبيس و يستصغر زنوبه و أفعاله ؟؟؟

لأ

بس علشان ندرس التاريخ كويس

علشان نفهم ــ يمكن نفهم ــ

علشان نعرف مين كويس و مين وحش

مين نسمعله و مين منسمعلوش

إيه نعمله و إيه منعملوش

إيه نعترض عليه و إيه نوافق عليه



سيبكم بقى من الدفن فى البقيع أو خارجه

الراجل مات

حسابه عند ربنا

لكن أعماله تاركة أثارها فى دنيتنا و ديننا

لو عايزين نتكلم يبقى نتكلم بدون كسوف و بدون مدارية عن هذه الأعمال

Anonymous said...

إستغفروا لأخيكم فإنه الآن يسئل
______
اللهم اغفر له وأرحمه وعافه واعف عنه واكرم نزله ووسع مدخله

إن كان محسناً فزد في حسناته وإن كان مسيئاً فتجاوز عنه اللهم وسع في قبره ونور له فيه ربنا تقبل دعاء

اللهــم اغفر له وارحمْه وعافه واعف عنه وأكرم نُزُله ووسع مُدخله واغسله بالماء والثلج والبرَد ونقّه من الذنوب والخطايا كما يُنقّى الثوب الأبيض من الدنس

اللهــم أبدله داراً خيراً من داره وأهلاً خيراً من اهله وزوجاً خيراًَ من زوجه وأدخله الجنة واعذه من عذاب القبر ومن عذاب النار


اللهــم عامِلْهُ بما انت اهله ولا تعامله بما هو أهله

Anonymous said...

احيى " هالة "الانونيمس فقد قالت ماأود قولة واحسن كمان حسن على

Anonymous said...

للاخت اللي دعت له بعدم الرحمة

انا معاكي في مشاعر الغضب من هذا البني آدم ولا ادعي له بالرحمة ولا املك ذرة من التعاطف معاه

ولكن في نفس الوقت لا يجوز ان ندعو له بعدم الرحمة وده بنص الحديث الشريف في صحيح مسلم

قال رسول الله صلى الله عليه وسلم :
" قال رجل : والله لا يغفر الله لفلان .. فقال الله عز وجل : من ذا الذي يتألى علي أن لا أغفر له !؟ إني قد غفرت له وأحبطت عملك
"


لنمسك لساننا عن هذا وان شئنا لندعو الله ان يعامله بعدله ...وفي كل الاحوال
:

إِن تُعَذِّبْهُمْ فَإِنَّهُمْ عِبَادُكَ وَإِن تَغْفِرْ لَهُمْ فَإِنَّكَ أَنتَ الْعَزِيزُ الْحَكِيمُ

شمس العصارى said...

على السريع كده
عن نفسى فى حياة الرجل كنت افرق بين العالم و المنصب
فلا يستطيع احد ان ينكر علمه
اما المنصب فهو سياسى بحت و مقصود ان يبقى الازهر اسير سياسة النظام
اعلم انه من الصعب ان نفرق بين العلم و
المنصب
لكن هى اشكالية كبيرة
ليس فى المنصب هذا فقط ولا فى الشخص هذا فقط و لكنها اشكالية مجتمع و دولة
رحل العالم ويرحمه الله
وبقى المنصب كما هو حتى لو تغير الشخص
يا جماعة الرجل بين يدى ربه الان فضلا الصمت

نعيب زماننا said...

تصحيح
الآيات عن طبيعة فوز أهل الجنة, لا أدري كيف أخطأت فيها, أكاد اقسم أني كتبتها صحيحة, لأني أتأكد من صحة الأيات و الأحاديث قبل نشرها
و لكن ما كان من صواب فمن الله و ما كان من خطأ فمن الشيطان و نفسي
الأيات من سورة الصافات
" أفما نحن بميتين 58 إلا موتتنا الأولى و ما نحن بمعذبين 59 إن هذا لهو الفوز العظيم 60
و جزى الله من نبهني للخطأ كل خير

نعيب زماننا said...

للأسف عندنا خلط شديد بين مكة المكرمة و المدينة المنورة من جهة و من جهة أخرى سائر مدن المملكة السعودية.
الناس في الشوارع بتتكلم أن الله أكرمه لأنه مات في السعودية, و لكن الرجل توفاه الله في الرياض. و هي لا تفرق كثيرا عن القاهرة أو كوالالمبور أو حتى تل أبيب.
.

lastcrazyboys said...

طويل العمر يطول عمره ..ويزهزه عصــره قال لك : لأااااا

والنبي ما يدفن إلا في ريحي

!!شكـــله ناسي ان هنـــاك مفيش تثبيـــت

وكل واحد بيشيـــل شيلتـــــه

Anonymous said...

جماعة هاني شاكر فرع غزة تنعي شيخ الأزهر. ـ
http://www.palestine-info.info/ar/default.aspx?xyz=U6Qq7k%2bcOd87MDI46m9rUxJEpMO%2bi1s7Ws8vsCSauVcXohucVX5sKSSp4ASU%2buD%2fgl2up40chQ9Qo3%2fHnWrgyzN%2flblcyNSWqx%2biyKyb3SqztM3lFB%2bTEO8Sna3R1A9e6ML5rvCmA8w%3d

ده رابط الخبر من موقعهم الرسمي

Anonymous said...

نسأل الله أن يتغمده بواسع رحمته وأن يسكنه فسيح جناته وأن يلهم أهله وذويه الصبر والسلوان

لاشماتة فى الموت

Nemo said...
This comment has been removed by the author.
Nemo said...
This comment has been removed by the author.
احمد سعيد said...

سينتمينتاليه مهترئه فعلا

نفس الموال لما حفيد الريس مات

واغلبكم تمنى له الهدايه وتوقعها

ولااااااااااااا الهوا


بصراحه

مقتنعتش بكلام حد الا واحه الشهداء وهراء لا داعى له


والاخ الانونيموس اللى ذكر الحديث الشريف

لا تعارض بين نص الحديث وبين الدعاء على المذكور

الحديث يقصد الناس اللى بينصبوا انفسهم مكان الله ويقولوا فلان هيغفر له وفلان لأ كانهم بيملوا قراراتهم على رب العزة


اما الدعاء على الظالم

ايه فيها


ظالم ولا لأ ؟
تاجر بدينه ولا لأ ؟
خرب بيوت كتير ولا لأ ؟
خرب الازهر ولا لأ ؟؟
سرق ولا لأ ؟؟


خلاص
عاوزينا ندعى له ليه ؟؟؟؟؟!!!!


الله لا يرحمه
ويحشرة مع احبائه
دا دعاء ورجائى من الله

والله يفعل ما يشاء


مش بقولكوا انتوا طيبين قوى

بكرة تترحموا على عوكل وتتمنوله المغفرة

ههههههههههههههههههه

lastcrazyboys said...

اه والله الحــاج احمد سعيد ده بيتكلم صوح

وانا فعلا نفسي الشعب ده يبطل طيبة وعبط ويبص لمصلحته
ويبقى شعب "غــلاوي" كده

زي الجماعة العراقيين..بيسحل الميتين

عليا النعمة انت خســارة تبقى في العبــاسية
انت المفروض تترقى ..وتبقى في " العروبــة"

وسلملي عالبرنجـــان

lastcrazyboys said...

اه والله الحــاج احمد سعيد ده بيتكلم صوح

وانا فعلا نفسي الشعب ده يبطل طيبة وعبط ويبص لمصلحته
ويبقى شعب "غــلاوي" كده

زي الجماعة العراقيين..بيسحل الميتين

عليا النعمة انت خســارة تبقى في العبــاسية
انت المفروض تترقى ..وتبقى في " العروبــة"

وسلملي عالبرنجـــان

Anonymous said...

@ Ahmed Said and all the others who think its ok to pray for him not to be forgiven. In the end it all comes down to intentions. Only God knows what was his intention behind every single controversial action he has taken. This rule applies to each and every one of us not only to officials and I wish we as humans think of that before we type one word or support one idea that could be an interpretation of a bad intention from us or could lead to bad actions by others, encouraged by what we wrote or what we have done.
Imam Mohamed Abdou was thought by many who lived at his time to be promoting wrong ideas among Muslims. Later on he was viewed as a revolutionary. The same happened with many who were in the public eye or held public positions. I'm not comparing late Sheik tantawi to Imam Abdou or defending his actions as an official. I am simply stating a fact of life that sometimes the actions and positions of some (esp officials) are understood only at a later time.

Mr. Ahmed Said, claimed that Mubarak did not become a better person or think more about the after life, meeting God and his responsibility for the wrongs in Egypt. You might be correct but you might be wrong as well and if you are wrong then you put yourself in a position of claiming a knowledge that only God has and that makes you at a very difficult position before God. Just like each one of us hates it when someone questions our true intentions, let us talk facts and leave the intentions of officials aside, after all they are only humans like us. More important, I wish we stop considering each others traitors or servants of one side or the other and spend more time thinking, analyzing and defending our points of view based on facts and rational thinking, away from the intentions that remain out of reach for our limited knowledge as humans.

Anonymous said...

اخيرا مش هشوف برنامج
حديث الروح احمدك يارب
ثم انتي فاهمة غلط يجوز اننا ندعي علي اللي ظلمنا
مش ربنا بيقول في القران الا لعنة الله علي الظالمين
وانتي بتقرأي في الفاتحة كل يوم
وتقولي الضالين والمغضوب عليهم
ام انكي بتقراي بفاتحة اخري غير التي نقرا بها؟؟

Anonymous said...

البقاء لله يانواره وياريت الاعلام الرسمى على أقله اللى مبيتكسفش على دمه لا يذيع تانى كلام الراجل اللى بيحل فوائد البنوك وعدم فرضية النقاب وغيره وغيره وغيره لأن كان إمبارح حاجة تكسف وقبل ماأنسى نشكر الملياردير سويرس اللى حط شريطه سوده على شاشته وجريدة البوم الساقع الطائفية !! رغم إنك ممكن تزعلى منى يانواره لما هو معروف عنك من دفاعك بدون توكيل عن النصارى

Anonymous said...

الجماعة اللى مش عايزن لا الطيب ولا الشرس ولا حتى القبيح !! أقول لهم ليه بتتدخلوا فى اللى ملكشوش فيه اللى ييجى ييجى واللى يروح يروح ودى بلدهم وهمه أحرار فيها !! ولكن الأهم إن الجميييييع بلا إستثناء حيقف أمام الله عريان وساعتها ..... بلاش أحسن نواره نجم تقص الكلام أو متنزلش تعليقى

احمد سعيد said...

قديما قالوا لا تضع الندى موضع السيف ولا السيف موضع الندى

يعنى الرحمه ليها وقتها والغضب والكراهيه ليهم وقتهم

مش شرط يكونوا دايما طاقه سلبيه زى ما الناس فاكرة

احيانا بيبقوا طاقه ايجابيه


ولما بييجى وقتهم ومبيطلعوش
بيحصل ضرر جامد


حطوا نفسكوا مكان موظف ولا امام اتخرب بيته بسبب عجرفه الابعد

ولا مكان المذيعه اللى جرى وراها بالجزمه فى ردهات الازهر وشتمها شتايم متطلعش من عربجى

ولا

ولا
ولا


تفتكروا هتلاقوا مكان تسامحوة ؟!!!


وعلى كدة بقى

ولو العادلى مات فى يوم

هتتمنوله الرحمه برضه ؟؟

عاوز اجابه

احمد سعيد said...

وبعدين انا مقلتش هيدخل النار ولا الجنه

ربنا هيغفر له ولا لأ

دى مش شغلتى

بس

الراجل دة افسد
وخرب
وباع
وظلم


اظن محدش فيكم ينكر دة

انا شخصيا مش مسامحه

وبتمنى من ربنا وبطلب منه

وبرجوة

وبقول

يارب اسألك الا تناله برحمتك

Anonymous said...

عزيزتي السيدة نوارة
لا أدري لم تشغلون أنفسكم بمن سيشغل المنصب الذي خلا بوفاة متقلده - الموضوع بالنسبة إلي منتهي منذ مدة طويلة ﻷن النظام عنده البديل في تخطيطاته فتاكل يعلم أن لكل نفس أجل و طبعا النظام مش سيستنى لما تقع الفاس في الرأس علشان يفكر من الذي يمكنه شغل المنصب على طريقة سلفه- أعتقد أن الموضوع واضح تماما - لكن فيه موضوع يخطر حاليا ببالي ليه كل اﻷسماء المتداولة لشغل المنصب أسماء أولا ﻷشخاص قاربوا سن المعاش - الموضوع ده مهم جدا - هل مصر أصبحت في مرحلة الشيخوخة مثلا؟ لماذا لا تفكروا في أشخاص ناضجة قدمها عمر يكفي للتغيير و التعديل؟ الموضوع ده أيضا بالنسبة للأسماء المتداولة كمرشحين محتملين للرءاسة! كل منهم تخطى السبعين و سيبك من أيمن و أمثاله في مثل بيقول ما تخدش من الجعجاع غير الكلام الحلو - أنتم في بلد نسبة الشباب فيها عالية جدا غير معظم بلاد أوروبا اللي نسبة الشيخوخة تتعدي ٦٥ بالمائة- و خذوا مثلا منهم فما فيش بلد أوروبي يرأسها من تعدى الثمانين و بلاش أوروبا تركيا مثلا شوفوا وصلت لأي مدى عندما تولت نخبة من الشباب زمام اﻷمر - التغيير لن يكون بيد الذين تخطوا مرحلة الهمة يعني لازم الشباب الناضج هو المطلوب هنا
و الشباب مش معناه هنا المراهقون

تحياتي و السلام

Anonymous said...

احمد سعيد

رأيك يبدو اصح من رأيي في الحديث

وان كنت لازلت بشكل شخصي اجده صعبا جدا ان ادعو لشخص بأن لا يرحمه الله

وان كنت برضه مستحيل ان ادعو لشيخ الازهر المتوفي بأن يرحمه الله

فلا هذا ولا ذاك...أسأل الله العدل له....والعافية لنا من ان نبيع ديننا بدنيانا

Anonymous said...

سؤال يا نوارة أرجو تجيبنى عليه لأنى بصدق لا أعرف إجابته

اين دفن عبد الله بن سلول رأس النفاق ؟

أين دفن 70 منافقاً أسر الرسول عليه الصلاة والسلام بأسمائهم إلى سيدنا حذيفة رضى الله عنه ؟

أين دفن أبى جهل وأبى لهب عليهما من الله ما يستحقانه؟

مجرد اسئلة بريئة أرجو أن تردى عليها فضلاً

Anonymous said...

السائل عن مكان دقن رئيس المنافقين ابن سلول فهو فب البقيع- راجع سورة التوبة أسة رقم ٨٠ و ابحث في أي كتاب تفسير عن سبب نزول اﻵية فستستنتج أنه دفن في البقيع أما عن السبعين اﻵخرين قهم أيضا مدفونون بالبقيع إن كانت حياتهم إنتهت بالمدينة المنورة - حذيفة رضي الله عنه لم يكن عنده تعليمات من الرسول صلعم بهذا الشأن التعليمات فقط كانت تختص عند إختمال تولي أحدهم لمنصب بإمكانه أن يصيب من خلاله ضررا باﻹسلام و /أو المسلمين وهذا شئ به حكمة مش كان ممكن أن أحدهم الرجوع تائيا و الرسول صلعم لم يطن يعلم الغيب و للغلم البقيع كانت قبل اﻹسلام مقيرة سثرب و جقن بها إن ذاك المشركون و غيرهم أيو جهل مات مقتولا في غزوة بدر و اﻷرجح أن دقن هناك أو في طرسق العودة لمكة المكرمة أما أبو لهب فقد مات مفهورا في مكة بعج معرفته للهذيمة ببدر و بالطبع دفن في مقابر مكة اللائقة برئيس قريش الذي كان هو منذ وفاة عم الرسول صلعم أبو طالب كل هذه المعلومات تجدها في كتب السيرة النبوية مثلا عند ابن إسحاق و آخرين و السلام

Anonymous said...

أسف أقصد اﻵية رقم ٨٤ من سورة البقرة و لو أن أحد كتب التفسير يدمج اﻵيسين ببعض و في الواقع لا أغتقد أن هناك تناقض

و شكرا